ᱵᱷᱤᱱᱡᱟᱢᱩᱨᱤ ᱚᱱᱚᱥᱩᱭᱟ ᱫᱮᱵᱤ
| ᱵᱷᱤᱱᱡᱟᱢᱩᱨᱤ ᱚᱱᱚᱥᱩᱭᱟ ᱫᱮᱵᱤ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱒ ᱢᱮ ᱑᱙᱒᱐ East Godavari district, Andhra Pradesh, British India |
| ᱜᱩᱨ | ᱪᱷᱟᱸᱪ:Dda |
| ᱫᱤᱥᱚᱢᱤᱭᱟᱹ | Indian |
| ᱠᱟᱹᱢᱤ | Singer, harmonium player, music composer |
ᱵᱷᱤᱱᱡᱟᱢᱩᱨᱤ ᱚᱱᱚᱥᱩᱭᱟ ᱫᱮᱵᱤ (᱑᱒ ᱢᱮ ᱑᱙᱒᱐ ᱨᱮ ᱡᱟᱱᱟᱢ ᱞᱮᱱᱟᱭ - ᱒᱓ ᱢᱟᱨᱪ , ᱒᱐᱑᱙ ᱵᱚᱝᱜᱟ ᱛᱟᱞᱟ ᱠᱟᱱᱟᱭ), ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱢᱤᱫ ᱥᱮᱨᱮᱧᱤᱡ, ᱦᱟᱨᱢᱚᱱᱤᱭᱚᱢ ᱨᱩᱨᱩᱭᱤᱡ ᱟᱨ ᱥᱮᱨᱮᱧ ᱜᱟᱵᱟᱱᱤᱡ ᱟᱨ ᱥᱮᱨᱮᱧ ᱚᱞᱚᱜᱤᱡ ᱠᱟᱱ ᱛᱟᱦᱮᱱᱫ ᱾ [᱑] [᱒] [᱓]
ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱱᱚᱥᱩᱭᱟ ᱫᱮᱵᱤᱭᱟᱜ ᱡᱟᱱᱟᱢ ᱑᱒ ᱢᱮ ᱑᱙᱒᱐ ᱦᱤᱞᱚᱜ ᱟᱱᱫᱷᱨᱟᱯᱨᱚᱫᱮᱥ ᱨᱮᱱᱟᱜ ᱠᱟᱠᱤᱱᱟᱰᱟ ᱨᱮ ᱡᱟᱱᱟᱢ ᱞᱮᱱᱟᱭ ᱾ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱵᱷᱤᱱᱡᱟᱢᱩᱨᱤ ᱵᱦᱮᱸᱠᱚᱴ ᱞᱚᱠᱥᱢᱤ ᱱᱚᱨᱚᱥᱤᱢᱟᱸ ᱨᱟᱣ ᱛᱟᱦᱮᱸ ᱠᱟᱱᱟ ᱾ ᱚᱱᱚᱥᱩᱭᱟ ᱫᱮᱵᱤ ᱢᱤᱫ ᱞᱮᱠᱟᱛᱮ ᱢᱤᱫ ᱰᱟᱨᱢᱟ ᱵᱟᱰᱚᱦᱤ, ᱚᱱᱚᱞᱤᱭᱟᱹ ᱛᱮᱞᱜᱩ ᱟᱨ ᱥᱟᱱᱥᱠᱨᱤᱛ ᱨᱤᱱᱤᱡ ᱯᱚᱱᱰᱤᱛ-ᱮ ᱛᱟᱦᱮᱸ ᱠᱟᱱᱟ ᱾ [᱒] ᱟᱡ ᱠᱩᱲᱤ ᱵᱚᱭᱦᱟ ᱦᱟᱜ ᱧᱩᱛᱩᱢ ᱵᱷᱤᱱᱡᱟᱢᱩᱨᱤ ᱥᱤᱛᱟ ᱫᱮᱵᱤ ᱩᱱᱤ ᱦᱚᱸ ᱢᱤᱫ ᱚᱱᱚᱞᱤᱭᱟᱹ ᱥᱟᱶ ᱛᱮᱞᱩᱜᱩ ᱥᱮᱨᱮᱧ ᱨᱩᱥᱤᱠᱟᱭ ᱛᱟᱦᱮᱸ ᱠᱟᱱᱟ ᱾ [᱔]
ᱠᱟᱹᱢᱤᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱱᱚᱥᱩᱭᱟ ᱫᱮᱵᱤ ᱟᱹᱰᱤ ᱯᱨᱚᱛᱤᱵᱷᱟᱵᱟᱱ ᱠᱩᱲᱤ ᱛᱟᱦᱮᱸ ᱠᱟᱱᱟᱭ , ᱡᱟᱦᱟᱸᱭ ᱘ ᱥᱟᱞ ᱩᱢᱮᱨ ᱨᱮᱜᱮ ᱟᱡ ᱟᱡᱟᱜ ᱯᱩᱭᱞᱩ ᱜᱨᱟᱢᱳᱯᱷᱳᱱ ᱨᱮᱠᱚᱨᱰ ᱞᱮᱫᱟᱭ ᱾ ᱚᱱᱟ ᱨᱮᱠᱚᱨᱰ ᱨᱮ ᱧᱩᱛᱩᱢ ᱟᱱ ᱦᱚᱲ ᱥᱮᱨᱮᱧ ᱟᱭᱳ ᱠᱳᱭᱳᱫᱟ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱥᱮᱨᱮᱧ ᱛᱟᱭᱚᱢ ᱛᱮ ᱚᱱᱟ ᱚᱠᱛᱚᱨᱮᱱᱟᱜ ᱧᱩᱛᱩᱢᱟᱱ ᱠᱟᱛᱷᱟ ᱪᱤᱛᱟᱹᱨ ᱭᱮᱨᱩᱵᱟᱠᱟ ᱥᱟᱜᱟᱨᱳ ᱨᱚᱛᱱᱳ ᱨᱮ ᱵᱮᱵᱷᱟᱨ ᱞᱮᱱᱟ ᱾ᱟᱡ ᱦᱚᱯᱚᱱ ᱵᱟᱵᱟ ᱫᱮᱵᱩᱞᱯᱚᱞᱞᱤ ᱠᱨᱩᱥᱬᱚ ᱥᱟᱥᱛᱨᱤ ᱚᱞ ᱞᱮᱫ ᱧᱩᱛᱩᱢ ᱟᱱ ᱫᱤᱥᱚᱢ ᱫᱩᱞᱟᱹᱲ ᱥᱮᱨᱮᱧ ᱡᱚᱢᱟ ᱡᱚᱢᱟ ᱡᱚᱢᱟ ᱯᱨᱤᱭᱟ ᱵᱷᱟᱨᱚᱛᱤ ᱦᱚᱸᱭ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱾ ᱚᱱᱚᱞᱤᱭᱟᱹ, ᱥᱮᱨᱮᱧ ᱨᱩᱥᱤᱠᱟ ᱟᱨ ᱵᱟᱰᱚᱦᱤ ᱛᱮᱜᱮ ᱯᱮᱨᱮᱡ ᱞᱮᱱ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱟᱠᱟᱱ ᱚᱱᱚᱥᱩᱭᱟ ᱫᱮᱵᱤ ᱟᱡᱤᱡ ᱜᱩᱨᱩ ᱢᱩᱱᱩᱝᱜᱩᱴᱤ ᱵᱮᱸᱠᱚᱴ ᱨᱟᱣ ᱴᱷᱮᱫ ᱠᱷᱚᱱ ᱥᱮᱨᱮᱧ ᱮ ᱟᱪᱮᱫ ᱞᱮᱱᱟᱭ ᱾ ᱟᱱᱫᱷᱨᱟ ᱨᱮᱱᱟᱜ ᱯᱩᱱᱚᱨᱡᱟᱜᱚᱨᱚᱬ ᱦᱩᱞ ᱨᱮ ᱢᱤᱫ ᱟᱹᱜᱩᱣᱟᱹᱱ ᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱒᱘ ᱨᱮ ᱟᱡᱟᱜ ᱥᱮᱨᱮᱧ ᱠᱟᱢᱤᱦᱚᱨᱟ ᱟᱨ ᱑᱙᱓᱘ ᱨᱮ ᱢᱟᱰᱨᱟᱥ ᱨᱮᱱᱟᱜ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱛᱩᱞᱩᱡ ᱛᱮ ᱥᱮᱨᱮᱧ ᱟᱨ ᱥᱮᱱᱮᱨᱮᱧ ᱨᱮᱱᱟᱜ ᱱᱟᱣᱟ ᱩᱯᱩᱨᱩᱢ ᱮ ᱵᱮᱨᱮᱫ ᱠᱮᱫᱟ ᱾ ᱟᱡ ᱟᱹᱰᱤᱜᱟᱱ ᱫᱷᱩᱱ ᱦᱚᱸᱭ ᱜᱟᱵᱟᱱ ᱟᱠᱟᱫᱟ ᱾ ᱚᱱᱟᱠᱚ ᱢᱩᱫ ᱨᱮ ᱵᱤᱠᱴᱟ ᱭᱳᱜᱤ, ᱵᱚᱡᱤᱠᱳᱴᱴᱭᱤ ᱵᱚᱞᱤᱵᱚᱱ (ᱛᱟᱢᱤᱞ), ᱨᱳᱡᱩᱞᱩ ᱢᱚᱨᱟᱭᱚᱭᱤ, ᱢᱚᱞᱞᱮᱥᱣᱚᱨᱤ, ᱵᱚᱸᱜᱟᱨᱩ ᱯᱟᱯᱟ, ᱮᱜᱜᱤ ᱨᱟᱢᱩᱰᱩ, ᱯᱤᱸᱠᱤ ᱯᱮᱞᱚᱢ, ᱠᱚᱱᱚᱠᱚ ᱫᱩᱨᱜᱟ ᱢᱚᱦᱟᱛᱷᱚᱢ, ᱳᱠᱟ ᱳᱨᱤ ᱠᱚᱛᱷᱟ (ᱛᱮᱞᱮᱜᱩ) , ᱨᱟᱡ ᱛᱤᱞᱚᱠ (ᱦᱤᱱᱫᱤ) ᱟᱭᱢᱟ ᱮᱢᱟᱱ ᱠᱚ᱾ ᱟᱡ ᱢᱚᱦᱟᱛᱢᱟ ᱠᱚᱵᱤᱨ (ᱠᱚᱱᱱᱚᱰᱚ) ᱟᱨ ᱵᱳᱢᱢᱞᱴᱟ (ᱴᱮᱞᱩᱜᱩ) ᱞᱮᱠᱟᱱ ᱯᱷᱤᱞᱤᱢ ᱨᱮᱦᱚᱸ ᱫᱤᱥᱟᱹ ᱩᱫᱩᱜ ᱮ ᱮᱢ ᱟᱠᱟᱫᱟ ᱾
ᱥᱤᱨᱯᱟᱹ ᱟᱨ ᱥᱟᱨᱦᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱱᱚᱥᱩᱭᱟ ᱫᱮᱵᱤ ᱠᱚᱲᱟ ᱯᱨᱚᱯᱳᱨᱚᱱᱟ ᱢᱟᱱ ᱥᱤᱨᱯᱟᱹᱭ ᱣᱟᱢ ᱞᱮᱫ ᱛᱟᱦᱮᱸᱫ ᱾ ᱑᱙᱗᱗ ᱥᱟᱞ ᱨᱮ ᱟᱱᱫᱷᱨᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱜᱮ ᱰᱚᱠᱴᱚᱨᱮᱴ ᱩᱯᱟᱹᱫᱷᱤ ᱧᱟᱢ ᱞᱮᱫᱟᱭ ᱾ ᱟᱢᱮᱨᱤᱠᱟ ᱨᱮ ᱡᱤᱭᱚᱱ ᱵᱷᱩᱨ ᱠᱟᱹᱢᱤ ᱦᱟᱥᱞᱟ ᱟᱣᱟᱨᱰ , ᱯᱮᱨᱤᱥ ᱨᱮ ᱠᱩᱭᱤᱱ ᱚᱯᱷ ᱯᱷᱳᱠ ᱥᱤᱨᱯᱟᱹᱭ ᱧᱟᱢ ᱞᱮᱫᱟ ᱾
ᱜᱚᱡᱽ ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱱᱚᱞᱤᱭᱟᱹ ᱵᱷᱤᱱᱡᱟᱢᱩᱨᱤ ᱚᱱᱥᱩᱭᱟ ᱫᱮᱵᱤ ᱙᱘ ᱩᱢᱮᱨ ᱨᱮ ᱟᱢᱮᱨᱤᱠᱟ ᱨᱮᱱᱟᱜ ᱦᱭᱩᱨᱚᱥ ᱨᱮ ᱵᱚᱝᱜᱟ ᱮᱱᱟᱭ ᱾ ᱟᱡᱟᱜ ᱵᱟᱨᱭᱟ ᱯᱚᱛᱚᱵ ᱵᱷᱚᱵᱚ ᱜᱤᱛᱩ( ᱦᱚᱲ ᱥᱥᱮᱨᱮᱧ ᱨᱮᱱᱟᱜ ᱥᱟᱢᱴᱟᱣ) ᱪᱟᱞᱟᱣᱮᱱ ᱒᱐᱑᱘ ᱮᱯᱨᱤᱞ ᱑᱒ ᱨᱮ ᱟᱡᱟᱜ ᱙᱐ ᱥᱮᱨᱢᱟ ᱯᱩᱨᱟᱹᱣ ᱡᱟᱱᱟᱢ ᱢᱟᱦᱟᱸᱨᱮ ᱥᱟᱨᱦᱟᱣ ᱟᱛᱮᱫ ᱯᱟᱨᱥᱟᱞ ᱩᱪᱷᱟᱹᱱ ᱞᱮᱱᱟ ᱾ ᱦᱚᱲ ᱥᱮᱨᱮᱧ ᱟᱨ ᱦᱚᱲ ᱥᱮᱱᱮᱨᱧ ᱪᱮᱛᱟᱱ ᱨᱮ ᱟᱨ ᱦᱚᱸ ᱗ ᱜᱚᱴᱟᱝ ᱯᱚᱛᱚᱵ ᱦᱟᱸ ᱯᱟᱨᱥᱟᱞ ᱟᱠᱟᱱ ᱛᱟᱭᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Queen of folk music - HYDB". The Hindu. Retrieved 2018-06-03.
- ↑ ᱒.᱐ ᱒.᱑ "With many firsts to her credit - MADS". The Hindu. Retrieved 2018-06-03.
- ↑ "Space across new horizons - MADS". The Hindu. Retrieved 2018-06-03.
- ↑ Srihari, Gudipoodi "An Era of Light Music", The Hindu June 11, 2018
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- "NATA 2012 Award Winners". Indo American News. Archived from the original on 2018-05-22. Retrieved 2018-06-03.
- https://www.madhuravani.com/anasuya మధురవాణి అంతర్జాల పత్రిక ప్రత్యేకం. madhuravani.com
- https://www.madhuravani.com/blank-41 మధురవాణి అంతర్జాల పత్రిక ప్రత్యేకం. madhuravani.com
- https://www.youtube.com/watch?v=ls9FXBHuX-s&t=677s Vinjamuri Anasuya Devi folk songs - original tracks