ᱯᱨᱚᱠᱟᱥᱚᱢ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱯᱨᱚᱠᱟᱥᱚᱢ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱟᱱᱫᱷᱨᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ, ᱡᱟᱦᱟᱸ ᱫᱚ ᱟᱲᱮ ᱟᱱᱫᱷᱨᱚ ᱮᱞᱟᱠᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱑᱙᱗᱐ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱ ᱛᱦᱟᱮᱸᱫ ᱾ ᱱᱚᱶᱟ ᱦᱚᱱᱚᱛ ᱫᱚ ᱵᱚᱝᱜᱚ ᱫᱚᱨᱭᱟ ᱨᱮᱱᱟᱜ ᱯᱟᱪᱷᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ, ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱨᱮ ᱜᱩᱱᱴᱩᱨ ᱦᱚᱱᱚᱛ, ᱯᱟᱪᱮ ᱥᱮᱦᱮᱫ ᱨᱮ ᱠᱩᱨᱱᱩᱞ ᱦᱚᱱᱚᱛ ᱠᱚᱧᱮ ᱥᱮᱦᱮᱫ ᱨᱮ ᱠᱟᱰᱟᱯᱟ ᱦᱚᱱᱚᱛ ᱟᱨ ᱱᱮᱞᱳᱨ ᱦᱚᱱᱚᱛ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮᱱᱟᱜ ᱮᱛᱚᱢ-ᱥᱟᱢᱟᱝ ᱮᱞᱟᱠᱟ ᱫᱚ ᱛᱮᱞᱮᱝᱜᱟᱱᱟ ᱯᱚᱱᱚᱛ ᱨᱮᱱᱟᱜ ᱢᱮᱦᱵᱩᱵᱽᱱᱟᱜᱟᱨ ᱦᱚᱱᱚᱛ ᱥᱟᱶ ᱵᱷᱤᱲᱟᱹᱣ ᱟᱠᱟᱱᱟ ᱾[᱑] ᱱᱚᱶᱟ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱱᱟᱜ ᱛᱮᱥᱟᱨ ᱢᱟᱨᱟᱝ ᱦᱚᱱᱚᱛ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱮᱨᱤᱭᱟ ᱦᱩᱭᱩᱜ ᱠᱟᱱᱟ ᱑᱗᱖᱒᱖ ᱜᱟᱺᱴ ᱠᱤᱢᱤ ᱟᱨ ᱱᱚᱸᱰᱮ ᱓᱓᱙᱒,᱗᱔᱖ ᱦᱚᱲ ᱢᱮᱱᱟᱜ ᱠᱚᱣᱟ ᱒᱐᱑᱑ ᱥᱟᱞᱮ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱾[᱒]

ᱪᱷᱟᱹᱴᱭᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱫᱚ ᱟᱱᱰᱷᱨᱚ ᱯᱨᱚᱫᱮᱥ ᱨᱤᱱᱤᱡ ᱯᱩᱭᱞᱩ ᱥᱤᱨᱟᱹ ᱢᱚᱱᱛᱨᱤ ᱛᱟᱝᱛᱩᱨᱤ ᱯᱨᱚᱠᱟᱥᱚᱢ ᱟᱜ ᱧᱩᱛᱩᱢ ᱞᱮᱠᱟᱛᱮ ᱦᱩᱭ ᱟᱟᱠᱱᱟ ᱡᱟᱦᱟᱸᱭ ᱫᱚ ᱟᱱᱰᱷᱨᱚ ᱠᱮᱥᱚᱨᱤ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱤᱱᱚᱰᱟᱨᱭᱟᱯᱟᱞᱮᱢ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱦᱚᱱᱚᱛ ᱫᱚ ᱯᱨᱚᱠᱟᱥᱚᱢ ᱦᱚᱱᱚᱛ ᱢᱮᱱᱛᱮ ᱑᱙᱗᱒ ᱥᱟᱞᱮ ᱨᱮ ᱠᱚ ᱧᱩᱢ ᱟᱹᱨᱩ ᱞᱮᱫ ᱛᱟᱦᱮᱸᱫ ᱾[᱓]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱨᱚᱠᱟᱥᱚᱢ ᱦᱚᱱᱚᱛ ᱫᱚ ᱚᱥᱚᱞ ᱨᱮ ᱒ ᱯᱦᱮᱵᱽᱨᱩᱣᱟᱨᱤ ᱑᱙᱗᱐ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ, ᱟᱱᱫᱷᱨᱚ ᱯᱨᱚᱫᱮᱥ ᱨᱮᱱᱟᱜ ᱜᱩᱱᱴᱩᱨ ᱦᱚᱱᱚᱛ, ᱱᱮᱞᱳᱨ ᱦᱚᱱᱚᱛ, ᱟᱨ ᱠᱩᱨᱱᱩᱞ ᱦᱚᱱᱚᱛ ᱠᱷᱚᱱ ᱦᱟᱹᱴᱤᱧ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱶᱟ ᱫᱚ ᱜᱩᱱᱴᱩᱨ ᱦᱚᱱᱚᱛ ᱨᱮᱱᱟᱜ ᱯᱮᱭᱟ ᱛᱚᱦᱥᱤᱞ ᱟᱫᱟᱝᱠᱤ, ᱪᱤᱨᱟᱞᱟ ᱟᱨ ᱚᱝᱜᱚᱞᱮ, ᱱᱮᱞᱳᱨᱮ ᱦᱚᱱᱚᱛ ᱨᱮᱱᱟᱜ ᱔ᱭᱟ ᱛᱚᱦᱥᱤᱞ ᱠᱟᱱᱰᱩᱠᱩᱨ, ᱠᱟᱱᱤᱜᱤᱨᱤ, ᱫᱟᱨᱥᱤ ᱟᱨ ᱯᱚᱰᱤᱞᱤ, ᱠᱩᱨᱱᱩᱞ ᱦᱚᱱᱚᱛ ᱨᱮᱱᱟᱜ ᱯᱮᱭᱟ ᱛᱚᱦᱥᱤᱞ ᱢᱟᱨᱠᱟᱯᱩᱨ,ᱭᱟᱨᱟᱜᱚᱱᱰᱟᱯᱟᱞᱟᱢ ᱟᱨ ᱜᱤᱰᱟᱞᱩᱨᱩ ᱮᱢᱟᱱ ᱢᱮᱥᱟ ᱠᱟᱛᱮ ᱵᱮᱱᱟᱣ ᱠᱟᱱᱟ ᱾ ᱱᱚᱶᱟ ᱫᱚ ᱟᱲᱮ ᱟᱱᱫᱷᱨᱚ ᱮᱞᱟᱠᱟ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱯᱨᱚᱠᱟᱥᱚᱢ ᱦᱚᱱᱚᱛ ᱫᱚ ᱨᱮᱰ ᱠᱚᱨᱤᱰᱚᱨ (Red Corridor) ᱞᱮᱠᱟᱛᱮ ᱠᱚ ᱞᱮᱠᱷᱟᱭᱮᱫᱼᱟ ᱾

ᱰᱮᱢᱚᱜᱨᱟᱯᱷᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞᱮ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱓,᱓᱙᱗,᱔᱔᱘ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱚᱱᱟ ᱢᱩᱸᱫᱽ ᱠᱷᱚᱱ ᱑᱗,᱑᱔,᱗᱖᱔ ᱠᱩᱲᱤ ᱟᱨ ᱑᱖,᱘᱒,᱖᱘᱔ ᱠᱚᱲᱟ ᱢᱮᱱᱟᱜ ᱠᱚᱣᱟ ᱾ ᱡᱟᱱᱟᱝ ᱡᱟᱹᱱᱤ ᱫᱚ ᱙᱘᱑ ᱠᱩᱲᱤ ᱨᱮ ᱑᱐᱐᱐ ᱠᱚᱲᱟ ᱢᱮᱱᱟᱜ ᱠᱚᱣᱟ ᱾ ᱖᱖᱔,᱕᱘᱒ (᱑᱙ᱹ᱕᱖%) ᱦᱚᱲ ᱫᱚ ᱥᱚᱦᱚᱨ ᱱᱟᱜᱟᱨ ᱨᱮ ᱠᱚ ᱛᱟᱦᱮᱸᱱ ᱠᱟᱱ ᱾ ᱑᱙,᱐᱔,᱔᱓᱕ ᱦᱚᱲ ᱫᱚ ᱠᱚ ᱥᱤᱠᱤᱛ ᱜᱮᱭᱟ, ᱡᱟᱦᱟᱸ ᱫᱚ ᱞᱮᱠᱷᱟ ᱜᱩᱴ ᱦᱚᱲ ᱨᱤᱱ ᱖᱓ᱹ᱐᱘% ᱠᱚ ᱦᱩᱭᱩᱜ ᱠᱟᱱᱟ ᱾[᱔]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Mandals in Prakasam district". AP State Portal. Archived from the original on 6 ᱡᱩᱱ 2014. Retrieved 24 ᱢᱮ 2014. 
  2. "Prakasam dist". AP state portal. Retrieved 16 ᱡᱩᱱ 2014. 
  3. "District info" (PDF). apind.gov.in. Archived from the original (PDF) on 28 ᱰᱤᱥᱮᱢᱵᱚᱨ 2013. Retrieved 16 ᱡᱩᱱ 2014. 
  4. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named census