ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ
Emir of Afghanistan
ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ
ᱤᱢᱤᱨ ᱳᱯᱷ ᱟᱯᱷᱜᱟᱱᱤᱥᱛᱟᱱ
Reign᱓᱑ ᱢᱮ ᱑᱘᱘᱐ - ᱑ ᱚᱠᱴᱚᱵᱚᱨ ᱑᱙᱐᱑
Predecessorᱟᱭᱩᱵᱽ ᱠᱷᱟᱱ
Successorᱦᱟᱵᱤᱵᱩᱞᱞᱟᱦ ᱠᱷᱟᱱ
ᱡᱟᱱᱟᱢ᱑᱘᱔᱐-᱑᱘᱔᱔
ᱠᱟᱵᱩᱞ, ᱟᱯᱷᱜᱟᱱᱤᱥᱛᱟᱱ
ᱜᱩᱨ᱑ ᱚᱠᱴᱚᱵᱚᱨ ᱑᱙᱐᱑ (aged c.56-61)
ᱠᱟᱵᱩᱞ, ᱱᱤᱛᱚᱜ ᱟᱯᱷᱜᱟᱱᱤᱥᱛᱟᱱ
ᱵᱟᱭ᱑᱙᱐᱑
ᱠᱟᱵᱩᱞ, ᱟᱯᱷᱜᱟᱱᱤᱥᱛᱟᱱ
Full name
ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ
ᱵᱚᱝᱥᱚᱵᱟᱨᱟᱠᱡᱚᱭᱤ ᱰᱟᱭᱱᱟᱥᱴᱤ
ᱟᱯᱟᱛᱢᱳᱦᱚᱢᱚᱫᱽ ᱚᱯᱷᱡᱟᱞ ᱠᱷᱟᱱ

ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ (ᱯᱟᱥᱛᱳ: عبد رحمان خان) ᱥᱟᱞ ᱑᱘᱘᱐ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱥᱟᱞ ᱑᱙᱐᱑ ᱫᱷᱟᱹᱵᱤᱡ ᱟᱯᱷᱜᱟᱱᱤᱥᱛᱟᱱ ᱨᱤᱱᱤᱡ ᱚᱢᱤᱨ ᱮ ᱛᱟᱦᱮᱸ ᱠᱟᱱᱟ ᱾ [᱑] ᱱᱩᱭᱟᱜ ᱡᱟᱱᱟᱢ ᱫᱚ ᱑᱘᱔᱐ ᱠᱷᱚᱱ ᱑᱘᱔᱔ ᱛᱟᱞᱟᱨᱮ ᱟᱨ ᱜᱩᱨ ᱫᱚ ᱑ ᱚᱠᱴᱚᱵᱚᱨ ᱑᱙᱐᱑ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱑᱘᱖᱘ ᱠᱷᱚᱱ ᱑᱘᱘᱐ ᱨᱮᱱᱟᱜ ᱫᱚᱥᱟᱨ ᱟᱸᱜᱽᱞᱚ ᱟᱯᱷᱜᱟᱱ ᱞᱟᱹᱰᱷᱟᱹᱭ ᱨᱮᱭ ᱦᱟᱨᱟᱣ ᱮᱱ ᱛᱟᱭᱚᱢ ᱟᱯᱷᱜᱟᱱᱤᱥᱛᱟᱱ ᱨᱤᱱᱤᱡ ᱡᱟᱦᱟᱸ ᱫᱚ ᱛᱟᱞᱢᱟ ᱥᱚᱨᱠᱟᱨᱜ ᱵᱮᱵᱚᱥᱛᱟ ᱵᱟᱹᱲᱤᱡ ᱞᱮᱱ ᱛᱟᱦᱮᱸᱫ ᱚᱱᱟ ᱫᱚ ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ ᱟᱨ ᱦᱚᱸᱭ ᱥᱩᱫᱷᱟᱹᱨ ᱨᱩᱣᱟᱹᱲ ᱞᱮᱫ-ᱟ ᱾

ᱮᱛᱚᱦᱚᱵ ᱡᱤᱭᱚᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱙ ᱡᱩᱱ ᱑᱘᱖᱓ ᱨᱮ ᱩᱱ ᱡᱚᱦᱚᱜᱤᱡ ᱟᱯᱷᱜᱟᱱᱤᱥᱛᱟᱱ ᱨᱤᱱᱤᱫ ᱟᱢᱤᱨ, ᱫᱳᱥᱛ ᱢᱩᱦᱚᱢᱚᱫᱽ ᱠᱷᱟᱱ, ᱟᱜ ᱵᱟᱡᱟᱨ ᱨᱮ ᱜᱩᱨ ᱦᱩᱭ ᱮᱱᱟ ᱾ ᱜᱩᱡᱩᱜ ᱢᱟᱬᱟᱝ ᱨᱮ, ᱩᱱᱤ ᱫᱚ ᱟᱡ ᱨᱤᱱ ᱵᱟᱱᱟᱨ ᱢᱟᱨᱟᱝ ᱦᱚᱯᱚᱱ - ᱚᱯᱷᱡᱚᱞ ᱠᱷᱟᱱ ᱟᱨ ᱟᱡᱚᱢ ᱠᱷᱟᱱ - ᱫᱚ ᱵᱟᱝ ᱵᱟᱪᱷᱚᱱ ᱠᱟᱛᱮ ᱟᱡᱤᱡ ᱛᱮᱥᱟᱨ ᱦᱚᱯᱚᱱ ᱥᱮᱨ ᱚᱞᱤ ᱠᱷᱟᱱ ᱟᱢᱤᱨ ᱮ ᱵᱮᱱᱟᱣ ᱠᱮᱫᱮᱭᱟ ᱾ ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ ᱫᱚ ᱱᱩᱠᱩ ᱡᱚᱛᱚ ᱠᱷᱚᱱ ᱢᱟᱨᱟᱝ ᱦᱚᱯᱚᱱ ᱚᱯᱷᱡᱚᱞ ᱠᱷᱟᱱ ᱤᱡ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱫᱳᱥᱛ ᱢᱩᱦᱚᱢᱚᱫᱽ ᱠᱷᱟᱱ ᱟᱜ ᱜᱩᱨ ᱛᱟᱭᱚᱢ ᱯᱩᱭᱞᱩ ᱢᱟ ᱱᱚᱝᱠᱟ ᱟᱹᱭᱠᱟᱹᱣ ᱮᱱᱟ ᱡᱮ ᱥᱮᱨ ᱚᱞᱤ ᱠᱷᱟᱱ ᱢᱟᱹᱪᱤᱭ ᱟᱢᱮᱴ ᱟᱠᱟᱫ ᱠᱟᱛᱷᱟᱨᱮ ᱡᱚᱛᱚ ᱦᱚᱲ ᱜᱮ ᱨᱮᱵᱮᱱ ᱢᱮᱱᱟᱜ ᱠᱚᱣᱟ ᱾ ᱤᱠᱷᱟᱹᱱ ᱛᱤᱱᱟᱹᱝ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱚᱯᱷᱡᱚᱞ ᱠᱷᱟᱱ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱩᱛᱚᱨᱤᱭᱟᱹ ᱱᱟᱠᱷᱟ ᱨᱮ ᱥᱮᱨ ᱚᱞᱤ ᱠᱷᱟᱱ ᱵᱤᱨᱩᱫᱷ ᱨᱮ ᱮᱯᱮᱨᱦᱮᱸᱰᱮᱭ ᱮᱛᱚᱦᱚᱵ ᱠᱮᱫ-ᱟ ᱾ ᱱᱚᱶᱟ ᱛᱟᱯᱟᱢ ᱨᱮ ᱧᱮᱞ ᱮᱱᱟ ᱡᱮ ᱚᱯᱷᱡᱚᱞ ᱠᱷᱟᱱ ᱫᱚ ᱞᱟᱹᱰᱷᱟᱹᱭ ᱨᱮ ᱵᱟᱝ ᱫᱟᱲᱮᱜ ᱞᱮᱠᱟᱱ ᱠᱟᱛᱷᱟ ᱫᱮᱠᱷᱟᱣ ᱨᱮᱱᱟᱜ ᱫᱚ ᱪᱮᱫ ᱦᱚᱸ ᱵᱟᱝ ᱛᱟᱦᱮᱸ ᱠᱟᱱᱟ, ᱤᱠᱷᱟᱹᱱ ᱩᱱᱤᱭᱤᱡ ᱦᱚᱯᱚᱱ ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ ᱫᱚ ᱞᱟᱹᱰᱷᱟᱹᱭ ᱨᱮ ᱟᱹᱰᱤ ᱜᱮ ᱥᱟᱦᱟᱥ ᱮ ᱫᱮᱠᱷᱟᱣ ᱠᱮᱫ-ᱟ ᱾

ᱛᱤᱱᱟᱹᱝ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱵᱟᱱᱟᱨ ᱵᱚᱭᱦᱟ, ᱚᱯᱷᱡᱚᱞ ᱠᱷᱟᱱ ᱟᱨ ᱥᱮᱨ ᱚᱞᱤ ᱠᱷᱟᱱ, ᱛᱟᱞᱟᱨᱮ ᱵᱩᱯᱩᱡᱷᱟᱹᱣ ᱦᱩᱭ ᱮᱱᱟ ᱾ ᱤᱠᱷᱟᱹᱱ ᱤᱱᱟᱹᱜ ᱛᱮ ᱚᱢᱤᱨ ᱥᱮᱨ ᱚᱞᱤ ᱠᱷᱟᱱ ᱫᱚ ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ ᱤᱫᱤ ᱠᱟᱛᱮ ᱫᱚᱭ ᱛᱮᱵᱟᱜ ᱧᱟᱢ ᱟᱠᱟᱫ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱟᱡ ᱢᱤᱫ ᱠᱷᱟᱛᱨᱟ ᱞᱮᱠᱟᱛᱮᱭ ᱧᱮᱞ ᱠᱮᱫᱮᱭᱟ ᱾ ᱥᱮᱨ ᱚᱞᱤ ᱠᱷᱟᱱ ᱫᱚ ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ ᱟᱡᱟᱜ ᱫᱚᱨᱵᱟᱨ ᱨᱮ ᱟᱹᱰᱤ ᱩᱥᱟᱹᱨᱟ ᱥᱮᱴᱮᱨᱚᱜ ᱞᱟᱹᱜᱤᱫ ᱮ ᱱᱮᱦᱚᱸᱨ ᱠᱮᱫᱮᱭᱟ ᱾ ᱤᱠᱷᱟᱹᱱ ᱚᱵᱽᱫᱩᱨ ᱨᱮᱦᱢᱟᱱ ᱠᱷᱟᱱ ᱫᱚ ᱚᱢᱤᱨ ᱟᱜ ᱯᱚᱨᱛᱚᱱ ᱮ ᱵᱩᱡᱷᱟᱹᱣ ᱧᱟᱢ ᱠᱮᱫ-ᱟ ᱾ ᱩᱱᱤ ᱫᱚ ᱟᱢᱩ ᱫᱚᱨᱮᱭᱟ ᱯᱟᱨᱚᱢ ᱠᱟᱛᱮ ᱠᱟᱵᱩᱞ ᱠᱷᱚᱱ ᱵᱩᱠᱷᱟᱨᱟᱭ ᱧᱤᱨ ᱮᱱᱟ ᱾ ᱥᱮᱨ ᱚᱞᱤ ᱠᱷᱟᱱ ᱫᱚ ᱨᱟᱹᱜᱤ ᱠᱟᱛᱮ ᱚᱯᱷᱡᱚᱞ ᱠᱷᱟᱱ ᱛᱮᱫ ᱟᱹᱰᱤ ᱞᱚᱜᱚᱱ ᱜᱮ ᱠᱟᱨᱟᱜᱟᱨ ᱨᱮᱭ ᱵᱚᱸᱫᱽ ᱠᱟᱫᱮᱭᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱫᱩᱠᱷᱤᱱ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱛᱤᱱᱟᱹᱝ ᱜᱟᱱ ᱴᱚᱴᱷᱟ ᱫᱚ ᱨᱟᱹᱜᱤ ᱠᱟᱛᱮ ᱦᱩᱞᱥᱟᱹᱭ ᱞᱟᱹᱜᱤᱫ ᱠᱚ ᱟᱬᱜᱚ ᱮᱱᱟ ᱾ ᱡᱟᱦᱟᱸ ᱞᱮᱠᱟᱛᱮ ᱥᱮᱨ ᱚᱞᱤ ᱠᱷᱟᱱ ᱫᱚ ᱟᱡ ᱨᱤᱱ ᱥᱮᱱᱟ ᱠᱚ ᱞᱟᱜᱟᱣ ᱠᱟᱛᱮ ᱱᱚᱶᱟ ᱦᱩᱞᱥᱟᱹᱭ ᱫᱚᱭ ᱫᱟᱵᱚᱱ ᱜᱚᱫ ᱞᱮᱫ ᱜᱮᱭᱟ ᱫᱚ ᱚᱵᱽᱫᱩᱨ ᱨᱚᱦᱢᱟᱱ ᱠᱷᱟᱱ ᱟᱢᱩ ᱫᱚᱨᱮᱭᱟ ᱯᱟᱨᱚᱢ ᱨᱩᱣᱟᱹᱲ ᱠᱟᱛᱮ ᱟᱨ ᱦᱚᱸ ᱩᱛᱨᱤ ᱟᱯᱷᱜᱟᱱᱤᱥᱛᱟᱱ ᱛᱮᱭ ᱦᱮᱡ ᱨᱩᱣᱟᱹᱲ ᱮᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. However, his year of birth is given as 1830 in Chambers Biographical Dictionary, ISBN 0-550-18022-2, page 2

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]