ᱜᱚᱣᱟᱞᱯᱟᱲᱟ, ᱵᱤᱨᱵᱷᱩᱢ (ᱯᱚᱪᱷᱤᱢ ᱵᱟᱸᱜᱽᱞᱟ)

ᱜᱚᱣᱟᱞᱯᱟᱲᱟ (Goalpara) ᱫᱚ ᱢᱤᱫ ᱟᱹᱛᱩ ᱠᱟᱱᱟ, ᱡᱟᱦᱟᱸ ᱫᱚ ᱵᱳᱞᱯᱩᱨᱼᱥᱨᱤᱱᱤᱠᱮᱛᱚᱱ ᱵᱚᱱᱚᱛ (block), ᱵᱤᱨᱵᱷᱩᱢ ᱦᱚᱱᱚᱛ, ᱯᱚᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱥᱤᱧᱚᱛ ᱫᱤᱥᱚᱢ ᱨᱮ ᱢᱮᱱᱟᱜᱼᱟ ᱾ ᱒᱐᱑᱑ ᱥᱟᱹᱦᱤᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱸᱰᱮ ᱔᱔᱑ ᱜᱷᱟᱨᱚᱸᱡᱽ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱒᱐᱔᱔ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱟ ᱢᱟᱹᱫᱽ ᱠᱷᱚᱱ ᱙᱙᱘ ᱜᱚᱴᱟᱝ ᱠᱚᱲᱟ ᱟᱨ ᱑᱐᱔᱖ ᱜᱚᱴᱟᱝ ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ ᱾

ᱰᱮᱢᱚᱜᱽᱨᱟᱯᱷᱤ

ᱥᱤᱧᱚᱛ ᱫᱤᱥᱚᱢ ᱒᱐᱑᱑ ᱥᱟᱹᱦᱤᱛ ᱦᱚᱲᱞᱮᱠᱷᱟ ᱞᱮᱠᱟᱛᱮ ᱱᱚᱶᱟ ᱟᱹᱛᱩ ᱨᱮ ᱒᱐᱔᱔ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱟᱹᱫᱽ ᱨᱮ ᱒᱑᱕ ᱦᱚᱲ ᱫᱚ ᱐-᱖ ᱥᱮᱨᱢᱟ ᱵᱚᱭᱚᱥ ᱨᱤᱱ, ᱡᱟᱦᱟᱸ ᱫᱚ ᱜᱩᱴ ᱦᱚᱲ ᱮᱞ ᱨᱤᱱ ᱑᱐ᱹ᱕᱒ % ᱠᱚ ᱦᱩᱭᱩᱜ ᱠᱟᱱᱟ ᱾ ᱱᱚᱸᱰᱮ ᱠᱚ ᱛᱟᱦᱮᱸᱱ ᱠᱟᱱ ᱦᱚᱲ ᱢᱟᱹᱫᱽ ᱠᱷᱚᱱ ᱙᱙᱘ ᱜᱚᱴᱟᱝ ᱠᱚᱲᱟ ᱟᱨ ᱑᱐᱔᱖ ᱜᱚᱴᱟᱝ ᱠᱩᱲᱤ ᱢᱮᱱᱟᱜ ᱠᱚᱣᱟ ᱾ ᱚᱱᱠᱟᱛᱮ ᱜᱷᱩᱸᱴ ᱡᱟᱱᱟᱝ ᱡᱟᱹᱱᱤ (Average Sex Ratio) ᱫᱚ ᱑᱐᱔᱘, ᱡᱟᱦᱟᱸ ᱫᱚ ᱯᱚᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱨᱮᱱᱟᱜ ᱡᱟᱱᱟᱝ ᱡᱟᱹᱱᱤ ᱜᱷᱩᱸᱴ (᱙᱕᱐) ᱠᱷᱚᱱ ᱵᱟᱹᱲᱛᱤ ᱜᱮᱭᱟ ᱾ ᱜᱤᱫᱽᱨᱟᱹ ᱡᱟᱱᱟᱝ ᱡᱟᱹᱱᱤ (Child Sex Ratio) ᱫᱚ ᱑᱐᱐᱙, ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱜᱤᱫᱽᱨᱟᱹ ᱡᱟᱱᱟᱝ ᱡᱟᱹᱱᱤ ᱙᱕᱖ ᱠᱷᱚᱱ ᱵᱟᱹᱲᱛᱤ ᱜᱮᱭᱟ ᱾

ᱱᱚᱶᱟ ᱟᱹᱛᱩ ᱨᱮ ᱥᱤᱠᱷᱱᱟᱹᱛ ᱫᱚᱨ ᱫᱚ ᱯᱚᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱨᱮᱱᱟᱜ ᱫᱚᱨ ᱠᱷᱚᱱ ᱰᱷᱮᱨ ᱜᱮᱭᱟ ᱾ ᱒᱐᱑᱑ ᱥᱟᱹᱦᱤᱛ ᱨᱮ ᱥᱤᱠᱷᱟᱱᱟᱹᱛ ᱫᱚᱨ ᱫᱚ ᱗᱗.᱖᱕ % ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱢᱟᱹᱫᱽ ᱨᱮ ᱠᱚᱲᱟ ᱥᱤᱠᱷᱱᱟᱹᱛ ᱫᱚᱨ ᱫᱚ ᱘᱔.᱗᱔ %, ᱢᱮᱱᱠᱷᱟᱱ ᱠᱩᱲᱤ ᱠᱚᱣᱟᱜ ᱫᱚ ᱗᱐.᱙᱐ % ᱾

ᱪᱟᱪᱞᱟᱣ

ᱥᱤᱧᱚᱛ ᱨᱮᱱᱟᱜ ᱥᱚᱢᱵᱤᱫᱷᱟᱱ (constitution of India) ᱟᱨ ᱯᱚᱧᱪᱟᱭᱚᱛᱤ ᱨᱟᱡᱽ ᱠᱟᱹᱱᱩᱱ (Panchyati Raaj Act) ᱞᱮᱠᱟᱛᱮ ᱱᱚᱶᱟ ᱟᱹᱛᱩ ᱫᱚ ᱥᱚᱨᱯᱚᱧᱪ (Sarpanch) ᱦᱚᱛᱮᱛᱮ ᱪᱟᱪᱞᱟᱣᱜ ᱠᱟᱱᱟ ᱾ ᱱᱚᱶᱟ ᱟᱹᱛᱩ ᱨᱮᱱᱟᱜ ᱜᱽᱨᱟᱢ ᱯᱚᱧᱪᱟᱭᱚᱛ ᱫᱚ ᱥᱨᱤᱱᱤᱠᱮᱛᱚᱱ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱟᱹᱛᱩ ᱫᱚ ᱨᱟᱭᱨᱚᱝᱯᱩᱨ ᱛᱷᱟᱱᱟ ᱛᱟᱹᱨᱤ ᱨᱮ ᱢᱮᱱᱟᱜᱼᱟ ᱾

ᱥᱮᱪᱮᱫ

ᱥᱮᱪᱮᱫᱚᱜ ᱞᱟᱹᱜᱤᱫ ᱛᱮ ᱱᱚᱶᱟ ᱟᱹᱛᱩ ᱨᱮ ᱥᱚᱨᱠᱟᱨᱤ ᱯᱨᱟᱭᱢᱮᱨᱤ ᱟᱥᱲᱟ ᱢᱮᱱᱟᱜᱼᱟ ᱾ ᱜᱚᱣᱟᱞᱯᱟᱲᱟ ᱨᱮᱜᱮ ᱪᱮᱛᱟᱱ ᱛᱟᱱᱟᱞ ᱵᱤᱨᱫᱟᱹᱜᱟᱲ (higher secondary school) ᱫᱚ ᱢᱮᱱᱟᱜ-ᱟ ᱾ ᱥᱩᱨ ᱨᱮᱱᱟᱜ ᱟᱭᱴᱤᱮ ᱠᱚᱞᱮᱡᱽ ᱫᱚ ᱯᱟᱨᱩᱞᱰᱟᱝᱜᱟ ᱨᱮ ᱢᱮᱱᱟᱜᱼᱟ ᱾ ᱟᱨ ᱥᱚᱨᱠᱟᱨᱤ ᱠᱚᱞᱮᱡᱽ ᱵᱳᱞᱯᱩᱨ ᱨᱮ ᱢᱮᱱᱟᱜᱼᱟ ᱾

ᱦᱮᱡᱥᱮᱱ

ᱱᱚᱶᱟ ᱟᱹᱛᱩ ᱟᱨᱮ ᱛᱮᱜᱮ ᱯᱟᱠᱟ ᱥᱚᱨᱚᱠ ᱪᱟᱞᱟᱣ ᱟᱠᱟᱱᱟ ᱾ ᱱᱚᱣᱟ ᱰᱟᱦᱟᱨ ᱨᱮᱜᱮ ᱵᱟᱥ ᱜᱟᱹᱰᱤ ᱫᱮᱡᱚᱜ ᱴᱷᱟᱶ ᱢᱮᱱᱟᱜᱼᱟ ᱟᱨ ᱨᱮᱞᱜᱟᱹᱰᱤ ᱥᱴᱮᱥᱚᱱ ᱦᱚᱸ ᱕-᱑᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱯᱨᱟᱱᱛᱤᱠ ᱟᱨ ᱵᱳᱞᱯᱩᱨ ᱨᱮ ᱢᱮᱱᱟᱜ-ᱟ ᱾

ᱠᱟᱹᱣᱰᱤᱟᱹᱨᱤ

ᱪᱟᱥᱵᱟᱥ

ᱱᱚᱣᱟ ᱟᱹᱛᱩ ᱨᱮ ᱦᱳᱲᱳ, ᱯᱟᱴ ᱟᱨ ᱩᱛᱩ ᱟᱲᱟᱜ ᱡᱚ ᱮᱢᱟᱱ ᱠᱚ ᱪᱟᱥᱵᱟᱥ ᱠᱚ ᱠᱚᱨᱟᱣ ᱮᱫᱼᱟ ᱾