ᱞᱟᱠᱚ ᱵᱚᱫᱽᱨᱟ
| ᱞᱟᱠᱚ ᱵᱚᱫᱽᱨᱟ | |
|---|---|
 ᱞᱟᱠᱚ ᱵᱚᱫᱽᱨᱟ | |
| ᱡᱟᱱᱟᱢ | ᱑᱙ ᱥᱮᱯᱴᱮᱢᱵᱚᱨ ᱑᱙᱑᱙ ᱯᱟᱥᱮᱭᱟ, ᱠᱷᱩᱛᱯᱟᱱᱤ, ᱯᱟᱪᱮ ᱥᱤᱝᱵᱷᱩᱢ, ᱡᱷᱟᱨᱠᱷᱚᱸᱰ, ᱥᱤᱧᱚᱛ |
| ᱜᱩᱨ | ᱒᱙ ᱡᱩᱱ ᱑᱙᱘᱖ (᱖᱖ ᱵᱚᱭᱚᱥ) |
| ᱢᱟᱹᱱ ᱧᱩᱢ | ᱠᱳᱞ ᱞᱟᱠᱚ ᱵᱚᱫᱽᱨᱟ |
| ᱠᱟᱹᱢᱤ | ᱚᱱᱚᱬᱦᱤᱭᱟᱹ, ᱚᱱᱚᱞᱤᱭᱟᱹ, ᱟᱹᱠᱤᱞᱢᱟᱱ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱟᱛᱟᱢ | ᱚᱱᱚᱞᱤᱭᱟᱹ & ᱯᱟᱹᱱᱟᱹᱨᱥᱤᱭᱟᱹ |
| ᱥᱟᱶᱦᱮᱫ ᱨᱮᱱᱟᱜ ᱞᱟᱲᱟᱣᱱᱟ | ᱯᱟᱹᱨᱥᱤ & ᱯᱟᱹᱨᱥᱤ ᱨᱮᱭᱟᱜ ᱩᱯᱨᱩᱢ |
| ᱥᱟᱶᱦᱮᱫ ᱮᱱᱮᱢ |
|
ᱳᱛ ᱜᱩᱨᱩ ᱠᱳᱞ ᱞᱟᱠᱚ ᱵᱚᱫᱽᱨᱟ[᱑] (ᱦᱳ: 𑢵 𑢫𑣋𑣜𑣃 𑢬𑣉𑣚 𑢺𑣌𑣉 𑢷𑣉𑣔𑣜𑣁) (᱑᱙ ᱥᱮᱯᱴᱮᱢᱵᱚᱨ ᱑᱙᱑᱙ - ᱒᱙ ᱡᱩᱱ ᱑᱙᱘᱖) ᱫᱚ ᱦᱳ ᱯᱟᱹᱨᱥᱤ ᱨᱮᱱ ᱚᱱᱚᱞᱤᱭᱟᱹ ᱟᱨ ᱣᱟᱨᱟᱝ ᱪᱤᱛᱤ ᱚᱞ ᱛᱚᱦᱚᱨ ᱨᱮᱱ ᱥᱤᱨᱡᱚᱱᱤᱭᱟᱹ ᱠᱟᱱᱟᱭ ᱾[᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱳᱛ ᱜᱩᱨᱩ ᱠᱳᱞ ᱞᱟᱠᱚ ᱵᱚᱫᱽᱨᱟ ᱑᱙ ᱥᱮᱯᱴᱮᱢᱵᱚᱨ ᱑᱙᱑᱙ ᱥᱮᱨᱢᱟ ᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱯᱟᱪᱮ ᱥᱤᱝᱵᱷᱩᱢ ᱦᱚᱱᱚᱛ, ᱠᱷᱩᱛᱯᱟᱱᱤ ᱵᱚᱱᱚᱛ ᱨᱮᱭᱟᱜ ᱯᱟᱥᱮᱭᱟ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱯᱟᱛ ᱛᱟᱹᱠᱤᱱ ᱫᱚ ᱞᱮᱵᱮᱭᱟ ᱵᱚᱫᱽᱨᱟ ᱟᱨ ᱱᱟᱡᱳ ᱵᱚᱫᱽᱨᱟ ᱾ ᱩᱱᱤ ᱫᱚ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱵᱟᱫᱽᱪᱳᱢ ᱟᱹᱛᱩ ᱯᱨᱟᱭᱢᱟᱨᱤ ᱟᱥᱲᱟ ᱨᱮᱭ ᱮᱛᱚᱦᱚᱵ ᱞᱮᱫᱟ ᱾ ᱟᱡᱟᱜ ᱯᱨᱟᱭᱢᱟᱨᱤ ᱥᱮᱪᱮᱫ ᱯᱩᱨᱟᱹᱣ ᱛᱟᱭᱚᱢ ᱩᱱᱤ ᱫᱚ ᱯᱩᱨᱩᱭᱮᱭᱟ ᱟᱥᱲᱟ ᱨᱮᱭ ᱵᱷᱩᱨᱛᱤ ᱮᱱᱟ ᱾ ᱯᱩᱨᱩᱭᱮᱭᱟ ᱨᱮ ᱟᱡᱟᱜ ᱘ ᱟᱱ ᱪᱟᱱᱟᱪ ᱨᱮᱭᱟᱜ ᱯᱟᱲᱦᱟᱣ ᱯᱩᱨᱟᱹᱣ ᱛᱟᱭᱚᱢ ᱟᱡ ᱟᱭᱚᱼᱵᱟᱵᱟ ᱛᱟᱹᱠᱤᱱ ᱩᱱᱤ ᱫᱚ ᱪᱚᱠᱨᱚᱫᱷᱚᱨᱯᱩᱨ ᱨᱮ ᱟᱡ ᱢᱟᱢᱟ ᱚᱲᱟᱜ ᱨᱮᱠᱤᱱ ᱠᱩᱞ ᱠᱟᱫᱮᱭᱟ ᱾ ᱪᱚᱠᱨᱚᱫᱷᱚᱨᱯᱩᱨ ᱨᱮ ᱟᱡᱟᱜ ᱙ ᱟᱱ ᱪᱟᱱᱟᱪ ᱨᱮᱭᱟᱜ ᱯᱟᱲᱦᱟᱣ ᱯᱩᱨᱟᱹᱣ ᱠᱟᱛᱮ, ᱛᱟᱭᱚᱢ ᱛᱮᱱᱟᱜ ᱯᱟᱲᱦᱟᱣ ᱞᱟᱹᱜᱤᱫ ᱩᱱᱤ ᱫᱚ ᱪᱟᱸᱭᱵᱟᱥᱟ ᱛᱮᱭ ᱪᱟᱞᱟᱣ ᱮᱱᱟ ᱾ ᱩᱱᱤ ᱪᱟᱸᱭᱵᱟᱥᱟ ᱨᱮᱭᱟᱜ ᱦᱚᱱᱚᱛ ᱩᱥᱩᱞ ᱵᱤᱨᱫᱟᱹᱜᱟᱲ ᱨᱮ ᱢᱮᱴᱨᱤᱠᱩᱞᱮᱥᱟᱱ ᱨᱮᱭ ᱵᱷᱩᱨᱛᱤ ᱮᱱᱟ ᱾ ᱢᱮᱴᱨᱤᱠᱩᱞᱮᱥᱟᱱ ᱯᱩᱨᱟᱹᱣ ᱛᱟᱭᱚᱢ, ᱡᱚᱭᱯᱟᱞ ᱥᱤᱝ ᱟᱜ ᱜᱚᱲᱚ ᱛᱮ ᱩᱱᱤ ᱫᱚ ᱯᱟᱧᱡᱟᱵᱽ ᱨᱮᱭᱟᱜ ᱡᱟᱞᱟᱱᱫᱷᱟᱨ ᱨᱮᱭ ᱥᱮᱱ ᱮᱱᱟ ᱾ ᱚᱸᱰᱮ ᱡᱟᱞᱟᱱᱫᱷᱟᱨ ᱥᱚᱦᱚᱨ ᱠᱚᱞᱮᱡᱽ ᱠᱷᱚᱱ ᱩᱱᱤ ᱦᱳᱢᱤᱭᱳᱯᱮᱛᱷᱤ ᱨᱮ ᱜᱨᱮᱡᱩᱭᱮᱴ ᱮ ᱠᱚᱨᱟᱣ ᱞᱮᱫᱟ ᱾
ᱠᱟᱹᱢᱤ ᱡᱤᱭᱚᱱ ᱟᱨ ᱣᱟᱨᱟᱝ ᱪᱤᱛᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱡᱟᱜ ᱯᱟᱲᱦᱟᱣ ᱯᱩᱨᱟᱹᱣ ᱛᱟᱭᱚᱢ ᱩᱱᱤ ᱫᱚ ᱚᱲᱟᱜ ᱛᱮᱭ ᱨᱩᱣᱟᱹᱲ ᱮᱱᱟ ᱾ ᱛᱟᱭᱚᱢ ᱛᱮ ᱥᱤᱧᱚᱛᱤᱭᱟᱹ ᱨᱮᱞ ᱨᱮ ᱢᱤᱫ ᱠᱞᱟᱨᱠ ᱨᱮᱭᱟᱜ ᱠᱟᱹᱢᱤ ᱮ ᱧᱟᱢ ᱞᱮᱫᱟ ᱟᱨ ᱰᱟᱺᱜᱩᱣᱟᱹᱯᱚᱥᱤ ᱨᱮᱭ ᱯᱳᱥᱴ ᱮᱱᱟ ᱾ ᱨᱮᱞ ᱨᱮ ᱠᱟᱹᱢᱤ ᱚᱠᱛᱚ ᱩᱱᱤ ᱣᱟᱨᱟᱝ ᱪᱤᱛᱤ ᱪᱤᱠᱤ ᱮ ᱥᱤᱨᱡᱚᱱ ᱞᱮᱫᱟ ᱾ ᱱᱚᱣᱟ ᱪᱷᱚᱨᱟᱣ ᱯᱟᱥᱱᱟᱣ ᱞᱟᱹᱜᱤᱫ ᱩᱱᱤ ᱢᱟᱹᱱ ᱢᱟᱦᱟᱛᱤ ᱵᱟᱱᱫᱟᱨᱟ ᱟᱜ ᱜᱚᱲᱚ ᱛᱮ ᱡᱷᱤᱸᱠᱯᱟᱹᱱᱤ ᱨᱮ ᱫᱩᱯᱩᱵᱽ ᱦᱩᱫᱟᱹ ᱮ ᱛᱮᱭᱟᱨ ᱞᱮᱫᱟ ᱾ ᱫᱩᱯᱩᱵᱽ ᱦᱩᱫᱟᱹ ᱨᱮᱭᱟᱜ ᱜᱟᱞᱢᱟᱨᱟᱣ ᱠᱚ ᱡᱷᱤᱸᱠᱯᱟᱹᱱᱤ ᱨᱮᱭᱟᱜ ᱮ.ᱥᱤ.ᱥᱤ ᱥᱤᱢᱮᱱᱴ ᱯᱞᱟᱴ ᱨᱮᱭᱟᱜ ᱢᱤᱫ ᱚᱲᱟᱜ ᱨᱮ ᱦᱩᱭᱩᱜ ᱠᱟᱱ ᱛᱟᱦᱮᱱᱟ ᱾ ᱥᱩᱨᱼᱥᱩᱯᱩᱨ ᱟᱹᱛᱩ ᱠᱚᱨᱮᱱ ᱦᱚᱲ ᱱᱚᱣᱟ ᱫᱩᱯᱩᱵᱽ ᱦᱩᱫᱟᱹ ᱨᱮ ᱦᱮᱡᱽ ᱠᱟᱛᱮ ᱣᱟᱨᱟᱝ ᱪᱤᱛᱤ ᱠᱚ ᱪᱮᱫᱚᱜ ᱠᱟᱱ ᱛᱟᱦᱮᱸᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "हो समाज ने लाको बोदरा की मनाई पुण्यतिथि- m.bhaskar.com". 30 June 2016.
- ↑ "TATA STEEL COMMEMORATES THE BIRTH ANNIVERSARY OF PT. GURU KOL LAKO BODRA". Archived from the original on 2015-09-24. Retrieved 2023-10-06.
{{cite web}}: CS1 maint: bot: original URL status unknown (link)