ᱜᱟᱝ ᱱᱟ.ᱭ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ


ᱦᱩᱵᱤᱧ ᱢᱮᱫᱛᱮ ᱜᱟᱝ ᱱᱟ.ᱭ _________________________

ᱫᱤᱥᱚᱢ ᱠᱚᱺ-

 ᱥᱤᱧᱚᱛ,ᱵᱟᱝᱞᱟᱫᱮᱥ

ᱯᱚᱱᱚᱛ ᱠᱚᱺ-

ᱩᱛᱛᱚᱨᱟᱠᱷᱚᱱᱰ, ᱩᱛᱛᱚᱨ ᱯᱨᱚᱫᱮᱥ,ᱡᱷᱟᱲᱠᱷᱚᱱᱰ,ᱵᱤᱦᱟᱨ ᱟᱨ ᱯᱚᱪᱷᱤᱢ ᱵᱟᱝᱞᱟ

ᱮᱛᱚᱦᱚᱵᱺ- ᱜᱳᱝᱜᱳᱛᱛᱨᱤ ᱵᱚᱨᱚᱯᱷ ᱰᱷᱤᱯ ᱨᱮᱱᱟᱜ ᱜᱳ ᱢᱚᱪᱟ ᱜᱩᱦᱟ. ᱠᱷᱚᱱ

ᱢᱩᱪᱟ.ᱫᱺ- ᱵᱚᱝᱜᱳᱯᱚ ᱫᱚᱨᱭᱟ

ᱡᱤᱞᱤᱧᱺ- ᱒,᱕᱒᱕ ᱠᱤ.ᱢᱤ ᱑,᱕᱖᱙ ᱢᱟᱭᱤᱞ


ᱜᱟᱝ ᱱᱟ.ᱭ ᱜᱟᱝ ᱱᱟ.ᱭ ᱫᱚ ᱵᱷᱟᱨᱚᱛ ᱟᱨ ᱵᱟᱝᱞᱟ ᱫᱤᱥᱚᱢ ᱨᱮ ᱞᱤᱸᱜᱤ ᱠᱟᱛᱮ ᱢᱤᱫᱴᱟ.ᱝ ᱚᱱᱛᱚᱨ ᱡᱟ.ᱛᱤᱭᱟ.ᱨᱤ ᱱᱟ.ᱭ ᱧᱩᱛᱩᱢ ᱛᱮ ᱧᱩᱛᱩᱢᱮ ᱠᱟᱢᱟᱣ ᱟᱠᱟᱫᱟ । ᱱᱚᱣᱟ ᱱᱟ.ᱭ ᱫᱚ ᱵᱷᱟᱨᱚᱛᱤᱭᱟ. ᱦᱚᱲ ᱠᱚᱣᱟᱜ ᱡᱟ.ᱛᱤᱭᱟ.ᱨᱤ ᱱᱟ.ᱭ ᱦᱚᱸ ᱠᱟᱱᱟ । ᱜᱟᱝ ᱱᱟ.ᱭ ᱨᱮᱱᱟᱜ ᱡᱮᱞᱮᱧ ᱫᱚ ᱒᱕᱒᱕ ᱠᱤ.ᱢᱤ ᱑᱕᱖᱙ ᱢᱟᱭᱤᱞ ᱾ ᱮᱛᱚᱦᱚᱵ ᱯᱩᱪᱷᱤᱢ ᱜᱚᱝᱜᱳᱛᱛᱨᱤ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱜᱳ ᱢᱚᱪᱟ ᱠᱷᱚᱱ ᱾ ᱡᱟᱸᱦᱟ ᱫᱚ ᱵᱷᱟᱨᱚᱛ ᱨᱮᱱᱟᱜ ᱩᱛᱛᱚᱨᱟᱠᱷᱚᱱᱰ ᱯᱚᱱᱚᱛ ᱨᱮ । ᱥᱟᱢᱟᱝ ᱟᱨ ᱮᱛᱚᱢ ᱜᱟᱝ ᱟᱲᱮ ᱥᱚᱢᱟᱱ ᱚᱛ ᱴᱚᱴᱷᱟ ᱨᱮᱱᱟᱜ ᱪᱮᱛᱟᱱ ᱥᱮᱫᱛᱮ ᱞᱤᱸᱜᱤ ᱠᱟᱛᱮ ᱜᱟᱝ ᱱᱟ.ᱭ ᱫᱚ ᱵᱳᱝᱜᱳᱯᱳ ᱫᱚᱨᱭᱟ ᱨᱮ ᱢᱮᱥᱟ ᱟᱠᱟᱱᱟ । ᱫᱟᱜ ᱯᱚᱦᱚᱲ ᱨᱮᱱᱟᱜ ᱫᱟᱲᱮᱭᱟᱱ ᱞᱮᱠᱟᱛᱮ ᱜᱟᱝ ᱱᱟ.ᱭ ᱫᱚ ᱡᱮᱸᱜᱮᱫ ᱨᱮᱱᱟᱜ ᱯᱩᱭᱞᱩ ᱒᱐ ᱜᱚᱴᱟᱝ ᱱᱟ.ᱭ ᱠᱚᱨᱮᱱᱤᱡ ᱢᱤᱫᱴᱟ.ᱝ ᱧᱩᱛᱩᱢᱟᱱ ᱱᱟ.ᱭ ᱠᱟᱱᱟ ।

     ᱜᱟᱝ ᱟᱲᱮ ᱨᱮᱱᱟᱜ ᱦᱚᱲ-ᱡᱚᱲ ᱮᱞ ᱫᱚ ᱔᱐ ᱜᱮ ᱥᱟ ᱥᱟ ᱥᱟᱭ (ᱠᱳᱴᱤ) । ᱱᱚᱣᱟ ᱱᱟ.ᱭ ᱜᱮ ᱡᱮᱸᱜᱮᱫ ᱨᱮᱱᱟᱜ ᱡᱷᱚᱛᱚ ᱠᱷᱚᱱ ᱵᱟ.ᱲᱛᱤ ᱦᱚᱲ-ᱡᱚᱲ ᱠᱚ ᱟᱛᱮ ᱧᱩᱛᱩᱢ ᱮ ᱠᱟᱢᱟᱣ ᱟᱠᱟᱫᱟ । 
ᱥᱤᱧᱚᱛ ᱨᱮᱱᱟᱜ ᱱᱟ.ᱭ ᱠᱚ

ᱜᱟᱝ ᱱᱟ.ᱭ ᱫᱚ ᱦᱚᱲ ᱠᱚᱴᱷᱮᱱ ᱱᱤᱨᱟ.ᱲ ᱱᱟ.ᱭ ᱢᱮᱱᱛᱮ ᱧᱩᱢ ᱦᱟᱞᱟᱝ ᱟᱠᱟᱱᱟ । ᱩᱱᱠᱩ ᱱᱚᱣᱟ ᱱᱟ.ᱭ ᱫᱚ ᱫᱮᱵᱤ ᱢᱮᱱᱛᱮ ᱠᱚ ᱵᱚᱸᱜᱟ ᱟᱭᱟ । ᱜᱟᱝ ᱱᱟ.ᱭ ᱨᱮᱱᱟᱜ ᱱᱟᱜᱟᱢ ᱫᱚ ᱟ.ᱰᱤ ᱩᱥᱛᱟ.ᱭ ᱜᱮ ᱾ ᱚᱱᱟ ᱦᱚ ᱞᱟᱛᱟᱨ ᱨᱮ (ᱱᱟᱜᱟᱢ) ᱯᱟᱥᱱᱟᱣ ᱥᱟ.ᱦᱤᱡ ᱮᱢ ᱢᱮᱱᱟᱜᱼᱟ ᱾ ᱟᱢᱫᱟ ᱯᱟ.ᱦᱤᱞᱟᱱ ᱫᱤᱥᱚᱢ ᱟᱨ ᱨᱟᱡᱽᱜᱟᱲ ᱠᱚᱦᱚᱸ (ᱡᱮᱞᱮᱠ ᱯᱟ.ᱴᱞᱤ ᱯᱩᱛᱨᱚ, ᱠᱳᱣᱱᱳᱡᱽ, ᱠᱟᱥᱤ, ᱮᱞᱟᱦᱟᱵᱟᱫᱽ, ᱢᱩᱨᱥᱤᱫᱟᱵᱟᱫᱽ, ᱢᱩᱝᱜᱮᱨ ᱟᱨ ᱠᱳᱞᱠᱟᱛᱟ) ᱱᱚᱣᱟ ᱱᱟ.ᱭ ᱨᱮᱱᱟᱜ ᱟᱲᱮ ᱨᱮᱜᱮ ᱫᱚᱲᱚᱢ ᱢᱮᱱᱟᱜᱼᱟ ᱾ ᱜᱟᱝ ᱵᱟ.ᱲᱤᱡ ᱮᱠᱷᱮᱱ ᱜᱟᱝ ᱱᱟ.ᱭ ᱟᱲᱮᱨᱮ ᱜᱤᱨᱟ.ᱵᱟᱥ ᱠᱟᱛᱮ ᱛᱟᱸᱦᱮᱱ ᱜᱮ.ᱥᱟ.ᱥᱟᱭ ᱵᱷᱟᱨᱚᱛᱤᱭᱳ ᱠᱚᱣᱟᱜ ᱫᱚ ᱵᱟᱝ ᱵᱟ.ᱲᱤᱡᱚᱜ ᱠᱟᱱᱟ, ᱵᱟ.ᱲᱤᱡᱚᱜ ᱠᱟᱱᱟ ᱑᱔᱐ ᱜᱚᱴᱟᱝ ᱦᱟ.ᱠᱩ ᱠᱚᱣᱟᱜ ᱡᱟ.ᱛᱤ ᱾ ᱡᱟᱸᱦᱟ ᱫᱚ ᱱᱮᱛᱟᱨ ᱨᱮᱱᱟᱜ ᱥᱮ ᱟᱜᱟᱢ ᱨᱮᱱᱟᱜ ᱟ.ᱰᱤ ᱵᱟ.ᱲᱤᱡ ᱚᱨᱥᱚᱝ ᱾ ᱜᱟᱝ ᱵᱟ.ᱲᱤᱡ ᱨᱩᱠᱷᱤᱭᱟ. ᱞᱟ.ᱜᱤᱫ ᱜᱟᱝ ᱮᱠᱥᱚᱱ ᱯᱞᱟᱱ ᱧᱩᱛᱩᱢᱛᱮ ᱢᱤᱫᱴᱟ.ᱝ ᱟᱨᱡᱤ ᱥᱟᱠᱟᱢ ᱠᱚ ᱦᱟᱛᱟᱣ ᱞᱮᱫᱟ ᱾ ᱱᱟᱯᱟᱭ ᱞᱚᱭᱚᱝ ᱜᱚᱲᱦᱚᱱ ᱨᱮᱱᱟᱜ ᱟᱸᱥ ᱫᱚ ᱥᱟᱱᱟᱢ ᱦᱚᱲᱟᱜ ᱠᱩᱠᱢᱩ ᱜᱮ ᱠᱟᱱᱟ ᱾ ᱢᱮᱱᱠᱷᱟᱱ ᱚᱱᱟ ᱫᱚ ᱚᱠᱚᱭᱮ ᱥᱟ.ᱨᱤ ᱦᱚᱪᱚ ᱠᱮᱭᱟ ? ᱠᱩᱠᱞᱤ ᱢᱟ ᱚᱱᱟᱜᱮ ᱾ ᱢᱮᱠᱷᱟᱱ ᱜᱟᱝ ᱱᱟ.ᱭ ᱱᱟᱯᱟᱭ ᱫᱚᱦᱚ ᱨᱮᱱᱟᱜ ᱠᱩᱨᱩᱢᱩᱴᱩ ᱫᱚ ᱯᱟ.ᱦᱤᱞ ᱠᱷᱚᱱ ᱱᱤᱛ ᱦᱚᱸ ᱞᱮᱛᱟᱲ ᱜᱮ ᱪᱟᱞᱟᱜ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱱᱫᱷᱩ ᱥᱚᱵᱵᱷᱚᱛᱟ ᱨᱮᱱᱟᱜ ᱢᱩᱪᱟ.ᱫ ᱦᱚᱲ ᱨᱟᱯᱟᱜ ᱴᱷᱟᱶᱨᱮ (᱑᱙᱐᱐-᱑᱓᱐᱐ ᱠᱷᱤᱥᱴᱚ ᱞᱟᱦᱟ) ᱦᱚᱲ ᱨᱟᱯᱟᱜ ᱨᱮ ᱛᱟᱸᱦᱮᱱᱤᱭᱟ. ᱠᱚ ᱥᱤᱱᱫᱷᱩ ᱩᱯᱚᱛᱮᱠᱟ ᱵᱟ.ᱜᱤ ᱠᱟᱛᱮ ᱯᱩᱨᱩᱵᱽ ᱱᱟᱠᱷᱟᱨᱮ ᱛᱟᱸᱦᱮᱱ ᱴᱷᱟᱶ ᱛᱷᱟᱯᱚᱱ ᱛᱷᱟᱯᱚᱱ ᱛᱮ ᱜᱟᱝ ᱱᱟ.ᱭ ᱫᱷᱟ.ᱨᱤᱡ ᱠᱚ ᱦᱮᱡ ᱞᱮᱱᱟ ᱾ ᱩᱱ ᱠᱷᱚᱱᱜᱮ ᱜᱟᱝ ᱱᱟ.ᱭ ᱫᱚ ᱩᱱᱠᱩᱣᱟᱜ ᱢᱩᱬᱩᱛ ᱛᱟᱸᱦᱮᱱ ᱴᱷᱟᱶ ᱞᱮᱠᱟᱛᱮ ᱧᱩᱛᱩᱢ ᱮᱱᱟ ᱾

ᱥᱟ.ᱠᱷᱤᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]