ᱚᱱᱛᱚᱨᱟ ᱪᱚᱣᱫᱷᱩᱨᱤ
| ᱚᱱᱛᱚᱨᱟ ᱪᱚᱣᱫᱷᱩᱨᱤ | |
|---|---|
| ᱡᱟᱱᱟᱢ ᱧᱩᱛᱩᱢ | ᱚᱱᱛᱚᱨᱟ |
| ᱡᱟᱱᱟᱢ | ᱒ ᱡᱩᱱ ᱑᱙᱗᱐ ᱢᱩᱢᱵᱟᱭ, ᱥᱤᱧᱚᱛ |
| ᱢᱩᱬ | ᱢᱩᱢᱵᱟᱭ, ᱥᱤᱧᱚᱛ |
| ᱡᱮᱱᱨᱮᱥ | ᱱᱟᱦᱟᱜ ᱥᱤᱧᱚᱛᱤᱭᱟᱹ ᱥᱮᱨᱮᱧ |
| ᱚᱠᱩᱯᱮᱥᱚᱱ | ᱥᱮᱨᱮᱧᱤᱭᱟᱹ, ᱠᱚᱢᱯᱚᱡᱟᱨ, ᱥᱮᱨᱮᱧ ᱢᱟᱪᱮᱫ, ᱥᱮᱨᱮᱧ ᱚᱱᱚᱞᱤᱭᱟᱹ |
| ᱠᱟᱹᱢᱤ ᱚᱠᱛᱚ | (᱑᱙᱗᱗–ᱱᱤᱛ) |
| ᱞᱮᱵᱮᱞ | ᱤᱱᱨᱮᱠᱳ, ᱥᱟᱨᱮᱜᱟᱢᱟ, ᱢᱮᱜᱟᱯᱷᱳᱱ, ᱴᱟᱭᱤᱢᱥ ᱢᱤᱣᱡᱤᱠ, ᱟᱥᱟ ᱚᱰᱤᱭᱳ, ᱮᱴᱞᱟᱱᱴᱤᱥ |
| ᱣᱮᱵᱽᱥᱟᱭᱤᱴ | antaramusic |
| ᱟᱯᱟᱛ ᱮᱸᱜᱟᱛ |
|
ᱚᱱᱛᱚᱨᱟ ᱪᱚᱣᱫᱷᱩᱨᱤ (ᱠᱟᱱᱟᱢ ᱒ ᱡᱩᱱ ᱑᱙᱗᱐, ᱢᱩᱢᱵᱟᱭ, ᱥᱤᱧᱚᱛ) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱥᱮᱨᱮᱧ ᱵᱟᱰᱚᱦᱤ ᱟᱨ ᱥᱮᱨᱮᱧ ᱜᱟᱵᱟᱱᱤᱡ ᱠᱟᱱᱟᱭ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱟᱨ ᱚᱱᱚᱬᱦᱤᱭᱟᱹ ᱥᱚᱞᱤᱞ ᱪᱚᱣᱫᱷᱩᱨᱤ ᱟᱨ ᱧᱩᱛᱩᱢᱟᱱ ᱥᱮᱨᱮᱧᱤᱭᱟᱹ ᱥᱚᱵᱤᱛᱟ ᱪᱚᱣᱫᱷᱩᱨᱤ ᱛᱟᱹᱠᱤᱱ ᱨᱮᱱ ᱠᱩᱲᱤ ᱠᱟᱱᱟᱭ᱾ ᱩᱱᱤ ᱫᱚ ᱗ ᱥᱮᱨᱢᱟ ᱩᱢᱮᱨ ᱨᱮ ᱥᱮᱨᱮᱧ ᱮ ᱮᱛᱚᱦᱚᱵ ᱠᱮᱫᱟ᱾ ᱟᱡᱟᱜ ᱯᱩᱭᱞᱩ ᱯᱞᱮᱵᱮᱠ ᱫᱚ ᱦᱤᱱᱫᱤ ᱯᱷᱤᱞᱢ 'ᱢᱤᱱᱳ' ᱨᱮ ᱢᱟᱱᱚ ᱫᱮᱭ ᱟᱨ ᱟᱥᱟ ᱵᱷᱚᱱᱥᱞᱮ ᱞᱮᱠᱟᱱ ᱢᱟᱨᱟᱝ ᱦᱚᱲ ᱠᱚ ᱥᱟᱶ ᱛᱟᱦᱮᱸ ᱠᱟᱱᱟ᱾ 'ᱛᱤᱨᱤ ᱜᱟᱞᱤᱭᱳᱱ ᱢᱮᱦ ᱦᱚᱢ ᱟᱭᱮ' ᱥᱟᱶᱛᱮ ᱢᱟᱱᱚ ᱫᱮᱭ ᱥᱟᱶᱛᱮ ᱢᱤᱫᱴᱟᱹᱝ ᱥᱮᱨᱮᱧ ᱟᱨ ᱢᱤᱫᱴᱟᱹᱝ ᱮᱠᱞᱟ 'ᱳ ᱠᱟᱞᱤ ᱨᱮ ᱠᱟᱞᱤ ᱨᱮ' ᱟᱹᱰᱤ ᱧᱩᱛᱩᱢᱟᱱ ᱦᱩᱭ ᱞᱮᱱᱟ᱾
ᱩᱱᱤ ᱫᱚ ᱥᱤᱧᱚᱛ ᱟᱨ ᱯᱟᱪᱮ ᱥᱠᱟᱥᱤᱠᱟᱞ ᱥᱮᱨᱮᱧ ᱨᱮ ᱥᱮᱪᱮᱫ ᱟᱠᱟᱱᱟᱭ ᱟᱨ ᱟᱡ ᱵᱟᱵᱟ ᱫᱚ ᱟᱹᱰᱤ ᱜᱟᱱ ᱦᱤᱱᱫᱤ ᱴᱤᱵᱷᱤ ᱥᱤᱨᱤᱭᱟᱞ ᱨᱮ ᱜᱚᱲᱚᱭ ᱮᱢ ᱟᱠᱟᱫᱟᱭ, ᱡᱟᱦᱟᱸ ᱨᱮ ᱪᱚᱨᱤᱛᱨᱚᱦᱤᱱ, ᱠᱩᱨᱩᱠᱥᱮᱛᱨᱚ ᱟᱨ ᱫᱟᱨᱟᱨ ᱥᱮᱞᱮᱫ ᱢᱮᱱᱟᱜᱼᱟ᱾
ᱚᱱᱛᱚᱨᱟ ᱫᱚ ᱟᱡᱟᱜ ᱠᱨᱮᱰᱤᱴ ᱨᱮ ᱵᱟᱝᱞᱟ ᱯᱟᱹᱨᱥᱤ ᱨᱮ ᱟᱭᱢᱟ ᱜᱤᱫᱽᱨᱟᱹ ᱥᱮᱨᱮᱧ ᱠᱚ ᱥᱮᱨᱮᱧ ᱟᱠᱟᱫᱟᱭ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ 'ᱵᱩᱞᱵᱩᱞ ᱯᱟᱠᱷᱤ ᱢᱚᱭᱱᱟ ᱛᱤᱭᱮ','ᱳ ᱥᱳᱱᱟ ᱵᱟᱝ', 'ᱳ ᱟᱭᱨᱮ ᱪᱷᱩᱴᱮ ᱟᱭ','ᱮᱠ ᱡᱮ ᱪᱷᱤᱞᱳ ᱢᱟᱡᱷᱤ' ᱟᱨ ᱟᱭᱢᱟ ᱮᱴᱟᱜ, ᱡᱟᱦᱟᱸ ᱫᱚ ᱟᱡ ᱵᱟᱵᱟ ᱦᱚᱛᱮᱛᱮ ᱥᱮᱨᱮᱧ ᱟᱠᱟᱱᱟ ᱟᱨ ᱚᱞ ᱟᱠᱟᱱᱟ᱾ ᱱᱚᱣᱟ ᱥᱮᱨᱮᱧ ᱫᱚ ᱗᱐ ᱥᱟᱞ ᱨᱮ ᱵᱟᱝᱞᱟ ᱨᱮ ᱜᱤᱫᱽᱨᱟᱹ ᱥᱮᱨᱮᱧ ᱨᱮ ᱢᱤᱫ ᱱᱟᱜᱟᱢ ᱮ ᱵᱮᱱᱟᱣ ᱞᱮᱫᱼᱟ᱾
ᱚᱱᱛᱚᱨᱟ ᱫᱚ ᱵᱟᱨᱭᱟ ᱦᱤᱱᱫᱤ ᱮᱞᱵᱚᱢ ᱮ ᱨᱤᱞᱤᱡ ᱟᱠᱟᱫᱟ ᱡᱟᱦᱟᱸ ᱫᱚ ᱞᱟᱭᱤᱢᱥ ᱢᱤᱣᱡᱤᱠ (ᱮᱠᱞᱟ) ᱠᱷᱚᱱ 'ᱢᱟᱫᱷᱩᱨ ᱥᱢᱨᱤᱛᱤ' ᱟᱨ ᱵᱷᱟᱨᱡᱤᱱ ᱢᱤᱣᱡᱤᱠ (ᱥᱩᱵᱷᱟ ᱢᱩᱫᱽᱜᱚᱞ ᱥᱟᱶ ᱛᱮ) ᱠᱷᱚᱱ 'ᱢᱟᱱ ᱠᱮ ᱢᱚᱱᱡᱤᱨᱮ'᱾ ᱒᱐᱐᱗ ᱥᱮᱨᱢᱟ ᱨᱮ ᱴᱟᱭᱤᱢᱥ ᱢᱤᱣᱡᱤᱠ ᱠᱷᱚᱱ ᱟᱡᱟᱜ ᱮᱠᱞᱲ ᱵᱟᱝᱞᱟ ᱮᱞᱵᱟᱢ 'ᱡᱮᱱᱮᱨᱮᱥᱚᱱᱥ' ᱫᱚ ᱟᱹᱰᱤ ᱥᱟᱨᱦᱟᱣ ᱮ ᱧᱟᱢ ᱞᱮᱫᱟ᱾ ᱱᱚᱶᱟ ᱮᱞᱵᱟᱢ ᱨᱮ ᱟᱡ ᱵᱟᱵᱟ ᱵᱚᱸᱜᱟ ᱛᱟᱞᱟ ᱥᱚᱞᱤᱞ ᱪᱚᱣᱫᱷᱩᱨᱤ ᱟᱜ ᱥᱮᱨᱮᱧ ᱟᱨ ᱟᱡ ᱵᱚᱭᱡᱟ ᱥᱚᱱᱡᱚᱭ ᱪᱚᱣᱫᱷᱩᱨᱤ ᱟᱜ ᱱᱟᱣᱟ ᱥᱮᱨᱮᱧ ᱠᱚ ᱛᱟᱦᱮᱸ ᱠᱟᱱᱟ᱾
ᱱᱩᱭ ᱫᱚ ᱥᱚᱱᱩ ᱱᱤᱜᱟᱢ ᱥᱟᱶ ᱦᱤᱱᱫᱤ ᱯᱷᱤᱞᱢ 'ᱠᱷᱳᱭᱟ ᱠᱷᱳᱭᱟ ᱪᱟᱸᱫᱽ' ᱨᱮ 'ᱭᱮ ᱱᱤᱜᱷᱟᱦᱮᱱ' ᱧᱩᱛᱩᱢ ᱛᱮ ᱢᱤᱫ ᱡᱩᱨᱤ ᱥᱮᱨᱮᱧ ᱦᱚᱸᱭ ᱥᱮᱨᱮᱧ ᱟᱠᱟᱫᱟ᱾ ᱵᱟᱨᱼᱯᱮ ᱥᱮᱨᱢᱟ ᱢᱟᱲᱟᱝ ᱨᱮ ᱩᱱᱤ ᱫᱚ ᱵᱟᱝᱞᱟ ᱯᱷᱤᱞᱢ 'ᱟᱱᱛᱳᱦᱤᱱ' ᱨᱮ ᱵᱟᱝᱞᱟ ᱨᱤᱱᱤᱡ ᱧᱩᱛᱩᱢᱟᱱ ᱥᱮᱨᱮᱧᱤᱭᱟᱹ ᱥᱨᱤᱠᱟᱱᱛᱚ ᱟᱪᱟᱨᱭᱚ ᱥᱟᱶ 'ᱢᱩᱛᱷᱚᱨ ᱨᱩᱢᱟᱞ' ᱧᱩᱛᱩᱢ ᱥᱮᱨᱮᱧ ᱮ ᱥᱮᱨᱮᱧ ᱞᱮᱫᱟ᱾
ᱜᱚᱣᱛᱟᱢ ᱜᱷᱳᱥ ᱮᱭ ᱰᱤᱨᱮᱠᱥᱚᱱ ᱟᱠᱟᱫ ᱜᱳᱞᱰᱮᱱ ᱯᱤᱠᱚᱠ ᱟᱣᱟᱨᱰ ᱡᱤᱛᱠᱟᱹᱨ ᱟᱠᱟᱱ ᱯᱷᱤᱞᱢ 'ᱢᱳᱱᱮᱨ ᱢᱟᱱᱩᱥ' ᱨᱮ ᱚᱱᱛᱚᱨᱟ ᱫᱚ ᱢᱤᱫ ᱮᱠᱞᱟ ᱥᱮᱨᱮᱧ ᱟᱠᱟᱫᱟ᱾ ᱟᱡᱟᱜ ᱥᱮᱨᱮᱧ 'ᱥᱚᱯᱴᱚ ᱛᱟᱞᱟ ᱵᱷᱮᱫ ᱠᱳᱨᱤᱞᱮ' ᱫᱚ ᱞᱟᱞᱚᱱ ᱯᱷᱮᱠᱤᱨ ᱚᱞ ᱟᱠᱟᱫᱟ ᱟᱨ ᱜᱚᱣᱛᱟᱢ ᱜᱷᱳᱥ ᱜᱮ ᱥᱮᱨᱮᱧ ᱠᱚᱢᱯᱚᱥ ᱟᱠᱟᱫᱟ᱾
ᱚᱱᱛᱚᱨᱟ ᱟᱡ ᱵᱟᱵᱟ ᱟᱜ ᱞᱤᱜᱮᱥᱤ ᱥᱚᱞᱤᱞ ᱪᱚᱣᱫᱷᱩᱨᱤ ᱯᱷᱚᱣᱩᱱᱰᱮᱥᱚᱱ ᱚᱯᱷ ᱢᱤᱣᱡᱤᱠ ᱴᱨᱟᱥᱴ ᱫᱟᱨᱟᱭ ᱛᱮ ᱫᱚᱦᱚᱭ ᱞᱟᱹᱜᱤᱫ ᱮ ᱡᱚᱥ ᱟᱠᱟᱫᱟ ᱟᱨ ᱟᱡ ᱟᱭᱳ ᱵᱚᱸᱜᱟ ᱛᱟᱞᱟ ᱥᱟᱵᱤᱛᱟ ᱪᱚᱣᱫᱷᱩᱨᱤ ᱟᱨ ᱥᱮᱨᱮᱧ ᱠᱚᱞᱮᱠᱥᱚᱱᱚᱨ ᱨᱚᱱᱟᱵᱤᱨ ᱱᱤᱭᱳᱜᱤ ᱥᱟᱶᱛᱮ ᱒᱐᱑᱓ ᱨᱮ ᱫᱮᱭ ᱯᱞᱤᱵᱷᱮᱥᱚᱱ ᱠᱷᱚᱱ 'ᱥᱚᱞᱤᱞ ᱨᱚᱪᱚᱱᱟ ᱥᱚᱝᱜᱽᱨᱚᱦᱚ' ᱧᱩᱛᱩᱢᱟᱱ ᱢᱤᱫ ᱯᱚᱛᱚᱵ ᱯᱟᱨᱥᱟᱞ ᱟᱠᱟᱫᱟ᱾ ᱱᱚᱶᱟ ᱫᱚ ᱥᱚᱞᱤᱞ ᱪᱚᱣᱫᱷᱩᱨᱤ ᱟᱜ ᱵᱟᱝᱞᱟ ᱥᱮᱨᱮᱧ ᱨᱮᱱᱟᱜ ᱯᱩᱨᱟᱹ ᱥᱟᱛᱟᱢ ᱠᱟᱱᱟ᱾
ᱡᱤᱵᱚᱱᱟᱱᱚᱱᱫᱚ ᱫᱟᱥ ᱟᱜ ᱧᱩᱛᱩᱢᱟᱱ ᱚᱱᱚᱬᱦᱮᱸ 'ᱥᱚᱝᱠᱷᱥᱪᱤᱞ' ᱨᱮ ᱚᱱᱛᱥᱨᱟ ᱫᱚ ᱜᱚᱣᱛᱟᱢ ᱜᱷᱳᱥ ᱮᱭ ᱰᱤᱨᱮᱠᱥᱚᱱ ᱟᱠᱟᱫ ᱥᱤᱨᱯᱷᱟᱹ ᱡᱤᱛᱠᱟᱹᱨ ᱟᱠᱟᱱ ᱯᱷᱤᱞᱢ 'ᱥᱚᱝᱠᱷᱚᱪᱤᱞ' ᱨᱮ ᱢᱤᱫ ᱧᱩᱛᱩᱢᱟᱱ ᱥᱮᱨᱮᱧ ᱮ ᱥᱮᱨᱮᱧ ᱟᱠᱟᱫᱟ᱾ ᱱᱚᱶᱟ ᱥᱮᱨᱮᱧ ᱫᱚ 'ᱟᱵᱟᱨ ᱟᱥᱤᱵᱳ ᱯᱷᱤᱨᱮ' ᱠᱟᱱᱟ᱾
ᱱᱤᱛᱤᱥ ᱨᱚᱭ ᱰᱤᱨᱮᱠᱥᱚᱱ ᱟᱠᱟᱫ 'ᱵᱩᱫᱷᱩ ᱵᱷᱩᱴᱩᱢ' ᱧᱩᱛᱩᱢᱟᱱ ᱵᱟᱝᱞᱟ ᱮᱱᱤᱢᱮᱥᱚᱱ ᱯᱷᱤᱞᱢ ᱞᱟᱹᱜᱤᱫ ᱦᱚᱸ ᱩᱱᱤ ᱫᱚ ᱢᱤᱫ ᱜᱤᱫᱽᱨᱟᱹ ᱥᱮᱨᱮᱧ ᱨᱮᱠᱳᱨᱰ ᱟᱠᱟᱫᱟᱭ ᱟᱨ ᱥᱩᱨᱳᱡᱤᱛ ᱪᱟᱴᱚᱨᱡᱤ ᱚᱞ ᱟᱠᱟᱫ ᱥᱮᱨᱮᱧ ᱦᱚᱸᱭ ᱥᱮᱨᱮᱧ ᱟᱠᱟᱫᱟ, ᱡᱟᱦᱟᱸ ᱫᱚ ᱟᱹᱣᱨᱤ ᱨᱤᱞᱤᱥᱚᱜᱼᱟ᱾
ᱚᱱᱛᱚᱨᱟ ᱫᱚ ᱟᱭᱢᱟ ᱞᱮᱠᱟᱱ ᱡᱮᱜᱮᱛ ᱡᱟᱠᱟᱛ ᱨᱮ ᱥᱮᱨᱮᱧ ᱟᱠᱟᱫᱟᱭ ᱡᱮᱞᱮᱠᱟ- ᱟᱢᱮᱨᱤᱠᱟ, ᱵᱨᱤᱴᱮᱱ, ᱠᱟᱱᱟᱰᱟ, ᱚᱥᱴᱨᱮᱞᱤᱭᱟ, ᱵᱟᱝᱞᱟᱫᱮᱥ ᱟᱨ ᱥᱤᱧᱚᱛ ᱡᱟᱠᱟᱛ ᱨᱮ᱾
ᱱᱤᱛᱚᱜ ᱩᱱᱤ ᱫᱚ ᱠᱚᱞᱠᱟᱛᱟ ᱨᱮ 'ᱥᱩᱨᱳᱫᱷᱳᱣᱱᱤ' ᱧᱩᱛᱩᱢ ᱛᱮ ᱟᱡᱟᱜ ᱥᱮᱨᱮᱧ ᱟᱥᱲᱟ ᱮ ᱛᱷᱟᱯᱚᱱ ᱟᱠᱟᱫᱟ, ᱡᱟᱦᱟᱸ ᱫᱚ ᱟᱡ ᱵᱟᱵᱟ ᱣᱟᱜ ᱥᱮᱨᱮᱧ ᱫᱟᱨᱟᱭ ᱯᱤᱲᱦᱤ ᱠᱚ ᱯᱟᱲᱦᱟᱣ ᱞᱟᱹᱜᱤᱫ ᱠᱟᱱᱟ᱾
ᱥᱮᱨᱮᱧ ᱠᱚᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱮᱠᱞᱟ ᱛᱮ ᱮᱞᱵᱟᱢ ᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱵᱟᱝᱞᱟ ᱱᱟᱨᱥᱟᱨᱤ ᱥᱮᱨᱮᱧ (᱑᱙᱗᱖)[᱑][᱒]
- ᱥᱩᱨᱡᱮᱨ ᱠᱷᱳᱡᱮ (᱒᱐᱐᱐)[᱓]
- ᱠᱤᱴᱴᱤ ᱮᱱᱰ ᱠᱮᱴ (᱒᱐᱐᱖)[᱔]
- ᱡᱮᱱᱮᱨᱮᱥᱚᱱ: ᱮᱥᱳ ᱵᱳᱥᱳᱱᱟ (᱒᱐᱐᱙)[᱕]
- ᱢᱤᱴᱤ ᱢᱤᱴᱤ ᱛᱟᱨᱟ
- ᱮᱥᱳ ᱵᱳᱥᱳᱱᱟ
- ᱪᱟᱞᱟᱣ ᱟᱣᱱᱟ / ᱥᱳ ᱯᱷᱟᱨ ᱮᱣᱮ (ᱡᱚᱛᱚ ᱠᱷᱚᱱ ᱥᱟᱺᱜᱤᱧ)
- ᱠᱤᱭᱳᱱ ᱵᱷᱮᱦᱮᱠᱮ ᱦᱮᱺ / ᱥᱴᱨᱮᱱᱡᱚᱨ - ᱦᱤᱱᱫᱤ ᱮᱠᱞᱟ
ᱥᱟᱶ ᱛᱮᱱᱟᱜ ᱮᱞᱵᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱠᱳᱛᱷᱟᱭ ᱳ ᱥᱩᱨᱼᱮ[᱖]
- ᱜᱚᱱ ᱜᱚᱱ ᱜᱚᱱ ᱜᱚᱱ ᱥᱟᱨᱟ ᱫᱤᱱ (᱑᱙᱘᱐)
- ᱟᱵᱟᱨ ᱵᱚᱪᱷᱚᱨ ᱠᱩᱲᱤ ᱯᱚᱨᱮ (᱑᱙᱙᱕)
ᱵᱟᱨᱦᱮ ᱡᱚᱱᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱚᱱᱛᱚᱨᱟ ᱪᱚᱣᱫᱷᱩᱨᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ
- www.salilda.com Archived ᱒᱐᱑᱔-᱐᱒-᱒᱗ at the Wayback Machine.
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Antara Chowdhury – Bengali Nursery Songs". calcuttaglobalchat.net. Archived from the original on 11 ᱚᱠᱴᱚᱵᱚᱨ 2010. Retrieved 3 ᱱᱚᱵᱷᱮᱢᱵᱚᱨ 2010.
- ↑ "Antara Chowdhury- Bengali Nursery Songs". washingtonbanglaradio.com. Archived from the original on 17 December 2012. Retrieved 3 November 2010.
- ↑ "Surjer Khonje". 28 February 2000. Retrieved 25 November 2015.
- ↑ "Kitty and Cat". 1 January 2006. Retrieved 25 November 2015.
- ↑ "Generations: Esho Boshona". 9 July 2009. Retrieved 25 November 2015.
- ↑ "Kothay O Sur-e". Amazon.com. 1 January 1971. Retrieved 25 November 2015.