ᱚᱴᱚ ᱵᱷᱚᱱ ᱵᱤᱥᱢᱟᱨᱠ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱚᱴᱚ ᱵᱷᱚᱱ ᱵᱤᱥᱢᱟᱨᱠ

ᱚᱴ ᱮᱰᱩᱣᱚᱨᱴ ᱞᱮᱳᱯᱟᱨᱰ ᱵᱤᱥᱢᱟᱨᱠ (᱑ ᱮᱯᱨᱤᱞ ᱑᱘᱑᱕ - ᱓᱐ ᱡᱩᱞᱟᱭ ᱑᱘᱙᱘) ᱡᱚᱨᱢᱟᱱ ᱥᱟᱢᱨᱟᱡᱽ ᱨᱤᱱᱤᱡ ᱯᱩᱭᱞᱩ ᱪᱟᱱᱥᱮᱞᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱤᱱᱟ. ᱚᱠᱛᱚ ᱨᱤᱱᱤᱡ ᱭᱩᱨᱳᱯ ᱨᱤᱱᱤᱡ ᱰᱳᱢᱤᱱᱮᱸᱴ ᱨᱟᱡᱽᱱᱮᱛᱟ (statesman) ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱚᱴᱚ ᱵᱷᱚᱱ ᱵᱤᱥᱢᱟᱨᱠ ᱧᱩᱛᱩᱢ ᱛᱮ ᱵᱟ.ᱲᱛᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱾ ᱩᱱᱤ ᱟ.ᱰᱤᱜᱟᱱ ᱡᱚᱨᱢᱟᱱ ᱯᱟ.ᱨᱥᱤ ᱯᱚᱱᱚᱛ ᱥᱮᱞᱮᱫ ᱢᱤᱫ ᱠᱟᱛᱮ ᱢᱤᱫ ᱫᱟᱲᱮ ᱯᱮᱨᱮᱡ ᱥᱟᱢᱨᱟᱡᱽ ᱮ ᱛᱷᱟᱯᱚᱱ ᱞᱮᱜᱼᱟ ᱾ ᱩᱱᱤ ᱫᱚ ᱫᱚᱥᱟᱨ ᱡᱚᱨᱢᱟᱱ ᱥᱟᱢᱨᱟᱡᱽ ᱨᱤᱱᱤᱡ ᱯᱩᱭᱞᱩ ᱪᱟᱱᱥᱮᱞᱚᱨ ᱮ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ 'ᱨᱤᱭᱚᱞᱯᱚᱞᱤᱴᱤᱠ' ᱨᱤᱛ ᱠᱷᱟ.ᱛᱤᱨ ᱵᱟ.ᱲᱛᱤ ᱧᱩᱛᱩᱢ ᱛᱟᱭ ᱢᱮᱱᱟᱜᱼᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱩᱱᱤ ᱫᱚ "ᱢᱮᱬᱦᱮᱫ ᱪᱟᱱᱥᱮᱞᱚᱨ" ᱪᱮᱛᱟᱱ ᱧᱩᱛᱩᱢ ᱛᱮ ᱩᱯᱨᱩᱢ ᱛᱟᱭ ᱢᱮᱱᱟᱜᱼᱟ ᱾

ᱚᱴᱚ ᱵᱷᱚᱱ ᱵᱤᱥᱢᱟᱨᱠ

ᱩᱱᱤ ᱫᱚ ᱟᱡᱟᱜ ᱡᱩᱜᱽ ᱨᱤᱱᱤᱡ ᱢᱤᱫ ᱢᱟᱦᱟᱱ ᱰᱤᱯᱞᱳᱢᱮᱴ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱰᱤᱯᱞᱳᱢᱮᱴᱤᱠ ᱵᱮᱵᱷᱟᱨ ᱠᱷᱟ.ᱛᱤᱨ ᱯᱷᱨᱟᱸᱥ ᱫᱚ ᱡᱚᱴᱟᱣ ᱠᱷᱚᱱ ᱪᱩᱰᱟ.ᱨ ᱠᱟᱛᱮ ᱡᱚᱨᱢᱟᱱᱤ ᱫᱚ ᱭᱩᱨᱳᱯ ᱨᱮᱭᱟᱜ ᱡᱚᱛᱚ ᱠᱷᱚᱱ ᱯᱩᱭᱞᱩ ᱫᱟᱲᱮ ᱟᱱᱟᱜ ᱮ ᱵᱮᱱᱟᱣ ᱠᱮᱜᱼᱟ ᱾ ᱵᱤᱥᱢᱟᱨᱠ ᱫᱚ ᱢᱤᱫ ᱱᱟᱣᱟ ᱯᱳᱨᱮᱱ ᱯᱚᱞᱤᱥᱤᱭ ᱵᱮᱱᱟᱣ ᱠᱮᱜᱼᱟ ᱡᱟᱦᱟᱸ ᱦᱚᱛᱮᱛᱮ ᱱᱮᱢᱚᱥ ᱥᱟᱺᱦᱤᱡ ᱞᱟ.ᱰᱷᱟ.ᱭ ᱟᱠᱚᱴ ᱟᱨ ᱥᱟ.ᱱᱛᱤ ᱵᱮᱱᱟᱣ ᱫᱚᱦᱚᱭ ᱞᱟ.ᱜᱤᱫ ᱜᱟᱫᱮᱞ ᱮ ᱵᱮᱱᱟᱣ ᱞᱮᱜᱼᱟ ᱾ ᱩᱱᱤᱭᱟᱜ ᱱᱚᱣᱟ ᱡᱚᱱᱚᱲᱟᱣ ᱵᱤᱦᱤᱛ ᱜᱮ ᱯᱩᱨᱟ. ᱭᱩᱨᱳᱯ ᱫᱚ ᱵᱟᱨ ᱫᱟᱫᱮᱞ ᱨᱮᱭ ᱦᱟ.ᱴᱤᱧ ᱞᱮᱜᱼᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱥᱢᱟᱨᱠ ᱟᱜ ᱡᱟᱱᱟᱢ ᱥᱩᱱ ᱦᱚᱣᱥᱮᱱ ᱨᱮ ᱑ ᱮᱯᱨᱤᱞ ᱑᱘᱑᱕ ᱥᱟᱞᱮᱨᱮ ᱦᱩᱭ ᱞᱮᱱᱟ ᱾ ᱜᱟᱴᱤᱝᱡᱮᱱ ᱟᱨ ᱵᱮᱨᱞᱤᱱ ᱨᱮ ᱠᱟᱱᱩᱱ ᱮ ᱯᱚᱲᱦᱚᱱ ᱮᱱᱟ ᱾ ᱛᱟᱭᱚᱢ ᱛᱮ ᱛᱤᱱᱟ.ᱜ ᱚᱠᱛᱚ ᱞᱟ.ᱜᱤᱫ ᱫᱚ ᱱᱟᱜᱟᱨᱤᱭᱟ. ᱟᱨᱵᱟᱝ ᱥᱮᱱᱟ ᱥᱮᱵᱟᱨᱮᱭ ᱥᱮᱞᱮᱫ ᱮᱱᱟ ᱾ ᱑᱘᱔᱗ ᱥᱟᱞᱮᱨᱮ ᱩᱱᱤ ᱫᱚ ᱮᱰᱢᱤᱱᱤᱥᱴᱨᱮᱥᱳᱱ ᱨᱮᱭᱟᱜ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱵᱮᱱᱟᱣ ᱮᱱᱟ ᱾ ᱑᱘᱔᱘ ᱼ ᱔᱙ ᱥᱟᱞᱮ ᱨᱮᱭᱟᱜ ᱦᱩᱞᱥᱟ.ᱭ ᱚᱠᱛᱚ ᱨᱮ ᱩᱱᱤ ᱫᱚ ᱨᱟᱡᱟᱭᱤᱡ "ᱰᱤᱵᱷᱟᱭᱤᱱ ᱨᱟᱭᱤᱴ" ᱨᱮ ᱟ.ᱰᱤ ᱡᱩᱨ ᱛᱮ ᱜᱚᱲᱚᱭ ᱮᱢ ᱠᱮᱜᱼᱟ ᱾ ᱑᱘᱕᱑ ᱥᱟᱞᱮᱨᱮ ᱯᱷᱨᱮᱸᱠᱯᱷᱚᱨᱰ ᱨᱤᱱᱤᱡ ᱯᱷᱮᱰᱮᱨᱟᱞ ᱟᱥᱮᱢᱵᱞᱤ ᱨᱮ ᱮᱰᱢᱤᱱᱤᱥᱴᱨᱮᱥᱳᱱ ᱨᱤᱱᱤᱡ ᱨᱤᱯᱨᱮᱸᱡᱮᱴᱮᱴᱤᱵ ᱵᱮᱱᱟᱣ ᱠᱟᱛᱮ ᱠᱚ ᱵᱷᱮᱡᱟ ᱠᱮᱫᱮᱭᱟ ᱾

ᱚᱸᱰᱮ ᱩᱱᱤ ᱡᱚᱨᱢᱟᱱᱤ ᱨᱮ ᱚᱥᱴᱨᱤᱭᱟ ᱨᱮᱭᱟᱜ ᱥᱩᱯᱨᱤᱢᱮᱥᱤ ᱫᱚ ᱟ.ᱰᱤ ᱵᱟ.ᱲᱛᱤᱭ ᱵᱤᱨᱩᱫᱷ ᱠᱮᱜᱼᱟ ᱾ ᱟᱨ ᱮᱰᱢᱤᱱᱤᱥᱴᱨᱮᱥᱳᱱ ᱥᱚᱢᱟᱱ ᱚᱫᱷᱤᱠᱟᱨ ᱮᱢᱟᱦᱟᱜ ᱨᱮ ᱫᱟᱲᱮᱭ ᱮᱢ ᱠᱮᱜᱼᱟ ᱾ ᱘ ᱥᱮᱨᱢᱟ ᱯᱷᱨᱮᱸᱰᱯᱷᱚᱨᱴ ᱨᱮ ᱛᱟᱦᱮᱸ ᱮᱱ ᱛᱟᱭᱚᱢ ᱑᱘᱕᱙ ᱨᱮ ᱩᱱᱤ ᱫᱚ ᱨᱩᱥ ᱨᱮ ᱨᱟᱡᱽᱫᱩᱛ ᱞᱮᱠᱟᱛᱮᱭ ᱡᱩᱦᱲᱟ.ᱣ ᱮ ᱦᱟᱛᱟᱣ ᱠᱮᱜᱼᱟ ᱾ ᱑᱘᱖᱒ ᱨᱮ ᱩᱱᱤ ᱫᱚ ᱯᱮᱨᱤᱥ ᱨᱮ ᱨᱟᱡᱽᱫᱩᱛ ᱠᱚ ᱵᱮᱱᱟᱣ ᱠᱮᱫᱮᱭᱟ ᱟᱨ ᱤᱱᱟ. ᱥᱮᱨᱢᱟ ᱜᱮ ᱥᱮᱱᱟ ᱠᱚᱣᱟᱜ ᱵᱟᱰᱷᱟᱣ ᱨᱮᱭᱟᱜ ᱠᱩᱠᱞᱤ ᱪᱮᱛᱟᱱ ᱨᱮ ᱥᱚᱝᱥᱚᱫᱤᱭᱟ. ᱮᱴᱠᱮᱴᱚᱬᱮ ᱩᱰᱩᱠ ᱮᱱ ᱠᱷᱟᱱ External Affairs Minister ᱟᱨ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮ ᱠᱚ ᱵᱷᱤᱥᱮᱞᱮᱫ ᱠᱚ ᱮᱢᱟ ᱫᱮᱭᱟ ᱾ ᱥᱮᱱᱟ ᱠᱚᱣᱟᱜ ᱫᱚᱦᱲᱟ ᱵᱮᱱᱟᱣ ᱨᱮᱭᱟᱜ ᱫᱟᱣ ᱧᱟᱢ ᱟᱨ ᱥᱟᱶᱛᱮ ᱵᱚᱡᱮᱴ ᱯᱟᱥ ᱞᱟ.ᱜᱤᱫ ᱛᱮ ᱛᱤᱱ ᱡᱚᱦᱚᱜ ᱩᱱᱤ ᱡᱤᱛᱠᱟ.ᱨ ᱵᱟᱭ ᱧᱟᱢ ᱞᱮᱜᱼᱟ ᱩᱱ ᱡᱚᱦᱚᱜ ᱩᱱᱤ ᱫᱚ ᱯᱟᱨᱞᱤᱭᱟᱢᱮᱸᱴ ᱴᱷᱮᱱ ᱵᱟᱝ ᱠᱩᱞᱤ ᱠᱟᱛᱮ ᱜᱮ ᱠᱟ.ᱢᱤ ᱛᱚᱨᱟᱣ ᱮ ᱮᱛᱚᱦᱚᱵ ᱠᱮᱜᱼᱟ ᱟᱨ ᱫᱤᱥᱣᱟ. ᱴᱷᱮᱱ ᱠᱷᱚᱱ ᱩᱱᱤ ᱫᱚ ᱠᱷᱟᱡᱽᱱᱟ ᱦᱚᱸ ᱟ.ᱫᱟ.ᱭ ᱟᱠᱟᱭ ᱛᱟᱦᱮᱸ ᱮᱱ ᱜᱮᱭᱟ ᱾ ᱱᱚᱣᱟ ᱦᱩᱞᱥᱟ.ᱭ ᱱᱤᱛᱚᱜ ᱪᱟ.ᱞᱩ ᱟᱠᱟᱱ ᱜᱮ ᱛᱟᱦᱮᱸᱫ ᱤᱠᱷᱟ.ᱱ ᱥᱞᱮᱡᱽᱣᱤᱜᱽ ᱦᱳᱞᱥᱚᱴᱤᱱ ᱟᱜ ᱠᱩᱠᱞᱤ ᱟᱨ ᱦᱚᱸ ᱵᱮᱨᱮᱫ ᱛᱤᱸᱜᱩ ᱨᱩᱣᱟ.ᱲ ᱮᱱᱟ ᱾ ᱡᱚᱨᱢᱟᱱᱤ ᱡᱟ.ᱛᱤᱭᱟ.ᱨᱤᱭᱟ. ᱨᱮᱭᱟᱜ ᱩᱭᱦᱟ.ᱨ ᱨᱮᱭᱟᱜ ᱞᱟᱵᱽ ᱦᱟᱛᱟᱣ ᱠᱟᱛᱮ ᱵᱤᱥᱢᱟᱨᱠ ᱫᱚ ᱚᱥᱴᱨᱤᱭᱟ ᱨᱮᱭᱟᱜ ᱜᱚᱲᱚ ᱥᱚᱦᱚᱫ ᱫᱟᱨᱟᱭ ᱛᱮ ᱰᱮᱱᱢᱟᱨᱠ ᱪᱮᱛᱟᱱ ᱨᱮᱭ ᱦᱟᱢᱞᱟ ᱠᱮᱜᱼᱟ ᱟᱨ ᱵᱟᱱᱟ ᱦᱚᱲ ᱢᱮᱥᱟ ᱠᱟᱛᱮ ᱱᱚᱣᱟ ᱴᱚᱴᱷᱟ ᱫᱚ ᱟ.ᱠᱤᱱᱟᱜ ᱯᱚᱱᱚᱛ ᱨᱮᱠᱤᱱ ᱢᱮᱥᱟ ᱠᱮᱜᱼᱟ ᱑᱘᱖᱔ ᱥᱟᱞᱮᱨᱮ ᱾

ᱵᱤᱥᱢᱟᱨᱠ ᱟᱜ ᱱᱤᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱥᱢᱟᱨᱠ ᱟᱜ ᱴᱷᱟᱹᱣᱠᱟᱹ ᱢᱚᱛᱚ ᱛᱟᱦᱮᱸ ᱠᱟᱱᱟ ᱫᱚ ᱡᱚᱨᱢᱟᱱᱤ ᱨᱮᱭᱟᱜ ᱥᱮᱞᱮᱫ ᱢᱤᱫ ᱛᱤᱥ ᱨᱮᱦᱚᱸ ᱯᱷᱨᱟᱱᱥ, ᱨᱩᱥ, ᱤᱸᱜᱽᱞᱚᱸᱰ ᱟᱨ ᱚᱥᱴᱨᱮᱞᱤᱭᱟ ᱫᱚ ᱨᱮᱵᱮᱱ ᱜᱮ ᱵᱟᱭ ᱨᱮᱵᱮᱱᱚᱜᱼᱟ ᱾ ᱪᱮᱫᱟᱜ ᱥᱮ ᱥᱮᱱᱮᱞᱮᱫ ᱡᱚᱨᱢᱟᱱᱤ ᱭᱩᱨᱳᱯ ᱨᱮᱭᱟᱜ ᱫᱟᱲᱮ ᱥᱚᱢᱛᱩᱞ ᱨᱮ ᱫᱚᱦᱚᱭ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱚᱨᱚᱣᱟᱱ ᱮ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱵᱤᱥᱢᱟᱨᱠ ᱫᱚ ᱱᱚᱣᱟᱭ ᱯᱟᱹᱛᱭᱟᱹᱣ ᱦᱩᱭ ᱞᱳᱱ ᱛᱟᱦᱮᱸᱫ ᱡᱮ ᱡᱚᱨᱢᱟᱱᱤ ᱨᱮᱭᱟᱜ ᱥᱮᱞᱮᱫ ᱢᱤᱫ ᱞᱟᱹᱜᱤᱫ ᱫᱟᱲᱮ ᱨᱮᱭᱟᱜ ᱵᱮᱵᱷᱟᱨ ᱟᱹᱰᱤ ᱜᱮ ᱞᱟᱹᱠᱛᱤ ᱢᱮᱱᱟᱜᱼᱟ ᱾

ᱵᱤᱥᱢᱟᱨᱠ ᱟᱜ ᱢᱩᱬᱩᱛ ᱦᱩᱫᱤᱥ ᱫᱚ ᱡᱚᱛᱚ ᱠᱷᱚᱱ ᱠᱮᱴᱮᱡ ᱵᱮᱱᱟᱣ ᱠᱟᱛᱮ ᱡᱚᱨᱢᱟᱱ ᱥᱚᱸᱜᱷ ᱠᱷᱚᱱ ᱚᱥᱴᱨᱮᱞᱤᱭᱟ ᱫᱚ ᱵᱟᱦᱨᱮ ᱚᱰᱚᱠ ᱦᱩᱭᱩᱜᱼᱟ ᱟᱨ ᱟᱨ ᱡᱚᱨᱢᱟᱱᱤ ᱨᱮ ᱚᱱᱟ ᱨᱮᱭᱟᱜ ᱚᱨᱥᱚᱝ ᱫᱚ ᱢᱩᱪᱟᱹᱫ ᱠᱟᱛᱮ ᱯᱨᱩᱥᱤᱭᱟ ᱨᱮᱭᱟᱜ ᱧᱮᱞ ᱡᱚᱛᱚᱱ ᱨᱮ ᱡᱚᱨᱢᱟᱱᱤ ᱫᱚ ᱥᱮᱞᱮᱫ ᱢᱤᱫ ᱨᱮᱭᱟᱜ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱞᱟᱹᱜᱤᱫ ᱛᱮ ᱞᱟᱹᱠᱛᱤ ᱛᱟᱦᱮᱸ ᱠᱟᱱᱟ ᱫᱚ ᱯᱚᱱᱚᱛ ᱨᱮᱭᱟᱜ ᱡᱚᱛᱚ ᱦᱚᱠ ᱟᱨ ᱚᱫᱷᱤᱠᱟᱨ ᱫᱚ ᱨᱟᱡᱟ ᱴᱷᱮᱱ ᱛᱟᱦᱮᱸᱱ ᱢᱟ ᱾ ᱵᱤᱥᱢᱟᱨᱠ ᱫᱚ ᱨᱟᱡᱽᱛᱚᱱᱛᱨᱚ ᱨᱮ ᱯᱟᱹᱛᱭᱟᱹᱣ ᱮ ᱫᱚᱦᱚ ᱞᱮᱜᱼᱟ ᱾ ᱢᱩᱪᱟᱹᱫ ᱨᱮ ᱩᱱᱤ ᱫᱚ ᱨᱟᱡᱽᱛᱚᱱᱛᱨᱚ ᱨᱮᱭᱟᱜ ᱛᱟᱞᱢᱟ ᱴᱩᱰᱟᱹᱜ ᱨᱮᱜᱮ ᱡᱚᱛᱚ ᱡᱚᱨᱢᱟᱱᱤ ᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱫᱚ ᱢᱤᱫ ᱥᱩᱛᱟᱹᱢ ᱛᱮ ᱛᱚᱞ ᱞᱟᱹᱜᱤᱫ ᱮ ᱨᱤᱠᱟᱹ ᱠᱮᱜᱼᱟ ᱾

ᱵᱤᱥᱢᱟᱨᱠ ᱟᱡᱟᱜ ᱯᱩᱨᱟᱹ ᱠᱟᱹᱢᱤᱦᱚᱨᱟ ᱚᱠᱛᱚ ᱨᱮ ᱱᱚᱣᱟ ᱠᱟᱛᱷᱟ ᱪᱮᱛᱟᱱᱨᱮ ᱵᱟᱹᱲᱛᱤ ᱞᱮᱠᱟᱛᱮ ᱫᱷᱮᱭᱟᱱ ᱮ ᱫᱚᱦᱚ ᱞᱮᱜᱼᱟ ᱫᱚ ᱡᱚᱨᱢᱟᱱᱤ ᱨᱮᱭᱟᱜ ᱥᱮᱞᱮᱫ ᱢᱤᱫ ᱞᱟᱹᱜᱤᱫ ᱛᱮ ᱯᱨᱩᱥᱚᱭᱟ ᱨᱮᱭᱟᱜ ᱚᱥᱢᱤᱛᱟ ᱫᱚ ᱟᱞᱚ ᱠᱷᱤᱛᱤᱜ ᱢᱟ ᱾ ᱩᱱᱤ ᱮᱰᱢᱤᱱᱤᱥᱴᱨᱮᱥᱚᱱ ᱨᱮᱭᱟᱜ ᱫᱟᱬᱮ ᱞᱟᱹᱜᱤᱫ ᱛᱮ ᱨᱮᱵᱮᱱ ᱜᱮ ᱵᱟᱭ ᱛᱟᱦᱮᱸ ᱠᱟᱱᱟ ᱾ ᱡᱮᱢᱚᱱ ᱯᱤᱰᱢᱳᱸᱴ ᱫᱚ ᱤᱴᱟᱞᱤ ᱨᱮᱭᱟᱜ ᱥᱮᱞᱮᱫ ᱢᱤᱫ ᱞᱟᱹᱜᱤᱫ ᱮ ᱛᱚᱨᱟᱣ ᱠᱮᱜᱼᱟ ᱾

ᱵᱤᱥᱢᱟᱨᱠ ᱟᱜ ᱚᱲᱟᱜ ᱱᱤᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱥᱢᱟᱨᱠ ᱑᱘᱓᱒ ᱥᱟᱞᱮᱨᱮ ᱚᱥᱴᱨᱮᱞᱤᱭᱟ ᱨᱤᱱᱤᱡ ᱪᱟᱱᱥᱮᱞᱚᱨ ᱮ ᱵᱮᱱᱟᱣ ᱮᱱᱟ ᱾ ᱟᱨ ᱟᱡᱟᱜ ᱠᱷᱟᱺᱴᱤ ᱱᱤᱛᱤ ᱦᱚᱛᱮᱛᱮ ᱡᱚᱨᱢᱟᱱᱤ ᱥᱮᱞᱮᱫ ᱢᱤᱫᱽ ᱨᱮᱭᱟᱜ ᱠᱟᱹᱢᱤᱭ ᱯᱩᱨᱟᱹᱣ ᱥᱟᱹᱛ ᱠᱮᱜᱼᱟ ᱾

᱑᱘᱗᱐ ᱥᱟᱞᱮᱨᱮ ᱥᱮᱞᱮᱫ ᱢᱤᱫ ᱛᱟᱭᱚᱢ ᱵᱤᱥᱢᱟᱨᱠ ᱮ ᱞᱟᱹᱭ ᱥᱚᱫᱚᱨ ᱠᱮᱜᱼᱟ ᱫᱚ ᱡᱚᱨᱢᱟᱱᱤ ᱫᱚ ᱢᱤᱫ ᱡᱚᱛᱚᱣᱟᱜ ᱛᱮ ᱥᱚᱝ ᱯᱩᱨᱩᱱ ᱫᱤᱥᱚᱢ ᱠᱟᱱᱟ ᱟᱨ ᱩᱱᱤ ᱫᱚ ᱠᱳᱞᱳᱱᱤᱭᱟᱞ ᱯᱨᱚᱯᱚᱜᱚᱱᱰᱟ ᱯᱟᱥᱱᱟᱣ ᱨᱮ ᱱᱟᱥᱮ ᱦᱚᱸ ᱨᱟᱹᱥᱠᱟᱹ ᱫᱚ ᱵᱟᱹᱱᱩᱜ ᱟᱱ ᱛᱟᱭᱟ ᱾ ᱱᱚᱝᱠᱟᱛᱮ ᱩᱱᱤ ᱫᱚ ᱡᱚᱨᱢᱟᱱᱤ ᱨᱮᱭᱟᱜ ᱪᱷᱟᱨᱟᱣ ᱥᱟᱶ ᱡᱩᱲᱟᱹᱭ ᱟᱠᱟᱱ ᱦᱤᱫᱤᱡ ᱥᱟᱦᱟ ᱜᱤᱰᱤ ᱠᱟᱜ ᱨᱮᱭᱟᱜ ᱮ ᱛᱮᱴᱮᱡ ᱠᱮᱜᱼᱟ ᱾ ᱵᱤᱥᱢᱟᱨᱠ ᱫᱚ ᱡᱚᱨᱢᱟᱱᱤ ᱨᱮᱭᱟᱜ ᱵᱷᱤᱛᱨᱤ ᱮᱴᱠᱮᱴᱚᱬᱮ ᱥᱟᱶ ᱚᱠᱛᱚ ᱠᱷᱮᱢᱟᱣ ᱦᱩᱭ ᱟᱫᱮᱭᱟ ᱾ ᱱᱚᱣᱟ ᱮᱴᱠᱮᱴᱚᱬᱮ ᱨᱮᱭᱟᱜ ᱥᱚᱞᱦᱮ ᱩᱱᱤᱭ ᱥᱚᱫᱚᱨ ᱥᱟᱢᱟᱝ ᱠᱮᱜᱼᱟ ᱾ ᱤᱠᱷᱟᱹᱱ ᱮᱴᱠᱮᱴᱚᱬᱮ ᱨᱮᱭᱟᱜ ᱟᱹᱲᱡᱷᱟᱹᱣ ᱜᱮ ᱩᱱᱤ ᱫᱚ ᱑᱘᱙᱐ ᱥᱟᱞᱮᱨᱮ ᱥᱟᱦᱟᱜ ᱥᱟᱠᱟᱢ ᱮᱢᱚᱜ ᱞᱟᱹᱜᱤᱫ ᱮ ᱵᱚᱲᱦᱮ ᱠᱮᱫᱮᱭᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱤᱸᱜᱨᱟᱡᱤ ᱣᱤᱠᱤᱯᱤᱰᱤᱟ

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]