ᱪᱚᱠᱨᱚᱫᱷᱚᱨᱯᱩᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱪᱚᱠᱨᱚᱫᱷᱚᱨᱯᱩᱨ
ᱯᱚᱨᱟᱦᱟᱴ
ᱥᱚᱦᱚᱨ
Durga Puja Celebrations.jpg
River sanjay.jpg
Nakti Dam.jpg
Bank of sanjay river.jpg
River sanjay.jpg
ᱫᱩᱨᱜᱟ ᱯᱩᱡᱟ ᱯᱟᱨᱟᱵᱽ, ᱥᱚᱝᱡᱚᱭ ᱜᱟᱰᱟ, ᱱᱚᱠᱴᱤ ᱰᱮᱢ ᱟᱨ ᱥᱚᱝᱡᱚᱭ ᱜᱟᱰᱟ ᱨᱮᱱᱟᱜ ᱫᱷᱟᱨᱮ
ᱮᱴᱟᱜ ᱧᱩᱛᱩᱢ: ᱥᱤ.ᱠᱮ.ᱯᱤ. (CKP)
ᱪᱚᱠᱨᱚᱫᱷᱚᱨᱯᱩᱨ is located in Jharkhand
ᱪᱚᱠᱨᱚᱫᱷᱚᱨᱯᱩᱨ
ᱪᱚᱠᱨᱚᱫᱷᱚᱨᱯᱩᱨ
ᱪᱚᱠᱨᱚᱫᱷᱚᱨᱯᱩᱨ is located in India
ᱪᱚᱠᱨᱚᱫᱷᱚᱨᱯᱩᱨ
ᱪᱚᱠᱨᱚᱫᱷᱚᱨᱯᱩᱨ
ᱪᱚᱠᱨᱚᱫᱷᱚᱨᱯᱩᱨ ᱨᱮᱱᱟᱜ ᱴᱷᱟᱶ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ
Coordinates: 22°42′N 85°38′E / 22.7°N 85.63°E / 22.7; 85.63Coordinates: 22°42′N 85°38′E / 22.7°N 85.63°E / 22.7; 85.63
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱡᱷᱟᱨᱠᱷᱚᱸᱰ
ᱦᱚᱱᱚᱛ ᱯᱟᱪᱮ ᱥᱤᱝᱵᱷᱩᱢ
ᱛᱷᱟᱯᱚᱱ ᱑᱘᱙᱐
ᱵᱩᱱᱤᱭᱟᱹᱫᱤᱭᱟᱹ ᱵᱨᱤᱴᱤᱥ ᱥᱚᱨᱠᱟᱨ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱒)
 • ᱞᱮᱠᱷᱟᱜᱩᱴ ᱑᱙᱗,᱙᱕᱓
ᱯᱟᱹᱨᱥᱤ
 • ᱥᱟᱨᱠᱟᱨᱤ ᱯᱟᱹᱨᱥᱤ ᱦᱤᱱᱫᱤ, ᱤᱝᱜᱽᱞᱤᱥ
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ ᱘᱓᱓᱑᱐᱒
ᱴᱮᱞᱤᱯᱷᱚᱱ ᱠᱳᱰ ᱙᱑᱖᱕᱘᱗
ᱜᱟᱹᱰᱤ ᱨᱤᱡᱤᱥᱴᱨᱤ JH-06
ᱡᱟᱱᱟᱝ ᱡᱟᱹᱱᱤ ᱑᱐᱐᱐:᱙᱙᱘ /

ᱪᱚᱠᱨᱚᱫᱷᱚᱨᱯᱩᱨ ᱫᱚ ᱢᱤᱫ ᱱᱟᱜᱟᱨ ᱯᱟᱞᱤᱠᱟ ᱠᱟᱱᱟ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱯᱟᱪᱮ ᱥᱤᱝᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱪᱚᱠᱨᱚᱫᱷᱚᱨᱯᱩᱨ (CKP) ᱰᱤᱵᱤᱡᱚᱱ ᱨᱮᱱᱟᱜ ᱨᱮᱞᱣᱮ ᱰᱤᱵᱤᱡᱚᱱᱟᱞ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱒᱒᱗ ᱢᱤᱴᱚᱨ (᱗᱕᱔ ᱯᱷᱤᱴ) ᱩᱥᱩᱞ ᱨᱮ ᱢᱮᱱᱟᱜᱼᱟ ᱟᱨ ᱱᱚᱣᱟ ᱥᱟᱢᱟᱝ ᱥᱮᱦᱮᱫ ᱨᱮ ᱡᱟᱢᱥᱮᱫᱽᱯᱩᱨ (ᱴᱟᱴᱟᱱᱚᱜᱚᱨ) ᱛᱮ ᱜᱷᱮᱨᱟᱣ ᱟᱠᱟᱱᱟ ᱟᱨ ᱱᱚᱣᱟ ᱑᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱥᱚᱦᱨᱤ ᱮᱨᱤᱭᱟ ᱢᱮᱱᱟᱜᱼᱟ, ᱟᱨ ᱯᱚᱪᱷᱤᱢ ᱨᱮ ᱨᱟᱩᱨᱠᱮᱞᱟ (ᱳᱰᱤᱥᱟ) ᱛᱮ ᱮᱥᱮᱫ ᱟᱠᱟᱱᱟ, ᱠᱚᱸᱭᱮ ᱨᱮ ᱨᱟᱺᱪᱤ (ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ) ᱟᱨ ᱮᱛᱚᱢ ᱨᱮ ᱪᱟᱺᱭᱵᱟᱥᱟ (ᱯᱟᱪᱮ ᱥᱤᱝᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱦᱚᱱᱚᱛ) ᱢᱮᱱᱟᱜᱼᱟ ᱾ ᱪᱚᱠᱨᱚᱫᱷᱚᱨᱯᱩᱨ ᱨᱮ ᱵᱟᱨᱭᱟ ᱯᱩᱲᱥᱤ ᱯᱚᱱᱚᱛ ᱢᱮᱱᱟᱜᱼᱟ, ᱳᱰᱤᱥᱟ ᱟᱨ ᱯᱚᱪᱷᱤᱢ ᱵᱟᱝᱞᱟ ᱥᱤᱢᱟᱹ ᱥᱩᱨ ᱨᱮ ᱢᱮᱱᱟᱜᱼᱟ ᱾

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱚᱠᱨᱚᱫᱷᱚᱨᱯᱩᱨ 22°42′N 85°38′E / 22.7°N 85.63°E / 22.7; 85.63[᱑] ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱒᱒᱗ ᱢᱤᱴᱚᱨ (᱗᱔᱕ ᱯᱷᱤᱴ) ᱢᱮᱱᱟᱜᱼᱟ ᱾ ᱱᱚᱣᱟ ᱰᱮᱦᱮᱨ ᱛᱮᱫ (majority) ᱵᱤᱨ ᱛᱮ ᱥᱟᱡᱟᱣ ᱟᱠᱟᱱᱟ, ᱟᱨ ᱥᱚᱸᱡᱚᱭ ᱜᱟᱰᱟ ᱮᱛᱚᱢᱼᱯᱟᱪᱮ ᱴᱚᱴᱷᱟ ᱨᱮ ᱞᱤᱸᱜᱤᱱ ᱠᱟᱱᱟ ᱾ ᱢᱟᱱᱟᱣ ᱟᱠᱚ ᱡᱮ ᱪᱚᱠᱨᱚᱫᱷᱚᱨᱯᱩᱨ ᱫᱚ ᱑᱙᱐᱐ ᱨᱮᱱᱟᱜ ᱜᱮᱞ ᱥᱟᱞ ᱚᱠᱛᱚ (Decade) ᱨᱮᱱᱟᱜ ᱛᱟᱞᱟᱢᱟᱞᱟ ᱨᱮ ᱢᱤᱫ ᱞᱮᱠᱟ (quasi) ᱵᱩᱨᱩ ᱥᱴᱮᱥᱚᱱ ᱛᱟᱦᱮᱸ ᱠᱟᱱᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱪᱚᱠᱨᱚᱫᱷᱚᱨᱯᱩᱨ ᱱᱚᱜᱚᱨ ᱯᱚᱨᱤᱥᱟᱫᱽ ᱨᱤᱱ ᱜᱩᱴ ᱦᱚᱲ ᱮᱞ ᱕᱖,᱕᱓᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱰᱮ ᱠᱷᱚᱱ ᱒᱘,᱙᱓᱒ ᱠᱚᱲᱟ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱒᱗,᱕᱙᱙ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐ ᱠᱷᱚᱱ ᱖ ᱵᱚᱪᱷᱚᱨ ᱨᱮᱱᱟᱜ ᱩᱢᱚᱨ ᱵᱷᱤᱛᱤᱨ ᱦᱚᱲ ᱮᱞ ᱖,᱔᱖᱗ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾ ᱪᱚᱠᱨᱚᱫᱷᱚᱨᱯᱩᱨ ᱨᱮ ᱜᱩᱴ ᱥᱮᱪᱮᱫ ᱔᱒,᱙᱔᱐ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱰᱮ ᱗᱕.᱙% ᱦᱚᱲ ᱮᱞ ᱘᱑.,᱐% ᱠᱚᱲᱟ ᱥᱮᱪᱮᱫ ᱟᱨ ᱗᱐.᱗% ᱛᱤᱨᱞᱟᱹ ᱥᱮᱪᱮᱫ ᱛᱟᱦᱮᱸ ᱠᱟᱱᱟ ᱾ ᱪᱚᱠᱨᱚᱫᱷᱚᱨᱯᱩᱨ ᱨᱮᱱᱟᱜ ᱗+ ᱦᱚᱲ ᱮᱞ ᱨᱮᱱᱟᱜ ᱥᱮᱪᱮᱫ ᱫᱚᱨ ᱘᱕.᱘% ᱛᱟᱦᱮᱸ ᱠᱟᱱᱟ, ᱚᱱᱰᱮ ᱠᱷᱚᱱ ᱠᱚᱲᱟ ᱟᱜ ᱥᱮᱪᱮᱫ ᱫᱚᱨ ᱙᱑.᱖% ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱗᱙.᱖% ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱟᱨ ᱟᱹᱫᱤᱵᱟᱹᱥᱤ ᱟᱜ ᱦᱚᱲ ᱮᱞ: ᱕,᱙᱗᱒ ᱟᱨ ᱘,᱖᱔᱘ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾ ᱒᱐᱑᱑ ᱨᱮ ᱪᱚᱠᱨᱚᱫᱷᱚᱨᱯᱩᱨ ᱨᱮ ᱑᱑,᱔᱗᱒ ᱚᱲᱟᱜ ᱛᱟᱦᱮᱸ ᱠᱟᱱᱟ ᱾[᱒]

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱤᱱᱫᱤ ᱫᱚ ᱱᱚᱜᱚᱨ ᱨᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱠᱟᱱᱟ ᱟᱨ ᱰᱮᱦᱮᱨ ᱛᱮᱫ ᱦᱚᱲ ᱟᱜ ᱯᱟᱹᱨᱥᱤ ᱦᱚᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱩᱨᱫᱩ, ᱳᱰᱤᱭᱟ, ᱵᱟᱸᱜᱽᱞᱟ, ᱦᱚ, ᱥᱟᱱᱛᱟᱲᱤ, ᱵᱷᱚᱡᱽᱯᱩᱨᱤ ᱟᱨ ᱢᱩᱸᱰᱟᱹ ᱢᱮᱱᱟᱜᱼᱟ, ᱱᱚᱣᱟ ᱥᱚᱨᱠᱟᱨᱤ ᱯᱟᱹᱨᱥᱤ ᱦᱚᱸ ᱠᱟᱱᱟ ᱾[᱓]

ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱲᱚᱠ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱥᱚᱦᱚᱨ ᱫᱚ ᱥᱚᱲᱚᱠ ᱟᱨ ᱨᱮᱞ ᱵᱟᱱᱟᱨ ᱛᱮ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱨᱟᱺᱪᱤ, ᱪᱟᱸᱭᱵᱟᱥᱟ, ᱴᱟᱴᱟᱱᱚᱜᱚᱨ ᱟᱨ ᱨᱟᱩᱨᱠᱮᱞᱟ ᱟᱨ ᱡᱚᱛᱚ ᱯᱩᱲᱥᱤ ᱥᱚᱦᱚᱨ ᱟᱨ ᱟᱹᱛᱩ ᱥᱚᱲᱚᱠ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾

ᱨᱮᱞ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱚᱠᱨᱚᱫᱷᱚᱨᱯᱩᱨ ᱫᱚ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱯᱩᱱᱭᱟ ᱰᱤᱵᱤᱡᱚᱱ ᱦᱮᱰᱠᱩᱣᱟᱴᱚᱨ ᱠᱷᱚᱱᱟᱜ ᱫᱚ ᱢᱤᱫᱴᱟᱹᱝ ᱜᱮᱭᱟ ᱾ ᱪᱚᱠᱨᱚᱫᱷᱚᱨᱯᱩᱨ ᱰᱤᱵᱤᱡᱚᱱ ᱨᱮ ᱯᱩᱭᱞᱩ ᱨᱮᱞ ᱞᱟᱭᱤᱱ ᱒᱒ ᱡᱟᱱᱩᱣᱟᱨᱤ ᱑᱘᱙ᱼ ᱥᱟᱞ ᱨᱮ ᱗᱒.᱒᱕ ᱢᱤᱞ (᱑᱑᱖.᱒᱘ ᱠᱤᱞᱚᱢᱤᱴᱚᱨ) ᱡᱤᱞᱤᱧ ᱯᱩᱨᱩᱞᱤᱭᱟᱹᱼᱪᱚᱠᱨᱚᱫᱷᱚᱨᱯᱩᱨ ᱨᱮᱞ ᱞᱟᱭᱤᱱ ᱵᱟᱹᱭᱥᱟᱹᱣ ᱥᱟᱶᱛᱮ ᱡᱷᱤᱦ ᱥᱟᱹᱜᱩᱱ ᱞᱮᱱᱟ ᱛᱟᱦᱮᱸᱫ ᱾ ᱪᱚᱠᱨᱚᱫᱷᱚᱨᱯᱩᱨ ᱰᱤᱵᱤᱡᱚᱱ ᱞᱮᱠᱟᱛᱮ ᱥᱮᱱᱚᱜᱟᱦ ᱢᱩᱬ ᱴᱨᱟᱝᱠ ᱰᱟᱦᱟᱨ ᱨᱮ ᱨᱮᱞ ᱰᱟᱦᱟᱨ ᱑᱘ ᱯᱷᱮᱵᱽᱨᱩᱣᱟᱨᱤ ᱑᱘᱙᱑ ᱥᱟᱞ ᱨᱮ ᱜᱚᱭᱮᱞᱠᱮᱨᱟᱼᱡᱷᱟᱨᱥᱩᱜᱩᱰᱟ ᱥᱮᱠᱥᱚᱱ ᱨᱮ ᱡᱷᱤᱦ ᱥᱟᱹᱜᱩᱱ ᱞᱮᱱᱟ ᱛᱟᱦᱮᱸᱫ ᱾ ᱱᱚᱣᱟ ᱥᱮᱠᱥᱚᱱ ᱡᱷᱤᱦ ᱥᱟᱶᱛᱮ ᱵᱮᱝᱜᱚᱞ ᱱᱟᱜᱽᱯᱩᱨ ᱨᱮᱞᱣᱮ (ᱵᱤᱮᱱᱟᱨ) ᱨᱮᱱᱟᱜ ᱢᱩᱬ ᱞᱟᱭᱤᱱ ᱰᱟᱦᱟᱨ ᱯᱩᱨᱟᱹᱣ ᱮᱱᱟ ᱾ ᱓ ᱢᱟᱨᱪ ᱑᱘᱙᱑ ᱥᱟᱞ ᱨᱮ ᱪᱚᱠᱨᱚᱫᱷᱚᱨᱯᱩᱨ ᱥᱴᱮᱥᱚᱱ ᱨᱮ ᱥᱤᱧᱚᱛ ᱨᱮᱱᱟᱜ ᱣᱟᱭᱤᱥᱨᱚᱭ ᱞᱳᱨᱰ ᱞᱮᱸᱥᱰᱟᱣᱩᱱ ᱨᱤᱱᱤᱡ ᱯᱟᱨᱥᱮᱛ ᱨᱮ ᱟᱥᱟᱱᱥᱳᱞ ᱠᱷᱚᱱ ᱱᱟᱜᱽᱯᱩᱨ ᱫᱷᱟᱹᱵᱤᱡ ᱢᱩᱬ ᱞᱟᱭᱤᱱ ᱨᱮᱱᱟᱜ ᱟᱹᱢᱟᱹᱞᱮᱫ ᱩᱰᱷᱟᱹᱣ ᱥᱟᱹᱜᱩᱱ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾

ᱱᱚᱣᱟ ᱦᱟᱵᱽᱲᱟᱼᱱᱟᱜᱽᱯᱩᱨᱼᱢᱩᱢᱵᱟᱭ ᱞᱟᱭᱤᱱ ᱨᱮᱱᱟᱜ ᱴᱟᱴᱟᱱᱚᱜᱚᱨᱼᱵᱤᱞᱟᱥᱯᱩᱨ ᱠᱷᱚᱸᱰ ᱨᱮ ᱢᱮᱱᱟᱜᱼᱟ ᱾ ᱪᱚᱠᱨᱚᱫᱷᱚᱨᱯᱩᱨ ᱰᱤᱵᱤᱡᱚᱱ ᱫᱚ ᱡᱷᱟᱨᱠᱷᱚᱸᱰ ᱟᱨ ᱳᱰᱤᱥᱟ ᱨᱮᱱᱟᱜ ᱢᱮᱱᱨᱟᱞ ᱟᱨ ᱤᱱᱰᱟᱥᱴᱨᱤ ᱞᱮᱠᱟᱛᱮ ᱠᱤᱥᱟᱹᱬ ᱴᱚᱴᱷᱟ ᱨᱮ ᱠᱟᱹᱢᱤ ᱠᱟᱱᱟ ᱾ ᱱᱚᱣᱟ ᱥᱟᱢᱟᱝ ᱟᱨ ᱯᱟᱪᱮ ᱥᱤᱝᱵᱷᱩᱢ, ᱥᱟᱹᱨᱟᱹᱭᱠᱮᱞᱟᱼᱠᱷᱚᱨᱥᱚᱶᱟ, ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱤᱢᱰᱮᱜᱟ ᱟᱨ ᱳᱰᱤᱥᱟ ᱨᱮᱱᱟᱜ ᱡᱷᱟᱨᱥᱩᱜᱩᱰᱟ, ᱠᱮᱱᱫᱩᱡᱷᱚᱨ, ᱥᱩᱱᱫᱚᱨᱜᱚᱲ ᱟᱨ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱟᱴᱮᱫ ᱟᱠᱟᱱᱟ ᱾ ᱱᱚᱣᱟ ᱵ'ᱰᱤᱵᱤᱡᱚᱱ ᱨᱮ ᱫᱤᱥᱚᱢ ᱨᱮᱱᱟᱜ ᱥᱟᱢᱟᱝ ᱟᱨ ᱯᱟᱪᱮ ᱴᱷᱟᱶ ᱛᱟᱞᱟ ᱨᱮ ᱢᱟᱞ ᱰᱷᱩᱞᱟᱭ ᱟᱨ ᱦᱤᱡᱩᱜ ᱥᱮᱱᱚᱜ ᱜᱟᱹᱰᱤ ᱭᱟᱜ ᱢᱩᱬ ᱰᱟᱦᱟᱨ ᱢᱮᱱᱟᱜᱼᱟ ᱾ ᱱᱚᱣᱟ ᱴᱚᱴᱷᱟ ᱫᱚ ᱱᱟᱯᱟᱭ ᱞᱮᱠᱟᱛᱮ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱨᱤᱫᱟᱹᱭ ᱠᱚ ᱢᱮᱛᱟᱜᱼᱟ ᱾ ᱱᱤᱛᱚᱜ ᱢᱮᱱᱟᱜ ᱦᱟᱱᱛᱟᱨᱟ ᱪᱚᱠᱨᱚᱫᱷᱚᱨᱯᱩᱨ ᱰᱤᱵᱤᱡᱚᱱ ᱵᱮᱱᱟᱣᱟᱜ ᱴᱚᱴᱷᱟ ᱨᱮ ᱨᱮᱞ ᱰᱟᱦᱟᱨ ᱨᱮᱱᱟᱜ ᱩᱛᱷᱱᱟᱹᱣ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱢᱟᱲᱟᱝ ᱟᱜ ᱵᱮᱝᱜᱚᱞᱼᱱᱟᱜᱽᱯᱩᱨ ᱨᱮᱞᱣᱮ ᱨᱮᱱᱟᱜ ᱢᱩᱬ ᱨᱮ ᱢᱮᱱᱟᱜᱼᱟ ᱾ ᱪᱚᱠᱨᱚᱫᱷᱚᱨᱯᱩᱨ ᱰᱤᱵᱤᱡᱚᱱ ᱨᱮᱱᱟᱜ ᱵᱮᱵᱷᱟᱨ ᱴᱚᱴᱷᱟ ᱨᱮᱱᱟᱜ ᱯᱩᱭᱞᱩ ᱨᱮᱞ ᱞᱟᱭᱤᱱ ᱑᱘᱙᱐ ᱥᱟᱞᱮ ᱨᱮ ᱫᱚᱦᱚ ᱞᱮᱱᱟ ᱛᱟᱦᱮᱸᱫ ᱾ ᱱᱤᱛᱚᱜ ᱢᱮᱱᱟᱜ ᱦᱟᱱᱛᱟᱨᱟ ᱪᱚᱠᱨᱚᱫᱷᱚᱨᱯᱩᱨ ᱰᱤᱵᱤᱡᱚᱱ ᱗᱔᱑.᱗᱐᱕ ᱨᱩᱴᱼᱠᱤᱞᱚᱢᱤᱴᱚᱨ ᱡᱤᱞᱤᱧ ᱫᱷᱟᱵᱤᱡ ᱟᱴᱮᱫ ᱟᱠᱟᱱᱟ, ᱚᱱᱰᱮ ᱠᱷᱚᱱ ᱓᱓᱕.᱗᱙᱘ ᱨᱩᱴᱼᱠᱤᱞᱚᱢᱤᱴᱚᱨ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱢᱮᱱᱟᱜᱼᱟ ᱟᱨ ᱔᱐᱕.᱙᱐᱗ ᱠᱤᱞᱚᱢᱤᱴᱚᱨ ᱾ ᱦᱟᱯᱟᱴᱤᱧ ᱟᱜ ᱢᱩᱬ ᱞᱟᱭᱤᱱ ᱨᱮᱱᱟᱜ ᱴᱷᱟᱶ ᱥᱟᱞᱜᱟᱡᱷᱟᱨᱤᱼᱡᱷᱟᱨᱥᱩᱜᱩᱰᱟ ᱨᱮᱱᱟᱜ ᱴᱷᱟᱶ ᱨᱮ ᱟᱴᱮᱫ ᱟᱠᱟᱱᱟ, ᱱᱚᱣᱟ ᱒᱗᱐.᱓᱘ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱥᱮᱱᱚᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Maps, Weather, and Airports for Chakradharpur, India". www.fallingrain.com. 
  2. "Census of India: Chakradharpur". www.censusindia.gov.in. Retrieved 11 ᱡᱟᱱᱩᱣᱟᱨᱤ 2020. 
  3. "C-16 Population By Mother Tongue - Town level". census.gov.in. Retrieved 30 ᱚᱜᱚᱥᱴ 2020. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱠᱚᱞᱦᱟᱢ ᱛᱷᱚᱱᱚᱛ