ᱜᱤᱱᱱᱤ ᱢᱟᱦᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱜᱤᱱᱱᱤ ᱢᱟᱦᱤ
Ginni Mahi with Dr. B.R. Ambedkar's photograph in the background
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱒᱖ ᱱᱚᱵᱷᱮᱢᱵᱚᱨ ᱑᱙᱙᱙
ᱡᱚᱲᱚᱱᱫᱷᱚᱨ, ᱯᱚᱧᱡᱟᱵᱽ, ᱥᱤᱧᱚᱛ
ᱫᱤᱥᱚᱢᱤᱭᱟᱹ ᱥᱤᱧᱚᱛᱤᱭᱟᱹ
ᱮᱴᱟᱜ ᱧᱩᱛᱩᱢ ᱜᱩᱨᱠᱟᱣᱟᱲ ᱵᱷᱟᱨᱛᱤ
ᱠᱟᱹᱢᱤ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ
ᱣᱮᱵᱽᱥᱟᱭᱤᱴ Facebook Profile

ᱜᱤᱱᱱᱤ ᱢᱟᱦᱤ (᱑᱙᱙᱙) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱧᱩᱛᱩᱢᱟᱱ ᱯᱚᱧᱡᱟᱵᱤ ᱥᱟᱶᱛᱟ ᱟᱹᱨᱤ, ᱫᱟᱞᱤᱛ ᱥᱮᱨᱮᱧ, ᱨᱮᱯ ᱟᱨ ᱦᱤᱯᱼᱦᱳᱯ[᱑] ᱥᱮᱨᱮᱧᱤᱭᱟᱹ ᱠᱟᱱᱟᱭ ᱾ ᱟᱡᱟᱜ ᱡᱟᱱᱟᱢ ᱫᱚ ᱑᱙᱙᱙ ᱥᱟᱞ ᱨᱮ ᱡᱚᱲᱚᱱᱫᱷᱚᱨ ᱵᱟᱡᱟᱨ, ᱯᱚᱧᱡᱟᱵᱽ ᱯᱚᱱᱚᱛ, ᱥᱤᱧᱚᱛ ᱨᱮ ᱦᱩᱭ ᱞᱮᱱᱟ ᱾ ᱟᱡᱟᱜ ᱥᱮᱨᱮᱧ ᱯᱮᱱ ᱵᱟᱵᱟ ᱥᱟᱦᱤᱵᱽ ᱫᱤ ᱟᱨ ᱠᱷᱟᱴᱨᱟ ᱪᱟᱢᱟᱨ ᱤᱫᱤ ᱠᱟᱛᱮ ᱟᱡ ᱫᱤᱥᱚᱢ ᱦᱚᱲ ᱴᱷᱮᱱ ᱮ ᱥᱚᱫᱚᱨ ᱞᱮᱱ ᱥᱟᱶᱛᱮ ᱥᱚᱥᱟᱞ ᱢᱤᱰᱤᱭᱟ ᱨᱮ ᱦᱚᱸ ᱵᱷᱟᱭᱨᱟᱞ ᱦᱩᱭ ᱞᱮᱱᱟ ᱾ ᱩᱱᱤᱫᱚ ᱡᱚᱨᱢᱟᱱᱤ ᱨᱮ ᱜᱞᱚᱵᱟᱞ ᱢᱤᱰᱤᱭᱟ ᱯᱷᱚᱨᱟᱢ (GMF ᱒᱐᱑᱘) ᱨᱮ ᱥᱮᱞᱮᱫ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱯᱷᱳᱜᱤᱝ ᱥᱟᱞᱟᱜ ᱨᱚᱲ ᱞᱟᱹᱜᱤᱫ ᱭᱚᱸᱜ ᱣᱳᱭᱟᱥ ᱤᱱ ᱤᱠᱣᱮᱞᱤᱴᱤ ᱮᱱᱰ ᱯᱷᱨᱤᱰᱚᱢ ᱞᱮᱠᱟᱛᱮ ᱠᱚ ᱧᱩᱢ ᱦᱟᱞᱟᱝ ᱮ ᱠᱟᱱ ᱛᱟᱦᱮᱸᱫ ᱾[᱒].

ᱜᱤᱱᱱᱤ ᱫᱚ ᱟᱡᱟᱜ ᱥᱮᱨᱮᱧ ᱨᱮ ᱞᱟᱛᱟ ᱢᱟᱸᱜᱮᱥᱚᱠᱚᱨ ᱟᱨ ᱥᱨᱮᱭᱟ ᱜᱷᱚᱥᱟᱲ ᱫᱚ ᱟᱡᱟᱜ ᱥᱮᱨᱮᱧ ᱨᱤᱱ ᱟᱫᱚᱨᱥ ᱟᱨ ᱵᱟᱝ ᱜᱩᱨᱩ ᱞᱮᱠᱟᱭ ᱢᱟᱱᱚᱛ ᱠᱤᱱ ᱛᱟᱦᱮᱱ ᱾ ᱟᱡ ᱫᱚ ᱰᱨ.ᱵᱤ.ᱟᱨ.ᱟᱢᱵᱮᱰᱠᱚᱨ ᱟᱜ ᱵᱮᱣᱨᱟ ᱠᱚ ᱥᱟᱶᱛᱟ ᱨᱮ ᱯᱟᱥᱱᱟᱣ ᱞᱟᱹᱜᱤᱫ ᱛᱮ ᱠᱩᱨᱩᱢᱩᱴᱩ ᱠᱮᱫᱼᱟ ᱾ ᱢᱟᱦᱤ ᱫᱚ ᱥᱤᱧᱚᱛ ᱨᱮᱱᱟᱜ ᱵᱟᱦᱨᱮ ᱫᱤᱥᱚᱢ ᱠᱟᱱᱟᱰᱟ, ᱜᱨᱤᱥ, ᱤᱴᱞᱤ, ᱡᱚᱨᱢᱟᱱᱤ ᱟᱨ ᱡᱩᱢᱤᱫᱽ ᱠᱤᱝᱰᱚᱢ ᱠᱚ ᱨᱮ ᱥᱮᱨᱮᱧ ᱮ ᱫᱮᱠᱷᱟᱣ ᱟᱠᱟᱫᱼᱟ ᱾ ᱩᱱᱤᱫᱚ ᱟᱡᱟᱜ ᱯᱩᱭᱞᱩ ᱤᱱᱴᱟᱨᱵᱭᱩ ᱒᱐᱑᱖ ᱨᱮ NDTV ᱛᱷᱮᱱ ᱫᱤᱞᱞᱤ ᱨᱮ ᱵᱩᱨᱠᱷᱟ ᱫᱟᱛᱛ ᱥᱟᱶᱛᱮ ᱦᱩᱭ ᱮᱱᱟ ᱾ ᱚᱱᱟ ᱛᱟᱭᱚᱢ, ᱒᱐᱑᱘ ᱨᱮ ᱩᱱᱤᱫᱚ ᱟᱡᱛᱟᱠ ᱴᱤᱵᱷᱤ ᱪᱮᱱᱟᱞ ᱤᱫᱤ ᱛᱮ ᱱᱟᱣᱟ ᱫᱤᱞᱞᱤ ᱨᱮ ᱫᱚᱦᱚ ᱞᱮᱱ 'ᱥᱟᱦᱤᱛᱤᱭᱟ' ᱛᱟᱦᱮᱱ ᱞᱟᱠᱪᱟᱨ ᱫᱮᱠᱷᱟᱣ ᱨᱮ ᱦᱟᱛᱟᱣ ᱠᱮᱫᱮ ᱟᱠᱚ ᱾ ᱩᱱᱤᱫᱚ ᱥᱤᱧᱚᱛᱤᱭᱟᱹ ᱥᱟᱶᱛᱟ ᱨᱮ ᱛᱤᱨᱞᱟᱹ ᱟᱜ ᱵᱟᱨᱟᱵᱟᱨᱤ ᱨᱚᱨᱚᱲ ᱟᱨ ᱦᱚᱠ ᱞᱟᱹᱜᱤᱫ ᱛᱮ ᱥᱟᱶᱛᱟᱨᱤ ᱥᱮᱨᱮᱧ ᱟᱛᱮ ᱟᱲᱟᱝ ᱮ ᱯᱟᱥᱱᱟᱣ ᱮᱫᱼᱟ ᱾[᱓]

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱤᱱᱱᱤ ᱢᱟᱦᱤ ᱟᱜ ᱡᱟᱱᱟᱢ ᱫᱚ ᱵᱟᱵᱟ ᱨᱟᱠᱮᱥ ᱪᱚᱱᱫᱚᱨ ᱢᱟᱦᱤ[᱔] ᱟᱨ ᱟᱭᱳ ᱯᱟᱨᱚᱢᱡᱤᱛ ᱠᱳᱨ ᱢᱟᱦᱤ ᱛᱤᱠᱤᱱᱟᱜ ᱠᱚᱞᱮᱨᱮ ᱯᱚᱧᱡᱟᱵᱽ ᱨᱮᱱᱟᱜ ᱡᱚᱲᱚᱱᱫᱷᱚᱨ ᱨᱮᱱᱟᱜ ᱟᱵᱚᱫᱽᱯᱩᱨᱟ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ [᱕] ᱩᱱᱤ ᱫᱚ ᱮᱭᱟᱭ ᱥᱟᱞ ᱩᱢᱚᱨ ᱨᱮ ᱟᱡ ᱵᱟᱵᱟ ᱞᱟᱹᱜᱤᱫ ᱥᱮᱨᱮᱧ ᱮ ᱮᱦᱚᱵ ᱠᱮᱫᱼᱟ ᱾ ᱩᱱᱤ ᱨᱤᱱ ᱟᱭᱳ ᱵᱟᱵᱟ ᱫᱚ ᱟᱡ ᱨᱤᱱ ᱡᱚᱛᱚ ᱜᱤᱫᱽᱨᱟᱹ ᱟᱜ ᱧᱩᱛᱩᱢ ᱵᱚᱰᱚᱞ ᱠᱟᱛᱮ ᱵᱷᱟᱨᱛᱤ ᱫᱚᱦᱚ ᱞᱮᱜᱼᱟ ᱡᱮᱢᱚᱱ ᱱᱚᱶᱟ ᱩᱭᱦᱟᱹᱨ ᱞᱟᱹᱜᱤᱫ ᱛᱮ ᱧᱩᱛᱩᱢ ᱮᱱᱟ ᱡᱮ ᱱᱩᱭ ᱵᱷᱟᱨᱛᱤᱭᱟ ᱥᱮ ᱥᱤᱧᱚᱛᱤᱭᱟᱹ ᱠᱟᱱᱟᱭ ᱾ ᱛᱟᱭᱚᱢ ᱚᱱᱟ ᱞᱟᱹᱜᱤᱫ ᱛᱮ ᱩᱱᱤᱭᱟᱜ ᱧᱩᱛᱩᱢ ᱜᱩᱨᱠᱟᱱᱣᱟᱞ ᱵᱷᱟᱨᱛᱤ ᱦᱩᱭ ᱮᱱᱟ ᱾ ᱡᱚᱲᱚᱱᱫᱷᱚᱨ ᱨᱮᱱᱟᱜ ᱦᱟᱸᱥ ᱨᱟᱡᱽ ᱛᱤᱨᱞᱟᱹ ᱵᱤᱨᱫᱟᱹᱜᱟᱲ ᱨᱮ ᱥᱮᱨᱮᱧ ᱪᱮᱛᱟᱱ ᱨᱮ ᱰᱤᱜᱽᱨᱤ ᱟᱨ ᱵᱟᱝ ᱥᱚᱱᱮᱨ ᱮ ᱯᱟᱲᱦᱟᱣᱵ ᱠᱟᱱᱟ ᱾[᱖] ᱜᱤᱱᱱᱤ ᱫᱚ ᱑᱓ ᱥᱟᱞ ᱩᱢᱚᱨ ᱠᱷᱚᱱ ᱫᱷᱚᱨᱚᱢ ᱨᱮᱱᱟᱜ ᱥᱮᱨᱮᱧ ᱠᱚ ᱥᱮᱨᱮᱧ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱾ ᱟᱡ ᱫᱚ ᱥᱮᱨᱮᱧ ᱪᱮᱛᱟᱱ ᱨᱮ ᱯᱤᱮᱪᱰᱤ ᱥᱟᱱᱟ ᱮ ᱠᱟᱱᱟ ᱾ ᱟᱡᱟᱜ ᱧᱩᱛᱩᱢ ᱨᱮ "ᱰᱟᱠᱴᱚᱨ" ᱡᱚᱲᱟᱣ ᱦᱟᱹᱵᱤᱡ ᱮ ᱚᱞᱚᱜᱼᱟ ᱟᱨ ᱮ ᱥᱮᱨᱮᱧᱟ ᱢᱮᱱᱛᱮ ᱟᱸᱥ ᱮ ᱫᱚᱦᱚ ᱟᱠᱟᱫᱼᱟ ᱾ ᱟᱨᱦᱚᱸ ᱢᱩᱢᱵᱟᱭ ᱨᱮ ᱢᱤᱫ ᱵᱳᱞᱤᱣᱩᱰ ᱥᱮᱫ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱵᱮᱱᱟᱣᱵ ᱨᱮᱱᱟᱜ ᱟᱸᱥ ᱦᱚᱸ ᱢᱮᱱᱟᱜ ᱛᱟᱭᱟ ᱾

ᱥᱮᱨᱮᱧ ᱰᱷᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱤᱥᱠᱳᱜᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱛᱚᱜ ᱱᱚᱶᱟ ᱯᱚᱧᱡᱟᱵᱤ ᱦᱚᱲ ᱮᱞ ᱛᱟᱞᱟ ᱨᱮ ᱠᱟᱹᱣᱰᱤ ᱟᱨᱡᱟᱣ ᱞᱟᱹᱜᱤᱫ ᱛᱮ ᱫᱩᱞᱟᱹᱲ ᱥᱮᱨᱮᱧ ᱠᱚᱭ ᱥᱮᱨᱮᱧᱼᱟ ᱾ ᱱᱚᱶᱟ ᱢᱟᱬᱟᱝ ᱟᱜ ᱱᱚᱶᱟ ᱱᱤᱛᱚᱜ ᱫᱷᱟᱹᱵᱤᱡ ᱥᱮᱨᱮᱧ ᱨᱮᱱᱟᱜ ᱨᱟᱡᱽ ᱟᱹᱨᱤ ᱟᱨ ᱡᱟᱦᱟᱸᱭ ᱡᱟᱹᱛᱤ ᱵᱤᱨᱚᱫᱽ ᱥᱟᱛᱟᱢ ᱨᱮ ᱥᱟᱦᱟ ᱮᱱᱟ ᱾

ᱮᱞᱵᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱜᱩᱨᱟᱢ ᱫᱤ ᱫᱤᱣᱟᱞᱤ (᱒᱐᱑᱕)
  • ᱜᱩᱨᱩᱯᱩᱨᱟᱵ ᱦᱟᱭ ᱠᱟᱱᱥᱤ ᱵᱟᱞᱮ ᱫᱟ (᱒᱐᱑᱖)
  • Folk Fusion (᱒᱐᱑᱙)

ᱥᱮᱨᱮᱧ ᱥᱤᱠᱟᱹᱨᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱠᱷᱟᱴᱨᱟ ᱪᱟᱢᱚᱨ (᱒᱐᱑᱖)
  • ᱦᱟᱠᱭᱩ (᱒᱐᱑᱖)
  • ᱯᱷᱮᱱ ᱵᱟᱵᱟ ᱥᱟᱦᱤᱵᱽ ᱫᱤ (᱒᱐᱑᱖)
  • ᱑᱙᱓᱒ (ᱦᱟᱠᱭᱩ ᱒) (᱒᱐᱑᱗)
  • ᱥᱩᱭᱮᱴ ᱯᱟᱴᱤᱭᱟᱞᱟ (᱒᱐᱑᱗)
  • ᱥᱟᱞᱟᱢᱟᱱ (᱒᱐᱑᱘)
  • ᱨᱟᱡᱽ ᱵᱟᱵᱟ ᱥᱟᱦᱤᱵᱽ ᱫᱟ (᱒᱐᱑᱘)
  • ᱢᱟᱨᱫᱽ ᱫᱟᱞᱮᱨ (᱒᱐᱑᱙)

ᱵᱮᱯᱟᱨ ᱥᱮᱨᱮᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱫᱷᱤ ᱦᱟᱱ (ᱠᱤ ᱦᱚᱭᱟ ᱡᱮ ᱤᱠ ᱦᱟᱱ ᱫᱷᱤ)
  • ᱥᱩᱭᱮᱴ ᱯᱟᱴᱭᱤᱞᱟ
  • ᱦᱳᱞᱤᱰᱮ (ᱠᱚᱣᱟᱨ ᱥᱮᱨᱮᱧ)
  • ᱰᱟᱣᱩᱱ ᱴᱩ ᱤᱴᱷ

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]