ᱜᱷᱟᱲᱣᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱜᱷᱟᱲᱣᱟ
Passer domesticus male (15).jpg
ᱠᱚᱲᱟ ᱜᱷᱟᱲᱣᱟ
Female House Sparrow 2 (Passer domesticus) - crop.jpg
ᱠᱩᱲᱤ ᱜᱷᱟᱲᱣᱟ
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ edit
Kingdom: Animalia
Phylum: Chordata
Class: Aves
Order: Passeriformes
Family: {{{1}}}
Genus: {{{1}}}
ᱡᱟᱹᱛ: P. domesticus
ᱵᱟᱭᱱᱚᱢᱤᱭᱟᱞ ᱧᱩᱛᱩᱢ
Passer domesticus
(Linnaeus, 1758)
PasserDomesticusDistribution.png
Synonyms[᱒]

Fringilla domestica Linnaeus, 1758
Passer domesticus (Linnaeus, 1758) Brisson, 1760
Pyrgita domestica (Linnaeus, 1758) G. Cuvier, 1817
Passer indicus Jardine and Selby, 1835
Passer arboreus Bonaparte, 1850 (preoccupied)
Passer confucius Bonaparte, 1853
Passer rufidorsalis C. L. Brehm, 1855
Passer engimaticus Zarudny, 1903
Passer ahasvar Kleinschmidt, 1904

ᱜᱷᱟᱲᱣᱟ (House sparrow) ᱫᱚ ᱠᱚ ᱦᱩᱭᱩᱜ ᱠᱟᱱᱟ ᱢᱤᱫ ᱞᱮᱠᱟᱱ ᱪᱮᱬᱮ ᱾ ᱛᱤᱢᱤᱱ ᱜᱟᱱ ᱴᱚᱴᱷᱟ ᱨᱮ ᱱᱩᱠᱩ ᱜᱷᱮᱣᱲᱟ / ᱜᱷᱮᱲᱣᱟ ᱦᱚᱸ ᱠᱚ ᱢᱮᱛᱟ ᱠᱚ ᱠᱟᱱᱟ ᱾ ᱱᱩᱠᱩ ᱫᱚ ᱵᱟᱹᱲᱛᱤ ᱠᱟᱛᱮ ᱭᱩᱨᱚᱯ ᱟᱨ ᱮᱥᱤᱭᱟ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱴᱚᱴᱷᱟ ᱨᱮ ᱠᱚ ᱧᱮᱞᱚᱜᱼᱟ ᱾ ᱱᱚᱶᱟ ᱵᱮᱜᱚᱨ ᱢᱟᱹᱱᱢᱤ ᱚᱠᱟ ᱥᱮᱫ ᱠᱚ ᱪᱟᱞᱟᱣ ᱮᱱᱟ ᱚᱱᱛᱮ ᱜᱮ ᱠᱚ ᱯᱟᱸᱡᱟ ᱤᱫᱤ ᱠᱮᱫ ᱠᱚᱣᱟ, ᱚᱱᱠᱟ ᱛᱮ ᱟᱢᱮᱨᱤᱠᱟ ᱨᱮᱱᱟᱜ ᱟᱰᱤᱜᱟᱱ ᱴᱷᱟᱶ ᱨᱮ, ᱟᱯᱷᱨᱤᱠᱟ, ᱱᱤᱣᱡᱤᱞᱮᱱᱰ ᱟᱨ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱛᱤᱢᱤᱱ ᱜᱟᱱ ᱴᱷᱟᱶ ᱨᱮ ᱠᱚ ᱵᱟᱥᱟ ᱦᱟᱠᱟᱱᱟ ᱾ ᱵᱟᱡᱟᱨ ᱱᱟᱜᱨ ᱠᱚᱨᱮ ᱫᱚ ᱛᱩᱨᱩᱭ ᱜᱚᱴᱟᱝ ᱡᱟᱹᱛ ᱨᱤᱱ ᱜᱷᱟᱲᱣᱟ ᱠᱚ ᱧᱮᱞ ᱧᱟᱢᱚᱜᱼᱟ ᱾ ᱱᱩᱠᱩ ᱫᱚ ᱦᱟᱣᱥ ᱥᱯᱮᱨᱚ, ᱥᱯᱮᱱᱤᱥ ᱥᱯᱮᱨᱳ, ᱥᱤᱱᱰ ᱥᱯᱮᱨᱳ, ᱨᱚᱥᱮᱴ ᱥᱯᱮᱨᱳ, ᱰᱮᱰ ᱥᱤ ᱥᱯᱮᱨᱳ ᱟᱨ ᱴᱨᱤ ᱥᱯᱮᱨᱳ ᱢᱮᱱᱛᱮ ᱤᱝᱜᱽᱞᱤᱥ ᱛᱮ ᱠᱚ ᱢᱮᱛᱟ ᱠᱚ ᱠᱟᱱᱟ ᱾ ᱱᱩᱠᱩ ᱫᱚ ᱥᱚᱦᱚᱨ ᱱᱟᱜᱟᱨ ᱨᱮᱜᱮ ᱵᱟᱹᱲᱛᱤ ᱠᱚ ᱧᱮᱞᱚᱜᱼᱟ ᱾ ᱱᱩᱠᱩ ᱫᱚ ᱱᱤᱛᱚᱜ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱧᱟᱢᱚᱜ ᱠᱟᱱ ᱪᱮᱬᱮ ᱞᱮᱠᱟᱛᱮ ᱢᱮᱱᱟᱜ ᱠᱚᱣᱟ ᱾ ᱦᱚᱲ ᱡᱟᱦᱟᱸ ᱨᱮᱜᱮ ᱲᱟᱜ ᱠᱚ ᱵᱮᱱᱟᱣ ᱚᱱᱛᱮ ᱜᱮ ᱱᱩᱠᱩ ᱦᱚᱸ ᱠᱚ ᱥᱮᱱᱚᱜᱼᱟ ᱾

ᱜᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱷᱟᱲᱣᱟ ᱫᱚ ᱢᱤᱫ ᱦᱩᱰᱤᱧ ᱪᱮᱬᱮ ᱠᱟᱱᱟ ᱠᱚ ᱾ ᱱᱩᱠᱩᱣᱟᱜ ᱦᱚᱲᱢᱚ ᱤᱞ ᱨᱮᱱᱟᱜ ᱨᱚᱝ ᱫᱚ ᱱᱟᱥᱮ ᱵᱟᱫᱟᱢ ᱟᱨᱟᱜ ᱟᱨᱵᱟᱝ ᱯᱩᱸᱰ ᱨᱚᱝ ᱫᱷᱟᱨᱟ ᱛᱟᱦᱮᱸᱱᱟ ᱾ ᱜᱚᱴᱟ ᱦᱚᱲᱢᱚ ᱨᱮ ᱦᱩᱰᱤᱧ ᱦᱩᱰᱤᱧ ᱤᱞ ᱛᱟᱦᱮᱸᱱᱟ ᱾ ᱴᱷᱚᱱᱴᱟ ᱟᱨ ᱡᱟᱸᱜᱟ ᱨᱮᱱᱟᱜ ᱨᱚᱝ ᱫᱚ ᱥᱟᱥᱟᱝ ᱜᱮᱭᱟ ᱾ ᱠᱚᱲᱟ ᱜᱷᱟᱲᱣᱟ ᱨᱮᱱᱟᱜ ᱫᱚ ᱦᱚᱴᱚᱜ ᱥᱩᱨ ᱢᱮᱱᱟᱜ ᱦᱮᱱᱫᱮ ᱫᱟᱜᱽ ᱠᱷᱚᱱ ᱠᱚ ᱴᱷᱤᱠᱟᱹᱜᱼᱟ ᱾ ᱑᱔ ᱠᱷᱚᱱ ᱑᱖ ᱥᱮᱼᱢᱤ ᱡᱤᱞᱤᱧ ᱱᱩᱠᱩ ᱪᱮᱬᱮ ᱫᱚ ᱢᱟᱹᱱᱢᱤ ᱭᱟᱜ ᱚᱲᱟᱜ ᱠᱚᱨᱮ ᱛᱟᱦᱮᱸᱱ ᱥᱟᱱᱟ ᱠᱚᱣᱟ ᱾ ᱱᱩᱠᱩ ᱫᱚ ᱡᱚᱛᱚ ᱞᱮᱠᱟᱱ ᱦᱚᱭ ᱦᱤᱥᱤᱫ ᱠᱚ ᱠᱩᱥᱤᱭᱟᱜᱼᱟ, ᱢᱮᱱᱠᱷᱟᱱ ᱵᱩᱨᱩ ᱮᱞᱟᱠᱟ ᱠᱚᱨᱮ ᱫᱚ ᱟᱹᱰᱤ ᱵᱟᱠᱚ ᱧᱮᱞᱚᱜᱼᱟ ᱾ ᱵᱟᱡᱟᱨ ᱱᱟᱜᱟᱨ, ᱟᱹᱛᱩ ᱫᱤᱥᱚᱢ ᱟᱨ ᱪᱟᱥ ᱵᱟᱹᱫᱽ ᱠᱷᱮᱛ ᱠᱚᱨᱮ ᱠᱚ ᱧᱮᱞ ᱧᱟᱢᱚᱜᱼᱟ ᱾ ᱠᱚᱲᱟ ᱜᱷᱟᱲᱣᱟ ᱠᱚᱣᱟᱜ ᱵᱚᱦᱚᱜ ᱪᱮᱛᱟᱱ ᱯᱟᱴᱷᱟ ᱞᱟᱛᱟᱨ ᱯᱟᱴᱷᱟ ᱟᱨ ᱡᱚᱦᱟ ᱨᱮ ᱵᱟᱫᱟᱢ ᱨᱚᱝ ᱜᱮᱭᱟ ᱠᱚ ᱾ ᱴᱷᱚᱱᱴᱟ ᱟᱨ ᱢᱮᱫ ᱫᱚ ᱦᱮᱸᱫᱮ ᱟᱨ ᱡᱟᱸᱟ ᱫᱚ ᱵᱟᱫᱟᱢ ᱨᱚᱝ ᱛᱟᱦᱮᱸᱱ ᱛᱟᱠᱚᱣᱟ ᱾ ᱠᱩᱲᱤ ᱜᱷᱟᱲᱣᱟ ᱠᱚᱣᱟᱜ ᱫᱚ ᱵᱚᱦᱚᱜ ᱪᱮᱛᱟᱱ ᱟᱨ ᱦᱚᱴᱚᱜ ᱨᱮ ᱵᱟᱫᱟᱢ ᱨᱚᱝ ᱵᱟᱭ ᱛᱟᱦᱮᱸᱱᱟ ᱾

ᱪᱤᱨᱜᱟᱹᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱠᱩ ᱪᱮᱬᱮ ᱠᱚ ᱡᱮᱜᱮᱛ ᱨᱮ ᱵᱟᱧᱪᱟᱣ ᱫᱚᱦᱚ ᱠᱚ ᱞᱟᱹᱜᱤᱫ ᱛᱮ ᱡᱟᱣ ᱥᱮᱨᱢᱟ ᱜᱮ ᱢᱟᱨᱪ ᱪᱟᱸᱫᱚ ᱨᱮᱱᱟᱜ ᱒᱐ ᱢᱟᱹᱦᱤᱛ ᱫᱚ ᱜᱷᱟᱲᱣᱟ ᱢᱟᱦᱟᱸ ᱞᱮᱠᱟᱛᱮ ᱠᱚ ᱢᱟᱱᱟᱣᱮᱫᱼᱟ ᱾[᱓][᱔]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. BirdLife International (2012). "Passer domesticus". IUCN Red List of Threatened Species. Version 2012.1. International Union for Conservation of Nature. Retrieved 16 ᱡᱩᱞᱟᱭ 2012. 
  2. Summers-Smith 1988, pp. 307–313
  3. "'Save sparrows for nature's balance'". Times of India. Bennett, Coleman & Co. 21 ᱢᱟᱨᱪ 2012. 
  4. Sathyendran, Nita (21 ᱢᱟᱨᱪ 2012). "Spare a thought for the sparrow". The Hindu. Retrieved 22 ᱢᱟᱨᱪ 2012.