ᱞᱤᱭᱚ ᱴᱚᱞᱥᱴᱚᱭ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱞᱤᱭᱚ ᱴᱚᱞᱥᱴᱚᱭ

ᱞᱤᱭᱚ ᱴᱚᱞᱥᱴᱚᱭ ᱤᱝᱞᱤᱥ ᱛᱮ (Leo Tolstoy) (᱒᱘ ᱟᱜᱚᱥᱴ ᱑᱘᱒᱘ – ᱒᱐ ᱱᱚᱵᱷᱮᱢᱵᱚᱨ ᱑᱙᱑᱐) ᱫᱚ ᱢᱤᱫᱴᱮᱱ ᱨᱩᱥ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱨᱩᱥ ᱥᱟᱶᱦᱮᱫ ᱨᱮᱱ ᱢᱟᱨᱟᱝ ᱚᱱᱚᱞᱤᱭᱟᱹ ᱚᱱᱟ ᱥᱟᱶ ᱫᱷᱟᱹᱨᱛᱤ ᱨᱮᱱ ᱦᱚᱸ ᱢᱟᱨᱟᱝ ᱚᱱᱚᱞᱤᱭᱟᱹ ᱠᱚ ᱞᱮᱠᱷᱟᱭᱮᱭᱟ᱾ ᱩᱱᱤᱭᱟᱜ ᱵᱟᱨᱭᱟ ᱟᱹᱰᱤ ᱧᱤᱛᱩᱢᱟᱱ ᱱᱚᱵᱷᱮᱞ ᱷᱩᱭᱩᱜ ᱠᱟᱱᱟ ᱚᱣᱟᱨ ᱮᱱᱫ ᱯᱤᱥ ᱟᱨ ᱟᱱᱱᱟ ᱠᱟᱨᱮᱱᱤᱱᱟ| ᱴᱚᱞᱥᱴᱚᱭᱟ ᱡᱟᱱᱟᱢ ᱫᱚ ᱛᱩᱞᱟ ᱯᱨᱚᱫᱮᱥ ᱨᱮᱱᱟᱜ ᱤᱭᱟᱥᱱᱟᱭᱟ ᱯᱚᱞᱤᱭᱟᱱᱟ ᱧᱤᱛᱩᱢᱟᱱ ᱡᱟᱜᱟᱨᱮ᱾ ᱩᱱᱤ ᱫᱚ ᱜᱷᱟᱨᱚᱡᱽ ᱨᱮᱱ ᱜᱤᱫᱽᱨᱟᱹᱭ ᱛᱟᱦᱮᱠᱟᱱᱟ᱾ ᱵᱟᱞᱮ ᱩᱢᱤᱞ ᱨᱮ ᱜᱮ ᱟᱡ ᱵᱟᱵᱟ ᱜᱚᱜᱚ ᱛᱟᱠᱤᱱ ᱫᱚᱠᱤᱱ ᱵᱚᱸᱜᱟ ᱛᱟᱞᱟᱭᱮᱱᱟ ᱟᱨ ᱯᱮᱲᱟ ᱠᱚ ᱜᱮ ᱠᱚ ᱦᱟᱨᱟ ᱟᱠᱟᱫᱮᱭᱟ᱾ ᱩᱱᱤ ᱫᱚ ᱱᱚᱵᱷᱮᱞ ᱪᱷᱟᱲᱟ ᱦᱚᱸ ᱱᱟᱴᱚᱠ, ᱯᱨᱚᱵᱚᱱᱫᱷ ᱚᱞ ᱠᱟᱛᱮᱜ ᱦᱚᱸ ᱟᱹᱰᱚ ᱧᱤᱛᱩᱢᱮ ᱦᱟᱢᱮᱴ ᱡᱚᱝ ᱞᱮᱱᱟ᱾ ᱩᱱᱤ ᱫᱚ ᱱᱤᱣᱢᱚᱱᱤᱭᱟ ᱨᱩᱣᱟᱹ ᱧᱟᱢ ᱠᱟᱛᱮᱜᱼᱮ ᱵᱚᱸᱜᱟ ᱛᱟᱞᱟᱭᱮᱱᱟ᱾ ᱑᱙᱑᱐ ᱥᱮᱨᱢᱟ ᱨᱮᱱᱟ ᱒᱐ ᱱᱚᱵᱷᱮᱢᱵᱚᱨ ᱨᱟᱥᱤᱭᱟ ᱨᱮᱱᱟ ᱟᱥᱛᱟᱯᱚᱵᱷᱟ ᱧᱤᱛᱩᱢᱟᱱ ᱢᱤᱫ ᱨᱮᱞ ᱮᱥᱴᱮᱥᱚᱱ ᱨᱮ ᱨᱩᱣᱟ ᱧᱟᱢᱠᱮᱫᱮᱭᱟ ᱟᱨ ᱛᱟᱭᱚᱢᱛᱮᱭ ᱵᱚᱸᱜᱟ ᱛᱟᱞᱟᱭᱮᱱᱟ᱾ ᱩᱱᱤ ᱜᱚᱡ ᱛᱟᱭᱚᱢ ᱑᱙᱒᱘ – ᱑᱙᱕᱘ ᱥᱮᱨᱢᱟ ᱨᱟᱥᱤᱭᱟ ᱨᱮ ᱩᱱᱤᱭᱟᱜ ᱚᱞ ᱠᱚ ᱙᱐ ᱦᱟᱹᱴᱤᱧ ᱨᱮ ᱩᱪᱷᱟᱹᱱᱮᱱᱟ᱾

ᱚᱞᱚᱜ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱭᱟᱜ ᱠᱩᱨᱩᱢᱩᱴᱩ ᱛᱮ ᱴᱚᱞᱥᱴᱚᱭ ᱫᱚ ᱟᱭᱢᱟ ᱯᱟᱹᱨᱥᱤ ᱭᱮ ᱪᱮᱫ ᱞᱮᱫᱟ᱾ ᱡᱮ ᱞᱮᱠᱟ ᱞᱟᱛᱤᱱ, ᱤᱝᱨᱮᱡᱤ, ᱟᱨᱵᱤ, ᱤᱛᱟᱞᱤᱭᱚ, ᱩᱨᱛᱠᱳ–ᱛᱟᱛᱟᱨ, ᱜᱨᱤᱠ ᱟᱨ ᱦᱤᱵᱨᱩ᱾ ᱥᱤᱨᱤᱧ ᱟᱨ ᱪᱷᱚᱵᱤ ᱟᱠᱟᱣ ᱦᱚᱸᱭ ᱫᱟᱲᱮᱜ ᱠᱟᱱ ᱛᱟᱦᱮᱱᱟ᱾

ᱟᱭᱟᱜ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱱ ᱨᱮᱱᱟᱜ ᱫᱟᱲᱮ ᱥᱮᱡ ᱛᱮ ᱫᱚ ᱟᱹᱰᱤ ᱠᱮᱴᱮᱡᱼᱮ ᱛᱟᱦᱮ ᱠᱟᱱᱟ᱾ ᱟᱹᱰᱤ ᱢᱚᱡᱽ ᱥᱤᱠᱟᱨᱤ ᱟᱨ ᱟᱹᱰᱤ ᱴᱮᱲᱦᱟ(ᱮᱠ ᱜᱩᱭᱮ) ᱦᱚᱲᱮ ᱛᱟᱦᱮᱸ ᱠᱟᱱᱟ᱾ ᱢᱤᱫ ᱫᱷᱟᱣ ᱥᱮᱸᱫᱽᱨᱟ ᱥᱮᱱ ᱠᱟᱛᱮᱜ ᱢᱤᱫᱴᱮᱱ ᱵᱟᱱᱟ ᱴᱷᱮᱱᱮ ᱨᱟᱵᱚᱲ ᱟᱪᱚᱞᱮᱱᱟ᱾ ᱢᱮᱫ ᱞᱟᱛᱟᱨ ᱠᱷᱚᱱ ᱡᱚᱦᱟ ᱥᱟᱱᱟᱢ ᱠᱚ ᱨᱟᱵᱚᱲ ᱠᱷᱟᱞ ᱞᱮᱫ ᱛᱟᱭᱟ᱾ ᱮᱱᱨᱮᱦᱚᱸ ᱵᱮᱥ ᱨᱩᱭᱟᱹᱲ ᱠᱟᱛᱮᱜ ᱟᱵᱟᱨ ᱥᱮᱸᱫᱽᱨᱟ ᱪᱟᱞᱟᱣᱮᱱᱟ ᱟᱨ ᱩᱱᱤ ᱵᱟᱱᱟᱭᱮ ᱜᱚᱡ ᱟᱹᱜᱩ ᱠᱤᱫᱤᱭᱟ᱾ ᱦᱚᱲ ᱪᱮᱫ ᱠᱚ ᱢᱮᱱᱟ ᱚᱱᱟ ᱵᱟᱝ ᱟᱸᱡᱚᱢ ᱠᱟᱛᱮᱜ ᱟᱡ ᱚᱠᱟ ᱢᱚᱡᱮ ᱢᱚᱱᱮ ᱟᱠᱟᱫ ᱚᱱᱟ ᱜᱮᱭ ᱠᱟᱹᱢᱤ ᱟᱠᱟᱫᱟ᱾ ᱡᱩᱣᱟᱹᱱ ᱩᱢᱮᱞ ᱨᱮ ᱫᱚ ᱟᱭᱢᱟᱭ ᱯᱟᱧᱪᱟ ᱵᱟᱲᱟ ᱞᱮᱫᱟ ᱟᱨ ᱟᱭᱢᱟ ᱫᱷᱚᱱ ᱥᱚᱢᱯᱚᱫ ᱦᱚᱭ ᱱᱚᱥᱴᱚ ᱟᱠᱟᱫᱟ᱾ ᱯᱟᱹᱫᱽᱨᱤ ᱠᱚᱣᱟᱜ ᱵᱤᱨᱩᱫᱷ ᱨᱮᱭ ᱨᱚᱲᱮᱜ ᱛᱟᱦᱮᱱ ᱛᱮ ᱩᱱᱤ ᱫᱚ ᱤᱥᱟᱹᱭ ᱫᱷᱚᱨᱚᱢ ᱠᱷᱚᱱ ᱠᱚ ᱩᱰᱤᱠ ᱞᱮᱫᱮᱭᱟ᱾ ᱚᱱᱟ ᱨᱮ ᱩᱱᱤᱭᱮ ᱨᱚᱲ ᱨᱩᱣᱟᱲ ᱞᱮᱫᱟ ᱚᱠᱚᱭ ᱥᱤᱥᱤᱨᱡᱟᱹᱣᱤᱡ ᱟᱨ ᱡᱤᱥᱩ ᱤᱫᱤᱠᱟᱛᱮᱜ ᱠᱚ ᱵᱮᱯᱟᱨᱤᱭᱮᱫᱟ ᱩᱝᱠᱩ ᱠᱷᱚᱱ ᱫᱚ ᱤᱧ ᱥᱟᱭ ᱥᱟᱭ ᱰᱷᱮᱨ ᱫᱷᱟᱹᱨᱢᱤᱠ ᱤᱥᱟᱹᱭ ᱠᱟᱹᱱᱟᱹᱧ᱾ ᱩᱱᱤ ᱛᱤᱱ ᱨᱮᱭ ᱵᱚᱸᱜᱟ ᱛᱟᱞᱟᱭᱮᱱ ᱤᱱ ᱨᱮ ᱯᱟᱹᱫᱽᱨᱤ ᱠᱚ ᱠᱚ ᱦᱮᱡ ᱞᱮᱱᱟ ᱢᱮᱱᱠᱷᱟᱱ ᱵᱟᱠᱚ ᱥᱚᱨ ᱟᱪᱚᱣᱟᱜ ᱠᱚᱣᱟ᱾ ᱫᱮᱥ ᱵᱤᱫᱮᱥ ᱨᱮᱱ ᱟᱭᱢᱟ ᱦᱚᱲ ᱜᱮ ᱩᱱᱤᱭᱟᱜ ᱜᱚᱡᱚᱜ ᱨᱮ ᱠᱚ ᱥᱮᱴᱮᱨ ᱞᱮᱱᱟ ᱢᱮᱱᱠᱷᱟ ᱫᱷᱚᱨᱚᱢ ᱨᱮᱱᱟᱜ ᱚᱠᱟ ᱟᱹᱨᱤ ᱦᱚᱸ ᱵᱟᱝ ᱢᱟᱱᱟᱣ ᱠᱟᱛᱮᱜ ᱠᱚ ᱛᱚᱯᱟ ᱠᱟᱫᱮᱭᱟ᱾ ᱩᱱᱤ ᱫᱚ ᱤᱱᱟᱹ ᱚᱠᱛᱮ ᱡᱟᱨ ᱟᱜ ᱠᱚᱪᱞᱚᱱ ᱵᱤᱨᱩᱫᱷ ᱨᱮᱦᱚᱸᱭ ᱨᱚᱲ ᱞᱮᱫᱟ᱾ ᱧᱤᱛᱩ ᱥᱮ ᱫᱟᱱᱟᱝ ᱧᱤᱛᱩᱢ ᱛᱮ ᱟᱭᱢᱟ ᱚᱞ ᱪᱷᱟᱯᱟ ᱞᱮᱱ ᱛᱟᱭᱟ᱾ ᱢᱮᱱᱠᱷᱟᱱ ᱡᱟᱨ ᱫᱚ ᱩᱱᱤ ᱵᱤᱨᱩᱫᱷ ᱨᱮ ᱡᱟᱦᱟᱱ ᱵᱮᱵᱚᱥᱛᱷᱟ ᱵᱟᱭ ᱦᱟᱛᱟᱣ ᱞᱮᱫᱟ᱾ ᱵᱚᱛᱚᱨ ᱛᱟᱦᱮᱸ ᱠᱟᱱᱟ ᱯᱟᱥᱮᱡ ᱤᱱᱟ ᱴᱮ ᱟᱨᱦᱚᱸ ᱡᱷᱟᱢᱞᱟ ᱰᱷᱤᱨᱩᱜ᱾ ᱟᱭᱟᱜ ᱡᱩᱢᱤᱫᱟᱨᱤ ᱨᱮ ᱤᱥᱠᱩᱞᱮ ᱪᱟᱹᱞᱩ ᱞᱮᱫᱟ ᱟᱨ ᱟᱡ ᱜᱮ ᱜᱤᱫᱽᱨᱟᱹ ᱠᱚᱭ ᱯᱟᱲᱦᱟᱣ ᱮᱫ ᱠᱚ ᱛᱟᱦᱮᱸᱱᱟ᱾ ᱫᱤᱥᱟᱹᱢ ᱨᱮ ᱟᱛᱟᱱᱛᱷᱟᱨ ᱦᱩᱭ ᱞᱮᱱ ᱠᱷᱟᱱ ᱟᱡ ᱜᱮ ᱥᱮᱱ ᱠᱟᱛᱮᱜ ᱦᱚᱲᱮ ᱧᱮᱞ ᱟᱜᱩᱭᱮᱜ ᱠᱚ ᱛᱟᱦᱮᱸᱠᱟᱱᱟ᱾ ᱥᱚᱨᱠᱟᱨ ᱢᱚᱡᱽ ᱨᱮ ᱦᱚᱲ ᱵᱟᱭ ᱞᱮᱠᱷᱟ ᱭᱮᱛ ᱠᱚᱣᱟ ᱚᱱᱟ ᱚᱱᱟ ᱢᱮᱱ ᱛᱮ ᱟᱡ ᱜᱮ ᱦᱚᱲ ᱞᱮᱠᱷᱟ ᱠᱟᱹᱢᱤᱨᱮᱭ ᱥᱮᱞᱮᱫ ᱞᱮᱱᱟ᱾ ᱟᱫᱟᱞᱚᱛ ᱨᱮ ᱪᱮᱫ ᱞᱮᱠᱟ ᱮᱲᱮ ᱵᱤᱪᱟᱹᱨ ᱦᱩᱭᱩᱜᱼᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱟᱭᱢᱟ ᱫᱤᱱ ᱡᱮᱞᱠᱷᱟᱱᱟ ᱨᱮᱦᱚᱸᱭ ᱛᱟᱦᱮ ᱟᱠᱟᱱᱟ᱾ ᱱᱚᱠᱟᱱ ᱥᱚᱛ ᱟᱨ ᱫᱟᱹᱭᱤᱠ ᱦᱚᱲ ᱧᱟᱢ ᱫᱚ ᱟᱹᱰᱤ ᱢᱩᱥᱠᱤᱞ ᱜᱮᱭᱟ᱾ ᱚᱱᱟ ᱛᱮ ᱩᱱᱤᱭᱟᱜ ᱚᱞ ᱠᱚ ᱨᱮ ᱫᱚ ᱟᱹᱣᱲᱤᱭᱟᱜ ᱡᱟᱦᱟᱱᱟᱜ ᱚᱞ ᱵᱟᱝ ᱧᱟᱢᱚᱜᱼᱟ᱾ ᱩᱱᱤ ᱫᱚ ᱚᱠᱟᱭ ᱧᱮᱞ ᱟᱠᱟᱫ ᱟᱨ ᱚᱠᱟ ᱥᱟᱹᱨᱤ ᱜᱮ ᱚᱱᱟ ᱠᱚ ᱜᱮ ᱟᱭᱟᱜ ᱚᱞ ᱨᱮᱭ ᱮᱢ ᱟᱠᱟᱫᱟᱹ ᱡᱟᱦᱟᱱᱟᱜ ᱜᱮ ᱵᱮᱜᱚᱨ ᱠᱩᱠᱞᱤ ᱛᱮ ᱵᱟᱭ ᱦᱟᱛᱟᱣ ᱟᱠᱟᱫᱟ᱾

ᱥᱟᱶᱦᱮᱫ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱚᱞᱥᱴᱚᱭ ᱫᱚ ᱟᱭᱢᱟ ᱜᱟᱱ ᱠᱟᱹᱴᱤᱡ ᱠᱟᱹᱦᱟᱹᱱᱤ, ᱞᱟᱹᱴᱩ ᱠᱟᱹᱦᱟᱹᱱᱤ, ᱱᱚᱵᱷᱮᱞ, ᱜᱟᱭᱱᱟᱦᱟ(ᱰᱨᱟᱢᱟ), ᱜᱤᱫᱽᱨᱟᱹ ᱠᱚᱣᱟᱜ ᱚᱞ, ᱯᱨᱚᱵᱚᱱᱫᱷ, ᱪᱤᱴᱷᱤ, ᱰᱟᱭᱨᱤ ᱠᱚᱭ ᱚᱞ ᱟᱠᱟᱫᱟ᱾ ᱡᱚᱛᱚ ᱠᱚ ᱛᱮ ᱩᱱᱤᱭᱟᱜ ᱚᱞ ᱢᱩᱬᱩᱫ ᱙᱐ ᱦᱟᱹᱴᱤᱧ ᱨᱮ ᱩᱪᱷᱮᱱ ᱟᱠᱟᱱᱟ

ᱱᱚᱵᱷᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱟᱱᱱᱟ ᱠᱟᱨᱮᱱᱤᱱᱟ
  • ᱚᱣᱟᱨ ᱮᱱᱰ ᱯᱤᱥ
  • ᱨᱤᱥᱟᱨᱮᱠᱥᱚᱱ

ᱞᱟᱹᱴᱩ ᱠᱟᱹᱦᱟᱹᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱰᱮᱛᱷ ᱚᱵᱽ ᱤᱵᱷᱟᱱ ᱤᱞᱤᱪ
  • ᱦᱟᱡᱤ ᱢᱩᱨᱟᱫᱟ
  • ᱯᱷᱟᱫᱟᱨ ᱥᱤᱭᱮᱨᱜᱤ

ᱜᱟᱭᱱᱟᱦᱟ(ᱰᱨᱟᱢᱟ)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱱᱚᱬ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]