ᱜᱤᱛᱟ ᱢᱟᱦᱟᱞᱤᱠ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱜᱤᱛᱟ ᱢᱟᱦᱟᱞᱤᱠ ᱫᱚ (ᱡᱟᱱᱟᱢᱺ ᱑᱙᱘᱔) ᱢᱤᱫᱴᱟᱹᱝ ᱥᱤᱧᱚᱛ ᱥᱟᱥᱛᱨᱤᱭᱟᱹ ᱱᱟᱪᱚᱱᱤᱭᱟᱹ, ᱥᱤᱧᱚᱛ ᱨᱮᱭᱟᱜ ᱥᱟᱛᱨᱤᱭᱟᱹ ᱮᱱᱮᱡ ᱳᱰᱤᱥᱤ ᱮᱱᱮᱡ ᱥᱮᱯᱮᱧ ᱨᱟᱨᱟᱠᱟᱵ-ᱤᱡ ᱢᱮᱱᱛᱮ ᱠᱚ ᱩᱯᱨᱩᱢ ᱮᱭᱟ| ᱚᱰᱤᱥᱤ ᱮᱱᱮᱡ ᱫᱚ ᱦᱩᱭᱩᱜ ᱠᱟᱱᱟ ᱥᱤᱧᱚᱛ ᱨᱮᱭᱟᱜ ᱥᱮᱫᱟᱭ ᱤᱨᱟᱹᱞ ᱜᱚᱴᱟᱝ ᱢᱟᱨᱮ ᱮᱱᱮᱡ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ| ᱜᱟᱭᱟᱱ ᱟᱨ ᱞᱟᱹᱭ-ᱞᱟᱠᱪᱟᱨ ᱯᱟᱦᱴᱟ ᱨᱮ ᱟᱥᱟᱢ ᱵᱷᱮᱲ ᱮᱢᱮᱢ ᱧᱩᱛᱩᱢ ᱛᱮ ᱒᱐᱑᱔ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱫᱤᱥᱚᱢ ᱨᱮᱭᱟᱜ ᱯᱩᱱᱟᱜ ᱡᱚᱛᱚ ᱠᱷᱚᱱ ᱥᱚᱨᱮᱥ ᱥᱚᱱᱢᱟᱱ ᱯᱚᱫᱽᱢᱚ ᱥᱨᱤ ᱛᱮᱠᱚ ᱢᱟᱱᱚᱛ ᱞᱮᱫᱮᱭᱟ|

ᱳᱰᱤᱥᱤ' ᱫᱚ ᱚᱲᱤᱥᱤ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜ ᱜᱮᱭᱟ (ওড়িয়া: ଓଡିଶୀ ওডিসি), ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱤᱨᱟᱹᱞ ᱜᱚᱴᱟᱝ ᱥᱟᱥᱛᱨᱤᱭᱚ ᱮᱱᱮᱡ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ| ᱱᱚᱶᱟ ᱮᱱᱮᱡ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱥᱟᱢᱟᱝ ᱯᱟᱥᱴᱟ ᱱᱟᱦᱟᱜ ᱳᱰᱤᱥᱟ ᱯᱚᱱᱚᱛ ᱨᱮ ᱮᱛᱚᱦᱚᱵ ᱞᱮᱱᱟ| ᱱᱚᱶᱟ ᱫᱚ ᱯᱩᱨᱟᱛᱟᱛᱛᱤᱠ ᱥᱚᱢᱚᱭ ᱠᱷᱚᱱ ᱥᱮᱫᱟᱭ ᱥᱤᱧᱚᱛ ᱨᱮ ᱵᱟᱧᱪᱟᱣ ᱢᱮᱱᱟᱜ ᱟᱨ ᱧᱟᱢᱚᱜ ᱠᱟᱱ ᱮᱱᱮᱡ ᱨᱮᱭᱟᱜ ᱢᱤᱫᱴᱟᱹᱝ ᱨᱩᱯ ᱠᱟᱱᱟ|

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱤᱛᱟ ᱢᱟᱦᱟᱞᱤᱠ ᱫᱚ ᱱᱟᱢᱰᱟᱠ ᱮᱱᱮᱡ ᱜᱩᱨᱩ ᱫᱮᱵᱽ ᱯᱨᱚᱥᱟᱫᱽ ᱫᱟᱥ ᱴᱷᱮᱱ ᱠᱷᱚᱱ ᱟᱹᱰᱤ ᱠᱚᱢ ᱩᱢᱟᱹᱨ ᱠᱷᱚᱱ ᱮᱱᱮᱡ-ᱮ ᱪᱮᱪᱮᱫ-ᱮ ᱮᱛᱚᱦᱚᱵ ᱞᱮᱫᱟ| ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱢᱟᱭᱟᱫᱷᱟᱨ ᱨᱟᱣᱩᱨ ᱟᱜ ᱛᱟᱵᱮ ᱨᱮ ᱮᱱᱮᱡ ᱤᱛᱩᱱᱮ ᱮᱛᱚᱦᱚᱵ ᱠᱮᱫᱟ, ᱡᱟᱸᱦᱟᱸᱭ ᱟᱜ ᱧᱮᱞ ᱛᱚᱫᱟᱨᱚᱛ ᱨᱮ ᱜᱤᱛᱟ ᱫᱚ ᱱᱚᱝᱠᱟᱟᱱ ᱮᱱᱮᱡ ᱦᱚᱨᱟ ᱨᱮᱭᱟᱜ-ᱮ ᱥᱮᱬᱟ ᱠᱮᱫᱟ ᱡᱮ, ᱚᱠᱟ ᱫᱚ ᱵᱩᱫᱷᱟᱨᱟ ᱥᱟᱞᱢᱟᱱ ᱱᱤᱥᱟᱠ ᱟᱡᱟᱜ ᱚᱱᱚᱲᱦᱮ ᱨᱮᱭᱮ ᱜᱟᱵᱟᱱ ᱟᱠᱟᱫᱟ|

ᱜᱤᱛᱟ ᱫᱚ ᱮᱱᱮᱡ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱯᱷᱨᱟᱱᱥ, ᱥᱣᱤᱡᱟᱨᱞᱮᱱᱰ, ᱪᱤᱱ, ᱤᱴᱟᱞᱤ, ᱥᱯᱮᱱ, ᱢᱟᱨᱠᱤᱱ ᱡᱩᱠᱛᱚ ᱨᱟᱥᱴᱚ, ᱠᱟᱱᱟᱰᱟ, ᱡᱟᱨᱢᱟᱱᱤ, ᱯᱩᱨᱛᱩᱜᱟᱞ, ᱜᱽᱨᱤᱥ, ᱟᱨ ᱟᱯᱷᱨᱤᱠᱟ ᱢᱟᱨᱟᱝ ᱫᱤᱥᱚᱢ ᱠᱚ ᱨᱮᱱᱟᱜ ᱟᱹᱰᱤ ᱟᱭᱢᱟ ᱫ᱾ᱥᱚᱢ ᱠᱚ ᱨᱮᱭᱮ ᱫᱟᱬᱟ ᱵᱟᱲᱟᱣ ᱠᱟᱫᱟ| ᱵᱤᱫᱮᱥ ᱒᱐᱐᱔ ᱥᱮᱨᱢᱟ ᱨᱮ ᱪᱤᱱ ᱨᱮ ᱥᱤᱠᱞ ᱨᱚᱰ ᱡᱮᱜᱮᱫ ᱡᱟᱠᱟᱛ ᱢᱮᱞᱟ, ᱠᱮᱞᱜᱮᱨᱤ ᱨᱮ ᱤᱱᱰᱚ-ᱠᱟᱱᱟᱰᱤᱭᱟᱱ ᱠᱟᱹᱣᱰᱤᱟᱹᱨᱤ ᱢᱮᱞᱟ, ᱵᱟᱨᱞᱤᱱ ᱤᱱᱰᱤᱭᱟᱱ ᱱᱟᱭᱤᱴᱥᱢ ᱟᱨ ᱜᱽᱨᱤᱥ ᱨᱮ ᱰᱮᱞᱯᱷᱤ ᱨᱮᱭᱟᱜ ᱤᱱᱰᱚ-ᱜᱽᱨᱤᱥ ᱞᱟᱭᱞᱟᱠᱪᱟᱨ ᱦᱮᱞ-ᱢᱮᱞ ᱮᱢᱟᱱ ᱠᱚ ᱨᱮ ᱟᱡᱟᱜ ᱮᱱᱮᱡ-ᱮ ᱩᱫᱩᱜ ᱥᱚᱫᱚᱨ ᱞᱮᱫᱟ|

ᱩᱱᱤ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱟᱢᱫᱟᱡᱽ ᱡᱚᱛᱚ ᱞᱮᱠᱟᱱ ᱯᱚᱨᱚᱵᱽ ᱠᱚ ᱨᱮ ᱜᱮ ᱟᱡᱟᱜ ᱮᱱᱮᱡ-ᱮ ᱩᱫᱩᱜ ᱥᱚᱫᱚᱨ ᱵᱟᱲᱟ ᱟᱠᱟᱫᱟ, ᱚᱱᱟ ᱠᱚ ᱢᱩᱫᱽ ᱨᱮ ᱠᱷᱟᱡᱩᱨᱟᱦᱚ ᱮᱱᱮᱡ ᱯᱚᱨᱚᱵᱽ, ᱤᱞᱚᱨᱟ ᱮᱱᱮᱡ ᱯᱚᱨᱚᱵᱽ, ᱮᱞᱤᱯᱷᱮᱱᱴ ᱮᱱᱮᱡ ᱯᱚᱨᱚᱵᱽ, ᱠᱚᱱᱟᱨᱠ ᱮᱱᱮᱡ ᱯᱚᱨᱚᱵᱽ, ᱢᱚᱦᱟ ᱵᱟᱞᱤ ᱯᱩᱨᱟᱢ ᱯᱚᱨᱚᱵᱽ, ᱢᱩᱛᱛᱮᱥᱚᱨ ᱮᱱᱮᱡ ᱯᱚᱨᱚᱵᱽ, ᱵᱟᱫᱽᱨᱤ ᱠᱮᱫᱟᱨ ᱮᱱᱮᱡ ᱯᱚᱨᱚᱵᱽ, ᱛᱟᱡᱽ ᱮᱱᱮᱡ ᱯᱚᱨᱚᱵᱽ, ᱩᱡᱡᱚᱭᱚᱱᱤ ᱨᱮᱭᱟᱜ ᱠᱟᱞᱤ ᱫᱟᱥ ᱦᱮᱞ-ᱢᱮᱞ, ᱜᱟᱝᱜᱟ ᱢᱟᱨᱟᱝ ᱯᱚᱨᱚᱵᱽ ᱟᱨ ᱢᱟᱱᱰᱩ ᱯᱚᱨᱚᱵᱽ ᱮᱢᱟᱱ ᱠᱚ ᱫᱚ ᱧᱩᱢᱩᱜᱚᱜ ᱞᱮᱠ ᱠᱟᱱᱟ|

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]