ᱠᱟᱰᱟᱯᱟ ᱦᱚᱱᱚᱛ
ᱠᱟᱰᱟᱯᱟ ᱦᱚᱱᱚᱛ (ᱤᱝᱞᱤᱥᱺ Kadapa District[᱑]) ᱫᱚ ᱥᱤᱧᱚᱛ ᱫᱤᱥᱚᱢ ᱟᱱᱫᱷᱨᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ, ᱡᱟᱦᱟᱸ ᱫᱚ ᱨᱚᱭᱟᱞᱥᱤᱢᱟᱹ ᱨᱮ ᱦᱤᱡᱩᱜ ᱠᱟᱱᱟ ᱾ ᱠᱟᱰᱟᱯᱟ ᱱᱟᱜᱟᱨ ᱫᱚ ᱱᱚᱶᱟ ᱨᱮᱱᱟᱜ ᱢᱩᱬ ᱱᱟᱜᱟᱨ ᱵᱟᱝᱢᱟ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾[᱒]
ᱥᱮᱱᱥᱚᱥ (Census)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱥᱟᱞᱮ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱒᱘,᱘᱔,᱕᱒᱔ ᱜᱚᱴᱟᱝ ᱠᱚᱲᱟ ᱟᱨ ᱑᱔,᱕᱔,᱑᱓᱖ ᱜᱚᱴᱟᱝ ᱠᱩᱲᱤ ᱢᱮᱱᱟᱜ ᱠᱚᱣᱟ ᱾ ᱒᱐᱐᱑ ᱥᱟᱞᱮ ᱨᱮᱱᱟᱜ ᱞᱮᱠᱷᱟ ᱞᱮᱠᱟᱛᱮ ᱥᱮᱪᱮᱫ ᱫᱚᱨ ᱦᱩᱭᱩᱜ ᱠᱟᱱᱟ ᱖᱗ᱹ᱘᱘% ᱛᱟᱦᱮᱸ ᱠᱟᱱᱟ , ᱚᱱᱟ ᱢᱩᱸᱫ ᱠᱷᱚᱱ ᱗᱘ᱹ᱔᱑ % ᱫᱚ ᱠᱚᱲᱟ ᱟᱨ ᱕᱗ᱹ᱒᱖% ᱠᱩᱲᱤ ᱾
᱑᱙᱘᱑ ᱥᱟᱞᱮ ᱨᱮᱱᱟᱜ ᱥᱮᱱᱥᱚᱥ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱑᱙ᱹ᱓᱓ ᱜᱮᱥᱟᱥᱟᱭ (ᱞᱟᱠᱷ) ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱨ ᱠᱩᱲᱤ ᱡᱟᱱᱟᱝ ᱡᱟᱱᱤ ᱫᱚ ᱙᱘ᱺ᱑᱐᱐ ᱛᱟᱦᱮᱸ ᱠᱟᱱᱟ ᱟᱨ ᱥᱮᱪᱮᱫ ᱫᱚᱨ ᱓᱐ᱹ᱙᱙ % ᱛᱟᱦᱮᱸ ᱠᱟᱱᱟ ᱾
ᱚᱛᱱᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱨᱮ ᱱᱮᱞᱚᱨ ᱦᱚᱱᱚᱛ, ᱯᱟᱪᱮ ᱥᱮᱦᱮᱫ ᱨᱮ ᱚᱱᱚᱱᱛᱚᱯᱩᱨ ᱦᱚᱱᱚᱛ, ᱠᱚᱧᱮ ᱨᱮ ᱪᱤᱛᱩᱨ ᱦᱚᱱᱚᱛ, ᱮᱛᱚᱢ ᱨᱮ ᱠᱩᱨᱱᱩᱞ ᱦᱚᱱᱚᱛ ᱟᱨ ᱯᱨᱚᱠᱟᱥᱚᱱ ᱦᱚᱱᱚᱛ ᱢᱮᱱᱟᱜᱼᱟ ᱾ ᱥᱮᱥᱟᱪᱟᱞᱟᱢ ᱵᱩᱨᱩ ᱫᱚ ᱱᱚᱶᱟ ᱦᱚᱱᱚᱛ ᱨᱮ ᱟᱹᱰᱤ ᱢᱟᱨᱟᱝ ᱛᱮ ᱟᱴᱮᱫ ᱟᱠᱟᱱᱟ, ᱚᱱᱟ ᱫᱚ ᱛᱚᱣᱟ ᱵᱩᱨᱩ, ᱦᱮᱸᱫᱮ ᱵᱩᱨᱩ, ᱵᱷᱮᱞᱤᱠᱚᱱᱰᱟᱞᱤᱥ ᱟᱨ ᱟᱨᱟᱜ ᱵᱩᱨᱩ ᱮᱢᱟᱱ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮ ᱫᱚ ᱵᱟᱹᱲᱛᱤ ᱠᱟᱛᱮ ᱢᱟᱹᱴᱤᱭᱟᱹᱲ ᱦᱟᱥᱟ, ᱵᱟᱹᱞᱤᱭᱟᱹ ᱦᱟᱥᱟ ᱧᱮᱞᱚᱜᱼᱟ ᱾
ᱦᱚᱭᱦᱤᱥᱤᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱛᱩᱝ ᱫᱤᱱ ᱨᱮ ᱞᱚᱞᱚᱥᱚᱝ ᱓᱐° ᱥᱮᱞᱥᱤᱭᱚᱥ ᱠᱷᱚᱱ ᱔᱔° ᱥᱮᱞᱥᱤᱭᱚᱥ ᱟᱨ ᱨᱟᱵᱟᱝ ᱫᱤᱱ ᱨᱮ ᱒᱑° ᱠᱷᱚᱱ ᱓᱐° ᱥᱮᱞᱥᱤᱭᱚᱥ ᱦᱟᱹᱵᱤᱡ ᱛᱟᱦᱮᱸ ᱠᱟᱱᱟ ᱾ ᱜᱚᱴᱟᱜᱩᱴᱤ ᱫᱟᱜ ᱡᱟᱹᱲᱤ ᱫᱚ ᱖᱙᱕ ᱢᱤᱞᱤᱢᱤᱴᱚᱨ ᱾
ᱜᱟᱰᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱮᱬ, ᱪᱤᱛᱨᱟᱵᱚᱛᱤ, ᱠᱩᱱᱰᱟ, ᱯᱟᱯᱟᱜᱷᱱᱤ, ᱥᱟᱜᱤᱞᱮᱨᱩ ᱥᱟᱶᱛᱮ ᱟᱭᱢᱟ ᱢᱟᱨᱟᱝ ᱜᱟᱰᱟ ᱠᱚ ᱞᱤᱸᱡᱤᱱ ᱠᱟᱱᱟ ᱾
ᱵᱤᱨᱵᱩᱨᱩ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱦᱚᱱᱚᱛ ᱨᱮ ᱔,᱙᱖,᱖᱗᱒ ᱦᱮᱠᱴᱚᱨ ᱮᱨᱤᱭᱟ ᱛᱮ ᱵᱤᱨ ᱟᱴᱮᱫ ᱟᱠᱟᱱᱟ ᱾
ᱠᱟᱹᱣᱰᱤᱭᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱟᱥ ᱵᱟᱥ ᱫᱚ ᱱᱚᱸᱰᱮᱱᱟᱜ ᱠᱟᱹᱣᱰᱤᱭᱟᱹᱨᱤ ᱨᱮᱱᱟᱜ ᱢᱩᱬ ᱠᱟᱱᱟ ᱾ ᱦᱳᱲᱳ, ᱵᱟᱡᱽᱨᱟ, ᱜᱟᱺᱜᱟᱹᱭ, ᱩᱞ, ᱡᱟᱰᱟ, ᱥᱟᱥᱟᱝ ᱮᱢᱟᱱ ᱠᱚ ᱵᱮᱯᱟᱨ ᱞᱟᱹᱜᱤᱫ ᱠᱚ ᱟᱨᱡᱟᱣ ᱮᱫᱟ ᱟᱨ ᱮᱴᱟᱜ ᱯᱚᱱᱚᱛ ᱛᱮ ᱦᱚᱸ ᱠᱚ ᱠᱳᱞ ᱮᱫᱟ ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Kadapa district ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Kadapa district named after". The Times of India. Amaravati. 8 July 2010. Archived from the original on 11 July 2017. Retrieved 14 June 2019.
- ↑ "Six districts in Andhra reel under drinking water crisis". The New Indian Express. Vijayawada. 13 May 2019. Retrieved 14 June 2019.
|
ᱠᱩᱨᱱᱩᱞ ᱦᱚᱱᱚᱛ | ᱯᱨᱚᱠᱟᱥᱚᱢ ᱦᱚᱱᱚᱛ |
| |
| ᱚᱱᱚᱱᱛᱚᱯᱩᱨ ᱦᱚᱱᱚᱛ | 
|
ᱱᱮᱞᱚᱨᱮ ᱦᱚᱱᱚᱛ | ||
 ᱠᱟᱰᱟᱯᱟ ᱦᱚᱱᱚᱛ 
| ||||
| ||||
| ᱪᱤᱛᱛᱩᱨ ᱦᱚᱱᱚᱛ |