ᱚᱠᱛᱚ

ᱜᱷᱚᱴᱚᱱ ᱠᱚ ᱢᱤᱫ ᱥᱚᱡᱷᱮ ᱨᱮ ᱥᱟᱡᱟᱣ ᱫᱚᱦᱚᱭ ᱞᱟᱹᱜᱤᱫ ᱚᱠᱛᱚ ᱵᱚ ᱵᱮᱣᱦᱟᱨᱟ ᱾ ᱚᱠᱛᱚ ᱫᱚ ᱟᱹᱰᱤ ᱫᱟᱢ ᱟᱱᱟᱜ ᱥᱮᱛᱮᱫ ᱠᱟᱱᱟ ᱾ ᱱᱟᱝ ᱨᱮᱭᱟᱜ ᱮᱴᱟᱜ ᱧᱩᱛᱩᱢ ᱫᱚ ᱚᱠᱛᱚ ᱾ ᱱᱚᱶᱟ ᱫᱚ ᱚᱠᱚᱭ ᱦᱚᱸ ᱵᱟᱭ ᱛᱟᱺᱜᱤ ᱠᱚᱣᱟ ᱾ ᱱᱚᱶᱟ ᱫᱚ ᱵᱷᱟᱹᱜᱤ ᱠᱟᱹᱢᱤ ᱨᱮ ᱵᱮᱵᱷᱟᱨ ᱞᱟᱹᱠᱛᱤ ᱾ ᱞᱮᱛᱟᱲ ᱵᱚᱫᱚᱞᱚᱜ ᱠᱟᱱ ᱜᱷᱚᱴᱚᱱ ᱠᱚ ᱧᱮᱞ ᱛᱮ ᱚᱠᱛᱚ ᱨᱮᱭᱟᱜ ᱦᱤᱥᱟᱹᱵᱽ ᱫᱚ ᱦᱩᱭᱩᱜ-ᱟ ᱾ ᱡᱮᱢᱚᱱ ᱛᱮᱦᱮᱧᱟᱜ ᱪᱟᱸᱫᱚ ᱦᱟᱹᱥᱩᱨ ᱠᱷᱚᱱ ᱜᱟᱯᱟᱦᱟᱜ ᱪᱟᱸᱫᱚ ᱦᱟᱹᱥᱩᱨ ᱛᱮ ᱫᱚ ᱢᱤᱫ ᱢᱟᱦᱟᱸ ᱦᱩᱭᱩᱜ-ᱟ ᱾ ᱟᱹᱰᱤ ᱥᱮᱫᱟᱭ ᱠᱷᱚᱱ ᱜᱮ ᱢᱟᱹᱱᱢᱤ ᱯᱟᱺᱡᱤ ᱫᱚᱭ ᱵᱮᱵᱷᱟᱨ ᱮᱫ-ᱟ᱾ ᱱᱮᱛᱟᱨ ᱢᱟᱹᱱᱢᱤ ᱫᱚ ᱢᱤᱫ ᱴᱤᱯᱤᱡ (second) ᱨᱮᱭᱟᱜ ᱠᱚᱨᱚᱲ ᱵᱷᱟᱜᱽ ᱦᱚᱸᱭ ᱦᱤᱥᱟᱹᱵᱽ ᱫᱟᱲᱮᱭᱟᱜ ᱠᱟᱱᱟ ᱾

ᱥᱟᱬᱮᱥ ᱨᱮᱭᱟᱜ ᱟᱱᱛᱚᱨᱡᱟᱛᱤᱭᱚ ᱢᱟᱱᱚᱠ ᱦᱤᱥᱟᱹᱵᱽ ᱛᱮ ᱚᱠᱛᱚ ᱨᱮᱭᱟᱜ ᱮᱠᱚᱠ ᱫᱚ ᱴᱤᱯᱤᱡ ᱾

ᱚᱛᱠᱚ ᱨᱮᱭᱟᱜ ᱮᱠᱚᱠ

᱑ ᱥᱟᱥᱟᱭᱟᱝ = ᱑᱐᱐᱐ ᱥᱮᱨᱢᱟ

᱑ ᱥᱟᱭᱟᱝ/ᱯᱤᱲᱦᱤ = ᱑᱐᱐ ᱥᱮᱨᱢᱟ

᱑ ᱜᱮᱞᱟᱝ/ᱜᱮᱥᱮᱨᱢᱟ = ᱑᱐ ᱥᱮᱨᱢᱟ

᱑ ᱥᱮᱨᱢᱟ = ᱑᱒ ᱪᱟᱸᱫᱚ= ᱓᱖᱕ ᱢᱟᱦᱟᱸ (leap year ᱨᱮᱫᱚ ᱓᱖᱖ ᱢᱟᱦᱟᱸ)

᱑ ᱪᱟᱸᱫᱚ = ᱒᱘ ᱠᱷᱚᱱ ᱓᱑ ᱢᱟᱦᱟᱸ

᱑ ᱮᱢᱦᱟᱸ (ᱦᱟᱯᱛᱟ) = ᱗ ᱢᱟᱦᱟᱸ

᱑ ᱢᱟᱦᱟᱸ = ᱒᱔ ᱴᱟᱲᱟᱝ (hour)

᱑ ᱴᱟᱲᱟᱝ = ᱖᱐ ᱴᱤᱲᱤᱡ (minute)

᱑ ᱴᱤᱲᱤᱡ = ᱖᱐ ᱴᱤᱯᱤᱡ (second)

ᱚᱠᱛᱚ ᱡᱚᱠᱷᱟᱭ ᱥᱟᱢᱟᱱ ᱠᱚ

ᱥᱟᱢᱟᱱᱟᱢ ᱜᱷᱩᱲᱤ

ᱵᱟᱹᱞᱤ ᱜᱷᱩᱲᱤ

ᱥᱤᱧ ᱪᱟᱸᱫᱚ ᱜᱷᱩᱲᱤ

ᱥᱟᱢᱟᱱᱟᱢ ᱜᱷᱩᱲᱤ

ᱜᱷᱩᱲᱤ ᱫᱚ ᱚᱠᱛᱚᱭ ᱞᱟᱹᱭᱟ ᱾ ᱱᱚᱣᱟ ᱫᱚ ᱵᱷᱤᱛᱤᱨ ᱨᱮ ᱢᱤᱥᱤᱱ ᱠᱷᱚᱸᱡᱟ ᱠᱚᱜ-ᱟ, ᱚᱱᱟᱛᱮ ᱴᱷᱟᱹᱣᱠᱟᱹ ᱜᱮᱭ ᱞᱟᱹᱭᱟ, ᱚᱠᱛᱚ ᱠᱚ ᱵᱟᱭ ᱦᱟᱱᱛᱮ ᱱᱷᱟᱛᱮ ᱚᱪᱚᱭᱟ ᱾ ᱱᱚᱣᱟ ᱫᱚ ᱡᱚᱛᱚ ᱠᱷᱚᱱ ᱵᱷᱟᱹᱜᱤ ᱜᱷᱩᱲᱤ ᱠᱟᱱᱟ ᱾ ᱱᱚᱣᱟ ᱜᱷᱩᱲᱤ ᱞᱮᱠᱟᱛᱮ ᱢᱤᱫᱴᱟᱹᱝ ᱫᱤᱱ, ᱥᱤᱧ ᱟᱨ ᱧᱤᱫᱟᱹ ᱢᱮᱥᱟ ᱠᱟᱛᱮ ᱒᱔ ᱴᱟᱲᱟᱝ ᱠᱚ ᱦᱤᱥᱟᱵᱽ ᱮᱫ-ᱟ ᱾ ᱛᱤᱢᱤᱱ ᱜᱟᱱ ᱜᱷᱩᱲᱤ ᱨᱮ ᱫᱚ ᱒᱔ ᱜᱚᱴᱟᱝ ᱞᱮᱠᱷᱟ ᱜᱮᱭ ᱥᱚᱫᱚᱨᱟ, ᱢᱮᱱᱠᱷᱟᱱ ᱵᱟᱹᱲᱛᱤ ᱜᱟᱱ ᱜᱷᱩᱲᱤ ᱫᱚ ᱑᱒ ᱴᱟᱲᱟᱝ ᱨᱮᱱᱟᱜ ᱜᱮ ᱠᱚ ᱵᱮᱱᱟᱣ ᱠᱟᱜ ᱠᱟᱱᱟ, ᱚᱱᱟ ᱜᱮ ᱵᱟᱨᱫᱷᱟᱣ ᱠᱚ ᱦᱤᱥᱟᱹᱵᱽ ᱞᱮᱠᱷᱟᱱ ᱥᱤᱧ ᱧᱤᱫᱟᱹ ᱨᱮᱱᱟᱜ ᱞᱮᱠᱷᱟ ᱧᱟᱢᱚᱜ-ᱟ ᱾

ᱵᱟᱹᱞᱤ ᱜᱷᱩᱲᱤ

ᱱᱚᱣᱟ ᱫᱚ ᱢᱤᱫ ᱰᱚᱵᱽᱞᱟᱜ ᱞᱮᱠᱟᱱᱟᱜ ᱠᱟᱱᱟ ᱡᱟᱦᱟᱸ ᱨᱮᱱᱟᱜ ᱛᱟᱞᱟ ᱨᱮ ᱫᱚ ᱥᱟᱠᱲᱟ ᱜᱮ ᱛᱟᱦᱮᱸᱱᱟ, ᱢᱮᱱᱠᱷᱟᱱ ᱵᱟᱱᱟᱨ ᱯᱟᱦᱴᱟ ᱥᱚᱢᱟᱱ ᱚᱲᱟᱜ ᱛᱟᱦᱮᱸᱱᱟ ᱾ ᱱᱚᱣᱟ ᱰᱚᱵᱽᱞᱟᱜ ᱵᱷᱤᱛᱤᱨ ᱨᱮ ᱫᱚ ᱵᱟᱹᱞᱤ ᱠᱚ ᱥᱟᱸᱵᱟᱣ ᱠᱟᱜ ᱠᱷᱟᱹᱛᱤᱨ ᱵᱟᱹᱞᱤ ᱜᱷᱩᱲᱤ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾

ᱥᱤᱧᱪᱟᱸᱫᱚ ᱜᱷᱩᱲᱤ

ᱱᱚᱣᱟ ᱫᱚ ᱚᱱᱠᱟᱱ ᱜᱷᱩᱲᱤ ᱫᱚ ᱵᱟᱝ ᱠᱟᱱᱟ ᱢᱮᱱᱠᱷᱟᱱ ᱚᱠᱛᱚᱭ ᱞᱟᱹᱭ ᱠᱷᱟᱹᱛᱤᱨ ᱜᱷᱩᱲᱤ ᱜᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱣᱟ ᱥᱤᱧ ᱪᱟᱸᱫᱚᱣᱟᱜ ᱵᱮᱲᱟ ᱛᱟᱨᱟᱥ ᱟᱨ ᱟᱡᱟᱜ ᱛᱟᱦᱮᱸᱱ ᱴᱷᱟᱶ ᱧᱮᱞ ᱠᱟᱛᱮ ᱚᱠᱛᱚ ᱠᱚ ᱞᱮᱠᱷᱟᱭᱟ ᱾ ᱱᱚᱣᱟ ᱫᱚ ᱥᱮᱫᱟᱭ ᱦᱚᱲ ᱠᱚ ᱥᱟᱢᱟᱱᱟᱢ ᱜᱷᱩᱲᱤ ᱵᱟᱭ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾