ᱚᱛᱟᱥᱤ ᱵᱟᱨᱩᱣᱟ
ᱚᱛᱟᱥᱤ ᱵᱟᱨᱩᱣᱟ (᱔ ᱥᱮᱯᱴᱮᱢᱵᱚᱨ ᱑᱙᱒᱑ᱼ᱒᱖ ᱡᱩᱱ ᱒᱐᱑᱖) ᱒᱐ ᱥᱚᱛᱟᱵᱫᱤ ᱨᱮᱱ ᱥᱚᱨᱮᱥ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱪᱤᱛᱟᱹᱨ ᱠᱟᱹᱨᱤᱜᱚᱞ ᱮ ᱛᱟᱦᱮᱸ ᱠᱟᱱᱟ ᱟᱨ ᱥᱨᱤᱝᱜᱚ ᱵᱮᱜᱚᱨ ᱦᱚᱸ ᱠᱳᱞᱳᱢᱵᱳ, ᱛᱮᱦᱮᱨᱟᱱ, ᱠᱟᱭᱨᱳ,ᱵᱮᱱᱠᱳᱠ ,ᱴᱳᱠᱤᱭᱳ ᱟᱨ ᱟᱢᱮᱨᱤᱠᱟ ᱡᱩᱠᱛᱚᱨᱟᱥᱴᱨᱚ ᱞᱮᱠᱟᱱ ᱴᱷᱟᱶ ᱨᱮ ᱩᱱᱤᱭᱟᱜ ᱠᱟᱹᱢᱤ ᱠᱚ ᱩᱫᱩᱜ ᱥᱚᱫᱚᱨ ᱟᱠᱟᱫᱟ ᱾ ᱩᱱᱤᱭᱟᱜ ᱪᱤᱛᱟᱹᱨ ᱨᱮ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱥᱟᱥᱛᱨᱚ ᱥᱟᱛᱟᱢ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱩᱱᱤᱭᱟᱜ ᱠᱟᱹᱨᱤ ᱨᱮ ᱥᱟᱡᱚᱥᱟᱱ ᱨᱮᱭᱟᱜ ᱢᱤᱫ ᱢᱮᱥᱟ ᱢᱮᱱᱟᱜᱼᱟ ᱾ ᱩᱱᱤᱭᱟᱜ ᱠᱟᱹᱨᱤ ᱨᱮ ᱵᱳᱫᱽᱫᱷᱚ ᱫᱷᱚᱨᱚᱢ ᱨᱮᱭᱟᱜ ᱟᱭᱢᱟ ᱪᱤᱱᱦᱟᱹ ᱧᱟᱢᱚᱜᱼᱟ ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱛᱟᱥᱤ ᱵᱟᱨᱩᱣᱟ ᱑᱙᱒᱑ ᱥᱟᱹᱦᱤᱛ ᱨᱮᱭᱟᱜ ᱔ ᱥᱮᱯᱴᱮᱢᱵᱚᱨ ᱯᱚᱪᱷᱤᱢ ᱵᱟᱝᱞᱟ ᱨᱮ ᱥᱚᱨᱳᱡᱵᱟᱥᱤᱱᱤ ᱫᱮᱵᱤ ᱟᱨ ᱚᱥᱤᱛ ᱠᱩᱢᱟᱨ ᱦᱟᱞᱫᱟᱨ ᱨᱮᱱ ᱦᱚᱯᱚᱱ ᱮᱨᱟ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱛᱟᱦᱮᱸ ᱠᱟᱱᱟ ᱨᱚᱵᱤᱱᱫᱨᱚᱱᱟᱛᱷ ᱴᱷᱟᱠᱩᱨ ᱨᱮᱱ ᱢᱟᱨᱮᱼᱵᱩᱴᱟᱹ ᱵᱷᱟᱹᱱᱛᱤ, ᱡᱟᱦᱟᱭ ᱫᱚ ᱩᱱᱤᱭᱟᱜ ᱧᱩᱛᱩᱢ ᱮ ᱫᱚᱦᱚ ᱞᱮᱫᱟ ᱾ ᱩᱱᱤ ᱫᱚ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱞᱚᱠᱷᱱᱟᱣ ᱨᱮᱭᱟᱜ ᱞᱟ ᱢᱟᱨᱴᱤᱱᱤᱭᱟᱨ ᱢᱟᱦᱟ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱣ ᱞᱮᱱᱟ ᱾
ᱠᱟᱹᱨᱤ ᱨᱮ ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱭᱳ ᱟᱜ ᱞᱚᱜᱚᱱ ᱜᱚᱡ ᱚᱠᱛᱮ ᱨᱮ ᱩᱱᱤ ᱫᱚ ᱦᱩᱰᱤᱧ ᱩᱢᱮᱨ ᱠᱷᱚᱱ ᱪᱤᱛᱟᱹᱨ ᱵᱮᱱᱟᱣ ᱮ ᱮᱛᱚᱦᱚᱵ ᱞᱮᱫᱟ ᱾ ᱟᱡ ᱵᱟᱵᱟ ᱡᱟᱦᱟᱸᱭ ᱟᱡ ᱜᱮ ᱢᱤᱫᱦᱚᱲ ᱩᱯᱨᱩᱢᱟᱱ ᱪᱤᱛᱟᱹᱨ ᱠᱟᱹᱨᱤᱜᱚᱞ ᱮ ᱛᱟᱦᱮᱸᱠᱟᱱᱟ, ᱩᱱᱤ ᱫᱚ ᱟᱡ ᱪᱮᱛᱟᱱ ᱨᱮ ᱡᱳᱨ ᱮᱢ ᱟᱨ ᱮ ᱯᱟᱥᱱᱟᱣ ᱞᱮᱫᱟ ᱾ ᱩᱱᱤ ᱟᱭᱢᱟ ᱠᱟᱹᱨᱤ ᱨᱮ ᱥᱮᱪᱮᱫ ᱦᱟᱛᱟᱣ ᱞᱮᱫᱟᱭ ᱟᱨ ᱟᱹᱰᱤ ᱞᱚᱜᱚᱱ ᱢᱤᱫᱦᱚᱲ ᱱᱟᱯᱟᱭ ᱠᱟᱹᱨᱤᱜᱚᱞ ᱮ ᱵᱮᱱᱟᱣ ᱞᱮᱱᱟ ᱾
ᱪᱤᱛᱜᱟᱧᱡᱽ ᱨᱮᱱ ᱦᱚᱲ ᱟᱨᱵᱤᱱᱫᱚ ᱵᱟᱨᱩᱭᱟ ᱥᱟᱶ ᱵᱟᱯᱞᱟ ᱛᱟᱭᱚᱢ, ᱡᱟᱦᱟᱸᱭ ᱫᱚ ᱤᱝᱞᱮᱱᱰ ᱠᱷᱚᱱ ᱵᱟᱨ ᱮᱴ ᱞᱳ ᱮ ᱠᱚᱨᱟᱣ ᱞᱮᱫᱟ, ᱩᱱᱤ ᱫᱚ ᱵᱳᱫᱽᱫᱷᱚ ᱫᱷᱚᱨᱚᱢ ᱨᱮ ᱟᱹᱰᱤ ᱜᱮᱭᱟᱱᱮ ᱧᱟᱢ ᱞᱮᱫᱟ ᱡᱟᱦᱟᱸ ᱫᱚ ᱩᱱᱤᱭᱟᱜ ᱪᱤᱛᱟᱹᱨ ᱨᱮ ᱧᱮᱞ ᱧᱟᱢᱚᱜᱼᱟ ᱾ ᱵᱳᱫᱽᱫᱷᱚ ᱠᱚᱣᱟᱜ ᱡᱤᱭᱚᱱ,ᱚᱡᱚᱱᱛᱟ ᱨᱮᱭᱟᱜ ᱵᱩᱨᱩ ᱜᱚᱸᱜᱷᱚᱨ(ᱜᱩᱦᱟᱸ) ᱪᱤᱛᱟᱹᱨ ᱟᱨ ᱮᱴᱟᱜ ᱟᱭᱢᱟ ᱥᱟᱛᱟᱢ ᱨᱮᱭᱟᱜ ᱪᱤᱛᱟᱹᱨ ᱩᱫᱩᱜ ᱥᱚᱫᱚᱨ ᱨᱮᱭᱟᱜ ᱥᱩᱨ ᱨᱮ ᱢᱮᱱᱟᱜᱼᱟ ᱾
ᱩᱱᱤ ᱫᱚ ᱠᱚᱞᱠᱟᱛᱟ ᱨᱮᱭᱟᱜ ᱮᱠᱟᱰᱮᱢᱤ ᱚᱯᱷ ᱯᱷᱟᱭᱤᱱ ᱟᱨᱴᱥ ᱨᱮᱭᱟᱜ 11 ᱟᱱᱟᱜ ᱥᱮᱨᱢᱟᱠᱤᱭᱟᱹ ᱩᱫᱩᱜ ᱥᱚᱫᱚᱨ ᱨᱮ ᱠᱟᱹᱣᱰᱤ ᱥᱤᱨᱯᱟᱹ ᱦᱟᱢᱮᱴ ᱞᱮᱫᱟᱭ ᱚᱱᱟ ᱛᱟᱭᱚᱢ ᱩᱱᱤ ᱟᱭᱟᱜ ᱪᱤᱛᱟᱹᱨ ᱞᱟᱹᱜᱤᱫ ᱡᱮᱜᱮᱫ ᱡᱟᱠᱟᱛ ᱠᱚᱣᱟᱜ ᱢᱚᱱᱮ ᱧᱟᱢ ᱮᱦᱚᱵ ᱞᱮᱫᱟ ᱾ ᱟᱭᱟᱜ ᱪᱤᱛᱟᱹᱨ ᱠᱚᱞᱠᱟᱛᱟ ᱢᱤᱫ ᱦᱚᱲ ᱠᱚ ᱩᱫᱩᱜ ᱥᱚᱫᱚᱨ ᱞᱮᱱᱟ ᱡᱟᱦᱟᱸᱨᱮ ᱳᱥᱤ ᱜᱟᱝᱜᱩᱞᱤ ᱟᱨ ᱚᱵᱟᱱᱤ ᱥᱤ ᱵᱮᱱᱟᱨᱡᱤ ᱞᱮᱠᱟ ᱟᱭᱢᱟ ᱩᱭᱦᱟᱹᱨᱤᱭᱟᱹ ᱠᱚ ᱫᱟᱨᱟᱭ ᱛᱮ ᱩᱱᱤ ᱥᱟᱨᱦᱟᱣ ᱧᱟᱢ ᱞᱮᱫᱟ᱾
ᱩᱱᱤ ᱟᱨ ᱟᱡ ᱨᱮᱱ ᱵᱟᱹᱦᱩ ᱫᱚ ᱟᱭᱢᱟ ᱜᱟᱱ ᱥᱟᱸᱜᱷᱟᱨ ᱞᱮᱫᱟᱭ ᱟᱨ ᱫᱚᱠᱷᱤᱱ ᱮᱥᱤᱭᱟ ᱨᱮ ᱟᱭᱢᱟ ᱜᱟᱱ ᱠᱚᱱᱯᱷᱟᱨᱮᱱᱥ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱫᱚ ᱟᱭᱢᱟ ᱧᱩᱛᱩᱢᱟᱱ ᱦᱚᱲ ᱟᱨ ᱥᱟᱵᱟᱫᱤᱭᱟᱹ ᱠᱚᱣᱟᱜ ᱪᱤᱛᱟᱹᱨ ᱮ ᱵᱮᱱᱟᱣ ᱞᱮᱫᱟ ᱡᱟᱦᱟ ᱠᱚ ᱥᱟᱶ ᱩᱱᱤ ᱠᱚ ᱧᱮᱞ ᱞᱮᱫᱮᱭᱟ ᱟᱨ ᱩᱱᱠᱩ ᱥᱟᱶ ᱮ ᱥᱮᱞᱮᱫ ᱞᱮᱱᱟ ᱾ ᱢᱩᱫᱽᱨᱮ ᱢᱤᱫᱦᱚᱲ ᱦᱩᱭᱩᱜ ᱠᱟᱱᱟ ᱡᱟᱢᱤᱱᱤ ᱨᱟᱭ,ᱱᱟᱱᱫᱟᱞᱟᱞ ᱵᱳᱥ, ᱵᱤ ᱟᱨ ᱟᱢᱵᱮᱫᱠᱚᱨ, ᱦᱳ ᱪᱤ ᱢᱤᱱᱦ, ᱳ ᱥᱤ ᱜᱟᱝᱜᱩᱞᱤ, ᱱᱟᱣᱟᱱᱤᱛ ᱫᱮᱵ ᱥᱮᱱ ᱟᱨ ᱠᱟᱞᱤᱫᱟᱥ ᱱᱟᱜ ᱾
ᱩᱱᱤᱭᱟᱜ ᱠᱟᱹᱢᱤ ᱠᱟᱹᱨᱤ ᱨᱮᱭᱟᱜ ᱡᱟᱹᱥᱛᱤ ᱦᱤᱸᱥ ᱜᱮ ᱛᱟᱦᱮᱸ ᱠᱟᱱᱟ ᱞᱤᱱᱟᱜ ᱪᱤᱛᱟᱹᱨ ᱾ ᱢᱚᱦᱟ ᱵᱳᱫᱷᱤ ᱥᱳᱥᱟᱭᱴᱤ ᱩᱱᱤ ᱱᱚᱣᱟ ᱞᱟᱹᱜᱤᱫ ᱠᱟᱛᱷᱟ ᱮᱢ ᱛᱟᱭᱚᱢ, ᱩᱱᱤ ᱫᱚ ᱵᱚᱸᱜᱟ ᱵᱳᱫᱽᱫᱷᱚᱭᱟᱜ ᱡᱤᱭᱚᱱ ᱠᱷᱚᱱ ᱩᱫᱜᱟᱹᱣ ᱦᱟᱛᱟᱣ ᱠᱟᱛᱮ ᱑᱒ ᱜᱚᱴᱟᱝ ᱪᱤᱛᱟᱹᱨ ᱨᱮ ᱟᱭᱟᱜ ᱡᱤᱭᱚᱱ ᱨᱮᱭᱟᱜ ᱵᱚᱨᱱᱚᱱ ᱞᱮᱫᱟᱭ, ᱡᱟᱸᱦᱟ ᱫᱚ ᱩᱱᱤ ᱫᱚ ᱢᱤᱫᱴᱟᱝ ᱪᱤᱛᱟᱹᱨ ᱟᱱᱟᱜ ᱯᱚᱛᱚᱵ ᱨᱮ ᱩᱪᱷᱟᱹᱱ ᱞᱮᱫᱟᱭ ᱾ ᱩᱱᱤ ᱑᱓ ᱟᱱ ᱛᱮᱛᱷᱚᱝᱠᱚᱨ,ᱯᱟᱨᱥᱟᱣᱱᱟᱛᱷ ᱪᱮᱛᱟᱱ ᱨᱮ ᱢᱤᱫ ᱵᱟᱨ ᱪᱤᱛᱟᱹᱨ ᱵᱮᱱᱟᱣ ᱞᱟᱹᱜᱤᱫ ᱫᱟᱜᱟᱢᱵᱚᱨ ᱡᱳᱭᱱᱚ ᱢᱚᱱᱫᱤᱨ ᱫᱟᱨᱟᱭ ᱛᱮ ᱵᱟᱦᱟᱞ ᱞᱮᱱᱟᱭ ᱾