ᱵᱮᱸᱪ ᱵᱷᱟᱭᱤᱥ

ᱵᱮᱸᱪ ᱵᱷᱟᱭᱤᱥ (Bench vice) ᱫᱚ ᱣᱟᱨᱠ ᱯᱤᱥ ᱥᱟᱵᱽ ᱫᱚᱦᱚ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾ ᱱᱚᱶᱟ ᱫᱚ ᱯᱩᱭᱞᱩ ᱫᱷᱟᱣ ᱞᱟᱹᱜᱤᱫ ᱤᱝᱜᱽᱞᱚᱱᱰ ᱫᱤᱥᱚᱢ ᱨᱮ ᱛᱟᱭᱟᱨ ᱦᱩᱭ ᱞᱮᱱᱟ ᱾ ᱱᱚᱣᱟ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱞᱮᱠᱟᱱᱟᱜ ᱧᱟᱢᱚᱜᱼᱟ ᱾ ᱵᱮᱸᱪ ᱣᱟᱨᱠ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱ ᱵᱷᱟᱭᱤᱥ ᱫᱚ ᱵᱮᱸᱪ ᱵᱷᱟᱭᱤᱥ ᱟᱨᱵᱟᱝ ᱤᱸᱡᱤᱱᱤᱭᱚᱨᱥ ᱵᱷᱟᱭᱤᱥ ᱦᱚᱸᱠᱚ ᱢᱮᱛᱟᱜ ᱜᱮᱭᱟ ᱾ ᱟᱹᱰᱤ ᱧᱩᱛᱩᱢᱟᱱ ᱡᱤᱱᱤᱥ ᱠᱷᱟᱹᱛᱤᱨ ᱱᱚᱶᱟ ᱫᱚ ᱵᱷᱟᱨᱚᱛ ᱥᱟᱶᱛᱮ ᱟᱭᱢᱟᱸ ᱮᱴᱟᱜ ᱫᱤᱥᱚᱢ ᱨᱮ ᱟᱹᱰᱤ ᱡᱩᱨ ᱟᱹᱠᱷᱠᱤᱧᱚᱜ ᱜᱮᱭᱟ ᱾

ᱵᱮᱸᱪ ᱵᱷᱟᱭᱤᱥ ᱫᱚ ᱠᱟᱥᱴ ᱟᱭᱤᱨᱚᱱ (Cast iron) ᱟᱨᱵᱟᱝ ᱠᱟᱥᱴ ᱥᱴᱤᱞ (Cast steel) ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱡᱩᱨ ᱛᱮ ᱥᱟᱵᱽ ᱫᱚᱦᱚ ᱠᱟᱛᱮ ᱯᱷᱟᱭᱤᱞᱤᱝ(ᱜᱟᱥᱟᱣ), ᱥᱚᱭᱤᱝ(ᱜᱮᱜᱮᱫ), ᱛᱷᱨᱤᱭᱮᱰᱤᱝ ᱥᱟᱶᱛᱮ ᱮᱴᱟᱜ ᱛᱤᱛᱮᱭᱟᱜ ᱚᱯᱨᱮᱥᱚᱱ ᱨᱮ ᱜᱚᱜᱚᱲᱟᱼᱟ ᱾

ᱡᱳ ᱨᱮᱭᱟᱜ ᱚᱥᱟᱨ ᱦᱤᱥᱟᱹᱵᱽ ᱛᱮ ᱵᱷᱟᱭᱤᱥ ᱥᱟᱹᱭᱤᱡᱽ ᱮᱛᱚᱦᱚᱵ ᱟᱠᱟᱱᱟ ᱾ ᱫᱟᱹᱭᱠᱟᱹᱺ 150ᱮᱢᱮᱢ ᱯᱟᱨᱟᱞᱮᱞ ᱡᱳ ᱵᱮᱸᱪ ᱵᱷᱟᱭᱤᱥ ᱾

ᱵᱷᱟᱭᱤᱥ ᱨᱮᱭᱟᱜ ᱯᱟᱨᱴᱥ ᱠᱚ

• ᱯᱷᱤᱠᱥ ᱡᱳ

• ᱦᱟᱨᱰ ᱡᱳ

• ᱥᱯᱤᱱᱰᱤᱞ

• ᱦᱮᱱᱰᱮᱞ

• ᱵᱚᱠᱥ ᱱᱩᱴ

• ᱥᱯᱨᱤᱝ

ᱵᱮᱸᱪ ᱵᱷᱟᱭᱤᱥ