ᱛᱟᱞᱤᱵᱟᱱ
ᱛᱟᱞᱤᱵᱟᱱ (Pashto: طالبان ṭālibān "students") ᱟᱨ ᱵᱟᱝ ᱛᱟᱞᱮᱵᱟᱱ, ᱡᱟᱦᱟ ᱫᱚ ᱟᱠᱚ ᱛᱮᱠᱚ ᱢᱮᱱᱚᱜᱼᱟ Islamic Emirate of Afghanistan (IEA)[᱑], ᱱᱩᱠᱩ ᱫᱚ ᱥᱩᱱᱤ ᱤᱥᱞᱟᱢᱤᱠ ᱠᱚᱴᱚᱨᱵᱟᱫ ᱠᱟᱱᱟ ᱠᱚ ᱡᱟᱦᱟᱸᱭ ᱱᱤᱛᱜ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮ ᱡᱤᱦᱟᱫ ᱧᱩᱛᱩᱢ ᱛᱮ ᱦᱩᱲ ᱠᱚ ᱪᱟᱹᱞᱩ ᱦᱟᱠᱟᱫᱼᱟ ᱿ᱢᱟᱣᱞᱟᱣᱤᱦᱤᱵᱟᱛᱩᱞᱞᱟ ᱟᱠᱷᱩᱱᱫᱡᱟᱫᱟ ᱒᱐᱑᱖ ᱠᱷᱚᱱ ᱛᱟᱞᱤᱵᱟᱱ ᱨᱤᱱᱤᱡ ᱟᱹᱜᱩᱣᱟᱹᱱ ᱞᱮᱠᱟᱛᱮ ᱢᱮᱱᱟᱭᱟ [᱒]|
᱑᱙᱙᱖ ᱠᱷᱚᱱ ᱒᱐᱐᱑ ᱫᱷᱟᱹᱵᱤᱡ ᱛᱟᱞᱤᱵᱟᱱ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱯᱩᱱ ᱵᱷᱟᱜ ᱡᱟᱜᱟᱭ ᱟᱢᱮᱴ ᱞᱮᱫᱼᱟ ᱟᱨ ᱚᱱᱰᱮ ᱥᱚᱨᱤᱭᱟ ᱟᱨ ᱤᱥᱞᱟᱢᱤᱠ ᱟᱹᱨᱤ ᱨᱮᱱᱟᱜ ᱢᱩᱥᱠᱤᱞ ᱨᱟᱭ ᱨᱤᱛ ᱵᱚᱲᱦᱮ ᱪᱟᱹᱞᱩ ᱞᱮᱫᱼᱟᱭ[᱓] [᱔]᱿ ᱑᱙᱙᱔ ᱨᱮ ᱦᱩᱭ ᱞᱮᱱ ᱟᱯᱷᱜᱟᱱᱤᱥᱛᱟᱱ ᱫᱤᱥᱩᱣᱟᱹ ᱞᱟᱹᱰᱷᱟᱹᱭ ᱨᱮ ᱛᱟᱞᱤᱵᱟᱱ ᱡᱷᱚᱛᱚ ᱠᱷᱚᱱ ᱠᱮᱴᱮᱡ ᱵᱤᱨᱩᱷᱤ ᱞᱮᱠᱟᱛᱮ ᱵᱮᱨᱮᱫ ᱮᱱᱟᱭ [᱕]᱾ ᱛᱟᱞᱤᱵᱟᱱ ᱨᱮ ᱩᱱ ᱡᱚᱦᱚ ᱡᱟᱥᱛᱤ ᱥᱟᱢᱟᱝ ᱟᱨ ᱠᱚᱸᱡᱮ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱯᱟᱥᱛᱩᱱ ᱤᱞᱟᱠᱟ ᱨᱮᱱᱟᱜ ᱤᱥᱞᱟᱢᱤᱠ ᱟᱥᱲᱟ ᱨᱮ ᱯᱟᱲᱦᱟᱣ ᱞᱮᱱ ᱯᱟᱹᱴᱷᱩᱣᱟ ᱡᱟᱦᱟᱸᱭ ᱥᱳᱵᱷᱤᱭᱮᱛ ᱟᱨ ᱟᱯᱷᱜᱟᱱ ᱞᱟᱰᱷᱟᱹᱭ ᱨᱮᱠᱚ ᱥᱟᱹᱢᱤᱞ ᱞᱮᱱᱟ ᱩᱱᱠᱩ ᱠᱚᱜᱮ ᱱᱚᱣᱟ ᱨᱮᱦᱚᱸ ᱠᱚ ᱥᱟᱢᱤᱞ ᱟ [᱖] ᱾ᱢᱳᱦᱚᱢᱚᱫ ᱳᱢᱟᱨᱼᱟ ᱟᱹᱜᱩᱣᱟᱹᱱ ᱛᱮ ᱢᱩᱡᱟᱦᱤᱫᱤᱱ ᱠᱚ ᱥᱟᱞᱟᱜ ᱫᱟᱲᱮ ᱦᱟᱹᱴᱤᱧ ᱠᱟᱛᱮᱫ ᱛᱟᱞᱤᱵᱟᱱ ᱦᱩᱞ ᱥᱟᱱᱟᱢ ᱟᱯᱷᱜᱟᱱᱤᱥᱛᱟᱱ ᱯᱟᱥᱱᱟᱣ ᱮᱱᱟ ᱿᱑᱙᱙᱖ ᱨᱮ ᱤᱥᱞᱟᱢᱤᱠ ᱮᱢᱤᱨᱮᱴ ᱚᱯᱷ ᱟᱯᱷᱜᱟᱱᱤᱥᱛᱟᱱ ᱵᱮᱨᱮᱫᱮᱱᱟ ᱟᱨ ᱟᱯᱷᱜᱟᱱ ᱨᱟᱡᱜᱟᱲ ᱠᱟᱱᱫᱟᱦᱟᱨ ᱛᱮᱠᱚ ᱩᱪᱟᱹᱲ ᱠᱮᱫᱼᱟ ᱾
ᱥᱮᱯᱴᱮᱢᱵᱚᱨ ᱑᱑ ᱨᱮᱱᱟᱜ ᱟᱢᱮᱨᱤᱠᱟ ᱟᱠᱨᱚᱢᱚᱬ ᱞᱟᱦᱟᱨᱮ ᱟᱢᱮᱨᱤᱠᱟ ᱟᱯᱷᱜᱟᱱᱤᱥᱛᱟᱱ ᱟᱹᱣᱨᱤ ᱚᱫᱷᱤᱠᱟᱨ ᱵᱷᱩᱨ ᱛᱟᱞᱤᱵᱟᱱ ᱟᱡᱟᱜ ᱫᱚᱠᱷᱚᱞ ᱥᱟᱱᱟᱢ ᱟᱯᱷᱜᱟᱱᱤᱥᱛᱟᱱ ᱪᱮᱛᱟᱱ ᱨᱮ ᱫᱚᱦᱚᱞᱮᱫᱼᱟᱭ ᱾ ᱡᱷᱚᱛᱳ ᱠᱷᱚᱱ ᱡᱟᱹᱥᱛᱤ ᱛᱟᱞᱤᱵᱟᱱ ᱩᱱᱡᱚᱦᱚ ᱮ ᱞᱟᱹᱴᱩ ᱞᱮᱱᱟ ᱡᱚᱠᱷᱚᱱ ᱟᱡ ᱵᱮᱨᱮᱫ ᱞᱮᱫ ᱥᱟᱥᱚᱱ ᱥᱟᱞᱟᱜ ᱯᱟᱠᱤᱥᱛᱟᱱ, ᱥᱟᱣᱫᱤ ᱟᱨᱚᱵᱤᱭᱟ ᱟᱨ ᱭᱩᱱᱤᱴᱮᱰ ᱟᱨᱚᱵ ᱮᱢᱤᱨᱮᱴᱥ ᱱᱩᱠᱩ ᱯᱮᱭᱟ ᱫᱤᱥᱚᱢ ᱠᱩᱴᱱᱤᱛᱤ ᱥᱟᱹᱜᱟᱹᱭ ᱠᱚ ᱡᱚᱲᱟᱣ ᱠᱮᱫᱼᱟ ᱿ ᱛᱟᱭᱚᱢ ᱛᱮ ᱱᱤᱠᱩ ᱯᱮᱭᱟ ᱫᱤᱥᱚᱢ ᱟᱢᱮᱨᱤᱠᱟ ᱫᱟᱲᱮ ᱛᱮ ᱵᱮᱨᱮᱫ ᱦᱟᱠᱟᱱ ᱠᱟᱨᱡᱟᱭᱤ ᱥᱚᱨᱠᱟᱨ ᱟᱨ ᱱᱟᱴᱳ ᱟᱹᱜᱩᱣᱟᱹᱱ ᱛᱮ ᱟᱯᱷᱜᱟᱱᱤᱥᱛᱟᱱ ᱨᱮ ᱢᱮᱱᱟᱜ ᱤᱱᱴᱮᱨᱱᱟᱥᱱᱟᱞ ᱥᱤᱠᱩᱨᱤᱴᱤ ᱟᱥᱤᱥᱴᱟᱱᱥ ᱯᱷᱳᱨᱥ(ISAF) ᱵᱤᱨᱩᱫᱷ ᱨᱮ ᱠᱚ ᱢᱤᱫ ᱮᱱᱟ ᱾
ᱥᱟᱦᱨᱤᱭᱟ ᱟᱹᱱᱟᱨᱤ ᱨᱮᱱᱟᱜ ᱵᱟᱹᱲᱤᱡ ᱢᱮᱱᱮᱛ ᱩᱰᱩᱠ ᱟᱨ ᱚᱱᱟ ᱨᱮᱱᱟᱜ ᱵᱮ ᱵᱟᱹᱲᱤᱡ ᱪᱚᱲᱚᱱ ᱠᱷᱟᱹᱛᱤᱨ ᱛᱟᱞᱤᱵᱟᱱ ᱫᱷᱟᱹᱨᱛᱤ ᱡᱟᱠᱟᱛ ᱠᱷᱚᱱ ᱨᱚᱲ ᱮ ᱟᱸᱡᱚᱢ ᱞᱮᱫᱼᱟ ᱾ ᱟᱠᱚ ᱪᱟᱹᱞᱮᱫ ᱥᱟᱹᱦᱨᱤᱭᱟ ᱟᱹᱱᱟᱹᱨᱤ ᱠᱷᱟᱹᱛᱤᱨ ᱟᱹᱰᱤᱜᱟᱱ ᱟᱯᱷᱜᱟᱱᱤ ᱵᱟᱹᱲᱛᱤ ᱠᱟᱭ ᱛᱮ ᱠᱩᱲᱤ ᱦᱚᱯᱚᱱ ᱪᱮᱛᱟᱱ ᱛᱮ ᱱᱟᱦᱟᱪᱟᱨ ᱪᱟᱹᱞᱩ ᱞᱮᱱᱟ ᱾ ᱑᱙᱙᱖ ᱠᱷᱚᱱ ᱒᱐᱐᱑ ᱫᱷᱟᱹᱵᱤᱡ ᱛᱟᱞᱤᱵᱟᱱ ᱟᱨ ᱟᱠᱚᱨᱤᱱ ᱥᱚᱦᱮᱫᱤᱭᱟᱹ ᱠᱚ ᱢᱮᱥᱟ ᱠᱟᱛᱮᱫ ᱥᱟᱸᱜᱮ ᱦᱚᱲ ᱠᱚ ᱜᱚᱡ ᱦᱟᱠᱟᱫ ᱠᱚᱣᱟ , ᱭᱩᱱᱟᱭᱴᱮᱰ ᱱᱮᱥᱚᱱ ᱑᱖᱐,᱐᱐᱐ ᱟᱯᱷᱜᱟᱱ ᱨᱮᱸᱜᱮᱡ ᱦᱚᱲ ᱞᱟᱹᱜᱤᱫ ᱵᱷᱮᱡᱟ ᱞᱮᱫ ᱡᱚᱢᱟᱜ ᱟᱯᱷᱜᱟᱱ ᱦᱚᱲ ᱠᱚ ᱵᱟᱨᱱ ᱞᱮᱫ ᱠᱚᱣᱟ , ᱟᱹᱰᱤᱜᱟᱱ ᱪᱟᱥ ᱜᱟᱱᱚᱜ ᱚᱛ ᱦᱟᱥᱟᱭ ᱟᱛᱟᱨ ᱜᱤᱰᱤ ᱞᱮᱫ ᱛᱟᱦᱮᱸᱫ ᱟᱹᱰᱤᱜᱟᱱ ᱦᱚᱲ ᱠᱚᱣᱟᱜ ᱦᱟᱡᱟᱨ ᱦᱟᱡᱟᱨ ᱚᱲᱟᱜ ᱮ ᱟᱛᱟᱨ ᱜᱤᱰᱤ ᱞᱮᱫ ᱛᱟᱷᱮᱸᱫ ᱾ ᱭᱩᱱᱟᱭᱴᱮᱰ ᱱᱮᱥᱚᱱ ᱨᱮᱭᱟ ᱦᱤᱥᱟᱹᱵ ᱛᱮ ᱒᱐᱑᱐ ᱨᱮ ᱗᱖%, ᱒᱐᱑᱑ ᱨᱮ ᱘᱐%, ᱒᱐᱑᱒ ᱨᱮ ᱘᱐% ᱟᱯᱷᱜᱟᱱ ᱦᱚᱲ ᱡᱚᱠᱷᱳᱢ ᱟᱨ ᱜᱷᱟᱭᱚᱞ ᱞᱟᱹᱜᱤᱫ ᱛᱟᱹᱞᱤᱵᱟᱱ ᱮ ᱫᱟᱹᱭ ᱠᱟᱱᱟᱭ ᱾ ᱛᱟᱞᱤᱵᱟᱱᱼᱟ ᱠᱷᱟᱹᱞᱤ ᱦᱚᱲ ᱜᱚᱡ ᱫᱚ ᱵᱟᱝ ᱚᱱᱟ ᱥᱟᱶ ᱛᱮ ᱮᱴᱟᱜ ᱞᱟᱠᱪᱟᱨ ᱜᱚᱡ ᱞᱟᱹᱜᱤᱫ ᱦᱚᱸ ᱵᱚᱫᱱᱟᱢ ᱮ ᱛᱟᱦᱮᱸᱠᱟᱱᱟ, ᱵᱟᱢᱤᱭᱟᱱ ᱨᱮᱱᱟᱜ ᱑᱕᱐᱐ ᱥᱮᱨᱟᱢᱟ ᱢᱟᱨᱮ ᱵᱩᱫᱷᱚ ᱠᱤᱨᱤᱛᱤ ᱠᱚ ᱡᱷᱚᱛᱚ ᱠᱚ ᱨᱟᱹᱯᱩᱫ ᱪᱟᱵᱟ ᱞᱮᱫᱼᱟ ᱾
ᱥᱟᱦᱨᱤᱭᱟ ᱤᱥᱞᱟᱢᱤᱠ ᱟᱱᱟᱹᱨᱤ ᱨᱮ ᱫᱮᱣᱵᱟᱹᱱᱫᱤ ᱠᱚᱴᱷᱚᱨ ᱵᱟᱫ ᱨᱮᱱᱟᱜ ᱱᱟᱥᱮ ᱵᱮᱱᱟᱣ ᱠᱷᱟᱸᱡᱚ ᱟᱹᱨᱤ, ᱤᱥᱞᱟᱢᱤᱠ ᱩᱜᱨᱳᱵᱟᱫ, ᱳᱥᱟᱢᱟ ᱵᱤᱱ ᱞᱟᱫᱮᱱ ᱟᱜ ᱥᱚᱞᱟᱯᱷᱤ ᱡᱤᱦᱟᱫᱤ ᱟᱨ ᱯᱟᱥᱛᱩᱱ ᱨᱮᱱᱟᱜ ᱥᱟᱶᱛᱟ ᱞᱟᱠᱪᱟᱨ ᱨᱮ ᱢᱮᱱᱟᱜ ᱟᱹᱨᱤᱪᱟᱹᱞᱤ ᱡᱟᱦᱟᱸᱫᱚ ᱯᱟᱥᱛᱩᱱᱣᱟᱞᱤ ᱠᱚ ᱢᱮᱛᱟᱦᱟᱜ ᱠᱟᱱᱟ ᱱᱚᱣᱟ ᱡᱷᱚᱛᱳ ᱨᱮᱱᱟᱜ ᱨᱟᱭ ᱞᱟᱠᱪᱟᱨ ᱟᱨ ᱱᱟᱥᱮ ᱟᱠᱚᱣᱟᱜ ᱢᱚᱱᱮ ᱠᱷᱳᱱ ᱵᱮᱱᱟᱣ ᱠᱟᱛᱮᱫ ᱛᱟᱞᱤᱵᱟᱱ ᱨᱮᱱᱟᱜ ᱩᱭᱦᱟᱨ ᱟᱨ ᱟᱱᱟᱹᱨᱤ ᱠᱚ ᱵᱮᱨᱮᱫ ᱞᱮᱫᱼᱟ ᱿
ᱛᱟᱞᱤᱵᱟᱱ ᱡᱚᱠᱷᱚᱱ ᱵᱩᱱᱤᱭᱟᱹᱫ ᱮ ᱵᱮᱱᱟᱣ ᱮᱫ ᱛᱟᱦᱮᱸᱫ ᱯᱟᱠᱤᱥᱛᱟᱱ ᱨᱮᱱᱟᱜ ᱤᱱᱴᱚᱨ ᱥᱮᱨᱵᱷᱤᱥ ᱤᱱᱴᱤᱞᱤᱡᱮᱱᱥ (ISI) ᱜᱚᱲᱚᱥᱚᱦᱚᱫ ᱮᱢ ᱠᱷᱟᱹᱛᱤᱨ ᱜᱚᱴᱟ ᱫᱤᱥᱚᱢ ᱮ ᱨᱚᱲ ᱮ ᱟᱸᱡᱚᱢ ᱞᱮᱫᱼᱟ ᱾ ᱯᱟᱠᱤᱥᱛᱟᱱ ᱥᱮᱯᱴᱮᱢᱵᱚᱨ ᱑᱑ ᱟᱠᱨᱚᱢᱚᱬ ᱛᱟᱭᱚᱢ ᱟᱡ ᱜᱚᱲᱚ ᱥᱚᱦᱚᱫ ᱮᱢ ᱮ ᱵᱟᱹᱜᱤ ᱦᱟᱠᱟᱫᱼᱟ ᱢᱮᱱᱛᱮᱫ ᱮ ᱞᱟᱹᱭ ᱞᱮᱫᱼᱟ ᱾
᱒᱐᱐᱑ ᱨᱮ ᱒᱕᱐᱐ ᱜᱟᱱ ᱟᱨᱚᱵᱤ ᱟᱞ ᱠᱣᱮᱫᱟ ᱟᱹᱜᱩᱣᱟᱹᱱ ᱳᱥᱟᱢᱟ ᱵᱤᱱ ᱞᱟᱫᱮᱱ ᱥᱟᱶ ᱛᱟᱞᱤᱵᱟᱱ ᱞᱟᱹᱰᱷᱟᱹᱭ ᱨᱮᱠᱚ ᱥᱮᱞᱮᱫ ᱞᱮᱱᱟ ᱿
ᱱᱚᱣᱟ ᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱚᱠᱥᱯᱷᱳᱰ ᱤᱥᱞᱟᱢᱤᱠ ᱚᱱᱞᱟᱭᱤᱱ ᱯᱟᱲᱦᱟᱣ ᱨᱮ ᱛᱟᱞᱤᱵᱟᱱ
- ᱛᱟᱞᱤᱵᱟᱱ ᱣᱮᱵᱥᱟᱭᱤᱴ(ᱤᱸᱞᱤᱥ)
- ᱟᱛᱚᱸᱠᱵᱟᱫ ᱥᱟᱞᱟᱜ ᱪᱮᱫ ᱞᱮᱠᱟᱨᱤᱧ ᱧᱟᱯᱟᱢ ᱟ Slate. October 2009
- ᱛᱟᱞᱤᱵᱟᱱᱼᱟ ᱩᱠᱩ ᱪᱤᱛᱟᱹᱨ
- ᱟᱜᱟᱢ ᱚᱯᱷᱤᱢᱠᱷᱚᱸᱰ:ᱟᱯᱷᱜᱟᱱᱤᱥᱛᱟᱱ,ᱚᱯᱷᱤᱢ ᱟᱨ ᱛᱟᱞᱤᱵᱟᱱ Archived ᱒᱐᱐᱑-᱑᱑-᱐᱘ at the Wayback Machine.
- ᱱᱮᱥᱱᱟᱞ ᱥᱤᱠᱩᱨᱤᱴᱭ ᱟᱨᱠᱟᱭᱤᱵᱷᱺᱼᱥᱮᱯᱴᱮᱢᱵᱮᱨ ᱑᱑ ᱢᱩᱲᱩᱛ ᱯᱚᱛᱚᱵ Volume VII: The Taliban File September 2003
- ᱫᱚ ᱛᱟᱞᱤᱵᱟᱱ ᱰᱟᱭᱨᱤᱡ by Shaukat Qadir, Daily Times, 2009-06-20
- ᱛᱟᱞᱤᱵᱟᱱ ᱮᱯᱮᱨᱮᱱᱰᱮ ᱯᱟᱱᱛᱮ ᱦᱟᱠᱟᱱ ᱰᱚᱜᱚᱨ ᱟᱨ ᱨᱚᱲBBC News
ᱥᱟᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱠᱟᱛᱟᱨ ᱯᱟᱦᱟᱴᱟ ᱠᱷᱚᱱ ᱛᱟᱞᱤᱵᱟᱱᱼᱟᱜ ᱧᱩᱛᱩᱢ ᱵᱚᱫᱚᱞ ᱟᱢᱮᱨᱤᱠᱟᱭ ᱥᱟᱨᱦᱟᱣ ᱠᱮᱫᱼᱟᱭ
- ↑ ᱟᱯᱷᱜᱟᱱ ᱛᱟᱞᱤᱵᱟᱱ ᱟᱡᱤᱡ ᱱᱟᱣᱟ ᱟᱹᱜᱩᱣᱟᱱ ᱮ ᱥᱚᱫᱳᱨ ᱠᱮᱫᱮᱭᱟᱭ
- ↑ "ᱛᱟᱞᱤᱵᱟᱱ ᱞᱮᱛᱟᱲ ᱮ ᱢᱮᱱ ᱞᱮᱫᱼᱟ ᱟᱠᱚᱣᱟᱜ ᱡᱤᱦᱟᱫ ᱫᱚ ᱟᱠᱚ ᱫᱤᱥᱚᱢ ᱞᱟᱹᱜᱤᱫ ᱜᱮ". Archived from the original on 2021-06-28. Retrieved 2018-11-10.
- ↑ ᱨᱟᱸᱫ ᱠᱳᱨᱯᱳᱨᱮᱥᱚᱱ ᱨᱮ ᱯᱟᱨᱥᱟᱞ ᱞᱮᱱ ᱚᱱᱚᱞ
- ↑ ᱛᱟᱞᱤᱵᱟᱱ
- ↑ ᱢᱟᱥᱩᱫ ᱚᱥᱨᱚᱯᱷ ᱨᱟᱡᱟ (6 May 2016). The Religious Right and the Talibanization of America. ᱥᱯᱨᱤᱸᱜᱚᱨ. pp. 16–. ISBN 978-1-137-58490-8.