ᱵᱷᱩᱯᱮᱱ ᱦᱟᱡᱚᱨᱤᱠᱟ

ᱰᱚᱠᱴᱚᱨ ᱵᱷᱩᱯᱮᱱ ᱦᱟᱡᱚᱨᱤᱠᱟ (হিন্দী: भुपेन हजारिका, ᱤᱝᱨᱟᱹᱡᱤᱻ Bhupen Hazarika) (᱑᱙᱒᱖ᱼ᱒᱐᱑᱑), ᱟᱥᱟᱢ ᱛᱟ'ᱦᱟ' ᱥᱤᱧᱩᱛ ᱨᱮᱱ ᱢᱤᱫᱴᱮᱱ ᱥᱮᱨᱮᱧ ᱜᱟᱱᱟᱦᱟ, ᱨᱟᱹᱲ ᱜᱟᱞᱟᱝᱤᱡ, ᱥᱮᱨᱮᱧ ᱡᱚᱜᱲᱟᱣᱤᱡ ᱮ ᱛᱟ'ᱦᱮ' ᱠᱟᱱᱟ ᱾ ᱱᱤᱭᱟᱹ ᱪᱷᱟᱰᱟ ᱦᱚᱸ' ᱪᱤᱛᱟᱹᱨ ᱵᱮᱱᱟᱣᱤᱡ, ᱚᱱᱚᱞᱤᱭᱟ., ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱱ ᱢᱟᱪᱮᱫ, ᱥᱤᱱᱮᱢᱟ ᱨᱮᱱ ᱫᱤᱥᱟᱹᱩᱫᱩᱜᱤᱡ ᱟᱨ ᱯᱟᱛᱷᱥᱱ ᱨᱮᱱ ᱥᱟᱥᱟᱲᱟᱣᱤᱡ ᱾ ᱢᱤᱫ ᱜᱷᱟᱹᱲᱤ ᱥᱟᱝᱥᱚᱫᱤᱭᱟᱹ ᱨᱟᱡᱟᱨᱤ ᱨᱮ ᱦᱚᱸ' ᱡᱟᱝᱜᱟᱭ ᱞᱟᱦᱟ ᱞᱮᱫᱟ ᱾ ᱟᱥᱟᱢ, ᱵᱮᱝᱜᱚᱞ ᱛᱟ'ᱦᱮ' ᱵᱟᱝᱞᱟᱫᱮᱥᱚᱢ ᱨᱮᱦᱚ' ᱢᱤᱫᱴᱮᱱ ᱧᱩᱢ ᱦᱟᱞᱟᱝᱟᱱ ᱥᱮᱨᱮᱧ ᱜᱟᱭᱱᱟ ᱞᱮᱠᱟ ᱛᱮ ᱵᱤᱠᱟᱹᱣ ᱞᱮᱱᱟ ᱾ ᱟᱥᱟᱢᱤᱭᱟ., ᱵᱟᱝᱞᱟ, ᱦᱤᱱᱫᱤ, ᱤᱝᱨᱟᱹᱡᱤ ᱮᱢᱟᱱ ᱮᱴᱟᱜ ᱯᱟᱹᱨᱥᱤ ᱠᱚᱨᱮ ᱥᱮᱨᱮᱧᱮ ᱡᱚᱲᱟᱣ ᱟᱨᱮ ᱟᱲᱟᱝ ᱞᱮᱫᱟ ᱾ ᱩᱱᱤᱭᱟᱜ ᱥᱮᱨᱮᱧ ᱨᱮ ᱩᱱ ᱚᱠᱛᱚ ᱨᱮᱱᱟᱥ ᱥᱟᱶᱛᱟ, ᱞᱟᱭ ᱞᱟᱠᱪᱟᱨ, ᱨᱟᱡᱟᱹᱨᱤ, ᱜᱚᱢᱯᱟᱲ ᱮᱢᱟᱱ ᱛᱮᱭᱟᱜ ᱠᱚ ᱯᱩᱥᱴᱟᱹᱣ ᱛᱮ ᱯᱷᱩᱴᱮᱞ ᱨᱟᱠᱟᱵᱚᱜ ᱠᱟᱱ ᱛᱟᱦᱮ'ᱱᱟ ᱾ ᱩᱱᱤᱭᱟᱜ ᱠᱟᱹᱢᱤ ᱦᱚᱨᱟ ᱟᱥᱟᱢ ᱨᱮᱭᱟᱜ ᱜᱟᱭᱟᱱ - ᱞᱟᱠᱪᱟᱨ ᱫᱩᱱᱤᱭᱟᱹ ᱨᱮ ᱥᱚᱨᱮᱥ ᱩᱛᱱᱟᱹᱣ ᱵᱮᱜᱚᱨ ᱦᱚᱸ' ᱥᱤᱧᱩᱛ ᱛᱟ'ᱦᱟ' ᱡᱮᱜᱮᱫ ᱫᱚᱨᱵᱟᱨ ᱨᱮ ᱴᱷᱟ'ᱣᱮ ᱦᱟᱢᱮᱴ ᱟᱠᱟᱫᱟ ᱾ ᱥᱮᱨᱮᱧ, ᱥᱟᱶᱦᱮᱫ, ᱜᱟᱭᱟᱱ ᱩᱫᱩᱜ (performing arts), ᱥᱤᱱᱮᱢᱟ ᱮᱢᱟᱱ ᱛᱮᱭᱟᱜ ᱟᱭᱢᱟ ᱟᱹᱨᱤᱵᱟᱹᱫᱷᱤ ᱪᱟᱨᱠᱷᱟ ᱛᱟ'ᱷᱟ' ᱞᱟᱭ ᱞᱟᱠᱪᱟᱨ ᱯᱚᱨᱚᱵᱽ ᱨᱮ ᱤ'ᱥ ᱦᱟᱛᱟᱣ ᱞᱟᱹᱜᱤᱫ ᱵᱮᱞᱡᱤᱭᱟᱢ, ᱠᱚᱝᱜᱚ, ᱪᱚᱢᱚᱨᱠᱷᱚᱱᱰᱚ, ᱟᱢᱮᱨᱤᱠᱟ, ᱤᱭᱩᱨᱩᱯ, ᱠᱟᱱᱟᱰᱟ, ᱮᱛᱚᱢᱼᱥᱟᱢᱟᱝ ᱮᱥᱤᱭᱟ., ᱡᱟᱯᱟᱱ, ᱚᱥᱨᱴᱤᱭᱟ ᱮᱢᱟᱱ ᱫᱤᱥᱚᱢ ᱮ ᱫᱟᱬᱟ ᱞᱮᱫᱟ ᱾

ᱡᱟᱱᱟᱢ ᱟᱨ ᱜᱷᱟ'ᱨᱚ'ᱡᱽ

ᱰᱚᱠᱴᱚᱨ ᱵᱷᱩᱯᱮᱱ ᱦᱟᱡᱚᱨᱤᱠᱟ ᱣᱟᱜ ᱡᱟᱱᱟᱢ ᱦᱩᱭ ᱞᱮᱱᱟ ᱑᱙᱒᱖ ᱥᱮᱨᱢᱟ ᱨᱮᱱᱟᱜ ᱘ ᱥᱮᱯᱴᱮᱢᱵᱚᱨ ᱦᱤᱞᱚᱜ ᱥᱚᱫᱤᱭᱟ ᱨᱮᱱᱟᱜ ᱢᱤᱫᱴᱮᱱ ᱟᱹᱛᱩ ᱨᱮ ᱾ ᱟᱯᱟᱛᱮᱫ ᱟᱜ ᱧᱩᱛᱩᱢ ᱛᱟ'ᱦᱮ' ᱠᱟᱱᱟ ᱱᱤᱞᱟᱠᱟᱱᱛᱚ ᱦᱟᱡᱚᱨᱤᱠᱟ ᱟᱨ ᱮᱝᱜᱟᱛᱮᱫ ᱟᱜ ᱧᱩᱛᱩᱢ ᱛᱟ'ᱦᱮ' ᱠᱟᱱᱟ ᱥᱟᱱᱛᱤᱯᱨᱤᱭᱟ ᱦᱟᱡᱚᱨᱤᱠᱟ ᱾ ᱱᱟᱡᱤᱨᱟ ᱨᱮᱭᱟᱜ ᱟᱢᱚᱞᱟᱯᱚᱴᱴᱤ ᱨᱮ ᱱᱤᱞᱟᱠᱟᱱᱛᱚ ᱣᱟᱜ ᱟᱥᱚᱞ ᱚᱲᱟᱜ ᱛᱟ'ᱦᱮ' ᱠᱟᱱᱟ ᱢᱮᱱ ᱠᱜᱟᱱ ᱪᱟᱹᱠᱨᱤ ᱞᱟᱹᱜᱤᱫ ᱟᱥᱟᱢ ᱨᱮᱭᱟᱜ ᱟᱭᱢᱟ ᱡᱟᱭᱜᱟ ᱨᱮ ᱛᱟ'ᱦᱮ' ᱰᱮᱨᱟ ᱞᱮᱱᱟ ᱾ ᱩᱱᱤ ᱨᱮᱱ ᱵᱚᱭᱦᱟ - ᱢᱤᱥᱨᱟ ᱢᱤᱞᱟᱹᱣ ᱠᱟᱛᱮ ᱢᱩᱴ ᱜᱮᱞ ᱡᱚᱱᱟ ᱜᱤᱫᱨᱟᱹ ᱠᱚ ᱛᱟ'ᱦᱮ' ᱠᱟᱱᱟ ᱾ ᱜᱷᱟ'ᱨᱚ'ᱡᱽ ᱨᱮᱱ ᱢᱟᱨᱟᱝ ᱦᱚᱯᱚᱱ ᱮ ᱛᱟ'ᱦᱮ' ᱠᱟᱱᱟ ᱵᱷᱩᱯᱮᱱ ᱦᱟᱡᱚᱨᱤᱠᱟ ᱾ ᱥᱩᱛᱩᱜ ᱠᱚ ᱫᱚ ᱠᱚ ᱦᱩᱭᱩᱜ ᱠᱟᱱᱟ - ᱚᱢᱚᱨ ᱦᱟᱡᱚᱨᱤᱠᱟ, ᱯᱨᱚᱵᱤᱱ ᱦᱟᱡᱚᱨᱤᱠᱟ, ᱥᱩᱫᱚᱠᱷᱤᱱᱟ ᱦᱟᱡᱚᱨᱤᱠᱟ, ᱱᱨᱤᱯᱮᱱ ᱦᱟᱡᱚᱨᱤᱠᱟ, ᱵᱚᱞᱮᱱ ᱦᱟᱡᱚᱨᱤᱠᱟ, ᱠᱚᱵᱤᱛᱟ ᱦᱟᱡᱚᱨᱤᱠᱟ ᱵᱚᱨᱩᱣᱟ, ᱥᱛᱩᱛᱤ ᱯᱟᱴᱮᱞ, ᱡᱚᱭᱚᱱᱛᱚ ᱦᱟᱡᱚᱨᱤᱠᱟ ᱟᱨ ᱥᱚᱢᱚᱨ ᱦᱟᱡᱚᱨᱤᱠᱟ ᱾ ᱵᱷᱩᱯᱮᱱ ᱦᱟᱡᱚᱨᱤᱠᱟ, ᱡᱚᱭᱮᱱᱛᱯ ᱷᱟᱡᱚᱨᱤᱠᱟ, ᱚᱱᱩᱡᱽ ᱦᱟᱡᱚᱨᱤᱠᱟ, ᱥᱚᱢᱚᱨ ᱦᱟᱡᱚᱨᱤᱠᱟ, ᱥᱩᱫᱚᱠᱷᱤᱱᱟ ᱥᱚᱨᱢᱟ ᱦᱚᱸ' ᱞᱟᱯᱷᱟᱝ ᱥᱮᱨᱮᱧ ᱜᱟᱭᱱᱟᱦᱟ ᱠᱚ ᱛᱟ'ᱦᱮ ᱠᱟᱱᱟ ᱾ ᱰᱚᱠᱴᱚᱨ ᱦᱟᱡᱚᱨᱤᱠᱟ ᱣᱟᱜ ᱥᱮᱨᱮᱧ ᱨᱮᱭᱟᱜ ᱢᱚᱱ ᱫᱚ ᱦᱩᱰᱩᱧ ᱦᱩᱵᱤᱧ ᱨᱮ ᱜᱮ ᱚᱲᱟᱜ ᱨᱮᱭᱟᱜ ᱦᱚᱭ ᱦᱤᱥᱤᱫ ᱠᱷᱚᱱ ᱜᱮ ᱦᱟᱢᱮᱴ ᱞᱮᱫᱟ ᱾ ᱩᱱᱤ ᱨᱮᱱ ᱟᱯᱟᱛ ᱯᱟᱹᱦᱤᱞ ᱫᱚ ᱢᱟᱪᱮᱫ ᱮ ᱛᱟ'ᱦᱮ' ᱠᱟᱱᱟ', ᱛᱟᱭᱚᱢ ᱛᱮᱫᱚ ᱵᱤᱨᱫᱟᱹᱜᱟᱲ ᱠᱚ ᱨᱮᱱ ᱛᱚᱫᱟᱨᱚᱠᱤᱡ ᱠᱚ ᱵᱟᱦᱟᱞ ᱞᱮᱫᱮᱭᱟ ᱟᱨ ᱢᱩᱪᱟᱹᱜ ᱨᱮ ᱫᱚ ᱦᱟᱹᱠᱤᱢᱮ ᱦᱩᱭ ᱞᱮᱱᱟ ᱾

ᱥᱮᱪᱮᱫ

ᱰᱚᱠᱴᱚᱨ ᱦᱟᱡᱚᱨᱤᱠᱟ ᱫᱷᱩᱵᱲᱤ, ᱜᱩᱣᱟᱦᱟᱴᱤ ᱟᱨ ᱛᱮᱡᱽᱯᱩᱨᱮ ᱦᱟᱭ ᱥᱠᱩᱞ ᱟᱥᱲᱟ ᱥᱮᱪᱮᱫ ᱫᱚᱭ ᱦᱟᱢᱮᱴ ᱞᱮᱫᱟ ᱾ ᱜᱩᱣᱟᱦᱟᱴᱤ ᱵᱷᱚᱨᱚᱞ ᱢᱩᱠᱷᱚᱨ ᱯᱨᱟᱛᱷᱚᱢᱤᱠ ᱟᱥᱲᱟ ᱠᱷᱚᱱ ᱯᱟᱹᱦᱤᱞ ᱥᱮᱪᱮᱫ ᱮ ᱦᱟᱢᱮᱴ ᱞᱮᱫᱟ ᱾ ᱛᱮᱡᱽᱯᱩᱨ ᱥᱚᱨᱠᱟᱨᱤ ᱩᱪᱪᱚ ᱢᱟᱫᱷᱚᱢᱤᱠ ᱵᱤᱨᱫᱟᱹ ᱜᱟᱲ ᱠᱷᱚᱱ ᱑᱙᱔᱐ ᱥᱮᱨᱢᱟ ᱨᱮ ᱢᱮᱴᱨᱤᱠ ᱵᱤᱱᱤᱰᱮ ᱯᱟᱥ ᱠᱮᱫᱟ, ᱑᱙᱔᱒ ᱥᱮᱨᱢᱟ ᱨᱮ ᱠᱚᱴᱚᱱ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱱᱴᱟᱨ ᱢᱮᱰᱤᱭᱮᱴ, ᱑᱙᱔᱔ ᱥᱮᱨᱢᱟ ᱨᱮ ᱵᱮᱱᱟᱨᱚᱥ ᱦᱤᱱᱫᱩ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱤ. ᱮ.ᱟᱨ ᱑᱙᱔᱖ ᱥᱮᱨᱢᱟ ᱨᱮ ᱨᱟᱡᱟᱹᱨᱤ ᱥᱟᱬᱮᱥ ᱛᱮ ᱮᱢ. ᱮ. ᱰᱤᱜᱨᱤ ᱦᱟᱢᱮᱴ ᱞᱮᱫᱟ ᱾ Role of Mass Communication in India’s Adult Education ᱥᱟᱛᱷᱟᱢ ᱨᱮ ᱠᱷᱚᱱᱫᱨᱚᱝ ᱠᱟᱛᱮ ᱠᱚᱞᱚᱢᱵᱤᱭᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱰᱚᱠᱴᱚᱨᱮᱴ ᱰᱤᱜᱨᱤ ᱦᱟᱢᱮᱴ ᱞᱮᱫᱟ ᱾ ᱩᱱᱤ ᱫᱚ ᱪᱤᱠᱟᱜᱳ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱮᱪᱮᱫ ᱯᱨᱚᱠᱚᱞᱯᱚ ᱜᱚᱲᱚ ᱞᱟᱹᱜᱤᱫ ᱥᱤᱱᱮᱢᱟ ᱨᱮ ᱮᱱᱟᱢ ᱠᱷᱚᱱᱫᱨᱚᱝ ᱞᱟᱹᱜᱤᱫ ᱞᱤᱥᱼᱞ ᱯᱷᱤᱞᱚᱥᱷᱤᱯ ᱮ ᱦᱟᱢᱮᱴ ᱞᱮᱫᱟ ᱾

ᱥᱟᱹᱠᱷᱭᱟᱹᱛ

ᱵᱟᱦᱨᱮ ᱡᱚᱱᱚᱲ

Lyrics of 700+ Bhupendra Sangeets
Official website
ᱵᱷᱩᱯᱮᱱ ᱦᱟᱡᱚᱨᱤᱠᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
Digital Archive of Bhupen Hazarika^{[permanent dead link]}

ᱪᱤᱛᱟᱹᱨ

ᱠᱤᱪᱷᱩ ᱡᱚᱛᱷᱟᱛ ᱪᱤᱛᱟᱹᱨ ᱠᱚ

People outside Hazarika's home on 7 November 2011
Hazarika lying in repose in Judge field, Guwahati, 8 November 2011
Paltan Bazar, Guwahati, December 2011, one of many centres commemorating Bhupen Hazarika
Hazarika lying in repose in Judge field, Guwahati, 8 November 2011