ᱛᱨᱤᱵᱷᱩᱵᱚᱱ ᱢᱚᱦᱟᱫᱮᱵᱤ ᱑

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱛᱨᱤᱵᱷᱩᱵᱚᱱ ᱢᱚᱦᱟᱫᱮᱵᱤ ᱑
ᱯᱚᱨᱚᱢᱚᱵᱚᱭᱥᱚᱱᱚᱵᱤ, ᱠᱟᱛᱭᱟᱭᱚᱱᱤ
Reign᱘᱔᱓-᱘᱕᱐ CE
Predecessorᱥᱩᱵᱷᱚᱠᱚᱲ-ᱫᱮᱵ ᱓
Successorᱥᱟᱱᱛᱤᱠᱟᱨ ᱫᱮᱵ ᱒ (ᱜᱚᱲᱚᱢ ᱠᱚᱲᱟ)
ᱡᱟᱱᱟᱢᱜᱳᱥᱣᱟᱢᱤᱱᱤ ᱫᱮᱵᱤ
Spouseᱥᱟᱱᱛᱤᱠᱟᱨ ᱫᱮᱵ ᱑
Houseᱵᱷᱚᱣᱢᱟ ᱠᱚᱲᱚ ᱨᱟᱡᱽ
ᱫᱷᱚᱨᱚᱢᱦᱤᱱᱫᱩ

ᱯᱚᱨᱚᱢᱚᱵᱚᱭᱥᱚᱱᱚᱵᱤ ᱜᱳᱥᱣᱟᱢᱤ ᱫᱮᱵᱤ ᱥᱮ ᱛᱨᱤᱵᱷᱩᱵᱚᱱ ᱢᱚᱦᱟᱫᱮᱵᱤ ᱑ (ᱳᱰᱤᱭᱟ: ପ୍ରଥମ ତ୍ରିଭୁବନ ମହାଦେବୀ) ᱢᱟᱨᱮ ᱳᱰᱤᱥᱟ ᱨᱮᱭᱟᱜ ᱵᱷᱩᱢᱠᱟᱲᱟ ᱨᱟᱡᱽ ᱜᱷᱟᱨᱚᱸᱡᱽ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱥᱟᱥᱚᱠ ᱟᱨ ᱨᱟᱡᱟ ᱥᱟᱱᱛᱤᱠᱟᱨ ᱨᱮᱱ ᱪᱷᱟᱹᱰᱣᱤ ᱮ ᱛᱟᱦᱮ ᱠᱟᱱᱟ᱾ ᱡᱟᱦᱟᱸᱭ ᱫᱚ ᱘᱔᱓ ᱠᱷᱚᱱ ᱘᱔᱕ ᱥᱟᱞ ᱫᱷᱟᱹᱵᱤᱡ ᱛᱚᱥᱟᱞᱤ ᱥᱮ ᱩᱛᱠᱚᱞ ᱨᱮᱭᱟᱜ ᱨᱟᱡᱽ ᱢᱟᱹᱪᱤ ᱨᱮᱭ ᱫᱩᱲᱩᱵ ᱛᱟᱦᱮ ᱠᱟᱱᱟ ᱟᱨ ᱟᱡ ᱨᱮᱱ ᱥᱟᱥᱚᱱᱮᱫ ᱠᱚᱲᱟ ᱥᱩᱵᱷᱚᱠᱚᱲ ᱓ ᱟᱜ ᱟᱪᱠᱟ ᱜᱩᱨ ᱠᱷᱟᱹᱛᱤᱨ ᱘᱕᱐ ᱥᱟᱞ ᱫᱷᱟᱹᱵᱤᱡ ᱮ ᱥᱟᱥᱚᱱ ᱞᱮᱫᱟ᱾ ᱟᱫᱚᱢ ᱱᱟᱜᱟᱢᱤᱭᱟᱹ ᱠᱚᱣᱟᱜ ᱞᱟᱹᱭ ᱵᱟᱝᱢᱟ ᱩᱱᱤ ᱫᱚ ᱘᱖᱓ ᱥᱟᱞ ᱫᱷᱟᱹᱵᱤᱡ ᱮ ᱥᱟᱥᱚᱱ ᱞᱮᱫᱟ, ᱡᱟᱦᱟ ᱛᱤᱱ ᱦᱟᱹᱵᱤᱪ ᱟᱡ ᱨᱮᱱ ᱜᱚᱨᱚᱢ ᱠᱚᱲᱟ ᱥᱟᱱᱛᱤᱠᱟᱨ ᱫᱚᱥᱟᱨ ᱨᱟᱡᱽ ᱢᱟᱹᱪᱤ ᱨᱮ ᱫᱩᱲᱩᱵ ᱞᱟᱹᱜᱤᱫ ᱵᱟᱭ ᱞᱟᱹᱴᱩᱣᱟᱠᱟᱱ ᱛᱟᱦᱮᱸᱫ᱾ ᱟᱡ ᱨᱮᱱ ᱜᱚᱨᱚᱢ ᱠᱚᱲᱟ ᱞᱟᱹᱴᱩ ᱛᱟᱭᱚᱢ ᱩᱱᱤ ᱟᱡᱟᱜ ᱦᱩᱫᱟᱹᱭ ᱟᱲᱟᱜ ᱞᱮᱫᱟ᱾ ᱩᱱᱤ ᱫᱚ ᱟᱹᱰᱤ ᱫᱟᱲᱮᱭᱟᱱ ᱥᱟᱥᱚᱠ ᱮ ᱛᱟᱦᱮ ᱠᱟᱱᱟ ᱟᱨ ᱟᱨᱚᱵ ᱟᱨ ᱯᱟᱨᱥᱤᱭᱟᱱ ᱚᱛᱱᱚᱜ ᱜᱟᱹᱠᱷᱩᱲᱤᱭᱟᱹ ᱤᱵᱚᱱ ᱠᱷᱚᱨᱫᱟᱫᱽᱵᱮᱦ ᱟᱨ ᱥᱮᱼᱥᱮᱸᱫᱽᱨᱟᱭᱤᱡ ᱟᱦᱚᱢᱮᱫ ᱤᱵᱚᱱ ᱨᱩᱥᱛᱟᱦ ᱛᱟᱹᱠᱤᱱᱟᱜ ᱚᱞᱼᱛᱚᱞ ᱨᱮᱦᱚᱸ ᱞᱟᱹᱭ ᱢᱮᱱᱟᱜᱼᱟ᱾ ᱩᱱᱚᱠᱛᱚ ᱯᱮᱼᱠᱚᱞᱤᱝᱜᱚ ᱴᱚᱴᱷᱟ ᱨᱮᱭᱟᱜ ᱫᱚᱨᱮᱭᱟ ᱟᱲᱮ ᱛᱟᱞᱢᱟ ᱴᱚᱴᱷᱟ ᱨᱮ ᱥᱟᱢᱚᱱᱛᱚ ᱨᱟᱡᱟ ᱠᱚᱣᱟᱜ ᱦᱩᱞᱥᱟᱹᱭ ᱛᱩᱞᱩᱪ ᱦᱚᱸ ᱫᱟᱲᱮᱭᱟᱱ ᱟᱡ ᱵᱟᱵᱟ ᱟᱜ ᱜᱚᱲᱚ ᱛᱮ ᱩᱱᱤ ᱫᱟᱲᱮ ᱨᱮᱭ ᱵᱚᱦᱟᱞ ᱞᱮᱱᱟ᱾ ᱩᱱᱤ ᱫᱚ ᱟᱡ ᱛᱮ ᱫᱮᱵᱤ ᱠᱟᱛᱭᱟᱭᱚᱱᱤ (ᱫᱮᱵᱤ ᱥᱚᱠᱛᱤ ᱟᱜ ᱢᱤᱫ ᱨᱩᱯ) ᱥᱟᱶ ᱮ ᱛᱩᱞᱩᱪ ᱞᱮᱱᱟ ᱡᱚᱠᱷᱚᱱ ᱩᱱᱤ ᱟᱡᱟᱜ ᱰᱷᱮᱝᱠᱟᱱᱟᱲ ᱥᱚᱫᱚᱱ ᱨᱮ ᱞᱟᱹᱭ ᱟᱠᱟᱱ ᱜᱩᱦᱮᱥᱣᱚᱨᱯᱟᱴ ᱨᱮ ᱨᱟᱡᱽ ᱢᱟᱹᱪᱤ ᱨᱮᱭ ᱫᱩᱲᱩᱵ ᱞᱮᱱᱟ᱾ ᱩᱱᱤ ᱫᱚ ᱵᱚᱭᱛᱚᱞᱟ ᱫᱮᱣᱞᱟ ᱵᱮᱱᱟᱣ ᱨᱮᱭᱟᱜ ᱦᱚᱸ ᱥᱟᱨᱦᱟᱣᱱᱟ ᱠᱚ ᱮᱢᱟᱭ ᱜᱮᱭᱟ, ᱡᱟᱦᱟᱸ ᱫᱚ ᱢᱟᱨᱮ ᱵᱷᱩᱵᱟᱱᱮᱥᱣᱟᱨ ᱨᱮ ᱱᱤᱛ ᱦᱟᱹᱵᱤᱫ ᱛᱤᱸᱜᱩ ᱟᱠᱟᱱ ᱥᱮᱫᱟᱭ ᱢᱚᱱᱫᱤᱨ ᱵᱩᱱᱤᱭᱟᱹᱫᱽ ᱠᱚ ᱢᱩᱸᱫᱽ ᱨᱮ ᱢᱤᱫ ᱴᱟᱝ ᱠᱟᱱᱟ ᱟᱨ ᱠᱷᱟᱝᱲᱟ ᱜᱚᱲᱦᱚᱱ ᱨᱮᱭᱟᱜ ᱢᱚᱱᱫᱤᱨ ᱵᱮᱱᱟᱣ ᱨᱮ ᱳᱰᱤᱥᱟ ᱨᱮᱭᱟᱜ ᱵᱟᱨᱼᱯᱮ ᱜᱚᱴᱟᱱ ᱢᱩᱸᱫᱽ ᱨᱮ ᱢᱤᱫᱴᱟᱝ ᱠᱟᱱᱟ᱾

ᱨᱟᱹᱱᱤ ᱥᱤᱨᱡᱚᱱ ᱟᱨ ᱩᱱᱤᱭᱟᱜ ᱪᱩᱨᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Vaitala Deula or Baitala Temple at Bhubaneswar Built by Tribhuvana Mahadevi in a mixed Kalingan and Dravidian architectureVaital Deul or Baitala Temple at Bhubaneswar Built by Tribhuvana Mahadevi in a mixed Kalingan and Dravidian architecture
ᱵᱚᱭᱛᱚᱞᱟ ᱫᱮᱣᱞᱟ ᱥᱮ ᱵᱚᱭᱛᱟᱞᱟ ᱢᱚᱱᱫᱤᱨ

ᱨᱟᱡᱽ ᱞᱮᱠᱟᱛᱮ ᱛᱨᱤᱵᱷᱩᱵᱚᱱ ᱢᱚᱦᱟᱫᱮᱵᱤ ᱑ ᱟᱜ ᱩᱛᱷᱱᱟᱹᱣ ᱫᱚ ᱱᱤᱛ ᱦᱚᱸ ᱱᱟᱜᱟᱢᱤᱭᱟᱹ ᱠᱚᱴᱷᱮᱱ ᱨᱟᱯᱟᱪᱟᱜ ᱥᱟᱛᱟᱢ ᱞᱮᱠᱟᱛᱮ ᱢᱮᱱᱟᱜᱼᱟ᱾ ᱪᱮᱫᱟᱜ ᱥᱮ ᱟᱫᱚᱢ ᱠᱚᱣᱟᱜ ᱯᱟᱹᱛᱭᱟᱹᱣ ᱩᱱᱤ ᱫᱚ ᱢᱚᱦᱤᱥᱩᱨ ᱨᱟᱡᱽ ᱨᱮᱱ ᱨᱟᱡᱟ ᱨᱟᱡᱟᱢᱚᱞᱞᱚ ᱯᱩᱭᱞᱩ ᱨᱮᱱ ᱠᱩᱲᱤᱭ ᱛᱟᱦᱮ ᱠᱟᱱᱟ ᱟᱨ ᱟᱫᱚᱢ ᱱᱟᱜᱟᱢᱤᱭᱟᱹ ᱠᱚᱫᱚ ᱩᱱᱠᱚᱣᱟᱜ ᱠᱟᱛᱷᱟ ᱦᱟᱹᱯᱤᱫ ᱠᱟᱛᱮ ᱠᱚ ᱞᱟᱹᱭ ᱟᱠᱟᱫᱟ ᱡᱮ ᱩᱱᱤ ᱫᱚ ᱵᱷᱩᱢᱠᱟᱲᱟ ᱨᱟᱡᱽ ᱨᱮᱭᱟᱜ ᱮᱛᱚᱢ ᱨᱮ ᱥᱟᱢᱟᱝ ᱜᱚᱝᱜᱟ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱨᱮᱱ ᱢᱤᱫ ᱨᱟᱡᱟ ᱨᱮᱱ ᱠᱩᱲᱤᱭ ᱛᱟᱦᱮ ᱠᱟᱱᱟ᱾

ᱨᱟᱡᱽ ᱢᱟᱹᱪᱤ ᱨᱮ ᱫᱩᱲᱩᱵ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱡᱽ ᱪᱟᱪᱞᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]