ᱯᱩᱨᱩᱞᱤᱭᱟᱹ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱯᱩᱨᱩᱞᱤᱭᱟᱹ ᱦᱚᱱᱚᱛ
ᱯᱩᱪᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱦᱚᱱᱚᱛ
ᱡᱚᱭᱪᱚᱸᱫᱤ ᱯᱟᱦᱟᱲ, ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮ ᱧᱩᱛᱩᱢᱟᱱ ᱧᱮᱞ ᱡᱚᱝ ᱛᱟᱞᱢᱟ
ᱡᱚᱭᱪᱚᱸᱫᱤ ᱯᱟᱦᱟᱲ, ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮ ᱧᱩᱛᱩᱢᱟᱱ ᱧᱮᱞ ᱡᱚᱝ ᱛᱟᱞᱢᱟ
ᱯᱩᱪᱪᱷᱤᱢ ᱰᱟᱝᱞᱟᱨᱮ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱵᱩᱴᱟᱹ
ᱯᱩᱪᱪᱷᱤᱢ ᱰᱟᱝᱞᱟᱨᱮ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱵᱩᱴᱟᱹ
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱯᱩᱪᱪᱷᱤᱢ ᱵᱟᱝᱞᱟ
ᱵᱤᱵᱷᱟᱜᱽ ᱢᱤᱫᱤᱱᱤᱯᱩᱨ
ᱵᱤᱫᱷᱟᱱ ᱥᱚᱵᱷᱟ ᱢᱟᱹᱪᱤ

ᱵᱚᱞᱚᱨᱟᱢᱯᱩᱨ, ᱵᱟᱸᱫᱳᱣᱟᱱ, ᱯᱟᱲᱟ, ᱨᱚᱜᱷᱩᱱᱟᱛᱷᱯᱩᱨ, ᱠᱟᱹᱥᱤᱯᱩᱨ, ᱦᱩᱲᱟ, ᱢᱟᱱᱵᱟᱡᱟᱨ, ᱡᱷᱟᱞᱫᱟ, ᱡᱚᱭᱯᱩᱨ,

ᱯᱩᱨᱩᱞᱤᱭᱟᱹ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • ᱞᱮᱠᱷᱟᱜᱩᱴ ᱒᱕,᱓᱖,᱕᱑᱖
ᱥᱤᱧᱚᱛᱤᱭᱟ. ᱚᱠᱛᱚ (UTC+᱕:᱓᱐)
ᱣᱮᱵᱽᱥᱟᱭᱤᱴ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱚᱣᱮᱵᱥᱟᱭᱤᱴ
ᱯᱩᱨᱩᱞᱤᱭᱟᱹ ᱛᱚᱞᱩᱠ ᱱᱚᱠᱥᱟ

ᱯᱩᱨᱩᱞᱤᱭᱟᱹ ᱦᱚᱱᱚᱛ ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱪᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱢᱮᱫᱤᱱᱤᱯᱩᱨ ᱵᱤᱵᱷᱟᱜᱽ ᱛᱟᱞᱟ ᱨᱮ ᱵᱟᱥᱟ ᱟᱠᱟᱱ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱦᱚᱱᱚᱛ ᱥᱚᱫᱚᱨ ᱫᱚ ᱯᱩᱨᱩᱞᱤᱭᱟᱹ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱥᱟᱢᱟᱝ ᱱᱟᱠᱷᱟ ᱫᱚ ᱵᱚᱨᱫᱷᱚᱢᱟᱱ, ᱵᱟᱸᱠᱩᱲᱟ ᱟᱨ ᱯᱩᱪᱪᱷᱤᱢ ᱢᱤᱫᱤᱱᱯᱩᱨ ᱦᱚᱱᱚᱛ ᱢᱮᱱᱟᱜ-ᱟ; ᱟᱨ ᱥᱟᱨᱮᱡ ᱯᱮ ᱱᱟᱠᱷᱟ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱛᱮ ᱜᱷᱮᱨᱟ ᱮᱥᱮᱫ ᱟᱠᱟᱱᱟ । ᱵᱟᱝᱞᱟ ᱯᱟᱹᱨᱥᱤ ᱟᱱᱫᱳᱞᱚᱱ ᱛᱟᱞᱟ ᱛᱮ ᱑᱙᱕᱖ ᱥᱟᱞ ᱨᱮ ᱢᱟᱨᱮ ᱵᱤᱦᱟᱨ ᱯᱚᱱᱚᱛ ᱨᱮᱱᱟᱜ ᱢᱟᱱᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱥᱚᱫᱚᱨ ᱫᱚ ᱯᱩᱨᱩᱞᱤᱭᱟᱹ ᱧᱩᱛᱩᱢᱛᱮ ᱯᱩᱪᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱥᱟᱶ ᱢᱤᱫ ᱟᱠᱟᱱᱟ ᱾ ᱮᱱ ᱦᱤᱞᱚᱜ ᱠᱷᱚᱱ ᱜᱮ ᱱᱚᱣᱟ ᱦᱚᱱᱚᱛ ᱫᱚ ᱯᱩᱪᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱚᱝᱥᱚ ᱦᱩᱭ ᱟᱠᱟᱱᱟ । ᱵᱟᱝᱜᱟᱞᱤ ᱟᱨ ᱥᱟᱱᱛᱟᱲ ᱱᱚᱣᱟ ᱦᱚᱱᱚᱛ ᱨᱤᱱ ᱛᱟᱸᱦᱮᱱ ᱠᱚᱫᱚ ᱾ ᱯᱩᱨᱩᱞᱤᱭᱟᱹ ᱫᱚ ᱯᱩᱪᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱠᱚᱢ ᱦᱚᱲ ᱟᱱ ᱦᱚᱱᱚᱛ ᱠᱟᱱᱟ ᱾ ᱨᱚᱜᱷᱩᱱᱟᱛᱷᱯᱩᱨᱼᱟᱫᱽᱨᱟ, ᱡᱷᱟᱞᱫᱟ ᱟᱨ ᱵᱚᱞᱚᱨᱟᱢᱯᱩᱨ ᱫᱚ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢᱟᱱ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ।

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱨᱩᱞᱤᱭᱟ. ᱦᱚᱱᱚᱛ ᱨᱮᱱᱟᱜ ᱢᱟᱨᱮ ᱱᱟᱜᱟᱢ ᱵᱟᱠᱷᱨᱟ ᱡᱟ.ᱥᱛᱤ ᱫᱚ ᱵᱟᱝ ᱵᱟᱰᱟᱭ ᱟᱠᱟᱱᱟ᱾ᱠᱤᱪᱷᱩ ᱢᱟᱨᱮ ᱯᱨᱚᱛᱽᱱᱚᱛᱟᱛᱛᱤᱠ ᱪᱤᱱᱦᱟ.ᱠᱚ ᱧᱮᱞ ᱠᱟᱛᱮᱜ ᱟᱭ ᱩᱢᱟ.ᱱ ᱜᱟᱱᱚᱜᱼᱟ᱾ ᱢᱚᱫᱽᱫᱷᱚᱡᱩᱜᱨᱮ ᱱᱚᱣᱟ ᱴᱚᱴᱷᱟ ᱫᱚ ᱵᱤᱨ ᱜᱟᱡᱟᱲ ᱛᱮ ᱯᱮᱨᱮᱪ ᱛᱟᱸᱦᱮ ᱠᱟᱱᱟ। ᱦᱚᱱᱚᱛ ᱨᱮᱱᱟᱜ ᱟ.ᱫᱷᱩᱱᱤᱠ ᱱᱟᱜᱟᱢ ᱨᱮᱱᱟᱜ ᱩᱯᱨᱩᱢ ᱵᱨᱤᱴᱤᱥ ᱡᱩᱜᱨᱮ। ᱱᱚᱣᱟ ᱚᱠᱛᱚ ᱵᱟᱝᱞᱟᱨᱮ ᱟ.ᱫᱤᱵᱟ.ᱥᱤ ᱦᱩᱞᱥᱟ.ᱭ ᱨᱮ ᱱᱚᱣᱟ ᱦᱚᱱᱚᱛ ᱵᱤᱥᱮᱥ ᱜᱚᱲᱚᱥᱚᱯᱚᱦᱚᱫᱮ ᱮᱢ ᱞᱮᱫᱟ। ᱥᱟᱱᱛᱟᱲ,ᱠᱳᱠ,ᱵᱷᱤᱞ, ᱪᱩᱣᱟᱲ ᱟᱨ ᱜᱚᱝᱜᱟᱱᱟᱨᱟᱭᱚᱱ ᱟᱜ ᱟ.ᱭᱩᱨᱛᱮ ᱠᱨᱤᱥᱚᱠ ᱵᱤᱫᱨᱳᱦᱚ ᱯᱩᱨᱩᱞᱤᱭᱟ. ᱨᱮ ᱤᱝᱨᱮᱡ ᱥᱟᱥᱚᱠ ᱠᱚ ᱵᱟᱨ ᱵᱟᱨ ᱠᱟ.ᱨᱤᱜᱷᱟᱢ ᱪᱟᱵᱟᱞᱮᱫ ᱠᱚᱣᱟᱭ। ᱯᱷᱩᱨᱜᱟ.ᱞ ᱢᱟᱨᱟᱝ ᱟᱨ ᱯᱷᱩᱨᱜᱟᱹᱞ ᱛᱟᱭᱚᱢ ᱵᱟᱝᱞᱟ ᱯᱟ.ᱨᱥᱤ ᱟᱨ ᱵᱚᱝᱜᱚᱵᱷᱩᱠᱛᱤ ᱨᱮᱱᱟᱜ ᱫᱟ.ᱵᱤ ᱱᱚᱣᱟ ᱦᱚᱱᱚᱛ ᱨᱮ ᱢᱤᱫᱴᱟᱝ ᱢᱟᱨᱥᱟᱞ ᱚᱠᱛᱚᱭ ᱛᱮᱭᱟᱨ ᱞᱮᱫᱟ ᱡᱟᱸᱦᱟ ᱫᱚ ᱱᱚᱣᱟ ᱦᱚᱱᱚᱛ ᱨᱮᱱ ᱦᱚᱲ ᱱᱤᱛᱦᱚᱸ ᱠᱚ ᱫᱤᱥᱟ.ᱭ ᱜᱮᱭᱟ।


ᱢᱟᱨᱮ ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱨᱤᱴᱤᱥ ᱡᱩᱜᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱗᱖᱕ ᱥᱟᱞ ᱨᱮ ᱤᱥᱴ ᱤᱱᱰᱤᱭᱟ ᱠᱳᱢᱯᱟᱱᱤ ᱵᱟᱝᱞᱟ ᱼᱵᱤᱦᱟᱨᱼᱳᱲᱤᱥᱥᱟ ᱨᱮ ᱫᱮᱣᱟᱱᱤᱠᱚ ᱧᱟᱢ ᱞᱮᱫ ᱨᱮᱦᱚᱸ ᱜᱟᱡᱟᱲ ᱛᱮ ᱯᱮᱨᱮᱪ ᱯᱩᱨᱩᱞᱤᱭᱟᱹ ᱴᱚᱴᱷᱟ ᱮᱥᱮᱫ ᱞᱟᱹᱜᱤᱫ ᱠᱟᱹᱨᱤᱜᱷᱟᱢ ᱪᱟᱵᱟ ᱞᱮᱱᱟ ᱠᱚ । ᱱᱚᱣᱟ ᱛᱟᱭᱱᱚᱢ ᱦᱚᱸ ᱱᱚᱣᱟ ᱴᱚᱴᱷᱟ ᱨᱮ ᱟᱭᱢᱟ ᱟᱹᱫᱤᱵᱟᱹᱥᱤ ᱦᱩᱞᱥᱟᱹᱭ ᱟᱨ ᱢᱟᱨᱟᱝ ᱢᱟᱨᱟᱝ ᱦᱩᱞᱥᱟᱹᱭ ᱠᱚᱦᱚᱸ ᱦᱩᱭᱩᱝ ᱠᱟᱱ ᱛᱟᱸᱦᱮ । ᱥᱚᱨᱠᱟᱨᱤ ᱠᱟᱹᱢᱤ ᱨᱮ ᱥᱩᱵᱤᱫᱷᱟ ᱞᱟᱹᱜᱤᱫ ᱑᱘᱐᱕ ᱥᱟᱞᱨᱮ ᱢᱟᱱᱵᱷᱩᱢ ᱥᱟᱶ ᱒᱓ ᱜᱚᱴᱟᱝ ᱯᱚᱨᱜᱚᱱᱟ ᱟᱨ ᱢᱚᱦᱚᱞ ᱟᱛᱮᱜ ᱡᱚᱱᱜᱚᱞᱢᱚᱦᱚᱞ ᱦᱚᱱᱚᱛ ᱠᱚ ᱛᱮᱭᱟᱨ ᱠᱮᱫᱟ । ᱢᱮᱱᱠᱷᱟᱱ ᱨᱟᱡ ᱟᱹᱨᱤ ᱠᱷᱟᱯᱟᱹᱨᱤ ᱨᱮ ᱯᱟᱲᱟᱣ ᱠᱟᱛᱮ ᱤᱝᱨᱮᱡ ᱥᱚᱨᱠᱟᱨ ᱑᱘᱓᱓ ᱥᱟᱞ ᱨᱮ ᱱᱚᱣᱟ ᱦᱚᱱᱚᱛ ᱨᱟᱹᱯᱩᱫ ᱠᱟᱛᱮᱜ ᱢᱟᱱᱵᱷᱩ ᱦᱚᱱᱚᱛ ᱮ ᱛᱮᱭᱟᱨ ᱠᱮᱫᱟ । ᱢᱟᱱᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱥᱚᱫᱚᱨ ᱫᱚ ᱦᱩᱭᱮᱱᱟ ᱢᱟᱱᱵᱟᱡᱟᱨ । ᱱᱮᱛᱟᱨ ᱨᱮᱱᱟᱜ ᱵᱚᱨᱫᱷᱚᱢᱟᱱ ᱟᱨ ᱵᱟᱸᱠᱩᱲᱟ ᱵᱟᱨᱭᱟ ᱦᱚᱱᱚᱛ ᱨᱮᱱᱟᱜ ᱠᱤᱪᱷᱩ ᱴᱚᱴᱷᱟ ᱩᱱ ᱚᱠᱛᱚ ᱢᱟᱱᱵᱷᱩᱢ ᱨᱮ ᱥᱮᱞᱮᱫ ᱛᱟᱸᱦᱮ ᱠᱟᱱᱟ। ᱱᱚᱣᱟ ᱚᱠᱛᱚ ᱠᱷᱚᱱ ᱜᱮ ᱱᱚᱣᱟ ᱯᱩᱨᱩᱞᱤᱟᱹ ᱫᱚ ᱵᱟᱹᱭ ᱵᱟᱹᱭᱛᱮ ᱥᱟᱦᱟᱨ ᱨᱮ ᱛᱮᱭᱟᱨ ᱮᱱᱟ ᱟᱨ ᱑᱘᱓᱘ ᱥᱟᱞ ᱨᱮ ᱱᱚᱣᱟ ᱥᱟᱦᱟᱨ ᱨᱮ ᱢᱟᱱᱵᱷᱩᱢ ᱨᱮᱱᱟᱜ ᱥᱚᱫᱚᱨ ᱟᱹᱯᱤᱥ ᱠᱚ ᱤᱫᱤ ᱞᱮᱫᱟ । ᱑᱙᱑᱑ ᱥᱟᱞ ᱨᱮ ᱢᱟᱱᱵᱷᱩᱢ ᱵᱟᱝᱞᱟ ᱠᱷᱚᱱ ᱟᱞᱮᱫᱟ ᱠᱟᱛᱮᱜ ᱵᱤᱦᱟᱨ ᱯᱚᱱᱚᱛ ᱥᱟᱶᱛᱮ ᱢᱮᱥᱟᱭᱮᱱᱟ ᱟᱨ ᱯᱷᱩᱨᱜᱟᱹᱞ ᱦᱟᱹᱵᱤᱡ ᱵᱤᱦᱟᱨ ᱨᱮᱜᱮ ᱥᱮᱞᱮᱫ ᱛᱟᱸᱦᱮ ᱠᱟᱱᱟ ।

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱫᱤᱱᱤᱯᱩᱨ ᱵᱤᱵᱷᱟᱜᱽ ᱨᱮᱭᱟᱜ ᱢᱚᱬᱮ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱯᱩᱨᱩᱞᱤᱭᱟᱹ ᱢᱤᱫᱴᱟᱹᱝ ᱧᱩᱛᱩᱢᱟᱱ ᱦᱚᱱᱚᱛ । ᱱᱚᱣᱟ ᱦᱚᱱᱚᱛ ᱮᱠᱷᱮᱱ ᱥᱟᱱᱟᱢ ᱵᱤᱵᱷᱟᱜᱽ ᱨᱮᱜᱮ ᱵᱟᱝ, ᱯᱩᱨᱟᱹ ᱯᱩᱪᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱯᱟᱪᱮ ᱱᱟᱠᱷᱟ ᱨᱮ ᱢᱮᱱᱟᱜ । ᱮᱛᱚᱢ ᱱᱟᱠᱷᱟ ᱨᱮ ᱒᱒°᱔᱓′ ᱩᱛᱛᱚᱨ ᱚᱠᱽᱠᱷᱟᱝᱥᱚ ᱠᱷᱚᱱ ᱠᱚᱸᱭᱮ ᱱᱟᱠᱷᱟ ᱒᱓°᱔᱒′ ᱩᱛᱛᱚᱨ ᱚᱠᱠᱷᱟᱝᱥᱚ ᱟᱨ ᱯᱟᱪᱮ ᱱᱟᱠᱷᱟ ᱘᱕°᱕᱙′ ᱥᱟᱢᱟᱝ ᱫᱨᱟᱜᱷᱤᱢᱟᱝᱥᱚ ᱠᱷᱚᱱ ᱥᱟᱢᱟᱝ ᱥᱮᱫ ᱘᱖°᱕᱔′ ᱥᱟᱢᱟᱝ ᱫᱨᱟᱜᱷᱤᱢᱟᱝᱥᱚ ᱢᱩᱫᱽᱨᱮ ᱱᱚᱣᱟ ᱦᱚᱱᱚᱛ ᱢᱮᱱᱟᱜᱼᱟ । ᱦᱚᱱᱚᱛ ᱨᱮᱱᱟᱜ ᱢᱳᱴ ᱚᱛᱱᱚᱜ ᱥᱟᱛᱟᱦᱟᱵᱽ ᱖᱒᱕᱙ ᱜᱟᱺᱴ ᱠᱤᱞᱳᱢᱤᱴᱟᱨ (ᱯᱩᱪᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱯᱩᱱ ᱟᱱ ᱢᱟᱨᱟᱝ ᱦᱚᱱᱚᱛ) । ᱦᱚᱱᱚᱛ ᱨᱮᱱᱟᱜ ᱥᱚᱫᱚᱨ ᱫᱚ ᱯᱩᱨᱩᱞᱤᱭᱟᱹ ᱒᱓°᱒᱐′ ᱩᱛᱛᱚᱨ ᱚᱠᱠᱷᱟᱝᱥᱚ ᱟᱨ ᱘᱗°᱕᱑′ ᱥᱟᱢᱟᱝ ᱫᱨᱟᱜᱷᱤᱢᱟᱝᱥᱚ ᱨᱮ ᱢᱮᱱᱟᱜᱼᱟ । ᱦᱚᱱᱚᱛ ᱨᱮᱱᱟᱜ ᱨᱟᱡᱽ ᱟᱹᱨᱤ ᱥᱤᱢᱟᱹᱱᱟ ᱫᱚ ᱩᱛᱛᱚᱨ, ᱯᱟᱪᱮ ᱟᱨ ᱮᱛᱚᱢ ᱥᱮᱫ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ, ᱠᱚᱭᱮᱸ ᱼᱥᱟᱢᱟᱝ ᱥᱮᱫ ᱯᱟᱪᱮ ᱵᱚᱨᱫᱷᱚᱢᱟᱱ ᱦᱚᱱᱚᱛ, ᱥᱟᱢᱟᱝ ᱥᱮᱫ ᱵᱟᱸᱠᱩᱲᱟ ᱦᱚᱱᱚᱛ ᱟᱨ ᱮᱛᱚᱢ ᱼᱥᱟᱢᱟᱝ ᱥᱮᱫ ᱯᱩᱪᱪᱷᱤᱢ ᱢᱤᱫᱤᱱᱤᱯᱩᱨ ᱦᱚᱱᱚᱛ ᱥᱟᱶ ᱢᱮᱥᱟ ᱟᱠᱟᱱᱟ ।


ᱚᱛᱱᱚᱜ ᱜᱚᱴᱷᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱴᱷᱚᱱ ᱞᱮᱠᱟᱛᱮ ᱫᱟᱢᱚᱫᱚᱨ ᱟᱵᱚᱦᱚᱵᱤᱠᱟ ᱟᱨ ᱪᱷᱚᱴᱟᱱᱟᱜᱽᱯᱩᱨ ᱢᱟᱞᱵᱷᱩᱢᱤ ᱨᱮᱱᱟᱜ ᱥᱟᱢᱟᱝ ᱥᱤᱢᱟᱹᱱᱟ ᱥᱮᱫ ᱢᱮᱱᱟᱜ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱟᱺᱪᱤ ᱥᱚᱢᱚᱯᱨᱟᱭᱵᱷᱩᱢᱤ ᱨᱮ ᱛᱷᱟᱯᱚᱱ ᱢᱮᱱᱟᱜᱼᱟ । ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱚᱛᱱᱚᱜ ᱜᱚᱴᱷᱚᱱ ᱫᱚ ᱦᱩᱭᱩᱜ ᱠᱟᱱᱟ ᱚᱠᱟᱨᱮᱫᱚ ᱪᱮᱛᱟᱱ, ᱚᱠᱟᱨᱮᱫᱚ ᱞᱟᱛᱟᱨ ᱴᱚᱴᱷᱟ । ᱪᱮᱛᱟᱱ ᱩᱥᱩᱞ ᱵᱩᱨᱩ ᱟᱨ ᱞᱟᱛᱟᱨ ᱨᱮᱱᱟᱜ ᱴᱚᱴᱷᱟ ᱨᱮ ᱯᱷᱟᱨᱟᱠ ᱫᱚ ᱓᱐ ᱢᱤᱴᱟᱨ ᱠᱟᱱᱟ । ᱱᱚᱣᱟ ᱚᱛᱱᱚᱠ ᱜᱚᱴᱷᱚᱱ ᱨᱮᱱᱟᱜ ᱩᱥᱩᱞ ᱟᱨ ᱪᱮᱛᱟᱱ ᱑᱕᱐-᱓᱐᱐ ᱢᱤᱴᱚᱨ । ᱓᱐᱐ ᱢᱤᱴᱚᱨ ᱨᱮ ᱢᱮᱱᱟᱜ ᱡᱷᱟᱞᱫᱟ, ᱵᱟᱜᱢᱩᱱᱰᱤ, ᱵᱚᱨᱟᱵᱟᱡᱟᱨ, ᱟᱨᱥᱟ, ᱵᱚᱞᱚᱨᱟᱢᱯᱩᱨ ᱟᱨ ᱵᱟᱱᱫᱳᱣᱟᱱ ᱨᱮᱱᱟᱜ ᱪᱮᱛᱟᱱ ᱥᱚᱢᱚᱯᱨᱟᱭᱵᱷᱩᱢᱤ ᱫᱚ ᱦᱚᱱᱚᱛ ᱨᱮᱱᱟᱜ ᱵᱟᱹᱠᱤ ᱥᱚᱢᱟᱱ ᱴᱚᱴᱷᱟ ᱠᱷᱚᱱ ᱟᱞᱮᱫᱟ ᱟᱠᱟᱫᱟᱭ । ᱦᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱴᱚᱴᱷᱟ ᱜᱮ ᱥᱚᱢᱚᱵᱷᱩᱢᱤ ᱴᱚᱴᱷᱟ ᱠᱟᱱᱟ । ᱯᱟᱪᱮ ᱥᱮᱱᱟᱜ ᱢᱟᱞᱵᱷᱩᱢᱤ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱪᱮᱛᱟᱱ ᱴᱚᱴᱷᱟ ᱫᱚ ᱚᱡᱚᱫᱽᱫᱷᱟ ᱵᱩᱨᱩ (᱖᱗᱐ ᱢᱤᱴᱟᱨ)। ᱱᱚᱣᱟ ᱪᱷᱟᱰᱟ ᱮᱛᱚᱢ ᱥᱮᱫ ᱫᱚᱞᱢᱟ ᱵᱩᱨᱩ (᱓᱕᱖ ᱢᱤᱴᱟᱨ) ᱟᱨ ᱠᱚᱭᱮᱸ-ᱥᱟᱢᱟᱝ ᱥᱮᱫ ᱯᱟᱧᱪᱮᱛ ᱵᱩᱨᱩᱦᱚᱸ ᱧᱩᱛᱩᱢᱟᱱ ᱵᱩᱨᱩ । ᱚᱡᱚᱫᱽᱫᱷᱟ ᱵᱩᱨᱩ ᱨᱮᱱᱟᱜ ᱜᱳᱨᱜᱟᱵᱩᱨᱩ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱟᱨ ᱯᱩᱪᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱯᱟᱪᱪᱷᱮ ᱱᱟᱠᱷᱟ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱩᱥᱩᱞ ᱵᱩᱨᱩ ᱪᱩᱲᱟ। ᱚᱛᱱᱚᱠ ᱜᱚᱴᱷᱚᱱ ᱞᱮᱠᱟᱛᱮ ᱱᱚᱣᱟ ᱦᱚᱱᱚᱛ ᱯᱮᱭᱟ ᱦᱟ.ᱴᱤᱝ ᱛᱮ ᱦᱟᱹᱴᱤᱝ ᱟᱠᱟᱱᱟ ᱼ (᱑) ᱯᱟᱪᱷᱮ ᱟᱨ ᱮᱛᱚᱢ ᱥᱮᱱᱟᱜ ᱪᱮᱛᱟᱱ ᱞᱟᱛᱟᱨ ᱵᱩᱨᱩ ᱴᱚᱴᱷᱟ,(᱒) ᱞᱮᱴᱮᱨᱟᱭᱤᱴ ᱩᱥᱩᱞ ᱴᱚᱴᱷᱟ ᱟᱨ ᱦᱟᱹᱴᱤᱝ ᱵᱩᱨᱩ ᱰᱷᱤᱯ ᱟᱨ (᱓) ᱯᱟᱞᱚᱞᱤᱠ ᱥᱚᱢᱚᱵᱷᱩᱢᱤ।

ᱱᱟ.ᱭ ᱜᱟᱰᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱨᱩᱞᱤᱟ. ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢᱟᱱ ᱜᱟᱰᱟ ᱠᱚᱫᱚ ᱦᱩᱭᱩᱜ ᱠᱟᱱᱟ – ᱠᱚᱝᱥᱟᱵᱚᱛᱤ, ᱫᱟᱢᱚᱫᱚᱨ, ᱥᱚᱵᱚᱨᱱᱟᱠᱷᱟ, ᱠᱩᱢᱟᱨᱤ ᱮᱢᱟᱱ ᱮᱢᱟᱱ । ᱚᱛᱱᱚᱜ ᱜᱚᱴᱷᱚᱱ ᱨᱮᱱᱟᱜ ᱰᱷᱟᱞ ᱞᱮᱠᱟᱛᱮ ᱦᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱜᱟᱰᱟ ᱜᱮ ᱥᱟᱢᱟᱝ ᱥᱮᱫ ᱥᱮ ᱮᱛᱚᱢ-ᱥᱟᱢᱟᱝ ᱥᱮᱫ ᱞᱤᱸᱜᱤ ᱟᱠᱟᱱᱟ । ᱮᱠᱮᱱ ᱠᱚᱝᱥᱟᱵᱚᱛᱤ ᱜᱟᱰᱟ ᱜᱮ ᱮᱛᱚᱢ ᱟᱨ ᱮᱛᱚᱢ-ᱯᱟᱪᱪᱷᱮ ᱥᱮᱱ ᱞᱤᱸᱜᱤ ᱟᱠᱟᱱᱟ । ᱢᱟᱞᱵᱷᱩᱢᱤ ᱴᱚᱴᱷᱟ ᱠᱷᱚᱱ ᱩᱰᱩᱝ ᱟᱠᱟᱱᱛᱮ ᱱᱚᱣᱟ ᱜᱟᱰᱟᱠᱚ ᱫᱟᱜ ᱵᱟᱝ ᱛᱟᱦᱮᱱᱟ ᱟᱨ ᱜᱷᱟᱱᱮ ᱜᱷᱟᱱᱮ ᱱᱚᱣᱟ ᱜᱟᱰᱟ ᱠᱚᱨᱮ ᱯᱷᱞᱮᱥ ᱥᱮ ᱡᱷᱚᱞᱚᱠ ᱵᱟᱱ ᱧᱮᱞ ᱧᱟᱢᱚᱜ-ᱟ ।

ᱠᱚᱝᱥᱟᱵᱚᱛᱤ ᱥᱮ ᱠᱟᱸᱥᱟᱭ ᱜᱟᱰᱟ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱢᱩᱞ ᱜᱟᱰᱟ ᱠᱟᱱᱟ। ᱱᱚᱣᱟ ᱜᱟᱰᱟ ᱚᱡᱚᱫᱽᱫᱷᱟ ᱢᱟᱞᱵᱷᱩᱢᱤ ᱨᱮᱱᱟᱜ ᱩᱛᱛᱚᱨ ᱰᱷᱟᱞ ᱠᱷᱚᱱ ᱡᱟᱱᱟᱢ ᱠᱟᱛᱮᱜ ᱮᱛᱚᱢ ᱠᱚᱭᱮᱸ ᱥᱮᱫ ᱞᱤᱸᱜᱤ ᱟᱠᱟᱱᱟ । ᱠᱩᱢᱟᱨᱤ ᱜᱟᱰᱟ ᱠᱚᱝᱥᱟᱵᱚᱛᱤ ᱜᱟᱰᱟ ᱠᱷᱚᱱ ᱡᱟ.ᱥᱛᱤ ᱧᱩᱢᱟᱱ ᱪᱟᱸᱜᱟ ᱜᱟᱰᱟ । ᱱᱚᱣᱟ ᱜᱟᱰᱟ ᱵᱟᱜᱢᱩᱱᱰᱤ ᱵᱩᱨᱩ ᱠᱷᱚᱱ ᱡᱟᱱᱟᱢ ᱠᱟᱛᱮᱜ ᱮᱛᱚᱢ-ᱥᱟᱢᱟᱝ ᱥᱮᱫ ᱞᱤᱸᱜᱤ ᱟᱠᱟᱱᱟ । ᱱᱚᱣᱟ ᱯᱚᱱᱚᱛ ᱨᱮ ᱠᱚᱝᱥᱟᱵᱚᱛᱤ ᱜᱟᱰᱟ ᱨᱮᱱᱟᱜ ᱪᱟᱸᱜᱟ ᱜᱟᱰᱟ ᱠᱚᱫᱚ ᱦᱩᱭᱩᱜ ᱠᱟᱱᱟ - ᱥᱟᱦᱟᱨᱟ ᱡᱳᱲ, ᱵᱟᱱᱫᱷᱩ ᱜᱟᱰᱟ, ᱦᱳᱵᱨᱤ ᱡᱳᱨᱤ, ᱦᱚᱱᱩᱢᱚᱱᱛᱚ ᱜᱟᱰᱟ, ᱪᱟᱠᱱᱟ ᱜᱟᱰᱟ, ᱛᱮᱨᱮ ᱜᱟᱰᱟ ᱮᱢᱟᱱ ᱮᱢᱟᱱ । ᱥᱚᱵᱚᱨᱱᱟᱠᱷᱟ ᱜᱟᱰᱟ ᱫᱚ ᱦᱚᱱᱚᱛ ᱨᱮᱱᱟᱜ ᱯᱟᱪᱮ ᱫᱷᱟᱨᱮ ᱛᱮ ᱞᱤᱸᱜᱤ ᱟᱠᱟᱱᱟ । ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱢᱩᱬ ᱪᱟᱸᱜᱟ ᱜᱟᱰᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱼ ᱨᱩᱯᱟᱹᱭ, ᱨᱟᱲᱰᱩ, ᱥᱟᱱᱦᱟ ᱟᱨ ᱥᱚᱝᱠᱷᱚ ᱜᱟᱰᱟ । ᱫᱟᱢᱚᱫᱚᱨ ᱜᱟᱰᱟ ᱦᱚᱱᱚᱛ ᱨᱮᱱᱟᱜ ᱠᱚᱭᱮᱸ ᱥᱚᱢᱟᱱᱛᱮ ᱟᱨ ᱫᱟᱨᱠᱮᱥᱚᱨ ᱜᱟᱰᱟ ᱠᱚᱭᱮᱸᱼᱥᱟᱢᱟᱝ ᱥᱮᱫ ᱵᱚᱨᱟᱵᱚᱨ ᱞᱤᱸᱜᱤ ᱟᱠᱟᱱᱟ । ᱢᱟᱞᱵᱷᱩᱢᱤ ᱠᱷᱚᱱ ᱡᱟᱱᱟᱢ ᱟᱠᱟᱱᱛᱮ ᱨᱮᱭᱟᱲ ᱟᱨ ᱥᱤᱛᱩᱝ ᱨᱤᱛᱩᱨᱮ ᱦᱚᱱᱚᱛ ᱨᱮᱱᱟᱜ ᱜᱟᱰᱟ ᱠᱚᱨᱮ ᱫᱟᱜ ᱟᱹᱰᱤ ᱠᱚᱢ ᱛᱟᱦᱮᱱᱟ; ᱢᱮᱱᱠᱷᱟᱱ ᱡᱟᱹᱯᱩᱫ ᱫᱤᱱ ᱫᱚ ᱫᱟᱜ ᱟᱭᱢᱟ ᱥᱟᱹᱥᱛᱤᱜ-ᱟ; ᱜᱷᱟᱱᱮ ᱜᱷᱟᱱᱮ ᱱᱚᱣᱟ ᱜᱟᱰᱟ ᱠᱚᱨᱮ ᱵᱟᱱ ᱦᱚᱸ ᱦᱩᱭᱩᱜ ᱜᱮᱭᱟ ।

ᱫᱟᱜᱼᱦᱚᱭ ᱦᱤᱥᱤᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱸᱰᱮ ᱫᱷᱚᱨᱱ ᱫᱤᱱ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱟᱨ ᱥᱟᱱᱟᱢ ᱠᱷᱚᱱ ᱠᱚᱢ ᱞᱚᱞᱚ ᱛᱟᱦᱮᱱᱟ ᱔᱕° ᱥᱮᱱᱴᱤᱜᱨᱮᱰᱽ ᱟᱨ ᱒᱖° ᱥᱮᱱᱴᱤᱜᱨᱰᱽ ᱟᱨ ᱨᱟᱵᱟᱝ ᱫᱤᱱ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱟᱨ ᱥᱟᱱᱟᱢ ᱠᱷᱚᱱ ᱠᱚᱢ ᱞᱚᱞᱚ ᱛᱟᱦᱮᱱᱟ ᱒᱘° ᱥᱮᱱᱴᱤᱜᱨᱮᱰ ᱟᱨ ᱘° ᱥᱮᱱᱴᱤᱜᱨᱟᱰ । ᱥᱤᱛᱩᱝᱵᱨᱤᱛᱩ ᱫᱚᱢᱮ ᱞᱚᱞᱚ ᱟᱨ ᱨᱟᱵᱟᱝ ᱨᱤᱛᱩ ᱨᱮ ᱟᱭᱢᱟ ᱨᱟᱵᱟᱝ ᱵᱩᱡᱷᱼᱦᱟᱹᱜᱼᱟ।

ᱦᱚᱱᱚᱛ ᱨᱮᱱᱟᱜ ᱥᱮᱨᱢᱟᱠᱤᱭᱟᱹ ᱢᱳᱴ ᱫᱟᱜ ᱡᱟᱹᱲᱤ ᱨᱮᱱᱟᱜ ᱯᱚᱨᱤᱢᱟᱱ ᱑᱐᱕᱐ᱼ᱑᱔᱒᱐ ᱢᱤᱞᱤᱞᱤᱴᱟᱨ। ᱢᱮᱱᱠᱷᱟᱱ ᱥᱤᱛᱩᱝ ᱫᱤᱱ ᱫᱟᱜ ᱡᱟᱹᱲᱤ ᱠᱚᱢ ᱦᱩᱭᱩᱜ ᱛᱮ ᱟᱭᱢᱟ ᱚᱠᱛᱚ ᱦᱟᱥᱟ ᱠᱚ ᱨᱚᱦᱚᱲ ᱪᱟᱵᱟ ᱩᱛᱟᱹᱨᱚᱜᱼᱟ । ᱡᱩᱱ ᱠᱷᱚᱱ ᱚᱠᱴᱳᱵᱚᱨ ᱨᱮᱱᱟᱜ ᱯᱩᱭᱞᱩ ᱦᱟᱯᱛᱟ ᱢᱩᱫᱨᱮ ᱦᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱫᱟᱜ ᱡᱟᱹᱲᱤ ᱦᱩᱭ ᱥᱟᱹᱛᱟᱹᱜᱼᱟ । ᱵᱚᱪᱷᱚᱨ ᱨᱮᱱᱟᱜ ᱮᱴᱟᱜ ᱚᱠᱛᱚ ᱨᱮ ᱦᱚᱭ ᱦᱤᱥᱤᱫ ᱨᱚᱦᱚᱲ ᱜᱮ ᱛᱟᱦᱮᱱᱟ ।


ᱫᱟᱨᱮ ᱱᱟᱹᱲᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱵᱤᱨ ᱜᱟᱡᱟᱲ ᱫᱚ ᱟᱥᱚᱞᱨᱮ ᱠᱨᱟᱱᱛᱤᱭᱚ ᱵᱤᱨ ᱜᱟᱡᱟᱲ । ᱢᱮᱱᱮᱫ ᱫᱚ ᱡᱟᱸᱦᱟ ᱫᱟᱨᱮ ᱱᱟᱹᱲᱤ ᱠᱚ ᱱᱚᱸᱰᱮ ᱧᱮᱞ ᱧᱟᱢᱚᱜᱼᱟ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ - ᱥᱟᱨᱡᱚᱢ, ᱟᱥᱟᱱ, ᱠᱩᱥᱩᱢ, ᱵᱚᱦᱮᱨᱟ, ᱟᱢᱞᱚᱠᱤ, ᱢᱟᱛᱠᱚᱢ, ᱢᱩᱨᱩᱛ, ᱠᱩᱫᱽ, ᱥᱤᱢᱩᱞ, ᱥᱤᱨᱤᱥ, ᱚᱨᱡᱩᱱ, ᱦᱚᱨᱤᱛᱚᱠᱤ, ᱱᱤᱢ, ᱥᱟᱥᱟᱝ, ᱴᱤᱠ ᱟᱨ ᱢᱟᱫ ᱫᱟᱨᱮ ᱮᱢᱟᱱ ᱮᱢᱟᱱ ᱾ ᱱᱚᱣᱟ ᱵᱤᱨ ᱧᱮᱞ ᱧᱟᱢᱚᱜ-ᱟ ᱵᱩᱨᱩ ᱟᱨ ᱵᱩᱨᱩ ᱟᱲᱮᱯᱟᱥᱮ ᱴᱚᱴᱷᱟ ᱠᱚᱨᱮ ।

ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱗᱕.᱐᱕ ᱜᱮᱥᱟᱭ ᱦᱮᱠᱴᱚᱨ ᱡᱟᱭᱜᱟᱨᱮ ᱵᱤᱨ ᱢᱮᱱᱟᱜᱼᱟ ᱾ ᱱᱚᱣᱟ ᱵᱤᱨ ᱠᱚ ᱠᱚᱭᱮᱠᱴᱤ ᱦᱟᱹᱴᱤᱝ ᱨᱮ ᱦᱟᱹᱴᱤᱝ ᱟᱠᱟᱱᱟ᱾ ᱡᱮᱞᱮᱠᱟ - ᱯᱮᱨᱮᱪ ᱥᱟᱨᱡᱚᱢ ᱵᱤᱨ,ᱢᱮᱥᱟᱞ ᱯᱮᱨᱮᱪ ᱵᱤᱨ, ᱢᱩᱠᱛᱚ ᱥᱟᱨᱡᱚᱢ ᱵᱤᱨᱢᱮᱥᱟᱞ ᱢᱩᱠᱛᱚ ᱵᱤᱨ । ᱱᱚᱣᱟ ᱪᱷᱟᱰᱟ ᱥᱟᱶᱛᱟ ᱠᱚᱨᱮ ᱫᱟᱨᱮ ᱵᱟᱧᱪᱟᱣ ᱞᱟ.ᱜᱤᱫ ᱚᱨᱡᱩᱱ, ᱥᱤᱨᱤᱥ, ᱢᱟᱛᱠᱚᱢ, ᱱᱤᱢ, ᱟᱢᱞᱚᱠᱤ, ᱢᱟᱫ, ᱥᱮᱜᱩᱱ, ᱵᱟᱵᱽᱞᱟ, ᱠᱩᱥᱩᱢ, ᱦᱚᱨᱤᱛᱚᱠᱤ, ᱤᱭᱩᱠᱮᱞᱤᱯᱴᱟᱥ, ᱟᱠᱟᱥᱢᱚᱱᱤ ᱮᱢᱟᱱ ᱫᱟᱨᱮ ᱠᱚ ᱨᱚᱦᱚᱭ ᱜᱮᱭᱟ ᱾ ᱦᱚᱱᱚᱛ ᱨᱮᱱᱟᱜ ᱮᱛᱟᱢ-ᱥᱟᱢᱟᱝ ᱥᱮᱫ ᱥᱟᱵᱟᱭ ᱜᱷᱟᱥ ᱨᱮᱱᱟᱜ ᱜᱟᱡᱟᱲ ᱧᱮᱞᱚᱜ ᱜᱮᱭᱟ ।

ᱯᱨᱚᱥᱟᱥᱚᱱᱤᱠ ᱵᱤᱵᱷᱟᱜᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱨᱩᱞᱤᱭᱟᱹ ᱦᱚᱱᱚᱛ ᱯᱮᱭᱟ ᱢᱚᱦᱚᱠᱩᱢᱟ ᱨᱮ ᱦᱟᱹᱴᱤᱝ ᱛᱮ ᱦᱟᱹᱴᱤᱝ ᱟᱠᱟᱱᱟ । ᱱᱚᱣᱟ ᱠᱚᱫᱚ ᱦᱩᱭᱩᱜ ᱠᱟᱱᱟ - ᱯᱩᱨᱩᱞᱤᱭᱟ ᱥᱚᱫᱚᱨ, ᱡᱷᱟᱞᱫᱟ ᱟᱨ ᱨᱚᱜᱷᱩᱱᱟᱛᱷᱯᱩᱨ । ᱯᱩᱨᱩᱞᱤᱭᱟ ᱥᱚᱫᱚᱨ ᱢᱚᱦᱚᱠᱩᱢᱟ ᱨᱮ ᱢᱮᱱᱟᱜ-ᱟ ᱯᱩᱨᱩᱞᱤᱭᱟ ᱯᱩᱨᱚᱥᱚᱵᱷᱟ ᱟᱨ ᱮᱭᱟᱭ ᱜᱚᱴᱟᱝ ᱥᱚᱢᱚᱵᱷᱩᱢᱤ ᱩᱱᱱᱚᱭᱚᱱ ᱵᱞᱚᱠ - ᱢᱟᱱᱵᱟᱡᱟᱨᱼ᱑, ᱢᱟᱱᱵᱟᱡᱟᱨᱼ᱒, ᱵᱟᱱᱫᱳᱣᱟᱱ, ᱯᱩᱨᱩᱞᱤᱭᱟᱼ᱑, ᱯᱩᱨᱩᱞᱤᱭᱟᱼ᱒, ᱦᱩᱲᱟ ᱟᱨ ᱯᱩᱧᱪᱟ । ᱡᱷᱟᱞᱫᱟ ᱢᱚᱦᱚᱠᱩᱢᱟ ᱨᱮ ᱢᱮᱱᱟᱜ-ᱟ ᱡᱷᱟᱞᱫᱟ ᱯᱩᱨᱚᱥᱚᱵᱷᱟ ᱟᱨ ᱮᱭᱟᱭ ᱜᱚᱴᱟᱝ ᱥᱚᱢᱚᱵᱷᱩᱢᱤ ᱩᱱᱱᱚᱭᱚᱱ ᱵᱞᱚᱠ - ᱡᱷᱟᱞᱫᱟᱼ᱑, ᱡᱷᱟᱞᱫᱟᱼ᱒, ᱡᱚᱭᱯᱩᱨ, ᱟᱲᱥᱟ, ᱵᱟᱜᱽᱢᱩᱱᱰᱤ, ᱵᱚᱞᱚᱨᱟᱢᱯᱩᱨ ᱟᱨ ᱵᱚᱨᱟᱵᱟᱡᱟᱨ ᱾ ᱨᱚᱜᱷᱩᱱᱟᱛᱷᱯᱩᱨ ᱢᱚᱦᱚᱠᱩᱢᱟ ᱨᱮ ᱢᱮᱱᱟᱜᱼᱟ ᱼ ᱨᱚᱜᱷᱩᱱᱟᱛᱷᱯᱩᱨ ᱯᱩᱨᱚᱥᱚᱵᱷᱟ ᱟᱨ ᱛᱩᱨᱩᱭ ᱜᱚᱴᱟᱝ ᱥᱚᱢᱚᱵᱷᱩᱢᱤ ᱩᱱᱱᱚᱭᱚᱱ ᱵᱞᱚᱠ ᱼ ᱯᱟᱲᱟ, ᱨᱚᱜᱷᱩᱱᱟᱛᱷᱯᱩᱨᱼ᱑, ᱨᱚᱜᱷᱩᱱᱟᱛᱷᱯᱩᱨᱼ᱒, ᱱᱤᱛᱩᱲᱤᱭᱟᱹ, ᱥᱟᱸᱛᱩᱲᱤ ᱟᱨ ᱠᱟᱹᱥᱤᱯᱩᱨ । ᱯᱩᱨᱩᱞᱤᱭᱟᱹ ᱥᱟᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱯᱚᱞᱴᱚᱱᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱦᱚᱱᱚᱛ ᱥᱚᱫᱚᱨ । ᱱᱚᱣᱟ ᱦᱚᱱᱚᱛ ᱨᱮ ᱒᱑ᱜᱟᱴᱟᱝ ᱛᱷᱟᱱᱟ, ᱒᱐ ᱜᱚᱴᱟᱝ ᱥᱚᱢᱚᱵᱷᱩᱢᱤ ᱩᱱᱱᱚᱭᱚᱱ ᱵᱞᱚᱠ, ᱓ ᱜᱚᱴᱟᱝ ᱯᱩᱨᱚᱥᱚᱵᱷᱟ, ᱑᱗᱐ ᱜᱚᱴᱟᱝ ᱯᱚᱧᱪᱟᱭᱮᱛ ᱟᱨ᱒᱔᱕᱙ ᱜᱚᱴᱟᱝ ᱟᱹᱛᱩ ᱢᱮᱱᱟᱜᱼᱟ ।

ᱦᱚᱲ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱦᱤᱥᱟ.ᱵᱛᱮ ᱯᱩᱨᱩᱞᱤᱭᱟ. ᱦᱚᱱᱚᱛ ᱨᱮᱱᱟᱜ ᱦᱚᱲ-ᱮᱞ ᱒᱙,᱒᱗,᱙᱖᱕ ᱦᱚᱲ, ᱡᱟᱸᱦᱟᱫᱚ ᱡᱟᱢᱟᱭᱠᱟ ᱥᱮ ᱟᱢᱮᱨᱤᱠᱟ ᱢᱩᱠᱛᱚᱨᱟᱥᱴᱨᱚ ᱨᱮᱱᱟᱜ ᱟᱨᱠᱟᱱᱥᱟᱥ ᱯᱚᱱᱚᱛ ᱨᱮᱱᱟᱜ ᱥᱚᱢᱟᱱ। ᱦᱚᱲ-ᱮᱞ ᱞᱮᱠᱟᱛᱮ ᱯᱩᱨᱩᱞᱤᱭᱟ. ᱦᱚᱱᱚᱛ ᱥᱤᱧᱚᱛ ᱨᱮᱱᱟᱜ ᱑᱒᱙ᱟᱱ ᱦᱚᱱᱚᱛ (ᱢᱳᱴ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱨᱮ)। ᱯᱩᱨᱩᱞᱤᱭᱟ. ᱦᱚᱱᱚᱛ ᱨᱮ ᱢᱤᱫ ᱵᱚᱨᱜᱚ ᱠᱤᱞᱳᱢᱤᱴᱟᱨ ᱨᱮ ᱢᱮᱱᱟᱜ ᱠᱚᱣᱟ ᱔᱖᱘ ᱦᱚᱲ। ᱯᱩᱨᱩᱞᱤᱭᱟ. ᱦᱚᱱᱚᱛ ᱨᱮ ᱛᱤᱨᱞᱟ.- ᱠᱚᱲᱟᱼᱛᱤᱨᱞᱟ ᱚᱱᱩᱯᱟᱛ ᱙᱔᱐ ᱦᱚᱲ ᱛᱤᱨᱞᱟ. ᱢᱮᱱᱟᱜ ᱠᱚᱣᱟ ᱑᱐᱐᱐ ᱦᱚᱲ ᱠᱚᱲᱟ ᱛᱟᱭᱚᱢ ᱨᱮ ᱟᱨ ᱚᱞᱚᱜ ᱞᱚᱲᱦᱚᱱ ᱨᱮᱱᱟᱜ ᱦᱟᱨ ᱖᱕ᱹ᱓᱘%।

ᱯᱚᱨᱚᱵ ᱯᱩᱱᱟ.ᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

 ᱫᱩᱨᱜᱟᱯᱩᱡᱟ.

ᱧᱮᱞ ᱡᱚᱝ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱨᱩᱞᱤᱭᱟ. ᱦᱚᱱᱚᱛ ᱨᱮ ᱟᱭᱢᱟ ᱴᱚᱴᱷᱟ ᱠᱚᱨᱮ ᱧᱮᱞᱡᱚᱝ ᱴᱷᱟᱶ ᱥᱤᱞᱯᱚ ᱛᱮᱭᱟᱨ ᱨᱮᱱᱟᱜ ᱥᱚᱢᱵᱷᱚᱱᱟ ᱢᱮᱱᱟᱜᱼᱟ। ᱵᱟᱝᱞᱟ ᱨᱮᱱᱟᱜ ᱱᱟᱜᱟᱢᱤᱭᱟ. ᱴᱷᱟᱶ ᱟᱨ ᱯᱨᱟᱠᱨᱤᱛᱤᱠ ᱢᱚᱡ ᱧᱮᱞᱡᱚᱝ ᱴᱷᱟᱶ ᱠᱚ ᱯᱩᱨᱩᱞᱤᱭᱟ. ᱨᱮ ᱢᱮᱱᱟᱜᱼᱟ।ᱵᱟ.ᱲᱤᱪ ,ᱠᱚᱢ ᱦᱚᱨ ᱰᱟᱦᱟᱨ,ᱨᱟᱡ ᱟ.ᱨᱤ ᱠᱷᱟ.ᱯᱟ.ᱨᱤ ᱟᱨ ᱥᱚᱨᱠᱟᱨᱟᱜ ᱢᱚᱱᱮ ᱵᱟᱝᱛᱮ ᱯᱩᱨᱩᱞᱤᱭᱟ. ᱛᱟᱭᱱᱚᱢ ᱟᱠᱟᱱ ᱨᱮᱦᱚᱸ ᱜᱚᱴᱟ ᱥᱤᱧᱚᱛ ᱠᱷᱚᱱ ᱟᱭᱢᱟ ᱧᱮᱧᱮᱞᱤᱭᱟ. ᱟᱭᱢᱟ ᱚᱠᱛᱚ ᱜᱮ ᱯᱩᱨᱩᱞᱤᱭᱟ. ᱛᱮᱠᱳ ᱦᱤᱡᱩᱜ ᱜᱮᱭᱟ। ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱚᱡᱚᱫᱽᱫᱷᱟ ᱵᱩᱨᱩ, ᱡᱚᱭᱪᱚᱸᱰᱤ ᱵᱩᱨᱩ, ᱜᱚᱲ ᱯᱚᱧᱪᱚᱠᱳᱴ, ᱵᱚᱱᱚᱱᱛᱤ, ᱡᱷᱟᱞᱫᱟ ᱮᱢᱟᱱ ᱮᱢᱟᱱ ᱴᱚᱴᱷᱟᱨᱮ ᱯᱚᱨᱡᱚᱴᱚᱱ(ᱧᱮᱞᱡᱚᱝ ᱴᱷᱟᱶ) ᱛᱮᱭᱟᱨ ᱨᱟᱠᱟᱵ ᱟᱠᱟᱱᱟ।[᱑][᱒]

বান্দার দেউল, পুরুলিয়া

ᱛᱚᱛᱛᱷᱚ ᱧᱟᱢ ᱟᱠᱟᱱᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱟᱹᱫᱽᱸ ᱛᱷᱟᱨ

  • ᱯᱚᱪᱷᱤᱢ ᱵᱚᱝᱜᱚ ᱯᱚᱛᱨᱤᱠᱟ (ᱯᱩᱨᱩᱞᱤᱭᱟᱹ ᱦᱚᱱᱚᱛ ᱥᱚᱝᱠᱷᱟ), ᱡᱩᱱ ᱒᱐᱐᱗, ᱛᱚᱛᱽᱛᱷᱚ ᱳ ᱥᱚᱝᱥᱠᱨᱤᱛᱤ ᱵᱤᱵᱷᱟᱜᱽ, ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ
  • ᱫᱷᱚᱱᱚᱫᱷᱟᱱᱱᱮ (ᱡᱳᱡᱚᱱᱟ ᱯᱚᱛᱨᱤᱠᱟ ᱜᱳᱥᱴᱤ ᱟᱜ ᱪᱟᱸᱫᱳᱠᱤᱭᱟ ᱵᱟᱝᱞᱟ ᱯᱟᱛᱷᱟᱢ), ᱡᱩᱞᱟᱭ ᱒᱐᱐᱗, ᱛᱚᱛᱛᱷᱚ ᱳ ᱵᱮᱛᱟᱨ ᱢᱚᱱᱛᱨᱚᱠ, ᱥᱤᱧᱚᱛ ᱥᱚᱨᱠᱟᱨ

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "The Official Website of Purulia District". The Official Website of Purulia District (in Bengali). Retrieved 2019-10-07. 
  2. সাহা, কিশোর (2014-03-02). "প্রকৃতি-পর্যটন উস্কে দিতে পকেটবই বন দফতরের". anandabazar.com (in Bengali). Retrieved 2019-10-07.