ᱞᱚᱥ ᱮᱧᱡᱮᱞᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
TE-Collage Los Angeles.png

ᱞᱚᱥ ᱮᱧᱡᱮᱞᱥ (/lɒs ˈændʒələs/) ᱫᱚ ᱠᱚᱧᱮ ᱠᱟᱞᱤᱯᱷᱚᱨᱱᱤᱭᱟ ᱨᱮᱱᱟᱜ ᱱᱟᱜᱟᱨ ᱠᱟᱱᱟ ᱾ ᱱᱚᱸᱰᱮ ᱓,᱘᱔᱗,᱔᱐᱐ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱟᱨ ᱱᱚᱶᱟ ᱱᱟᱜᱟᱨ ᱥᱩᱨᱥᱩᱯᱩᱨ ᱑᱘ ᱢᱤᱞᱤᱭᱚᱱ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾[᱑] ᱱᱟᱜᱟᱨ ᱫᱚ ᱑᱒᱐᱐ ᱠᱤᱞᱚᱢᱤᱴᱚᱨ ᱜᱟᱱ ᱚᱥᱟᱨ-ᱵᱤᱥᱟᱹᱨ ᱢᱮᱱᱟᱜᱼᱟ ᱾ ᱞᱚᱥ ᱮᱧᱡᱮᱞᱥ ᱫᱚ ᱡᱩᱢᱤᱫᱽ ᱯᱚᱱᱚᱛ (USA) ᱨᱮᱱᱟᱜ ᱫᱚᱥᱟᱨ ᱵᱟᱹᱲᱛᱤ ᱦᱚᱲ ᱛᱟᱦᱮᱸᱱ ᱠᱟᱱᱟᱜ ᱱᱟᱜᱟᱨ ᱠᱟᱱᱟ, ᱡᱟᱦᱟᱸ ᱫᱚ ᱱᱤᱶ ᱭᱚᱨᱠ ᱠᱷᱚᱱ ᱯᱟᱹᱪᱷᱞᱟᱹ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱠᱟᱞᱤᱯᱷᱚᱨᱱᱤᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱦᱚᱸ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱚᱥ ᱮᱧᱡᱮᱞᱥ ᱧᱩᱛᱩᱢ ᱫᱚ ᱥᱯᱮᱱᱤᱥ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ ᱟᱨ ᱱᱚᱶᱟ ᱨᱮᱱᱟᱜ ᱢᱮᱱᱮᱛ ᱫᱚ "ᱵᱳᱝᱜᱟ ᱠᱩᱲᱤ" (The Angels) ᱾ ᱱᱚᱶᱟ ᱧᱩᱛᱩᱢ ᱫᱚ ᱚᱥᱚᱞ ᱴᱷᱟᱶ ᱧᱩᱛᱩᱢ ᱠᱷᱚᱱ ᱥᱤᱠᱩᱵ ᱟᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱚᱥᱚᱞ ᱧᱩᱛᱩᱢ ᱫᱚ "El Pueblo de Nuestra Señora la Reina de los Ángeles del Río Porciúncula" ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱯᱚᱨᱥᱤᱭᱩᱠᱩᱞᱟ ᱜᱟᱰᱟ ᱨᱤᱱᱤᱡ ᱵᱚᱝᱜᱟ ᱠᱩᱲᱤ ᱠᱚᱭᱤᱡ ᱨᱟᱹᱱᱤ ᱟᱜ ᱱᱟᱜᱟᱨ" ᱾ ᱞᱚᱥ ᱮᱧᱡᱮᱞᱥ ᱫᱚ ᱑᱗᱘᱑ ᱥᱟᱞᱮ ᱨᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱟᱹᱰᱤ ᱥᱮᱫᱟᱭ ᱨᱮᱱᱟᱜ ᱠᱟᱛᱷᱟ ᱪᱤ ᱱᱚᱶᱟ ᱮᱞᱟᱠᱟ ᱫᱚ ᱯᱷᱨᱟᱱᱥᱤᱥᱠᱟᱱ ᱨᱤᱱ ᱵᱟᱨᱭᱟ ᱱᱟᱭᱠᱮ ᱡᱩᱱᱤᱯᱮᱨᱚ ᱥᱮᱨᱟ ᱟᱨ ᱡᱩᱟᱱ ᱠᱨᱮᱥᱯᱤ ᱛᱤᱠᱤᱱ ᱠᱤᱱ ᱧᱟᱢ ᱞᱮᱫ ᱛᱟᱦᱮᱸᱫ,[᱒] ᱩᱱ ᱚᱠᱛᱚ ᱫᱚ ᱥᱯᱮᱱ ᱥᱟᱶ ᱢᱮᱥᱟ ᱠᱟᱛᱮ ᱜᱮ ᱛᱟᱦᱮᱸ ᱠᱟᱱᱟ ᱾ ᱮᱯᱨᱤᱞ ᱔, ᱑᱘᱕᱐ ᱥᱟᱞᱮᱨᱮ ᱠᱟᱞᱤᱯᱷᱚᱨᱱᱤᱭᱟ ᱫᱚ ᱡᱩᱢᱤᱫᱽ ᱯᱚᱱᱚᱛ ᱟᱢᱮᱨᱤᱠᱟ (USA) ᱨᱮᱱᱟᱜ ᱢᱤᱫ ᱯᱚᱱᱚᱛ ᱞᱮᱠᱟᱛᱮ ᱵᱮᱱᱟᱶ ᱮᱱᱟ ᱾ ᱞᱚᱥ ᱮᱧᱡᱮᱞᱥ ᱫᱚ ᱚᱞᱤᱢᱯᱤᱠ ᱨᱮᱱᱟᱜ ᱜᱷᱟᱨᱚᱸᱡᱽ ᱞᱮᱠᱟᱛᱮ ᱑᱙᱓᱐ - ᱑᱙᱔᱘ ᱥᱟᱞᱮ ᱦᱟᱹᱵᱤᱡ ᱛᱟᱦᱮᱸ ᱠᱟᱱᱟ ᱾ ᱫᱟᱨᱟᱭ ᱠᱟᱱᱟ ᱒᱐᱒᱘ ᱥᱟᱞᱮ ᱨᱮ ᱱᱚᱸᱰᱮ ᱜᱮ ᱚᱞᱤᱢᱯᱤᱠ ᱮᱱᱮᱡᱻᱮ ᱥᱟᱯᱲᱟᱣᱟ ᱱᱷᱟᱜ ᱾ ᱱᱚᱶᱟ ᱱᱟᱜᱟᱨ ᱫᱚ ᱯᱮ ᱫᱷᱟᱣ ᱨᱟᱹᱯᱩᱫ ᱞᱮᱱ ᱛᱟᱦᱮᱸᱫ ᱫᱚᱝᱜᱟ ᱠᱷᱟᱹᱛᱤᱨ ᱛᱮ ᱑᱙᱔᱓, ᱑᱙᱖᱕ ᱟᱨ ᱑᱙᱙᱒ ᱥᱟᱞᱮ ᱨᱮ, ᱡᱟᱦᱟᱸ ᱫᱚ ᱚᱸᱰᱮᱱ ᱠᱚ ᱟᱹᱫᱤᱵᱟᱹᱥᱤ ᱫᱟᱨᱟᱭ ᱛᱮ ᱥᱟᱞᱜᱟᱣ ᱞᱮᱱ ᱛᱟᱦᱮᱸᱫ ᱾ ᱑᱙᱙᱔ ᱥᱟᱞᱮ ᱨᱮᱱᱟᱜ ᱚᱛ ᱞᱟᱲᱟᱣ ᱛᱮ ᱗᱒ ᱦᱚᱲ ᱠᱚ ᱜᱚᱡ ᱞᱮᱱ ᱛᱟᱦᱮᱸᱫ ᱟᱨ ᱟᱭᱢᱟ ᱚᱲᱟᱜ ᱠᱚ ᱨᱟᱹᱯᱩᱫ ᱞᱮᱱ ᱛᱟᱦᱮᱸᱫ ᱾

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱚᱥ ᱮᱧᱡᱮᱞᱥ ᱫᱚ ᱟᱹᱰᱤ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱟᱨ ᱱᱚᱶᱟ ᱨᱮᱱᱟᱜ ᱫᱷᱟᱨᱮ ᱫᱚ ᱱᱟᱜᱟᱨ ᱛᱟᱞᱢᱟ ᱠᱷᱚᱱ ᱟᱹᱰᱤ ᱥᱟᱺᱜᱤᱧᱼᱟ, ᱡᱟᱦᱟᱸ ᱫᱚ ᱰᱷᱤᱯ ᱠᱷᱚᱱ ᱵᱩᱨᱩ ᱦᱟᱹᱵᱤᱡ ᱟᱴᱮᱫ ᱟᱠᱟᱱᱟ ᱾ ᱥᱟᱱᱴᱟ ᱢᱚᱱᱤᱠᱟ ᱵᱩᱨᱩ ᱫᱚ ᱱᱚᱶᱟ ᱱᱟᱜᱟᱨ ᱛᱟᱞᱟᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱮᱛᱚᱢ ᱥᱮᱫ ᱥᱟᱱ ᱯᱷᱮᱨᱱᱟᱱᱰᱚ ᱵᱷᱮᱞᱞᱤ ᱟᱨ ᱠᱚᱧᱮ ᱥᱮᱫ ᱞᱚᱥ ᱮᱧᱡᱮᱞᱥ ᱠᱟᱱᱠᱷᱟ (basin) ᱞᱮᱠᱟᱛᱮ ᱵᱟᱨ ᱴᱷᱮᱱ ᱮ ᱦᱟᱹᱴᱤᱧ ᱟᱠᱟᱫᱼᱟ ᱾ ᱞᱚᱥ ᱮᱧᱡᱮᱞᱥ ᱜᱟᱰᱟ ᱦᱚᱸ ᱱᱟᱜᱟᱨ ᱛᱟᱞᱟᱛᱮ ᱘᱒ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱜᱟᱱ ᱞᱤᱸᱡᱤ ᱟᱠᱟᱱᱟ ᱾ ᱞᱚᱥ ᱮᱧᱡᱮᱞᱥ ᱫᱚ ᱖.᱓ ᱢᱤᱞᱤᱢᱤᱴᱚᱨ ᱜᱟᱱ ᱡᱟᱣ ᱥᱮᱨᱢᱟ ᱜᱮ ᱥᱟᱢᱟᱝ ᱥᱮᱫ ᱥᱟᱦᱟᱜ ᱠᱟᱱᱟ ᱾ [᱓] ᱡᱟᱦᱟᱸ ᱫᱚ ᱒.᱕ ᱤᱸᱪ ᱮ ᱥᱩᱯᱩᱨᱮᱫᱼᱟ ᱡᱚᱛᱚ ᱥᱮᱨᱢᱟ ᱜᱮ ᱞᱚᱥ ᱮᱧᱡᱮᱞᱥ ᱟᱨ ᱥᱟᱱ ᱯᱷᱨᱟᱱᱥᱤᱥᱠᱚ ᱛᱟᱞᱟᱨᱮ ᱾

ᱦᱚᱭᱦᱤᱥᱤᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Hollywood sign

ᱞᱚᱥ ᱮᱧᱡᱮᱞᱥ ᱨᱮᱱᱟᱜ ᱦᱚᱭ ᱦᱤᱥᱤᱫ ᱫᱚ ᱛᱟᱞᱟᱢᱟᱞᱟ ᱫᱷᱟᱨᱟ ᱜᱮᱭᱟ ᱾ ᱚᱸᱰᱮᱱᱟᱜ ᱦᱚᱭ ᱦᱤᱥᱤᱫ ᱫᱚ ᱩᱨᱜᱩᱢ ᱟᱨ ᱨᱚᱦᱚᱲ ᱜᱮᱭᱟ ᱥᱤᱛᱩᱝ ᱨᱤᱛᱩ ᱨᱮ ᱫᱚ ᱾ ᱨᱟᱣᱟᱞ ᱟᱨ ᱟᱹᱰᱤ ᱫᱟᱜ ᱡᱟᱹᱲᱤᱭᱟᱭ ᱣᱤᱱᱴᱮᱨ ᱨᱤᱛᱩ ᱨᱮ ᱫᱚ ᱾ ᱦᱚᱭ ᱦᱤᱥᱤᱫ ᱨᱮᱱᱟᱜ ᱵᱷᱮᱯᱮᱫ ᱫᱚ ᱫᱚᱨᱭᱟ ᱠᱷᱚᱱ ᱛᱤᱱᱟᱹᱜ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱛᱷᱟᱶ ᱚᱱᱟ ᱪᱮᱛᱟᱱ ᱨᱮ ᱵᱷᱟᱹᱨᱭᱟᱹᱜᱼᱟ , ᱚᱱᱟᱛᱮ ᱫᱚᱨᱭᱟ ᱰᱷᱤᱯ ᱥᱩᱨ ᱦᱚᱲ ᱫᱚ ᱟᱹᱰᱤ ᱵᱟᱭ ᱞᱚᱞᱚ ᱠᱚᱣᱟ ᱥᱤᱛᱩᱝ ᱫᱤᱱ ᱦᱚᱸ ᱾ ᱟᱹᱰᱤ ᱠᱚᱢ ᱚᱠᱛᱚ ᱨᱮ ᱜᱮ ᱞᱚᱞᱚᱥᱚᱝ ᱫᱚ ᱫᱟᱲᱠᱮ ᱚᱵᱚᱥᱛᱟ ᱛᱮ ᱪᱟᱞᱟᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite web|title=US Census 2016 city population estimates|url=https://factfinder.census.gov/faces/tableservices/jsf/pages/productview.xhtml?src=bkmk%7Caccessdate=May 25, 2017
  2. cite web|url = http://pacificahistory.wikispaces.com/Portola+Expedition+1769+Diaries%7Ctitle = Portola Expedition 1769 Diaries|accessdate = January 7, 2015|publisher = Pacifica Historical Society
  3. cite web|url=http://www.today.com/id/24581456/ns/today-today_books/t/frey-crafts-new-view-modern-day-los-angeles/#.UpZeQE7nbIU%7Ctitle=Frey crafts a new view of modern-day Los Angeles|publisher=Today.com|accessdate=November 27, 2013