ᱜᱤᱫᱽᱨᱟ.

ᱜᱤᱫᱽᱨᱟᱹ ᱚᱠᱚᱭ ᱢᱟᱱᱣᱟ ᱦᱚᱯᱚᱱ ᱧᱮᱛᱚᱜ ᱜᱮᱭ ᱡᱟᱱᱟᱢ ᱟᱠᱟᱱ ᱩᱱᱤ ᱜᱮ ᱜᱤᱫᱽᱨᱟᱹ ᱠᱚ ᱢᱮᱛᱟᱭᱟ᱾ ᱟᱨ ᱢᱤᱫ ᱞᱮᱠᱟᱛᱮ ᱚᱠᱚᱭ ᱧᱮᱛᱚᱜ ᱦᱚᱸ ᱟᱹᱣᱨᱤᱭ ᱡᱩᱣᱟᱹᱱᱚᱜ ᱩᱱᱤ ᱜᱮ ᱜᱤᱫᱽᱨᱟᱹ ᱢᱮᱱ ᱛᱮ ᱥᱟᱶᱛᱟ ᱥᱮ ᱫᱤᱥᱟᱹᱢ ᱨᱮᱦᱚᱸ ᱠᱮ ᱢᱟᱱᱟᱣᱮᱭᱟ᱾ ᱢᱮᱱᱚᱜᱼᱟ ᱚᱠᱚᱭᱟᱜ ᱩᱢᱮᱞ ᱑᱘ ᱠᱷᱚᱱ ᱛᱷᱚᱲᱟ ᱜᱮᱛᱟᱭᱟ ᱩᱱᱤᱜᱤ ᱜᱤᱫᱽᱨᱟᱹ ᱢᱮᱱᱛᱮᱭ ᱧᱩᱢᱩᱜᱼᱟ᱾ ᱟᱨᱦᱚᱸ ᱟᱹᱣᱨᱤ ᱡᱟᱱᱟᱢᱚᱜ ᱥᱮ ᱜᱚᱜᱚᱣᱟᱜ ᱦᱚᱲᱢᱚᱨᱮ ᱢᱮᱱᱟᱭ ᱵᱟᱞᱮ ᱜᱤᱫᱽᱨᱟᱹ ᱦᱚᱸ ᱜᱤᱫᱽᱨᱟ ᱢᱮᱱᱛᱮᱜᱤᱭ ᱧᱩᱢᱩᱜᱼᱟ᱾ ᱢᱮᱱᱠᱷᱟᱱ ᱜᱚᱜᱚ ᱵᱟᱵᱟ ᱴᱷᱮᱱ ᱫᱚ ᱡᱚᱛᱚ ᱦᱚᱯᱚᱱ ᱜᱮ ᱡᱟᱭᱡᱩᱜᱽ ᱜᱤᱫᱽᱨᱟᱹ ᱜᱮ ᱠᱚ ᱛᱟᱦᱮᱱᱟ᱾ ᱢᱮᱰᱤᱠᱮᱞ ᱥᱟᱬᱮᱥ ᱥᱮᱡ ᱞᱮᱠᱟ ᱛᱮ ᱫᱚ ᱟᱹᱣᱨᱤ ᱡᱟᱱᱟᱢᱟᱠᱟᱱ ᱦᱚᱲᱢᱚᱨᱮ ᱢᱮᱱᱟᱭ ᱵᱟᱞᱮ ᱜᱤᱫᱽᱨᱟ ᱜᱤ ᱜᱤᱫᱽᱨᱟᱹ ᱢᱮᱱᱛᱮ ᱫᱚ ᱠᱚ ᱞᱮᱠᱷᱟᱭᱮᱭᱟ᱾

ᱢᱤᱫ ᱵᱟᱵᱟ ᱥᱮ ᱢᱤᱫ ᱜᱚᱜᱚ ᱠᱷᱚᱱ ᱡᱟᱱᱟᱢ ᱟᱠᱟᱱ ᱜᱤᱫᱽᱨᱟᱹ ᱠᱚ ᱫᱚ ᱵᱚᱭᱦᱟ ᱥᱮ ᱢᱤᱥᱨᱟ ᱢᱮᱱᱛᱮ ᱠᱚ ᱥᱟᱹᱜᱟᱹᱭᱚᱜᱼᱟ᱾

ᱜᱤᱫᱽᱨᱟᱹᱣᱟᱜ ᱟᱹᱭᱫᱟᱹᱨᱤ

ᱚᱞᱚᱜ ᱯᱟᱲᱦᱟᱜ ᱫᱚ ᱜᱤᱫᱽᱨᱟᱹᱣᱟᱜ ᱵᱮᱥᱤᱠ(Basic) ᱟᱹᱭᱫᱟᱹᱨᱤ ᱠᱟᱱᱛᱟᱭᱟ᱾ ᱱᱤᱭᱟᱹ ᱫᱚ ᱜᱚᱜᱚ ᱵᱟᱵᱟ ᱥᱮ ᱫᱤᱥᱟᱹᱢ ᱨᱮᱱᱟᱜ ᱦᱚᱸ ᱫᱟᱹᱭᱤᱠ ᱠᱟᱱᱟ ᱢᱤᱫᱽᱴᱮᱱ ᱜᱤᱫᱽᱨᱟ ᱥᱮᱪᱮᱫ ᱥᱮ ᱚᱞᱚᱜ ᱯᱟᱲᱦᱟᱣ ᱪᱤᱫ ᱟᱪᱚ᱾

ᱢᱤᱫ ᱜᱤᱫᱽᱨᱟᱹ ᱜᱷᱟᱨᱚᱡᱽ

ᱫᱷᱟᱹᱨᱛᱤ ᱨᱮ ᱢᱟᱱᱣᱟ ᱠᱚ ᱰᱷᱤᱨ ᱤᱫᱤᱜ ᱠᱟᱱᱛᱮ ᱟᱭᱢᱟ ᱫᱤᱥᱟᱹᱢ ᱜᱮ ᱢᱤᱫ ᱜᱤᱫᱽᱨᱟ ᱜᱷᱟᱨᱚᱡᱽ ᱥᱮᱡ ᱜᱮ ᱰᱷᱤᱨ ᱠᱚ ᱟᱹᱭᱩᱨᱮᱛ ᱠᱚᱣᱟ᱾ ᱪᱤᱱ ᱫᱤᱥᱟᱹᱢ ᱱᱚᱠᱟ ᱢᱤᱫ ᱜᱤᱫᱽᱨᱟᱹ ᱟᱹᱱ ᱮ ᱪᱟᱞᱩ ᱞᱮᱫᱟ᱾ ᱟᱫᱚ ᱧᱮᱛᱚᱜ ᱫᱚ ᱚᱱᱟ ᱟᱹᱱ ᱠᱚ ᱚᱪᱚᱜ ᱠᱮᱫᱟ᱾

ᱦᱚᱲ/ᱥᱟᱱᱛᱟᱞ ᱜᱤᱫᱽᱨᱟᱹ

ᱦᱚᱲ ᱥᱮ ᱥᱟᱱᱛᱟᱞ ᱠᱷᱚᱱ ᱡᱟᱱᱟᱢ ᱟᱠᱟᱱ ᱟᱨ ᱦᱚᱲ ᱨᱚᱲ ᱟᱨ ᱞᱟᱭᱞᱟᱠᱪᱟᱨ ᱠᱚ ᱢᱟᱱᱟᱣᱮᱫ ᱠᱟᱱ ᱜᱤᱫᱽᱨᱟᱹ ᱜᱮ ᱦᱚᱲ ᱜᱤᱫᱽᱨᱟᱹ ᱫᱚ᱾ ᱦᱚᱲ ᱜᱤᱫᱽᱨᱟᱹ ᱫᱚ ᱵᱟᱵᱟ ᱥᱮᱱᱟᱜ ᱯᱟᱹᱨᱤᱥ ᱛᱮ ᱠᱚ ᱩᱯᱲᱩᱢᱚᱜᱼᱟ᱾ ᱦᱚᱲ ᱜᱤᱫᱽᱨᱟᱹ ᱫᱚ ᱡᱟᱱᱟᱢ ᱞᱮᱱ ᱠᱷᱟᱱ ᱜᱚᱲᱚᱢᱛᱮᱜᱼᱟᱜ ᱧᱤᱛᱩᱢ ᱛᱮ ᱧᱤᱛᱩᱢ ᱠᱟᱛᱮᱜ ᱥᱟᱶᱛᱟ ᱨᱮ ᱠᱚ ᱟᱛᱟᱝ ᱮᱭᱟ᱾ ᱜᱤᱫᱽᱨᱟᱹ ᱧᱤᱛᱩᱢ ᱨᱮᱱᱟᱜ ᱱᱤᱭᱟᱹ ᱞᱟᱴᱪᱟᱨ ᱫᱚ ᱠᱚ ᱢᱮᱛᱟᱜᱼᱟ ᱡᱟᱱᱟᱢ ᱪᱷᱟᱹᱴᱤᱭᱟᱹᱨ ᱥᱮ ᱱᱤᱢᱫᱟᱜ ᱢᱟᱹᱱᱰᱤ᱾

ᱯᱷᱮᱰᱮᱛ

• https://bn.wikipedia.org/wiki/%E0%A6%B6%E0%A6%BF%E0%A6%B6%E0%A7%81