ᱚᱧᱡᱚᱞᱤ ᱠᱤᱥᱠᱩ
ᱚᱧᱡᱚᱞᱤ ᱠᱤᱥᱠᱩ ᱢᱤᱫ ᱵᱷᱟᱨᱚᱛᱤᱭᱚ ᱚᱱᱚᱞᱤᱭᱟᱹ ᱡᱟᱦᱟᱸᱭ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤᱛᱮ ᱚᱞᱻᱟᱭ ᱾[᱑] [᱒] ᱒᱐᱒᱐ ᱥᱮᱨᱢᱟ ᱨᱮ ᱟᱡᱟᱜ ᱚᱱᱚᱬᱦᱮ ᱯᱩᱛᱷᱤᱱ ᱟᱸᱡᱽᱞᱮ ᱞᱟᱹᱜᱤᱫ ᱥᱟᱦᱤᱛᱭᱚ ᱮᱠᱰᱮᱢᱤ ᱡᱩᱣᱟᱹᱱ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱞᱮᱱᱟ ᱾
| ᱚᱧᱡᱚᱞᱤ ᱠᱤᱥᱠᱩ | |
|---|---|
 ᱢᱟᱹᱱᱤᱡ ᱚᱧᱡᱚᱞᱤ ᱠᱤᱥᱠᱩ - ᱥᱟᱱᱛᱟᱲ ᱚᱱᱚᱞᱤᱭᱟᱹ , ᱨᱚᱲᱮᱫᱼᱟᱭ ᱥᱤᱨᱯᱷᱟᱹ ᱦᱟᱢᱮᱴᱤᱭᱟᱹᱣᱟᱜ ᱥᱮᱢᱞᱮᱫ (ᱡᱩᱣᱟᱹᱱ ᱥᱤᱨᱯᱷᱟᱹ ᱒᱐᱒᱐) ᱨᱮ | |
| ᱡᱟᱱᱟᱢ | ᱚᱧᱡᱚᱞᱤ ᱠᱤᱥᱠᱩ ᱑᱔ ᱡᱩᱞᱟᱭ ᱑᱙᱙᱒ ᱵᱟᱸᱠᱩᱲᱟ, ᱯᱚᱪᱷᱤᱢ ᱵᱟᱝᱞᱟ |
| ᱠᱟᱹᱢᱤ | ᱪᱮᱪᱮᱫᱤᱭᱟᱹ |
| ᱯᱟᱹᱨᱥᱤ | ᱥᱟᱱᱛᱟᱲ |
| ᱡᱟᱹᱛᱤᱭᱟᱹᱛ |  ᱥᱤᱧᱚᱛᱤᱭᱟᱹ |
| ᱱᱟᱹᱜᱟᱹᱨᱤᱭᱟᱹ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ | ᱥᱟᱱᱛᱟᱲ ᱛᱮ ᱞᱟᱯᱷᱟᱝ ᱥᱮᱪᱮᱫ |
| ᱥᱮᱪᱮᱫ ᱟᱥᱲᱟ | ᱱᱮᱛᱟᱡᱤ ᱢᱚᱦᱟᱵᱤᱫᱽᱫᱟᱞᱚᱭ, ᱟᱨᱟᱢᱵᱟᱜᱽ, ᱯᱚᱪᱷᱤᱢ ᱵᱟᱝᱞᱟ ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱥᱟᱱᱛᱤᱱᱤᱠᱮᱛᱚᱱ, ᱯᱚᱪᱷᱤᱢ ᱵᱟᱝᱞᱟ |
| ᱥᱟᱶᱦᱮᱫ ᱮᱱᱮᱢ | ᱟᱸᱡᱽᱞᱮ (᱒᱐᱑᱘), ᱢᱤᱫ ᱵᱤᱛᱟᱹ (᱒᱐᱒᱐), ᱤᱯᱤᱞ |
| ᱥᱤᱨᱯᱷᱟᱹ | ᱥᱟᱦᱤᱛᱭᱚ ᱮᱠᱰᱮᱢᱤ ᱡᱩᱣᱟᱹᱱ ᱥᱤᱨᱯᱷᱟᱹ |
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱒ ᱥᱮᱨᱢᱟ ᱨᱮᱭᱟᱜ ᱑᱔ ᱡᱩᱞᱟᱭ ᱩᱱᱤ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱟᱭᱟᱜ ᱮᱛᱚᱦᱚᱵ ᱥᱮᱪᱮᱫ ᱮᱢ.ᱯᱤ ᱯᱟᱱᱪᱚᱞ ᱛᱤᱨᱞᱟᱹ ᱦᱟᱭᱥᱠᱩᱞ, ᱵᱟᱸᱠᱩᱲᱟ ᱨᱮ ᱠᱚᱨᱟᱣ ᱞᱮᱫᱟᱭ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱱᱮᱛᱟᱡᱤ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱟᱨᱟᱢᱵᱟᱜᱽ ᱦᱩᱜᱽᱞᱤ ᱠᱷᱚᱱ ᱥᱟᱱᱛᱟᱲᱤ ᱟᱨ ᱵᱤᱥᱥᱚᱼᱵᱷᱟᱨᱛᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱟᱱᱛᱟᱲᱤ ᱨᱮ ᱯᱳᱥᱴᱼᱜᱨᱟᱡᱤᱭᱮᱥᱚᱱ ᱠᱚᱨᱟᱣ ᱞᱮᱫᱟᱭ ᱾[᱓] ᱛᱟᱭᱚᱢ, ᱩᱱᱤ ᱫᱚ ᱒᱐᱑᱗ ᱥᱮᱨᱢᱟ ᱨᱮ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱢᱚᱧᱡᱩᱨᱤ ᱠᱚᱢᱤᱥᱚᱱ (ᱤᱱᱰᱤᱭᱟ) ᱠᱷᱚᱱ ᱮᱱᱹᱤ.ᱴᱤ (NET) ᱵᱤᱰᱟᱹᱣ ᱨᱮᱭ ᱯᱟᱥ ᱞᱮᱱᱟ ᱾ ᱱᱤᱛ ᱩᱱᱤ ᱫᱚ ᱵᱤᱥᱥᱚᱼᱵᱷᱟᱨᱛᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮ ᱯᱤ.ᱮᱭᱤᱪ.ᱰᱤ ᱠᱷᱚᱸᱫᱽᱨᱚᱫᱤᱭᱟᱹ ᱵᱷᱩᱨᱛᱤ ᱟᱠᱟᱱᱟ ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱱᱟᱦᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱵᱟᱸᱠᱩᱲᱟ ᱨᱮ ᱢᱮᱱᱟᱜ ᱥᱟᱢᱤ ᱰᱤ.ᱰᱤ.ᱠᱮ ᱢᱟᱨᱟᱝᱵᱤᱨᱫᱟᱹᱜᱟᱲ ᱨᱮ ᱥᱮᱪᱮᱫᱤᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟᱭ ᱾[᱓]
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱟᱸᱡᱽᱞᱮ - ᱒᱐᱑᱘ (ᱢᱤᱫᱴᱟᱝ ᱚᱱᱚᱬᱦᱮᱸ ᱯᱚᱛᱚᱵ) ᱢᱤᱫ ᱵᱤᱛᱟᱹ (᱒᱐᱒᱐ ᱥᱮᱨᱢᱟ ᱨᱮ ᱩᱪᱷᱟᱹᱱ ᱢᱤᱫᱴᱟᱝ ᱚᱱᱚᱬᱦᱮᱸ ᱯᱚᱛᱚᱵ) ᱟᱨ ᱤᱯᱤᱞ (ᱦᱩᱰᱤᱧ ᱠᱟᱹᱦᱱᱤ ᱨᱮᱭᱟᱜ ᱢᱤᱫᱴᱟᱝ ᱛᱩᱢᱟᱹᱞ) ᱥᱟᱶᱛᱮ ᱟᱭᱢᱟ ᱜᱟᱱ ᱯᱚᱛᱚᱵᱼᱮ ᱚᱞ ᱟᱠᱟᱫᱟ ᱾ ᱩᱱᱤᱭᱟᱜ ᱠᱟᱹᱢᱤ ᱠᱚ ᱥᱤᱞᱤ, ᱥᱟᱨ, ᱩᱢᱩᱞ ᱟᱨ ᱵᱷᱟᱵᱽᱱᱟ ᱞᱮᱠᱟᱱ ᱟᱭᱢᱟ ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ ᱨᱮᱦᱚᱸ ᱪᱷᱟᱯᱟ ᱥᱚᱫᱚᱨ ᱟᱠᱟᱱᱟ ᱾ ᱱᱟᱦᱟᱜ ᱩᱱᱤ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱨᱮᱱ ᱠᱟᱹᱢᱤᱭᱟᱹ ᱜᱟᱫᱮᱞ ᱨᱮᱱ ᱨᱟᱹᱥᱤᱭᱟᱹ ᱠᱟᱱᱟᱭ ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "..:: SAHITYA Akademi - Yuva Puraskar ::." sahitya-akademi.gov.in. Retrieved 2024-02-25.
- ↑ PTI. "Sahitya Akademi announces Bal Sahitya Puraskar, Yuva Puraskar 2020". Deccan Herald (in ᱟᱝᱜᱽᱨᱮᱡᱤ). Retrieved 2024-02-25.
- ↑ ᱓.᱐ ᱓.᱑ ᱓.᱒ "Sahitya Akademy Award: संताली लेखक रूपचांद हांसदा, जयराम टुडू एवं अंजलि किस्कू को साहित्य अकादमी पुरस्कार". Dainik Jagran (in ᱦᱤᱱᱫᱤ). Retrieved 2024-02-25.