ᱵᱷᱩᱴᱟᱱ ᱨᱮᱱᱟᱜ ᱞᱟᱠᱪᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱵᱷᱩᱴᱟᱱ ᱨᱮᱱᱟᱜ ᱢᱤᱫ ᱢᱤᱣᱡᱤᱠ ᱯᱟᱨᱮᱰ

ᱵᱷᱩᱴᱟᱱ ᱫᱚ ᱫᱩᱱᱤᱭᱟᱹ ᱨᱮᱱᱟᱜ ᱚᱱᱟ ᱫᱤᱥᱚᱢ ᱠᱟᱱᱟ ᱡᱟᱦᱟᱸ ᱫᱚ ᱟᱡ ᱛᱮᱫ ᱯᱩᱨᱟᱹ ᱥᱚᱝᱥᱟᱨ ᱠᱷᱚᱱ ᱵᱷᱮᱜᱟᱨ ᱵᱷᱮᱜᱮᱫ ᱜᱮᱭ ᱫᱚᱦᱚ ᱟᱹᱜᱩ ᱟᱠᱟᱱᱟ ᱟᱨ ᱛᱮᱦᱮᱧ ᱫᱷᱟᱹᱵᱤᱡ ᱦᱚᱸ ᱵᱟᱹᱲᱛᱤ ᱞᱮᱠᱟᱛᱮ ᱱᱚᱵᱮ ᱫᱚ ᱵᱤᱫᱮᱥᱤᱭᱟᱹ ᱠᱚᱣᱟᱜ ᱵᱚᱞᱚᱱ ᱟᱹᱰᱤ ᱜᱮ ᱫᱟᱵᱚᱱ ᱠᱟᱛᱮ ᱢᱮᱱᱟᱜ-ᱟ ᱾ ᱫᱤᱥᱚᱢ ᱨᱮᱱᱟᱜ ᱵᱟᱹᱲᱛᱤ ᱟᱵᱟᱫᱤ ᱫᱚ ᱠᱟᱹᱴᱤᱡ ᱟᱹᱛᱩ ᱨᱮ ᱛᱟᱦᱮᱸᱱᱟ ᱟᱨ ᱪᱟᱥ ᱵᱟᱥ ᱪᱮᱛᱟᱱ ᱨᱮ ᱞᱟᱫᱮ ᱢᱮᱱᱟᱜ ᱠᱚᱣᱟ ᱾ ᱵᱟᱡᱟᱨ ᱨᱮᱱᱟᱜ ᱦᱚᱭ ᱦᱤᱥᱤᱫ ᱵᱟᱹᱭ ᱵᱟᱹᱭ ᱛᱮ ᱟᱡᱟᱜ ᱴᱷᱟᱶ ᱵᱮᱱᱟᱣ ᱠᱟᱛᱮᱭ ᱛᱷᱟᱯᱚᱱ ᱩᱨᱤᱡᱮᱜ-ᱟ ᱾ ᱵᱚᱣᱫᱷᱚ ᱟᱜ ᱵᱤᱪᱟᱹᱨ ᱱᱚᱰᱮᱱᱟᱜ ᱫᱤᱭᱚᱱ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱦᱟᱹᱴᱤᱧ ᱠᱟᱱᱟ ᱾ ᱵᱮᱡᱷᱟ ᱛᱩᱧ ᱫᱚ ᱱᱚᱰᱮᱱᱟᱜ ᱡᱟᱹᱛᱤᱭᱟᱹᱨᱤ ᱠᱷᱮᱞ ᱠᱟᱱᱟ ᱾ ᱦᱮᱢᱟᱞ ᱵᱩᱨᱩᱣᱟᱜ ᱫᱟᱥᱱᱟ ᱨᱮ ᱟᱴᱮᱫ ᱟᱠᱟᱱ, ᱵᱷᱩᱴᱟᱱ ᱨᱮᱱᱟᱜ ᱞᱟᱠᱪᱟᱨᱮᱛ ᱚᱨᱥᱚᱝ ᱛᱮ ᱱᱤᱡᱮᱭ ᱵᱟᱧᱪᱟᱣᱜ ᱞᱟᱹᱜᱤᱫ ᱟᱡᱟᱜ ᱚᱛᱱᱮᱛ ᱵᱷᱮᱱᱮᱜᱟᱨ ᱪᱮᱛᱟᱱ ᱨᱮ ᱞᱟᱫᱮᱭ ᱛᱟᱦᱮᱸᱱᱟ ᱾ ᱥᱤᱧᱚᱛ ᱨᱮᱱᱟᱜ ᱩᱛᱚᱨ ᱟᱨ ᱫᱩᱠᱷᱤᱱ ᱨᱮ ᱪᱤᱱ ᱥᱟᱶ ᱵᱷᱤᱲᱟᱹᱣ ᱟᱠᱟᱱ ᱢᱤᱫ ᱟᱹᱰᱤ ᱢᱟᱨᱟᱝ ᱟᱵᱟᱫᱤ ᱟᱱᱟᱜ ᱫᱤᱥᱚᱢ ᱠᱟᱱᱟ, ᱵᱷᱩᱴᱟᱱ ᱫᱚ ᱞᱟᱠᱪᱟᱨᱮᱛ ᱵᱤᱨᱟᱥᱚᱛ ᱟᱨ ᱯᱷᱩᱨᱜᱟᱹᱞ ᱨᱮᱱᱟᱜ ᱥᱟᱧᱪᱟᱣ ᱨᱮᱱᱟᱜ ᱡᱚᱥ ᱫᱚᱦᱚᱭ ᱥᱟᱶᱛᱮ, ᱞᱟᱠᱪᱟᱨᱤ ᱟᱨ ᱠᱟᱹᱣᱰᱤ-ᱟᱹᱨᱤ ᱨᱩᱯ ᱛᱮ ᱵᱟᱱᱟᱨ ᱨᱮᱜᱮ ᱞᱟᱹᱠᱛᱤ ᱞᱮᱠᱟ ᱵᱷᱮᱱᱮᱜᱟᱨᱟᱱ ᱨᱤᱛ ᱮ ᱵᱮᱱᱟᱣ ᱫᱚᱦᱚ ᱟᱠᱟᱫ-ᱟ ᱾ ᱥᱩᱢᱩᱝ ᱒᱐ ᱟᱱᱟᱜ ᱥᱚᱛᱟᱵᱫᱷᱤ ᱨᱮᱱᱟᱜ ᱢᱩᱪᱟᱹᱫ ᱜᱮᱞᱟᱝ ᱨᱮ ᱵᱤᱫᱮᱥᱤᱭᱟᱹ ᱠᱚ ᱫᱤᱥᱚᱢ ᱠᱚ ᱥᱟᱸᱜᱷᱟᱨ ᱫᱟᱲᱮᱭᱟᱜ ᱨᱮᱱᱟᱜ ᱚᱱᱩᱢᱚᱛᱤ ᱠᱚ ᱪᱟᱞ ᱟᱠᱟᱱᱟ ᱾ ᱟᱨ ᱚᱱᱟ ᱦᱚᱸ ᱟᱹᱰᱤ ᱜᱮ ᱥᱤᱢᱟᱹᱛ ᱮᱞᱮᱞ ᱨᱮ ᱾ ᱱᱚᱝᱠᱟ ᱛᱮ ᱵᱷᱩᱴᱟᱱ ᱨᱮᱱᱟᱜ ᱟᱡᱟᱜ ᱞᱟᱠᱪᱟᱨ ᱨᱮᱱᱟᱜ ᱟᱹᱡᱤᱜᱟᱱ ᱥᱟᱦᱴᱟ ᱜᱮ ᱥᱟᱧᱪᱟᱣ ᱫᱚᱦᱚᱭ ᱞᱟᱹᱜᱤᱫ ᱮ ᱡᱤᱛᱠᱟᱹᱨ ᱟᱠᱟᱱᱟ ᱾ ᱡᱟᱦᱟᱸ ᱫᱚ ᱥᱤᱫᱷᱟᱹ ᱑᱗ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱱᱟᱜ ᱛᱟᱞᱟ ᱫᱷᱟᱹᱵᱤᱡ ᱢᱮᱱᱟᱜ-ᱟ ᱾ ᱱᱤᱛᱚᱜᱟᱜ ᱵᱷᱩᱴᱟᱹᱱᱤᱭᱟᱹ ᱞᱟᱠᱪᱟᱨ ᱫᱚ ᱯᱟᱹᱦᱤᱞᱟᱜ ᱞᱟᱠᱪᱟᱨ ᱠᱷᱚᱱ ᱚᱰᱚᱠᱚᱜ-ᱟ ᱾ ᱱᱚᱣᱟ ᱞᱟᱠᱪᱟᱨ ᱫᱚ ᱱᱚᱣᱟ ᱫᱤᱥᱚᱢ ᱨᱮᱭᱟᱜ ᱮᱛᱚᱦᱚᱵ ᱩᱛᱱᱟᱹᱣ ᱨᱮ ᱵᱷᱟᱹᱜᱤ ᱞᱮᱠᱟ ᱚᱨᱥᱚᱝ ᱮ ᱵᱟᱡᱟᱣ ᱦᱚᱪᱚ ᱟᱠᱟᱫ-ᱟ ᱾ Dzongkha ᱟᱨ Sharchop ᱫᱚ ᱵᱷᱩᱴᱟᱹᱱ ᱨᱮᱱᱟᱜ ᱢᱩᱠᱷᱤᱭᱟᱹ ᱯᱟᱹᱨᱥᱤ ᱠᱟᱱᱟ ᱾ ᱛᱤᱵᱚᱛᱤᱭᱟᱹ ᱠᱚ ᱥᱟᱶ ᱫᱚ ᱟᱹᱰᱤ ᱥᱩᱯᱩᱨ ᱥᱟᱹᱜᱟᱹᱭ ᱢᱮᱱᱟᱜ-ᱟ ᱾ ᱟᱨ ᱵᱷᱩᱴᱟᱱᱤ ᱢᱚᱠ ᱫᱚ ᱛᱤᱵᱚᱛᱤ ᱯᱟᱹᱨᱥᱤ ᱨᱮᱱᱟᱜ ᱢᱟᱨᱮ ᱨᱩᱯ ᱠᱚ ᱯᱟᱲᱦᱟᱣᱟ ᱟᱨ ᱠᱚ ᱚᱞᱟ, ᱡᱟᱦᱟᱸ ᱫᱚ ᱪᱷᱳᱠᱤ ᱧᱩᱛᱩᱢ ᱛᱮ ᱩᱯᱨᱩᱢ ᱢᱮᱱᱟᱜ-ᱟ ᱾ ᱵᱷᱩᱴᱟᱱᱤ ᱫᱚ ᱦᱚᱲᱢᱚ ᱜᱚᱲᱦᱚᱱ ᱞᱮᱠᱟᱛᱮ ᱛᱤᱵᱚᱛᱤᱭᱟᱹ ᱠᱚ ᱥᱚᱢᱟᱱ ᱜᱮᱭᱟ ᱠᱚ ᱾ ᱤᱠᱷᱟᱹᱱ ᱱᱟᱜᱟᱢ ᱫᱚ ᱱᱚᱣᱟ ᱨᱮᱠᱚᱰ ᱨᱮᱫᱚ ᱵᱟᱭ ᱫᱚᱦᱚᱭᱟ ᱫᱚ ᱱᱩᱠᱩ ᱛᱤᱱ ᱡᱚᱦᱚᱜ ᱦᱮᱢᱟᱞ ᱵᱩᱨᱩ ᱯᱟᱨᱚᱢ ᱠᱟᱛᱮ ᱠᱚ ᱪᱟᱞᱟᱣ ᱮᱱᱟ ᱟᱨ ᱵᱷᱩᱴᱟᱱ ᱨᱮᱱᱟᱜ ᱫᱩᱠᱷᱤᱱ-ᱱᱟᱞᱟ ᱜᱷᱟᱹᱴᱤᱨᱮ ᱵᱚᱥᱠᱚᱫ ᱠᱟᱛᱮ ᱠᱚ ᱛᱟᱦᱮᱸ ᱮᱱᱟ ᱾ ᱛᱤᱵᱚᱛᱤ ᱟᱨ ᱵᱷᱩᱴᱟᱱᱤ ᱵᱟᱱᱟᱨ ᱜᱮ ᱘ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱛᱟᱱᱛᱨᱤᱠ ᱜᱩᱨᱩ, ᱯᱚᱫᱽᱢᱚᱥᱚᱢᱵᱷᱚᱵᱽ ᱦᱤᱢᱟᱞᱟᱭᱟ ᱨᱮᱱᱟᱜ ᱵᱚᱣᱫᱷᱚ ᱫᱷᱚᱨᱚᱢ ᱨᱤᱱ ᱛᱷᱟᱯᱚᱱᱤᱭᱟᱹ ᱠᱟᱱᱟ ᱠᱤᱱ ᱾

ᱫᱷᱚᱨᱚᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱩᱴᱟᱱᱤ ᱥᱟᱶᱴᱟ ᱨᱮᱫᱚ ᱵᱚᱣᱫᱷᱚ ᱫᱷᱚᱨᱚᱢ ᱜᱮ ᱢᱩᱠᱷᱤᱭᱟᱹ ᱫᱷᱚᱨᱚᱢ ᱠᱟᱱᱟ ᱾ ᱡᱤᱭᱚᱱ ᱨᱮᱱᱟᱜ ᱡᱚᱛᱚ ᱥᱟᱦᱴᱟ ᱨᱮᱜᱮ ᱫᱷᱚᱨᱚᱢ ᱢᱟᱱᱟᱣ ᱵᱟᱛᱟᱣ ᱨᱮᱭᱟᱜ ᱯᱚᱨᱢᱟᱬ ᱢᱮᱱᱟᱜ-ᱟ ᱾ ᱵᱩᱨᱩ ᱨᱮ ᱚᱦᱬᱮ ᱨᱮᱱᱟᱜ ᱪᱤᱨ ᱠᱚ ᱦᱤᱯᱤᱲᱟ ᱾ ᱥᱩᱨ ᱥᱩᱯᱩᱨ ᱨᱮ ᱢᱮᱱᱟᱜ ᱠᱚ ᱡᱚᱛᱚ ᱡᱤᱵᱽ ᱡᱤᱭᱟᱹᱞᱤ ᱠᱚᱣᱟᱜ ᱱᱟᱯᱟᱭ ᱞᱟᱹᱜᱤᱫ ᱵᱩᱜᱤ ᱞᱟᱹᱜᱤᱫ ᱞᱟᱵᱽ ᱥᱮᱴᱮᱨ ᱟᱠᱚ ᱞᱟᱹᱜᱤᱫ ᱠᱚ ᱚᱦᱬᱮᱭᱟ ᱾ ᱡᱚᱛᱚ ᱫᱚᱞᱟᱱ ᱨᱮᱱᱟᱜ ᱪᱷᱟᱛ ᱨᱮᱜᱮ ᱦᱩᱰᱤᱧ ᱥᱟᱺᱦᱤᱡ ᱪᱤᱨ ᱠᱚ ᱦᱤᱯᱤᱲ ᱦᱚᱪᱚᱭᱟ ᱾ ᱡᱟᱦᱟ ᱫᱚᱭ ᱩᱫᱩᱜ ᱥᱚᱫᱚᱨᱟ ᱫᱚ ᱚᱱᱟ ᱫᱚᱞᱟᱱ ᱨᱤᱱᱤᱡ ᱢᱟᱹᱞᱤᱠ ᱫᱚ ᱚᱱᱟ ᱴᱚᱴᱷᱟ ᱨᱤᱱᱤᱡ ᱵᱚᱸᱜᱟᱭ ᱢᱟᱱᱟᱣ ᱵᱟᱛᱟᱣ ᱮ ᱠᱟᱱᱟ ᱟᱨ ᱩᱱᱤᱭ ᱠᱩᱥᱤ ᱚᱪᱚ ᱮ ᱞᱟᱹᱜᱤᱫ ᱟᱡ ᱮ ᱢᱟᱝ ᱟᱫᱮᱭᱟ ᱾