ᱟᱞᱟᱨᱢᱮᱞ ᱵᱷᱟᱞᱞᱤ

ᱟᱞᱟᱨᱢᱮᱞ ᱵᱷᱟᱞᱞᱤ
ᱟᱞᱟᱨᱢᱮᱞ ᱵᱷᱟᱞᱞᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	᱑᱔ ᱥᱮᱯᱴᱮᱢᱵᱚᱨ ᱑᱙᱕᱖ (᱖᱘ ᱥᱮᱨᱢᱟ); Chennai, Tamil Nadu, India
ᱫᱤᱥᱚᱢᱤᱭᱟᱹ	Indian
ᱠᱟᱹᱢᱤ	Indian classical dancer, choreographer
ᱧᱩᱢᱱᱟᱢ	Pandanallur style of Bharatnatyam
ᱡᱤᱭᱚᱱ ᱥᱚᱦᱮᱫ	Bhaskar Ghose
ᱥᱤᱨᱯᱷᱟᱹ	Padma Bhushan; Padma Shri;
ᱣᱮᱵᱽᱥᱟᱭᱤᱴ	www.alarmelvalli.org

ᱟᱞᱟᱨᱢᱮᱞ ᱵᱷᱟᱞᱞᱤ ᱫᱚ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱰᱮᱱᱥᱚᱨ ᱟᱨ ᱠᱚᱨᱤᱭᱳᱜᱨᱟᱯᱚᱨ ᱠᱟᱱᱟᱭ ᱾ ᱟᱡ ᱫᱚ ᱵᱷᱟᱨᱚᱛᱱᱟᱴᱭᱚᱱ, ᱯᱟᱱᱰᱟᱱᱟᱞᱞᱩᱨ (en:Pandanallur style) ᱰᱷᱚᱝ ᱮᱱᱮᱡ ᱥᱚᱫᱚᱨᱤᱭᱟᱹ ᱠᱟᱱᱟᱭ ᱾ ᱑᱙᱘᱓ ᱥᱟᱞ ᱪᱮᱱᱱᱟᱭ ᱨᱮ "ᱫᱤᱯᱟᱥᱤᱠᱷᱟ ᱰᱮᱱᱥ ᱯᱷᱟᱣᱩᱱᱰᱮᱥᱚᱱ " ᱵᱮᱨᱮᱫ ᱟᱠᱟᱫᱟᱭ,ᱱᱚᱸᱰᱮ ᱠᱷᱚᱱ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱪᱮᱫ ᱟᱠᱚ ᱠᱟᱱᱟᱭ ᱾ ᱑᱙᱙᱑ ᱥᱟᱞ ᱨᱮ,ᱟᱞᱟᱨᱢᱮᱞ ᱫᱚ ᱫᱚᱥᱟᱨ ᱦᱩᱰᱤᱧ ᱩᱛᱟᱹᱨᱤᱡ ᱯᱚᱫᱽᱢᱚᱥᱨᱤ ᱦᱩᱭ ᱞᱮᱱᱟ,ᱡᱟᱦᱟᱸ ᱫᱚ ᱵᱷᱟᱨᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱪᱟᱞ ᱦᱤᱡᱩᱜ ᱠᱟᱱᱟ ᱾ ᱯᱩᱭᱞᱩ ᱦᱩᱰᱤᱧ ᱩᱢᱮᱨ ᱨᱤᱱ ᱯᱚᱫᱽᱢᱚᱥᱨᱤ ᱟᱢᱮᱴᱤᱭᱟᱹ ᱫᱚ ᱵᱷᱭᱟᱡᱚᱱᱠᱷᱤᱢᱟᱞᱟ (Vyjayanthimala) ᱠᱟᱱᱟᱭ ᱾ ᱒᱐᱐᱑ ᱥᱟᱞ ᱨᱮ,ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟ.,ᱱᱚᱣᱟ ᱫᱚ ᱵᱷᱟᱨᱚᱛ ᱨᱤᱱ ᱥᱮᱨᱮᱧ,ᱮᱱᱮᱡ,ᱠᱷᱮᱞᱚᱸᱰ ᱮᱱᱮᱢᱤᱭᱟᱹᱠᱚ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱛᱷᱚᱠ ᱨᱮ ᱪᱟᱞ ᱦᱤᱡᱩᱜ ᱠᱟᱱᱟ ᱾ ᱒᱐᱐᱔ ᱥᱟᱞ ᱨᱮ,ᱵᱷᱟᱨᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱫᱽᱢᱚ ᱵᱤᱵᱷᱩᱥᱚᱬ ᱥᱤᱨᱯᱷᱟᱹ ᱪᱟᱞ ᱟᱠᱟᱱᱟᱭ ᱾ ᱤᱱᱟᱹ ᱒᱐᱐᱔ ᱥᱟᱞ ᱨᱮᱜᱮ, ᱯᱨᱷᱟᱱᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱪᱮᱵᱷᱟᱞᱤᱭᱮᱨ ᱳᱯᱷ ᱟᱨᱴᱥ ᱟᱱᱰ ᱞᱮᱴᱴᱨᱥ ᱟᱣᱟᱨᱰ (Chevalier of Arts and Letters award) ᱧᱟᱢ ᱟᱠᱟᱫᱟᱭ ᱾

ᱯᱩᱭᱞᱩ ᱡᱤᱭᱚᱱ

ᱟᱞᱟᱨᱢᱮᱞ ᱫᱚ ᱪᱮᱱᱱᱟᱭ ᱡᱟᱱᱟᱢ ᱟᱨ ᱦᱟᱨᱟᱨᱟᱛᱟ ᱞᱮᱱᱟ ᱾ ᱱᱚᱸᱰᱮᱱᱟᱜ ᱥᱟᱠᱨᱮᱰ ᱦᱚᱨᱴ ᱢᱟᱴᱨᱤᱠᱩᱞᱮᱥᱚᱱ ᱥᱠᱩᱞ (Sacred Heart Matriculation School),ᱪᱚᱨᱪ ᱯᱟᱨᱠ (Church Park) ᱠᱷᱚᱱ ᱟᱥᱲᱟ ᱥᱤᱠᱷᱱᱟᱹᱛ ᱥᱟᱛ ᱞᱮᱜᱼᱟᱭ ᱾ ᱱᱚᱣᱟ ᱪᱮᱱᱱᱟᱭ ᱨᱮᱭᱟᱜ ᱥᱴᱮᱞᱟ ᱢᱟᱨᱤᱥ ᱠᱚᱞᱮᱡᱽ {{en:Stella Maris College, Chennai} ᱠᱷᱚᱱ ᱤᱝᱞᱤᱥ ᱥᱟᱶᱦᱮᱫ ᱨᱮ ᱥᱚᱱᱮᱨ (BA) ᱰᱤᱜᱽᱨᱤ ᱥᱟᱹᱛ ᱟᱠᱟᱫᱟᱭ ᱾ ᱵᱷᱟᱨᱚᱛᱱᱟᱴᱭᱚᱢ,ᱯᱟᱱᱰᱟᱞᱞᱩᱨ ᱵᱷᱚᱝ {en:Pandanallur style} ᱖ ᱥᱮᱨᱢᱟ ᱩᱢᱮᱨ ᱠᱷᱚᱱ ᱯᱟᱱᱰᱟᱞᱞᱩᱨ ᱪᱳᱠᱠᱟᱞᱤᱝᱜᱟᱢ ᱯᱤᱞᱟᱭᱤ (Pandanallur Chokkalingam Pillai) ᱟᱨ ᱟᱡᱤᱡ ᱦᱚᱯᱚᱱ ᱯᱟᱱᱰᱟᱞᱞᱩᱨ ᱥᱩᱵᱽᱵᱟᱨᱟᱭᱟ ᱯᱤᱞᱟᱭᱤ (Pandanallur Subbaraya Pillai) ᱛᱤᱠᱤᱱᱟᱜ ᱛᱟᱹᱨᱤᱨᱮ ᱪᱮᱫᱚᱜ ᱠᱟᱱ ᱛᱟᱦᱮᱸᱱ ᱾ ᱵᱷᱤᱱᱟ ᱫᱷᱟᱱᱟᱢᱢᱟᱞ (en:Veena Dhanammal) ᱵᱷᱚᱝ ᱥᱮᱨᱮᱧ ᱴᱤ. ᱢᱩᱠᱛᱷᱟ {en:T. Muktha} ᱣᱟᱜ ᱛᱟᱹᱨᱤᱨᱮ ᱪᱮᱫ ᱞᱮᱱᱟᱭ ᱾ ᱳᱰᱤᱥᱤ ᱮᱱᱮᱡ {en:Odissi} ᱜᱩᱨᱩ ᱠᱮᱲᱩᱪᱚᱨᱚᱱ ᱢᱚᱦᱟᱯᱟᱛᱨᱚ ᱟᱨ ᱨᱟᱢᱟᱱᱤ ᱨᱚᱱᱡᱚᱱ ᱡᱮᱱᱟ ᱛᱤᱠᱤᱱ ᱴᱷᱮᱱ ᱠᱷᱚᱱ ᱴᱨᱮᱱᱤᱝ ᱞᱮᱱᱟᱭ ᱾

ᱠᱮᱨᱤᱭᱚᱨ

ᱥᱴᱮᱡᱽ ᱨᱮ ᱩᱫᱩᱜᱼᱥᱚᱫᱚᱨ ᱫᱚ ᱙ ᱥᱮᱨᱢᱟ ᱩᱢᱮᱨ ᱠᱷᱚᱱ ᱮᱦᱚᱵ ᱟᱠᱟᱫᱟᱭ ᱟᱨ ᱱᱟᱴᱭᱚ ᱠᱚᱲᱟ ᱵᱷᱩᱥᱚᱬ ᱟᱣᱟᱨᱰ ᱠᱚ ᱪᱟᱞ ᱟᱫᱮ ᱛᱟᱦᱮᱸᱱ ᱾ ᱩᱱ ᱚᱠᱛᱮ ᱤᱱᱰᱤᱭᱟᱱ ᱤᱱᱥᱴᱤᱪᱩᱴ ᱳᱯᱷ ᱯᱷᱟᱭᱤᱱ ᱟᱨᱴᱥ,ᱢᱟᱰᱨᱟᱥ ᱨᱮ ᱪᱮᱛᱮᱫᱤᱭᱟᱹ ᱛᱟᱦᱮᱸ ᱠᱟᱱᱟ ᱾ ᱑᱖ ᱵᱚᱪᱷᱚᱨ ᱩᱢᱮᱨ, ᱯᱭᱟᱨᱤᱥ ᱨᱮ ᱡᱮᱼᱡᱟᱹᱛᱤᱭᱟᱨᱤ ᱰᱮᱱᱥ ᱯᱷᱮᱥᱴᱤᱵᱷᱟᱞ ᱚᱠᱛᱮ ᱫᱚᱨᱥᱚᱠᱚ ᱨᱟᱹᱥᱠᱟᱹ ᱚᱪᱚ ᱞᱮᱫ ᱠᱚᱣᱟ ᱾ ᱤᱱᱟᱹ ᱛᱟᱭᱚᱢ ᱥᱤᱧᱚᱛ ᱫᱤᱥᱚᱢ ᱟᱨ ᱵᱤᱫᱮᱥ ᱠᱚᱨᱮ ᱟᱭᱢᱟ ᱫᱷᱟᱣ ᱥᱴᱮᱡᱽ ᱩᱫᱩᱜᱼᱥᱚᱫᱚᱨ ᱟᱠᱟᱫᱼᱟᱭ ᱾ ᱟᱡ ᱫᱚ ᱛᱟᱢᱤᱞ ᱥᱟᱶᱦᱮᱫ ᱟᱨ ᱒᱐᱐᱐ ᱥᱟᱞ ᱨᱮᱭᱟᱜ ᱢᱟᱨᱮᱱ ᱥᱚᱝᱜᱚᱢ ᱚᱱᱚᱬᱦᱮ {en:Sangam poetry} ᱪᱮᱛᱟᱱ ᱨᱮ ᱠᱷᱚᱸᱫᱽᱨᱚᱸᱫᱽ ᱟᱠᱟᱫᱟ,ᱡᱟᱦᱟᱸ ᱚᱱᱚᱬᱦᱮ ᱠᱚᱫᱚ ᱮᱱᱮᱡ ᱨᱮᱭᱟᱜ ᱢᱟᱹᱱ ᱫᱚᱲᱦᱚ ᱟᱠᱟᱫᱼᱟᱭ ᱾ ᱟᱭᱢᱟ ᱥᱮᱨᱢᱟ ᱦᱟᱹᱵᱤᱡ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱥᱟᱶ ᱡᱚᱲᱟᱣ ᱢᱮᱱᱟᱭᱟ ᱟᱨ ᱟᱡᱟᱜ ᱢᱤᱫ ᱡᱩᱫᱟᱹ ᱮᱱᱮᱡ ᱵᱷᱚᱝ ᱥᱤᱨᱤᱡ ᱫᱟᱲᱮ ᱟᱠᱟᱫᱼᱟᱭ ᱾

ᱥᱤᱨᱯᱷᱟ. ᱟᱨ ᱢᱟ.ᱱᱠᱚ

᱒᱐᱑᱘ ᱥᱟᱞ ᱨᱮ, ᱱᱨᱤᱛᱭᱚ ᱯᱮᱨᱚᱞᱤ ᱟᱣᱟᱨᱰ—ᱠᱟᱨᱛᱷᱤᱠ ᱯᱷᱟᱭᱤᱱ ᱟᱨᱴᱥ,ᱪᱮᱱᱱᱟᱭ ᱠᱷᱚᱱ ᱾
᱒᱐᱑᱕ ᱥᱟᱞ ᱨᱮ,ᱱᱟᱴᱭᱚ ᱠᱚᱲᱟ ᱟᱪᱟᱨᱡᱚ ᱟᱣᱟᱨᱰ—ᱢᱤᱸᱣᱡᱤᱠ ᱮᱠᱟᱰᱮᱢᱤ,ᱪᱮᱱᱱᱟᱭ ᱠᱷᱚᱱ ᱾
᱒᱐᱑᱔ ᱥᱟᱞ ᱨᱮ, ᱱᱟᱴᱭᱚ ᱩᱛᱥᱚᱵᱽ ᱞᱟᱭᱤᱯᱷᱼᱴᱟᱭᱤᱢ ᱟᱪᱤᱵᱷᱢᱮᱸᱴ ᱟᱣᱟᱨᱰ—ᱵᱷᱟᱨᱚᱛᱤᱭᱚ ᱵᱤᱫᱽᱭᱟ ᱵᱷᱚᱵᱚᱱ ᱪᱮᱱᱱᱟᱭ ᱠᱷᱚᱱ ᱾
᱒᱐᱐᱒ ᱥᱟᱞ ᱨᱮ, ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱟᱣᱟᱨᱰ—ᱱᱟᱣᱟ ᱫᱤᱞᱞᱤ ᱠᱷᱚᱱ ᱾
᱒᱐᱐᱔ ᱥᱟᱞ ᱨᱮ, ᱯᱚᱫᱽᱢᱚ ᱵᱷᱩᱥᱚᱬ ᱟᱣᱟᱨᱰ—ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱾
᱑᱙᱙᱑ ᱥᱟᱞ ᱨᱮ, ᱯᱚᱫᱽᱢᱚᱥᱨᱤ ᱟᱣᱟᱨᱰ—ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱾

ᱥᱟ.ᱠᱷᱭᱟ.ᱛ

ᱵᱟᱦᱨᱮ ᱡᱚᱱᱚᱲ

https://en.wikipedia.org/wiki/Alarmel_Valli