ᱜᱨᱤᱠ ᱯᱟᱹᱨᱥᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱜᱨᱤᱠ ᱯᱟᱹᱨᱥᱤ ᱫᱚ ᱤᱱᱰᱚ-ᱤᱶᱨᱚᱯᱤᱭᱟᱱ ᱯᱟᱹᱨᱥᱤ ᱠᱟᱱᱟ ᱾ ᱱᱚᱶᱟ ᱫᱚ ᱜᱨᱤᱥ (ᱦᱮᱞᱞᱟᱥ) ᱟᱨ ᱥᱤᱯᱨᱳᱥ ᱨᱮᱱᱟᱜ ᱚᱯᱷᱤᱥᱤᱭᱟᱞ ᱯᱟᱹᱨᱥᱤ ᱠᱟᱱᱟ ᱾ ᱱᱚᱶᱟ ᱫᱚ ᱯᱩᱭᱞᱩ ᱜᱨᱤᱥ ᱨᱮ ᱠᱚ ᱨᱚᱲ ᱠᱟᱱ ᱛᱟᱦᱮᱸᱫ ᱥᱟᱶᱛᱮ ᱢᱤᱫ ᱚᱠᱛᱚᱨᱮ ᱱᱚᱶᱟ ᱫᱚ ᱮᱥᱤᱭᱟ ᱨᱮᱱᱟᱜ ᱛᱤᱢᱤᱱ ᱜᱟᱱ ᱴᱷᱟᱶ ᱟᱨ ᱠᱚᱧᱮ ᱤᱴᱟᱞᱤ ᱨᱮᱠᱚ ᱨᱚᱲ ᱠᱟᱱ ᱛᱟᱦᱮᱸᱫ ᱾ ᱢᱤᱫ ᱚᱠᱛᱚ ᱯᱟᱪᱮ ᱮᱥᱤᱭᱟ ᱟᱨ ᱮᱛᱚᱢ ᱮᱥᱤᱭᱟ ᱨᱮ ᱟᱹᱰᱤ ᱵᱟᱹᱲᱛᱤ ᱠᱚ ᱨᱚᱲᱮᱫ ᱛᱟᱦᱮᱸᱫ ᱾ ᱜᱨᱤᱠ ᱨᱮ ᱱᱚᱶᱟ ᱯᱟᱹᱨᱥᱤ ᱫᱚ ᱮᱞᱤᱱᱤᱠᱟ (Ελληνικά) ᱠᱚ ᱢᱮᱛᱟᱜ ᱠᱟᱱᱟ ᱾

ᱱᱚᱶᱟ ᱫᱚ ᱡᱤᱶᱤᱫ ᱢᱮᱱᱟᱜ ᱤᱱᱰᱚ-ᱤᱶᱨᱚᱯᱤᱭᱟᱱ ᱯᱟᱹᱨᱥᱤ ᱢᱩᱸᱫᱽ ᱠᱚᱨᱮ ᱠᱷᱚᱱ ᱜᱨᱤᱠ ᱯᱟᱹᱨᱥᱤ ᱨᱮᱱᱟᱜ ᱫᱚ ᱡᱤᱞᱤᱧ ᱜᱟᱛᱷᱟ ᱱᱟᱜᱟᱢ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱚᱞᱼᱛᱚᱞ ᱛᱮ ᱓᱔᱐᱐ ᱥᱮᱨᱢᱟ ᱢᱟᱲᱟᱝ ᱢᱟᱬᱟᱝ ᱠᱷᱚᱱ ᱛᱚᱝᱜᱮ ᱟᱹᱜᱩ ᱟᱠᱟᱱᱟ ᱾ [1] ᱱᱩᱠᱩᱶᱟᱞ ᱚᱱᱚᱞ ᱠᱚ ᱫᱚ ᱵᱟᱹᱲᱛᱤ ᱠᱟᱛᱮ ᱜᱨᱤᱠ ᱪᱤᱠᱤ ᱛᱮ ᱚᱞ ᱟᱠᱟᱱᱟ ᱚᱱᱟ ᱥᱟᱶᱛᱮ ᱞᱤᱱᱤᱭᱟᱨ ᱵᱤ (Linear B) ᱟᱨ ᱥᱤᱯᱨᱤᱭᱚᱴ ᱥᱤᱞᱟᱵᱚᱨᱤ (Cypriot syllabary) ᱪᱤᱠᱤ ᱦᱚᱸ ᱢᱟᱲᱟᱝ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱾[2]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱨᱤᱠ ᱯᱟᱹᱨᱥᱤ ᱫᱚ ᱡᱤᱥᱩ ᱢᱟᱹᱥᱤ ᱨᱮᱱᱟᱜ ᱯᱮ ᱥᱟᱥᱟᱭ ᱥᱮᱨᱢᱟ ᱢᱟᱬᱟᱝ ᱵᱟᱞᱠᱟᱱ ᱯᱮᱱᱤᱥᱩᱞᱟ ᱨᱮ ᱟᱨᱵᱟᱝ ᱚᱱᱟᱠᱷᱚᱱ ᱢᱟᱬᱟᱝ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾ ᱢᱟᱨᱮ ᱚᱱᱚᱞ ᱥᱟᱹᱠᱷᱤ ᱫᱚ ᱞᱤᱱᱤᱭᱟᱨ ᱵᱤ ᱪᱤᱠᱤ ᱛᱮ ᱻᱟᱢ ᱞᱮᱱ ᱛᱟᱦᱮᱸᱫ ᱢᱮᱥᱮᱱᱤᱭᱟ ᱨᱮ ᱡᱤᱥᱩᱢᱟᱹᱥᱤ ᱨᱮᱱᱟᱜ ᱑᱔᱕᱐ ᱟᱨ ᱑᱓᱕᱐ ᱥᱮᱨᱢᱟ ᱛᱟᱞᱟᱨᱮ,[3] ᱡᱟᱦᱟᱸ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱮ ᱚᱞᱼᱛᱚᱞ ᱞᱮᱠᱟᱛᱮ ᱥᱟᱹᱠᱷᱤ ᱫᱚᱦᱚ ᱟᱠᱟᱱᱟ ᱾ ᱤᱱᱰᱚ-ᱤᱶᱨᱚᱯᱤᱭᱟᱱ ᱯᱟᱹᱨᱥᱤ ᱨᱮ ᱱᱚᱶᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱥᱟᱹᱠᱷᱤ ᱢᱟᱹᱦᱤᱛ ᱫᱚ ᱥᱩᱢᱩᱝ ᱚᱱᱟᱛᱮᱞᱤᱭᱟᱭ ᱯᱟᱹᱨᱥᱤ ᱥᱟᱶ ᱥᱩᱢᱩᱝ ᱠᱷᱟᱯᱚᱜ ᱠᱟᱱᱟ ᱾

ᱥᱚᱨᱠᱟᱨ ᱢᱟᱱᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱨᱤᱠ ᱯᱟᱹᱨᱥᱤ ᱛᱮ ᱥᱟᱭᱤᱱᱵᱚᱨᱰ

ᱜᱨᱤᱠ ᱯᱟᱹᱨᱥᱤ ᱫᱚ ᱜᱨᱤᱥ ᱨᱮᱱᱟᱜ ᱥᱚᱨᱠᱟᱨᱤ ᱢᱟᱱᱚᱛᱟᱱ ᱯᱟᱹᱨᱥᱤ ᱠᱟᱱᱟ, ᱱᱚᱶᱟ ᱫᱚ ᱚᱱᱰᱮᱱ ᱠᱚ ᱡᱚᱛᱚ ᱞᱮᱠᱟ ᱫᱷᱟᱨᱟ ᱜᱚ ᱠᱚ ᱨᱚᱲᱟ ᱾ .[4] ᱱᱚᱶᱟ ᱫᱚ ᱥᱤᱯᱨᱳᱥ ᱨᱮᱱᱟᱜ ᱥᱚᱨᱠᱟᱨᱤ ᱢᱟᱱᱚᱛᱟᱱ ᱯᱟᱹᱨᱥᱤ ᱦᱯᱸ ᱠᱟᱱᱟ ᱾ [5] ᱜᱨᱤᱥ ᱟᱨ ᱥᱤᱯᱨᱳᱥ ᱫᱚ ᱤᱶᱨᱚᱯᱤᱭᱟᱱ ᱡᱩᱢᱤᱫᱽ (European Union) ᱨᱮᱱ ᱥᱚᱦᱮᱫᱤᱭᱟ (member) ᱠᱟᱱ ᱠᱷᱟᱹᱛᱤᱨ ᱠᱤᱱ ᱱᱚᱶᱟ ᱜᱟᱶᱛᱟ ᱨᱮᱱᱟᱜ ᱒᱔ ᱜᱚᱴᱟᱝ ᱢᱟᱱᱚᱛᱟᱱ ᱯᱟᱹᱨᱥᱤ ᱢᱩᱸᱫᱽ ᱠᱷᱚᱱ ᱜᱨᱤᱠ ᱯᱟᱹᱨᱥᱤ ᱦᱚᱸ ᱥᱟᱶ ᱨᱮ ᱢᱮᱱᱟᱜᱼᱟ ᱾[6] ᱟᱨᱦᱚᱸ ᱤᱴᱟᱞᱤ ᱨᱮᱱᱟᱜ ᱛᱤᱢᱤᱱ ᱜᱟᱱ ᱴᱚᱴᱷᱟ ᱟᱨ ᱟᱞᱵᱟᱱᱤᱭᱟ, ᱟᱨᱢᱮᱱᱤᱭᱟ, ᱨᱚᱢᱟᱱᱤᱭᱟ ᱟᱨ ᱩᱠᱟᱨᱮᱭᱤᱱ ᱨᱮ ᱫᱚᱥᱟᱨ ᱨᱟᱡᱽᱯᱟᱹᱨᱥᱤ ᱞᱮᱠᱟᱛᱮ ᱢᱟᱱᱚᱛᱻᱮ ᱧᱟᱢ ᱟᱠᱟᱫᱼᱟ ᱾

ᱚᱞ ᱟᱠᱷᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱨᱤᱠ ᱯᱟᱹᱨᱥᱤ ᱫᱚ ᱯᱟᱹᱦᱤᱞ ᱯᱮ ᱜᱚᱴᱟᱝ ᱦᱚᱨᱚᱯ ᱛᱮ ᱠᱚ ᱚᱞᱮᱫ ᱛᱟᱦᱮᱸᱫ ᱡᱮᱢᱚᱱ ᱞᱤᱱᱤᱭᱟᱨ ᱵᱤᱞᱤᱱᱤᱭᱟᱨ ᱵᱤ (Linear B), ᱥᱤᱯᱨᱤᱭᱚᱴ ᱥᱤᱞᱟᱵᱚᱨᱤ (Cypriot syllabary) ᱟᱨ ᱜᱨᱤᱠ ᱪᱤᱠᱤ, ᱢᱮᱠᱷᱟᱱ ᱱᱤᱛ ᱫᱚ ᱜᱨᱤᱠ ᱪᱤᱠᱤ ᱜᱮ ᱵᱮᱵᱷᱟᱨᱚᱜ ᱠᱟᱱᱟ ᱾

ᱜᱨᱤᱠ ᱪᱤᱠᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱨᱤᱠ ᱯᱟᱹᱨᱥᱤ ᱫᱚ ᱜᱨᱤᱠ ᱪᱤᱠᱤ ᱥᱮ ᱦᱚᱨᱚᱯ ᱛᱮ ᱡᱤᱥᱩᱢᱟᱹᱥᱤ ᱨᱮᱱᱟᱜ ᱙ ᱥᱮᱨᱢᱟ ᱢᱟᱬᱟᱝ ᱠᱷᱚᱱ ᱠᱚ ᱚᱞ ᱟᱹᱜᱩ ᱟᱠᱟᱫᱼᱟ ᱾ ᱱᱚᱶᱟ ᱫᱚ ᱯᱷᱚᱭᱮᱱᱤᱠᱟᱞ ᱦᱚᱨᱚᱯ (Phoenician alphabet) ᱠᱷᱚᱱ ᱟᱹᱱᱟᱹᱨᱩ ᱠᱟᱛᱮ ᱨᱟᱦᱟ ᱟᱲᱟᱝ ᱯᱩᱥᱴᱟᱹᱶ ᱥᱟᱶᱛᱮ ᱜᱨᱤᱠ ᱦᱚᱨᱚᱯ ᱫᱚ ᱠᱚ ᱛᱮᱭᱟᱨ ᱟᱠᱟᱫᱼᱟ ᱾ ᱯᱟᱹᱦᱤᱞ ᱫᱚ ᱜᱨᱤᱠᱤ ᱦᱚᱨᱚᱯ ᱨᱮᱱᱟᱜ ᱪᱷᱟᱯᱟ ᱪᱤᱠᱤ (upper-case letters) ᱛᱮᱜᱮ ᱚᱞᱚᱜ ᱠᱟᱱ ᱛᱟᱦᱮᱸᱫ, ᱩᱥᱟᱹᱨᱟ ᱪᱤᱠᱤ (lower-case letters) ᱫᱚ ᱟᱹᱰᱤ ᱛᱟᱭᱚᱢ ᱛᱮ ᱢᱮᱰᱤᱵᱷᱟᱞ ᱥᱠᱨᱟᱭᱤᱵᱥᱻᱮ ᱩᱛᱱᱟᱹᱶ ᱞᱮᱫ ᱛᱟᱦᱮᱸᱫ ᱩᱥᱟᱹᱨᱟ ᱫᱷᱟᱨᱟ ᱚᱞ ᱠᱚ ᱜᱟᱱᱚᱜ ᱢᱟ ᱢᱮᱱᱛᱮ ᱾

ᱜᱨᱤᱠ ᱦᱚᱨᱚᱯ ᱨᱮ ᱫᱚ ᱒᱔ ᱜᱚᱴᱟᱝ ᱪᱤᱠᱤ ᱢᱮᱱᱟᱜᱼᱟ ᱠᱚᱶᱟ, ᱵᱟᱱᱟᱨ ᱪᱷᱟᱯᱟ ᱪᱤᱠᱤ ᱟᱨ ᱩᱥᱟᱹᱨᱟ ᱪᱤᱠᱤ ᱦᱟᱹᱴᱤᱧ ᱨᱮ ᱾ ᱩᱥᱟᱹᱨᱟ ᱪᱤᱠᱤ ᱨᱮ ᱟᱨᱢᱤᱫ ᱪᱤᱠᱤ ᱦᱚᱸᱭ ᱵᱮᱵᱷᱟᱨᱚᱜ ᱠᱟᱱᱟ, ᱡᱟᱦᱟᱸᱭ ᱫᱚ ᱥᱤᱜᱢᱟ (ς) ᱢᱮᱱᱛᱮ ᱠᱚ ᱢᱮᱛᱟᱭ ᱠᱟᱱᱟ ᱾

ᱪᱷᱟᱯᱟ ᱟᱠᱷᱚᱨ
Α Β Γ Δ Ε Ζ Η Θ Ι Κ Λ Μ Ν Ξ Ο Π Ρ Σ Τ Υ Φ Χ Ψ Ω
ᱩᱥᱟᱹᱨᱟ ᱟᱠᱷᱚᱨ
α β γ δ ε ζ η θ ι κ λ μ ν ξ ο π ρ σ
ς
τ υ φ χ ψ ω

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite web|title=Greek language|work=Encyclopædia Britannica|publisher=Encyclopædia Britannica, Inc.|accessdate=29 April 2014|url=http://www.britannica.com/EBchecked/topic/244595/Greek-language
  2. Cite book|url=https://www.worldcat.org/oclc/59712402%7Ctitle=A history of the Greek language : from its origins to the present|last=1922-|first=Adrados, Francisco Rodríguez,|date=2005|publisher=Brill|isbn=9789004128354|location=Leiden|oclc=59712402
  3. cite web|title=Ancient Tablet Found: Oldest Readable Writing in Europe|publisher=en:National Geographic Society|date=30 March 2011|accessdate=22 November 2013|url=http://news.nationalgeographic.com/news/2011/03/110330-oldest-writing-europe-tablet-greece-science-mycenae-greek
  4. cite web|url=https://www.cia.gov/library/publications/the-world-factbook/geos/gr.html%7Ctitle=Greece%7Cwork=The World Factbook|publisher=Central Intelligence Agency|accessdate=23 January 2010
  5. cite web|title=The Constitution of Cyprus, App. D., Part 1, Art. 3 |deadurl=yes |url=http://www.cyprus.gov.cy/portal/portal.nsf/0/302578ad62e1ea3ac2256fd5003b61d4?OpenDocument&ExpandSection=3&Click=%7Carchiveurl=https://web.archive.org/web/20120407035710/http://www.cyprus.gov.cy/portal/portal.nsf/0/302578ad62e1ea3ac2256fd5003b61d4?OpenDocument&ExpandSection=3&Click=%7Carchivedate=7 April 2012 | states that The official languages of the Republic are Greek and Turkish. However, the official status of Turkish is only nominal in the Greek-dominated Republic of Cyprus; in practice, outside Turkish-dominated [:en:Northern Cyprus|Northern Cyprus]], Turkish is little used; see A. Arvaniti (2006): Erasure as a Means of Maintaining Diglossia in Cyprus, San Diego Linguistics Papers 2: pp. 25–38, page 27.
  6. cite web|title=The EU at a Glance – Languages in the EU|url=http://europa.eu/abc/european_countries/languages/index_en.htm%7Cwork=Europa|publisher=European Union|accessdate=30 July 2010