Jump to content

ᱛᱟᱞᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱛᱟᱞᱮ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)

ᱛᱟᱞᱤ
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ edit
Missing taxonomy template (fix): Monocots
Clade: Commelinids
Order: Arecales
Family: Arecaceae
Genus: Borassus
ᱡᱟᱹᱛ: B. flabellifer
ᱵᱟᱭᱱᱚᱢᱤᱭᱟᱞ ᱧᱩᱛᱩᱢ
Borassus flabellifer
Synonyms[]
  • Borassus flabelliformis L.
  • Borassus flabelliformis Roxb.
  • Borassus sundaicus Becc.
  • Borassus tunicatus Lour.
  • Lontarus domestica Gaertn. nom. illeg.
  • Pholidocarpus tunicatus (Lour.) H.Wendl.
  • Thrinax tunicata (Lour.) Rollisson

ᱛᱟᱞᱤ (ᱥᱟᱲᱮᱸᱥ ᱧᱩᱛᱩᱢ: Borassus flabellifer, en: Asian Palmyra Palm) ᱫᱚ ᱮᱥᱤᱭᱟ ᱟᱨ ᱟᱯᱷᱨᱤᱠᱟ ᱨᱮᱱᱟᱜ ᱥᱤᱛᱩᱝ ᱫᱤᱱ ᱟᱜ ᱢᱤᱫᱴᱟᱹᱝ ᱫᱟᱨᱮ ᱟᱨ ᱡᱚ ᱠᱟᱱᱟ ᱾ ᱥᱤᱧᱚᱛ, ᱱᱮᱯᱟᱞ, ᱵᱟᱝᱞᱟᱫᱮᱥ, ᱥᱨᱤᱞᱚᱝᱠᱟ, ᱠᱮᱢᱵᱳᱰᱤᱭᱟ, ᱞᱟᱣᱥ, ᱵᱟᱨᱢᱟ, ᱛᱷᱟᱭᱤᱞᱮᱱᱰ, ᱵᱷᱤᱭᱮᱛᱱᱟᱢ, ᱢᱟᱞᱚᱭᱥᱤᱭᱟ, ᱤᱱᱰᱳᱱᱮᱥᱤᱭᱟ, ᱯᱷᱤᱞᱤᱯᱤᱱᱥ ᱱᱚᱣᱟᱠᱚ ᱞᱮᱠᱟᱱ ᱫᱤᱥᱚᱢ ᱠᱚᱨᱮ ᱛᱟᱞᱤ ᱫᱟᱨᱮ ᱧᱮᱞᱚᱜᱼᱟ ᱾ ᱛᱟᱞᱤ ᱫᱟᱨᱮ ᱥᱮ ᱡᱚ ᱫᱚ ᱟᱭᱢᱟ ᱡᱟᱜᱟ ᱨᱮᱜᱮ ᱵᱚᱸᱜᱟ ᱠᱟᱹᱢᱤ ᱨᱮ ᱠᱚ ᱵᱮᱵᱷᱟᱨᱟ ᱾ ᱵᱤᱥᱮᱥ ᱠᱟᱛᱮ ᱦᱤᱱᱫᱩ ᱫᱷᱚᱨᱚᱢ ᱨᱮ ᱛᱟᱞᱤ ᱨᱮᱱᱟᱜ ᱟᱭᱢᱟ ᱞᱮᱠᱟᱱ ᱫᱷᱚᱨᱚᱢ ᱵᱮᱵᱷᱟᱨ ᱢᱮᱱᱟᱜᱼᱟ ᱾ ᱛᱟᱞᱤ ᱥᱚᱡᱚ ᱟᱨ ᱛᱟᱞᱤ ᱵᱤᱞᱤ ᱨᱮ ᱟᱹᱰᱤ ᱜᱮ ᱵᱷᱤᱴᱟᱢᱤᱱ ᱢᱮᱱᱟᱜᱼᱟ ᱾ ᱛᱟᱞᱤ ᱫᱟᱨᱮ ᱠᱟᱴ ᱟᱹᱰᱤ ᱜᱮ ᱠᱮᱴᱮᱡᱼᱟ ᱾ ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮ ᱵᱚᱸᱜᱟ ᱵᱳᱨᱳ ᱨᱮ ᱛᱟᱞᱤ ᱨᱮᱱᱟᱜ ᱟᱹᱰᱤ ᱠᱟᱡᱟᱠ ᱵᱮᱵᱷᱟᱨ ᱧᱮᱞᱚᱜᱼᱟ ᱾ ᱥᱮᱫᱟᱭ ᱦᱚᱲ ᱦᱚᱯᱚᱱᱟᱜ ᱡᱟᱹᱲ ᱠᱚᱨᱮ ᱛᱟᱞᱤ ᱫᱟᱨᱮ ᱨᱮ ᱫᱚ ᱵᱷᱩᱛ ᱠᱚ ᱩᱠᱩ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱱᱟ ᱾

ᱵᱤᱵᱨᱚᱱ (Description)

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱤᱞᱤ ᱛᱟᱞᱤ

ᱛᱟᱞᱤ ᱫᱟᱨᱮ ᱫᱚ ᱯᱟᱢ ᱡᱟᱹᱛ ᱨᱮᱱᱟᱜ ᱟᱹᱰᱤ ᱩᱥᱩᱞ ᱫᱟᱨᱮ ᱠᱟᱱᱟ ᱾ ᱢᱤᱫᱴᱟᱹᱝ ᱛᱟᱞᱤ ᱫᱟᱨᱮ ᱖᱐ ᱯᱷᱤᱴ ᱡᱤᱞᱤᱧ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱟᱞᱤ ᱥᱟᱠᱟᱢ ᱫᱚ ᱯᱷᱮᱱ ᱨᱮᱱᱟᱜ ᱯᱟᱸᱠᱷᱟ ᱞᱮᱠᱟ, ᱚᱱᱟᱛᱮ ᱯᱟᱢ ᱡᱟᱹᱛ ᱨᱮᱱᱟᱜ ᱫᱟᱨᱮ ᱠᱚ ᱫᱚ ᱢᱤᱫ ᱥᱟᱶᱛᱮ ᱯᱷᱮᱱ ᱯᱟᱢ ᱦᱚᱸ ᱠᱚ ᱢᱮᱱᱟ ᱾ ᱫᱟᱨᱮ ᱧᱩᱛᱩᱢ ᱞᱮᱠᱟ ᱛᱮᱜᱮ ᱛᱟᱞᱤ ᱥᱟᱠᱟᱢ ᱨᱚᱦᱚᱲ ᱠᱟᱛᱮ ᱛᱤᱻᱛᱮᱭᱟᱜ ᱯᱷᱮᱱ ᱟᱨᱵᱟᱝ ᱯᱟᱸᱠᱷᱟ ᱠᱚ ᱵᱮᱱᱟᱣᱼᱟ ᱾

ᱛᱟᱞᱤ ᱫᱚ ᱥᱤᱧᱚᱛ ᱩᱯᱚ ᱢᱚᱦᱟᱫᱮᱥ ᱨᱮᱱᱟᱜ ᱢᱤᱫᱴᱟᱹᱝ ᱧᱩᱛᱩᱢᱟᱱ ᱫᱟᱨᱮ ᱟᱨ ᱡᱚ ᱠᱟᱱᱟ ᱾ ᱪᱮᱫᱟᱜ ᱡᱮ ᱱᱤᱭᱟᱹ ᱨᱮᱱᱟᱜ ᱡᱚᱛᱚ ᱜᱮ ᱵᱮᱵᱷᱟᱨ ᱥᱮ ᱡᱚᱢ ᱜᱟᱱᱚᱜᱼᱟ ᱾

ᱛᱟᱞᱤ ᱥᱟᱠᱟᱢ ᱛᱮ ᱚᱲᱟᱜ ᱠᱚ ᱫᱟᱞᱚᱵᱟ, ᱵᱤᱱᱤ ᱠᱚ ᱛᱮᱭᱟᱨᱟ, ᱯᱟᱹᱴᱭᱟᱹ, ᱯᱩᱛᱩᱞ ᱟᱨᱦᱚᱸ ᱮᱢᱟᱱ ᱛᱮᱭᱟᱜ ᱡᱤᱱᱤᱥ ᱠᱚ ᱵᱮᱱᱟᱣᱟ ᱾

ᱛᱟᱞᱤ ᱠᱟᱴᱷ ᱛᱮ ᱚᱲᱟᱜ ᱨᱮᱱᱟᱜ ᱟᱹᱰᱤ ᱵᱷᱟᱜᱮ ᱵᱚᱨᱜᱟ ᱦᱩᱭᱩᱜᱼᱟ ᱾ ᱟᱫᱚ ᱛᱟᱞᱤ ᱫᱟᱨᱮ ᱫᱚ ᱟᱹᱰᱤ ᱟᱥᱛᱮ ᱟᱥᱛᱮ ᱦᱟᱨᱟᱜᱼᱟ ᱾ ᱦᱤᱥᱤ ᱪᱮᱬᱮ ᱫᱚ ᱛᱟᱞᱤ ᱫᱟᱨᱮ ᱨᱮ ᱜᱮ ᱡᱟᱹᱥᱛᱤ ᱠᱚ ᱛᱩᱠᱟᱹᱭᱟ ᱾ ᱛᱟᱞᱤ ᱫᱟᱨᱮ ᱫᱚ ᱟᱹᱰᱤᱜᱮ ᱠᱮᱴᱮᱡᱼᱟ ᱾ ᱚᱱᱟᱛᱮ ᱟᱹᱰᱤ ᱠᱟᱡᱟᱠ ᱦᱚᱭ ᱫᱟᱜ ᱨᱮ ᱦᱚᱸ ᱵᱟᱝ ᱵᱷᱤᱸᱫᱟᱹᱲᱚᱜᱼᱟ ᱾

ᱟᱭᱢᱟ ᱡᱟᱜᱟ ᱨᱮᱜᱮ ᱛᱟᱞᱤ ᱫᱟᱨᱮ ᱪᱮᱛᱟᱱ ᱨᱮᱜᱮ ᱢᱟᱹᱱᱢᱤᱭᱟᱜ ᱜᱷᱟᱨᱚᱸᱡᱽ ᱦᱚᱸ ᱪᱟᱞᱟᱜ ᱠᱟᱱᱟ ᱾ ᱛᱟᱞᱤ ᱠᱟᱴᱷ ᱥᱮ ᱡᱚ ᱥᱮ ᱛᱟᱹᱲᱤ ᱟᱹᱠᱷᱨᱤᱧ ᱠᱟᱛᱮ ᱢᱟᱹᱱᱢᱤ ᱟᱠᱚᱣᱟᱜ ᱜᱷᱟᱸᱨᱚᱡᱽ ᱠᱚ ᱪᱟᱞᱟᱣ ᱮᱫᱼᱟ ᱾

ᱛᱟᱞᱤ ᱡᱚ ᱟᱹᱰᱤ ᱥᱤᱵᱤᱞ ᱟᱱ ᱡᱚᱢᱟᱜ ᱠᱟᱱᱟ ᱾ ᱡᱚ ᱵᱷᱤᱛᱨᱤ ᱨᱮᱱᱟᱜ ᱡᱟᱝ ᱫᱚ ᱠᱟᱹᱴᱤᱡ ᱨᱮ ᱵᱟᱫᱟᱲ ᱟᱨ ᱛᱟᱞᱤ ᱵᱤᱞᱤ ᱯᱩᱨᱟᱹᱴ ᱛᱟᱭᱚᱢ ᱜᱤᱰᱤ ᱠᱟᱜ ᱡᱟᱝ ᱠᱷᱚᱱ ᱛᱟᱞᱤ ᱵᱷᱟᱹᱛᱤ ᱦᱚᱸ ᱠᱚ ᱡᱚᱢᱟ ᱾ ᱵᱤᱞᱤ ᱛᱟᱞᱤ ᱜᱟᱥᱟᱣ ᱠᱟᱛᱮ ᱡᱟᱸᱦᱟᱸ ᱜᱟᱲᱦᱟ ᱨᱟᱥᱟ ᱚᱰᱚᱠᱚᱜᱼᱟ ᱚᱱᱟ ᱥᱟᱶᱛᱮ ᱦᱚᱞᱚᱝ ᱢᱮᱥᱟ ᱠᱟᱛᱮ ᱯᱤᱴᱷᱟᱹ, ᱵᱚᱲᱟ, ᱛᱟᱞᱤ ᱯᱤᱴᱷᱟᱹ ᱵᱮᱱᱟᱣ ᱠᱟᱛᱮ ᱠᱚ ᱡᱚᱢᱟ ᱾ ᱚᱱᱟ ᱛᱟᱞᱤ ᱵᱤᱞᱤ ᱨᱟᱥᱟ ᱨᱮ ᱫᱚ ᱯᱷᱳᱞᱤᱠ ᱮᱥᱤᱰ ᱧᱩᱛᱩᱢ ᱵᱷᱤᱴᱟᱢᱤᱱ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱚᱢ ᱞᱮᱠᱷᱟᱱ ᱦᱚᱲᱢᱚ ᱨᱮ ᱟᱹᱰᱤ ᱜᱮ ᱫᱟᱲᱮ ᱦᱤᱡᱩᱜᱼᱟ ᱾

ᱛᱟᱞᱤ ᱫᱟᱨᱮ ᱪᱚᱴ ᱨᱮᱱᱟᱜ ᱵᱟᱞᱮ ᱥᱟᱠᱟᱢ ᱯᱷᱮᱰᱟᱛ ᱠᱷᱚᱱ ᱩᱰᱩᱜᱚᱜ ᱨᱟᱥᱟ ᱦᱚᱸ ᱟᱹᱰᱤᱜᱮ ᱥᱤᱵᱤᱞᱟ ᱾ ᱚᱱᱟ ᱨᱟᱥᱟᱛᱮ ᱜᱩᱲ, ᱛᱟᱹᱲᱤ ᱦᱚᱸ ᱠᱚ ᱵᱮᱱᱟᱣᱟ ᱾

ᱛᱟᱞᱤ ᱵᱤᱞᱤ ᱨᱮ ᱫᱚ ᱵᱷᱤᱴᱟᱢᱤᱱ ᱮᱹ, ᱵᱤ, ᱥᱤ, ᱡᱤᱝᱠ, ᱯᱚᱴᱟᱥᱤᱭᱟᱢ, ᱟᱭᱨᱚᱱ, ᱠᱮᱞᱥᱤᱭᱟᱢ ᱢᱮᱱᱟᱜᱼᱟ ᱾

ᱛᱟᱞᱤ ᱡᱚᱻ ᱪᱤᱛᱟᱹᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]