ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜ
ᱥᱟᱱᱛᱟᱲᱤ ᱥᱟᱶᱦᱮᱫ ᱨᱤᱱ ᱢᱤᱫ ᱚᱱᱚᱞᱤᱭᱟ. ᱞᱮᱠᱟᱛᱮ ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜᱟᱜ ᱩᱯᱨᱩᱢ ᱢᱮᱱᱟᱜᱼᱟ ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱟᱭᱢᱟ ᱠᱷᱚᱫᱽ ᱟᱡ ᱫᱚᱭ ᱚᱞ ᱥᱮᱴᱮᱨ ᱟᱠᱟᱫᱼᱟ ᱾ ᱡᱮᱢᱚᱱ ᱚᱱᱚᱞ, ᱠᱟ.ᱦᱱᱤ, ᱜᱟᱢᱟᱢ, ᱜᱟᱭᱟᱱ, ᱨᱚᱲ ᱥᱟᱬᱮᱥ, ᱱᱟᱜᱟᱢ ᱮᱢᱟᱱ ᱾ ᱥᱚᱜ ᱥᱮᱴᱮᱡ ᱞᱮᱠᱟᱱ ᱠᱷᱚᱸᱫᱽᱨᱚᱸᱫᱽ ᱜᱚᱱᱚᱝ ᱟᱱ ᱥᱟᱛᱟᱢ ᱨᱮᱦᱚᱸ ᱱᱚᱱᱚᱞ ᱞᱟᱲᱟᱣ ᱠᱟᱛᱮ ᱮᱴᱟᱜ ᱠᱚᱣᱟᱜ ᱥᱟᱶᱦᱮᱫ ᱥᱤᱨᱤᱡᱽ ᱮ ᱪᱟᱨᱪᱟ ᱟᱠᱟᱫᱼᱟ ᱾
ᱡᱟᱱᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱡᱟᱱᱟᱢ ᱫᱚ ᱑᱔.᱐᱒.᱑᱙᱕᱘ ᱥᱟᱞᱮᱨᱮ ᱳᱰᱤᱥᱟ ᱯᱚᱱᱚᱛ ᱠᱤᱸᱡᱷᱤᱨ ᱡᱤᱞᱟ ᱨᱮᱱᱟᱜ ᱫᱚᱱᱟᱯᱩᱨ ᱟ.ᱛᱩᱨᱮ ᱢᱤᱫ ᱨᱮᱸᱜᱮᱡ ᱚᱲᱟᱜ ᱨᱮ ᱦᱩᱭ ᱞᱮᱱᱟ ᱾ ᱟᱯᱟᱛ ᱥᱩᱱᱟ.ᱨᱟᱢ ᱦᱟᱸᱥᱫᱟᱜ ᱫᱚ ᱢᱤᱫ ᱠᱟᱴ ᱢᱤᱥᱛᱨᱤᱭᱮ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱟᱭᱳ ᱡᱚᱞᱚᱥᱩᱨᱤ ᱦᱟᱸᱥᱫᱟᱜ ᱫᱚ ᱜᱷᱟᱨᱚᱸᱡᱽ ᱜᱷᱟ.ᱨᱱᱤ ᱾ ᱟᱡ ᱵᱟᱵᱟ ᱛᱮᱠᱚ ᱫᱚ ᱯᱩᱱ ᱵᱚᱭᱦᱟ ᱠᱚ ᱛᱟᱦᱮᱸ ᱠᱟᱱᱟ ᱾ ᱚᱸᱰᱮ ᱠᱷᱚᱱ ᱢᱟᱨᱟᱝ ᱤᱡ ᱪᱷᱟᱰᱟ ᱠᱟᱛᱮ ᱯᱮ ᱦᱚᱲ ᱫᱚ ᱢᱤᱫ ᱨᱮ ᱛᱟᱦᱮᱸ ᱠᱟᱛᱮ ᱜᱮ ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱠᱚ ᱵᱟ.ᱜᱤᱭᱟᱫᱼᱟ ᱟᱨ ᱱᱤᱛ ᱦᱚᱸ ᱯᱮᱯᱮᱭᱟ ᱵᱚᱭᱦᱟ ᱨᱤᱱ ᱜᱤᱫᱽᱨᱟ. ᱯᱤᱫᱽᱨᱟ. ᱠᱚ ᱢᱤᱫ ᱨᱮᱜᱮ ᱢᱮᱱᱟᱜ ᱠᱚᱣᱟ ᱾ ᱨᱮᱸᱜᱮᱡ ᱚᱲᱟᱜ ᱠᱷᱟ.ᱛᱤᱨ ᱟ.ᱰᱤ ᱦᱟᱨᱠᱮᱛ ᱛᱮ ᱜᱤᱫᱽᱨᱟ. ᱯᱟ.ᱲᱤᱭᱟ. ᱫᱚ ᱠᱷᱮᱢᱟᱣ ᱟᱠᱟᱱ ᱛᱟᱠᱚᱣᱟ ᱾ ᱨᱮᱸᱜᱮᱡ ᱦᱚᱲ ᱱᱚᱛᱮ ᱥᱟᱸᱜᱮ ᱵᱚᱭᱦᱟ ᱾ ᱟᱠᱚ ᱫᱚ ᱯᱮ ᱵᱚᱭᱦᱟᱜ ᱨᱮᱦᱚᱸ ᱠᱚ ᱥᱟᱺᱡᱽᱞᱟ.ᱵᱟ ᱟᱨ ᱦᱚᱯᱚᱱᱵᱟ ᱠᱚᱨᱤᱱ ᱢᱮᱥᱟ ᱠᱟᱛᱮ ᱤᱨᱟ.ᱞ ᱵᱚᱭᱦᱟ ᱟᱨ ᱯᱩᱯᱩᱱᱤᱭᱟ. ᱵᱩᱦᱤᱱ ᱛᱟᱠᱚ ᱾ ᱚᱛ ᱦᱟᱥᱟ ᱫᱚ ᱰᱷᱮᱨ ᱜᱮ ᱨᱮᱦᱚᱸ ᱡᱟᱣ ᱫᱚ ᱪᱟᱥ ᱠᱚ ᱩᱱᱟ.ᱜ ᱵᱮᱥ ᱵᱟᱭ ᱦᱩᱭᱩᱜ ᱛᱮ ᱨᱤᱱ ᱫᱷᱟᱨ ᱠᱟᱛᱮ ᱠᱚ ᱟ.ᱥᱩᱞᱚᱜ ᱛᱟᱦᱮᱸᱫ ᱾ ᱛᱟᱭᱚᱢ ᱚᱞ ᱯᱟᱲᱦᱟᱣ ᱠᱟᱛᱮ ᱪᱟ.ᱠᱨᱤ ᱠᱚᱠᱚ ᱧᱟᱢ ᱤᱫᱤ ᱠᱮᱫ ᱠᱷᱟᱱ ᱚᱱᱟ ᱨᱮᱸᱜᱮᱡ ᱦᱟᱞᱟᱛ ᱠᱷᱚᱱ ᱫᱚᱠᱚ ᱚᱰᱚᱠ ᱟᱠᱟᱱᱟ ᱾
ᱥᱤᱠᱷᱱᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱮᱸᱜᱮᱡ ᱚᱲᱟᱜ ᱨᱮᱛᱟᱭ ᱡᱟᱱᱟᱢ ᱡᱟᱞᱟ ᱥᱤᱠᱱᱟ.ᱛ ᱦᱚᱸ ᱟ.ᱰᱤ ᱦᱟᱨᱠᱮᱛ ᱛᱮ ᱦᱩᱭ ᱫᱟᱲᱮᱭᱟᱫ ᱛᱟᱦᱮᱸᱫ ᱾ ᱟ.ᱛᱩ ᱥᱩᱨ ᱟᱥᱲᱟ ᱨᱮ ᱢᱟᱭᱱᱚᱨ ᱥᱟ.ᱛ ᱠᱟᱛᱮ ᱟ.ᱛᱩ ᱠᱷᱚᱱ ᱯᱮ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱟᱭᱤᱥᱩᱶᱟ ᱮᱢ.ᱤ ᱟᱥᱲᱟ ᱨᱮ ᱔ ᱠᱷᱚᱱ ᱗ ᱪᱟᱱᱚᱪ ᱟᱨ ᱤᱱᱟ. ᱛᱟᱭᱚᱢ ᱚᱸᱰᱮᱱᱟᱜ ᱦᱟᱭᱤᱥᱠᱩᱞ ᱫᱚᱭ ᱥᱟ.ᱛ ᱞᱮᱜᱼᱟ ᱑᱙᱗᱖ ᱥᱟᱞᱮᱨᱮ ᱾ ᱩᱱ ᱫᱚ ᱱᱤᱛᱟᱜ ᱞᱮᱠᱟ +᱒ ᱵᱟᱝ ᱠᱟᱛᱮ ᱑᱑ ᱪᱟᱱᱚᱪ ᱨᱮ ᱢᱮᱴᱨᱤᱠ, ᱤᱱᱟ. ᱛᱟᱭᱚᱢ IA ᱟᱨ BA ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾ IA ᱫᱚ ᱮᱴᱟᱜ ᱦᱚᱲ ᱚᱲᱟᱜ ᱨᱮ ᱵᱤᱨᱫᱟ.ᱜᱟᱲ ᱥᱩᱨ ᱢᱤᱫᱴᱟ.ᱝ ᱟ.ᱛᱩ ᱜᱩᱸᱵᱽᱨᱟ. ᱨᱮ ᱟᱠᱚᱭᱤᱡ ᱜᱤᱫᱟ.ᱨ ᱯᱟᱲᱦᱟᱣ ᱥᱟᱶᱛᱮᱭ ᱥᱟ.ᱛ ᱞᱮᱜᱼᱟ ᱾ ᱚᱱᱟ ᱛᱟᱭᱚᱢ ᱫᱚ ᱟᱡ ᱛᱟᱞᱟ ᱫᱟᱫᱟ ᱪᱟ.ᱠᱨᱤᱭ ᱧᱟᱢ ᱠᱮᱫ ᱠᱷᱟᱱ ᱚᱲᱟᱜ ᱠᱷᱚᱱ ᱜᱮ ᱠᱮᱶᱡᱷᱚᱨ ᱵᱤᱨᱫᱟ.ᱜᱟᱲ ᱨᱮ ᱵᱤ.ᱮ. ᱩᱰᱤᱭᱟ. ᱚᱱᱚᱨᱥ ᱥᱟᱶᱛᱮ ᱟᱨ ᱮᱢ.ᱮ. ᱩᱰᱤᱭᱟ. ᱯᱟ.ᱨᱥᱤ ᱛᱮᱜᱮ ᱩᱛᱠᱚᱲ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱵᱷᱩᱵᱽᱱᱮᱥᱚᱨ ᱨᱮᱭ ᱥᱟ.ᱛ ᱞᱮᱜᱼᱟ ᱾ ᱱᱤᱛ ᱦᱚᱸ ᱥᱤᱠᱷᱱᱟ.ᱛᱚᱜ ᱨᱮᱜᱮ ᱢᱮᱱᱟᱭᱟ ᱟᱨ ᱩᱰᱤᱭᱟ. ᱛᱮ ᱺ "ᱥᱟᱱᱛᱟᱲᱚᱺ ᱮᱠᱚ ᱥᱚᱢᱟᱡᱚ ᱛᱟᱛᱣᱤᱠᱚ ᱵᱷᱟᱥᱟ ᱵᱷᱤᱛᱤᱠᱚ ᱚᱫᱷᱭᱚᱭᱚᱱᱚ" ᱪᱮᱛᱟᱱ ᱨᱮ ᱨᱤᱥᱚᱨᱪ ᱠᱟᱛᱮ Ph.D. ᱰᱤᱜᱽᱨᱤ ᱞᱟ.ᱜᱤᱫ ᱛᱮᱭ ᱪᱷᱩᱴᱟ.ᱣ ᱟᱠᱟᱱᱟ ᱾
ᱪᱟ.ᱠᱨᱤ ᱱᱩᱠᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱬᱤᱵᱤᱦᱟᱨ ᱨᱮ ᱚᱞᱚᱜ ᱡᱚᱦᱚᱜ ᱜᱮ A.G.Odisha ᱨᱮ Auditor/Accountant ᱪᱟ.ᱠᱨᱤ ᱧᱟᱢ ᱠᱟᱛᱮᱭ ᱵᱟᱦᱟᱞᱤ ᱞᱮᱱᱟ ᱾ ᱪᱟ.ᱠᱨᱤ ᱛᱩᱞᱩᱡ ᱜᱮ M.A. ᱥᱟ.ᱛ ᱠᱟᱛᱮ ᱭᱩᱱᱤᱭᱚᱱ ᱵᱮᱸᱠ ᱳᱯᱷ ᱤᱱᱰᱤᱭᱟ ᱨᱮ P.O. ᱪᱟ.ᱠᱨᱤ ᱧᱟᱢ ᱠᱟᱛᱮ U.P. ᱨᱮ ᱡᱚᱭᱮᱱ ᱯᱟᱲᱟᱣ ᱟᱫᱮᱭᱟ ᱾ ᱚᱱᱟ ᱪᱟ.ᱠᱨᱤ ᱨᱮ ᱒᱗ ᱵᱚᱪᱷᱚᱨ ᱠᱷᱟᱴᱟᱣ ᱠᱟᱛᱮ ᱒᱐᱑᱒ ᱥᱟᱞᱮ ᱨᱮ ᱪᱟ.ᱠᱨᱤ ᱫᱚ ᱟᱡ ᱠᱩᱥᱤ ᱛᱮᱜᱮᱭ ᱵᱟ.ᱜᱤᱭᱟᱫᱼᱟ ᱾
ᱜᱷᱟᱨᱚᱸᱡᱽ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱵᱟᱯᱞᱟ ᱑᱙᱘᱘ ᱥᱟᱞᱮᱨᱮ ᱧᱩᱛᱩᱢᱟᱱ ᱚᱱᱚᱞᱤᱭᱟ. ᱰᱨ. ᱫᱚᱢᱚᱭᱚᱱᱛᱤ ᱵᱮᱥᱨᱟ ᱥᱟᱶ ᱦᱩᱭ ᱟᱠᱟᱱᱟ ᱾ ᱟ.ᱠᱤᱱᱟᱜ ᱢᱤᱞᱚᱱ ᱫᱚ ᱥᱟᱶᱦᱮᱫ ᱨᱮᱭᱟᱜ ᱢᱤᱞᱚᱱ ᱠᱟᱱᱟ ᱢᱮᱱ ᱞᱮᱠᱷᱟᱱ ᱟ.ᱰᱤ ᱡᱚᱛᱷᱟᱛᱚᱜᱼᱟ ᱾ ᱵᱟᱯᱞᱟ ᱢᱟᱬᱟᱝ ᱛᱮ ᱵᱟᱱᱟ ᱦᱚᱲᱟᱜ ᱜᱮ ᱥᱟᱶᱦᱮᱫ ᱱᱤᱥᱟ. ᱛᱟᱦᱮᱸ ᱠᱟᱱ ᱨᱮᱦᱚᱸ ᱵᱟᱯᱞᱟ ᱛᱟᱭᱚᱢ ᱚᱱᱟᱨᱮ ᱪᱤᱠᱟ.ᱬ ᱫᱚ ᱦᱮᱡ ᱞᱮᱱᱟ ᱾ ᱟᱡ ᱨᱤᱱ ᱡᱤᱣᱤ ᱡᱩᱨᱤ ᱫᱚ ᱩᱰᱤᱥᱟ ᱥᱚᱨᱠᱟᱨᱟᱜ ᱥᱮᱪᱮᱫ ᱵᱤᱵᱷᱟᱜᱽ ᱨᱮ ᱞᱮᱠᱪᱚᱨᱚᱨ ᱞᱮᱠᱟᱛᱮᱭ ᱪᱟ.ᱠᱨᱤᱭᱟ ᱾ ᱟ.ᱠᱤᱱ ᱨᱤᱱ ᱫᱚ ᱢᱤᱫᱴᱟ.ᱝ ᱠᱚᱲᱟ ᱜᱤᱫᱽᱨᱟ. ᱟᱨ ᱢᱤᱫ ᱫᱚ ᱠᱩᱲᱤ ᱜᱤᱫᱟ.ᱨ ᱢᱮᱱᱟᱜ ᱠᱤᱱᱟ ᱾
ᱥᱟᱶᱦᱮᱫ ᱠᱟ.ᱢᱤᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟ.ᱱ ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜ ᱟᱜ ᱥᱟᱶᱦᱮᱫ ᱥᱟᱶ ᱡᱚᱱᱚᱲᱟᱣ ᱫᱚ B.A. ᱚᱞᱚᱜ ᱡᱚᱦᱚᱜ ᱠᱷᱚᱱ ᱾ ᱩᱱ ᱫᱚ ᱟ.ᱛᱩ ᱟ.ᱛᱩ ᱨᱮ ᱢᱤᱫ ᱧᱤᱫᱟ. ᱰᱨᱟᱢᱟ ᱟ.ᱰᱤ ᱜᱮ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾ ᱟᱠᱚ ᱟ.ᱛᱩ ᱫᱚᱱᱟᱯᱩᱨ, ᱥᱩᱨ ᱟ.ᱛᱩ ᱨᱟᱡᱽᱵᱚᱸᱫᱷ ᱟᱨ ᱴᱩᱴᱟ.ᱥᱟ.ᱭ ᱢᱮᱥᱟ ᱠᱟᱛᱮ ᱜᱮ ᱠᱚᱲᱟ ᱠᱚ ᱵᱩᱪᱷᱨᱤ ᱠᱮ ᱵᱩᱪᱷᱨᱤ ᱜᱮ ᱰᱨᱟᱢᱟ ᱠᱚ ᱡᱩᱦᱲᱟ.ᱣᱟ ᱾ ᱢᱮᱱᱠᱷᱟᱱ ᱪᱮᱠᱟ ᱪᱚ ᱯᱮᱭᱟ ᱟ.ᱛᱩ ᱵᱟᱠᱚ ᱯᱚᱴᱟᱣ ᱞᱮᱱᱟ ᱾ ᱮᱱᱠᱷᱟᱱ ᱡᱮᱡᱷᱟᱨ ᱜᱮ ᱰᱨᱟᱢᱟ ᱚᱞ ᱠᱟᱛᱮ ᱩᱫᱩᱜ ᱥᱚᱫᱚᱨ ᱠᱮᱫᱼᱟ ᱠᱚ ᱾ ᱟᱠᱚ ᱟ.ᱛᱩ ᱠᱷᱚᱱ ᱟᱡ ᱫᱟᱫᱟ ᱦᱚᱨᱤᱦᱚᱨ ᱦᱟᱸᱥᱫᱟᱜ ᱵᱩᱦᱤᱭᱮ ᱚᱞᱮᱫ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱟᱡᱟᱜ ᱪᱟ.ᱠᱨᱤ ᱦᱩᱭ ᱟᱛᱮ ᱵᱟᱦᱟᱞᱤ ᱟ.ᱛᱩ ᱠᱷᱚᱱ ᱯᱷᱟᱨᱟᱠ ᱨᱮ ᱦᱩᱭ ᱮᱱ ᱠᱷᱟᱱ ᱠᱚᱲᱟ ᱠᱚ ᱰᱨᱟᱢᱟᱭ ᱞᱟ.ᱜᱤᱫ ᱵᱩᱦᱤ ᱵᱟᱠᱚ ᱧᱟᱢ ᱫᱟᱲᱮᱭᱟᱫᱼᱟ ᱾ ᱮᱱᱠᱷᱟᱱ ᱠᱚᱞᱮᱡᱽ ᱚᱞᱚᱜ ᱠᱚᱲᱟ ᱞᱮᱠᱟᱛᱮ ᱟᱡ ᱴᱷᱮᱱ ᱠᱚᱲᱟ ᱠᱚ ᱟᱸᱥ ᱠᱚ ᱫᱚᱦᱚ ᱠᱮᱫᱼᱟ ᱰᱨᱟᱢᱟ ᱵᱩᱦᱤᱭ ᱚᱞ ᱢᱟ ᱢᱮᱱᱛᱮ ᱾ ᱟᱠᱚᱣᱟᱜ ᱚᱱᱟ ᱟᱨᱫᱟᱥ ᱵᱟᱝ ᱜᱤᱰᱤᱵᱟᱝ ᱠᱟᱛᱮ ᱮᱛᱚᱦᱚᱵ ᱮ ᱚᱞ ᱞᱮᱫᱼᱟ 'ᱨᱮᱸᱜᱮᱡ ᱨᱮᱛᱟ' ᱢᱮᱱᱛᱮ ᱢᱤᱫ ᱜᱟᱭᱟᱱ ᱯᱩᱛᱷᱤ ᱾ ᱚᱱᱟ ᱩᱫᱩᱜ ᱥᱚᱫᱚᱨ ᱮᱱ ᱛᱟᱭᱚᱢ ᱥᱟᱶᱦᱮᱫ ᱱᱤᱥᱟ. ᱫᱚ ᱦᱮᱡ ᱟᱫᱮᱭᱟ ᱟᱨ ᱚᱞ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱵᱷᱩᱵᱽᱱᱮᱥᱚᱨ ᱨᱮ M.A. ᱚᱞᱚᱜ ᱡᱚᱦᱚᱜ ᱚᱱᱠᱟ ᱜᱮ 'ᱪᱟ.ᱭ ᱪᱟᱢᱯᱟ' ᱯᱟᱛᱷᱟᱢ ᱨᱮ ᱚᱱᱚᱞ 'ᱟᱵᱚ ᱥᱟᱱᱛᱟᱲ', 'ᱥᱟᱬᱮᱥ ᱛᱟᱨᱟᱥ', ᱯᱟᱛᱷᱟᱢ ᱨᱮ ᱠᱤᱛᱟ. ᱜᱟᱭᱟᱱ 'ᱪᱤᱞᱵᱤᱸᱫᱷᱟ.' ᱪᱷᱟᱯᱟ ᱞᱮᱱᱟ ᱾ ᱚᱱᱟ ᱛᱟᱭᱚᱢ 'ᱥᱟᱜᱮᱱ ᱥᱟᱠᱟᱢ', 'ᱦᱤᱯᱤᱨᱤ', 'ᱥᱚᱸᱫᱷᱟᱭᱱᱤ' ᱠᱚᱨᱮ ᱪᱷᱟᱯᱟ ᱟᱠᱟ ᱛᱟᱦᱮᱸ ᱮᱱᱟ ᱾
ᱛᱚᱵᱮ ᱯᱚᱛᱚᱵ ᱞᱮᱠᱟᱛᱮ ᱪᱷᱟᱯᱟ ᱫᱚ ᱵᱟᱯᱞᱟ ᱮᱱ ᱛᱟᱭᱚᱢ ᱜᱮ ᱦᱩᱭ ᱫᱟᱲᱮᱭᱟᱫ ᱛᱟᱦᱮᱸᱫ ᱾ ᱵᱮᱸᱠ ᱨᱮᱱᱟᱜ ᱯᱮᱯᱮ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱩᱪᱟᱹᱲ ᱱᱟᱪᱟᱲ ᱪᱟ.ᱠᱨᱤ ᱟᱨ ᱚᱱᱟ ᱦᱚᱸ ᱥᱟᱱᱛᱟᱲ ᱵᱟ.ᱱᱩᱜ ᱠᱚ ᱡᱟᱭᱜᱟ ᱨᱮ ᱡᱟᱞᱟ ᱪᱷᱟᱯᱟ ᱫᱚ ᱵᱟᱝ ᱦᱩᱭ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱰᱨ. ᱫᱚᱢᱚᱭᱚᱱᱛᱤ ᱵᱮᱥᱨᱟ ᱥᱟᱶ ᱵᱟᱯᱞᱟ ᱦᱩᱭ ᱮᱱ ᱛᱟᱭᱚᱢ ᱥᱟᱶᱦᱮᱫ ᱞᱟᱲᱟᱣᱱᱟ ᱠᱟ.ᱢᱤ ᱫᱚ ᱟᱨ ᱠᱟ.ᱡ ᱵᱤᱥᱛᱤ ᱞᱮᱱᱟ ᱾ ᱮᱱ ᱦᱚᱸ ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜ ᱩᱛᱚᱨ ᱯᱨᱚᱫᱮᱥ ᱠᱷᱚᱱ ᱩᱰᱤᱥᱟ ᱛᱮᱭ ᱵᱩᱫᱽᱞᱤ ᱦᱮᱡ ᱮᱱ ᱠᱷᱟᱱ ᱯᱟᱛᱷᱟᱢ ᱠᱚᱨᱮ ᱪᱷᱟᱯᱟ ᱥᱚᱫᱚᱨᱟᱜ ᱧᱟᱢ ᱥᱟᱢᱴᱟᱣ ᱠᱟᱛᱮ ᱒᱐᱐᱔ ᱥᱟᱞᱮᱨᱮ ᱪᱷᱟᱯᱟ ᱥᱚᱫᱚᱨ ᱞᱮᱜ ᱟᱭ ᱢᱤᱫ ᱚᱱᱚᱞ ᱯᱩᱛᱷᱤ ᱾
ᱪᱷᱟᱯᱟ ᱥᱚᱫᱚᱨ ᱟᱠᱟᱱ ᱯᱩᱛᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱛ ᱫᱷᱟ.ᱵᱤᱡ ᱛᱮ ᱪᱷᱟᱯᱟ ᱥᱚᱫᱚᱨ ᱟᱠᱟᱱ ᱯᱩᱛᱷᱤ ᱠᱚ ᱵᱷᱤᱛᱤᱨ ᱨᱮ ᱢᱮᱱᱟᱜᱼᱟ ᱺ-
- ᱑. ᱞᱮᱯᱮᱡ ᱛᱤᱨᱤᱞ (ᱚᱱᱚᱞ) ᱼ ᱒᱐᱐᱔ ᱾
- ᱒. ᱯᱮᱴᱮᱨ ᱵᱟᱲᱮ (ᱠᱟ.ᱦᱱᱤ) ᱼ ᱒᱐᱐᱕ ᱾
- ᱓. ᱥᱟᱱᱛᱟᱲ ᱱᱟᱜᱟᱢ ᱼ ᱒᱐᱐᱘ (ᱟᱡᱤᱡ ᱮᱨᱟ ᱼ ᱰᱨ. ᱫᱚᱢᱚᱭᱚᱱᱛᱤ ᱵᱮᱥᱨᱟ ᱥᱟᱶ)
- ᱔. ᱞᱟᱰᱮᱭᱟ ᱢᱟᱛᱠᱚᱢ (ᱚᱱᱚᱞ) ᱼ ᱒᱐᱐᱘ ᱾
- ᱕. ᱫᱟᱨᱮ ᱩᱢᱩᱞ (ᱜᱟᱢᱟᱢ) ᱼ ᱒᱐᱐᱙ ᱾
- ᱖. ᱵᱟᱧᱪᱟᱣ ᱟᱠᱟᱱ ᱜᱚᱡ ᱦᱚᱲ (ᱠᱟ.ᱦᱱᱤ) ᱼ ᱒᱐᱑᱐ ᱾
- ᱗. ᱥᱚᱢᱟᱭ ᱥᱚᱠᱲᱟ (ᱜᱟᱢᱟᱢ) ᱼ ᱒᱐᱑᱑ ᱾
- ᱘. ᱢᱩᱪᱟ.ᱫ ᱥᱟᱱᱛᱟᱲ ᱨᱟᱡᱽ (ᱠᱷᱟᱴᱚ ᱜᱟᱭᱟᱱ) ᱼ ᱒᱐᱑᱒ ᱾
- ᱙. ᱨᱚᱲ ᱥᱟᱬᱮᱥ (Linguistic) ᱼ ᱒᱐᱑᱒ (ᱟᱡᱤᱡ ᱮᱨᱟ ᱼ ᱰᱨ. ᱫᱚᱢᱚᱭᱚᱱᱛᱤ ᱵᱮᱥᱨᱟ ᱥᱟᱶ)
- ᱑᱐. ᱥᱟᱶᱦᱮᱫ ᱟᱨ ᱥᱟᱶᱛᱟ (ᱥᱚᱜ ᱥᱮᱴᱮᱡ) ᱼ ᱒᱐᱑᱒ ᱾
- ᱑᱑. ᱠᱷᱚᱸᱫᱽᱨᱚᱸᱫᱽ ᱦᱚᱨᱟ ᱟᱨ ᱯᱩᱛᱷᱤ ᱥᱟᱯᱲᱟᱣ (Criticism) (ᱟᱡᱤᱡ ᱮᱨᱟ ᱼ ᱰᱨ. ᱫᱚᱢᱚᱭᱚᱱᱛᱤ ᱵᱮᱥᱨᱟ ᱥᱟᱶ) ᱾
- ᱑᱒. ᱥᱟᱶᱦᱮᱫ ᱛᱮᱛᱮᱫ (Criticism) ᱼ ᱒᱐᱑᱔ (ᱟᱡᱤᱡ ᱮᱨᱟ ᱼ ᱰᱨ. ᱫᱚᱢᱚᱭᱚᱱᱛᱤ ᱵᱮᱥᱨᱟ ᱥᱟᱶ)
- ᱑᱓. ᱞᱟ.ᱭ ᱞᱟᱠᱪᱟᱨ (ᱚᱱᱚᱞ) ᱼ ᱒᱐᱑᱘ ᱾
ᱯᱟᱸᱡᱟᱞ (Translation)
- ᱑. ᱦᱟᱲᱟᱢᱵᱟ (ᱩᱰᱤᱭᱟ ᱼ ᱫᱟᱫᱤᱵᱩᱰᱷᱟ) ᱼ ᱒᱐᱑᱒ ᱾
- ᱒. ᱛᱩᱨᱩᱭ ᱢᱟᱬ ᱤᱨᱟ.ᱞ ᱜᱷᱩᱸᱴ (ᱩᱰᱤᱭᱟ ᱼ ᱪᱷᱚ ᱢᱟᱬᱚ ᱟᱴᱷᱚ ᱜᱩᱱᱴᱷᱚ) ᱼ ᱒᱐᱑᱕ ᱾
ᱢᱟ.ᱱ ᱥᱤᱨᱯᱷᱟ.
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱥᱟᱶᱦᱮᱫ ᱮᱱᱮᱢ ᱠᱷᱟ.ᱛᱤᱨ ᱟᱭᱢᱟ ᱥᱤᱨᱯᱷᱟ. ᱠᱚᱦᱚᱸᱭ ᱧᱟᱢ ᱟᱠᱟᱫᱼᱟ ᱾ ᱟᱨ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ-
- ᱑. ᱥᱚᱨᱚᱥ ᱠᱟ.ᱦᱱᱤᱠᱟᱨ ᱥᱤᱨᱯᱷᱟ. ᱼ ᱒᱐᱐᱕ (ᱡᱷᱟᱲᱜᱨᱟᱢ)
- ᱒. ᱜᱩᱨᱩ ᱜᱚᱢᱠᱮ ᱥᱟᱶᱦᱮᱫ ᱥᱤᱨᱯᱷᱟ. ᱼ ᱒᱐᱐᱙ (ᱟ.ᱫᱤᱵᱟ.ᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ, ᱨᱟᱣᱩᱨᱠᱮᱞᱟ)
- ᱓. ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟ. ᱼ ᱒᱐᱑᱒ (ᱱᱟᱣᱟ ᱫᱤᱞᱞᱤ)
- ᱔. ᱡᱚᱱᱚᱡᱟᱛᱤ ᱯᱨᱤᱛᱤᱵᱷᱟ ᱥᱚᱢᱢᱟᱱ ᱼ ᱒᱐᱑᱓ (ᱳᱰᱤᱥᱟ ᱥᱚᱨᱠᱟᱨᱟᱜ ᱮᱠᱟᱰᱮᱢᱤ ᱳᱯᱷ ᱴᱨᱟᱭᱵᱟᱞ ᱞᱟᱸᱜᱩᱣᱮᱡᱽ ᱮᱱᱴ ᱠᱚᱞᱪᱚᱨ ᱯᱟᱦᱴᱟ ᱠᱷᱚᱱ)
ᱟᱡᱟᱜ ᱥᱟᱯᱲᱟᱣ ᱛᱮ ᱢᱤᱫ ᱪᱟᱸᱫᱚᱠᱤᱭᱟ. ᱯᱟᱛᱷᱟᱢ "ᱥᱟᱶᱦᱮᱫ ᱟᱲᱟᱝ" ᱒᱐᱑᱕ ᱥᱟᱞᱮ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱᱟ ᱾ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱜᱟᱶᱛᱟ ᱩᱰᱤᱥᱟ ᱪᱟᱸᱜᱟ ᱨᱤᱱ ᱡᱚᱜᱽ ᱯᱟᱨᱥᱮᱛ ᱞᱮᱠᱟ ᱛᱮᱦᱚᱸ ᱵᱷᱟᱨᱟᱭ ᱜᱚᱜ ᱟᱠᱟᱫᱼᱟ ᱾ ᱟᱡ ᱪᱟ.ᱠᱨᱤ ᱠᱷᱚᱱ ᱡᱤᱨᱟ.ᱣ ᱦᱟᱛᱟᱣ ᱠᱮᱫ ᱛᱟᱭᱚᱢ ᱒᱐᱑᱒ ᱠᱷᱚᱱ ᱒᱐᱑᱗ ᱫᱷᱟ.ᱵᱤᱡ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱱᱟᱣᱟ ᱫᱤᱞᱞᱤ ᱨᱤᱱ ᱥᱟᱱᱛᱟᱲᱤ ᱯᱟ.ᱨᱥᱤ ᱵᱳᱰ ᱨᱤᱱ ᱜᱳᱰᱮᱛ (Convener) ᱞᱮᱠᱟ ᱛᱮᱦᱚᱸ ᱠᱟ.ᱢᱤᱭ ᱛᱩᱞᱟ.ᱣ ᱞᱮᱜᱼᱟ ᱾ ᱱᱤᱛ ᱫᱚ ᱥᱟᱶᱦᱮᱫ ᱠᱟ.ᱢᱤ ᱨᱮᱜᱮ ᱫᱷᱩᱨᱟ.ᱣ ᱨᱮ ᱢᱮᱱᱟᱭᱟ ᱾