ᱟᱞ ᱠᱣᱮᱫᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱡᱤᱦᱟᱫ ᱨᱮᱱᱟᱜ ᱪᱤᱨ

ᱟᱞ ᱠᱣᱮᱫᱟ(/ælˈkaɪdə, ˌælkɑːˈiːdə/; Arabic: القاعدة‎ al-qāʿidah, IPA: [ælqɑːʕɪdɐ], ᱢᱮᱱᱮᱛ: "ᱢᱩᱛᱩᱞ", "ᱵᱩᱱᱤᱭᱟᱹᱫ" ᱫᱚ ᱥᱟᱸᱜᱮ ᱫᱤᱥᱚᱢ ᱨᱮ ᱠᱟᱹᱢᱤ ᱠᱟᱱ ᱥᱩᱢᱤ ᱤᱥᱞᱟᱢᱤᱠ ᱟᱛᱚᱸᱠᱵᱟᱹᱫ ᱥᱚᱸᱜᱚᱴᱷᱚᱱ ᱠᱟᱱᱟ ᱡᱟᱦᱟᱸ ᱳᱥᱟᱢᱟ ᱵᱤᱱ ᱞᱟᱫᱮᱱ,ᱟᱵᱫᱩᱞᱞᱟ ᱟᱡᱟᱢ[᱑] ᱥᱟᱶ ᱟᱨᱚᱵ ᱠᱟᱹᱢᱤᱭᱟᱹ ᱡᱟᱦᱟᱸᱭ ᱠᱚ ᱥᱳᱵᱷᱤᱭᱮᱛ ᱟᱠᱨᱚᱢᱚᱬ ᱨᱮᱠᱚ ᱥᱮᱞᱮᱫ ᱠᱚ ᱛᱟᱦᱮᱸᱠᱟᱱᱟ ᱩᱱᱠᱩ ᱥᱟᱶ ᱑᱙᱘᱘ ᱨᱮ ᱵᱮᱨᱮᱫ ᱞᱮᱱᱟ ᱾[᱒]
ᱟᱞ ᱠᱣᱮᱫᱟ ᱤᱥᱞᱟᱢᱤᱠ ᱠᱚᱴᱚᱨᱵᱟᱫᱤ ᱥᱟᱞᱟᱯᱷᱤᱥᱴ ᱡᱤᱦᱟᱫᱤ ᱨᱮᱱᱟᱜ ᱢᱤᱫ ᱱᱮᱴᱣᱟᱨᱠ ᱞᱮᱠᱟᱛᱮᱭ ᱠᱟᱹᱢᱤᱭᱟᱭ ᱾ ᱱᱚᱣᱟ ᱥᱚᱸᱜᱚᱴᱷᱚᱱ ᱭᱩᱱᱟᱭᱴᱮᱰ ᱱᱮᱥᱚᱱ ᱥᱤᱠᱩᱨᱤᱴᱭ ᱠᱟᱣᱱᱥᱤᱞ, ᱱᱟᱴᱳ, ᱭᱩᱨᱳᱯᱤᱭᱳᱱ ᱭᱩᱱᱤᱭᱚᱱ,ᱭᱩᱵᱟᱭᱴᱮᱰ ᱥᱴᱮᱴᱥ,ᱭᱩᱱᱟᱭᱴᱮᱰ ᱠᱤᱸᱜᱰᱚᱢ, ᱨᱚᱥᱤᱭᱟ, ᱤᱱᱰᱤᱭᱟ ᱮᱢᱟᱱ ᱯᱟᱦᱴᱟ ᱠᱷᱚᱱ ᱵᱟᱹᱲᱛᱤ ᱵᱟᱹᱲᱤᱡ ᱟᱛᱚᱸᱠᱵᱟᱫ ᱛᱟᱞᱠᱟᱹ ᱨᱮᱠᱚ ᱛᱟᱹᱞᱠᱟᱹ ᱦᱟᱠᱟᱫᱮᱭᱟ ᱠᱚ ᱾᱑᱙᱙᱘ ᱥᱟᱞ ᱨᱮ ᱭᱩᱱᱟᱭᱴᱮᱰ ᱨᱟᱡᱫᱩᱛ ᱟᱹᱢᱟᱹᱞᱤ ᱥᱮᱯᱴᱮᱢᱵᱚᱨ ᱑᱑ ᱟᱠᱨᱚᱢᱚᱬ, ᱒᱐᱐᱒ ᱨᱮᱱᱟᱜ ᱵᱟᱞᱤ ᱟᱠᱨᱚᱢᱚᱬ ᱱᱩᱭ ᱥᱚᱸᱜᱚᱴᱷᱚᱱᱼᱟ ᱵᱟᱲᱤᱡ ᱠᱟᱹᱨᱫᱷᱟᱹᱱᱤ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱟᱹᱰᱤᱜᱟᱱ ᱫᱤᱥᱚᱢ ᱨᱮ ᱦᱚᱲ ᱜᱚᱡ, ᱵᱚᱢ ᱜᱤᱰᱤ ᱞᱮᱠᱟᱱ ᱵᱟᱹᱲᱤᱡ ᱠᱟᱹᱢᱤ ᱦᱟᱠᱟᱫᱼᱟᱭ ᱾ᱥᱮᱯᱴᱮᱢᱵᱚᱨ ᱑᱑ ᱨᱮᱱᱟᱜ ᱦᱟᱞᱟ ᱨᱩᱣᱟᱹᱲ ᱞᱮᱠᱟᱛᱮ ᱭᱩᱱᱟᱭᱴᱮᱰ ᱥᱴᱮᱴᱥ ᱟᱯᱷᱜᱟᱱᱤᱥᱛᱟᱱ ᱮ ᱦᱟᱢᱞᱟ ᱠᱮᱫᱼᱟ, ᱡᱟᱦᱟᱸ ᱟᱡ "War on Terror" ᱟᱛᱚᱸᱠᱵᱟᱫ ᱵᱤᱨᱩᱫᱷ ᱞᱟᱹᱰᱷᱟᱹᱭ ᱮ ᱧᱩᱛᱩᱢ ᱞᱮᱫᱼᱟ ᱾ ᱚᱱᱟ ᱞᱟᱹᱰᱷᱟᱹᱭ ᱛᱟᱭᱚᱢ ᱟᱞ ᱠᱣᱮᱫᱟ ᱟᱨ ᱟᱡ ᱨᱤᱱ ᱡᱚᱴᱟᱣ ᱥᱚᱸᱜᱚᱴᱷᱚᱱ ᱠᱚᱣᱟᱜ ᱰᱟᱸᱫᱟ ᱦᱩᱡᱩᱲᱮᱱᱟ ᱾ ᱳᱥᱟᱢᱟ ᱵᱤᱱ ᱞᱟᱫᱮᱱ ᱥᱟᱶ ᱮᱴᱟᱜ ᱟᱹᱜᱩᱣᱟᱱ ᱠᱚᱠᱚ ᱜᱚᱡ ᱦᱚᱪᱚᱭᱮᱱ ᱠᱷᱟᱱ ᱠᱚ ᱡᱟᱦᱟᱸᱠᱚ ᱥᱟᱨᱮᱡ ᱮᱱᱟ ᱩᱱᱠᱩ ᱟᱠᱚᱣᱟᱜ ᱥᱟᱯᱲᱟᱣ ᱟᱨ ᱟᱠᱚᱣᱟᱜ ᱠᱟᱹᱢᱤ ᱦᱚᱨᱟ ᱨᱮᱱᱟᱜ ᱪᱷᱟᱸᱪ ᱠᱚ ᱵᱚᱫᱚᱞ ᱠᱮᱫᱼᱟ ᱾ᱱᱚᱣᱟ ᱥᱚᱸᱜᱚᱴᱷᱚᱱ ᱥᱩᱥᱟᱭᱤᱰ ᱟᱠᱨᱚᱢᱚᱬ ᱥᱟᱶᱛᱮ ᱟᱹᱰᱤᱜᱟᱱ ᱴᱷᱟᱶᱨᱮ ᱢᱤᱫ ᱫᱷᱟᱣ ᱛᱮ ᱵᱚᱢᱵᱤᱸ ᱮᱢᱟᱱᱞᱮᱠᱟ ᱟᱡᱟᱜ ᱠᱟᱹᱢᱤᱨᱮᱱᱟᱜ ᱜᱩᱬ ᱠᱟᱱᱟ ᱾[᱓] ᱡᱟᱦᱟᱸᱭ ᱡᱟᱦᱟᱸᱭ ᱟᱯᱷᱜᱟᱱᱤᱥᱛᱟᱱ , ᱯᱟᱠᱤᱥᱛᱟᱱ,ᱤᱨᱟᱠ, ᱟᱨ ᱥᱩᱫᱟᱱ ᱨᱮᱱᱟᱜ ᱠᱮᱢᱯ ᱨᱮ ᱥᱮᱪᱮᱫ ᱦᱟᱠᱟᱱᱟᱠᱚ ᱩᱱᱠᱩ ᱞᱟᱫᱮᱱ ᱟᱨ ᱟᱞ ᱠᱣᱮᱫᱟ ᱪᱮᱛᱟᱱ ᱨᱮ ᱟᱠᱚᱣᱟᱜ ᱯᱟᱹᱛᱭᱟᱹᱣ ᱫᱚᱦᱚ ᱨᱮᱱᱟᱜ ᱠᱚ ᱥᱚᱯᱚᱛᱷ ᱟᱠᱚ ᱾ [᱔] ᱢᱩᱥᱞᱤᱢ ᱫᱤᱥᱚᱢ ᱨᱮ ᱵᱟᱦᱨᱮ ᱫᱤᱥᱚᱢ ᱠᱚᱨᱮᱱᱟᱜ ᱚᱨᱥᱚᱝ ᱵᱟᱝ ᱛᱟᱷᱮᱱᱢᱟ ᱟᱨ ᱡᱷᱚᱛᱚ ᱢᱩᱥᱞᱤᱢ ᱫᱤᱥᱚᱢ ᱨᱮ ᱠᱷᱚᱞᱤᱯᱚᱛᱷ ᱥᱟᱥᱚᱱ ᱛᱟᱦᱮᱱ ᱢᱟ ᱢᱮᱱᱛᱮᱫ ᱟᱞᱠᱣᱮᱫᱟ ᱦᱟᱜ ᱩᱭᱦᱟᱹᱨ ᱠᱟᱱᱟ ᱾[᱕][᱖]
ᱠᱤᱨᱚᱥᱛᱟᱱ ᱟᱨ ᱡᱤᱣᱤᱥ ᱠᱚ ᱥᱟᱞᱟᱜ ᱡᱚᱴᱟᱣ ᱫᱚ ᱤᱥᱞᱟᱢ ᱫᱷᱚᱨᱚᱢ ᱥᱟᱞᱟᱜ ᱵᱤᱥᱣᱟᱥᱜᱷᱟᱛ ᱢᱮᱱᱛᱮᱫ ᱯᱟᱹᱛᱭᱟᱹᱣ ᱿ ᱥᱟᱞᱟᱯᱷᱤᱭᱤᱥᱴ ᱡᱤᱦᱟᱫᱤ ᱠᱚᱣᱟᱜ ᱱᱚᱣᱟ ᱦᱚᱸ ᱯᱟᱹᱛᱭᱟᱣ ᱢᱮᱱᱟᱜᱼᱟ ᱡᱟᱦᱟᱸᱭ ᱱᱚᱣᱟ ᱡᱤᱦᱟᱫ ᱨᱮ ᱵᱟᱠᱚ ᱥᱮᱞᱮᱫ ᱦᱟᱠᱟᱱᱟ ᱩᱱᱠᱩ ᱜᱚᱡ ᱦᱚᱸ ᱱᱤᱨᱚᱲ ᱜᱮᱭᱟ ᱾ ᱫᱷᱚᱨᱚᱢ ᱯᱩᱛᱷᱤ ᱨᱮ ᱵᱟᱝ ᱫᱚᱥ ᱦᱚᱲ ᱜᱚᱡ ᱢᱟᱱᱟ ᱜᱮᱭᱟ ᱢᱮᱱᱛᱮᱫ ᱱᱚᱣᱟ ᱠᱟᱛᱷᱟ ᱠᱚ ᱫᱮᱭᱟ ᱦᱟᱠᱟᱫᱼᱟ ᱿ ᱟᱞ ᱠᱣᱮᱫᱟ ᱟᱠᱚ ᱵᱮᱱᱟᱣ ᱦᱟᱠᱟᱫ ᱨᱟᱭᱨᱤᱛ ᱚᱥᱚᱞ ᱨᱮ ᱢᱮᱱᱟᱜ ᱥᱟᱦᱨᱤᱭᱟ ᱟᱹᱱᱟᱹᱨᱤ ᱨᱮ ᱥᱮᱞᱮᱫ ᱠᱟᱛᱮᱫ ᱚᱱᱟ ᱵᱚᱫᱳᱞ ᱥᱟᱱᱟ ᱮᱫ ᱠᱚᱣᱟ ᱾
ᱟᱞ ᱠᱣᱮᱫᱟ ᱡᱟᱦᱟᱸᱛᱤᱱᱟᱹᱜ ᱵᱟᱹᱲᱤᱡ ᱟᱠᱨᱚᱢᱚᱬ ᱮ ᱠᱚᱨᱟᱣ ᱦᱟᱠᱟᱫᱼᱟ ᱚᱱᱟ ᱫᱚ "ᱠᱟᱯᱷᱤᱨ" ᱠᱚ ᱧᱩᱛᱩᱢ ᱦᱟᱠᱟᱫᱼᱟ ᱾ ᱥᱤᱦᱟ, ᱥᱩᱯᱷᱤ ᱟᱨ ᱮᱴᱟᱜ ᱩᱫᱟᱹᱨ ᱢᱩᱥᱞᱤᱢ ᱠᱚᱫᱚ ᱵᱮᱫᱷᱚᱨᱚᱢ ᱜᱮᱭᱟᱠᱚ ᱱᱩᱠᱩ ᱠᱚᱣᱟᱜ ᱢᱚᱥᱡᱤᱫ ᱠᱚ ᱱᱩᱠᱩ ᱡᱚ ᱨᱟᱹᱯᱩᱫ ᱠᱮᱫᱼᱟ ᱟᱨ ᱟᱠᱚᱣᱟᱜ ᱜᱟᱫᱮᱞ ᱠᱚ ᱠᱚ ᱨᱟᱹᱯᱩᱫ ᱠᱮᱫ ᱛᱟᱠᱚᱣᱟ ᱿ ᱫᱟᱹᱭᱠᱟᱹ ᱞᱮᱠᱟᱛᱮ ᱭᱟᱡᱤᱫᱤ ᱠᱚᱢᱩᱱᱤᱴᱭ ᱵᱚᱢᱵᱤᱸ,ᱥᱚᱫᱚᱨ ᱥᱤᱴᱤ ᱵᱚᱢᱵᱤᱸ,ᱟᱥᱳᱣᱨᱟ ᱦᱚᱲᱜᱚᱡ, ᱮᱯᱨᱤᱞ ᱒᱐᱐᱗ ᱵᱟᱜᱫᱟᱫ ᱵᱚᱢᱵᱤᱸ ᱮᱢᱟᱱ ᱠᱚ ᱾
᱒᱐᱑᱑ ᱨᱮ ᱵᱤᱱ ᱞᱟᱫᱮᱱ ᱜᱚᱡ ᱮᱱ ᱛᱟᱭᱚᱢ ᱱᱚᱣᱟ ᱥᱚᱸᱜᱚᱴᱷᱚᱱ ᱨᱤᱱᱤᱡ ᱟᱹᱜᱩᱣᱟᱹᱱ ᱫᱚ ᱤᱡᱤᱯᱴ ᱨᱤᱱᱤᱡ ᱟᱭᱢᱟᱱ ᱟᱞᱼᱲᱟᱣᱟᱦᱤᱨᱤ ᱢᱮᱱᱟᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Bill Moyers Journal. A Brief History of Al Qaeda". PBS.com. ᱡᱩᱞᱟᱭ 27, 2007. Retrieved ᱢᱟᱨᱪ 31, 2012. 
  2. "Al-Qaeda's origins and links". BBC News. ᱡᱩᱞᱟᱭ 20, 2004. Retrieved ᱡᱩᱱ 3, 2014. 
    Cooley, John K. (Spring 2003). Unholy Wars: Afghanistan, America and International Terrorism. 
  3. Wright, Lawrence (2006). The Looming Tower: Al-Qaeda and the Road to 9/11. New York: Knopf. ISBN 0-375-41486-X.
  4. Wright, Lawrence (2006). The Looming Tower: Al-Qaeda and the Road to 9/11. New York: Knopf.᱒᱗᱐ ᱥᱟᱦᱴᱟ ISBN 0-375-41486-X
  5. "The Future of Terrorism: What al-Qaida Really Wants".Der Spiegel. September 11, 2001. Archived from the original on March 7, 2012. Retrieved October 18, 2011.]
  6. "Dreaming of a caliphate". The Economist. ᱚᱜᱚᱥᱴ 6, 2011. Retrieved ᱢᱮ 19, 2012.