ᱚᱛᱩᱞ ᱪᱚᱱᱫᱽᱨᱚ ᱦᱟᱡᱚᱨᱤᱠᱟ
| ᱚᱛᱩᱞ ᱪᱚᱱᱫᱽᱨᱚ ᱦᱟᱡᱚᱨᱤᱠᱟ | |
|---|---|
| ᱡᱟᱱᱟᱢ | ᱪᱷᱟᱸᱪ:ᱡᱟᱱᱟᱢ ᱢᱟᱹᱦᱤᱛ ᱜᱩᱣᱟᱦᱟᱴᱤ, ᱟᱥᱟᱢ |
| ᱜᱩᱨ | ᱪᱷᱟᱸᱪ:ᱜᱩᱨ ᱢᱟᱦᱟ ᱟᱨ ᱩᱢᱮᱨ ᱜᱩᱣᱟᱦᱟᱴᱤ, ᱟᱥᱟᱢ |
| ᱢᱟᱹᱱ ᱧᱩᱢ | Topobonor Kobi, Dipalir Kobi |
| ᱠᱟᱹᱢᱤ | ᱢᱟᱪᱮᱛ, ᱚᱱᱚᱞᱤᱟᱹ |
| ᱯᱟᱹᱨᱥᱤ | ᱟᱥᱟᱢᱤᱥ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ ᱟᱥᱲᱟ | ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ |
| ᱥᱟᱶᱦᱮᱫ ᱮᱱᱮᱢ | Dipali, Topoban, Manchalekha |
| ᱥᱤᱨᱯᱷᱟᱹ | Sahitya Akademi Award(1969) Padma Shri(1971) |
| ᱡᱤᱭᱚᱱ ᱥᱚᱦᱮᱫ | Sabitri Hazarika |
| ᱦᱚᱯᱚᱱ | ᱡᱚᱱᱟᱠᱤ |
ᱚᱛᱩᱞ ᱪᱚᱱᱫᱽᱨᱚ ᱦᱟᱡᱚᱨᱤᱠᱟ (ᱤᱝᱨᱟᱹᱡᱤᱺ Atul Chandra Hazarika; ᱑᱙᱐᱓ - ᱑᱙᱘᱖) ᱫᱚ ᱟᱥᱟᱢ ᱯᱚᱱᱚᱛ ᱨᱮᱱ ᱢᱤᱫᱴᱟᱝ ᱚᱱᱚᱞᱤᱭᱟᱹ, ᱚᱱᱚᱲᱦᱤᱭᱟᱹ , ᱜᱟᱹᱭᱱᱟᱦᱟᱨᱤᱭᱟᱹ ᱟᱨ ᱜᱤᱫᱽᱨᱟᱹ ᱵᱟᱹᱣᱞᱤ ᱚᱞᱚᱜ-ᱤᱡ ᱠᱟᱱᱟᱭ᱾ ᱑᱙᱕᱓ ᱥᱮᱨᱢᱟ ᱠᱷᱚᱱ ᱑᱙᱕᱖ ᱥᱮᱨᱢᱟ ᱦᱟᱹᱵᱤᱡ ᱩᱱᱤ ᱫᱚ ᱢᱤᱫ ᱞᱮᱛᱟᱲ ᱜᱮ ᱯᱮ ᱫᱷᱟᱣ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱱ ᱯᱟᱨᱥᱮᱫ ᱮ ᱛᱟᱦᱮᱸ ᱠᱟᱱᱟ᱾ ᱑᱙᱕᱙ ᱥᱮᱨᱢᱟ ᱨᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮ ᱡᱟᱨᱣᱟᱜ ᱦᱚᱭ ᱞᱮᱱ ᱚᱠᱛᱚ ᱨᱮ ᱩᱱᱤ ᱜᱮ ᱯᱟᱨᱥᱮᱫ ᱮ ᱛᱟᱦᱮᱸ ᱠᱟᱱᱟ᱾ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱫᱚ ᱑᱙᱘᱒ ᱥᱮᱨᱢᱟ ᱨᱮ ᱚᱛᱩᱞ ᱪᱚᱱᱫᱽᱨᱚ ᱦᱟᱡᱚᱨᱤᱠᱟ ᱫᱚ ᱥᱟᱦᱤᱛᱭᱚ ᱪᱟᱨᱡᱚ ᱯᱟᱹᱨᱤᱥ ᱠᱚ ᱪᱟᱞ ᱟᱫᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱥᱟᱢ ᱨᱮ ᱢᱤᱫ ᱱᱟᱴᱭᱚ ᱨᱚᱝᱢᱚᱱᱪᱚ ᱛᱮᱭᱟᱨ ᱠᱟᱛᱮ ᱮᱞᱟᱝ ᱚᱨᱥᱚᱝ ᱞᱮᱫᱟᱭ ᱟᱨ ᱚᱱᱟ ᱛᱮ ᱜᱮ ᱟᱥᱟᱢ ᱠᱷᱚᱱ ᱵᱟᱝᱞᱟ ᱨᱚᱝᱜᱽ ᱢᱚᱧᱪᱚ ᱩᱫᱟ.ᱞ ᱦᱚᱭ ᱞᱮᱱ ᱛᱟᱠᱚᱣᱟ᱾
ᱡᱟᱱᱟᱢ ᱟᱨ ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱐᱓ ᱥᱮᱨᱢᱟ ᱨᱮᱭᱟᱜ ᱙ (ᱟᱨᱮ) ᱥᱮᱯᱴᱮᱢᱵᱚᱨ ᱢᱟᱹᱦᱤᱛ ᱦᱤᱞᱚᱜ-ᱮ ᱡᱟᱱᱟᱢ ᱞᱮᱱᱟ ᱜᱩᱣᱟᱦᱟᱴᱤ ᱱᱟᱜᱽᱨᱟᱦᱟ ᱨᱮ᱾ ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱨᱚᱢᱟ ᱠᱟᱱᱛᱚ ᱦᱟᱡᱚᱨᱤᱠᱟ ᱟᱨ ᱮᱸᱜᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱱᱤᱨᱳᱯᱚᱢᱟ ᱦᱟᱡᱚᱨᱤᱠᱟ᱾ ᱚᱛᱩᱞ ᱪᱚᱱᱫᱽᱨᱚ ᱦᱟᱡᱚᱨᱤᱠᱟ ᱫᱚ ᱞᱚᱛᱟᱥᱤᱞ ᱯᱨᱟᱭᱢᱟᱨᱤ ᱤᱛᱩᱱ ᱟᱥᱲᱟ ᱟᱨ ᱢᱟᱱᱤᱠ ᱪᱚᱱᱫᱽᱨᱚ ᱵᱚᱨᱩᱣᱟ ᱛᱟᱞᱟᱱᱟ ᱤᱝᱨᱟᱹᱡᱤ ᱥᱠᱩᱞ ᱨᱮ ᱚᱞ ᱯᱟᱲᱦᱟᱣ ᱢᱩᱪᱟᱹᱫ ᱠᱟᱛᱮ ᱠᱚᱴᱚᱱ ᱠᱚᱞᱮᱡᱤᱭᱮᱴ ᱥᱠᱩᱞ ᱨᱮ ᱛᱟᱞᱟᱱᱟ ᱥᱮᱪᱮᱫ ᱫᱚᱭ ᱧᱟᱢ ᱞᱮᱫᱟ᱾ ᱑᱙᱒᱓ ᱥᱮᱨᱢᱟ ᱨᱮᱭᱟᱜ ᱢᱮᱴᱨᱤᱠ ᱵᱤᱱᱤᱰ ᱨᱮ ᱯᱮᱭᱟ ᱥᱟᱛᱟᱢ ᱨᱮ ᱞᱮᱛᱟᱨ ᱱᱚᱢᱵᱚᱨ ᱧᱟᱢ ᱠᱟᱛᱮᱭᱮ ᱯᱟᱥ ᱞᱮᱫᱟ᱾ ᱑᱙᱒᱘ ᱥᱮᱨᱢᱟ ᱨᱮ ᱠᱚᱴᱚᱱ ᱠᱚᱞᱮᱡᱽ ᱠᱷᱚᱱ ᱥᱱᱟᱛᱚᱠ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ᱾ ᱑᱙᱔᱔ ᱥᱮᱨᱢᱟ ᱨᱮ ᱵᱤᱱ ᱚᱨᱟᱢ ᱛᱮ ᱵᱤᱱᱤᱰ ᱮᱢ ᱠᱟᱛᱮ ᱫᱚᱥᱟᱨ ᱛᱷᱚᱠ ᱨᱮᱭᱟᱜ ᱨᱮ ᱯᱟᱹᱦᱤᱞ ᱴᱷᱟᱶ ᱦᱟᱢᱮᱴ ᱠᱟᱛᱮ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱟᱥᱟᱢᱤᱥ ᱥᱟᱛᱟᱢ ᱟᱛᱮ ᱮᱢᱹ ᱮᱹ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ᱾ ᱑᱙᱓᱐ ᱥᱮᱨᱢᱟ ᱠᱷᱚᱱ ᱑᱙᱔᱘ ᱥᱮᱨᱢᱟ ᱦᱟᱹᱵᱤᱡ ᱚᱛᱩᱞ ᱪᱚᱱᱫᱽᱨᱚ ᱦᱟᱡᱚᱨᱤᱠᱟ ᱫᱚ ᱟᱥᱟᱢ ᱨᱮᱭᱟᱜ ᱟᱭᱢᱟ ᱡᱟᱭᱜᱟ ᱠᱚ ᱨᱮ ᱢᱟᱪᱮᱫ ᱞᱮᱠᱟ ᱛᱮᱭᱮ ᱠᱟᱹᱢᱤ ᱞᱮᱫᱟ ᱟᱨ ᱩᱱᱚᱠᱛᱮ ᱨᱮ ᱥᱮᱱᱟᱛᱚᱠ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ (ᱜᱩᱣᱟᱦᱟᱴᱤ ᱟᱨᱞ ᱞᱚ ᱵᱤᱨᱫᱟᱹᱜᱟᱲ ᱠᱷᱚᱱ) ᱟᱨ ᱵᱤᱹ ᱴᱤᱹ ᱰᱤᱜᱽᱨᱤ (ᱥᱮᱭᱴ ᱮᱰᱢᱟᱱᱰᱥ ᱠᱚᱞᱮᱡᱽ, ᱥᱤᱞᱚᱝ ᱠᱷᱚᱱ) ᱦᱟᱢᱮᱴ ᱞᱮᱫᱟ᱾ ᱑᱙᱔᱘ ᱥᱮᱨᱢᱟ ᱠᱷᱚᱱ ᱦᱟᱡᱚᱨᱤᱠᱟ ᱫᱚ ᱠᱚᱴᱚᱱ ᱵᱤᱨᱫᱟᱹᱜᱟᱲ ᱠᱷᱚᱱ ᱟᱥᱟᱢᱤᱥ ᱰᱤᱯᱟᱴ ᱨᱮᱱ ᱜᱟᱞᱚᱪᱤᱭᱟᱹ ᱞᱮᱠᱟ ᱛᱮ ᱵᱟᱦᱟᱞᱤ ᱧᱟᱢ ᱞᱮᱫᱟ᱾ ᱛᱟᱭᱚᱢ ᱛᱮ ᱠᱚᱴᱚᱱ ᱠᱚᱞᱮᱡᱽ ᱨᱮᱭᱟᱜ ᱟᱥᱟᱢᱤᱥ ᱰᱤᱯᱟᱴ ᱨᱮᱱ ᱢᱩᱨᱩᱵᱽᱵᱤ ᱞᱮᱠᱟ ᱛᱮᱭᱮ ᱡᱤᱨᱟᱹᱣ ᱮᱱᱟ᱾