ᱰᱨ. ᱫᱚᱢᱚᱭᱚᱱᱛᱤ ᱵᱮᱥᱨᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱰᱨᱹ ᱫᱚᱢᱚᱭᱚᱱᱛᱤ ᱵᱮᱥᱨᱟ

ᱰᱨ. ᱫᱚᱢᱚᱭᱚᱱᱛᱤ ᱵᱮᱥᱨᱟ ᱫᱚ ᱟᱭᱢᱟ ᱦᱩᱱᱟᱹᱨ ᱨᱤᱱ ᱢᱤᱫ ᱠᱤᱥᱟᱹᱬ ᱜᱮ ᱾ ᱥᱟᱶᱦᱮᱫ ᱨᱮᱭᱟᱜ ᱟ.ᱰᱤᱜᱟᱱ ᱛᱷᱚᱠ ᱨᱮ ᱟᱡᱟᱜ ᱱᱚᱱᱚᱞ ᱥᱩᱸᱜᱟ.ᱭ ᱞᱟᱲᱟᱣ ᱟᱠᱟᱫᱼᱟ ᱾ ᱚᱬᱚᱲᱦᱤᱭᱟ. ᱟᱨ ᱟ.ᱫᱤᱵᱟ.ᱥᱤ ᱠᱷᱚᱸᱫᱽᱨᱚᱱᱤᱭᱟ. ᱞᱮᱠᱟᱛᱮ ᱟᱡᱟᱜ ᱩᱯᱨᱩᱢ ᱫᱚ ᱟ.ᱰᱤ ᱜᱚᱨᱚᱡᱽ ᱥᱟᱶᱛᱮ ᱟᱯᱱᱟᱨᱚᱜᱼᱟ ᱾ ᱥᱟᱱᱛᱟᱲᱤ ᱟᱨ ᱩᱰᱤᱭᱟ. ᱵᱟᱱᱟᱨ ᱯᱟᱹᱨᱥᱤ ᱨᱮᱜᱮ ᱟᱡᱟᱜ ᱫᱚ ᱜᱟᱺᱦᱤᱨ ᱮᱱᱮᱢ ᱢᱮᱱᱟᱜ ᱛᱟᱭᱟ ᱾ ᱚᱱᱟ ᱛᱮᱜᱮ ᱵᱟᱱᱟᱨ ᱯᱟ.ᱨᱥᱤ ᱛᱮ ᱥᱟᱶᱦᱮᱫ ᱮ ᱥᱤᱨᱡᱚᱱ ᱟᱠᱟᱫᱼᱟ ᱾ ᱟᱡᱟᱜ ᱚᱞ ᱫᱚ ᱟᱹᱰᱤᱛᱮᱫ ᱡᱤᱣᱤᱭ ᱡᱚᱴᱮᱫᱟ ᱟᱨ ᱜᱚᱨᱚᱡᱽ ᱮ ᱥᱤᱨᱡᱟ.ᱣᱟ ᱾

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱨ. ᱫᱚᱢᱚᱭᱚᱱᱛᱤ ᱵᱮᱥᱨᱟ ᱟᱜ ᱡᱟᱱᱟᱢ ᱫᱚ ᱢᱚᱭᱩᱨᱵᱷᱚᱸᱡᱽ ᱡᱤᱞᱞᱟ ᱨᱮ ᱢᱮᱱᱟᱜ ᱵᱤᱥᱩᱭ ᱵᱞᱚᱠ ᱠᱷᱚᱱ ᱑᱑ ᱠᱤᱞᱚ ᱢᱤᱴᱚᱨ ᱡᱷᱟ.ᱞ ᱵᱟᱵᱚᱡᱚᱲᱟ ᱟ.ᱛᱩᱨᱮ ᱑᱙᱖᱒ ᱥᱟᱞᱮᱨᱮ ᱦᱩᱭ ᱞᱮᱱᱟ ᱾ ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱨᱟᱡᱽᱢᱟᱞ ᱢᱟ.ᱡᱷᱤ ᱟᱨ ᱟᱭᱳ ᱫᱚ ᱯᱩᱬᱜᱤ ᱢᱟ.ᱡᱷᱤ ᱾ ᱩᱱ ᱚᱠᱛᱚ ᱨᱮ ᱥᱤᱠᱷᱱᱟ.ᱛ ᱫᱚ ᱚᱱᱟ ᱠᱚᱨᱮ ᱟ.ᱰᱤ ᱜᱮ ᱢᱟᱦᱨᱚᱜᱽ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱡᱟᱱᱟᱢ ᱟ.ᱛᱩ ᱠᱷᱚᱱ ᱗ ᱠᱤᱞᱚ ᱢᱤᱴᱚᱨ ᱡᱷᱟ.ᱞ ᱨᱮ ᱛᱟᱦᱮᱸ ᱞᱮᱱ ᱨᱟᱭᱨᱚᱝᱯᱩᱨ ᱟᱡ ᱢᱟᱨᱟᱝ ᱵᱟ ᱴᱷᱮᱱ ᱛᱟᱦᱮᱸ ᱠᱟᱛᱮ ᱫᱤᱣᱲᱤ ᱨᱮᱭ ᱚᱞ ᱞᱮᱜᱼᱟ ᱾

ᱡᱟᱱᱟᱢ ᱚᱲᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱡ ᱵᱟᱵᱟ ᱫᱚ ᱢᱟᱢᱚ ᱚᱲᱟᱜ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱚᱸᱵᱮ ᱠᱚᱲᱟ ᱜᱤᱫᱽᱨᱟ. ᱵᱟᱝ ᱛᱮ ᱚᱲᱟᱜ ᱡᱟᱶᱟᱭ ᱞᱮᱠᱟ ᱟᱡ ᱟᱭᱳᱣᱟᱜ ᱦᱟᱥᱟ ᱠᱚᱭ ᱪᱟᱥ ᱞᱮᱫᱼᱟ ᱾ ᱥᱤᱠᱷᱱᱟ.ᱛ ᱥᱩᱵᱤᱫᱷᱟ ᱵᱟᱝ ᱛᱮ ᱟᱡ ᱟᱭᱳ ᱵᱟᱵᱟ ᱫᱚ ᱟᱥᱲᱟ, ᱵᱤᱨᱫᱟ.ᱜᱟᱲ ᱵᱟ.ᱠᱤᱱ ᱞᱮᱵᱮᱫ ᱟᱠᱟᱫ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱫᱚᱢᱚᱭᱚᱱᱛᱤ ᱟᱡ ᱟᱭᱚ ᱫᱚ ᱜᱤᱫᱽᱨᱟ. ᱥᱮᱪᱮᱫ ᱥᱮᱭᱟᱱ ᱨᱮᱭᱟᱜ ᱮ ᱫᱤᱲᱟ.ᱢᱩᱲ ᱞᱮᱜᱼᱟ ᱾ᱟᱡ ᱮ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱱᱚᱜ ᱟ.ᱠᱤᱱᱤᱡ ᱵᱤᱴᱤ ᱫᱚᱭ ᱚᱞ ᱯᱟᱲᱦᱟᱣᱜ ᱢᱟ ᱟᱨ ᱟᱡᱟᱜ ᱟᱜᱟᱢ ᱮ ᱨᱚᱯᱷᱟᱭ ᱢᱟ ᱾ ᱚᱱᱟ ᱛᱮᱜᱮ ᱫᱚᱢᱚᱭᱚᱱᱛᱤ ᱫᱚ ᱟᱡ ᱢᱟᱨᱟᱝ ᱵᱟ ᱴᱷᱮᱱ ᱮ ᱵᱷᱮᱡᱟ ᱠᱮᱫᱮᱭᱟ ᱾ ᱟᱡ ᱢᱟᱨᱟᱝ ᱵᱟ ᱟᱜ ᱧᱩᱛᱩᱢ ᱫᱚ ᱵᱩᱰᱷᱟ.ᱱ ᱢᱟ.ᱡᱷᱤ ᱛᱟᱦᱮᱸ ᱠᱟᱱᱟ ᱾ ᱟᱡ ᱢᱟᱨᱟᱜ ᱟᱭᱳᱣᱟᱜ ᱧᱩᱛᱩᱢ ᱫᱚ ᱢᱟ.ᱱᱩ ᱢᱟ.ᱡᱷᱤ ᱾ ᱟ.ᱠᱤᱱ ᱨᱤᱱ ᱜᱤᱫᱽᱨᱟ. ᱯᱤᱫᱽᱨᱟ. ᱵᱟᱝ ᱠᱚ ᱛᱟᱦᱮᱸ ᱞᱮᱱ ᱛᱮ ᱫᱚᱢᱚᱭᱚᱱᱛᱤ ᱫᱚ ᱟ.ᱠᱤᱱᱤᱡ ᱜᱤᱫᱽᱨᱟ. ᱢᱮᱱᱛᱮ ᱦᱚᱲ ᱠᱚ ᱵᱟᱰᱟᱭ ᱞᱮᱫᱮᱭᱟ ᱾

ᱥᱤᱠᱷᱱᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱡ ᱢᱟᱨᱟᱝ ᱵᱟ ᱫᱚ ᱱᱟᱥᱮᱭ ᱚᱞ ᱞᱮᱜᱼᱟ ᱟᱨ ᱨᱟᱭᱨᱚᱝᱯᱩᱨ ᱛᱚᱦᱥᱤᱞ ᱨᱮᱭ ᱪᱟ.ᱠᱨᱤ ᱞᱮᱜᱼᱟ ᱾ ᱮᱴᱠᱮᱴᱚᱬᱮ ᱵᱟᱝ ᱛᱮ ᱚᱸᱰᱮ ᱠᱷᱚᱱ ᱜᱮ ᱯᱟᱲᱦᱟᱣ ᱠᱟᱛᱮ ᱑᱙᱖᱙ ᱥᱟᱞᱮᱨᱮ ᱯᱨᱟᱭᱢᱟᱨᱮ ᱟᱥᱲᱟᱭ ᱚᱞ ᱞᱮᱜᱼᱟ ᱾ ᱚᱱᱟ ᱛᱟᱭᱚᱢ ᱚᱸᱰᱮ ᱠᱷᱚᱱ ᱵᱟᱨ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱪᱩᱬᱫᱟ. ᱟ.ᱛᱩᱨᱮᱭ ᱚᱞ ᱞᱮᱜᱼᱟ ᱟᱨ ᱑᱙᱗᱒ ᱥᱟᱞᱮᱨᱮ ᱨᱟᱭᱨᱚᱝᱯᱩᱨ ᱠᱚᱱᱭᱟᱥᱨᱚᱢ ᱨᱮ ᱛᱩᱨᱩᱭ ᱪᱟᱱᱚᱪ ᱨᱮ ᱫᱟᱠᱷᱤᱞᱟᱭ ᱦᱟᱛᱟᱣ ᱠᱮᱫᱼᱟ ᱾ ᱠᱟ.ᱡ ᱩᱢᱮᱨ ᱨᱮ ᱚᱲᱟᱜ ᱠᱷᱚᱱ ᱯᱷᱟᱨᱟᱠ ᱨᱮ ᱚᱞᱚᱜ ᱟᱡ ᱞᱟ.ᱜᱤᱫ ᱛᱮ ᱟ.ᱰᱤ ᱟᱸᱴ ᱟᱨ ᱦᱟᱨᱠᱮᱛ ᱜᱮ ᱛᱟᱦᱮᱸ ᱠᱟᱱᱟ ᱾ ᱢᱮᱱᱠᱷᱟᱱ ᱚᱱᱟ ᱛᱷᱤᱛᱤᱭ ᱥᱟᱢᱟᱝ ᱞᱮᱫ ᱛᱮ ᱟᱡᱟᱜ ᱡᱤᱭᱚᱱ ᱦᱚᱨ ᱫᱚ ᱥᱟᱶᱟᱨ ᱞᱮᱱ ᱛᱟᱭᱟ ᱾ ᱨᱟᱭᱨᱚᱝᱯᱩᱨ ᱠᱚᱱᱭᱟᱥᱨᱚᱢ ᱨᱮ ᱛᱩᱨᱩᱭ ᱪᱟᱱᱚᱪ ᱠᱷᱚᱱ ᱜᱮᱢᱤᱫ ᱪᱟᱱᱚᱪ ᱫᱷᱟ.ᱵᱤᱡ ᱮ ᱚᱞ ᱠᱮᱫᱼᱟ ᱾ ᱚᱸᱰᱮ ᱛᱟᱦᱮᱸᱱ ᱜᱮ ᱢᱤᱫ ᱞᱮᱠᱟᱛᱮ ᱢᱮᱱ ᱞᱮᱠᱷᱟᱱ ᱟᱡᱟᱜ ᱛᱟᱲᱟᱢ ᱦᱚᱨ ᱫᱚᱭ ᱥᱩᱜᱩᱲ ᱞᱮᱫᱼᱟ ᱾ ᱩᱱ ᱚᱠᱛᱚ ᱠᱷᱚᱱ ᱜᱮ ᱚᱱᱚᱬᱦᱮ ᱚᱞ ᱠᱚᱫᱚᱭ ᱮᱛᱚᱦᱚᱵ ᱞᱮᱜᱼᱟ ᱾ ᱚᱞ ᱯᱟᱲᱦᱟᱣ ᱦᱚᱸ ᱢᱟᱪᱮᱛ ᱠᱚᱣᱟᱜ ᱢᱚᱱᱮ ᱠᱩᱥᱤ ᱦᱚᱪᱚᱭ ᱞᱮᱠᱟᱭ ᱚᱞᱚᱜ ᱠᱟᱱ ᱛᱟᱦᱮᱸᱫ ᱾ ᱥᱟᱶᱦᱮᱫ ᱜᱮ ᱟᱡᱟᱜ ᱫᱚ ᱠᱩᱥᱤᱭᱟᱱᱟᱜ ᱥᱟᱛᱟᱢ ᱛᱟᱦᱮᱸ ᱠᱟᱱᱟ ᱾ ᱚᱸᱰᱮ ᱡᱟᱦᱟᱸ ᱜᱮ ᱚᱱᱚᱞ ᱠᱚ ᱟᱨ ᱜᱟᱞᱚᱪ ᱠᱚ ᱦᱮᱯᱨᱟᱣ ᱦᱩᱭᱩᱜᱼᱟ, ᱡᱚᱛᱚ ᱨᱮᱜᱮ ᱟᱡ ᱫᱚ ᱥᱤᱨᱯᱷᱟ.ᱭ ᱟᱢᱮᱴ ᱡᱚᱝ ᱠᱟᱱ ᱛᱟᱦᱮᱸᱫ ᱾

ᱟᱥᱲᱟ ᱨᱮᱜᱮ ᱥᱤᱞᱟ.ᱭ, ᱛᱮᱧ, ᱮᱱᱮᱡ, ᱥᱮᱨᱮᱧ ᱮᱢᱟᱱ ᱮ ᱪᱮᱫ ᱞᱮᱫᱼᱟ ᱾ ᱚᱱᱟ ᱪᱮᱫᱟᱜ ᱜᱮ ᱟᱡᱟᱜ ᱫᱟᱨᱟᱭ ᱡᱤᱭᱚᱱ ᱨᱮ ᱟ.ᱰᱤ ᱜᱮ ᱠᱟ.ᱢᱤᱨᱮ ᱦᱮᱡ ᱞᱮᱱᱟ ᱾ ᱟᱥᱨᱚᱢ ᱨᱮ ᱛᱟᱦᱮᱸᱱ ᱠᱷᱟ.ᱛᱤᱨ ᱜᱮ ᱯᱷᱩᱨᱪᱟ. ᱯᱷᱩᱨᱪᱤ, ᱪᱟᱥᱵᱟᱥ ᱜᱟᱛᱮ ᱡᱚᱴᱟᱣ ᱠᱚ ᱥᱟᱶ ᱥᱩᱞᱩᱠ ᱥᱟ.ᱥᱟ.ᱭ ᱫᱚᱦᱚ, ᱦᱟ.ᱴᱤᱧ ᱦᱟᱯᱟᱴᱤᱧ ᱠᱟᱛᱮ ᱡᱚᱢ ᱧᱩ ᱮᱢᱟᱱ ᱜᱩᱱ ᱫᱚᱭ ᱦᱟᱨᱟ ᱟᱱ ᱛᱟᱦᱮᱸᱱ ᱾ ᱚᱲᱟᱜ ᱠᱷᱚᱱ ᱛᱩᱨᱩᱭ ᱥᱮᱨᱢᱟ ᱥᱟᱦᱟ ᱨᱮᱭ ᱛᱟᱦᱮᱸ ᱞᱮᱱ ᱠᱷᱟ.ᱛᱤᱨ ᱥᱮᱪᱮᱫ ᱨᱮ ᱞᱟᱥᱮᱨ ᱟᱨ ᱦᱩᱱᱟ.ᱨ ᱨᱮ ᱯᱟᱠᱚᱲ ᱠᱟᱛᱮ ᱱᱟᱯᱟᱭ ᱦᱚᱲ ᱮ ᱵᱮᱱᱟᱣ ᱫᱟᱲᱮ ᱟᱠᱟᱣᱟᱫᱼᱟ ᱾ ᱑᱙᱗᱗ ᱥᱟᱞᱮᱨᱮ ᱢᱮᱴᱨᱤᱠ ᱯᱟᱥ ᱠᱟᱛᱮ ᱨᱚᱢᱟᱫᱮᱵᱤ ᱛᱤᱨᱞᱟ. ᱵᱤᱨᱫᱟ.ᱜᱟᱲ ᱵᱷᱩᱵᱽᱱᱮᱥᱚᱨ ᱨᱮ ᱫᱟᱠᱷᱤᱞᱟᱭ ᱦᱟᱛᱟᱣ ᱠᱮᱫᱼᱟ ᱾ ᱚᱸᱰᱮ ᱚᱞᱚᱜ ᱡᱚᱦᱚᱜ ᱟ.ᱰᱤ ᱞᱮᱠᱟᱱ ᱦᱟᱨᱠᱮᱛ ᱮ ᱥᱟᱢᱟᱝ ᱞᱮᱫᱼᱟ ᱾ ᱚᱲᱟᱜ ᱨᱮᱱᱟᱜ ᱦᱟᱞᱟᱛ ᱴᱷᱤᱠ ᱵᱟᱝᱛᱮ ᱟᱡ ᱢᱟᱨᱟᱝᱵᱟ ᱪᱟᱸᱫᱚ ᱨᱮ ᱵᱟᱨ ᱤᱥᱤ ᱟᱨᱵᱟᱝ ᱯᱮ ᱤᱥᱤ ᱴᱟᱠᱟ ᱜᱮᱭ ᱵᱷᱮᱡᱟ ᱟᱭ ᱠᱟᱱ ᱛᱟᱦᱮᱸᱫ ᱾ ᱩᱱᱨᱮ ᱦᱚᱥᱴᱮᱞ ᱠᱷᱚᱨᱚᱪ ᱛᱟᱦᱮᱸ ᱠᱟᱱᱟ ᱢᱤᱫ ᱥᱟᱭ ᱾ ᱵᱚᱲᱦᱮ ᱛᱮ ᱚᱸᱰᱮᱱᱟᱜ TRW Hostel ᱨᱮᱜᱮ ᱛᱟᱦᱮᱸ ᱯᱟᱲᱟᱣ ᱟᱫᱮᱭᱟ ᱾ ᱵᱟᱨ ᱡᱚᱲ ᱞᱩᱜᱽᱲᱤ ᱟᱨ ᱚᱲᱟᱜ ᱠᱷᱚᱱ ᱦᱟ.ᱡᱩᱜᱟᱜ ᱯᱮ ᱤᱥᱤ ᱴᱟᱠᱟᱛᱮ ᱪᱚᱲᱟᱣ ᱫᱚ ᱟ.ᱰᱤ ᱜᱮ ᱟᱸᱴ ᱛᱟᱦᱮᱸ ᱠᱟᱱᱟ ᱾ ᱛᱤᱱᱟ.ᱜ ᱜᱟᱱ ᱜᱟᱛᱮ ᱡᱚᱴᱟᱣ ᱴᱷᱮᱱ ᱠᱷᱚᱱ ᱜᱚᱲᱚᱭ ᱧᱟᱢ ᱞᱮᱫᱼᱟ ᱡᱟᱦᱟᱸ ᱫᱚ ᱡᱤᱭᱚᱱ ᱨᱮ ᱚᱦᱚᱜᱮᱭ ᱦᱤᱲᱤᱧ ᱠᱮᱭᱟ ᱾ ᱩᱱᱠᱩ ᱠᱚ ᱢᱩᱫᱽᱨᱮ ᱛᱟᱦᱮᱸ ᱠᱟᱱᱟ ᱠᱤᱱ ᱯᱟᱨᱵᱚᱛᱤ ᱠᱤᱥᱠᱩ ᱟᱨ ᱚᱸᱡᱤᱞᱤ ᱥᱚᱨᱮᱱ ᱾ ᱚᱸᱰᱮ ᱫᱚᱢᱚᱭᱚᱱᱛᱤ ᱵᱮᱥᱨᱟ ᱫᱚ ᱯᱩᱱ ᱥᱮᱨᱢᱟᱭ ᱚᱞ ᱞᱮᱜᱼᱟ ᱾ ᱑᱙᱗᱙ ᱥᱟᱞᱮᱨᱮ IA ᱟᱨ ᱑᱙᱘᱑ ᱥᱟᱞᱮᱨᱮ BA ᱩᱰᱤᱭᱟ. ᱚᱱᱚᱨᱥ ᱥᱟᱶᱛᱮ ᱾ ᱚᱱᱟ ᱦᱚᱥᱴᱮᱞ ᱠᱷᱚᱱ ᱫᱚ ᱩᱱᱤ ᱟ.ᱰᱤ ᱵᱮᱥ ᱮ ᱚᱞᱚᱜ ᱠᱟᱱ ᱠᱷᱟ.ᱛᱤᱨ ᱚᱸᱰᱮᱱᱤᱡ ᱢᱮᱴᱨᱚᱱ ᱵᱨᱚᱡᱚ ᱫᱤᱫᱤ ᱦᱚᱸ ᱟ.ᱰᱤ ᱜᱮᱭ ᱠᱩᱥᱤ ᱟᱭ ᱛᱟᱦᱮᱸᱫ ᱾ ᱚᱱᱟ ᱛᱮᱜᱮ ᱢᱮᱥ ᱠᱷᱚᱨᱚᱪᱚ ᱵᱟᱝ ᱛᱟᱦᱮᱸᱱ ᱛᱩᱞᱩᱡ ᱡᱚᱢ ᱧᱩᱨᱮ ᱵᱟᱭ ᱟᱠᱚᱴ ᱞᱮᱫᱮᱭᱟ ᱟᱨ ᱥᱮᱨᱢᱟ ᱢᱩᱪᱟ.ᱫ ᱨᱮ ᱥᱴᱟᱸᱭᱯᱮᱸᱴ ᱧᱟᱢ ᱠᱟᱛᱮ ᱚᱱᱟ ᱠᱚ ᱫᱚᱭ ᱯᱮᱨᱮᱡ ᱮᱫ ᱛᱟᱦᱮᱸᱱ ᱾ ᱵᱤ.ᱮ. ᱥᱟ.ᱛ ᱠᱮᱫ ᱛᱟᱭᱚᱢ ᱟᱡ ᱵᱟᱵᱟ ᱫᱚ ᱤᱱᱟ.ᱜ ᱜᱮ ᱚᱞᱚᱜ ᱨᱮᱭᱟᱜ ᱮ ᱢᱮᱛᱟ ᱟᱫᱮᱭᱟ ᱾ ᱵᱤᱥᱛᱤ ᱯᱟᱲᱦᱟᱣ ᱞᱮᱱ ᱠᱷᱟᱱ ᱡᱟᱶᱟᱭ ᱵᱟᱠᱚ ᱧᱟᱢᱚᱜᱼᱟ ᱾ ᱚᱲᱟᱜ ᱨᱮᱭᱟᱜ ᱦᱟᱞᱚᱛ ᱦᱚᱸ ᱟᱡᱟᱜ ᱠᱷᱚᱨᱚᱪ ᱛᱩᱞᱟ.ᱣ ᱞᱮᱠᱟ ᱢᱟ ᱵᱟᱝ ᱛᱟᱦᱮᱸ ᱠᱟᱱ ᱜᱮᱭᱟ ᱾ ᱚᱱᱟ ᱛᱩᱞᱩᱡ ᱯᱟᱲᱦᱟᱣ ᱫᱚ ᱵᱟᱭ ᱢᱩᱪᱟ.ᱫ ᱞᱮᱫ ᱜᱮᱭᱟ ᱾ ᱪᱟᱥ ᱠᱷᱚᱱ ᱡᱟᱦᱟᱸ ᱟᱨᱡᱟᱣᱜᱼᱟ ᱚᱱᱟ ᱠᱷᱚᱱ ᱜᱮ ᱟᱡᱟᱜ ᱯᱟᱲᱦᱟᱣ ᱞᱟ.ᱜᱤᱫ ᱠᱷᱚᱨᱚᱪ ᱮᱢ ᱮᱱᱟ ᱾ ᱪᱷᱩᱴᱤ ᱠᱚᱨᱮ ᱚᱲᱟᱜ ᱮ ᱥᱮᱱᱚᱜ ᱨᱮ ᱨᱩᱣᱟ.ᱲ ᱞᱟ.ᱜᱤᱫ ᱦᱳᱲᱳᱭ ᱫᱤᱯᱤᱞ ᱤᱫᱤᱭᱟ ᱦᱟᱴ ᱛᱮ ᱟᱨ ᱚᱱᱟ ᱟ.ᱠᱷᱨᱤᱧ ᱠᱟᱛᱮ ᱚᱞᱚᱜ ᱮ ᱨᱩᱣᱟ.ᱲᱟ ᱨᱟᱡᱽᱜᱟᱲ ᱾ ᱢᱟᱬᱟᱜ ᱢᱟ ᱟᱡ ᱢᱟᱨᱟᱝᱵᱟ ᱨᱤᱱ ᱜᱤᱫᱽᱨᱟ. ᱯᱤᱫᱽᱨᱟ. ᱵᱟᱠᱚ ᱛᱟᱦᱮᱸᱭᱟ ᱛᱟᱭᱚᱢ ᱵᱤᱫᱟ.ᱞ ᱪᱷᱩᱴᱠᱤᱭ ᱟ.ᱜᱩᱣᱟᱱᱟ ᱟᱨ ᱜᱤᱫᱽᱨᱟ. ᱠᱚᱠᱚ ᱦᱩᱭ ᱮᱱ ᱠᱷᱟᱱ ᱟᱡ ᱴᱷᱮᱱ ᱠᱷᱚᱱ ᱟᱨ ᱜᱚᱲᱚ ᱵᱟᱭ ᱧᱟᱢ ᱞᱮᱫᱼᱟ ᱾ ᱢᱮᱱᱠᱷᱟᱱ ᱟᱡ ᱵᱟᱵᱟ ᱚᱞᱚᱜ ᱮ ᱢᱟᱱᱟ ᱠᱮᱫ ᱡᱚᱦᱚᱜ ᱫᱚ ᱟᱡ ᱢᱟᱨᱟᱝᱵᱟ ᱟᱨ ᱦᱚᱸᱭ ᱢᱮᱱ ᱠᱮᱫᱼᱟ ᱚᱞᱚᱜ ᱢᱟ ᱜᱮᱭ ᱵᱟᱲᱮ ᱾ ᱑᱙᱘᱑ ᱥᱟᱞᱮᱨᱮ ᱵᱟᱬᱤᱵᱤᱦᱟᱨ ᱨᱮ ᱮᱢ.ᱮ. ᱚᱞᱚᱜ ᱮ ᱮᱦᱚᱵ ᱠᱮᱫᱼᱟ ᱾ ᱴᱟᱠᱟ ᱨᱮᱱᱟᱜ ᱟᱱᱟᱴ ᱠᱷᱟ.ᱛᱤᱨ ᱚᱱᱟ TRW Hostel ᱨᱮᱜᱮᱭ ᱛᱟᱦᱮᱸ ᱮᱱᱟ ᱾ ᱦᱚᱥᱴᱮᱞ ᱠᱷᱚᱱ ᱵᱟᱬᱤᱵᱤᱦᱟᱨ ᱟ.ᱰᱷᱟ.ᱭ ᱠᱤᱞᱚᱢᱤᱴᱚᱨ ᱜᱟᱱ ᱦᱩᱭᱩᱜᱼᱟ ᱾ ᱩᱱ ᱫᱚ ᱴᱟᱣᱱ ᱵᱚᱥ ᱵᱷᱟᱲᱟ ᱛᱟᱦᱮᱸ ᱠᱟᱱᱟ ᱕᱐ ᱯᱩᱭᱥᱟ.᱾ ᱤᱱᱟ.ᱜ ᱦᱚᱸ ᱵᱟᱝ ᱛᱟᱦᱮᱸᱱ ᱛᱮ ᱫᱤᱱᱟ.ᱢ ᱛᱟᱲᱟᱢ ᱛᱮᱜᱮᱭ ᱦᱟ.ᱡᱩᱜ ᱥᱮᱱᱟᱜᱼᱟ ᱾ ᱚᱱᱠᱟᱛᱮ ᱞᱤᱸᱜᱩᱭᱤᱥᱴᱤᱠ ᱥᱯᱮᱥᱟᱞ ᱯᱮᱯᱚᱨ ᱫᱚᱦᱚ ᱠᱟᱛᱮ ᱑᱙᱘᱓ ᱥᱟᱞᱮᱨᱮ MA ᱫᱚᱭ ᱯᱟᱥ ᱠᱮᱫᱼᱟ ᱾

ᱪᱟ.ᱠᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱢ.ᱮ. ᱯᱟᱲᱦᱟᱣ ᱥᱟ.ᱛ ᱠᱟᱛᱮ ᱪᱟ.ᱠᱨᱤ ᱞᱟ.ᱜᱤᱫ ᱮ ᱫᱷᱟᱶᱬᱟ ᱫᱷᱟ.ᱶᱬᱤ ᱮᱱᱟ ᱾ ᱚᱲᱟᱜ ᱨᱮᱭᱟᱜ ᱦᱟᱞᱟᱛ ᱴᱷᱤᱠ ᱵᱟᱝᱛᱮ ᱟᱡ ᱪᱮᱛᱟᱱ ᱨᱮ ᱠᱷᱚᱨᱚᱪ ᱛᱩᱞᱟ.ᱣ ᱵᱷᱟᱨᱟ ᱦᱚᱸ ᱯᱟᱲᱟᱣ ᱮᱱᱟ ᱾ ᱩᱱᱨᱮ ᱟᱡ ᱠᱷᱚᱱ ᱦᱩᱰᱤᱧ ᱵᱚᱭᱦᱟᱭ ᱚᱞᱚᱜ ᱠᱟᱱ ᱛᱟᱦᱮᱸᱫ ᱾ ᱚᱲᱟᱜ ᱨᱮᱱᱟᱜ ᱟ.ᱰᱤᱜᱟᱱ ᱡᱤᱱᱤᱥ ᱢᱟ ᱟᱡᱟᱜ ᱯᱟᱲᱦᱟᱣ ᱨᱮ ᱟ.ᱠᱷᱨᱤᱧ ᱪᱟᱵᱟ ᱞᱮᱱᱟ ᱾ ᱥᱤᱢ, ᱥᱩᱠᱨᱤ, ᱢᱮᱨᱚᱢ ᱠᱚᱦᱚᱸ ᱡᱚᱛᱚ ᱟ.ᱠᱷᱨᱤᱧ ᱪᱟᱵᱟ ᱾ ᱟᱡ ᱟᱭᱳ ᱦᱚᱸ ᱮᱢᱟᱱ ᱛᱮᱢᱟᱱ ᱵᱮᱢᱟᱨ ᱠᱚ ᱧᱟᱢ ᱠᱮᱫᱮᱭᱟ ᱾ ᱤᱠᱷᱟ.ᱱ ᱟᱡᱟᱜ ᱠᱩᱨᱩᱢᱩᱴᱩ ᱛᱮ ᱡᱩᱱᱤᱭᱚᱨ ᱮᱢᱯᱞᱚᱭᱢᱮᱸᱱ ᱪᱟ.ᱠᱨᱤᱭ ᱧᱟᱢ ᱠᱮᱫᱼᱟ ᱥᱚᱢᱵᱚᱞᱯᱩᱨ ᱨᱮ ᱾ ᱚᱸᱰᱮ ᱮᱠᱞᱟ ᱪᱚᱲᱟᱣᱜ ᱨᱮ ᱮᱴᱠᱮᱴᱚᱬᱮ ᱦᱩᱭ ᱮᱱᱟ ᱾ ᱚᱱᱟ ᱛᱟᱭᱚᱢ ᱥᱴᱟᱯᱷ ᱥᱮᱞᱮᱠᱥᱚᱱ ᱠᱚᱢᱤᱥᱚᱱ ᱦᱚᱛᱮᱛᱮ ᱠᱤᱨᱟᱬᱤ ᱪᱟ.ᱠᱨᱤ AG Odisha ᱨᱮ ᱦᱩᱭ ᱮᱱ ᱠᱷᱟᱱ ᱢᱟᱬᱟᱝ ᱟᱜ ᱪᱟ.ᱠᱨᱤ ᱵᱟ.ᱜᱤ ᱠᱟᱛᱮᱭ ᱠᱤᱨᱟ.ᱱᱤ ᱮᱱᱟ ᱾ ᱵᱷᱩᱵᱽᱱᱮᱥᱣᱚᱨ ᱨᱮ ᱛᱟᱦᱮᱸ ᱞᱮᱱ ᱠᱷᱟᱱ ᱟᱡᱟᱜ ᱡᱚᱥᱨᱮ ᱥᱮᱴᱮᱨᱚᱜ ᱟᱞᱜᱟᱜᱼᱟ ᱵᱷᱟ.ᱵᱤ ᱦᱚᱸ ᱛᱟᱦᱮᱸ ᱮᱱᱟ ᱾ ᱚᱸᱰᱮ ᱛᱟᱦᱮᱸ ᱛᱟᱦᱮᱸ M.Phil ᱮ ᱥᱟ.ᱛ ᱠᱮᱫᱼᱟ ᱟᱨ ᱞᱮᱠᱪᱚᱨᱟᱨ ᱵᱟᱠᱷᱨᱟ OPSC ᱵᱤᱱᱤᱰ ᱞᱟ.ᱜᱤᱫ ᱦᱚᱸᱭ ᱥᱟᱯᱲᱟᱣ ᱮᱱᱟ ᱾ ᱟᱡᱟᱜ ᱪᱷᱩᱴᱟ.ᱣ ᱜᱟᱱᱮᱱ ᱛᱟᱭᱟ ᱟᱨ ᱑᱙᱘᱗ ᱥᱟᱞᱮᱨᱮ ᱞᱮᱠᱪᱚᱨᱟᱨ ᱞᱮᱠᱟᱛᱮ ᱵᱟᱦᱟᱞ ᱮ ᱧᱟᱢ ᱠᱮᱫᱼᱟ MPC Autonomous college Baripada ᱨᱮ ᱾ ᱚᱸᱰᱮ ᱥᱮᱴᱮᱨ ᱠᱟᱛᱮ ᱥᱩᱥᱛᱤ ᱛᱮᱭ ᱥᱟᱦᱮᱫ ᱞᱮᱫᱼᱟ ᱾ ᱯᱟᱲᱦᱟᱣ ᱠᱟ.ᱢᱤᱦᱚᱨᱟ ᱥᱟᱶ ᱥᱟᱱᱛᱟᱲᱤ ᱯᱟ.ᱨᱥᱤ ᱪᱟᱨᱪᱟ ᱨᱮᱭ ᱟᱬᱜᱚ ᱮᱱᱟ ᱾ ᱟᱨ ᱚᱱᱚᱬᱦᱮ, ᱚᱱᱚᱞ, ᱱᱟᱜᱟᱢ, ᱯᱟᱸᱡᱟᱞ, ᱨᱚᱱᱚᱲ, ᱯᱟ.ᱨᱥᱤ, ᱥᱟᱬᱮᱥ ᱮᱢᱟᱱ ᱪᱮᱛᱟᱱ ᱨᱮ ᱱᱚᱱᱚᱞ ᱮ ᱞᱟᱲᱟᱣ ᱠᱮᱫᱼᱟ ᱾

ᱵᱟᱯᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱘᱘ ᱥᱟᱞᱮᱨᱮ ᱟᱡᱟᱜ ᱵᱟᱯᱞᱟ ᱫᱚ ᱠᱤᱸᱡᱷᱤᱨ ᱡᱤᱞᱞᱟ ᱡᱚᱱᱟᱨᱫᱚᱱᱯᱩᱨ ᱟ.ᱛᱩ ᱨᱤᱱ ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜ ᱥᱟᱶ ᱦᱩᱭ ᱮᱱᱟ ᱾ ᱟᱡ ᱡᱟᱶᱟᱭ ᱫᱚ ᱵᱮᱸᱠ ᱚᱯᱷᱤᱥᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱩᱞᱩᱡ ᱟᱡᱟᱜ ᱦᱚᱸ ᱥᱟᱶᱦᱮᱫ ᱨᱮ ᱛᱟᱭ ᱡᱚᱱᱚᱲᱟᱣ ᱢᱮᱱᱟᱜᱼᱟ ᱾ ᱢᱮᱱ ᱟᱠᱚ ᱢᱤᱫ ᱠᱚᱲᱟ ᱦᱚᱯᱚᱱᱟᱜ ᱞᱟᱦᱟᱱᱛᱤ ᱯᱟ.ᱪᱷᱞᱟ. ᱨᱮ ᱢᱤᱫ ᱠᱩᱲᱤ ᱦᱚᱯᱚᱱᱟᱜ ᱛᱤ ᱛᱟᱦᱮᱸᱱᱟ ᱢᱮᱱᱛᱮ ᱾ ᱢᱮᱱᱠᱷᱟᱱ ᱫᱚᱢᱚᱭᱚᱱᱛᱤ ᱞᱟ.ᱜᱤᱫ ᱫᱚ ᱚᱱᱟ ᱩᱞᱴᱟ. ᱜᱮᱭᱟ ᱾ ᱪᱮᱫᱟᱜ ᱪᱮ ᱫᱚᱢᱚᱭᱚᱱᱛᱤ ᱟᱜ ᱞᱟᱦᱟᱜ ᱯᱟ.ᱪᱷᱞᱟ.ᱨᱮ ᱟᱡ ᱡᱟᱶᱟᱭᱟᱜ ᱟ.ᱰᱤ ᱢᱟᱨᱟᱝ ᱦᱟᱛ ᱢᱮᱱᱟᱜᱼᱟ ᱾

ᱵᱟᱯᱞᱟ ᱠᱟᱛᱮ ᱟᱡ ᱡᱟᱶᱟᱭ ᱮ ᱵᱟᱰᱟᱭ ᱠᱮᱫᱼᱟ ᱫᱚᱢᱚᱭᱚᱱᱛᱤ ᱫᱚ ᱚᱱᱚᱬᱦᱮᱭ ᱚᱞᱟ ᱢᱮᱱᱛᱮ ᱾ ᱮᱱᱠᱷᱟᱱ ᱚᱱᱟ ᱠᱚ ᱢᱤᱫ ᱴᱷᱮᱫ ᱠᱟᱛᱮ ᱟ.ᱰᱤ ᱩᱥᱟ.ᱨᱟ "ᱡᱤᱣᱤ ᱡᱷᱟᱨᱱᱟ" ᱢᱮᱱᱛᱮ ᱯᱩᱛᱷᱤ ᱪᱷᱟᱯᱟ ᱮᱱᱟ ᱾ ᱟᱨ ᱚᱱᱟᱜᱮ ᱑᱙᱙᱔ ᱥᱟᱞᱮᱨᱮ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱜᱟᱶᱛᱟ ᱦᱟᱜ ᱥᱤᱨᱯᱷᱟ.ᱭ ᱟ.ᱜᱩ ᱟᱫᱮᱭᱟ ᱾ ᱚᱱᱟ ᱛᱟᱭᱚᱢ ᱟᱨ ᱯᱟ.ᱪᱷᱞᱟ. ᱵᱟᱝ ᱵᱮᱸᱜᱮᱫ ᱨᱩᱣᱟ.ᱲ ᱠᱟᱛᱮ ᱪᱷᱟᱯᱟ ᱟᱠᱟᱱ ᱛᱟᱭᱟ ᱟ.ᱰᱤᱜᱟᱱ ᱯᱩᱛᱷᱤ ᱾

ᱥᱟᱶᱦᱮᱫ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱢᱚᱭᱚᱱᱛᱤ ᱵᱮᱥᱨᱟ ᱟᱜ ᱡᱤᱭᱚᱱ ᱢᱟ ᱛᱟᱭ ᱛᱟᱦᱮᱸ ᱠᱟᱱᱟ ᱦᱟᱨᱠᱮᱛ ᱛᱮ ᱯᱮᱨᱮᱡᱟᱜ ᱾ ᱥᱟᱶᱦᱮᱫ ᱡᱤᱭᱚᱱ ᱦᱚᱸ ᱚᱱᱠᱟᱜᱮ ᱵᱟᱨ ᱥᱮᱫ ᱮ ᱚᱨ ᱠᱮᱫᱮᱭᱟ ᱾ ᱢᱤᱫ ᱢᱟ ᱪᱟ.ᱠᱨᱤ ᱥᱟᱶᱛᱮᱭᱟᱜ ᱟᱨ ᱢᱤᱫ ᱢᱟ ᱡᱟ.ᱛᱤ ᱨᱮᱭᱟᱜ ᱾ ᱩᱰᱤᱭᱟ. ᱛᱮᱭᱟᱜ ᱟᱡ ᱮ ᱟ.ᱜᱩ ᱟᱫᱮᱭᱟ ᱢᱤᱫ ᱥᱚᱨᱮᱥ ᱚᱱᱚᱞᱤᱭᱟ. ᱦᱟᱜ ᱩᱯᱨᱩᱢ ᱾ ᱟᱨ ᱥᱟᱱᱛᱟᱲᱤ ᱨᱮᱱ ᱮ ᱦᱩᱭ ᱮᱱᱟ ᱢᱤᱫ ᱧᱩᱛᱩᱢᱟᱱ ᱚᱱᱚᱬᱦᱤᱭᱟ. ᱾ ᱢᱤᱫ ᱱᱟᱯᱟᱭ ᱚᱱᱚᱞᱤᱭᱟ. ᱥᱟᱶᱛᱮ ᱢᱤᱫ ᱱᱟᱯᱟᱭ ᱜᱟᱞᱚᱪᱤᱭᱟ. ᱞᱮᱠᱟᱛᱮ ᱦᱚᱲ ᱠᱚ ᱟᱡ ᱠᱚ ᱩᱨᱩᱢᱮᱭᱟ ᱾ ᱟᱡᱟᱜ ᱪᱷᱟᱯᱟ ᱟᱠᱟᱱ ᱯᱩᱛᱷᱤ ᱠᱚ ᱞᱟᱛᱟᱨ ᱮ ᱮᱢ ᱮᱱᱟ ᱾

ᱩᱪᱷᱟ.ᱱ ᱟᱠᱟᱱ ᱯᱩᱛᱷᱤ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱩᱰᱤᱭᱟ. ᱛᱮ :-

᱑. Raghunath Murmu (Biography) - 1996.

2. Chai Champaru Bhanj Disom (Santali Janajatiro Sanskrutiko parampara) - 2006.

3. Damodara Dhare Dhare (Santalo Sanskrutiro Suchipatra) - 2009.

4. Samaja o Sanskruti prustopatare Mayurbhanjaro Santala - 2010.

5. Jhumororo kichhi Gumaro o onyano prabandha - 2012.

6. Sahaja Santali Shikhya - 2014.

7. Odia bhasa Tatwo - 2016.

  • ᱯᱩᱛᱷᱤ ᱠᱚ (ᱥᱟᱱᱛᱟᱲᱤ ᱛᱮ)

᱑. ᱡᱤᱣᱤ ᱡᱷᱟᱨᱱᱟ - ᱚᱱᱚᱬᱦᱮ - ᱑᱙᱙᱔ ᱾

᱒. ᱥᱟᱜᱮᱱ ᱥᱟᱶᱦᱮᱫ - ᱜᱟᱱᱟᱝ - ᱑᱙᱙᱕ ᱾

᱓. ᱚ ᱚᱛ ᱚᱜ ᱚᱞ ᱟᱨ ᱡᱩᱨᱤ ᱡᱤᱛᱟ. - ᱚᱱᱚᱬᱦᱮ - ᱑᱙᱙᱕ ᱾

᱔. ᱠᱩᱸᱭᱰᱤ ᱢᱤᱨᱩ - ᱥᱤᱥᱩ ᱚᱱᱚᱬᱦᱮ - ᱒᱐᱐᱔ ᱾

᱕. ᱜᱩᱨᱩ ᱜᱚᱢᱠᱮᱭᱟᱜ ᱧᱮᱱᱮᱞ ᱟᱨ ᱧᱟᱱᱟᱞᱟᱜ (Criticism) ᱒᱐᱐᱖ ᱾

᱖. ᱥᱟᱭ ᱥᱟᱦᱮᱫ - ᱚᱱᱚᱬᱦᱮ - ᱒᱐᱐᱖ ᱾

᱗. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱱᱟᱜᱟᱢ (A brief History of Santali Literature) - ᱒᱐᱐᱗ ᱾

᱘. ᱨᱚᱱᱚᱲ ᱴᱩᱯᱞᱟ.ᱜ (Grammar) - ᱒᱐᱐᱘ ᱾

᱙. ᱯᱟ.ᱨᱥᱤ ᱥᱟᱶᱛᱟ ᱥᱟᱶᱦᱮᱫ - ᱜᱟᱢᱟᱢ - ᱒᱐᱐᱙ ᱾

᱑᱐. ᱜᱤᱫᱽᱨᱟ. ᱵᱷᱩᱞᱟ.ᱣ ᱠᱟ.ᱦᱱᱤ (Story for Children) - ᱒᱐᱑᱐ ᱾

᱑᱑. ᱨᱚᱲ ᱥᱟᱬᱮᱥ (Linguistic) - ᱒᱐᱑᱒ ᱾

᱑᱒. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱱᱟᱜᱟᱢ (History of Santali Literature) - ᱒᱐᱑᱒ ᱾

᱑᱓. ᱥᱟᱶᱦᱮᱫ ᱜᱮᱞᱮ (Criticism) - ᱒᱐᱑᱒ ᱾

᱑᱔. ᱱᱮᱦᱚᱨ (Devotional song) - ᱒᱐᱑᱒ ᱾

᱑᱕. ᱠᱷᱚᱸᱫᱽᱨᱚᱸᱫᱽᱨᱚ ᱚᱱᱩᱵᱟᱫᱽ ᱟᱨ ᱯᱩᱛᱷᱤ ᱥᱟᱯᱲᱟᱣ (Research Methodology) - ᱒᱐᱑᱔ ᱾

᱑᱖. ᱩᱪᱷᱟ.ᱱ ᱟᱲᱟᱝ - ᱒᱐᱑᱘ ᱾

  • ᱛᱚᱨᱡᱚᱢᱟ

᱑. ᱚᱢᱚᱨᱠᱷᱟᱭᱟᱢᱟᱜ ᱨᱩᱵᱟᱭᱚᱛ (Rubayat of Omarkhayam ᱠᱷᱚᱱ) - ᱒᱐᱐᱖ ᱾

᱒. ᱟ.ᱲᱟ. ᱨᱮᱭᱟᱜ ᱥᱮᱨᱢᱟ (ᱥᱤᱨᱯᱷᱟ.ᱦᱤᱭᱟ. ᱩᱰᱤᱭᱟ. ᱚᱱᱚᱬᱦᱮ ᱯᱩᱛᱷᱤ ᱺ "ᱥᱚᱵᱽᱫᱚᱨᱚ ᱟᱠᱟᱥᱚ" - to Santali under the scheme of Sahitya Akademi, New Delhi) - ᱒᱐᱑᱐ ᱾

᱓. ᱥᱮᱸᱫᱽᱨᱟ (ᱥᱤᱨᱯᱷᱟ.ᱦᱤᱭᱟ. ᱩᱰᱤᱭᱟ. ᱚᱱᱚᱬᱦᱮ ᱯᱩᱛᱷᱤ "ᱢᱨᱩᱜᱟᱭᱟ" - to Santali under the scheme of Sahitya Akademi, New Delhi)

᱔. Saripaiyn surotiye - ᱩᱰᱤᱭᱟ. ᱠᱷᱚᱱ ᱥᱟᱱᱛᱟᱲᱤ - ᱒᱐᱑᱑ ᱾

ᱢᱟᱹᱱ ᱟᱨ ᱥᱚᱢᱢᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑. Poet of the year award 1994 ᱵᱷᱟᱨᱚᱛ ᱡᱟᱠᱟᱜ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱜᱟᱶᱛᱟ ᱡᱟᱢᱥᱮᱫᱽᱯᱩᱨ ᱯᱟᱦᱴᱟ ᱠᱷᱚᱱ ᱾

᱒. ᱡᱤᱞᱞᱟ ᱥᱛᱚᱨᱤᱭᱚ ᱵᱤᱥᱤᱥᱴᱚ ᱥᱟᱦᱤᱛᱣᱤᱠᱤ ᱥᱚᱢᱵᱚᱨᱫᱷᱚᱱᱚ ᱥᱮᱵᱚᱠ ᱥᱚᱢᱤᱛᱤ ᱵᱟᱨᱤᱯᱚᱫᱟ ᱯᱟᱦᱴᱟ ᱠᱷᱚᱱ - ᱑᱙᱙᱖ ᱾

᱓. ᱥᱟ.ᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱥᱤᱨᱯᱷᱟ. ᱒᱐᱐᱔, ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱜᱟᱶᱛᱟ, ᱡᱷᱟᱲᱜᱨᱟᱢ ᱾

᱔. ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱯᱷᱮᱞᱚᱥᱤᱯ - ᱒᱐᱐᱔, ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱜᱟᱶᱛᱟ, ᱡᱷᱟᱲᱜᱨᱟᱢ ᱾

᱕. ᱯᱨᱚᱯᱷᱮᱥᱚᱨ ᱠᱷᱚᱜᱮᱥᱣᱚᱨ ᱢᱚᱦᱟᱯᱟᱛᱨᱚ ᱯᱷᱟᱶᱱᱰᱮᱥᱚᱱ ᱥᱚᱢᱢᱟᱱ ᱯᱚᱛᱨᱚ - ᱒᱐᱐᱙ ᱾

᱖. ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟ. - ᱒᱐᱐᱙, ᱚᱱᱚᱬᱦᱮ ᱯᱩᱛᱷᱤ "ᱥᱟᱭ ᱥᱟᱦᱮᱸᱫ" ᱞᱟ.ᱜᱤᱫ ᱾

᱗. ᱵᱷᱚᱸᱡᱚ ᱯᱩᱛᱨᱚ ᱮᱣᱟᱨᱰ - ᱒᱐᱑᱐, ᱯᱩᱡᱭᱚᱯᱩᱡᱟ ᱚᱱᱩᱥᱴᱷᱟᱱ, ᱵᱟᱨᱤᱯᱚᱫᱟ ᱯᱟᱦᱴᱟ ᱠᱷᱚᱱ ᱾

᱘. ᱢᱟᱟ ᱴᱟᱝᱜᱚᱨᱚᱥᱩᱱᱤ ᱥᱚᱢᱢᱟᱱ - ᱒᱐᱑᱐, ᱩᱫᱽᱲᱟ., ᱢᱚᱭᱩᱨᱵᱷᱚᱸᱡᱽ ᱾

᱙. ᱢᱚᱦᱮᱥᱣᱚᱨ ᱱᱟᱭᱚᱠ ᱥᱚᱢᱢᱟᱱ - ᱒᱐᱑᱐, ᱢᱚᱭᱩᱨᱵᱷᱚᱸᱡᱽ ᱥᱟᱦᱤᱛᱭᱚ ᱥᱚᱝᱥᱚᱫᱽ, ᱵᱟᱨᱤᱯᱚᱫᱟ ᱾

᱑᱐. Sambardhana from Mayurbhanj Sahitya parisad for enrichment to folk literature of Mayurbhanj -2010.

᱑᱑. ᱠᱚᱵᱤ ᱵᱷᱩᱥᱚᱬ ᱰᱨ. ᱨᱟᱢᱟᱠᱨᱤᱥᱱᱟ ᱥᱟᱦᱟ ᱢᱮᱢᱚᱨᱤᱭᱟᱞ ᱮᱣᱟᱨᱰ - ᱒᱐᱑᱑, ᱠᱚᱵᱤ ᱵᱷᱩᱥᱚᱬ ᱰᱨ. ᱨᱟᱢᱟᱠᱨᱤᱥᱱᱟ ᱥᱟᱦᱟ ᱢᱮᱢᱚᱨᱤᱭᱟᱞ ᱴᱨᱚᱥᱴ, ᱵᱟᱨᱤᱯᱚᱫᱟ, ᱢᱚᱭᱩᱨᱵᱷᱚᱸᱡᱽ, ᱩᱰᱤᱥᱟ ᱾

᱑᱒. ᱡᱚᱱᱚᱡᱟᱛᱤ ᱯᱨᱚᱛᱤᱵᱷᱟ ᱥᱚᱢᱢᱟᱱ - ᱒᱐᱑᱒ ATLC ᱵᱷᱩᱵᱽᱱᱮᱥᱣᱚᱨ ᱦᱚᱛᱮᱛᱮ ᱾

᱑᱓. Sambardhana on the Occasion of Biswa Mahila Divas from jila prasason Mayurbhanj for contribution to Tribal Literature and Art - 2012.

Academic Activities[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑. 1st Convener of Santali Language Board in Sahitya Academi New Delhi during 2004 to 2007.

᱒. Member Santali language Syllabus Committee for UPSC, New Delhi.

᱓. ᱫᱤᱥᱟ. ᱩᱫᱩᱜᱤᱭᱟ. ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲ ᱥᱮᱢᱞᱮᱫ ᱡᱷᱟᱲᱜᱨᱟᱢ ᱟᱨ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱜᱟᱶᱛᱟ, ᱩᱰᱤᱥᱟ ᱾

᱔. ᱱᱚᱨᱛᱷ ᱩᱰᱤᱥᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱵᱟ.ᱨᱤᱯᱚᱫᱟ ᱨᱤᱱ ᱥᱤᱞᱟᱵᱟᱥ ᱠᱚᱢᱤᱴᱤ ᱥᱚᱦᱮᱛ ᱾

᱕. Member, the Board of Conducting Examiners in the Subject Santali Sambalpur University.

᱖. Member of Academic Council North Odisha University, Baripada.

᱗. ᱩᱰᱤᱥᱟ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱨᱤᱱ ᱥᱚᱦᱮᱛ - ᱒᱐᱑᱔ ᱠᱷᱚᱱ ᱒᱐᱑᱗ ᱾

᱘. ᱳᱰᱤᱭᱟ ᱵᱷᱟᱥᱟ ᱯᱨᱚᱛᱤᱥᱴᱷᱟᱱ ᱨᱤᱱ ᱥᱚᱦᱮᱛ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]