ᱟᱞᱟᱱ ᱴᱭᱩᱨᱤᱝ
| ||||
| ᱧᱩᱛᱩᱢ | ᱟᱞᱟᱱ ᱢᱟᱛᱷᱤᱥᱚᱱ ᱴᱭᱩᱨᱤᱝ | |||
|---|---|---|---|---|
| ᱡᱤᱭᱚᱱ | ||||
| ᱡᱟᱱᱟᱢ ᱢᱟᱦᱟᱸ | ᱒᱓ ᱡᱩᱱ ᱑᱙᱑᱒ | |||
| ᱵᱚᱝᱜᱟ ᱛᱟᱞᱟ | ᱗ ᱡᱩᱱ ᱑᱙᱕᱔ | |||
| ᱮᱱᱮᱢ | ||||
•ᱮᱞᱠᱷᱟ
| ||||
| ᱢᱟᱺᱱ ᱥᱤᱨᱯᱷᱟᱹ | •Officer of the Order of the British Empire
| |||
ᱟᱞᱟᱱ ᱢᱟᱛᱷᱤᱥᱚᱱ ᱴᱭᱩᱨᱤᱝ ᱫᱚ ᱤᱝᱜᱽᱞᱚᱸᱰ ᱨᱮ ᱡᱟᱱᱟᱢᱤᱡ ᱢᱤᱫ ᱵᱨᱤᱴᱤᱥ ᱮᱞᱠᱷᱟ ᱯᱟᱹᱨᱩᱠᱷᱤᱭᱟᱹ (Mathematician) ᱟᱨ ᱠᱚᱢᱯᱩᱴᱚᱨ ᱥᱟᱬᱮᱥᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱮᱛᱚᱦᱚᱵ ᱮᱛᱚᱦᱚᱵ ᱫᱷᱟᱨᱟ ᱠᱚᱢᱯᱭᱩᱴᱚᱨ ᱵᱟᱵᱚᱫᱽ ᱛᱮ ᱡᱟᱦᱟᱸᱭ ᱠᱚ ᱠᱟᱹᱢᱤ ᱠᱟᱱ ᱛᱟᱦᱮᱸᱫ, ᱩᱱᱠᱩ ᱢᱩᱸᱫᱽ ᱨᱮ ᱱᱩᱭ ᱦᱚᱸ ᱛᱟᱦᱮᱸᱠᱟᱱᱟᱭ ᱾ ᱦᱚᱲ ᱟᱸᱴ ᱠᱚ ᱟᱹᱭᱠᱟᱹᱣᱮᱫ ᱞᱮᱠᱟᱱ ᱠᱟᱹᱢᱤ ᱠᱚ ᱠᱚᱢᱯᱭᱩᱴᱚᱨ ᱫᱟᱨᱟᱭ ᱛᱮ ᱠᱟᱹᱢᱤ ᱚᱪᱚᱭ ᱨᱮᱭᱟᱜ ᱠᱟᱛᱷᱟ ᱱᱩᱭ ᱫᱚ ᱮᱛᱚᱦᱚᱵᱼᱮ ᱣᱭᱦᱟᱹᱨ ᱞᱮᱫ ᱛᱟᱦᱮᱸᱫ ᱾ ᱑᱙᱓᱖ ᱥᱟᱞᱮ ᱨᱮ ᱩᱱᱤ ᱫᱚ ᱴᱭᱩᱨᱤᱝ ᱢᱤᱥᱤᱱᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱫᱚ ᱢᱤᱫ ᱩᱭᱦᱟᱹᱨᱟᱱ ᱢᱤᱥᱤᱱ ᱛᱟᱦᱮᱸᱠᱟᱱ ᱨᱮᱦᱚᱸ, ᱱᱚᱶᱟ ᱨᱮᱱᱟᱜ ᱠᱟᱹᱢᱤ ᱦᱚᱨᱟ ᱫᱚ ᱡᱚᱛᱷᱟᱛ ᱛᱟᱦᱮᱸᱠᱟᱱᱟ ᱾ ᱴᱭᱩᱨᱤᱝ ᱫᱚ ᱱᱟᱶᱟ ᱜᱮᱭᱟᱱ ᱥᱮᱸᱫᱽᱨᱟ ᱠᱟᱹᱢᱤ ᱨᱮ ᱟᱹᱰᱤ ᱡᱷᱩᱸᱠᱮ ᱛᱟᱦᱮᱸ ᱠᱟᱱᱟ ᱾ ᱫᱚᱥᱟᱨ ᱡᱮᱛᱮᱛ ᱛᱩᱯᱩᱫ ᱨᱮ ᱩᱱᱤ ᱫᱚ ᱡᱚᱨᱢᱟᱱᱟᱜ ᱫᱟᱱᱟᱝ ᱥᱟᱸᱫᱮᱥ ᱨᱮᱱᱟᱜ ᱢᱮᱱᱮᱛᱮ ᱚᱰᱚᱠᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱡᱚᱨᱢᱟᱱᱟᱜ ᱮᱴᱟᱜ ᱪᱤᱱᱦᱟᱹ ᱠᱚᱭ ᱚᱰᱚᱠ ᱞᱮᱫ ᱛᱟᱦᱮᱸᱫ ᱾ ᱑᱙᱔᱕ ᱠᱷᱚᱱ ᱑᱙᱔᱗ ᱥᱟᱞᱮ ᱫᱷᱟᱹᱵᱤᱡ ᱴᱭᱩᱨᱤᱝ ᱫᱚ ᱟᱹᱯᱱᱟᱹᱛ ᱛᱮ ᱦᱤᱥᱟᱹᱵᱟᱜ ᱢᱤᱥᱤᱱ ᱛᱮᱭᱟᱨᱮ ᱠᱩᱨᱩᱢᱩᱴᱩ ᱞᱮᱱ ᱛᱟᱦᱮᱸᱫ ᱾ ᱑᱙ ᱯᱷᱮᱵᱽᱨᱩᱣᱟᱨᱤ ᱑᱙᱔᱖ ᱥᱟᱞᱮ ᱨᱮ ᱱᱚᱶᱟ ᱨᱮᱱᱟᱜ ᱨᱩᱯ (design) ᱮ ᱥᱚᱫᱚᱨ ᱞᱮᱫ ᱛᱟᱦᱮᱸᱫ ᱾ ᱡᱚᱠᱚᱷᱚᱱᱜᱮ ᱚᱱᱟ ᱠᱟᱹᱢᱤᱭᱟᱱ ᱯᱨᱚᱡᱮᱠᱴ ᱠᱟᱱ ᱛᱟᱦᱮᱸᱫ, ᱛᱩᱯᱩᱫ ᱪᱟᱹᱞᱩᱣᱟᱠᱟᱱ ᱠᱷᱟᱹᱛᱤᱨ ᱚᱱᱟ ᱯᱨᱚᱡᱮᱠᱴ ᱠᱟᱹᱢᱤ ᱮᱦᱚᱵᱚᱜ ᱫᱚ ᱵᱤᱞᱚᱢ ᱧᱚᱜ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱔᱗ ᱥᱟᱞᱮᱨᱮ ᱢᱤᱫ ᱥᱮᱨᱢᱟ ᱨᱮᱱᱟᱜ ᱰᱤᱜᱟᱹ ᱤᱫᱤ ᱠᱟᱛᱮ ᱠᱮᱢᱵᱨᱤᱡᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱮᱱ ᱮᱱᱟᱭ ᱾ ᱚᱸᱰᱮ ᱜᱮ ᱟᱹᱯᱱᱟᱹᱛ ᱛᱮ ᱪᱟᱹᱞᱩᱣᱟᱱ ᱠᱚᱢᱯᱭᱩᱴᱚᱨ ᱠᱚ ᱵᱮᱱᱟᱣᱞᱮᱫ ᱛᱟᱦᱮᱸᱫ ᱾ ᱑᱐ ᱢᱮ ᱑᱙᱕᱐ ᱥᱟᱞᱮᱨᱮ ᱱᱚᱶᱟ ᱨᱮᱱᱟᱜ ᱮᱛᱚᱦᱚᱵ ᱠᱟᱹᱢᱤ ᱠᱚ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱞᱟᱱ ᱴᱭᱩᱨᱤᱝ ᱫᱚ ᱒᱓ ᱡᱩᱱ ᱑᱙᱑᱒ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱢᱟᱭᱫᱟ ᱵᱷᱮᱞ ᱨᱮ ᱾ ᱟᱯᱟᱛ ᱜᱚ ᱡᱩᱞᱤᱭᱚᱥ ᱢᱟᱛᱷᱤᱥᱚᱱ ᱴᱭᱩᱨᱤᱝ ᱟᱨ ᱮᱸᱜᱟᱛ ᱫᱚ ᱮᱛᱷᱮᱞ ᱥᱟᱨᱟ ᱧᱩᱛᱩᱢ ᱟᱹᱠᱤᱱ ᱛᱟᱦᱮᱸᱫ ᱾ ᱴᱭᱩᱨᱤᱝ ᱫᱚ ᱮᱛᱚᱦᱚᱵ ᱥᱴ. ᱢᱟᱭᱠᱮᱞ ᱵᱤᱨᱫᱟᱹᱜᱟᱲ ᱨᱮ ᱠᱚ ᱚᱞᱚᱪᱚ ᱞᱮᱫᱮ ᱛᱟᱦᱮᱸᱫ, ᱩᱱ ᱡᱚᱠᱷᱟᱜ ᱫᱚ ᱟᱡᱟᱜ ᱵᱚᱭᱚᱥ ᱛᱩᱨᱩᱭ ᱥᱮᱨᱢᱟ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱥᱟᱞᱮ ᱑᱙᱒᱒ ᱠᱷᱚᱱ ᱑᱙᱒᱖ ᱫᱷᱟᱹᱵᱤᱡ ᱫᱚ ᱦᱮᱡᱮᱞ-ᱦᱚᱨᱥᱴ ᱯᱨᱤᱯᱟᱨᱮᱴᱚᱨᱤ ᱟᱥᱲᱟ ᱨᱮᱭ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱒᱖ ᱥᱟᱞᱮᱨᱮ ᱑᱓ ᱥᱮᱨᱢᱟ ᱵᱚᱭᱚᱥᱮ ᱦᱩᱭ ᱟᱠᱟᱱ ᱚᱠᱛᱚ ᱨᱮ ᱥᱮᱨᱵᱚᱱ ᱟᱥᱲᱟ ᱛᱮᱭ ᱪᱟᱞᱟᱣᱮᱱᱟ ᱾ ᱴᱭᱩᱨᱤᱝᱟᱜ ᱢᱚᱱᱮ ᱫᱚ ᱮᱞᱠᱷᱟ ᱟᱨ ᱥᱟᱬᱮᱥ ᱥᱮᱱᱮᱜᱩᱰᱨᱟᱹᱣ ᱞᱮᱱ ᱛᱟᱦᱮᱸᱫ ᱾ ᱢᱟᱪᱮᱫ ᱠᱚ ᱫᱚ ᱟᱹᱰᱤ ᱵᱟᱭ ᱠᱷᱟᱹᱛᱤᱨᱟᱠᱚ ᱛᱟᱦᱮᱸᱫ ᱾ ᱚᱱᱟᱛᱮ ᱟᱠᱚᱭᱤᱡ ᱢᱟᱨᱟᱝ ᱴᱭᱩᱨᱤᱝ ᱟᱡ ᱵᱟᱵᱟ ᱴᱷᱮᱱ ᱢᱤᱫ ᱥᱟᱠᱟᱢᱮ ᱠᱩᱞ ᱟᱫᱮ ᱛᱟᱦᱮᱸᱫ ᱪᱤ, ᱱᱚᱝᱠᱟᱭ ᱦᱟᱞᱵᱟᱞ ᱟᱨ ᱢᱟᱪᱮᱫ ᱠᱚᱭ ᱵᱮᱠᱷᱟᱹᱛᱤᱨ ᱠᱚ ᱠᱷᱟᱱ ᱟᱡᱟᱜ ᱡᱤᱭᱚᱱ ᱫᱚ ᱵᱟᱹᱲᱤᱡᱚᱜᱼᱟ ᱢᱮᱱᱛᱮ ᱾ ᱮᱱᱨᱮᱦᱚᱸ ᱚᱨᱡᱚ ᱠᱚ ᱫᱚ ᱱᱟᱯᱟᱭ ᱜᱮᱭ ᱟᱹᱜᱩᱭᱮᱫ ᱛᱟᱦᱮᱸᱫ ᱾ ᱥᱮᱬᱟ ᱮᱞᱠᱷᱟ ᱠᱚᱦᱚ ᱟᱹᱰᱤ ᱟᱞᱜᱟ ᱛᱮᱭ ᱥᱚᱞᱦᱮ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱥᱚᱱᱮᱨᱮ ᱯᱟᱲᱦᱟᱣᱮᱱᱟ ᱑᱙᱓᱑ ᱠᱷᱚᱱ ᱑᱙᱓᱔ ᱥᱟᱞᱮ ᱫᱷᱟᱹᱵᱤᱡ ᱠᱤᱝᱥ ᱠᱚᱞᱮᱡᱽ ᱚᱯᱷ ᱠᱮᱢᱵᱨᱤᱡᱽ ᱡᱟᱦᱟᱸ ᱨᱮ ᱮᱞᱠᱷᱟ ᱛᱮ ᱢᱟᱬᱟᱝ ᱥᱚᱱᱮᱨ ᱢᱟᱺᱱᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱥᱟᱞᱮ ᱑᱙᱓᱖ ᱨᱮ ᱟᱡᱟᱜ ᱥᱟᱠᱟᱢ On computable numbers ᱱᱚᱶᱟ ᱞᱮᱠᱟᱛᱮ ᱜᱮ ᱴᱭᱩᱨᱤᱝ ᱢᱤᱥᱤᱱ ᱫᱚᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱟᱨ ᱱᱚᱶᱟ ᱨᱮᱱᱟᱜ ᱡᱟᱭ ᱛᱮᱫ ᱠᱚ ᱤᱫᱤ ᱠᱟᱛᱮ ᱜᱮ ᱡᱚᱱ ᱵᱚᱱ ᱱᱭᱩᱢᱟᱱ ᱢᱚᱰᱚᱨᱱ ᱠᱚᱢᱯᱩᱴᱚᱨ ᱫᱚᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱴᱭᱩᱨᱤᱝ ᱑᱙᱕᱔ ᱥᱟᱞᱮᱨᱮ ᱵᱚᱝᱜᱟ ᱛᱟᱞᱟ ᱭᱮᱱᱟᱭ ᱿
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Jack Copeland 2012. Alan Turing: The codebreaker who saved 'millions of lives'. BBC News / Technology [᱑]