ᱛᱟᱹᱨᱩᱵ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱛᱟᱹᱨᱩᱵ
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ edit
Kingdom: ᱯᱞᱟᱴᱮᱭ
Clade: Angiosperms
Clade: Eudicots
Clade: Rosids
Order: {{{1}}}
Family: {{{1}}}
Subfamily: {{{1}}}
Genus: {{{1}}}
ᱡᱟᱹᱛ: A. tigris
ᱵᱟᱭᱱᱚᱢᱤᱭᱟᱞ ᱧᱩᱛᱩᱢ
Acacia tigris
(Linnaeus, 1758)ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; invalid names, e.g. too many
Subspecies
P. t. tigris
P. t. sondaica

Tiger map.jpg
Tiger's historical range in about 1850 (pale yellow) and in 2006 (in green).[᱑]
Synonyms
ᱛᱟᱹᱨᱩᱵ

ᱛᱟᱹᱨᱩᱵ ᱫᱚ ᱵᱤᱨ ᱨᱮ ᱛᱟᱦᱮᱸᱱ ᱡᱟᱱᱣᱟ ᱠᱟᱱᱟᱠᱚ ᱾ ᱟᱭᱳ ᱛᱳᱣᱟ ᱧᱩ ᱠᱟᱛᱮ ᱦᱟᱨᱟ ᱮᱱ ᱛᱟᱭᱚᱢ ᱮᱠᱷᱮᱱ ᱡᱤᱞ ᱜᱮ ᱡᱚᱢ ᱠᱟᱛᱮ ᱠᱚ ᱡᱤᱣᱤᱫᱚᱜ ᱠᱟᱱᱟ ᱾ ᱛᱟᱹᱨᱩᱵ ᱫᱚ ᱟᱠᱚ ᱡᱟᱹᱛᱤ ᱡᱟᱱᱣᱟ ᱵᱷᱤᱛᱨᱤ ᱠᱷᱚᱱ ᱫᱚ ᱡᱚᱛᱚ ᱠᱷᱚᱱ ᱫᱟᱲᱮ ᱡᱟᱱᱣᱟ ᱠᱟᱱᱟ ᱠᱚ ᱾ ᱱᱩᱠᱩ ᱡᱟᱱᱣᱟ ᱫᱚ ᱛᱤᱵᱵᱚᱛ, ᱥᱨᱤᱞᱚᱝᱠᱟ, ᱟᱨ ᱟᱱᱰᱟᱢᱟᱱ ᱱᱤᱠᱚᱵᱚᱨ ᱰᱷᱤᱯ ᱵᱟᱹᱜᱤ ᱠᱟᱛᱮ ᱮᱥᱤᱭᱟ ᱨᱮᱭᱟᱜ ᱡᱚᱛᱚ ᱴᱚᱴᱷᱟ ᱨᱮᱜᱮ ᱠᱚ ᱧᱟᱢᱚᱜᱼᱟ ᱾ ᱛᱟᱹᱨᱩᱵ ᱫᱚ ᱵᱷᱟᱨᱚᱛ, ᱱᱮᱯᱟᱲ, ᱵᱷᱩᱴᱟᱱ, ᱠᱳᱨᱤᱭᱟ, ᱟᱯᱷᱜᱟᱱᱤᱥᱛᱟᱱ ᱟᱨ ᱤᱸᱰᱚᱱᱮᱥᱤᱭᱟ ᱠᱚᱨᱮ ᱵᱟᱹᱲᱛᱤ ᱫᱚᱠᱚ ᱧᱟᱢᱚᱜᱼᱟ ᱾ ᱱᱩᱠᱩ ᱟᱜ ᱦᱚᱲᱢᱚ ᱨᱮᱭᱟᱜ ᱨᱚᱝ ᱫᱚ ᱟᱨᱟᱜ ᱟᱨ ᱥᱟᱥᱟᱝ ᱢᱮᱥᱟ ᱨᱚᱝ ᱛᱟᱦᱮᱸᱱᱟ ᱾ ᱚᱱᱟ ᱛᱟᱞᱟ-ᱛᱟᱞᱟ ᱨᱮ ᱦᱮᱸᱫᱮ ᱜᱟᱨ ᱛᱟᱦᱮᱸᱱᱟ ᱾ ᱛᱟᱹᱨᱩᱵ ᱫᱚ ᱑᱓ ᱯᱷᱤᱴ ᱡᱤᱞᱤᱧ ᱟᱨ ᱓᱐᱐ ᱠᱤᱞᱚ ᱦᱟᱢᱟᱞ ᱠᱚ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱟᱹᱨᱩᱵ ᱫᱚ ᱵᱷᱟᱨᱚᱛ ᱨᱤᱱᱤᱡ ᱡᱟᱹᱛᱭᱟᱹᱨᱤ ᱡᱟᱱᱣᱟ ᱦᱚᱸ ᱠᱟᱱᱟᱭ ᱾

ᱡᱤᱭᱚᱱ ᱛᱚᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱠᱩ ᱫᱚ ᱵᱤᱨ, ᱫᱩᱞᱠᱤ ᱟᱨ ᱛᱟᱥᱟᱫ ᱛᱮ ᱞᱟᱴᱟ ᱯᱮᱨᱮᱡ ᱴᱷᱟᱶ ᱠᱚᱨᱮ ᱛᱟᱦᱮᱸᱱ ᱠᱚ ᱠᱩᱥᱤᱜᱼᱟ ᱾ ᱱᱩᱠᱩᱣᱟᱜ ᱡᱚᱢ ᱫᱚ ᱵᱤᱨ ᱥᱩᱠᱨᱤ, ᱵᱤᱨ ᱥᱟᱹᱞ, ᱢᱟᱱᱣᱟ, ᱟᱹᱥᱩᱞ ᱡᱟᱱᱣᱟ ᱟᱨ ᱡᱮᱛᱮ ᱠᱟᱹᱴᱤᱡ ᱡᱤᱵᱽ ᱡᱟᱱᱣᱟ ᱠᱚ ᱾ ᱛᱟᱹᱨᱩᱵ ᱫᱚ ᱟᱸᱡᱚᱢ, ᱡᱤ, ᱟᱨ ᱧᱮᱞ ᱨᱮᱭᱟᱜ ᱫᱟᱲᱮ ᱦᱚᱸ ᱟᱹᱰᱤ ᱵᱟᱹᱲᱛᱤ ᱜᱮ ᱛᱟᱠᱚᱣᱟ ᱾ ᱛᱟᱹᱨᱩᱵ ᱫᱚ ᱵᱟᱹᱲᱛᱤ ᱯᱟᱹᱪᱷᱞᱟᱹ ᱠᱷᱚᱱ ᱠᱚ ᱡᱷᱟᱯᱴᱟᱣᱟ ᱾ ᱦᱚᱲᱢᱚ ᱨᱮᱭᱟᱜ ᱠᱟᱵᱽᱨᱟ ᱨᱚᱝ ᱠᱷᱟᱹᱛᱤᱨ ᱛᱟᱹᱨᱩᱵ ᱫᱟᱨᱮ ᱞᱟᱴᱟᱨᱮ ᱚᱱᱠᱟ ᱪᱚᱨᱚᱠ ᱠᱚ ᱩᱠᱩ ᱜᱟᱱ ᱜᱚᱫᱚᱜᱼᱟ, ᱠᱩᱫᱟᱹᱣ ᱟᱠᱟ ᱫᱮ ᱡᱟᱱᱣᱟ ᱫᱚ ᱴᱷᱤᱠᱟᱹ ᱦᱚᱸ ᱵᱟᱭ ᱴᱷᱤᱠᱟᱹ ᱡᱚᱝᱟ ᱾ ᱛᱟᱹᱨᱩᱵ ᱟᱹᱰᱤ ᱨᱤᱦᱤᱴ ᱠᱚ ᱫᱟᱹᱲ ᱫᱟᱲᱮᱭᱟᱜ ᱨᱮᱦᱚᱸ ᱟᱡᱟᱜ ᱦᱟᱢᱟᱞ ᱦᱚᱲᱢᱚ ᱠᱷᱟᱹᱛᱤᱨ ᱟᱹᱰᱤ ᱞᱚᱜᱚᱱ ᱠᱚ ᱞᱟᱸᱜᱟ ᱜᱚᱫᱚᱜᱼᱟ ᱾ ᱛᱟᱹᱨᱩᱵ ᱫᱚ ᱵᱟᱹᱲᱛᱤ ᱮᱠᱞᱟ ᱜᱮ ᱠᱚ ᱛᱟᱦᱮᱸᱱᱟ ᱾ ᱢᱤ-ᱢᱤᱫ ᱛᱟᱹᱨᱩᱵ ᱟᱠᱚᱣᱟᱜ ᱢᱤᱻᱢᱤᱫ ᱴᱷᱟᱹᱣᱠᱟᱹ ᱴᱷᱟᱶ ᱛᱟᱦᱮᱸᱱᱟ ᱾ ᱜᱤᱫᱽᱨᱟᱹ ᱡᱟᱱᱟᱢ ᱚᱠᱛᱚ ᱠᱚᱨᱮ ᱠᱮ ᱠᱩᱲᱤ ᱠᱚᱲᱟ ᱛᱟᱹᱨᱩᱵ ᱢᱤᱫ ᱴᱷᱮᱱ ᱠᱚ ᱛᱟᱦᱮᱸᱱᱟ ᱾ ᱚᱱᱠᱟ ᱫᱚ ᱯᱮ ᱪᱟᱸᱫᱚ ᱛᱟᱨᱟ ᱜᱟᱱ ᱜᱤᱫᱽᱨᱟᱹ ᱡᱟᱱᱟᱢ ᱚᱠᱛᱚ ᱛᱟᱦᱮᱸᱱᱟ ᱟᱨ ᱢᱤᱫ ᱫᱷᱟᱣ ᱨᱮ ᱒-᱓ ᱜᱤᱫᱽᱨᱟᱹ ᱠᱚ ᱡᱟᱱᱟᱢ ᱠᱚᱣᱟ ᱾ ᱮᱸᱜᱟᱛ ᱛᱟᱹᱨᱩᱵ ᱟᱡ ᱨᱤᱱ ᱜᱤᱫᱽᱨᱟᱹ ᱥᱟᱶ ᱮ ᱛᱟᱦᱮᱸᱱᱟ ᱾ ᱛᱟᱹᱨᱩᱵ ᱜᱤᱫᱽᱨᱟᱹ ᱥᱤᱠᱟᱨ ᱥᱟᱵ ᱡᱚᱝ ᱛᱚᱦᱚᱨ ᱫᱚ ᱟᱡ ᱟᱭᱳ ᱴᱷᱮᱱ ᱠᱷᱚᱱ ᱠᱚ ᱪᱮᱢᱮᱫᱚᱜᱼᱟ ᱾ ᱵᱟᱨ ᱥᱮᱨᱢᱟ ᱛᱟᱨᱟ ᱛᱟᱭᱚᱢ ᱛᱟᱹᱨᱩᱵ ᱜᱤᱫᱽᱨᱟᱹ ᱮᱠᱞᱟ ᱠᱚ ᱛᱟᱦᱮᱸᱱᱟ ᱾ ᱛᱟᱹᱨᱩᱵ ᱫᱚ ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱑᱙ ᱥᱮᱨᱢᱟ ᱵᱚᱭᱚᱥ ᱛᱟᱦᱮᱸᱱ ᱛᱟᱠᱚᱣᱟ ᱾

ᱫᱩᱜ ᱵᱟᱧᱪᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱟᱹᱨᱩᱵ ᱫᱚ ᱟᱹᱰᱤ ᱮᱴᱠᱮᱴᱚᱬᱮ ᱥᱟᱢᱟᱝ ᱡᱟᱱᱣᱟ ᱠᱟᱱᱟ ᱠᱚ ᱾ ᱟᱡᱟᱜ ᱛᱟᱦᱮᱸᱱ ᱴᱷᱟᱶ ᱠᱷᱤᱛᱤᱨ ᱨᱮᱭᱟᱜ ᱟᱨ ᱟᱹᱣᱲᱤ ᱦᱚᱲ ᱜᱮᱠᱚ ᱥᱮᱸᱫᱽᱨᱟ ᱠᱚ ᱨᱮᱭᱟᱜ ᱵᱚᱛᱚᱨ ᱱᱩᱠᱩ ᱞᱟᱹᱜᱤᱫ ᱫᱚ ᱟᱹᱰᱤ ᱵᱟᱹᱲᱛᱤᱭᱟ ᱾ ᱯᱩᱨᱟᱹ ᱫᱷᱟᱹᱨᱛᱤ ᱨᱮ ᱛᱟᱹᱨᱩᱵᱟᱜ ᱮᱞ ᱖,᱐᱐᱐ ᱠᱷᱚᱱ ᱦᱚᱸ ᱠᱚᱢ ᱜᱮᱭᱟ ᱾ ᱱᱚᱶᱟ ᱵᱷᱤᱛᱨᱤ ᱠᱷᱚᱱ ᱔,᱐᱐᱐ ᱫᱚ ᱵᱷᱟᱨᱚᱛ ᱨᱮᱜᱮ ᱠᱚ ᱧᱟᱢᱚᱜᱼᱟ ᱾ ᱛᱟᱹᱨᱩᱵᱟᱜ ᱟᱨᱮ ᱡᱟᱹᱛᱤ ᱠᱷᱚᱱ ᱱᱤᱛᱚᱜ ᱯᱮ ᱨᱚᱠᱚᱢ ᱡᱟᱹᱛᱤ ᱫᱚᱠᱚ ᱟᱫ ᱦᱩᱭ ᱟᱠᱟᱱᱟ ᱾ ᱤᱨᱟᱹᱞ ᱞᱮᱠᱟᱱ ᱡᱟᱹᱛᱤ ᱠᱷᱚᱱ ᱨᱚᱭᱟᱞ ᱵᱚᱸᱜᱟᱞ ᱴᱟᱭᱤᱜᱚᱨ ᱫᱚ ᱩᱛᱛᱚᱨ ᱯᱩᱨᱩᱵᱽ ᱴᱚᱴᱷᱟ ᱵᱟᱹᱜᱤ ᱠᱟᱛᱮ ᱯᱩᱨᱟᱹ ᱫᱤᱥᱚᱢ ᱨᱮᱠᱚ ᱧᱟᱢᱚᱜᱼᱟ ᱾ ᱡᱮᱞᱮᱠᱟ - ᱱᱮᱯᱟᱞ, ᱵᱷᱩᱴᱟᱱ ᱟᱨ ᱵᱟᱸᱜᱽᱞᱟᱫᱮᱥ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱟᱹᱨᱩᱵᱟᱜ ᱢᱟᱨᱮ ᱜᱷᱟᱨᱚᱸᱡᱽ ᱫᱚ ᱪᱤᱱ ᱨᱮ ᱛᱟᱦᱮᱸᱱ ᱨᱮᱭᱟᱜ ᱪᱤᱱᱦᱟᱹ ᱧᱟᱢ ᱟᱠᱟᱱᱟ ᱾ ᱛᱤᱱᱟᱹᱝ ᱜᱟᱱ ᱛᱟᱹᱨᱩᱵ ᱠᱚ ᱢᱟᱞᱚᱴ ᱦᱩᱭ ᱟᱠᱟᱱ ᱠᱚᱣᱟᱜ ᱰᱤ.ᱮᱱ.ᱮ. ᱠᱷᱚᱱ ᱠᱚ ᱵᱟᱰᱟᱭ ᱟᱠᱟᱜᱼᱟ ᱪᱤ ᱛᱟᱹᱨᱩᱵ ᱨᱤᱱ ᱢᱟᱨᱮ ᱜᱷᱟᱨᱚᱸᱡᱽ ᱫᱚ ᱢᱚᱫᱷᱭᱚ ᱪᱤᱱ ᱠᱷᱚᱱ ᱵᱷᱟᱨᱚᱛ ᱠᱚ ᱦᱮᱡ ᱞᱮᱱᱟ ᱾ ᱱᱩᱠᱩ ᱡᱟᱦᱟᱸ ᱦᱚᱨ ᱛᱮ ᱵᱷᱟᱨᱚᱛ ᱠᱚ ᱦᱮᱡ ᱞᱮᱱᱟ, ᱛᱤᱱᱟᱹᱝ ᱥᱮᱨᱢᱟ ᱛᱟᱭᱚᱢ ᱱᱚᱶᱟ ᱦᱚᱨ ᱫᱚ ᱥᱤᱞᱠ ᱨᱩᱴ ᱧᱩᱛᱩᱢ ᱢᱮᱱᱛᱮ ᱵᱟᱰᱟᱭ ᱦᱩᱭ ᱮᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Dinerstein, E.; Loucks, C.; Wikramanayake, E.; Ginsberg, J.; Sanderson, E.; Seidensticker, J.; Forrest, J.; Bryja, G.; Heydlauff, A. (2007). "The Fate of Wild Tigers" (PDF). BioScience. 57 (6): 508–514. doi:10.1641/B570608.