ᱛᱟ.ᱨᱩᱵ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱛᱟ.ᱨᱩᱵ

ᱛᱟ.ᱨᱩᱵ ᱫᱚ ᱵᱤᱨ ᱨᱮ ᱛᱟᱦᱮᱸᱱ ᱡᱟᱱᱣᱟ ᱠᱟᱱᱟᱭ ᱾ ᱟᱭᱳ ᱛᱳᱣᱟ ᱧᱩ ᱠᱟᱛᱮ ᱦᱟᱨᱟᱜᱤᱡ ᱠᱟᱱᱟᱭ ᱟᱨ ᱡᱤᱞ ᱡᱚᱢ ᱠᱟᱛᱮ ᱡᱤᱭᱚᱱ ᱡᱤᱣᱤᱫᱚᱜᱤᱡ ᱠᱟᱱᱟᱭ ᱾ ᱱᱩᱭ ᱫᱚ ᱟᱠᱚ ᱡᱟ.ᱛᱤ ᱡᱟᱱᱣᱟ ᱵᱷᱤᱛᱨᱤ ᱠᱷᱚᱱ ᱫᱚ ᱡᱚᱛᱚ ᱠᱷᱚᱱ ᱫᱟᱲᱮ ᱡᱟᱱᱣᱟ ᱠᱟᱱᱟᱭ ᱾ ᱱᱩᱭ ᱫᱚ ᱛᱤᱵᱵᱚᱛ, ᱥᱨᱤᱞᱚᱝᱠᱟ, ᱟᱨ ᱟᱱᱰᱟᱢᱟᱱ ᱱᱤᱠᱚᱵᱚᱨ ᱰᱷᱤᱯ ᱵᱟ.ᱜᱤ ᱠᱟᱛᱮ ᱮᱥᱤᱭᱟ ᱨᱮᱭᱟᱜ ᱡᱚᱛᱚ ᱴᱚᱴᱷᱟ ᱨᱮᱜᱮ ᱠᱚ ᱧᱟᱢᱚᱜ-ᱟ ᱾ ᱛᱟ.ᱨᱩᱵ ᱫᱚ ᱵᱷᱟᱨᱚᱛ, ᱱᱮᱯᱟᱲ, ᱵᱷᱩᱴᱟᱱ , ᱠᱳᱨᱤᱭᱟ, ᱟᱯᱷᱜᱟᱱᱤᱥᱛᱟᱱ ᱟᱨ ᱤᱸᱰᱚᱱᱮᱥᱤᱭᱟ ᱠᱚᱨᱮ ᱵᱟ.ᱲᱛᱤ ᱫᱚᱠᱚ ᱧᱟᱢᱚᱜ-ᱟ ᱾ ᱱᱩᱭ ᱟᱜ ᱦᱚᱲᱢᱚ ᱨᱮᱭᱟᱜ ᱨᱚᱝ ᱫᱚ ᱟᱨᱟᱜ ᱟᱨ ᱥᱟᱥᱟᱝ ᱢᱮᱥᱟ ᱨᱚᱝ ᱛᱟᱦᱮᱸᱱᱟ ᱾ ᱚᱱᱟ ᱛᱟᱞᱟ-ᱛᱟᱞᱟ ᱨᱮ ᱦᱮᱸᱫᱮ ᱜᱟᱨ ᱛᱟᱦᱮᱸᱱᱟ ᱾ ᱛᱟ.ᱨᱩᱵ ᱫᱚ ᱑᱓ ᱯᱷᱤᱴ ᱡᱤᱞᱤᱧ ᱟᱨ ᱓᱐᱐ ᱠᱤᱞᱚ ᱦᱟᱢᱟᱞ ᱮ ᱦᱩᱭ ᱫᱟᱲᱮᱭᱟᱜ-ᱟ ᱾ ᱛᱟ.ᱨᱩᱵ ᱫᱚ ᱵᱷᱟᱨᱚᱛ ᱨᱤᱱᱤᱡ ᱡᱟ.ᱛᱭᱟ.ᱨᱤ ᱡᱟᱱᱣᱟ ᱦᱚᱸ ᱠᱟᱱᱟᱭ ᱾

ᱡᱤᱭᱚᱱ ᱛᱚᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱭ ᱫᱚ ᱵᱤᱨ, ᱫᱩᱞᱠᱤ ᱟᱨ ᱛᱟᱥᱟᱫ ᱛᱮ ᱞᱟᱴᱟ ᱯᱮᱨᱮᱡ ᱴᱷᱟᱶ ᱠᱚᱨᱮ ᱛᱟᱦᱮᱸᱱ ᱮ ᱠᱩᱥᱤᱜ-ᱟ ᱾ ᱱᱩᱭᱟᱜ ᱡᱚᱢ ᱫᱚ ᱵᱤᱨ ᱥᱩᱠᱨᱤ, ᱵᱤᱨ ᱥᱟ.ᱞ, ᱢᱟᱱᱣᱟ, ᱟ.ᱥᱩᱞ ᱡᱟᱱᱣᱟ ᱟᱨ ᱡᱮᱛᱮ ᱠᱟ.ᱴᱤᱡ ᱡᱤᱵᱽ ᱡᱟᱱᱣᱟ ᱠᱚ ᱾ ᱛᱟ.ᱨᱩᱵ ᱫᱚ ᱟᱸᱡᱚᱢ, ᱡᱤ, ᱟᱨ ᱧᱮᱞ ᱨᱮᱭᱟᱜ ᱫᱟᱲᱮ ᱦᱚᱸ ᱟ.ᱰᱤ ᱵᱟ.ᱲᱛᱤ ᱜᱮ ᱛᱟᱭᱟ ᱾ ᱛᱟ.ᱨᱩᱵ ᱫᱚ ᱵᱟ.ᱲᱛᱤ ᱯᱟ.ᱪᱷᱞᱟ. ᱠᱷᱚᱱ ᱮ ᱡᱷᱟᱯᱴᱟᱣ ᱟ ᱾ ᱦᱚᱲᱢᱚ ᱨᱮᱭᱟᱜ ᱠᱟᱵᱽᱨᱟ ᱨᱚᱝ ᱠᱷᱟ.ᱛᱤᱨ ᱛᱟ.ᱨᱩᱵ ᱫᱟᱨᱮ ᱞᱟᱴᱟᱨᱮ ᱚᱱᱠᱟ ᱪᱚᱨᱚᱠ ᱮ ᱩᱠᱩ ᱜᱟᱱ ᱜᱚᱫᱚᱜ-ᱟ, ᱠᱩᱫᱟ.ᱣ ᱟᱠᱟ ᱫᱮ ᱡᱟᱱᱣᱟ ᱫᱚ ᱴᱷᱤᱠᱟ. ᱦᱚᱸ ᱵᱟᱭ ᱴᱷᱤᱠᱟ. ᱡᱚᱝ-ᱟ ᱾ ᱛᱟ.ᱨᱩᱵ ᱟ.ᱰᱤ ᱨᱤᱦᱤᱴ ᱮ ᱫᱟ.ᱲ ᱫᱟᱲᱮᱭᱟᱜ ᱨᱮᱦᱚᱸ ᱟᱡᱟᱜ ᱦᱟᱢᱟᱞ ᱦᱚᱲᱢᱚ ᱠᱷᱟ.ᱛᱤᱨ ᱟ.ᱰᱤ ᱞᱚᱜᱚᱱ ᱮ ᱞᱟᱸᱜᱟ ᱜᱚᱫᱚᱜ-ᱟ ᱾ ᱛᱟ.ᱨᱩᱵ ᱫᱚ ᱵᱟ.ᱲᱛᱤ ᱮᱠᱞᱟ ᱜᱮᱭ ᱛᱟᱦᱮᱸᱱᱟ ᱾ ᱢᱤ-ᱢᱤᱫ ᱛᱟ.ᱨᱩᱵ ᱟᱠᱚᱣᱟᱜ ᱢᱤ-ᱢᱤᱫ ᱴᱷᱟ.ᱣᱠᱟ. ᱴᱷᱟᱶ ᱛᱟᱦᱮᱸᱱᱟ ᱾ ᱜᱤᱫᱽᱨᱟ. ᱡᱟᱱᱟᱢ ᱚᱠᱛᱚ ᱠᱚᱨᱮ ᱠᱮ ᱠᱩᱲᱤ ᱠᱚᱲᱟ ᱛᱟ.ᱨᱩᱵ ᱢᱤᱫ ᱴᱷᱮᱱ ᱠᱚ ᱛᱟᱦᱮᱸᱱᱟ ᱾ ᱚᱱᱠᱟ ᱫᱚ ᱯᱮ ᱪᱟᱸᱫᱚ ᱛᱟᱨᱟ ᱜᱟᱱ ᱜᱤᱫᱽᱨᱟ. ᱡᱟᱱᱟᱢ ᱚᱠᱛᱚ ᱛᱟᱦᱮᱸᱱᱟ ᱟᱨ ᱢᱤᱫ ᱫᱷᱟᱣ ᱨᱮ ᱒/᱓ ᱜᱤᱫᱽᱨᱟ. ᱠᱚ ᱡᱟᱱᱟᱢ ᱠᱚᱣᱟ ᱾ ᱮᱸᱜᱟᱛ ᱛᱟ.ᱨᱩᱵ ᱟᱡ ᱨᱤᱱ ᱜᱤᱫᱽᱨᱟ. ᱥᱟᱶ ᱮ ᱛᱟᱦᱮᱸᱱᱟ ᱾ ᱛᱟ.ᱨᱩᱵ ᱜᱤᱫᱽᱨᱟ. ᱥᱤᱠᱟᱨ ᱥᱟᱵ ᱡᱚᱝ ᱛᱚᱦᱚᱨ ᱫᱚ ᱟᱡ ᱟᱭᱳ ᱴᱷᱮᱱ ᱠᱷᱚᱱ ᱠᱚ ᱪᱮᱢᱮᱫ-ᱟ ᱾ ᱵᱟᱨ ᱥᱮᱨᱢᱟ ᱛᱟᱨᱟ ᱛᱟᱭᱚᱢ ᱛᱟ.ᱨᱩᱵ ᱜᱤᱫᱽᱨᱟ. ᱮᱠᱞᱟ ᱠᱚ ᱛᱟᱦᱮᱸᱱᱟ ᱾ ᱛᱟ.ᱨᱩᱵ ᱫᱚ ᱵᱟ.ᱲᱛᱤ ᱠᱷᱚᱱ ᱵᱟ.ᱲᱛᱤ ᱑᱙ ᱥᱮᱨᱢᱟ ᱵᱚᱭᱚᱥ ᱛᱟᱦᱮᱸᱱ ᱛᱟᱠᱚᱣᱟ ᱾

ᱫᱩᱜ ᱵᱟᱧᱪᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱟ.ᱨᱩᱵ ᱫᱚ ᱟ.ᱰᱤ ᱮᱴᱠᱮᱴᱚᱬᱮ ᱥᱟᱢᱟᱝ ᱡᱟᱱᱣᱟ ᱠᱟᱱᱟ ᱠᱚ ᱾ ᱟᱡᱟᱜ ᱛᱟᱦᱮᱸᱱ ᱴᱷᱟᱶ ᱠᱷᱤᱛᱤᱜ ᱨᱮᱭᱟᱜ ᱟᱨ ᱟ.ᱣᱲᱤ ᱦᱚᱲ ᱜᱮᱠᱚ ᱥᱮᱸᱜᱽᱨᱟ ᱠᱚ ᱨᱮᱭᱟᱜ ᱵᱚᱛᱚᱨ ᱩᱠᱩ ᱞᱟ.ᱜᱤᱫ ᱫᱚ ᱟ.ᱰᱤ ᱵᱟ.ᱲᱛᱤᱭᱟ ᱾ ᱯᱩᱨᱟ. ᱫᱷᱟ.ᱨᱛᱤ ᱨᱮ ᱛᱟ.ᱨᱩᱵᱟᱜ ᱮᱞ ᱖,᱐᱐᱐ ᱠᱷᱚᱱ ᱦᱚᱸ ᱠᱚᱢ ᱜᱮᱭᱟ ᱾ ᱱᱚᱶᱟ ᱵᱷᱤᱛᱨᱤ ᱠᱷᱚᱱ ᱔,᱐᱐᱐ ᱫᱚ ᱵᱷᱟᱨᱚᱛ ᱨᱮᱜᱮ ᱠᱚ ᱧᱟᱢᱚᱜ-ᱟ ᱾ ᱛᱟ.ᱨᱩᱵᱟᱜ ᱟᱨᱮ ᱡᱟ.ᱛᱤ ᱠᱷᱚᱱ ᱱᱤᱛᱚᱜ ᱯᱮ ᱨᱚᱠᱚᱢ ᱡᱟ.ᱛᱤ ᱫᱚᱠᱚ ᱟᱫ ᱦᱩᱭ ᱟᱠᱟᱱᱟ ᱾ ᱤᱨᱟ.ᱞ ᱞᱮᱠᱟᱱ ᱡᱟ.ᱛᱤ ᱠᱷᱚᱱ ᱨᱚᱭᱟᱞ ᱵᱚᱸᱜᱟᱞ ᱴᱟᱭᱜᱚᱨ ᱫᱚ ᱩᱛᱛᱚᱨ ᱯᱩᱨᱩᱵᱽ ᱴᱚᱴᱷᱟ ᱵᱟ.ᱜᱤ ᱠᱟᱛᱮ ᱯᱩᱨᱟ. ᱫᱤᱥᱚᱢ ᱨᱮᱠᱚ ᱧᱟᱢᱚᱜ-ᱟ ᱾ ᱡᱮᱞᱮᱠᱟ - ᱱᱮᱯᱟᱞ, ᱵᱷᱩᱴᱟᱱ ᱟᱨ ᱵᱟᱸᱜᱽᱞᱟᱫᱮᱥ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱟ.ᱨᱩᱵᱟᱜ ᱢᱟᱨᱮ ᱜᱷᱟᱨᱚᱸᱡᱽ ᱫᱚ ᱪᱤᱱ ᱨᱮ ᱛᱟᱦᱮᱸᱱ ᱨᱮᱭᱟᱜ ᱪᱤᱱᱦᱟ. ᱧᱟᱢ ᱟᱠᱟᱱᱟ ᱾ ᱛᱤᱱᱟ.ᱝ ᱜᱟᱱ ᱛᱟ.ᱨᱩᱵ ᱠᱚ ᱢᱟᱞᱚᱴ ᱦᱩᱭ ᱟᱠᱟᱱ ᱠᱚᱣᱟᱜ ᱰᱤ.ᱮᱱ.ᱮ. ᱠᱷᱚᱱ ᱠᱚ ᱵᱟᱰᱟᱭ ᱟᱠᱟᱜ-ᱟ ᱪᱤ ᱛᱟ.ᱨᱩᱵ ᱨᱤᱱ ᱢᱟᱨᱮ ᱜᱷᱟᱨᱚᱸᱡᱽ ᱫᱚ ᱢᱚᱫᱷᱭᱚ ᱪᱤᱱ ᱠᱷᱚᱱ ᱵᱷᱟᱨᱚᱛ ᱠᱚ ᱦᱮᱡ ᱞᱮᱱᱟ ᱾ ᱱᱩᱠᱩ ᱡᱟᱦᱟᱸ ᱦᱚᱨ ᱛᱮ ᱵᱷᱟᱨᱚᱛ ᱠᱚ ᱦᱮᱡ ᱞᱮᱱᱟ, ᱛᱤᱱᱟ.ᱝ ᱥᱮᱨᱢᱟ ᱛᱟᱭᱚᱢ ᱱᱚᱶᱟ ᱦᱚᱨ ᱫᱚ ᱥᱤᱞᱠ ᱨᱩᱴ ᱧᱩᱛᱩᱢ ᱢᱮᱱᱛᱮ ᱵᱟᱰᱟᱭ ᱦᱩᱭ ᱮᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]