ᱚᱡᱚᱱᱛᱟ ᱱᱤᱭᱳᱜᱽ
| ᱚᱡᱚᱱᱛᱟ ᱱᱤᱭᱳᱜᱽ | |
|---|---|
 ᱒᱐᱒᱐ ᱨᱮ ᱱᱤᱭᱳᱜᱽ | |
| ᱟᱥᱟᱢ ᱥᱚᱨᱠᱟᱨ ᱨᱤᱱᱤᱡ ᱠᱟᱹᱣᱰᱤ ᱟᱨ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱢᱚᱱᱛᱨᱤ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱑᱐ ᱢᱮ ᱒᱐᱒᱑ | |
| ᱥᱤᱨᱟᱹ ᱢᱚᱱᱛᱨᱤ | ᱦᱤᱢᱟᱱᱛᱟ ᱵᱤᱥᱣᱟ ᱥᱚᱨᱢᱟ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱦᱤᱢᱟᱱᱟᱛ ᱵᱤᱥᱣᱟ ᱥᱚᱨᱢᱟ] |
| ᱟᱥᱟᱢ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱓ ᱢᱮ ᱒᱐᱒᱑ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱟᱡ |
| ᱟᱹᱢᱟᱹᱞᱤ ᱨᱮ ᱒᱐᱐᱑ – ᱒᱕ ᱰᱤᱥᱮᱢᱵᱚᱨ ᱒᱐᱒᱐ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱟᱛᱩᱞ ᱵᱳᱨᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱟᱡ |
| ᱵᱟᱪᱱᱟᱣ ᱮᱞᱮᱠᱟ | ᱜᱳᱞᱟᱜᱷᱟᱴ |
| ᱫᱤᱥᱩᱣᱟᱹ ᱠᱟᱹᱢᱤ ᱰᱤᱯᱟᱨᱴᱢᱮᱱᱴ (ᱨᱚᱰ ᱟᱨ ᱵᱤᱞᱰᱤᱝ, NH), ᱥᱚᱦᱨᱤ ᱰᱮᱵᱽᱞᱚᱯᱢᱮᱱᱴ ᱟᱨ ᱦᱟᱣᱩᱥᱤᱝ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱐᱐᱖ – ᱢᱮ ᱒᱐᱑᱖ | |
| ᱥᱤᱨᱟᱹ ᱢᱚᱱᱛᱨᱤ | ᱛᱟᱨᱩᱱ ᱜᱚᱜᱚᱭ |
| ᱯᱨᱚᱡᱮᱠᱴ ᱟᱨ ᱰᱮᱵᱽᱞᱚᱯᱢᱮᱸᱴ, ᱡᱩᱰᱤᱥᱤ, ᱞᱮᱡᱤᱥᱞᱮᱴᱤᱵᱽ, ᱯᱮᱱᱥᱚᱱ ᱟᱨ ᱯᱚᱵᱽᱞᱤᱠ ᱜᱽᱨᱮᱣᱮᱱᱥ | |
| ᱟᱹᱢᱟᱹᱞᱤ ᱨᱮ ᱒᱓ ᱡᱟᱱᱩᱣᱟᱨᱤ ᱒᱐᱑᱕ - ᱒᱐᱑᱖ | |
| ᱥᱤᱨᱟᱹ ᱢᱚᱱᱛᱨᱤ | ᱛᱟᱨᱩᱱ ᱜᱚᱜᱚᱭ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱛᱚᱝᱠᱟ ᱵᱟᱦᱟᱫᱩᱨ ᱨᱟᱭ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱙᱖᱔ ᱜᱩᱣᱟᱦᱟᱴᱤ, ᱟᱥᱟᱢ, ᱥᱤᱧᱚᱛ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ |
| ᱡᱤᱭᱚᱱ ᱥᱚᱦᱮᱫ | ᱱᱟᱜᱮᱱ ᱱᱤᱭᱳᱜᱽ (d. 1996) |
| ᱦᱚᱯᱚᱱ | ᱵᱟᱨᱭᱟ ᱜᱤᱫᱽᱨᱟᱹ |
| ᱜᱳ/ᱵᱟᱵᱟ | ᱥᱟᱥᱚᱫᱷᱟᱨ ᱫᱟᱥ (ᱵᱟᱵᱟ) ᱨᱮᱵᱟᱛᱤ ᱫᱟᱥ (ᱟᱭᱳ) |
| ᱚᱲᱟᱜ | ᱫᱤᱥᱯᱩᱨ |
| ᱥᱮᱪᱮᱫ ᱟᱠᱷᱲᱟ | ᱜᱚᱣᱦᱟᱴᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱢ.ᱮ. ᱟᱨ ᱮᱞ.ᱮᱞ.ᱵᱤ., ᱮᱞ.ᱮᱞ.ᱮᱢ. |
| ᱠᱟᱹᱢᱤ | ᱨᱟᱡᱽᱟᱹᱨᱤᱭᱟᱹ |
ᱚᱡᱚᱱᱛᱟ ᱱᱤᱭᱳᱜᱽ (ᱡᱟᱱᱟᱢ ᱑᱙᱖᱔) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱠᱟᱱᱟᱭ ᱾ ᱱᱩᱭ ᱫᱚ ᱱᱤᱛᱚᱜ ᱟᱥᱟᱢ ᱥᱚᱨᱠᱟᱨ ᱨᱮ ᱠᱟᱹᱣᱰᱤ ᱟᱨ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱢᱚᱱᱛᱨᱤ ᱠᱟᱱᱟᱭ ᱾[᱑] ᱩᱱᱤ ᱫᱚ ᱟᱥᱟᱢ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱠᱟᱹᱣᱰᱤ ᱢᱚᱱᱛᱨᱤ ᱠᱟᱱᱟᱭ ᱾[᱒] ᱒᱐᱐᱑ ᱥᱮᱨᱢᱟ ᱠᱷᱚᱱ ᱩᱱᱤ ᱫᱚ ᱜᱳᱞᱟᱜᱷᱟᱴ ᱵᱤᱫᱷᱟᱱᱥᱚᱵᱷᱟ ᱴᱚᱴᱷᱟ ᱠᱷᱚᱱ ᱢᱚᱬᱮ ᱫᱷᱟᱣ ᱵᱤᱫᱷᱟᱱᱥᱚᱵᱷᱟ ᱨᱮᱭ ᱛᱟᱦᱮᱸ ᱠᱟᱱᱟ ᱾[᱓] ᱩᱱᱤ ᱫᱚ ᱟᱥᱟᱢ ᱨᱤᱱᱤᱡ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱚᱠᱛᱚ ᱠᱟᱹᱢᱤᱭᱟᱱ ᱛᱤᱨᱞᱟᱹ ᱵᱤᱫᱷᱟᱭᱚᱠ (MLA) ᱞᱮᱠᱟᱛᱮ ᱦᱚᱸᱭ ᱧᱩᱛᱩᱢ ᱟᱠᱟᱱᱟ ᱾[᱔]
ᱱᱤᱛᱚᱜ ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ, ᱡᱟᱦᱟᱸ ᱨᱮ ᱩᱱᱤ ᱫᱚ ᱰᱤᱥᱮᱢᱵᱚᱨ ᱒᱐᱒᱐ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱵᱤᱫᱷᱟᱭᱚᱠ ᱯᱚᱫᱽ ᱠᱷᱚᱱ ᱨᱤᱡᱮᱱ ᱠᱮᱫᱟᱭ ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱡᱚᱱᱛᱟ ᱱᱤᱭᱳᱜᱽ ᱫᱚ ᱜᱩᱣᱟᱦᱟᱴᱤ ᱨᱮ ᱥᱚᱥᱟᱫᱷᱚᱨ ᱫᱟᱥ ᱟᱨ ᱨᱮᱵᱚᱛᱤ ᱫᱟᱥ ᱟᱜ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱟᱡ ᱟᱭᱳ ᱨᱮᱵᱚᱛᱤ ᱫᱟᱥ ᱫᱚ ᱡᱚᱞᱩᱠᱵᱟᱨᱤ ᱠᱷᱚᱱ ᱟᱥᱟᱢ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱢᱟᱨᱮ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾[᱕] ᱩᱱᱤ ᱫᱚ ᱜᱚᱣᱦᱟᱴᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱢ.ᱮ, ᱮᱞ.ᱮᱞ.ᱵᱤ ᱟᱨ ᱮᱞ.ᱮᱞ.ᱮᱢ. ᱰᱤᱜᱽᱨᱤ ᱠᱚᱭ ᱟᱢᱮᱴ ᱟᱠᱟᱫᱟ ᱾ ᱩᱱᱤ ᱫᱚ ᱦᱟᱱᱰᱤᱠ ᱜᱟᱨᱞᱥ ᱠᱚᱞᱮᱡᱽ ᱨᱤᱱᱤᱡ ᱢᱟᱨᱮ ᱟᱪᱮᱛᱟᱹᱱᱤ ᱠᱟᱱᱟᱭ ᱾[᱖] ᱟᱡᱟᱜ ᱰᱤᱜᱽᱨᱤ ᱯᱩᱨᱟᱹᱣ ᱛᱟᱭᱚᱢ ᱜᱩᱣᱟᱦᱟᱴᱤ ᱦᱟᱭ ᱠᱚᱨᱴ ᱨᱮ ᱢᱤᱫ ᱳᱠᱤᱞ ᱞᱮᱠᱟᱛᱮ ᱠᱤᱪᱷᱩ ᱥᱮᱨᱢᱟ ᱫᱷᱟᱹᱨᱤᱡ ᱚᱱᱚᱬᱦᱮᱭ ᱯᱟᱲᱦᱟᱣ ᱞᱮᱱᱟ ᱾
ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱒᱐᱐᱑ ᱨᱮᱱᱟᱜ ᱵᱟᱪᱷᱱᱟᱣ ᱨᱮ ᱑᱐,᱐᱐᱐ ᱠᱷᱚᱱ ᱰᱮᱦᱮᱨ ᱵᱟᱪᱷᱱᱟᱣ ᱛᱮ ᱟᱡᱟᱜ ᱥᱩᱨ ᱥᱩᱯᱩᱨ ᱥᱚᱢᱯᱚᱛᱤ ᱵᱷᱤᱛᱤᱨ ᱛᱮ ᱵᱤᱫᱷᱟᱱᱥᱚᱵᱷᱟ ᱨᱮ ᱥᱮᱞᱮᱫ ᱮᱱᱟ ᱾[᱗] ᱚᱱᱟ ᱛᱟᱭᱚᱢ ᱒᱐᱐᱖ ᱥᱟᱞᱮ ᱨᱮ ᱩᱱᱤ ᱫᱚ ᱵᱟᱪᱷᱱᱟᱣ ᱨᱮ ᱟᱨ ᱦᱚᱸᱭ ᱡᱤᱛᱠᱟᱹᱨ ᱞᱮᱱᱟ ᱾ ᱒᱐᱑᱑ ᱥᱟᱞ ᱨᱮ ᱩᱱᱤ ᱫᱚ ᱔᱖᱑᱗᱑ ᱵᱷᱳᱴ ᱛᱮᱭ ᱡᱤᱛᱟᱹᱣ ᱞᱮᱱᱟ ᱾ ᱟᱥᱟᱢ ᱨᱮ 'ᱵᱤᱡᱮᱯᱤ ᱞᱟᱦᱟ' ᱨᱮᱦᱚᱸ ᱩᱱᱤ ᱫᱚ ᱒᱐᱑᱖ ᱥᱟᱞᱮ ᱨᱮᱱᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱮ ᱧᱟᱢ ᱞᱮᱫᱼᱟ ᱡᱟᱦᱟᱸ ᱨᱮ ᱠᱚᱸᱜᱽᱨᱮᱥ ᱨᱤᱱ ᱟᱭᱢᱟ ᱦᱩᱞᱥᱟᱹᱭ ᱠᱚ ᱦᱟᱨᱟᱣ ᱮᱱᱟ ᱾ ᱩᱱᱤ ᱫᱚ ᱫᱤᱥᱩᱣᱟᱹ ᱠᱟᱹᱢᱤ ᱵᱤᱵᱷᱟᱜᱽ (ᱥᱚᱲᱚᱠ ᱟᱨ ᱵᱷᱚᱵᱚᱱ, ᱮᱱ.ᱮᱪ.), ᱥᱚᱦᱚᱨ ᱩᱛᱱᱟᱹᱣ ᱟᱨ ᱚᱲᱟᱜ, [᱘][᱙][᱑᱐] ᱨᱮ ᱢᱚᱱᱛᱨᱤ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱟᱨ ᱯᱮᱭᱟ ᱢᱚᱱᱛᱨᱤ ᱢᱛᱱᱰᱚᱞ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ [᱑᱑] ᱩᱱᱤ ᱫᱚ ᱒᱐᱑᱕ ᱥᱟᱞ ᱨᱮ ᱯᱨᱚᱡᱮᱠᱴ ᱟᱨ ᱩᱛᱱᱟᱹᱣ, ᱡᱩᱰᱤᱥᱤᱭᱟᱞ, ᱞᱤᱡᱤᱥᱞᱮᱴᱤᱵᱷ, ᱯᱮᱱᱥᱚᱱ ᱟᱨ ᱫᱤᱥᱩᱣᱟᱹ ᱜᱨᱮᱣᱮᱱᱥ ᱢᱚᱱᱛᱨᱤ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾[᱑᱒] ᱩᱱᱤ ᱫᱚ ᱭᱩᱱᱟᱭᱴᱮᱰ ᱪᱮᱢᱵᱟᱨ ᱚᱯᱷ ᱠᱚᱢᱚᱨᱥ, ᱜᱳᱞᱟᱜᱷᱟᱴ ᱠᱷᱚᱱ ᱜᱳᱞᱟᱜᱷᱟᱴ ᱨᱚᱛᱱᱚ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ ᱾
PWD ᱢᱚᱱᱛᱨᱤ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱚᱠᱛᱚ ᱨᱮ, ᱟᱥᱟᱢ ᱨᱮ ᱥᱟᱨᱠᱟᱨᱤ ᱤᱱᱯᱷᱨᱟᱥᱴᱨᱚᱠᱪᱚᱨ ᱨᱮ ᱟᱹᱰᱤ ᱢᱟᱨᱟᱝ ᱩᱥᱟᱹᱨᱟ ᱮ ᱟᱢᱮᱴ ᱞᱮᱫᱼᱟ ᱾ ᱖ ᱱᱚᱵᱷᱮᱢᱵᱚᱨ ᱒᱐᱑᱕ ᱦᱤᱞᱚᱜ ᱤᱱᱰᱤᱭᱟ ᱴᱩᱰᱮ ᱜᱨᱩᱯ ᱦᱚᱛᱮᱛᱮ ᱑᱓ ᱟᱱᱟᱜ ᱯᱚᱱᱚᱛ ᱠᱚᱱᱠᱞᱮᱵᱽ ᱨᱮ ᱟᱥᱟᱢ ᱫᱚ ᱢᱟᱨᱟᱝ ᱯᱚᱱᱚᱛ ᱛᱷᱚᱠ ᱨᱮ ᱥᱚᱨᱮᱥ ᱤᱱᱯᱨᱟᱥᱴᱨᱚᱠᱪᱚᱨ ᱰᱮᱵᱽᱞᱚᱯᱢᱮᱱᱴ ᱯᱚᱱᱚᱛ ᱢᱮᱱᱛᱮ ᱠᱚ ᱞᱮᱠᱷᱟ ᱞᱮᱫᱼᱟ ᱾ ᱟᱥᱟᱢ ᱫᱚ ᱤᱱᱯᱷᱨᱟᱥᱴᱨᱚᱠᱪᱚᱨ ᱰᱮᱵᱽᱞᱚᱯᱢᱮᱱᱴ ᱨᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱯᱚᱱᱚᱛ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱞᱮᱫᱟ, ᱪᱮᱫᱟᱜ ᱥᱮ ᱒᱐᱑᱑ ᱠᱷᱚᱱ ᱒᱐᱑᱓ ᱑᱔ ᱫᱷᱟᱹᱨᱤᱡ ᱯᱟᱠᱠᱟ ᱥᱚᱲᱚᱠ ᱨᱮᱱᱟᱜ ᱡᱤᱞᱤᱧ ᱨᱮ ᱑᱗ ᱥᱟᱭᱠᱚᱲᱟ ᱨᱮᱱᱟᱜ ᱵᱟᱹᱲᱛᱤ ᱦᱟᱛᱟᱣ ᱟᱠᱟᱱᱟ, ᱡᱚᱠᱷᱚᱱ ᱱᱚᱣᱟ ᱚᱠᱛᱚ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱮᱵᱷᱚᱨᱮᱡᱽ ᱫᱚ ᱯᱩᱱ ᱥᱟᱭᱠᱚᱲᱟ ᱛᱟᱦᱮᱸ ᱠᱟᱱᱟ ᱾[᱑᱓]
ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱰᱤᱥᱮᱢᱵᱚᱨ ᱒᱐᱒᱐ ᱨᱮ, ᱚᱡᱚᱱᱛᱟ ᱱᱤᱭᱳᱜᱽ, ᱨᱟᱡᱽᱫᱤᱯ ᱜᱳᱣᱟᱞᱟ (ᱵᱟᱨᱭᱟ ᱱᱤᱛᱚᱜ ᱵᱤᱫᱷᱟᱭᱚᱠ) ᱥᱟᱶ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱮᱭ ᱥᱮᱞᱮᱫ ᱞᱮᱱᱟ, ᱡᱚᱠᱷᱚᱱ ᱵᱟᱱᱟᱨ ᱜᱮ ᱩᱱᱠᱩᱣᱟᱜ "ᱯᱟᱨᱴᱤ ᱵᱤᱨᱩᱫᱷ" ᱠᱟᱹᱢᱤ ᱞᱟᱹᱜᱤᱫ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱠᱷᱚᱱ ᱠᱚ ᱵᱟᱦᱨᱮ ᱠᱮᱫᱮᱭᱟ ᱾[᱑᱔] ᱠᱷᱚᱵᱚᱨᱤᱭᱟᱹ ᱠᱚ ᱥᱟᱶ ᱨᱚᱲ ᱡᱷᱚᱜ ᱩᱱᱤ ᱫᱚ ᱟᱡᱟᱜ ᱯᱟᱨᱴᱤ ᱫᱚ 'ᱧᱮᱞ ᱡᱚᱝ ᱠᱚᱢ' ᱢᱮᱱᱛᱮᱭ ᱞᱟᱹᱭ ᱠᱮᱫᱟ ᱟᱨ ᱵᱷᱮᱜᱟᱨ ᱮᱱᱟ ᱾ ᱩᱱᱤ ᱫᱚ ᱱᱚᱣᱟ ᱦᱚᱸᱭ ᱢᱮᱱ ᱠᱮᱫᱟ ᱡᱮ ᱩᱱᱤ ᱫᱚ ᱠᱚᱝᱜᱽᱨᱮᱥ ᱯᱟᱨᱴᱤ ᱟᱨ ᱮ.ᱟᱭᱤ.ᱭᱩ.ᱰᱤ.ᱮᱯᱷ. ᱨᱮᱱᱟᱜ 'ᱵᱟᱹᱲᱤᱡ' ᱜᱟᱶᱛᱟ ᱠᱷᱚᱱ ᱟᱥᱟᱢ ᱨᱤᱱ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱦᱚᱨᱚᱥ ᱠᱚ ᱵᱟᱧᱪᱟᱣ ᱞᱟᱹᱜᱤᱫ ᱛᱮ ᱵᱤᱡᱮᱯᱤ ᱨᱮᱭ ᱥᱮᱞᱮᱫᱚᱜ ᱠᱟᱱᱟ ᱾
ᱛᱟᱭᱚᱢ ᱛᱮ ᱩᱱᱤ ᱫᱚ ᱵᱤᱡᱮᱯᱤ ᱟᱜ ᱴᱤᱠᱮᱴ ᱨᱮ ᱜᱳᱞᱟᱜᱷᱟᱴ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱠᱚᱝᱜᱽᱨᱮᱥ ᱯᱟᱨᱴᱤ ᱨᱤᱱᱤᱡ ᱟᱡᱟᱜ ᱥᱩᱨ ᱥᱩᱯᱩᱨ ᱦᱩᱞᱥᱟᱹᱭ ᱟᱛᱮ ᱒᱐᱒᱑ ᱨᱮᱱᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱟᱹᱣ ᱮᱱᱟ ᱾ ᱱᱚᱣᱟ ᱡᱤᱛᱟᱹᱣ ᱥᱟᱶᱛᱮ ᱩᱱᱤ ᱫᱚ ᱜᱳᱞᱟᱜᱷᱟᱴ ᱮᱞ.ᱮ.ᱥᱤ. ᱠᱷᱚᱱ ᱞᱮᱛᱟᱲ ᱢᱚᱬᱮ ᱫᱷᱟᱣ ᱵᱤᱫᱷᱟᱭᱚᱠ ᱵᱮᱱᱟᱣ ᱮᱱᱟ ᱾[᱑] ᱩᱱᱤ ᱫᱚ ᱯᱚᱱᱚᱛ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱠᱟᱹᱣᱰᱤᱟᱹᱨᱤ ᱢᱚᱱᱛᱨᱤ ᱵᱮᱱᱟᱣ ᱠᱟᱛᱮ ᱱᱟᱜᱟᱢ ᱵᱮᱱᱟᱣ ᱮᱱᱟ ᱠᱟᱹᱣᱰᱤᱟᱹᱨᱤ ᱢᱚᱱᱛᱨᱤ ᱞᱮᱠᱟᱛᱮ ᱦᱤᱢᱚᱱᱛ ᱵᱤᱥᱣᱟ ᱠᱟᱵᱤᱱᱮᱴ ᱨᱮᱭ ᱥᱚᱨᱢᱟ ᱥᱮᱞᱮᱫ ᱞᱮᱱᱟ ᱾
ᱱᱤᱡᱮᱨᱟᱜ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱡᱚᱱᱛᱟ ᱱᱤᱭᱳᱜᱽ ᱫᱚ ᱠᱨᱚᱢᱥᱨᱤ ᱱᱟᱜᱮᱱ ᱱᱤᱭᱳᱜᱽ ᱥᱟᱶᱮ ᱵᱟᱯᱞᱟ ᱞᱮᱱᱟᱭ, ᱡᱟᱦᱟᱸᱭ ᱫᱚ ᱑᱙᱙᱖ ᱥᱟᱞᱮ ᱨᱮ ᱭᱩᱱᱟᱭᱴᱮᱰ ᱞᱤᱵᱽᱨᱮᱥᱚᱱ ᱯᱷᱨᱚᱱᱴ ᱚᱯᱷ ᱟᱥᱳᱢ ᱦᱚᱛᱮᱛᱮ ᱮᱴᱟᱜ ᱘ ᱦᱚᱲ ᱥᱟᱶᱛᱮ ᱠᱚ ᱜᱚᱡ ᱮᱱᱟᱭ ᱾ ᱟᱡ ᱡᱟᱶᱟᱭ ᱫᱚ ᱢᱤᱫ ᱢᱟᱲᱟᱝ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱟᱨ ᱪᱩᱴᱤᱭᱟ ᱡᱟᱹᱛᱤ ᱜᱩᱴ ᱨᱤᱱᱤᱡ ᱠᱟᱱᱟᱭ ᱾ ᱱᱩᱭ ᱨᱤᱱ ᱫᱚ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾[᱑᱕]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "ASSAM: FINAL LIST OF COUNCIL OF MINISTERS". Guwahati Times. 11 May 2021.
- ↑ "Assam CM allots portfolios to ministers; keeps home, PWD, personnel with self". Hindustan Times (in ᱟᱝᱜᱽᱨᱮᱡᱤ). 2021-05-11. Retrieved 2021-05-11.
- ↑ "Who's Who". 2021-08-31. Archived from the original on 31 August 2021. Retrieved 2022-05-22.
- ↑ "Assam Gets Its First Woman Finance Minister as CM Himanta Gives Portfolio to 5-time MLA Ajanta Neog". www.news18.com (in ᱟᱝᱜᱽᱨᱮᱡᱤ). 2021-05-11. Retrieved 2021-05-13.
- ↑ "Jalukbari Election Results 2016, Candidate list, Winner, Runner-up and Current MLAs". Elections in India. Retrieved 2021-08-31.
- ↑ "Platinum Jubilee - Handique Girls' College contents". Handique Girls' College (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 2022-02-21. Retrieved 2022-02-21.
- ↑ "Golaghat Elections and Results 2016, Candidate list, Current and Previous MLAs". www.elections.in. Retrieved 2016-04-26.
- ↑ "Smti. Ajanta Neog - Who's Who".
{{cite journal}}: Cite journal requires|journal=(help) - ↑ "Ajanta retains PWD, Nazrul gets health". 26 January 2015.
- ↑ Talukdar, Sushanta (23 January 2015). "14-member new Assam Ministry sworn in". The Hindu.
- ↑ "Gogoi allocates portfolios to new Assam ministers". 26 January 2015.
- ↑ "Gogoi allocates portfolios to new Assam ministers". Firstpost. 2015-01-26. Retrieved 2021-08-31.
- ↑ "Assam bags best Infrastructure Development State Award". indiatoday.intoday.in. Retrieved 2016-04-29.
- ↑ "Former Congress leaders Ajanta Neog & Rajdeep Gowala joined BJP". Times of India. Retrieved 2021-03-24.
- ↑ "Four-time MLA Ajanta Neog becomes the first woman Finance Minister of Assam". The Economic Times.