ᱛᱤᱱᱥᱩᱠᱤᱭᱟ
| ᱛᱤᱱᱥᱩᱠᱤᱭᱟ | |
|---|---|
| ᱵᱟᱡᱟᱨ | |
 ᱛᱤᱱᱥᱩᱠᱤᱭᱟ ᱯᱩᱠᱷᱨᱤ ᱨᱮᱭᱟᱜ ᱪᱤᱛᱟᱹᱨ | |
  ᱛᱤᱱᱥᱩᱠᱤᱭᱟ  ᱛᱤᱱᱥᱩᱠᱤᱭᱟ | |
| Coordinates: 27°30′00″N 95°22′01″E / 27.500°N 95.367°ECoordinates: 27°30′00″N 95°22′01″E / 27.500°N 95.367°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱟᱥᱟᱢ |
| ᱦᱚᱱᱚᱛ | ᱛᱤᱱᱥᱩᱠᱤᱭᱟ |
| ᱥᱚᱨᱠᱟᱨ | |
| • ᱪᱟᱪᱞᱟᱣ | Tinsukia Municipality Board |
| ᱩᱥᱩᱞ | 116 ᱢᱤᱴᱚᱨ (381 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011)[᱑] |
| • ᱞᱮᱠᱷᱟᱜᱩᱴ | ᱑᱒᱖,᱓᱘᱙ |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱟᱥᱟᱢᱤᱡᱽ |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 786125 |
| ᱴᱮᱞᱤᱯᱷᱳᱱ ᱠᱳᱰ | 91-374 |
| ᱟᱭ.ᱮᱥ.ᱳ ᱓᱑᱖᱖ ᱠᱳᱰ | IN-AS |
| ᱜᱟᱹᱰᱤ ᱨᱤᱡᱤᱥᱴᱨᱤ | AS-23 |
| ᱣᱮᱵᱽᱥᱟᱭᱤᱴ | www |
ᱛᱤᱱᱥᱩᱠᱤᱭᱟ ᱫᱚ ᱥᱤᱧᱚᱛ ᱨᱮ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫ ᱦᱩᱰᱤᱧ ᱥᱟᱺᱦᱤᱡ ᱵᱟᱡᱟᱨ ᱠᱟᱱᱟ ᱾ ᱛᱤᱱᱥᱩᱠᱤᱭᱟ ᱦᱚᱱᱚᱛ ᱨᱮᱭᱟᱜ ᱯᱨᱚᱥᱟᱥᱚᱱᱤᱠ ᱢᱩᱠᱷᱤᱭᱟᱹᱥᱟᱲᱟ ᱱᱚᱜᱚᱨ ᱱᱤᱜᱚᱢ ᱵᱚᱰ ᱠᱟᱱᱟ ᱾ ᱱᱚᱣᱟ ᱫᱚ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫ ᱧᱩᱛᱩᱢᱟᱱ ᱴᱚᱴᱷᱟᱣᱟᱨᱤ ᱵᱮᱯᱟᱨᱤᱭᱟᱹ ᱛᱟᱞᱢᱟ ᱦᱚᱸ ᱠᱟᱱᱟ ᱾ ᱱᱚᱣᱟ ᱫᱚ ᱟᱥᱟᱢ ᱨᱮᱭᱟᱜ ᱨᱟᱡᱽᱜᱟᱲ ᱜᱩᱣᱟᱦᱟᱴᱤ ᱠᱷᱚᱱ ᱔᱘᱖ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱫᱩᱠᱷᱤᱱ-ᱯᱩᱨᱩᱵᱽ ᱨᱮ ᱟᱨ ᱚᱨᱩᱬᱟᱪᱚᱲ ᱯᱨᱚᱫᱮᱥ ᱨᱮᱭᱟᱜ ᱥᱤᱢᱟᱹ ᱠᱷᱚᱱ ᱘᱔ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱟᱥᱟᱢ ᱨᱮᱭᱟᱜ ᱵᱮᱯᱟᱨᱤᱭᱟᱹ ᱨᱟᱡᱽᱜᱟᱲ ᱨᱩᱯ ᱛᱮ ᱛᱤᱸᱜᱩ ᱠᱮᱴᱮᱡ ᱟᱠᱟᱱ ᱱᱚᱣᱟ ᱱᱟᱜᱟᱨ ᱨᱮ ᱟᱥᱟᱢᱤᱭᱟᱹ ᱟᱨ ᱮᱴᱟᱜ ᱯᱟᱹᱨᱥᱤ ᱨᱤᱱ ᱵᱟᱹᱲᱛᱤ ᱞᱮᱠᱟᱛᱮ ᱦᱤᱱᱫᱤ ᱯᱟᱹᱨᱥᱤᱭᱟᱹ, ᱵᱟᱸᱜᱟᱞᱤ, ᱱᱮᱯᱟᱞᱤ ᱟᱨ ᱥᱤᱠᱷ ᱦᱚᱲ ᱦᱚᱸ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱟᱹᱰᱤ ᱞᱮᱠᱟᱱ ᱱᱟᱣᱟ ᱢᱚᱞ ᱟᱨ ᱵᱷᱚᱵᱚᱱ ᱠᱚ ᱵᱮᱱᱟᱣᱜ ᱠᱟᱱ ᱥᱟᱶᱛᱮ ᱵᱟᱡᱟᱨ ᱫᱚ ᱢᱤᱫ ᱢᱚᱰᱮᱱ ᱵᱟᱡᱟᱨ ᱨᱮᱭᱟᱜ ᱨᱩᱯ ᱨᱮ ᱯᱟᱞᱴᱟᱣ ᱤᱫᱤᱜ ᱠᱟᱱᱟ ᱾
ᱛᱤᱱᱥᱩᱠᱤᱭᱟ ᱫᱚ ᱢᱤᱫ ᱤᱱᱰᱚᱥᱴᱨᱤᱭᱟᱞ ᱟᱨ ᱠᱚᱢᱚᱨᱥᱤᱭᱟᱞ ᱛᱟᱞᱢᱟ ᱠᱟᱱᱟ ᱡᱟᱦᱟᱸ ᱨᱮᱫᱚ ᱟᱨᱡᱟᱣ ᱠᱚ ᱡᱮᱞᱮᱠᱟ ᱪᱟᱦᱟ, ᱡᱟᱺᱵᱤᱨ, ᱟᱫᱟ ᱟᱨ ᱦᱳᱲᱳ ᱮᱢᱟᱱ ᱤᱫᱤ ᱠᱟᱛᱮ ᱦᱩᱭᱩᱜᱼᱟ ᱾ ᱛᱤᱱᱥᱩᱠᱤᱭᱟ ᱨᱮ ᱫᱚ ᱟᱥᱟᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱪᱷᱚᱠᱤ ᱢᱮᱱᱟᱜ-ᱟ ᱾ ᱟᱨ ᱱᱚᱣᱟ ᱦᱚᱱᱚᱛ ᱫᱚ ᱫᱤᱥᱚᱢ ᱨᱮᱭᱟᱜ ᱟᱹᱰᱤ ᱜᱟᱱ ᱧᱩᱛᱩᱢ ᱟᱱᱟᱜ ᱵᱟᱡᱟᱨ ᱥᱟᱶ ᱮ ᱡᱩᱲᱟᱹᱭᱟ ᱾
ᱚᱛᱱᱮᱛ ᱛᱷᱤᱛᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱤᱱᱥᱩᱠᱤᱭᱟ ᱵᱟᱡᱟᱨ ᱫᱚ ᱒᱔°᱓᱐′ ᱩ ᱙᱕°᱒᱒′ ᱯᱩ / ᱒᱖.᱕° ᱩ ३७° ᱯᱩ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱵᱟᱡᱟᱨ ᱫᱚ ᱑᱑᱗ ᱢᱤᱴᱚᱨ (᱓᱖᱐ ᱯᱷᱩᱴ) ᱮᱵᱷᱚᱨᱮᱡᱽ ᱩᱥᱩᱞ ᱨᱮ ᱢᱮᱱᱟᱜ-ᱟ ᱾[᱒]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱹᱦᱤᱞ ᱚᱠᱛᱚ ᱨᱮᱫᱚ ᱛᱤᱱᱥᱩᱠᱤᱭᱟ ᱵᱮᱸᱜᱽᱢᱟᱨᱟ ᱧᱩᱛᱩᱢ ᱛᱮ ᱩᱯᱨᱩᱢ ᱛᱟᱦᱮᱸ ᱠᱟᱱᱟ ᱢᱮᱱᱮᱛ ᱢᱩᱬ ᱨᱩᱯ ᱛᱮ ᱱᱚᱣᱟ ᱫᱚ ᱪᱟᱸᱜᱽᱢᱟᱭᱤ ᱯᱚᱛᱷᱟᱨ ᱧᱩᱛᱩᱢ ᱛᱮ ᱵᱟᱱᱟᱰᱟᱭ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱢᱚᱴᱚᱠ ᱦᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱥᱚᱨᱚᱜᱽᱫᱮᱵᱽ ᱥᱚᱨᱵᱟᱱᱚᱸᱫᱽ ᱥᱤᱝᱜᱷᱟᱭ ᱛᱷᱟᱯᱚᱱ ᱦᱚᱪᱚ ᱞᱮᱫ ᱛᱟᱦᱮᱸᱫ ᱾ ᱥᱚᱨᱚᱜᱽᱫᱮᱵᱽ ᱥᱚᱨᱵᱟᱱᱚᱸᱫᱽ ᱥᱤᱸᱜᱷᱟ ᱡᱟᱦᱟᱸᱨ ᱫᱚ ᱢᱮᱡᱟᱨᱟ ᱛᱮᱦᱚᱸᱭ ᱵᱤᱠᱱᱟᱹᱣᱜ ᱠᱟᱱ ᱛᱟᱦᱮᱸᱫ ᱢᱤᱫ ᱥᱚᱨᱮᱥ ᱯᱨᱚᱥᱟᱥᱚᱱᱤᱭᱟᱹ ᱨᱩᱯ ᱛᱮ ᱦᱚᱸᱭ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾ ᱥᱚᱨᱵᱟᱱᱚᱸᱫᱽ ᱥᱤᱸᱜᱷᱟ ᱧᱩᱛᱩᱢ ᱫᱚ ᱩᱱᱤ ᱨᱟᱡᱟ ᱵᱮᱱᱟᱣ ᱮᱱ ᱛᱟᱭᱚᱢ ᱮ ᱟᱯᱱᱟᱨ ᱞᱮᱫ ᱛᱟᱦᱮᱸᱫ[᱓] ᱾
ᱥᱚᱨᱵᱟᱱᱚᱸᱫᱽ ᱥᱤᱸᱜᱷᱟᱦᱟᱜ ᱩᱫᱩᱜ ᱞᱮᱠᱟᱛᱮ ᱟᱡᱤᱡ ᱢᱚᱱᱛᱨᱤ ᱜᱳᱯᱤᱱᱟᱛᱷ ᱵᱚᱨᱵᱚᱨᱩᱣᱟ ᱩᱨᱯᱷ ᱜᱳᱫᱷᱟ ᱵᱚᱨᱵᱚᱨᱩᱣᱟ ᱫᱚ ᱯᱮᱠᱳᱬ ᱟᱱᱟᱜ ᱜᱚᱲᱦᱚᱱ ᱨᱮ ᱢᱤᱫ ᱜᱟᱹᱰᱤᱭᱟᱹᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱡᱟᱦᱟᱸ ᱫᱚ ᱯᱮᱠᱳᱬᱤᱭᱟᱹ ᱯᱩᱠᱷᱨᱤ ᱞᱮᱠᱟᱛᱮ ᱵᱟᱱᱟᱰᱟᱭ ᱛᱟᱦᱮᱸ ᱠᱟᱱᱟ ᱾ ᱑᱘᱘᱔ ᱨᱮ ᱛᱤᱱ ᱡᱚᱦᱚᱜ ᱰᱤᱵᱸᱨᱩ ᱥᱟᱫᱤᱭᱟ ᱨᱮᱞ ᱞᱟᱭᱤᱱ ᱟᱴᱮᱫ ᱞᱮᱱ ᱛᱟᱦᱮᱸᱫ ᱩᱱ ᱡᱚᱦᱚᱜ ᱱᱚᱣᱟ ᱯᱩᱠᱷᱨᱤ ᱥᱩᱨ ᱨᱮ ᱢᱤᱫ ᱥᱴᱮᱥᱚᱱ ᱵᱮᱱᱟᱣ ᱞᱮᱱ ᱛᱟᱦᱮᱸᱱ ᱡᱟᱦᱟᱸ ᱫᱚ ᱛᱤᱱᱥᱩᱠᱤᱭᱟ ᱥᱴᱮᱥᱚᱱ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱱᱚᱣᱟ ᱛᱤᱱᱥᱩᱠᱤᱭᱟ ᱧᱩᱛᱩᱢ ᱛᱮᱜᱮ ᱱᱚᱣᱟ ᱵᱟᱡᱟᱨ ᱩᱯᱨᱩᱢ ᱮ ᱟᱢᱮᱴ ᱤᱫᱤ ᱠᱮᱫ-ᱟ ᱾
᱑᱖ ᱟᱱᱟᱜ ᱥᱚᱫᱤ ᱛᱟᱭᱚᱢ ᱨᱮᱭᱟᱜ ᱦᱟᱹᱴᱤᱧ ᱟᱨ ᱑᱙ ᱟᱱᱟᱜ ᱥᱚᱫᱤ ᱨᱮᱭᱟᱜ ᱮᱛᱚᱦᱚᱵ ᱵᱷᱟᱜᱽ ᱚᱠᱛᱚ ᱨᱮ ᱟᱥᱟᱢ ᱨᱮᱭᱟᱜ ᱱᱟᱜᱟᱢ ᱨᱮ ᱢᱚᱴᱚᱠ ᱨᱟᱡᱽᱵᱚᱝᱥᱚ ᱟᱜ ᱢᱤᱫ ᱵᱷᱮᱜᱟᱨ ᱜᱮ ᱴᱷᱟᱶ ᱢᱮᱱᱟᱜ-ᱟ ᱾ ᱢᱚᱴᱚᱠ ᱦᱚᱲ ᱠᱚ ᱟᱥᱟᱢ ᱨᱮᱭᱟᱜ ᱱᱟᱜᱟᱢ ᱨᱮ ᱯᱩᱭᱞᱩ ᱫᱷᱟᱣ ᱥᱟᱶᱛᱟᱨᱤ, ᱨᱟᱡᱽᱟᱹᱨᱤ ᱦᱩᱞᱥᱟᱹᱭ ᱠᱚ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱡᱟᱦᱟᱸ ᱫᱚ ᱢᱚᱢᱳᱨᱤᱭᱟᱹ ᱦᱩᱞᱥᱟᱹᱭ ᱨᱩᱯ ᱨᱮ ᱩᱯᱨᱩᱢ ᱢᱮᱱᱟᱜ-ᱟ ᱾ ᱱᱚᱣᱟ ᱦᱩᱞᱥᱟᱹᱭ ᱠᱷᱚᱱ ᱩᱱᱠᱩ ᱫᱚ ᱵᱤᱨᱫᱟᱨ ᱚᱦᱳᱢᱟᱜ ᱥᱟᱢᱨᱟᱡᱽ ᱦᱤᱞᱟᱹᱣ ᱠᱟᱛᱮ ᱟᱥᱟᱢ ᱨᱮᱭᱟᱜ ᱱᱟᱜᱟᱢ ᱠᱚ ᱟᱹᱨᱩ ᱯᱷᱮᱨᱟᱣ ᱞᱮᱫᱼᱟ ᱾
ᱦᱚᱭᱫᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱛᱩᱝ ᱫᱤᱱ ᱢᱟᱨᱪ ᱠᱷᱚᱱ ᱢᱮ ᱵᱚᱸᱜᱟ ᱚᱠᱛᱚ ᱨᱮᱫᱚ ᱦᱚᱭ ᱦᱤᱥᱤᱫ ᱵᱮᱥ ᱫᱷᱟᱨᱟ ᱜᱮ ᱛᱟᱦᱮᱸᱱᱟ ᱾ ᱱᱚᱣᱟ ᱵᱚᱸᱜᱟᱨᱮ ᱒᱔ ᱰᱤᱜᱽᱨᱤ ᱥᱮᱞᱥᱤᱭᱚᱥ (ᱢᱤᱱᱤᱢᱚᱢ) ᱟᱨ ᱓᱑ ᱰᱤᱜᱽᱨᱤ ᱥᱮᱞᱥᱤᱭᱚᱥ ᱫᱚ (ᱢᱮᱠᱥᱤᱢᱚᱢ) ᱨᱮᱭᱟᱜ ᱞᱚᱞᱚᱥᱚᱝ ᱛᱟᱦᱮᱸᱱᱟ ᱾ ᱥᱤᱛᱩᱝ ᱫᱤᱱ ᱫᱚ ᱵᱟᱹᱲᱛᱤᱭ ᱡᱟᱹᱯᱩᱫᱼᱟ ᱾ ᱢᱚᱱᱥᱩᱥ (ᱡᱩᱱ ᱠᱷᱚᱱ ᱥᱮᱯᱴᱮᱢᱵᱚᱨ) ᱵᱚᱸᱜᱟᱨᱮ ᱛᱤᱱᱥᱩᱠᱤᱭᱟ ᱨᱮᱫᱚ ᱟᱹᱰᱤ ᱵᱟᱹᱲᱛᱤᱭ ᱡᱟᱹᱯᱩᱫᱼᱟ ᱾ ᱛᱤᱱᱥᱩᱠᱤᱭᱟ ᱨᱮ ᱨᱟᱵᱟᱝ ᱫᱚ ᱚᱠᱴᱚᱵᱚᱨ ᱠᱷᱚᱱ ᱯᱷᱮᱵᱽᱨᱩᱣᱟᱨᱤ ᱵᱚᱸᱜᱟ ᱛᱟᱞᱟᱨᱮ ᱦᱩᱭᱩᱜᱼᱟ ᱾ ᱨᱟᱵᱟᱝ ᱦᱚᱭ ᱦᱤᱥᱤᱫ ᱫᱚ ᱟᱹᱰᱤ ᱨᱟᱹᱥᱠᱟᱹ ᱜᱮᱭᱟ ᱤᱠᱷᱟᱹᱱ ᱫᱷᱩᱲᱤ ᱛᱮ ᱯᱮᱨᱮᱡ ᱛᱟᱦᱮᱸᱱᱟ ᱾ ᱟᱨ ᱱᱤᱭᱟᱹ ᱚᱠᱛᱚ ᱨᱮ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱞᱚᱞᱚᱥᱚᱝ ᱫᱚ ᱥᱩᱨ ᱥᱩᱯᱩᱨ ᱒᱔ ᱰᱤᱜᱽᱨᱤ ᱥᱮᱞᱥᱤᱭᱚᱥ (ᱢᱮᱠᱥᱤᱢᱩᱢ) ᱟᱨ ᱑᱑ ᱰᱤᱜᱽᱨᱤ ᱥᱮᱞᱥᱤᱭᱚᱥ (ᱢᱤᱱᱤᱢᱩᱢ) ᱛᱟᱞᱟᱨᱮ ᱛᱟᱦᱮᱸᱱᱟ ᱾
ᱥᱟᱱᱟᱜᱟᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱤᱱᱥᱩᱠᱤᱭᱟ ᱦᱚᱭᱚᱝ ᱦᱚᱨ, ᱡᱟᱹᱛᱤᱭᱟᱹᱨᱤ ᱨᱟᱡᱽᱦᱚᱨ ᱟᱨ ᱨᱮᱞᱣᱮ ᱥᱟᱶ ᱡᱩᱲᱟᱹᱭ ᱟᱠᱟᱱ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱜᱩᱣᱟᱦᱟᱴᱤ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱥᱚᱲᱚᱠ ᱦᱚᱨ ᱠᱷᱚᱱ ᱫᱚ ᱔ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱥᱩᱨ ᱨᱮᱭᱟᱜ ᱩᱰᱟᱹᱱ ᱟᱰᱟ ᱫᱚ ᱢᱳᱦᱚᱱᱵᱟᱰᱤ, ᱰᱤᱵᱷᱨᱩᱜᱚᱰ ᱨᱮ ᱢᱮᱱᱟᱜ-ᱟ ᱡᱟᱦᱟᱸ ᱫᱚ ᱛᱤᱱᱥᱩᱠᱤᱭᱟ ᱠᱷᱚᱱ ᱯᱟᱞᱮ ᱔᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱰᱮ ᱠᱷᱚᱱ ᱫᱤᱞᱞᱤ, ᱜᱩᱣᱟᱦᱟᱴᱤ, ᱠᱚᱞᱠᱟᱛᱟ ᱟᱨ ᱢᱟᱬᱟᱝ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱞᱟᱹᱜᱤᱫ ᱫᱚ ᱫᱤᱱᱟᱹᱢ ᱟᱨ ᱦᱟᱯᱛᱟᱠᱤᱭᱟᱹ ᱞᱮᱠᱟᱛᱮ ᱩᱰᱟᱹᱱ ᱥᱟᱸᱜᱷᱟᱨ ᱨᱮᱭᱟᱜ ᱥᱩᱵᱤᱫᱷᱟ ᱫᱚᱦᱚ ᱟᱠᱟᱱᱟ ᱾
ᱦᱚᱲ ᱮᱞᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱨᱮ ᱥᱤᱧᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱛᱤᱱᱥᱩᱠᱤᱭᱟ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱑,᱒᱕,᱒᱑᱘ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱠᱚᱲᱟ ᱦᱚᱯᱚᱱ ᱫᱚ ᱕᱕% ᱟᱨ ᱠᱩᱲᱤ ᱦᱚᱯᱚᱱ ᱫᱚ ᱔᱕% ᱢᱮᱱᱟᱜ ᱠᱚᱣᱟ ᱾ [᱔]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ http://www.censusindia.gov.in/pca/SearchDetails.aspx?Id=298235
- ↑ Falling Rain Genomics, Inc - Tinsukia
- ↑ "Tinsukia". Retrieved 2 May 2012.
- ↑ "Census Of India". Retrieved 2 May 2012.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Tinsukia ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- Tinsukia district official website
ᱛᱤᱱᱥᱩᱠᱤᱭᱟ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
