ᱛᱩᱲᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱛᱩᱲᱤ ᱵᱟᱦᱟ

ᱛᱩᱲᱤ ᱫᱚ ᱥᱩᱱᱩᱢ ᱡᱟᱹᱛ ᱨᱮᱱᱟᱜ ᱡᱟᱝ ᱠᱟᱱᱟ [᱑] ᱾ ᱱᱚᱶᱟ ᱨᱮᱱᱟᱜ ᱡᱟᱝ ᱫᱚ ᱢᱚᱥᱞᱟ ᱞᱮᱠᱟᱛᱮ ᱦᱚᱸ ᱠᱚ ᱵᱮᱵᱷᱟᱨᱟ ᱾ ᱛᱩᱲᱤ ᱡᱟᱝ ᱜᱩᱸᱰᱟᱹ ᱠᱟᱛᱮ , ᱵᱷᱤᱱᱮᱜᱟᱨ ᱟᱨ ᱮᱢᱟᱱᱛᱮᱭᱟᱜ ᱢᱚᱥᱞᱟ ᱢᱮᱥᱟ ᱠᱟᱛᱮ ᱥᱟᱥᱟᱝ ᱨᱚᱝ ᱟᱜ ᱢᱚᱥᱞᱟ ᱠᱚ ᱛᱮᱭᱟᱨᱟ ᱾ ᱛᱩᱲᱤ ᱡᱟᱝ ᱠᱷᱚᱱᱟᱜ ᱥᱩᱱᱩᱢ ᱚᱰᱚᱠᱚᱜᱼᱟ ᱾ ᱱᱚᱶᱟ ᱥᱩᱱᱩᱢ ᱛᱮ ᱩᱛᱩ ᱠᱚ ᱤᱥᱤᱱᱟ ᱟᱨ ᱛᱩᱲᱤ ᱫᱟᱨᱮ ᱫᱚ ᱟᱲᱟᱜ ᱞᱮᱠᱟᱛᱮ ᱩᱛᱩ ᱠᱟᱛᱮ ᱠᱚ ᱡᱚᱢᱼᱟ ᱾

ᱚᱲᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱩᱲᱤ ᱡᱟᱝ ᱫᱚ ᱦᱩᱰᱤᱧ ᱦᱩᱰᱤᱧ ᱟᱨ ᱜᱩᱞᱟᱹᱭ ᱜᱮᱭᱟ ᱾ ᱱᱚᱶᱟ ᱫᱚ ᱑ ᱠᱷᱚᱱ ᱒ ᱢᱤᱞᱤᱢᱤᱴᱤᱨ ᱰᱟᱭᱢᱤᱴᱚᱨ ᱜᱟᱱ ᱟᱨ ᱨᱚᱝ ᱫᱚ ᱦᱮᱸᱫᱮ ᱟᱨᱟᱜ ᱟᱨ ᱥᱟᱥᱟᱝ ᱢᱮᱥᱟ ᱜᱮᱭᱟ ᱾ ᱛᱩᱲᱤ ᱨᱮᱟᱜ ᱜᱩᱴ ᱤᱫᱤ ᱠᱟᱛᱮ ᱨᱚᱝ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ ᱾

ᱪᱟᱥ ᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱩᱲᱤ ᱚᱢᱚᱱ ᱨᱮ ᱫᱚ ᱥᱤᱧᱚᱛ ᱟᱹᱰᱤ ᱢᱟᱨᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱫᱼᱟ ᱾ ᱳᱰᱤᱥᱟ ᱯᱚᱱᱚᱛ ᱨᱮ ᱫᱚ ᱛᱩᱲᱤ ᱫᱚ ᱥᱩᱢᱩᱝ ᱨᱟᱵᱟᱝ ᱨᱤᱛᱩ ᱨᱮᱜᱮ ᱦᱞᱭᱩᱜᱼᱟ ᱾ ᱱᱚᱶᱟ ᱪᱟᱥ ᱫᱚ ᱵᱟᱹᱞᱭᱟᱹ ᱦᱟᱥᱟ ᱨᱮ ᱵᱮᱥ ᱦᱩᱭᱩᱜᱼᱟ ᱾ ᱱᱚᱶᱟ ᱪᱟᱥ ᱞᱟᱹᱜᱤᱫ ᱞᱚᱞᱥᱚᱝ ᱫᱚ ᱑᱐ ᱠᱷᱚᱱ ᱑᱕o ᱥᱮᱞᱥᱤᱭᱚᱥ ᱜᱟᱱ ᱞᱚᱞᱚ ᱨᱮ ᱪᱟᱥ ᱫᱚ ᱦᱩᱭᱩᱜ-ᱟ ᱟᱨ ᱱᱟᱥᱮ ᱦᱮᱢᱟᱞ ᱦᱚᱸ ᱞᱟᱹᱠᱛᱤᱜᱼᱟ [᱒] ᱾ ᱚᱠᱴᱚᱵᱚᱨ ᱠᱷᱚᱱ ᱱᱚᱵᱷᱮᱢᱵᱚᱨ ᱪᱟᱸᱫᱚ ᱨᱮ ᱛᱩᱲᱤ ᱫᱚ ᱠᱚ ᱮᱨᱟ ᱟᱨ ᱮᱨ ᱛᱟᱭᱚᱢ ᱞᱮᱱ ᱠᱷᱟᱱ ᱡᱚ ᱦᱚᱸ ᱠᱚᱢ ᱜᱮ ᱧᱟᱢᱚᱜᱼᱟ ᱾

ᱡᱟᱝ ᱮᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑ ᱠᱤᱞᱚᱜᱨᱟᱢ ᱡᱟᱝ ᱥᱟᱶ ᱓ ᱜᱨᱟᱢ ᱛᱷᱤᱨᱟᱢ ᱟᱨᱵᱟᱝ ᱠᱟᱨᱵᱚᱱ ᱰᱟᱭᱡᱤᱭᱚᱢ ᱟᱨᱵᱟᱝ ᱑ ᱜᱨᱟᱢ ᱵᱷᱤᱴᱟᱵᱷᱟᱠᱥ ᱢᱤᱞᱟᱹᱣ ᱠᱟᱛᱮ ᱥᱟᱯᱷᱟ ᱞᱟᱹᱠᱛᱤ ᱾ ᱛᱩᱲᱤ ᱫᱚ ᱫᱷᱟᱹᱲ ᱨᱮ ᱮᱨ ᱞᱟᱹᱠᱛᱤ ᱠᱟᱱᱟ ᱾ ᱛᱩᱲᱤ ᱫᱷᱟᱹᱲ ᱫᱚ ᱮᱛᱚᱢ-ᱠᱚᱧᱮ ᱵᱮᱱᱟᱣ ᱞᱮᱠᱷᱟᱱ ᱵᱮᱥ ᱥᱤᱛᱩᱝ ᱧᱩᱨᱩᱜ-ᱟ ᱟᱨ ᱵᱮᱥ ᱚᱢᱚᱱᱚᱜ-ᱟ ᱾ ᱫᱟᱜ ᱵᱟᱝ ᱢᱚᱰᱟᱣᱟᱜ ᱠᱤᱨᱥᱤ ᱨᱮ ᱫᱚ ᱠᱷᱚᱛ ᱫᱚ ᱮᱨ ᱚᱠᱛᱚ ᱨᱮ ᱠᱚ ᱮᱨᱟ ᱟᱨ ᱫᱟᱜ ᱢᱚᱰᱟᱣᱟᱜ ᱫᱚ ᱡᱟᱝ ᱮᱨ ᱡᱚᱠᱷᱟᱜ ᱦᱚᱸ ᱟᱨ ᱮᱨ ᱠᱟᱛᱮ ᱯᱮ ᱦᱟᱯᱛᱟ ᱛᱟᱭᱚᱢ ᱠᱷᱚᱛ ᱠᱚ ᱮᱨᱮᱟᱜ-ᱟ ᱾

ᱫᱟᱜ ᱢᱚᱰᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱟᱨᱮ ᱨᱟᱠᱟᱵ ᱠᱟᱛᱮ ᱒᱕ ᱫᱤᱱ ᱛᱟᱭᱚᱢ ᱮᱦᱚᱵ ᱟᱨ ᱡᱚ ᱥᱟᱵ ᱠᱟᱛᱮ ᱟᱨ ᱢᱤᱫ ᱫᱷᱟᱣ ᱫᱟᱜ ᱢᱚᱰᱟᱣ ᱦᱩᱭᱩᱜᱼᱟ ᱾ ᱮᱱᱠᱷᱟᱱ ᱰᱮᱦᱮᱨ ᱵᱟᱦᱟᱜᱼᱟ ᱟᱨ ᱡᱟᱝ ᱦᱚᱸ ᱰᱮᱦᱮᱨ ᱜᱮ ᱦᱩᱭᱩᱜᱼᱟ ᱾

ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱩᱲᱤ ᱡᱚ ᱨᱮᱱᱟᱜ ᱑᱑᱐ ᱠᱷᱚᱱ ᱑᱔᱐ ᱫᱤᱱ ᱛᱮ ᱯᱟᱠᱚᱲᱚᱜ-ᱟ ᱾ ᱫᱟᱨᱮ ᱨᱮ ᱡᱚ ᱫᱚ ᱥᱟᱥᱟᱝᱚᱜ ᱛᱟᱭᱚᱢ ᱥᱟᱠᱟᱢ ᱧᱩᱨᱩᱜ ᱡᱚᱠᱷᱟᱜ ᱛᱩᱲᱤ ᱫᱟᱨᱮ ᱫᱚ ᱠᱚ ᱜᱮᱫᱼᱟ ᱾ ᱱᱚᱶᱟ ᱚᱠᱛᱚ ᱨᱮ ᱡᱚ ᱔᱐ ᱥᱟᱭᱠᱚᱨᱟ ᱵᱷᱟᱜᱽ ᱫᱟᱜ ᱛᱟᱦᱟᱸᱱᱟ ᱟᱨ ᱵᱟᱹᱲᱛᱤ ᱜᱮ ᱥᱩᱱᱩᱢ ᱛᱟᱦᱮᱸᱱᱟ ᱾ ᱡᱟᱝ ᱨᱮ ᱘ ᱥᱟᱭᱠᱚᱨᱟ ᱠᱷᱚᱱ ᱠᱚᱢ ᱫᱟᱜ ᱛᱟᱦᱮᱸ ᱞᱟᱹᱠᱛᱤ ᱾ ᱚᱱᱟᱛᱮ ᱜᱮᱫ ᱛᱟᱭᱚᱢ ᱦᱩᱰᱤᱧ ᱦᱩᱰᱤᱧ ᱛᱚᱞ ᱵᱤᱸᱰᱟᱹ ᱠᱟᱛᱮ ᱕ ᱠᱷᱚᱱ ᱖ ᱫᱤᱱ ᱠᱚ ᱨᱚᱦᱚᱲᱟ, ᱚᱱᱟ ᱛᱟᱭᱚᱢ ᱡᱟᱝ ᱫᱟᱞ ᱧᱩᱨ ᱠᱟᱛᱮ ᱡᱟᱝ ᱠᱚ ᱛᱚᱦᱚᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. http://dsal.uchicago.edu/cgi-bin/philologic/getobject.pl?c.40:14279.praharaj
  2. http://agrifarming.in/mustard-farming-information%7Cpublisher=Agri Farming