ᱜᱩᱞᱡᱟᱨᱤᱞᱟᱞ ᱱᱚᱱᱫᱟ
| ᱜᱩᱞᱡᱟᱨᱤᱞᱟᱞ ᱱᱚᱱᱫᱟ | |
|---|---|
.jpg) | |
| ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ Acting | |
| ᱟᱹᱢᱟᱹᱞᱤ ᱨᱮ ᱑᱑ ᱡᱟᱱᱩᱣᱟᱨᱤ ᱑᱙᱖᱖ – ᱒᱔ ᱡᱟᱱᱩᱣᱟᱨᱤ ᱑᱙᱖᱖ | |
| ᱫᱤᱥᱚᱢ ᱜᱚᱢᱠᱮ | ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱤᱥᱱᱟᱱ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱤᱱᱫᱤᱨᱟ ᱜᱟᱱᱫᱷᱤ |
| ᱟᱹᱢᱟᱹᱞᱤ ᱨᱮ ᱒᱗ ᱢᱮᱸ ᱑᱙᱖᱔ – ᱙ ᱡᱩᱱ ᱑᱙᱖᱔ | |
| ᱫᱤᱥᱚᱢ ᱜᱚᱢᱠᱮ | ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱤᱥᱱᱟᱱ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱡᱚᱵᱟᱦᱚᱨᱞᱟᱞ ᱱᱮᱦᱨᱩ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ |
| Minister of Home Affairs | |
| ᱟᱹᱢᱟᱹᱞᱤ ᱨᱮ ᱒᱙ ᱚᱜᱚᱥᱴ ᱑᱙᱖᱓ – ᱑᱔ ᱱᱚᱵᱷᱮᱢᱵᱚᱨ ᱑᱙᱖᱖ | |
| ᱢᱟᱨᱟᱝ ᱢᱱᱛᱨᱤ | ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ ᱤᱱᱫᱤᱨᱟ ᱜᱟᱱᱫᱷᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱭᱚᱥᱣᱚᱱᱛ ᱨᱟᱣ ᱪᱚᱣᱚᱱ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱔ ᱡᱩᱞᱟᱭ ᱑᱘᱙᱘ ᱥᱤᱭᱟᱞᱠᱚᱴ, ᱯᱚᱧᱡᱟᱵᱽ, ᱵᱽᱨᱤᱴᱤᱥ ᱤᱱᱰᱤᱭᱟ (ᱱᱤᱛᱚᱜ ᱫᱚ ᱯᱚᱧᱡᱟᱵᱽ, ᱯᱟᱠᱤᱥᱛᱟᱱ) |
| ᱜᱩᱨ | ᱑᱕ ᱡᱟᱱᱩᱣᱟᱨᱤ ᱑᱙᱙᱘ (᱙᱙ ᱵᱚᱭᱚᱥ) ᱚᱦᱢᱮᱫᱟᱵᱟᱫᱽ, ᱜᱩᱡᱽᱨᱟᱴ, ᱥᱤᱧᱚᱛ |
| ᱨᱟᱡᱽᱟᱹᱨᱤ ᱫᱚᱞ | ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱞᱚᱠᱥᱢᱤ |
| ᱦᱚᱯᱚᱱ | ᱒ ᱦᱚᱯᱚᱱ ᱟᱨ ᱑ ᱦᱚᱯᱚᱱ ᱮᱨᱟ |
| ᱥᱮᱪᱮᱫ ᱟᱠᱷᱲᱟ | ᱟᱞᱟᱦᱟᱵᱟᱫᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ |
ᱜᱩᱞᱡᱟᱨᱤᱞᱟᱞ ᱱᱚᱱᱫᱟ (᱔ ᱡᱩᱞᱟᱭ, ᱑᱘᱙᱘ - ᱑᱕ ᱡᱟᱱᱩᱣᱟᱨᱤ, ᱑᱙᱙᱘) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱫᱚ ᱥᱤᱭᱟᱞᱠᱳᱴ, ᱯᱚᱧᱡᱟᱵᱽ, ᱯᱟᱠᱤᱥᱛᱟᱱ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱨ ᱩᱱᱤ ᱫᱚ ᱢᱤᱫ ᱱᱟᱹᱯᱤᱛ ᱜᱷᱟᱨᱚᱸᱡᱽ ᱠᱷᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱑᱙᱖᱔ ᱨᱮ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱢᱟᱨᱟᱝ ᱢᱚᱱᱛᱨᱤ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱣᱟᱜ ᱜᱩᱨ ᱛᱟᱭᱚᱢ ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤᱭ ᱵᱮᱱᱟᱣ ᱞᱮᱱᱟ ᱾ ᱠᱚᱸᱜᱽᱨᱮᱥ ᱯᱟᱴᱤ ᱞᱟᱹᱜᱤᱫ ᱮ ᱟᱞᱟᱭ ᱟᱠᱟᱱ ᱜᱩᱞᱡᱟᱨᱤᱞᱟᱞ ᱱᱚᱱᱫᱟ ᱫᱚ ᱯᱩᱭᱞᱩ ᱫᱷᱟᱣ ᱯᱚᱸᱰᱤᱛ ᱡᱚᱵᱟᱦᱚᱨᱞᱟᱞ ᱱᱮᱦᱨᱩᱣᱟᱜ ᱜᱩᱨ ᱛᱟᱭᱚᱢ ᱑᱙᱖᱔ ᱨᱮ ᱠᱟᱹᱢᱤ ᱵᱷᱟᱹᱨᱤᱭᱟᱹ ᱢᱟᱨᱟᱝ ᱢᱚᱱᱛᱨᱤᱭ ᱵᱮᱱᱟᱣ ᱮᱱᱟ ᱾ ᱱᱩᱭᱟᱜ ᱠᱟᱹᱢᱤᱠᱛᱚ ᱫᱚ ᱵᱟᱱᱟᱨ ᱫᱷᱟᱣ ᱜᱮ ᱤᱱᱟᱹ ᱚᱠᱛᱚ ᱫᱷᱟᱹᱵᱤᱡ ᱥᱤᱢᱟᱹᱛ ᱛᱟᱦᱮᱸ ᱠᱟᱱᱟ ᱛᱤᱱ ᱫᱷᱟᱹᱵᱤᱡ ᱠᱚᱸᱜᱽᱨᱮᱥ ᱯᱟᱴᱤ ᱫᱚ ᱟᱡᱤᱡ ᱱᱟᱶᱟ ᱱᱮᱛᱟ ᱵᱟᱭ ᱵᱟᱪᱷᱚᱱ ᱟᱠᱟᱫᱮᱭᱟ ᱾
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱱᱫᱟᱡᱤᱭᱟᱜ ᱨᱩᱯ ᱞᱮᱠᱟᱛᱮ ᱧᱩᱛᱩᱢᱟᱱ ᱩᱯᱨᱩᱢ ᱢᱮᱱᱟᱜ ᱛᱟᱭ ᱜᱩᱞᱡᱟᱨᱤᱞᱟᱞ ᱱᱚᱱᱫᱟᱦᱟᱜ ᱡᱟᱱᱟᱢ ᱫᱚ ᱔ ᱡᱩᱞᱟᱭ ᱑᱘᱙᱘ ᱨᱮ ᱥᱤᱭᱟᱞᱠᱳᱴᱟ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ, ᱟᱨ ᱱᱩᱭ ᱫᱚ ᱥᱮᱱ ᱜᱷᱟᱨᱚᱸᱡᱽ ᱠᱷᱚᱱ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱱᱤᱛᱚᱜ ᱯᱟᱪᱷᱮᱛ ᱯᱟᱠᱤᱥᱛᱟᱱ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱱᱩᱭ ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱵᱩᱞᱟᱠᱤ ᱨᱟᱢ ᱱᱚᱱᱫᱟ ᱟᱨ ᱟᱭᱳᱣᱟᱜ ᱧᱩᱛᱩᱢ ᱫᱚ ᱢᱟᱹᱱᱤᱡ ᱤᱥᱣᱚᱨ ᱫᱮᱵᱤ ᱱᱚᱱᱫᱟ ᱛᱟᱦᱮᱸ ᱠᱟᱱᱟ ᱾ ᱱᱚᱱᱫᱟᱦᱟᱜ ᱯᱩᱭᱞᱩ ᱥᱮᱪᱮᱫ ᱫᱚ ᱥᱤᱭᱟᱞᱠᱳᱴᱟ ᱨᱮᱜᱮ ᱦᱩᱭ ᱥᱟᱹᱛ ᱞᱮᱱ ᱛᱟᱦᱮᱸᱫ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱞᱟᱦᱳᱨ ᱨᱮᱱᱟᱜ 'ᱯᱷᱳᱨᱢᱮᱱ ᱠᱨᱤᱥᱴᱤᱭᱟᱱ ᱢᱟᱨᱟᱝ ᱵᱤᱨᱫᱟᱹᱜᱟᱲ' ᱥᱟᱶᱛᱮ ᱤᱞᱟᱦᱟᱵᱟᱫᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱣ ᱮᱱᱟ ᱾ ᱜᱩᱞᱡᱟᱨᱤᱞᱟᱞ ᱱᱚᱱᱫᱟ ᱫᱚ ᱯᱷᱮᱠᱩᱞᱴᱤ ᱳᱯᱷ ᱟᱨᱴᱥ ᱨᱮ ᱥᱚᱱᱮᱨᱥᱤᱫᱽ ᱟᱨ ᱠᱟᱠᱩᱱ ᱨᱮ ᱥᱚᱱᱮᱨ ᱰᱤᱜᱽᱨᱤᱭ ᱟᱢᱮᱴ ᱟᱠᱟᱫ-ᱟ ᱾ ᱱᱩᱭ ᱫᱚ ᱑᱙᱑᱖ ᱨᱮ ᱑᱘ ᱥᱮᱨᱢᱟ ᱩᱢᱮᱨ ᱨᱮᱜᱮ ᱞᱚᱠᱥᱢᱤ ᱫᱮᱵᱤ ᱥᱟᱶ ᱵᱟᱯᱞᱟ ᱫᱚ ᱦᱩᱭ ᱥᱟᱹᱛ ᱞᱮᱱ ᱛᱟᱦᱮᱸᱫ ᱾ ᱟᱹᱠᱤᱱᱟᱜ ᱜᱷᱟᱨᱚᱸᱡᱽ ᱨᱮᱫᱚ ᱵᱟᱨᱭᱟ ᱦᱚᱯᱚᱱ ᱟᱨ ᱢᱤᱫ ᱦᱚᱯᱚᱱ ᱮᱨᱟ ᱠᱚ ᱥᱮᱞᱮᱫ ᱮᱱᱟ ᱾[᱑]
ᱟᱯᱚᱱᱟᱱ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱩᱞᱡᱟᱨᱤᱞᱟᱞ ᱱᱚᱱᱫᱟ ᱫᱚ ᱢᱤᱫ ᱡᱟᱹᱛᱤᱭᱟᱹᱨᱤ ᱜᱚᱨᱚᱡᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱥᱤᱧᱚᱛ ᱨᱮᱱᱟᱜ ᱯᱷᱩᱨᱜᱟᱹᱞᱟᱱ ᱦᱩᱞᱥᱟᱹᱭ ᱨᱮ ᱫᱚ ᱟᱡᱟᱜ ᱟᱹᱰᱤ ᱜᱮ ᱮᱱᱮᱢ ᱛᱟᱦᱮᱸ ᱞᱮᱱᱟ ᱾ ᱱᱚᱱᱫᱟᱡᱤᱭᱟᱜ ᱡᱤᱭᱚᱱ ᱮᱛᱚᱦᱚᱵ ᱠᱷᱚᱱ ᱜᱮ ᱫᱤᱥᱚᱢ ᱞᱟᱹᱜᱤᱫ ᱫᱚ ᱟᱞᱟᱭ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱒᱑ ᱨᱮ ᱩᱱᱤ ᱫᱚ ᱵᱟᱝᱜᱚᱲᱚᱱ ᱦᱩᱞᱥᱟᱹᱭ ᱨᱮ ᱫᱟᱣ ᱮ ᱦᱟᱛᱟᱣ ᱞᱮᱫ-ᱟ ᱾ ᱱᱚᱱᱫᱟᱡᱤ ᱫᱚ ᱟᱹᱰᱤ ᱞᱮᱠᱟᱱ ᱯᱟᱹᱨᱥᱤ ᱨᱚᱲ ᱫᱟᱲᱮ ᱜᱤᱱ ᱛᱮᱦᱚᱸ ᱠᱤᱥᱟᱹᱬ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱢᱩᱢᱵᱟᱭ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮ ᱠᱟᱹᱣᱰᱤᱟᱹᱨᱤ ᱨᱤᱱᱤᱡ ᱜᱟᱞᱚᱪᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱮᱱᱮᱢ ᱮ ᱪᱟᱞ ᱟᱠᱟᱫ-ᱟ ᱾ ᱚᱦᱢᱚᱫᱟᱵᱟᱫᱽ ᱨᱮᱱᱟᱜ ᱞᱩᱜᱽᱲᱤ ᱠᱟᱹᱨᱠᱷᱟᱱᱟ ᱨᱮ ᱟᱡ ᱫᱚ ᱞᱮᱵᱚᱨ ᱮᱥᱚᱥᱤᱭᱮᱥᱚᱱ ᱨᱮ ᱥᱩᱛᱨᱮᱛ ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱟᱨ ᱑᱙᱒᱒ ᱠᱷᱚᱱ ᱑᱙᱔᱖ ᱫᱷᱟᱹᱵᱤᱡ ᱨᱮᱱᱟᱜ ᱡᱤᱞᱤᱧ ᱚᱠᱛᱚ ᱨᱮ ᱟᱡ ᱫᱚ ᱱᱚᱶᱟ ᱯᱚᱫᱽ ᱨᱮᱜᱮᱭ ᱠᱷᱮᱢᱟᱣ ᱟᱠᱟᱫ-ᱟ ᱾ ᱱᱩᱭ ᱫᱚ ᱠᱷᱟᱹᱴᱣᱟᱹᱱ ᱠᱚᱣᱟᱜ ᱮᱴᱠᱮᱴᱚᱬᱮ ᱠᱚ ᱤᱫᱤ ᱠᱟᱛᱮ ᱞᱮᱛᱟᱲ ᱪᱤᱨᱜᱟᱹᱞ ᱛᱟᱦᱮᱸᱱ ᱟᱨ ᱩᱱᱠᱩ ᱠᱚ ᱨᱚᱜᱽ ᱟᱡᱟᱨ ᱠᱷᱚᱱ ᱚᱣᱟᱨ ᱞᱟᱹᱜᱤᱫ ᱞᱮᱛᱟᱲ ᱠᱩᱨᱩᱢᱩᱴᱩ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱑᱙᱓᱒ ᱨᱮ ᱥᱚᱛᱭᱟᱜᱽᱨᱚᱦ ᱦᱩᱞᱥᱟᱹᱭ ᱚᱠᱛᱚ ᱨᱮ ᱟᱨ ᱑᱙᱔᱒-᱑᱙᱔᱔ ᱨᱮ ᱥᱤᱧᱚᱛ ᱵᱟᱹᱜᱤᱱ ᱦᱩᱞᱥᱟᱹᱭ ᱚᱠᱛᱚ ᱨᱮ ᱱᱩᱭ ᱫᱚ ᱡᱤᱦᱚᱞᱠᱷᱟᱱᱟ ᱦᱚᱸ ᱥᱮᱱ ᱛᱮ ᱦᱩᱭ ᱟᱠᱟᱣᱟᱫᱮ ᱛᱟᱦᱮᱸᱫ ᱾
ᱨᱟᱡᱽᱟᱹᱨᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱱᱫᱟ ᱫᱚ ᱢᱩᱢᱵᱟᱭ ᱨᱮᱱᱟᱜ ᱵᱤᱫᱷᱟᱱᱥᱚᱵᱷᱟ ᱨᱮ ᱑᱙᱓᱗ ᱠᱷᱚᱱ ᱑᱙᱓᱙ ᱫᱷᱟᱹᱵᱤᱡ ᱵᱤᱫᱷᱟᱭᱚᱠ ᱞᱮᱠᱟᱛᱮᱭ ᱛᱟᱦᱮᱸ ᱟᱠᱟᱱᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱩᱱᱤ ᱫᱚ ᱢᱤᱱᱤᱥᱴᱨᱤ ᱳᱯᱷ ᱞᱮᱵᱚᱨ ᱮᱸᱰ ᱦᱟᱣᱥᱤᱝ ᱨᱮᱱᱟᱜ ᱟᱺᱜᱤᱵᱷᱟᱨ ᱫᱚ ᱢᱩᱢᱵᱟᱭ ᱥᱚᱨᱠᱟᱨ ᱨᱮ ᱛᱟᱦᱮᱸᱱ ᱛᱩᱞᱩᱡ ᱮ ᱧᱮᱞ ᱟᱠᱟᱫ-ᱟ ᱾ ᱑᱙᱔᱗ ᱨᱮ 'ᱤᱱᱰᱤᱭᱟᱱ ᱱᱮᱥᱱᱟᱞ ᱴᱨᱮᱰ ᱭᱩᱱᱤᱭᱚᱱ ᱠᱚᱸᱜᱽᱨᱮᱥ' ᱨᱮᱱᱟᱜ ᱛᱷᱟᱯᱚᱱ ᱦᱩᱭ ᱮᱱᱟ ᱟᱨ ᱱᱚᱶᱟ ᱨᱮᱱᱟᱜ ᱥᱟᱨᱦᱟᱣᱱᱟ ᱫᱚ ᱱᱚᱱᱫᱟ ᱴᱷᱮᱱ ᱜᱮ ᱪᱟᱞᱟᱜ ᱠᱟᱱᱟ ᱾ ᱢᱩᱢᱵᱟᱭ ᱥᱚᱨᱠᱟᱨ ᱨᱮ ᱛᱟᱦᱮᱸᱱ ᱚᱠᱛᱚ ᱨᱮ ᱜᱩᱞᱡᱟᱨᱤᱞᱟᱞ ᱱᱚᱱᱫᱟᱦᱟᱜ ᱦᱩᱱᱟᱹᱨ ᱧᱮᱞᱡᱩᱛ ᱠᱮᱫ ᱛᱟᱭᱚᱢ ᱱᱩᱭ ᱫᱚ ᱠᱚᱸᱜᱽᱨᱮᱥ ᱫᱤᱞᱞᱤ ᱛᱮᱭ ᱦᱚᱦᱚ ᱟᱫᱮᱭᱟ ᱾ ᱱᱚᱶᱟ ᱑᱙᱕᱐-᱑᱙᱕᱑, ᱑᱙᱕᱒-᱑᱙᱕᱓, ᱟᱨ ᱑᱙᱖᱐-᱑᱙᱖᱓ ᱨᱮ ᱫᱚ ᱥᱤᱧᱚᱛ ᱨᱮᱱᱟᱜ ᱯᱞᱟᱱᱤᱝ ᱠᱚᱢᱤᱥᱚᱱ ᱨᱮᱱᱤᱡ ᱪᱮᱭᱟᱨᱢᱮᱱ ᱯᱚᱫᱽ ᱨᱮᱭ ᱛᱟᱦᱮᱸ ᱮᱱᱟ ᱾ ᱱᱚᱝᱠᱟ ᱨᱮ ᱥᱤᱧᱚᱛ ᱨᱮᱱᱟᱜ ᱢᱚᱬᱮᱥᱮᱨᱢᱟᱱ ᱯᱚᱨᱛᱚᱱ ᱨᱮ ᱱᱩᱭᱟᱜ ᱫᱚ ᱟᱹᱰᱤ ᱜᱮ ᱜᱚᱲᱚ ᱥᱚᱦᱚᱫ ᱡᱚᱵᱟᱦᱚᱨᱞᱟᱞ ᱱᱮᱦᱨᱩᱭ ᱧᱟᱢ ᱟᱠᱟᱫ-ᱟ ᱾ ᱱᱚᱶᱟ ᱚᱠᱛᱚ ᱨᱮ ᱩᱱᱤ ᱫᱚ ᱱᱚᱝᱠᱟ ᱞᱮᱠᱟᱛᱮ ᱛᱟᱞᱢᱟ ᱥᱚᱨᱠᱟᱨ ᱜᱚᱲᱚ ᱥᱚᱦᱚᱫ ᱮ ᱪᱟᱞ ᱟᱫᱮᱭᱟ -
ᱜᱩᱞᱡᱟᱨᱤᱞᱟᱞ ᱱᱚᱱᱫᱟ ᱫᱚ ᱛᱟᱞᱢᱤᱭᱟᱹ ᱢᱚᱱᱛᱨᱤᱢᱟᱰᱮᱨ ᱨᱮ ᱠᱮᱵᱤᱱᱮᱴ ᱢᱚᱱᱛᱨᱤᱭ ᱛᱟᱦᱮᱸ ᱟᱠᱟᱱᱟ ᱟᱨ ᱟᱹᱯᱱᱟᱹᱛ ᱢᱚᱱᱛᱨᱟᱞᱚᱭ ᱨᱮᱱᱟᱜ ᱟᱺᱜᱤᱵᱷᱟᱨ ᱮ ᱥᱟᱸᱵᱽᱲᱟᱣ ᱠᱮᱫ-ᱟ ᱾ ᱱᱚᱱᱫᱟ ᱫᱚ ᱯᱚᱨᱛᱚᱱ ᱢᱚᱱᱛᱨᱟᱞᱚᱭ ᱟᱨ ᱱᱟᱹᱭ ᱜᱷᱟᱴ ᱯᱟᱱᱛᱷᱟ ᱨᱮᱱᱟᱜ ᱠᱟᱹᱢᱤ ᱢᱮᱸ ᱑᱙᱕᱒ ᱠᱷᱚᱱ ᱡᱩᱱ ᱑᱙᱕᱕ ᱫᱷᱟᱹᱵᱤᱡ ᱮ ᱧᱮᱞ ᱠᱮᱫ-ᱟ ᱾ ᱱᱚᱱᱫᱟ ᱫᱚ ᱯᱚᱨᱛᱚᱱ, ᱫᱟᱜᱯᱟᱴᱟᱱ ᱟᱨ ᱫᱟᱲᱮ ᱨᱮᱱᱟᱜ ᱢᱚᱱᱛᱨᱟᱞᱚᱭᱟᱱ ᱠᱟᱹᱢᱤ ᱠᱚ ᱫᱚ ᱮᱯᱨᱤᱞ ᱑᱙᱕᱗ ᱠᱷᱚᱱ ᱑᱙᱖᱗ ᱫᱷᱟᱹᱵᱤᱡ ᱮ ᱧᱮᱞ ᱠᱮᱫ-ᱟ ᱾ ᱱᱚᱱᱫᱟ ᱫᱚ ᱠᱷᱟᱴᱟᱣ ᱟᱨ ᱟᱨᱡᱟᱣ ᱢᱚᱱᱛᱨᱟᱞᱚᱭ ᱨᱮᱱᱟᱜ ᱠᱟᱹᱢᱤ ᱢᱟᱨᱪ ᱑᱙᱖᱓ ᱠᱷᱚᱱ ᱡᱟᱱᱩᱣᱟᱨᱤ ᱑᱙᱖᱔ ᱫᱷᱟᱹᱵᱤᱡ ᱱᱟᱯᱟᱭ ᱥᱟᱺᱦᱤᱡ ᱮ ᱧᱮᱞ ᱠᱮᱫ-ᱟ ᱾
ᱢᱟᱨᱟᱝ ᱢᱚᱱᱛᱨᱤ ᱯᱚᱫᱽᱨᱮ ᱟᱺᱜᱤᱵᱷᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱱᱫᱟ ᱫᱚ ᱢᱚᱱᱛᱨᱤᱢᱟᱰᱮᱨ ᱨᱮ ᱢᱟᱨᱟᱝᱟᱱ ᱥᱚᱦᱚᱫᱤᱭᱟᱹ ᱞᱮᱠᱟᱛᱮ ᱢᱮᱱᱟᱭ ᱠᱷᱟᱹᱛᱤᱨ ᱵᱟᱨ ᱫᱷᱟᱣ ᱠᱟᱹᱢᱤᱛᱩᱞᱤᱭᱟᱹ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮ ᱟᱺᱜᱤᱵᱷᱟᱨ ᱮ ᱛᱩᱞ ᱠᱮᱫ-ᱟ ᱾ ᱱᱩᱭᱟᱹᱜ ᱯᱩᱭᱞᱩ ᱠᱟᱹᱢᱤᱠᱛᱚ ᱫᱚ ᱒᱗ ᱢᱮᱸ ᱑᱙᱖᱔ ᱠᱷᱚᱱ ᱙ ᱡᱩᱱ ᱑᱙᱖᱔ ᱫᱷᱟᱹᱵᱤᱡ ᱛᱟᱦᱮᱸ ᱠᱟᱱᱟ, ᱛᱤᱱ ᱡᱚᱦᱚᱜ ᱯᱚᱸᱰᱤᱛ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱣᱟᱜ ᱜᱩᱨ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱫᱚᱥᱟᱨ ᱫᱷᱟᱣᱟᱜ ᱠᱟᱹᱢᱤᱠᱛᱚ ᱫᱚ ᱑᱑ ᱡᱟᱱᱩᱣᱟᱨᱤ ᱑᱙᱖᱖ ᱠᱷᱚᱱ ᱒᱔ ᱡᱟᱱᱩᱣᱟᱨᱤ ᱑᱙᱖᱖ ᱫᱷᱟᱹᱵᱤᱡ ᱛᱟᱦᱮᱸ ᱠᱟᱱᱟ, ᱛᱤᱱ ᱡᱚᱦᱚᱜ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤᱭᱟᱜ ᱛᱟᱥᱠᱚᱸᱫᱽ ᱨᱮ ᱦᱚᱲᱢᱚ ᱢᱩᱪᱟᱹᱫ ᱞᱮᱱ ᱛᱟᱭᱟ ᱾ [᱒]ᱱᱚᱱᱫᱟ ᱫᱚ ᱯᱩᱭᱞᱩ ᱢᱚᱬᱮ ᱥᱟᱫᱷᱟᱨᱚᱱ ᱵᱟᱪᱷᱱᱟᱣ ᱨᱮ ᱞᱳᱠᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾
ᱚᱞᱵᱮᱞ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱱᱫᱟ ᱫᱚ ᱢᱤᱫ ᱚᱱᱚᱞᱤᱭᱟᱹ ᱨᱩᱯ ᱨᱮ ᱟᱹᱰᱤ ᱜᱟᱱ ᱯᱚᱛᱚᱵ ᱯᱩᱛᱷᱤ ᱠᱚᱦᱚᱸᱭ ᱚᱞ ᱛᱚᱞ ᱟᱠᱟᱫ-ᱟ ᱾ ᱡᱟᱦᱟᱸ ᱠᱚᱨᱮᱱᱟᱜ ᱧᱩᱛᱩᱢ ᱫᱚ ᱱᱚᱝᱠᱟ ᱢᱮᱱᱟᱜ-ᱟ - ᱥᱚᱢ ᱟᱥᱯᱮᱠᱴᱥ ᱳᱯᱷ ᱠᱷᱟᱫᱤ, ᱮᱯᱨᱳᱪ ᱴᱩ ᱫᱤ ᱥᱮᱠᱮᱸᱰ ᱯᱷᱟᱭᱤᱵᱽ ᱤᱭᱟᱨᱥ ᱯᱞᱟᱱ, ᱜᱩᱨᱩ ᱛᱮᱜᱽᱵᱟᱦᱟᱫᱩᱨ, ᱥᱚᱸᱛ ᱮᱸᱰ ᱥᱮᱵᱤᱭᱚᱨ, ᱦᱤᱥᱴᱨᱤ ᱳᱯᱷ ᱮᱰᱡᱚᱥᱴᱢᱮᱸᱴ ᱤᱱ ᱫᱤ ᱚᱦᱢᱚᱫᱟᱵᱟᱫᱽ ᱴᱮᱠᱥᱴᱟᱭᱤᱞ, ᱯᱷᱟᱨ ᱤᱱ ᱱᱚᱣᱨᱚᱞ ᱨᱤᱵᱚᱞᱭᱩᱥᱚᱱ ᱟᱨ ᱥᱚᱢ ᱵᱮᱥᱤᱠ ᱠᱚᱱᱥᱤᱰᱨᱮᱥᱚᱱ ᱾
ᱥᱤᱨᱯᱷᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱩᱞᱡᱟᱨᱤᱞᱟᱞ ᱱᱚᱱᱫᱟ ᱫᱚ ᱫᱤᱥᱚᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱥᱚᱱᱢᱟᱱ ᱵᱷᱟᱨᱚᱛ ᱨᱚᱛᱱᱚ (᱑᱙᱙᱗) ᱟᱨ ᱫᱚᱥᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨᱤᱭᱟᱹ ᱥᱚᱱᱢᱟᱱ ᱯᱚᱫᱽᱢᱚ ᱵᱤᱵᱷᱩᱥᱚᱬ ᱛᱮᱭ ᱢᱟᱹᱱ ᱥᱟᱨᱦᱟᱣ ᱟᱠᱟᱱᱟ ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱱᱫᱟ ᱫᱚ ᱟᱹᱰᱤ ᱡᱤᱞᱤᱧ ᱵᱚᱭᱚᱥ ᱟᱨ ᱑᱐᱐ ᱥᱮᱨᱢᱟ ᱠᱷᱮᱢᱟᱣ ᱛᱟᱭᱚᱢ ᱟᱡᱟᱜ ᱜᱩᱨ ᱫᱚ ᱑᱕ ᱡᱟᱱᱩᱣᱟᱨᱤ ᱑᱙᱙᱘ ᱨᱮ ᱦᱩᱭ ᱞᱮᱱᱟ ᱾ ᱱᱩᱭ ᱫᱚ ᱢᱤᱫ ᱥᱚᱱᱚᱛ ᱢᱚᱦᱚᱨᱟᱱ ᱜᱟᱱᱫᱷᱤᱠᱛᱚ ᱨᱟᱡᱽᱱᱮᱛᱟ ᱞᱮᱠᱟᱛᱮ ᱡᱟᱭᱡᱩᱜᱽ ᱩᱭᱦᱟᱹᱨ ᱨᱮᱭ ᱛᱟᱦᱮᱸᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Kalhan, Promilla (1997). Gulzarilal Nanda: A Life in the Service of the People. Allied Publishers. p. xvi. Retrieved 26 August 2014.
- ↑ Former PMs of India Archived ᱒᱕ ᱡᱩᱱ ᱒᱐᱑᱔ at the Wayback Machine.