ᱠᱟᱵᱩᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Coordinates: 34°31′59″N 69°09′58″E / 34.533°N 69.166°E / 34.533; 69.166
ᱠᱟᱵᱩᱞ
Kabul / کابل
ᱠᱟᱵᱩᱞ ᱱᱟᱜᱟᱨ
ᱠᱟᱵᱩᱞ ᱱᱟᱜᱟᱨ
ᱠᱟᱵᱩᱞ ᱱᱟᱜᱟᱨ

ᱠᱟᱵᱩᱞ

ᱟᱛᱚᱢ ᱠᱟᱵᱩᱞ
ᱩᱱᱩᱫᱩᱜ ᱮᱞ 34°31′59″N 69°09′58″E / 34.533°N 69.166°E / 34.533; 69.166
ᱦᱚᱲᱞᱮᱠᱷᱟ  (2005)
᱒,᱙᱙᱔,᱐᱐᱐ (1st)
ᱱᱟᱜᱟᱨ ᱨᱮᱱᱟᱜ UN ᱯᱟᱭᱛᱟᱨ
ᱮᱨᱤᱭᱟ
 - Elevation

1,790 m (5,873 ft)
ᱚᱠᱛᱚ ᱴᱚᱴᱷᱟ UTC+4:30 ᱠᱟᱵᱩᱞ
ᱢᱚᱦᱟᱯᱚᱣᱨ ᱨᱚᱦᱩᱞᱟᱦ ᱚᱢᱟᱱ
ᱯᱩᱞᱤᱥ ᱢᱩᱠᱷᱭᱟᱹ ᱟᱥᱢᱟᱴᱩᱞᱞᱟᱦ ᱫᱚᱣᱞᱚᱛᱡᱟᱭᱤ[᱑]

ᱠᱟᱵᱩᱞ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱶᱟ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱠᱟᱹᱣᱰᱤ ᱟᱹᱨᱤ ᱟᱨ ᱞᱟᱠᱪᱟᱨ ᱨᱮᱱᱟᱜ ᱛᱟᱞᱢᱟ ᱦᱚᱸ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱫᱚ ᱥᱟᱹᱢᱩᱱᱫ ᱚᱛ ᱠᱷᱚᱱ ᱑᱘᱐᱐ ᱢᱤᱴᱚᱨ ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱠᱟᱵᱩᱞ ᱫᱚ ᱯᱩᱸᱰ ᱠᱡᱷᱚ ᱵᱩᱨᱩ ᱟᱨ ᱠᱟᱵᱩᱞ ᱜᱟᱰᱟ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱰᱚ ᱧᱮᱧᱮᱞᱤᱭᱟᱹ ᱠᱚ ᱞᱟᱹᱜᱤᱫ ᱦᱚᱸ ᱛᱟᱞᱢᱟ ᱮᱥᱤᱭᱟ ᱨᱮᱱᱟᱜ ᱞᱟᱹᱠᱴᱤᱭᱟᱱᱟᱜ ᱴᱷᱟᱶ ᱞᱮᱠᱟᱛᱮ ᱦᱚᱸ ᱠᱚ ᱢᱟᱱᱟᱣᱮᱫ ᱠᱟᱱᱟ ᱾ ᱱᱚᱸᱰᱮ ᱟᱹᱰᱤᱜᱟᱱ ᱧᱩᱢ ᱦᱟᱞᱟᱝ ᱧᱮᱞᱡᱚᱝ ᱴᱷᱟᱶ ᱠᱚ ᱢᱮᱱᱟᱜᱼᱟ ᱾ ᱚᱱᱟ ᱠᱚ ᱢᱩᱸᱫᱽ ᱨᱮ ᱟᱯᱷᱜᱟᱱ ᱱᱮᱥᱱᱟᱞ ᱢᱤᱣᱡᱤᱭᱚᱢ, ᱵᱟᱜᱽ-ᱮ-ᱵᱟᱵᱚᱨ, ᱤᱫᱽᱜᱟᱦ ᱢᱚᱥᱡᱤᱫᱽ, ᱳᱢᱚᱨ ᱢᱟᱭᱤᱱ ᱢᱤᱣᱡᱤᱭᱚᱢ ᱮᱢᱟᱱ ᱧᱮᱞᱡᱚᱝ ᱴᱷᱟᱶ ᱢᱮᱱᱟᱜᱼᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱱᱟᱜᱟᱢ ᱫᱚ ᱓᱐᱐᱐ ᱥᱮᱨᱢᱟ ᱢᱟᱨᱮ ᱜᱮᱭᱟ ᱜᱮᱭᱟ ᱾ ᱱᱚᱸᱰᱮ ᱟᱭᱢᱟ ᱥᱟᱥᱚᱠ ᱫᱚᱞ ᱠᱚᱣᱟᱜ ᱥᱟᱥᱚᱱ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱟᱡᱟᱜ ᱥᱟᱢᱚᱨᱤᱠ ᱢᱚᱦᱚᱛ ᱠᱷᱟᱹᱛᱤᱨ, ᱡᱟᱣ ᱜᱮ ᱴᱟᱞᱟ ᱮᱥᱤᱭᱟ ᱨᱮᱱᱟᱜ ᱧᱩᱢᱟᱱ ᱛᱟᱞᱢᱟ ᱞᱮᱠᱟᱛᱮ ᱢᱮᱱᱟᱜ ᱟᱠᱟᱫᱼᱟ ᱾ ᱑᱕᱐᱔ ᱥᱟᱞᱮᱨᱮ ᱱᱚᱸᱰᱮ ᱵᱟᱵᱚᱨ ᱮ ᱜᱚᱵᱚᱞ ᱞᱮᱫ ᱛᱟᱦᱮᱸᱫ ᱾ ᱑᱕᱒᱖ ᱨᱮ ᱵᱷᱟᱨᱚᱛ ᱡᱤᱛᱠᱟᱹᱨ ᱦᱟᱹᱵᱤᱡ ᱵᱟᱵᱚᱨᱟᱜ ᱥᱟᱢᱨᱟᱡᱽ ᱛᱟᱞᱢᱟ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱑᱗᱗᱖ ᱥᱟᱞᱮ ᱨᱮ ᱛᱮᱭᱢᱩᱨ ᱥᱟᱦ ᱫᱩᱨᱟᱱᱤ ᱰᱚ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱮ ᱵᱮᱱᱟᱣ ᱠᱮᱫᱼᱟ ᱾

ᱧᱮᱞᱡᱚᱝ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱯᱷᱜᱟᱱ ᱡᱟᱹᱛᱤᱭᱟᱹᱨᱤ ᱢᱤᱣᱡᱤᱭᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱯᱷᱜᱟᱱ ᱡᱟᱹᱛᱤᱭᱟᱹᱨᱤ ᱢᱤᱣᱡᱤᱭᱚᱢ ᱵᱟᱝᱢᱟ ᱟᱯᱷᱜᱟᱱ ᱱᱮᱥᱱᱟᱞ ᱢᱤᱣᱡᱤᱭᱚᱢ ᱫᱚ ᱠᱟᱵᱩᱞ ᱢᱤᱣᱡᱤᱭᱚᱢ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱫᱚ ᱱᱟᱜᱟᱢᱟᱱ ᱴᱷᱟᱶ "ᱢᱚᱧᱡᱤᱞᱟ ᱤᱢᱟᱨᱚᱛ ᱠᱟᱵᱩᱞ" ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱢᱤᱣᱡᱤᱭᱚᱢ ᱫᱚ ᱛᱟᱞᱟ ᱮᱥᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱠᱤᱥᱟᱹᱬ ᱥᱟᱢᱴᱟᱣᱲᱟᱜ (ᱥᱟᱢᱴᱟᱣ + ᱚᱲᱟᱜ) ᱢᱮᱱᱴᱮ ᱠᱚ ᱢᱟᱱᱟᱣᱮᱫᱼᱟ ᱾ ᱱᱚᱸᱰᱮ ᱥᱟᱥᱟᱭ ᱥᱮᱨᱢᱟ ᱞᱟᱦᱟ ᱨᱮᱱᱟᱜ ᱜᱚᱴᱟᱜᱩᱴᱤ ᱜᱮᱞ ᱥᱟᱝᱜᱮᱥᱟᱭ ᱜᱚᱴᱟᱝ ᱜᱟᱱ ᱟᱧᱟᱢᱚᱜ (ᱟᱞᱜᱟ ᱛᱮ ᱵᱟᱭ ᱧᱟᱢᱚᱜ) ᱞᱮᱠᱟᱱ ᱡᱤᱱᱤᱥ ᱠᱚ ᱨᱮᱱᱟᱜ ᱥᱟᱢᱴᱟᱣ ᱢᱣᱱᱟᱜᱼᱟ ᱾ ᱱᱚᱶᱟ ᱢᱤᱣᱡᱤᱭᱚᱢ ᱨᱮᱱᱟᱜ ᱛᱷᱟᱯᱚᱱ ᱑᱙᱒᱐ ᱥᱟᱞᱮ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱑᱙᱗᱓ ᱥᱟᱞᱮ ᱨᱮ ᱢᱤᱫ ᱫᱚᱪ ᱟᱨᱠᱤᱴᱮᱠᱴ (Architect) ᱱᱚᱶᱟ ᱢᱤᱣᱡᱤᱭᱚᱢ ᱨᱮᱱᱟᱜ ᱰᱤᱡᱟᱭᱤᱱ ᱥᱟᱯᱲᱟᱣ ᱞᱟᱹᱜᱤᱫ ᱠᱚ ᱵᱚᱨᱟᱛ ᱞᱮᱫᱮ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱨᱟᱡᱽᱟᱹᱨᱤ ᱮᱯᱮᱨᱦᱮᱸᱰᱮ ᱠᱷᱟᱹᱛᱤᱨ ᱱᱚᱶᱟ ᱯᱚᱨᱛᱚᱱ ᱵᱟᱭ ᱦᱩᱭ ᱫᱟᱲᱮᱭᱟᱫᱼᱟ ᱾ ᱑᱙᱙᱖ ᱥᱟᱞᱮ ᱨᱮ ᱛᱟᱞᱤᱵᱟᱱ ᱥᱟᱥᱚᱱ ᱫᱟᱨᱟᱭ ᱛᱮ ᱱᱚᱶᱟ ᱢᱤᱣᱡᱤᱭᱚᱢ ᱠᱚ ᱠᱩᱢᱵᱽᱲᱩ ᱠᱮᱫᱼᱟ ᱾ ᱱᱚᱶᱟ ᱢᱤᱣᱡᱤᱭᱚᱢ ᱟᱨᱫᱚᱲᱦᱟ ᱥᱮᱫᱟᱭ ᱨᱩᱯ ᱛᱮ ᱟᱹᱜᱩᱭ ᱞᱟᱹᱜᱤᱫ ᱡᱮᱡᱟᱹᱴᱤᱭᱟᱹᱨᱤ ᱠᱷᱚᱱ ᱒᱐᱐᱓ ᱥᱟᱞᱮ ᱨᱮ ᱓᱕᱐᱐᱐᱐ ᱟᱢᱮᱨᱤᱠᱤᱭᱟᱹ ᱰᱚᱞᱟᱨ ᱥᱚᱦᱚᱫ ᱠᱚ ᱮᱢᱫ ᱠᱚ ᱛᱟᱦᱮᱸᱫ ᱾ ᱵᱤᱫᱮᱥᱤ ᱠᱚᱣᱟᱜ ᱜᱚᱲᱚ ᱥᱚᱦᱚᱫ ᱛᱮ ᱵᱮᱨᱮᱫ ᱨᱩᱣᱹᱟᱲᱮᱱ ᱱᱚᱶᱟ ᱢᱤᱣᱡᱤᱭᱚᱢ ᱨᱮᱱᱟᱜ ᱡᱷᱤᱡ ᱥᱟᱹᱜᱩᱱ ᱫᱚ ᱒᱙ ᱥᱮᱯᱴᱮᱢᱵᱚᱨ ᱒᱐᱐᱔ ᱥᱟᱞᱮ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱢᱤᱣᱡᱤᱭᱚᱢ ᱨᱮ ᱥᱮᱫᱟᱭ ᱡᱩᱜᱽ ᱨᱮᱱᱟᱜ ᱵᱩᱫᱽᱫᱷᱚ ᱩᱱᱩᱭᱦᱟᱹᱨ ᱪᱤᱱᱦᱟᱹ ᱨᱮᱱᱟᱜ ᱟᱹᱰᱤ ᱱᱟᱯᱟᱭ ᱥᱟᱢᱴᱟᱣ ᱡᱚᱜᱟᱣ ᱢᱮᱱᱟᱜᱼᱟ ᱾ ᱚᱱᱟ ᱥᱟᱶᱛᱮ ᱤᱥᱞᱟᱢ ᱫᱷᱚᱨᱚᱢ ᱨᱮᱱᱟᱜ ᱮᱛᱚᱦᱚᱵ ᱡᱩᱜᱽ ᱠᱷᱚᱱ ᱡᱚᱲᱣᱟᱠᱟᱱ ᱥᱟᱹᱠᱷᱭᱟᱹᱛ ᱠᱚ ᱥᱟᱢᱴᱟᱣ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]