ᱞᱩᱜᱩᱵᱩᱨᱩ ᱜᱷᱟᱱᱴᱟᱵᱟᱹᱲᱤ

ᱞᱩᱜᱩᱵᱩᱨᱩ ᱜᱷᱟᱱᱴᱟᱵᱟᱹᱲᱤ ᱫᱚ ᱢᱤᱫ ᱢᱩᱞ ᱫᱷᱚᱨᱚᱢ ᱟᱨ ᱟᱹᱨᱤᱪᱟᱹᱞᱤ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱫᱚ ᱴᱤ.ᱴᱤ.ᱯᱤ.ᱮᱥ. (ᱴᱮᱱᱩᱜᱷᱟᱴ ᱛᱷᱟᱹᱨᱢᱟᱹᱞ ᱯᱟᱣᱟᱹᱨ ᱥᱴᱮᱥᱟᱹᱱ) ᱥᱩᱨ ᱨᱮ ᱢᱮᱱᱟᱜᱼᱟ᱾^[᱑] ᱱᱚᱣᱟ ᱫᱷᱚᱨᱟ ᱜᱟᱲ ᱴᱷᱟᱶ ᱫᱚ ᱡᱮᱹᱞᱮᱹᱧ ᱟᱹᱲᱟᱹᱣᱟᱛᱮ ᱞᱩᱜᱩ ᱵᱩᱨᱩ ᱜᱷᱟᱱᱴᱟ ᱵᱟᱹᱲᱤ ᱫᱷᱚᱨᱚᱢ ᱜᱟᱲ ᱵᱳᱱ ᱟᱧᱟᱡᱚᱢ ᱟᱠᱟᱫᱟ ᱱᱚᱣᱟ ᱴᱷᱟᱶ ᱫᱚ ᱵᱚᱠᱟᱨᱚ ᱡᱤᱞᱟᱹ ᱨᱮᱭᱟᱜ ᱞᱟᱞᱯᱟᱱᱤᱭᱟᱹ, ᱡᱷᱟᱨᱠᱷᱚᱸᱰ, ᱥᱤᱧᱚᱛ ᱨᱮ ᱢᱮᱱᱟᱜᱼᱟ ᱾ ᱜᱳᱢᱤᱭᱟ ᱵᱽᱞᱳᱠ ᱠᱷᱚᱱ ᱑᱖ ᱠᱤᱞᱚᱢᱤᱟᱹᱨ ᱥᱟᱹᱝᱜᱤᱧ ᱨᱮ ᱢᱮᱱᱟᱜ ᱱᱚᱣᱟ ᱴᱷᱟᱶ, ᱥᱟᱱᱛᱟᱲ ᱥᱟᱶᱛᱟ ᱞᱟᱹᱜᱤᱫ ᱟᱹᱰᱤ ᱢᱟᱨᱟᱝ ᱫᱷᱚᱨᱚᱢ ᱴᱷᱟᱶ ᱟᱨ ᱫᱚᱨᱵᱟᱨ ᱪᱟᱹᱴᱟᱹᱱᱤ ᱠᱟᱱᱟ᱾ ᱥᱟᱱᱛᱟᱲ ᱠᱚᱣᱟᱜ ᱫᱷᱚᱨᱚᱢ ᱛᱟᱞᱢᱟ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱟᱠᱟᱱ ᱱᱚᱣᱟ ᱴᱚᱴᱷᱟ ᱫᱚ ᱥᱟᱱᱛᱟᱲ ᱦᱮᱨᱤᱴᱮᱡᱽ ᱨᱮᱱᱟᱜ ᱢᱤᱫ ᱛᱟᱞᱢᱟ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱳᱥᱱᱚᱠ ᱡᱩᱜᱽ ᱠᱷᱚᱱ ᱦᱮᱡ ᱟᱠᱟᱱᱟ, ᱥᱟᱱᱛᱟᱲ ᱱᱟᱜᱟᱢ ᱨᱮᱱᱟᱜ ᱢᱤᱫ ᱚᱠᱛᱮ ᱚᱠᱟ ᱫᱚ ᱥᱟᱶᱛᱟ ᱨᱮᱱᱟᱜ ᱮᱛᱚᱦᱚᱵ ᱥᱟᱶ ᱡᱩᱲᱟᱹᱭ ᱢᱮᱱᱟᱜᱼᱟ ᱾^[᱒]^[᱓]

ᱱᱟᱜᱟᱢ

ᱞᱩᱜᱩᱵᱩᱨᱩ ᱜᱷᱟᱱᱴᱟᱵᱟᱹᱲᱤ ᱨᱮᱱᱟᱜ ᱫᱷᱚᱨᱚᱢᱜᱟᱲ ᱫᱚ ᱥᱟᱭ ᱜᱮᱥᱟᱭᱟᱥᱟᱭ ᱥᱮᱨᱢᱟ ᱠᱷᱚᱱ ᱦᱚᱸ ᱞᱟᱦᱟ ᱠᱷᱚᱱ ᱜᱮ ᱢᱮᱱᱟᱜ ᱟᱹᱜᱩ ᱟᱠᱟᱱᱟ᱾ ᱚᱱᱟ ᱛᱟᱭᱳᱢ ᱠᱷᱚᱱ ᱜᱮ ᱱᱚᱶᱟ ᱫᱚ ᱥᱮᱨᱢᱟᱠᱤᱭᱟᱹ ᱫᱷᱚᱨᱚᱢ ᱜᱟᱲ ᱨᱮᱱᱟᱜ ᱴᱷᱟᱶ ᱵᱮᱱᱟᱣ ᱟᱠᱟᱱᱟ᱾ ᱡᱟᱦᱟᱸ ᱫᱚ ᱫᱤᱥᱚᱢ ᱡᱟᱠᱟᱛ ᱠᱷᱚᱱ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱠᱚ ᱦᱤᱡᱩᱜ ᱠᱟᱱᱟ᱾ ᱱᱚᱶᱟ ᱫᱚ ᱫᱷᱚᱨᱚᱢ ᱢᱟᱱᱟᱣ ᱵᱟᱛᱟᱣ ᱦᱚᱲᱠᱚ ᱞᱩᱜᱩ ᱵᱟᱵᱟ ᱟᱨ ᱞᱩᱜᱩ ᱟᱭᱳ ᱧᱩᱛᱩᱢ ᱛᱮ ᱢᱟᱱᱟᱣ ᱵᱟᱛᱟᱣ ᱞᱟᱹᱜᱤᱫ ᱢᱤᱫ ᱢᱩᱞ ᱴᱷᱟᱶ ᱠᱟᱱᱟ᱾ ᱱᱚᱶᱟ ᱚᱠᱛᱮ ᱨᱮ ᱢᱤᱫ ᱢᱟᱨᱟᱝ ᱯᱟᱛᱟ ᱦᱩᱭᱩᱜ-ᱟ, ᱡᱟᱦᱟᱸ ᱨᱮ ᱟᱹᱫᱤᱵᱟᱹᱥᱤ ᱟᱹᱨᱤᱪᱟᱹᱞᱤ ᱟᱨ ᱥᱟᱶᱛᱟ ᱩᱛᱱᱟᱹᱣ ᱞᱮᱠᱟᱱᱟᱜ ᱠᱚᱠᱚ ᱠᱟᱛᱷᱟᱭᱟ, ᱥᱟᱶᱛᱮ ᱠᱤᱨᱤᱧ ᱟᱹᱠᱷᱨᱤᱧ ᱠᱚ ᱦᱩᱭᱩᱜᱼᱟ ᱾

ᱜᱮᱞᱵᱟᱨ ᱥᱤᱧ ᱜᱮᱞᱵᱟᱨ ᱧᱤᱫᱟᱹ ᱨᱮᱱᱟᱜ ᱠᱟᱛᱷᱟ

ᱟᱭᱢᱟ ᱯᱩᱛᱷᱤ ᱞᱮᱠᱟᱛᱮ, ᱥᱟᱭ ᱥᱟᱭ ᱥᱮᱨᱢᱟ ᱢᱟᱲᱟᱝ, ᱫᱚᱨᱵᱚᱨ ᱪᱟᱹᱴᱟᱹᱱᱤ ᱨᱮ ᱞᱩᱜᱩ ᱵᱟᱵᱟᱣᱟᱜ ᱟᱹᱭᱩᱨ ᱞᱮᱠᱟᱛᱮ ᱥᱟᱱᱛᱟᱲ ᱠᱚᱣᱟᱜ ᱢᱤᱫ ᱫᱩᱯᱲᱩᱵ ᱦᱩᱭ ᱞᱮᱱᱟ, ᱱᱚᱣᱟ ᱫᱩᱯᱲᱩᱵ ᱫᱚ ᱑᱒ ᱢᱟᱦᱟᱸ ᱦᱩᱭ ᱞᱮᱱᱟ ᱾ ᱱᱚᱣᱟ ᱫᱚ ᱥᱟᱱᱛᱟᱲ ᱠᱚᱣᱟᱜ ᱥᱮᱨᱮᱧ ᱠᱚᱨᱮ ᱦᱚᱸ ᱟᱧᱡᱚᱢ ᱧᱟᱢᱚᱜᱼᱟ ᱜᱮᱞᱵᱟᱨ ᱥᱤᱧ, ᱜᱮᱞᱵᱟᱨ ᱧᱤᱫᱟᱹ, ᱥᱟᱱᱛᱟᱲ ᱠᱚᱣᱟᱜ ᱨᱟᱭ ᱨᱤᱛ ᱠᱚ ᱵᱮᱱᱟᱣ ᱞᱮᱫᱟ ᱾^[᱔]

ᱥᱤᱛᱟᱹ ᱱᱟᱞᱟ (ᱥᱮᱹᱛᱮᱹᱧ ᱱᱟᱞᱟ)

ᱥᱤᱛᱟᱹ ᱱᱟᱞᱟ (ᱥᱮᱹᱛᱮᱹᱧ ᱱᱟᱞᱟ) ᱡᱷᱟᱨᱱᱟ ᱡᱟᱦᱟᱸ ᱫᱚ ᱥᱩᱨ ᱨᱮᱜᱮ ᱢᱮᱱᱟᱜ-ᱟ, ᱚᱱᱰᱮᱱᱟᱜ ᱫᱟᱜ ᱜᱮᱹ ᱧᱩ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱟ᱾ ᱱᱚᱣᱟ ᱫᱚ ᱔᱐ ᱯᱷᱩᱴ ᱪᱮᱛᱟᱱ ᱠᱷᱚᱱ ᱞᱤᱝᱜᱤᱱ ᱠᱟᱱᱟ᱾ ᱱᱚᱣᱟ ᱫᱚ ᱪᱷᱟᱹᱨᱪᱷᱟᱹᱨᱤᱭᱟᱹ ᱡᱷᱟᱨᱱᱟ ᱧᱩᱛᱩᱢ ᱛᱮ ᱦᱚᱸ ᱵᱟᱰᱟᱭᱚᱜᱼᱟ᱾ ᱥᱟᱱᱛᱟᱲ ᱦᱚᱲ ᱦᱚᱯᱚᱱᱠᱳ ᱫᱚ ᱱᱚᱰᱮᱱᱟᱜ ᱫᱟᱜ ᱫᱚ ᱜᱟᱹᱭ ᱛᱳᱣᱟ ᱥᱚᱢᱟᱱ ᱠᱚ ᱢᱟᱱᱟᱣ ᱵᱟᱛᱣᱟ᱾ ᱱᱚᱱᱰᱮᱱᱟᱜ ᱫᱟᱜ ᱧᱩᱧᱩ ᱦᱚᱲ ᱠᱚ ᱞᱟᱹᱭᱟ ᱡᱮ ᱱᱚᱱᱰᱮᱱᱟᱜ ᱫᱟᱜ ᱧᱩ ᱞᱮᱠᱷᱟᱱ ᱟᱭᱢᱟ ᱨᱩᱣᱟᱹ ᱦᱟᱥᱩ, ᱦᱚᱲᱢᱚ ᱱᱟᱯᱟᱭ ᱛᱟᱦᱮᱱᱟ ᱾

ᱚᱛᱱᱚᱜ ᱟᱨ ᱴᱷᱟᱶ

ᱞᱩᱜᱩᱵᱩᱨᱩ ᱜᱷᱟᱱᱴᱟᱵᱟᱹᱲᱤ ᱫᱚ ᱞᱩᱜᱩ ᱵᱩᱨᱩ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱩᱥᱩᱞ ᱵᱩᱨᱩ ᱠᱟᱱᱟ᱾ ᱱᱚᱶᱟ ᱴᱷᱟᱶ ᱫᱚ ᱫᱟᱢᱳᱫᱟᱹᱨ ᱜᱟᱰᱟ ᱟᱨ ᱱᱚᱶᱟ ᱨᱮᱱᱟᱜ ᱦᱟᱹᱴᱤᱧ ᱜᱟᱰᱟ ᱠᱚ, ᱡᱟᱦᱟᱸ ᱫᱚ ᱴᱮᱱᱩᱜᱷᱟᱴ ᱰᱮᱢ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱨᱮ ᱞᱤᱝᱜᱤᱱ ᱠᱟᱱᱟ, ᱥᱟᱶᱛᱮ ᱱᱟᱱᱟᱦᱩᱱᱟᱹᱨ ᱧᱮᱞᱡᱚᱝ ᱴᱷᱟᱶ ᱛᱮ ᱯᱮᱨᱮᱡ ᱟᱠᱟᱱᱟ᱾ ᱱᱚᱶᱟ ᱡᱟᱭᱜᱟ ᱨᱮᱱᱟᱜ ᱥᱩᱨ ᱥᱩᱯᱩᱨ ᱴᱚᱴᱷᱟ ᱫᱚ ᱧᱮᱧᱮᱞᱤᱭᱟᱹ ᱟᱨ ᱫᱷᱚᱨᱚᱢ ᱢᱟᱱᱟᱣ ᱦᱚᱲ ᱠᱚ ᱞᱟᱹᱜᱤᱫ ᱢᱤᱫ ᱱᱟᱯᱟᱭ ᱟᱨ ᱧᱮᱧᱡᱚᱝ ᱴᱷᱟᱶ ᱵᱮᱱᱟᱣ ᱟᱠᱟᱱᱟ᱾

ᱩᱛᱷᱱᱟᱹᱣ ᱟᱨ ᱢᱟᱹᱱ

᱒᱐᱑᱘ ᱥᱮᱨᱢᱟ ᱨᱮ, ᱨᱟᱹᱜᱷᱩᱵᱟᱹᱨ ᱫᱟᱥᱼᱟᱜ ᱤᱫᱤ ᱛᱮ ᱡᱷᱟᱨᱠᱷᱚᱸᱰ ᱥᱚᱨᱠᱟᱨ ᱫᱚ ᱞᱩᱜᱩ ᱵᱩᱨᱩ ᱜᱷᱟᱱᱴᱟᱵᱟᱹᱲᱤ ᱫᱷᱚᱨᱚᱢᱜᱚᱲ ᱫᱚ ᱯᱚᱱᱚᱛ ᱨᱮᱱᱟᱜ ᱢᱟᱹᱱᱮ ᱮᱢᱟᱣᱟᱫᱟ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱜᱮ ᱥᱮᱨᱢᱟ ᱯᱤᱪᱷᱤ ᱢᱟᱹᱱᱛᱨᱤ ᱠᱚ ᱱᱚᱶᱟ ᱫᱷᱚᱨᱚᱢ ᱜᱟᱲ ᱨᱮᱠᱚ ᱦᱤᱡᱩᱜ ᱠᱟᱱᱟ᱾ ᱠᱳᱨᱳᱱᱟ ᱟᱡᱟᱨ ᱠᱷᱟᱹᱛᱤᱨ ᱵᱟᱨ ᱥᱮᱨᱢᱟ ᱠᱷᱚᱱ ᱱᱚᱶᱟ ᱫᱷᱚᱨᱚᱢ ᱜᱟᱲ ᱫᱚ ᱦᱤᱡᱩᱜ ᱥᱮᱱᱚᱜ ᱵᱚᱸᱫᱽ ᱞᱮᱱᱟ᱾ ᱒᱐᱒᱒ ᱥᱮᱨᱢᱟ ᱨᱮ, ᱡᱷᱟᱨᱠᱷᱚᱸᱰ ᱨᱤᱱᱤᱡ ᱥᱤᱨᱟᱹ ᱢᱟᱹᱱᱛᱨᱤ ᱦᱮᱢᱚᱱᱛ ᱥᱚᱨᱮᱱ ᱫᱚ ᱞᱩᱜᱩ ᱵᱩᱨᱩ ᱠᱷᱟᱱᱴᱟᱵᱟᱹᱲᱤ ᱫᱷᱚᱨᱚᱢᱜᱚᱲ ᱨᱮᱱᱟᱜ ᱢᱩᱪᱟᱹᱫ ᱢᱟᱦᱟᱸ ᱦᱤᱞᱚᱜᱼᱮ ᱥᱮᱴᱮᱨ ᱞᱮᱱᱟ᱾

ᱥᱟᱹᱠᱷᱭᱟᱹᱛ

ᱵᱟᱦᱨᱮ ᱡᱚᱱᱚᱲ

[1] ttps://timesofindia.indiatimes.com/city/ranchi/preserving-history-lugu-buru-chief-minister-hemant-soren/articleshow/105546818.cms

[2] ttps://bokaro.nic.in/tourist-place/luguburu-ghantabari/

[3] ttps://www.prabhatkhabar.com/state/jharkhand/bokaro/lugu-buru-is-origin-of-santali-culture-tradition-customs-formed-under-chairmanship-of-lugu-baba-mtj

[4] ttps://utsav.gov.in/view-event/luguburu-mahotsav

[᱑]

[᱒]

[᱓]

[᱔]