ᱵᱷᱩᱢᱤᱫᱷᱚᱨ ᱵᱚᱨᱢᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱰᱨᱹ ᱵᱷᱩᱢᱤᱫᱷᱚᱨ ᱵᱚᱨᱢᱚᱱ (ᱤᱝᱨᱟᱹᱡᱤ: Dr. Bhumidhar Barman) ᱫᱚᱭ ᱦᱚᱭᱚᱜ ᱠᱟᱱᱟ ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱱ ᱢᱤᱫᱴᱮᱱ ᱧᱩᱛᱩᱢᱟᱱ ᱨᱟᱡᱟᱨᱤᱭᱟᱹ ᱛᱟᱸᱦᱟᱸ ᱟᱥᱟᱢ ᱨᱮᱱ ᱢᱟᱨᱮ ᱢᱩᱠᱷᱭᱟᱹ ᱢᱚᱱᱛᱨᱤ| ᱩᱱᱤ ᱫᱚ ᱥᱤᱧᱚᱛ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱮᱱ ᱢᱤᱫᱴᱮᱱ ᱧᱩᱢᱩᱜᱚᱜ ᱞᱮᱠ ᱱᱮᱛᱟᱭ ᱛᱟᱦᱮᱸᱠᱟᱱᱟ| ᱩᱱᱤ ᱫᱚ ᱑᱙᱙᱖ ᱥᱮᱨᱢᱟ ᱒᱒ ᱮᱯᱨᱤᱞ ᱢᱟᱹᱦᱤᱛ ᱠᱷᱚᱱ ᱑᱕ ᱢᱮ, ᱑᱙᱙᱖ ᱢᱟᱹᱦᱤᱛ ᱦᱟᱹᱵᱤᱡ ᱟᱥᱟᱢ ᱨᱮᱱ ᱢᱩᱠᱷᱭᱟᱹ ᱢᱚᱱᱛᱨᱤ ᱨᱮᱭᱟᱜ ᱦᱩᱫᱟᱹ ᱨᱮ ᱛᱟᱦᱮᱸᱠᱟᱱᱟ| ᱩᱱᱤ ᱫᱚ ᱟᱥᱟᱢ ᱵᱤᱫᱷᱟᱱ ᱥᱚᱵᱷᱟ ᱛᱮ ᱮᱭᱟᱭ ᱫᱷᱟᱣ ᱞᱟᱹᱜᱤᱫ-ᱮ ᱵᱟᱪᱷᱱᱟᱣ ᱚᱪᱚ ᱞᱮᱱᱟ|

ᱡᱟᱱᱟᱢ ᱟᱨ ᱵᱚᱸᱥ ᱵᱩᱫᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱓᱑ ᱥᱮᱨᱢᱟ ᱨᱮᱭᱟᱜ ᱑᱒ ᱚᱠᱚᱴᱚᱵᱚᱨ ᱢᱟᱹᱦᱤᱛ ᱨᱮ ᱰᱨᱹ ᱵᱷᱩᱢᱤᱫᱷᱚᱨ ᱵᱚᱨᱢᱚᱱ ᱫᱚ ᱱᱚᱞᱵᱟᱲᱤ ᱦᱚᱱᱚᱛ ᱨᱮᱭᱟᱜ ᱵᱮᱞᱥᱚᱨ ᱧᱩᱛᱩᱢᱟᱱ ᱟᱹᱛᱩ ᱨᱮ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱛᱟᱦᱮᱸᱠᱟᱱᱟ ᱵᱷᱚᱠᱚᱛᱨᱟᱢ ᱵᱚᱨᱢᱚᱱ ᱟᱨ ᱮᱝᱜᱟᱛ ᱶᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸᱠᱟᱱᱟ ᱢᱟᱴᱷᱚᱯᱨᱤᱭᱟ ᱯᱨᱚᱢᱚᱱ| ᱵᱷᱚᱠᱚᱛᱨᱟᱢ ᱵᱚᱨᱢᱚᱱ ᱫᱚ ᱢᱤᱫᱛᱮᱱ ᱧᱩᱛᱩᱢᱟᱱ ᱵᱮᱯᱟᱨᱤᱭᱮ ᱛᱟᱦᱮᱸᱠᱟᱱᱟ| ᱵᱷᱚᱠᱚᱛᱨᱟᱢ ᱨᱮᱱ ᱢᱚᱬᱮ ᱜᱚᱴᱟᱝ ᱦᱚᱯᱚᱱ ᱢᱩᱫᱽ ᱨᱮ ᱯᱮᱭᱟ ᱫᱚ ᱠᱚᱲᱟ ᱦᱚᱯᱚᱱ ᱟᱨ ᱵᱟᱨᱭᱟ ᱫᱚ ᱠᱩᱲᱤ ᱦᱚᱯᱚᱱ ᱠᱤᱱ ᱛᱟᱦᱮᱸᱠᱟᱱᱟ| ᱮᱝᱜᱟ ᱟᱯᱟ ᱨᱮᱱ ᱡᱚᱛᱚ ᱠᱷᱚᱱ ᱦᱩᱰᱤᱧ ᱩᱛᱟᱹᱨᱤᱡ-ᱮ ᱛᱟᱦᱮᱸᱠᱟᱱᱟ ᱰᱨᱹ ᱵᱷᱩᱢᱤᱫᱚᱨ ᱵᱚᱨᱢᱚᱱ|

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱨᱹ ᱵᱷᱩᱢᱤᱫᱷᱚᱨ ᱵᱚᱨᱢᱚᱱ ᱫᱚ ᱵᱮᱞᱥᱚᱨ ᱨᱮᱭᱟᱜ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱨᱮᱜᱮ ᱯᱟᱹᱦᱤᱞ ᱥᱮᱪᱮᱫ ᱫᱚᱭ ᱦᱟᱛᱟᱣ ᱞᱮᱫᱟ| ᱑᱙᱕᱑ ᱥᱮᱨᱢᱟ ᱨᱮ ᱴᱤᱦᱩ ᱦᱟᱭ ᱥᱠᱩᱞ ᱠᱷᱚᱱ ᱫᱚᱥᱟᱨ ᱰᱤᱵᱤᱡᱚᱱ ᱛᱮ ᱢᱮᱴᱨᱤᱠ ᱵᱤᱱᱤᱰ ᱨᱮᱭᱮ ᱯᱟᱥ ᱮᱱᱟ| ᱑᱙᱕᱓ ᱥᱮᱨᱢᱟ ᱨᱮ ᱠᱚᱴᱚᱱ ᱠᱚᱞᱮᱡᱽ ᱠᱷᱚᱱ ᱟᱭᱹᱮᱥᱹᱥᱤᱹ ᱵᱤᱱᱤᱰ ᱫᱚᱭ ᱚᱰᱚᱠ ᱞᱮᱱᱟ| ᱤᱱᱟᱹ ᱛᱟᱭᱱᱚᱢ ᱰᱤᱜᱽᱨᱩᱜᱚᱲ ᱟᱥᱟᱢ ᱨᱟᱨᱟᱱ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮᱭᱮ ᱵᱷᱩᱨᱴᱤᱭᱮᱱᱟ| ᱑᱙᱕᱘ ᱥᱮᱨᱢᱟ ᱨᱮ ᱟᱹᱰᱤ ᱢᱟᱹᱱ ᱥᱟᱞᱟᱜ ᱮᱢᱹᱵᱤᱹᱵᱤᱮᱥᱹ ᱭᱮ ᱯᱟᱥ ᱚᱰᱚᱠ ᱮᱱᱟ|

ᱠᱟᱹᱢᱤ ᱠᱟᱹᱥᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱢᱹ ᱵᱤᱹ ᱵᱤᱹ ᱮᱥᱹ ᱵᱤᱱᱤᱰ ᱯᱟᱥ ᱠᱟᱛᱮ ᱟᱠᱚ ᱟᱹᱛᱩ ᱵᱮᱞᱥᱚᱨ ᱨᱮᱜᱮ ᱢᱤᱫᱴᱮᱱ ᱱᱤᱡᱟᱹ ᱨᱟᱜᱨᱟᱱ ᱥᱮᱣᱟ ᱛᱟᱞᱢᱟᱭ ᱵᱮᱱᱟᱣ ᱞᱮᱫᱟ| ᱑᱙᱖᱓ ᱥᱮᱨᱢᱟ ᱨᱮ ᱟᱥᱟᱢ ᱥᱚᱨᱠᱟᱨ ᱟᱜ ᱪᱟᱹᱠᱨᱤ ᱨᱮᱭᱮ ᱥᱮᱞᱮᱫ ᱞᱮᱱᱟ ᱥᱟᱞᱢᱟᱨᱟ ᱮᱛᱚᱦᱚᱵ ᱱᱤᱯᱷᱩᱴ ᱦᱚᱲᱢᱚ ᱛᱟᱞᱢᱟ ᱨᱮ ᱨᱟᱨᱟᱱᱤᱡ ᱧᱩᱛᱩᱢ ᱛᱮ ᱠᱚ ᱵᱟᱦᱟᱞᱤ ᱞᱮᱫᱮᱭᱟ| ᱩᱱᱤ ᱰᱚ ᱵᱚᱨᱯᱮᱴᱟ ᱱᱤᱯᱷᱩᱴ ᱦᱚᱲᱢᱚ ᱛᱟᱞᱢᱟ ᱨᱮ ᱯᱟᱹᱦᱤᱞ ᱫᱷᱟᱯ ᱨᱮᱱ ᱜᱚᱜᱲᱚᱭᱤᱡ ᱥᱟᱨᱡᱮᱱ ᱞᱮᱠᱟ ᱛᱮᱦᱚᱸᱭ ᱵᱟᱦᱟᱞᱤ ᱚᱪᱚ ᱞᱮᱱᱟ|

ᱨᱟᱡᱟᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱨᱹ ᱵᱷᱩᱢᱤᱫᱷᱚᱨ ᱵᱚᱨᱢᱚᱱ ᱫᱚ ᱢᱤᱫᱴᱮᱱ ᱢᱚᱧᱡᱽ ᱨᱟᱨᱟᱱᱤᱡ ᱞᱮᱠᱟ ᱛᱮ ᱜᱚᱴᱟ ᱴᱚᱴᱷᱟ ᱨᱮᱱ ᱦᱚᱲ ᱠᱚ ᱚᱬᱦᱮ ᱥᱟᱨᱦᱟᱣ ᱮᱫᱤ ᱠᱟᱱᱛᱟᱦᱮᱸᱠᱟᱱᱟ| ᱚᱱᱟ ᱛᱮ ᱨᱟᱡᱟᱨᱤ ᱱᱮᱛᱟ ᱠᱚ ᱫᱚ ᱩᱱᱤ ᱨᱟᱡᱟᱨᱤ ᱥᱮᱞᱮᱫᱚᱜ ᱨᱮᱭᱟᱜ ᱱᱮᱣᱛᱟ ᱠᱚ ᱮᱢᱟᱫᱮᱭᱟ| ᱟᱥᱟᱟᱢᱱ ᱨᱮᱱ ᱢᱟᱨᱮ ᱮᱢᱹᱯᱤᱹ ᱛᱟᱸᱦᱟᱸ ᱮᱢᱹᱮᱞᱹᱮᱹ ᱯᱨᱚᱯᱷᱩᱞᱞᱚ ᱜᱚᱥᱥᱟᱢᱤ ᱟᱨ ᱟᱥᱟᱟᱢ ᱨᱮᱱ ᱢᱟᱨᱮ ᱢᱩᱠᱷᱭᱟᱹ ᱢᱚᱱᱛᱨᱤ ᱢᱚᱦᱮᱱᱫᱽᱨᱚ ᱢᱚᱦᱚᱱ ᱪᱟᱹᱣᱫᱷᱟᱨᱤ ᱛᱟᱠᱚᱣᱟᱜ ᱩᱫᱽᱜᱟᱹᱣ ᱛᱮ ᱥᱤᱧᱚᱯᱛ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱫᱚᱞ ᱨᱮᱭᱮ ᱥᱮᱞᱮᱫ ᱞᱮᱱᱟ| ᱑᱙᱖᱖ ᱥᱮᱨᱢᱟ ᱨᱮ ᱫᱚ ᱤᱥᱛᱤ ᱯᱷᱟᱭ ᱮᱢ ᱞᱮᱫᱟ|

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]