ᱟᱛᱩᱠᱩᱲᱤ ᱢᱳᱞᱞᱟ

ᱟᱛᱩᱠᱩᱲᱤ ᱢᱳᱞᱞᱟ ఆతుకూరి మొల్ల
ᱢᱩᱬ ᱧᱩᱛᱩᱢ	ఆతుకూరి మొల్ల
ᱡᱟᱱᱟᱢ	ᱟᱛᱩᱠᱩᱲᱤ ᱢᱳᱞᱞᱟ ᱑᱔᱔᱐ ᱜᱳᱯᱟᱵᱷᱟᱨᱟᱢ, ᱠᱟᱰᱟᱯᱟ
ᱜᱩᱨ	᱑᱕᱓᱐
ᱢᱟᱹᱱ ᱧᱩᱢ	ᱢᱳᱞᱞᱟᱢᱟᱢᱵᱟ
ᱠᱟᱹᱢᱤ	ᱠᱩᱝᱠᱟᱹᱞ
ᱯᱟᱹᱨᱥᱤ	ᱛᱮᱞᱩᱜᱩ
ᱡᱟᱹᱛᱤᱭᱟᱹᱛ	ᱥᱤᱧᱚᱛᱤᱭᱟᱹ
ᱚᱠᱛᱚ	᱑᱔ᱟᱱ–᱑᱕ᱟᱱ ᱯᱤᱲᱦᱤ
ᱚᱱᱚᱞ ᱛᱷᱚᱠ	ᱚᱱᱚᱬᱦᱤᱭᱟᱹ
ᱥᱟᱛᱟᱢ	ᱛᱮᱞᱩᱜᱩ ᱨᱟᱢᱟᱭᱚᱱ
ᱥᱟᱶᱦᱮᱫ ᱨᱮᱱᱟᱜ ᱞᱟᱲᱟᱣᱱᱟ	ᱥᱚᱱᱟᱛᱚᱱ ᱫᱷᱚᱨᱢᱚ ᱨᱮᱭᱟᱜ ᱯᱟᱥᱱᱟᱣ
ᱥᱟᱶᱦᱮᱫ ᱮᱱᱮᱢ	ᱥᱚᱸᱥᱠᱨᱤᱛ ᱠᱷᱚᱱ ᱛᱮᱞᱩᱜᱩ ᱛᱮ ᱨᱟᱢᱟᱭᱚᱱ ᱛᱚᱨᱡᱚᱢᱟ
ᱥᱤᱨᱯᱷᱟᱹ	'ᱠᱚᱵᱤ ᱨᱚᱛᱱᱚ'

ᱟᱛᱩᱠᱩᱲᱤ ᱢᱳᱞᱞᱟ (᱑᱔᱔᱐-᱑᱕᱓᱐) ᱫᱚ ᱛᱮᱞᱩᱜᱩ ᱚᱱᱚᱬᱦᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱛᱮᱞᱩᱜᱩ ᱯᱟᱹᱨᱥᱤ ᱛᱮ ᱨᱟᱢᱟᱭᱚᱱ ᱮ ᱚᱞ ᱞᱮᱫᱟ᱾ ᱟᱡᱟᱜ ᱡᱟᱹᱛ ᱞᱮᱠᱟᱛᱮ, ᱩᱱᱤ ᱫᱚ ᱠᱩᱢᱚᱨ ᱢᱳᱞᱞᱟ ᱧᱩᱛᱩᱢ ᱛᱮᱭ ᱵᱟᱲᱟᱭᱚᱜ ᱠᱟᱱ ᱛᱟᱦᱮᱸᱱᱟ᱾ ᱢᱳᱞᱞᱟ ᱫᱚ ᱠᱮᱥᱟᱱᱟ ᱥᱮᱛᱛᱤ ᱨᱮᱱ ᱠᱩᱲᱤᱭ ᱛᱟᱦᱮ ᱠᱟᱱᱟ, ᱡᱟᱦᱟᱸᱭ ᱫᱚ ᱟᱡᱟᱜ ᱠᱟᱹᱢᱤ ᱞᱮᱠᱟᱛᱮ ᱢᱤᱫ ᱠᱩᱝᱠᱟᱹᱞ ᱮ ᱛᱟᱦᱮ ᱠᱟᱱᱟ᱾ ᱩᱱᱠᱩ ᱫᱚ ᱵᱟᱭᱭᱟ ᱥᱟᱶᱛᱟ ᱨᱮᱱ ᱠᱟᱱᱟ ᱠᱚ᱾ ᱞᱟᱦᱟᱛᱮᱱ ᱱᱟᱜᱟᱢᱤᱭᱟᱹ ᱠᱚᱫᱚ ᱠᱟᱠᱟᱛᱤᱭᱟ ᱨᱟᱡᱽ ᱚᱠᱛᱚ ᱩᱱᱤ ᱫᱚ ᱛᱤᱠᱠᱟᱱᱟ ᱥᱳᱢᱟᱡᱤᱭᱟ ᱚᱠᱛᱚ ᱨᱮ ᱴᱷᱟᱶ ᱠᱚ ᱮᱢᱟᱠᱟᱫᱮᱭᱟ᱾ ᱢᱮᱱᱠᱷᱟᱱ ᱠᱟᱱᱫᱩᱠᱩᱲᱤ ᱵᱤᱨᱮᱥᱞᱤᱝᱜᱚᱢ ᱯᱟᱱᱛᱞᱩ ᱟᱡᱟᱜ 'ᱚᱱᱫᱷᱨᱚ ᱠᱟᱵᱷᱩᱞᱟ ᱪᱩᱨᱤᱛ' ᱨᱮᱭ ᱞᱟᱹᱭ ᱟᱠᱟᱫᱟ ᱡᱮ ᱩᱱᱤ ᱫᱚ ᱥᱨᱤ ᱠᱨᱤᱥᱱᱚ ᱫᱮᱵᱽ ᱨᱟᱭ ᱚᱠᱛᱚ ᱨᱮᱱ ᱮ ᱛᱟᱦᱮ ᱠᱟᱱᱟ, ᱢᱟᱨᱮ ᱫᱟᱹᱵᱤ ᱠᱚ ᱵᱟᱝ ᱮ ᱵᱟᱛᱟᱣ ᱟᱠᱟᱫᱟ ᱡᱮ ᱩᱱᱤ ᱠᱩᱢᱟᱨ ᱜᱩᱨᱩᱱᱟᱛᱷ ᱨᱮᱱ ᱢᱤᱥᱨᱟᱭ ᱛᱟᱦᱮ ᱠᱟᱱᱟ ᱡᱟᱦᱟᱸᱭ ᱢᱚᱦᱟᱵᱷᱟᱨᱚᱛ ᱛᱚᱨᱡᱚᱢᱟ ᱨᱮ ᱛᱤᱠᱠᱟᱱᱟ ᱥᱳᱢᱟᱡᱤᱭᱟ ᱨᱮᱱ ᱚᱱᱚᱞᱤᱭᱟᱹ ᱮ ᱛᱟᱦᱮ ᱠᱟᱱᱟ᱾ ᱠᱟᱠᱟᱛᱤᱭᱟ ᱟᱨ ᱵᱤᱡᱚᱭᱱᱚᱜᱚᱨ ᱨᱟᱡᱽ ᱛᱟᱞᱟᱼᱢᱟᱞᱟ ᱚᱠᱛᱚ ᱨᱮ ᱛᱟᱦᱮ ᱠᱟᱱ ᱥᱨᱤᱱᱟᱛᱷ ᱞᱮᱠᱟᱱ ᱚᱱᱚᱬᱦᱤᱭᱟᱹ ᱠᱚ ᱪᱮᱛᱟᱱ ᱟᱡᱟᱜ ᱥᱟᱨᱦᱟᱣᱱᱟ ᱠᱷᱚᱱ ᱵᱟᱲᱟᱭᱚᱜ ᱠᱟᱱᱟ ᱡᱮ ᱩᱱᱠᱩ ᱫᱚ ᱩᱱᱤ ᱠᱷᱚᱱ ᱢᱟᱲᱟᱝ ᱛᱮᱱ ᱠᱚ ᱛᱟᱦᱮ ᱠᱟᱱᱟ᱾

ᱡᱤᱭᱚᱱ ᱠᱟᱛᱷᱟ

ᱢᱳᱞᱞᱟ ᱫᱚ ᱛᱟᱞᱞᱟᱯᱟᱠᱟ ᱛᱤᱨᱩᱢᱢᱟᱠᱠᱟ, ᱟᱱᱱᱟᱢᱟᱪᱟᱨᱭᱚ (ᱟᱱᱱᱟᱢᱟᱪᱟᱨᱡᱚ) ᱨᱮᱱ ᱵᱟᱹᱦᱩ ᱛᱟᱭᱚᱢ ᱫᱚᱥᱟᱨ ᱛᱮᱞᱩᱜᱩ ᱛᱤᱨᱞᱟᱹ ᱚᱱᱚᱬᱦᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱥᱚᱸᱥᱠᱨᱤᱛ ᱨᱟᱢᱟᱭᱚᱱ ᱛᱮᱞᱩᱜᱩ ᱛᱮᱭ ᱛᱚᱨᱡᱚᱢᱟ ᱞᱮᱫᱟ᱾

ᱟᱡ ᱵᱟᱵᱟ ᱟᱛᱩᱠᱩᱲᱤ ᱠᱮᱥᱟᱱᱱᱟ ᱫᱚ ᱜᱳᱯᱟᱵᱷᱟᱨᱟᱢ ᱨᱮᱱ ᱢᱤᱫ ᱠᱩᱝᱠᱟᱹᱞ ᱮ ᱛᱟᱦᱮ ᱠᱟᱱᱟ᱾ ᱜᱳᱯᱟᱵᱷᱟᱨᱟᱢ ᱫᱚ ᱵᱟᱫᱽᱵᱷᱮᱞ ᱥᱚᱦᱚᱨ ᱥᱩᱨ ᱜᱳᱯᱟᱵᱷᱟᱨᱟᱢ ᱢᱚᱱᱰᱚᱞ ᱨᱮᱭᱟᱜ ᱢᱤᱫ ᱟᱹᱛᱩ ᱠᱟᱱᱟ, ᱡᱟᱦᱟ ᱫᱚ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱭᱟᱜ ᱠᱟᱰᱟᱯᱟ ᱠᱷᱚᱱ ᱜᱮᱞᱼᱢᱚᱬᱮ ᱠᱤᱢᱤ ᱥᱟᱺᱜᱤᱧᱟ᱾ ᱩᱱᱤ ᱫᱚ ᱥᱚᱭᱵᱚᱛ ᱟᱨ ᱥᱨᱤᱥᱚᱭᱞᱚᱢ ᱨᱮ ᱥᱨᱤ ᱥᱨᱤᱠᱟᱱᱛᱚ ᱢᱚᱞᱞᱮᱥᱣᱚᱨᱚ ᱨᱮᱱ ᱪᱮᱞᱟ ᱭᱮ ᱛᱟᱦᱮ ᱠᱟᱱᱟ᱾ ᱩᱱᱤ ᱟᱡ ᱨᱮᱱ ᱠᱩᱲᱤ ᱟᱜ ᱧᱩᱛᱩᱢ ᱢᱳᱞᱞᱟ ᱮ ᱫᱚᱦᱚ ᱞᱮᱫᱟ, ᱡᱟᱦᱟ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱢᱟᱹᱞᱤ ᱵᱟᱦᱟ", ᱵᱚᱸᱜᱟ ᱠᱚᱣᱟᱜ ᱠᱩᱥᱤᱭᱟᱜ ᱵᱟᱦᱟ, ᱟᱨᱦᱚᱸ ᱦᱚᱦᱚ ᱧᱩᱛᱩᱢ ᱫᱚ ᱥᱨᱤ ᱵᱟᱥᱟᱵᱷᱮᱥᱣᱟᱨᱟ ᱟᱜ ᱢᱟᱹᱱ ᱛᱮ ᱵᱟᱥᱟᱵᱷᱤ ᱮ ᱫᱚᱦᱚ ᱞᱮᱫ ᱛᱟᱭᱟ᱾

ᱵᱟᱨᱦᱮ ᱡᱚᱱᱚᱲ

• A news paper article about Molla background
• Vepachedu Telugu Women author list
• Kathanayika Molla ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ
• Indian women authors
• Molla biography
• A news article about Women holding candles in front of Molla