ᱵᱷᱞᱟᱫᱤᱢᱤᱨ ᱞᱮᱞᱤᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Bundesarchiv Bild 183-71043-0003, Wladimir Iljitsch Lenin

ᱵᱷᱞᱟᱫᱤᱢᱤᱨ ᱤᱞᱤᱪ ᱤᱭᱞᱤᱭᱟᱱᱚᱵᱷ(ᱫᱟᱱᱟᱝ ᱧᱤᱛᱩᱢ ᱞᱮᱞᱤᱱ[en.Vladimir_Lenin])(᱑᱒ ᱮᱯᱨᱤᱞ ᱑᱘᱗᱐ – ᱒᱑ ᱡᱟᱱᱩᱣᱟᱨᱤ ᱑᱙᱒᱔) ᱢᱟᱠᱥᱵᱟᱫᱤ ᱨᱩᱥ ᱵᱤᱯᱞᱚᱵᱤ ᱟᱨ ᱠᱚᱢᱤᱣᱱᱤᱥᱴ ᱨᱟᱡᱱᱤᱛᱤᱵᱤᱫᱽ ᱠᱟᱱᱟᱭ᱾ ᱚᱠᱴᱚᱵᱚᱨ ᱵᱤᱯᱞᱚᱵᱽ ᱟᱨ ᱢᱟᱨᱟᱝ ᱱᱚᱵᱷᱮᱢᱵᱚᱨ ᱵᱤᱯᱞᱚᱵᱽ ᱨᱮᱱ ᱢᱟᱨᱟᱝ ᱱᱮᱛᱟ ᱠᱟᱱᱟᱭ᱾ ᱩᱱᱤᱜᱮ ᱥᱳᱵᱷᱤᱭᱮᱛ ᱤᱣᱱᱤᱭᱚᱱ ᱨᱮᱱ ᱯᱟᱹᱦᱤᱞ ᱯᱨᱮᱥᱤᱰᱮᱱᱴ ᱠᱟᱱᱟᱭ᱾

ᱞᱮᱞᱤᱱ ᱫᱚ ᱵᱟᱜᱮ ᱥᱟᱭ ᱨᱮᱱ ᱢᱟᱨᱟᱝ ᱳᱭᱛᱤᱦᱟᱥᱤᱠ ᱦᱚᱲ ᱢᱮᱱᱛᱮᱭ ᱞᱮᱠᱦᱟᱜᱼᱟ᱾ ᱜᱚᱴᱟ ᱫᱷᱟᱹᱨᱛᱤ ᱨᱮ ᱵᱤᱛᱚᱨᱠᱤᱛ ᱟᱨ ᱯᱨᱚᱵᱷᱟᱵᱽᱥᱟᱞᱤ ᱦᱚᱲ ᱦᱚᱸ ᱠᱚ ᱢᱮᱛᱟᱭᱟ᱾ ᱩᱱᱤ ᱥᱮᱡ ᱨᱮᱱ ᱦᱚᱲ ᱠᱚ ᱫᱚ ᱢᱟᱱᱣᱟ ᱠᱚᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱵᱤᱨᱵᱟᱱᱴᱟ ᱠᱚ ᱢᱮᱛᱟᱭᱟ᱾ ᱟᱨ ᱩᱱᱤ ᱵᱤᱨᱩᱫᱷ ᱨᱮᱱ ᱦᱚᱲ ᱫᱚ ᱥᱳᱭᱨᱟᱪᱟᱨᱤ ᱥᱟᱥᱚᱠ, ᱜᱷᱟᱨᱚᱪ ᱞᱟᱲᱟᱣᱱᱟ ᱟᱨ ᱢᱟᱱᱣᱟ ᱟᱹᱭᱫᱟᱹᱨᱤ ᱨᱟᱹᱯᱩᱫ ᱦᱚᱲ ᱠᱚ ᱢᱮᱛᱟᱭᱟ᱾ ᱮᱱᱨᱮᱦᱚᱸ ᱜᱚᱴᱟ ᱫᱷᱟᱹᱨᱛᱤᱨᱮ ᱥᱳᱵᱷᱤᱭᱮᱛ ᱤᱣᱱᱤᱭᱚᱱ ᱨᱮᱱ ᱡᱟᱱᱟᱢ ᱫᱟᱛᱟ ᱦᱤᱥᱟᱹᱵᱽ ᱛᱮ ᱠᱚ ᱵᱟᱰᱟᱭᱮᱭᱟ᱾ ᱚᱱᱟ ᱵᱟᱹᱜᱤ ᱠᱟᱛᱮᱜ ᱦᱚᱸ ᱢᱟᱨᱠᱥᱵᱟᱫᱽ ᱟᱨ ᱞᱮᱞᱤᱱᱵᱟᱫᱽ ᱨᱮᱱ ᱮᱱᱮᱢᱤᱭᱟᱹ ᱦᱚᱸ ᱠᱚ ᱢᱮᱛᱟᱭᱟ᱾ ᱞᱮᱞᱤᱱ ᱫᱷᱟᱹᱨᱛᱤ ᱨᱮᱱ ᱥᱟᱢᱢᱚᱵᱟᱫᱽ ᱞᱟᱲᱟᱣᱱᱟ ᱨᱮᱱ ᱱᱮᱛᱟ ᱦᱚᱸ ᱠᱚ ᱢᱟᱱᱟᱣᱮᱭᱟ᱾

ᱡᱟᱱᱟᱢ ᱨᱮᱱᱟᱜ ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱮᱞᱤᱱ ᱫᱚ ᱑᱘᱗᱐ ᱥᱮᱨᱢᱟ ᱨᱮᱱᱟᱜ ᱒᱒ ᱮᱯᱨᱤᱞ ᱡᱟᱨ ᱥᱟᱥᱚᱱᱚᱜ ᱨᱟᱥᱤᱭᱟ ᱨᱮᱱᱟᱜ ᱥᱤᱢᱵᱤᱨᱥᱠ ᱥᱚᱦᱚᱨ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤᱭᱟᱜ ᱟᱥᱚᱞ ᱧᱤᱛᱩᱢ ᱫᱚ ᱵᱷᱞᱟᱫᱤᱢᱤᱨ ᱤᱞᱤᱪ ᱤᱭᱞᱤᱭᱟᱱᱚᱵᱷ᱾ ᱟᱡ ᱵᱟᱵᱟᱣᱟᱜ ᱧᱤᱛᱩᱢ ᱫᱚ ᱞᱟ ᱱᱤᱠᱳᱞᱭᱮᱵᱷᱤᱪ ᱩᱭᱞᱤᱭᱟᱱᱚᱵᱷ᱾ ᱟᱡ ᱵᱟᱵᱟ ᱫᱚ ᱢᱤᱫᱴᱮᱱ ᱤᱥᱠᱩᱞ ᱨᱮᱱ ᱧᱮᱧᱮᱞᱤᱡ ᱟᱨ ᱜᱚᱱᱚᱛᱚᱱᱛᱨᱚᱵᱟᱫᱽ ᱨᱮᱱ ᱜᱳᱸᱬᱟ ᱥᱚᱢᱚᱨᱛᱷᱚᱠᱮ ᱛᱟᱦᱮ ᱠᱟᱱᱟ᱾ ᱟᱡ ᱜᱚᱜᱚ ᱢᱟᱨᱤᱭᱟ ᱟᱞᱮᱠᱥᱡᱟᱱᱰᱨᱟᱵᱷᱚᱱᱟ ᱩᱣᱞᱤᱭᱟᱱᱚᱵᱷᱟ ᱫᱚ ᱟᱹᱰᱤ ᱧᱤᱛᱩᱢᱟᱱ ᱰᱟᱠᱛᱚᱨ ᱨᱮᱱᱦᱚᱯᱚᱱᱮᱨᱟᱭ ᱟᱨ ᱢᱟᱪᱮᱫ ᱮ ᱛᱟᱦᱮ ᱠᱟᱱᱟ᱾ ᱟᱡ ᱫᱟᱫᱟ ᱟᱞᱮᱠᱥᱡᱟᱱᱰᱟᱨ ᱫᱚ ᱡᱟᱨ ᱜᱚᱡ ᱨᱮᱱᱟᱜ ᱥᱚᱲᱚᱡᱚᱱᱛᱨᱮᱚ ᱨᱮ ᱫᱳᱥᱤ ᱠᱟᱛᱮᱜ ᱠᱚ ᱯᱷᱟᱹᱥᱤ ᱟᱠᱟᱫᱤᱭᱟ᱾ ᱢᱤᱥᱨᱟᱛ ᱛᱮᱫ ᱮᱱᱟ ᱤᱞᱤᱪᱱᱤᱱᱟ ᱫᱚ ᱞᱮᱞᱤᱱ ᱨᱮᱱ ᱡᱚᱛᱚ ᱞᱮᱠᱟᱱ ᱜᱚᱬᱚᱭᱤᱡ ᱮ ᱛᱟᱦᱮ ᱠᱟᱱᱟ᱾