ᱜᱟᱱᱱᱟ ᱥᱢᱤᱨᱱᱳᱵᱟ
ᱜᱟᱱᱱᱟ ᱥᱢᱤᱨᱱᱳᱵᱟ (ᱡᱤᱵᱽ, ᱤᱭᱩᱠᱨᱮᱱ ᱠᱷᱚᱱ) ᱫᱚ ᱢᱤᱫ ᱯᱨᱚᱯᱷᱮᱥᱚᱱᱟᱞ ᱮᱱᱮᱡ ᱯᱟᱹᱨᱩᱠᱷᱤᱭᱟᱹ ᱟᱨ ᱵᱷᱟᱨᱚᱛᱱᱟᱴᱭᱚᱢ ᱨᱤᱱᱤᱡ ᱠᱷᱚᱸᱫᱽᱨᱚᱫᱽ ᱥᱠᱳᱞᱟᱨ (ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱮᱱᱮᱡ ᱯᱟᱦᱴᱟ ᱠᱷᱚᱱ) ᱮ ᱛᱟᱦᱮᱸ ᱠᱟᱱᱟ ᱾ ᱥᱢᱤᱨᱱᱳᱵᱟ ᱫᱚ ᱜᱩᱨᱩᱦᱤ ᱥᱨᱤᱢᱚᱛᱤ ᱡᱚᱭᱚᱞᱚᱠᱥᱢᱤ ᱤᱥᱣᱚᱨ[᱑] ᱤᱡ ᱪᱮᱞᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱫᱚ ᱤᱭᱩᱠᱨᱮᱱ ᱨᱮᱱᱟᱜ ᱠᱮᱤᱵ ᱨᱮ ᱱᱚᱠᱥᱷᱚᱛᱨᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱮᱱᱮᱡ ᱥᱮᱨᱮᱧ ᱯᱷᱤᱞᱤᱢ ᱚᱲᱟᱜ ᱮ ᱵᱮᱱᱟᱣ ᱠᱟᱛᱮ ᱵᱟᱰᱚᱦᱤᱭᱟᱹ ᱠᱚ ᱤᱡ ᱫᱤᱥᱟᱹ ᱩᱱᱩᱫᱩᱜ ᱜᱤᱡ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱯᱩᱨᱩᱵ ᱱᱟᱠᱷᱟ ᱤᱭᱩᱨᱳᱯ ᱫᱤᱥᱚᱢ ᱠᱚ ᱨᱮ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱨᱮ ᱢᱟᱢᱟᱲᱟᱝ ᱯᱟᱹᱨᱩᱠᱷᱤᱭᱟᱹ ᱱᱟᱪᱚᱱᱤᱭᱟᱹ ᱠᱟᱱᱟᱭ ᱾
ᱥᱢᱤᱨᱱᱳᱵᱟ ᱫᱚ ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱚᱵᱷᱤᱱᱚᱭ-ᱟᱨᱟᱫᱷᱚᱱᱟ ᱟᱥᱲᱟ ᱠᱷᱚᱱ ᱵᱟᱰᱚᱦᱤ ᱪᱮᱛᱟᱱ ᱨᱮ ᱥᱚᱱᱮᱨ ᱮ ᱥᱤᱫᱽ ᱞᱮᱜᱼᱟ ᱾ ᱚᱱᱵᱮ ᱜᱮ ᱟᱤᱥᱤᱥᱤᱟᱨ ᱦᱚᱛᱮᱛᱮ ᱴᱟᱠᱟ ᱠᱟᱩᱰᱤ ᱜᱚᱲᱚ ᱥᱚᱯᱚᱦᱚᱫ ᱧᱟᱢ ᱠᱟᱛᱮ ᱜᱩᱨᱩᱦᱤ ᱡᱚᱭᱚᱞᱚᱠᱥᱢᱤ ᱤᱥᱣᱚᱨ ᱛᱟᱹᱨᱤᱨᱮ ᱨᱮ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱛᱩᱨᱩᱭ ᱥᱮᱨᱢᱟ ᱮᱞᱮᱠᱟᱣ ᱪᱮᱫ ᱞᱮᱱᱟ ᱾ ᱩᱱᱤᱫᱚ ᱵᱷᱟᱨᱚᱛ ᱵᱷᱮᱜᱮᱫ ᱮᱴᱟᱜ ᱫᱤᱥᱚᱢ ᱠᱚᱨᱤᱱ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱱᱟᱪᱚᱱᱤᱭᱟᱹ ᱠᱚ ᱢᱩᱫᱽᱨᱮ ᱟᱹᱰᱤ ᱱᱟᱯᱟᱭ ᱟᱨ ᱥᱚᱨᱮᱥ ᱱᱟᱪᱚᱱᱤᱭᱟᱹ ᱠᱟᱱᱟᱭ ᱾
ᱡᱤᱭᱚᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱤᱫᱽᱨᱟᱹ ᱠᱷᱚᱱ ᱜᱮ ᱤᱭᱩᱠᱨᱮᱱ ᱨᱤᱱᱤᱡ ᱧᱩᱛᱩᱢᱟᱱ ᱮᱱᱮᱡ ᱜᱩᱨᱩ ᱵᱷᱤᱨᱥᱠᱤ ᱴᱷᱮᱱ ᱠᱷᱚᱱ ᱵᱟᱞᱞᱮᱴ ᱟᱨ ᱤᱭᱩᱠᱨᱮᱱ ᱫᱤᱥᱚᱢ ᱮᱱᱮᱡ ᱮ ᱪᱮᱫᱚᱜ ᱠᱟᱱ ᱛᱟᱦᱮᱱ ᱾ ᱮᱱᱮᱡ ᱪᱮᱛᱮᱫᱤᱭᱟᱹ ᱦᱩᱭ ᱠᱟᱛᱮ ᱯᱩᱨᱩᱵ ᱱᱟᱠᱷᱟ ᱤᱭᱩᱨᱳᱯ ᱫᱤᱥᱚᱢ ᱠᱚ ᱨᱮᱱᱟᱜ ᱞᱟᱹᱭ ᱞᱟᱠᱪᱟᱨ ᱟᱨ ᱢᱟᱱᱟᱣ ᱵᱟᱛᱟᱣ ᱥᱟᱶᱦᱮᱫ ᱮ ᱯᱟᱲᱦᱟᱣ ᱞᱮᱱᱟ ᱾ ᱚᱱᱟ ᱥᱟᱶᱛᱮ ᱭᱳᱜᱟ, ᱴᱟᱭᱤ-ᱡᱤ-ᱪᱩᱟᱱ ᱟᱨ ᱥᱤᱜᱩᱱ ᱠᱚᱭ ᱪᱮᱫ ᱞᱮᱱᱟ ᱾ ᱥᱢᱤᱨᱱᱳᱵᱟ ᱫᱚ ᱛᱟᱨᱚᱥᱚ ᱥᱦᱮᱵᱪᱮᱸᱠᱳ ᱫᱤᱥᱚᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱡᱩᱨᱤᱥᱯᱨᱩᱰᱮᱱᱥᱮ ᱨᱮ ᱥᱚᱱᱮᱨ ᱮ ᱥᱟᱹᱛ ᱞᱮᱜᱼᱟ ᱾ ᱛᱟᱭᱚᱢ ᱚᱱᱟ ᱵᱤᱨᱫᱟᱹᱜᱟᱲ ᱨᱮ ᱜᱮ ᱚᱱᱟ ᱥᱟᱛᱟᱢ ᱪᱮᱛᱟᱱ ᱨᱮ ᱢᱟᱥᱴᱮᱨ ᱯᱦᱤᱞᱳᱥᱳᱯᱦᱤ ᱥᱤᱫᱽ ᱞᱮᱜᱼᱟ ᱾ ᱥᱟᱞ ᱑᱙᱙᱘ ᱨᱮ ᱵᱷᱟᱨᱚᱛ ᱥᱟᱨᱠᱟᱨ ᱟᱜ ᱵᱷᱟᱨᱚᱛ ᱫᱤᱥᱚᱢ ᱞᱟᱹᱭ ᱞᱟᱠᱪᱟᱨ ᱡᱚᱱᱚᱲᱟᱣ ᱟᱠᱷᱽᱲᱟ ᱯᱟᱦᱴᱟ ᱠᱷᱚᱱ ᱴᱟᱠᱟ ᱠᱟᱩᱰᱤ ᱮᱢ ᱜᱚᱲᱚ ᱠᱟᱛᱮ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱪᱮᱫᱚᱜ ᱞᱟᱹᱜᱤᱫ ᱱᱟᱶᱟ ᱫᱤᱞᱞᱤ[᱒] ᱠᱚ ᱦᱚᱦᱚ ᱟᱫᱮᱭᱟ ᱾ᱵᱷᱟᱨᱚᱛ ᱫᱤᱥᱚᱢ ᱨᱮ ᱮᱛᱚᱦᱚᱵ ᱮᱱᱮᱡ ᱪᱮᱫᱚᱜ ᱡᱷᱚᱜ ᱥᱩᱵᱩᱰᱰᱩ, ᱥᱨᱤᱢᱚᱛᱤ ᱞᱤᱞᱟ ᱵᱷᱮᱸᱠᱚᱴᱚᱨᱚᱢᱚᱱ ᱟᱨ ᱰᱟ.ᱥᱩᱱᱤᱞ ᱠᱳᱴᱦᱟᱨᱤ ᱞᱮᱠᱟᱱ ᱫᱟᱢᱟᱱ ᱮᱱᱮᱡ ᱯᱟᱹᱨᱩᱠᱷᱤᱭᱟᱹ ᱴᱷᱮᱱ ᱠᱷᱚᱱ ᱥᱟᱨᱦᱟᱣ ᱮ ᱧᱟᱢ ᱞᱮᱜᱼᱟ ᱾
ᱵᱷᱟᱨᱚᱛ ᱫᱤᱥᱚᱢ ᱨᱮ ᱢᱚᱬᱮ ᱥᱮᱨᱢᱟ(᱑᱙᱙᱘ - ᱒᱐᱐᱓) ᱛᱟᱦᱮᱱ ᱨᱮ ᱜᱟᱱᱱᱟ ᱫᱚ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱟᱹᱰᱤ ᱨᱳᱦᱤᱴ ᱮ ᱪᱮᱫ ᱞᱮᱱᱟ ᱟᱨ ᱚᱱᱟ ᱥᱟᱶᱛᱮ ᱜᱩᱨᱩ ᱵᱚᱥᱚᱱᱛᱚ ᱥᱩᱱᱫᱚᱨᱚᱢ ᱴᱷᱮᱱ ᱠᱷᱚᱱ ᱠᱟᱱᱱᱟᱰᱟ ᱥᱮᱨᱮᱧ ᱨᱩᱻ ᱚᱨᱚᱝ , ᱜᱩᱨᱩ ᱡᱚᱱᱢᱮᱱᱡᱚᱭ ᱥᱟᱤ ᱵᱟᱵᱩ ᱴᱷᱮᱱ ᱠᱷᱚᱱ ᱪᱷᱟᱩ ᱮᱱᱮᱡ ᱟᱨ ᱜᱩᱨᱩ ᱥᱤᱛᱷᱟ ᱱᱟᱜᱡᱭᱳᱛᱷᱤ ᱴᱷᱮᱱ ᱠᱷᱚᱱ ᱠᱩᱪᱤᱯᱩᱰᱤ ᱮᱱᱮᱡ ᱮ ᱪᱮᱫ ᱞᱮᱱᱟ ᱾ ᱩᱱᱟᱹᱜ ᱞᱮᱠᱟᱱ ᱮᱱᱮᱡ ᱪᱮᱫ ᱠᱟᱛᱮ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱨᱮ ᱜᱮ ᱢᱚᱱᱮ ᱛᱟᱭ ᱫᱚ ᱟᱞᱟᱭ ᱮᱱᱟ ᱾ ᱱᱟᱶᱟ ᱫᱤᱞᱞᱤ ᱟᱨ ᱟᱭᱢᱟ ᱴᱷᱟᱶ ᱠᱚᱨᱮᱱᱟᱜ ᱢᱮᱞᱟᱝᱠᱤ ᱨᱮ ᱮᱱᱮᱡ ᱮ ᱩᱫᱩᱜ ᱥᱚᱫᱚᱨ ᱟᱠᱟᱜᱼᱟ ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱭᱩᱠᱨᱮᱱ ᱨᱮᱱᱟᱜ ᱠᱮᱤᱵ ᱨᱮ ᱒᱐᱐᱓ ᱥᱟᱞ ᱨᱮ ᱱᱚᱠᱥᱷᱚᱛᱨᱚ ᱯᱷᱤᱞᱤᱢ ᱦᱟᱞ ᱵᱮᱱᱟᱣ ᱮᱱ ᱛᱟᱭᱚᱢ ᱒᱐᱐᱔ ᱥᱟᱞ ᱨᱮ ᱜᱮ ᱫᱮᱵᱚᱨᱯᱚᱬ ᱧᱩᱛᱩᱢ ᱡᱟᱛᱨᱟ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾ ᱤᱭᱩᱠᱨᱮᱱ ᱨᱮ ᱵᱷᱟᱨᱚᱛ ᱨᱤᱱᱤᱡ ᱨᱟᱡᱽᱫᱩᱛ ᱦᱚᱛᱮᱛ ᱥᱟᱞ ᱒᱐᱐᱕, ᱑᱓-᱑᱕ ᱟᱯᱨᱤᱞ ᱨᱮ ᱡᱮᱜᱮᱛᱟᱹᱨᱤ ᱵᱷᱟᱨᱚᱛ ᱫᱤᱥᱚᱢ ᱮᱱᱮᱡ ᱯᱟᱨᱟᱵᱽ ᱱᱨᱤᱛᱭᱟᱱᱡᱚᱲᱤ ᱢᱮᱞᱟᱝᱠᱤ ᱥᱩᱜ ᱛᱚᱨᱟᱣ ᱞᱮᱱᱟ ᱾ ᱚᱱᱟᱨᱮ ᱨᱩᱥᱤᱭᱟ,ᱵᱷᱟᱨᱚᱛ,, ᱤᱭᱩᱠᱨᱮᱱ,ᱥᱣᱤᱰᱮᱱ ᱱᱮᱫᱟᱨᱞᱟᱱᱰ, ᱥᱤᱸᱜᱟᱯᱳᱨ ᱟᱨ ᱯᱷᱨᱟᱱᱥ ᱞᱮᱠᱟᱱ ᱫᱤᱥᱚᱢ ᱨᱤᱱ ᱟᱭᱢᱟ ᱮᱱᱮᱡ ᱵᱟᱰᱚᱦᱤᱭᱟᱹ ᱵᱟᱨ ᱧᱮᱧᱮᱞᱤᱭᱟᱹ ᱠᱚ ᱥᱮᱴᱮᱨ ᱞᱮᱱᱟ ᱾
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Tripping on karma: DANCE: Ganna Smirnova, Bharatanatyam dancer from Kiev, is a devotee of Nataraja". The Week. Retrieved 13 April 2010.
- ↑ Alumni data bank of Ukrainian students, who received ICCR scholarships Archived ᱒᱐ ᱯᱷᱮᱵᱽᱨᱩᱣᱟᱨᱤ ᱒᱐᱑᱐ at the Wayback Machine. ICCR website.