ᱜᱚᱱᱮᱥ ᱢᱟᱨᱟᱱᱰᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱜᱟᱱᱮᱥ ᱢᱟᱨᱟᱱᱰᱤ
᱒᱐᱒᱒ ᱥᱮᱨᱢᱟ ᱨᱮ ᱜᱚᱱᱮᱥ ᱢᱟᱨᱟᱱᱰᱤ
ᱡᱟᱱᱟᱢᱡᱟᱱᱩᱣᱟᱨᱤ ᱑᱒, ᱑᱙᱘᱖
ᱢᱚᱦᱮᱥᱱᱚᱫᱤ, ᱯᱩᱨᱩᱞᱤᱭᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱠᱟᱹᱢᱤᱢᱟᱪᱮᱫ, ᱚᱱᱚᱞᱤᱭᱟᱹ
ᱡᱟᱹᱛᱤᱭᱟᱹᱛᱥᱤᱧᱚᱛᱤᱭᱟᱹ ᱥᱤᱧᱚᱛ
ᱥᱮᱪᱮᱫᱵᱚᱨᱫᱷᱚᱢᱟᱱ ᱡᱮᱜᱮᱫ ᱵᱤᱨᱫᱟᱹᱜᱟᱲ
ᱥᱟᱶᱦᱮᱫ ᱮᱱᱮᱢᱦᱚᱱᱚᱱ ᱢᱟᱹᱭ
ᱡᱤᱭᱚᱱ ᱥᱚᱦᱮᱫᱥᱟᱵᱤᱛᱨᱤ ᱴᱩᱰᱩ
ᱦᱚᱯᱚᱱᱯᱤᱭᱳ ᱢᱟᱨᱟᱱᱰᱤ

ᱜᱟᱱᱮᱥ ᱢᱟᱨᱟᱱᱰᱤ (ᱤᱝᱨᱟᱹᱡᱤᱺ Ganesh Marandi; ᱡᱟᱱᱟᱢᱺ ᱑᱒ ᱡᱟᱱᱩᱣᱟᱨᱤ ᱑᱙᱘᱖) ᱫᱚ ᱥᱟᱱᱛᱟᱞᱤ ᱥᱟᱶᱦᱮᱫ ᱫᱩᱱᱤᱭᱟᱹ ᱨᱮᱱ ᱢᱤᱫ ᱧᱩᱢ ᱦᱟᱞᱟᱝ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱢᱟᱨᱟᱱᱰᱤ ᱫᱚ ᱢᱤᱫ ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱦᱚᱸ ᱠᱟᱱᱟᱭ᱾ ᱱᱚᱶᱟ ᱯᱟᱛᱷᱟᱢ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱥᱟᱨᱡᱚᱢ ᱩᱢᱩᱞ᱾ ᱱᱩᱭ ᱫᱚ ᱒᱐᱒᱒ ᱥᱟᱞ ᱨᱮ ᱦᱚᱯᱚᱱ ᱢᱟᱹᱭ ᱧᱩᱛᱩᱢᱟᱱ ᱜᱤᱫᱽᱨᱟᱹ ᱵᱟᱹᱣᱞᱤ ᱯᱩᱛᱷᱤ ᱞᱟᱹᱜᱤᱫ ᱠᱮᱱᱫᱪᱨᱤᱭᱚ ᱥᱟᱦᱤᱛᱭᱚ ᱟᱠᱟᱫᱮᱢᱤ ᱥᱤᱨᱯᱟᱹ ᱦᱟᱢᱮᱴ ᱟᱠᱟᱫᱟ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱱᱮᱥ ᱢᱟᱨᱟᱱᱰᱤᱭᱟᱜ ᱡᱟᱱᱟᱢ ᱫᱚ ᱑᱒ ᱡᱟᱱᱩᱣᱟᱨᱤ ᱑᱙᱘᱖ ᱢᱟᱹᱦᱤᱛ ᱨᱮ ᱯᱚᱪᱷᱤᱢ ᱵᱟᱝᱞᱟ, ᱯᱚᱱᱚᱛ ᱨᱮᱭᱟᱜ ᱯᱩᱨᱩᱞᱤᱭᱟᱹ,ᱪᱟᱞᱢᱟᱨᱟ ᱛᱟᱵᱮᱨ ᱨᱮ ᱢᱮᱱᱟᱜ ᱢᱚᱦᱮᱥᱱᱚᱫᱤ ᱟᱹᱛᱩ ᱨᱮ ᱦᱩᱭ ᱞᱮᱱᱟ᱾ ᱩᱱᱤ ᱨᱮᱱ ᱮᱝᱜᱟᱛ ᱟᱯᱟᱛ ᱟᱜ ᱧᱩᱛᱩᱢ ᱫᱚ ᱵᱟᱥᱱᱤ ᱢᱟᱨᱟᱱᱰᱤ ᱟᱨ ᱵᱳᱫᱤ ᱱᱟᱛᱷ ᱢᱟᱨᱟᱱᱰᱤ᱾ ᱜᱚᱱᱮᱥ ᱛᱟᱠᱚ ᱫᱚᱠᱚ ᱯᱮ ᱵᱚᱭᱦᱟ ᱢᱤᱥᱨᱟ ᱟᱜ᱾ ᱯᱮ ᱵᱚᱭᱦᱟ ᱢᱤᱥᱨᱟ ᱢᱩᱫᱽ ᱨᱮ ᱜᱟᱱᱮᱥ ᱜᱮ ᱢᱟᱨᱟᱝᱟ᱾ ᱩᱱᱤ ᱨᱮᱱ ᱢᱤᱥᱨᱟᱛ ᱠᱤᱱᱟᱜ ᱧᱩᱛᱩᱢ ᱫᱚ ᱱᱤᱞᱢᱩᱱᱤ ᱢᱟᱨᱟᱱᱰᱤ ᱟᱨ ᱢᱟᱞᱚᱛᱤ ᱢᱟᱨᱟᱱᱰᱤ᱾ ᱩᱱᱤ ᱨᱮᱱ ᱡᱤᱵᱚᱱ ᱡᱩᱨᱤᱭᱟᱜ ᱧᱩᱛᱩᱢ ᱫᱚ ᱥᱟᱵᱤᱛᱨᱤ ᱴᱩᱰᱩ᱾ ᱩᱱᱠᱤᱱ ᱨᱮᱱ ᱮᱥᱠᱟᱨ ᱦᱚᱯᱚᱱ ᱮᱨᱟᱣᱟᱜ ᱧᱩᱛᱩᱢ ᱫᱚ ᱯᱤᱭᱳ ᱢᱟᱨᱟᱱᱰᱤ᱾

ᱜᱚᱱᱮᱥ ᱢᱟᱨᱟᱱᱰᱤ ᱫᱚ ᱢᱚᱦᱮᱥᱱᱚᱫᱤ ᱮᱛᱚᱦᱚᱵ ᱟᱥᱲᱟ ᱟᱨ ᱪᱟᱞᱢᱟᱨᱟ ᱮᱛᱚᱦᱚᱵ ᱟᱥᱲᱟ ᱠᱷᱚᱱ ᱯᱟᱹᱦᱤᱞ ᱥᱮᱪᱮᱫ ᱫᱚᱭ ᱧᱟᱢ ᱟᱠᱟᱫᱟ᱾ ᱢᱚᱬᱮ ᱪᱟᱱᱟᱪ ᱠᱷᱚᱱ ᱤᱨᱟᱹᱞ ᱪᱟᱱᱟᱪ ᱦᱟᱹᱵᱤᱡ ᱫᱚ ᱞᱟᱞᱯᱩᱨ ᱡᱚᱱᱤᱭᱚᱨ ᱦᱟᱭ ᱥᱠᱩᱞ ᱨᱮᱭᱮ ᱯᱟᱲᱦᱟᱣ ᱟᱠᱟᱫᱟ᱾ ᱟᱨᱮ ᱟᱨ ᱜᱮᱞ ᱪᱟᱱᱟᱪ ᱫᱚ ᱨᱟᱱᱤᱯᱩᱨ ᱠᱩᱞᱤᱭᱟᱨᱤ ᱦᱟᱭ ᱥᱠᱩᱞ ᱨᱮᱭᱮ ᱯᱟᱲᱦᱟᱣ ᱟᱠᱟᱫᱟ᱾ ᱱᱚᱶᱟ ᱥᱠᱩᱞ ᱠᱷᱚᱱ ᱜᱮ ᱒᱐᱐᱒ ᱥᱮᱨᱢᱟ ᱯᱟᱹᱦᱤᱞ ᱫᱷᱟᱯ ᱛᱮ ᱢᱮᱴᱨᱤᱠ ᱵᱤᱱᱤᱰ ᱫᱚᱭ ᱯᱟᱥ ᱞᱮᱫᱟ᱾ ᱒᱐᱐᱕ ᱥᱮᱨᱢᱟ ᱪᱮᱞᱤᱢᱟᱞᱟ ᱵᱤᱡᱚᱞᱤ ᱯᱨᱚᱵᱷᱟ ᱦᱟᱭᱟᱨ ᱥᱮᱠᱮᱱᱰᱟᱨ ᱥᱠᱩᱞ ᱠᱷᱚᱱ ᱮᱪᱹᱮᱥᱹ ᱫᱚᱭ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱯᱩᱨᱩᱞᱤᱭᱟᱹ ᱨᱮᱭᱟᱜ ᱡᱮᱹᱠᱮᱹ ᱠᱚᱞᱮᱡᱽ ᱠᱷᱚᱱ ᱥᱱᱟᱛᱚᱠ ᱰᱤᱜᱽᱨᱤ ᱦᱟᱢᱮᱴ ᱠᱮᱫᱟ᱾

ᱥᱟᱶᱦᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱱᱮᱥ ᱢᱟᱨᱟᱱᱰᱤ ᱚᱞ ᱟᱠᱟᱫ ᱯᱚᱛᱚᱵ ᱠᱚ ᱨᱮᱭᱟᱜ ᱛᱟᱹᱞᱠᱟᱹ ᱱᱚᱜ-ᱚᱭ ᱞᱟᱛᱟᱨ ᱨᱮᱺ

ᱜᱚᱱᱮᱥ ᱢᱟᱨᱟᱱᱰᱚ ᱚᱞ ᱯᱚᱛᱚᱵᱵ ᱠᱚ
ᱮᱞ ᱯᱚᱛᱚᱵ ᱧᱩᱛᱩᱢ ᱥᱚᱫᱚᱨ ᱥᱮᱨᱢᱟ ᱯᱟᱹᱨᱥᱤ
ᱟᱹᱠᱩᱛ ᱒᱐᱑᱖ ᱥᱟᱱᱛᱟᱞᱤ
ᱦᱚᱯᱚᱱ ᱢᱟᱹᱭ ᱒᱐᱑᱖ ᱥᱟᱱᱛᱟᱞᱤ
ᱮᱠᱩᱥ ᱥᱚᱛᱚᱠᱮᱨ ᱥᱟᱶᱛᱟᱞᱤ ᱵᱷᱟᱥ ᱚ ᱥᱟᱦᱤᱛᱮᱨ ᱤᱛᱤᱦᱟᱸᱥ ᱒᱐᱒᱑ ᱵᱟᱝᱞᱟ

ᱢᱟᱹᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱦᱤᱛᱭᱚ ᱟᱠᱟᱫᱮᱢᱤ ᱥᱤᱨᱯᱟᱹ ᱟᱛᱟᱝ ᱚᱠᱛᱮ ᱜᱚᱱᱮᱥ ᱢᱟᱨᱟᱱᱰᱤ

ᱜᱚᱱᱮᱥ ᱢᱟᱨᱟᱱᱰᱤ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱨᱮ ᱩᱱᱤᱭᱟᱜ ᱮᱱᱮᱢ ᱠᱷᱟᱹᱛᱤᱨ ᱩᱱᱤ ᱫᱚ ᱟᱭᱢᱟ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱜᱟᱶᱛᱟ ᱦᱚᱛᱮᱛᱮ ᱠᱚ ᱢᱟᱹᱱ ᱵᱮᱵᱷᱟᱨ ᱟᱠᱟᱫᱮᱭᱟ ᱾

  • ᱒᱐᱑᱘ ᱥᱮᱨᱢᱟ ᱨᱮ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱯᱟᱥᱴᱟ ᱥᱮᱡ ᱠᱷᱚᱱ ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ' ᱥᱤᱨᱯᱟᱹ ᱠᱚ ᱪᱟᱞ ᱟᱠᱟᱣᱫᱮᱭᱟ᱾
  • ᱒᱐᱒᱒ ᱥᱮᱨᱢᱟ ᱨᱮ ᱠᱮᱱᱫᱽᱨᱤᱭᱚ ᱥᱟᱦᱤᱛᱭᱚ ᱟᱠᱟᱫᱮᱢᱤ ᱯᱟᱥᱴᱟ ᱥᱮᱡ ᱠᱷᱚᱱ ᱡᱩᱶᱟᱹᱱ ᱥᱤᱨᱯᱟᱹ ᱠᱚ ᱪᱟᱞ ᱟᱠᱟᱣᱫᱮᱭᱟ᱾[᱑]

ᱥᱟᱹᱠᱷᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Banka, Neha (2022-11-13). "What a teacher's Sahitya Akademi award for Santali poetry means for students at an Adivasi school in West Bengal". The Indian Express. Retrieved 2023-01-03.