ᱜᱚᱨᱚᱱ
ᱨᱚᱯᱚᱲ ᱡᱷᱚᱜ ᱧᱮᱞᱚᱜ-ᱟ ᱡᱮ ᱚᱠᱚᱭᱮ ᱢᱮᱱᱮᱜ-ᱟ, ᱚᱠᱚᱭᱮ ᱢᱮᱛᱟᱭ ᱠᱟᱱᱟ, ᱚᱠᱚᱭᱟᱜ ᱮ ᱢᱮᱱᱮᱜ-ᱟ ᱱᱚᱶᱟ ᱵᱟᱰᱟᱭ ᱞᱟᱹᱜᱤᱫ ᱜᱚᱨᱚᱱ (en:Person) ᱨᱮᱭᱟᱜ ᱜᱚᱲᱚ ᱦᱟᱛᱟᱣ ᱦᱩᱭᱩᱜ-ᱟ ᱾ ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱟᱜ ᱨᱚᱱᱚᱲ ᱯᱩᱛᱷᱤ ᱞᱮᱠᱟᱛᱮ ᱞᱟᱹᱭ ᱞᱮᱠᱷᱟᱱ ᱚᱠᱚᱭ ᱛᱤᱱᱟᱹᱝ ᱜᱚᱨᱚᱡᱽ ᱨᱮᱱᱤᱡ ᱠᱟᱱᱟᱭ ᱚᱱᱟ ᱜᱮ ᱜᱚᱨᱚᱱ ᱵᱚ ᱢᱮᱛᱟᱜ ᱠᱟᱱᱟ ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱜᱚᱨᱚᱱ ᱫᱚ ᱯᱮ ᱛᱷᱚᱠ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾
ᱢᱟᱬᱟᱝ ᱜᱚᱨᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱟᱦᱟᱸ ᱜᱚᱨᱚᱱ ᱛᱮ ᱡᱚᱛᱚ ᱠᱷᱚᱱ ᱟᱯᱱᱟᱨ ᱛᱮᱫ ᱮ ᱵᱩᱡᱷᱟᱹᱜᱼᱟ ᱾ ᱢᱮᱱᱮᱠ ᱟᱹᱭᱟᱹᱛ ᱨᱮ ᱡᱟᱦᱟᱸᱭ ᱥᱮ ᱡᱟᱦᱟᱸᱭᱠᱚ ᱨᱚᱲ ᱮᱫᱟ ᱩᱱᱤ ᱥᱮ ᱩᱱᱠᱳ ᱜᱮ ᱢᱟᱬᱟᱝ ᱜᱚᱨᱚᱱ ᱫᱚ ᱾ ᱟᱯᱱᱟᱨ ᱢᱮᱥᱟ ᱠᱟᱛᱮ ᱡᱟᱦᱟᱸ ᱟᱹᱲᱟᱹ ᱠᱚ ᱞᱟᱹᱭᱩᱜ-ᱟ ᱚᱱᱟ ᱠᱚᱫᱚ ᱢᱟᱬᱟᱝ ᱜᱚᱨᱚᱱ ᱨᱮᱭᱟᱜ ᱠᱟᱱᱟ᱾ ᱡᱮᱢᱚᱱ- ᱤᱧ, ᱟᱹᱞᱤᱧ, ᱟᱞᱟᱝ, ᱟᱵᱚ ᱟᱨ ᱟᱞᱮ ᱮᱢᱟᱱ᱾
ᱥᱟᱢᱟᱝ ᱜᱚᱨᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱹᱭᱟᱹᱛ ᱨᱮ ᱨᱚᱨᱚᱲᱤᱡ ᱟᱜ ᱠᱟᱛᱷᱟ ᱡᱟᱦᱟᱸᱭ ᱟᱸᱡᱚᱢᱮᱫᱟ ᱥᱮ ᱡᱟᱦᱟᱸᱭ ᱫᱤᱥᱟᱹᱛᱮ ᱨᱚᱨᱚᱲᱤᱡ ᱮ ᱨᱚᱲᱮᱫᱟ ᱩᱱᱤ ᱥᱮ ᱩᱱᱠᱩ ᱟᱸᱡᱚᱢ ᱛᱮᱱᱠᱚ ᱜᱮ ᱥᱟᱢᱟᱝ ᱜᱚᱨᱚᱱ ᱵᱚ ᱢᱮᱛᱟᱜ ᱠᱟᱱᱟ ᱾ ᱥᱟᱢᱟᱝ ᱨᱮ ᱛᱟᱦᱮᱸᱱ ᱠᱚ ᱡᱟᱦᱟᱸ ᱟᱹᱲᱟᱹ ᱢᱮᱛᱟ ᱠᱚᱣᱟ ᱚᱱᱟ ᱜᱮ ᱥᱟᱢᱟᱝ ᱜᱚᱨᱚᱱ ᱫᱚ ᱞᱮᱞᱮᱠᱟ - ᱟᱢ, ᱟᱹᱵᱤᱱ, ᱟᱯᱮ ᱾
ᱥᱟᱺᱜᱤᱧ ᱜᱚᱨᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱷᱩᱛᱤ ᱨᱮ ᱡᱟᱦᱟᱸᱭ ᱨᱚᱨᱚᱲᱤᱡ ᱦᱚᱸᱭ ᱵᱟᱝ ᱠᱟᱱᱟ ᱟᱨ ᱟᱸᱜᱼᱡᱚᱢᱤᱡ ᱦᱚᱸᱭ ᱵᱟᱝ ᱠᱟᱱᱟ ᱢᱮᱱᱠᱷᱟᱱ ᱮᱴᱟᱜ ᱥᱟᱺᱜᱤᱧ ᱨᱮᱱ ᱡᱟᱦᱟᱸᱭᱟᱜ ᱱᱟᱥᱮ ᱜᱚᱨᱚᱡᱽ ᱢᱮᱱᱟᱜ ᱛᱟᱭᱟ ᱢᱮᱱᱛᱮ ᱵᱩᱡᱷᱟᱹᱜᱼᱟ, ᱚᱱᱟ ᱜᱚᱨᱚᱱ ᱫᱚ ᱥᱟᱺᱜᱤᱧ ᱜᱚᱨᱚᱱ ᱠᱚ ᱢᱮᱱᱟᱜᱼᱟ ᱾ ᱞᱮᱞᱮᱠᱟ - ᱟᱡ, ᱟᱹᱠᱤᱱ, ᱟᱠᱚ, ᱩᱱᱤ, ᱩᱱᱠᱤᱱ, ᱩᱱᱠᱩ, ᱚᱱᱟ, ᱚᱱᱟᱠᱤᱱ, ᱚᱱᱟᱠᱚ ᱟᱨ ᱨᱟᱢ, ᱞᱚᱠᱷᱚᱱ, ᱪᱷᱤᱛᱟᱹ, ᱠᱟᱹᱯᱨᱟᱹ ᱡᱟᱦᱟᱸ ᱜᱮ ᱧᱩᱛᱩᱢ ᱦᱮᱱᱟᱜ ᱡᱚᱛᱚ ᱾