ᱟᱡᱟᱱ ᱯᱤᱨ
| ᱟᱡᱟᱱ ᱯᱤᱨ | |
|---|---|
 ᱡᱤᱠᱤᱨ ᱥᱮᱨᱮᱧ ᱩᱫᱩᱜ ᱚᱠᱛᱮ ᱢᱤᱫᱴᱮᱱ ᱪᱤᱛᱟᱹᱨ | |
| ᱡᱟᱱᱟᱢ | ᱵᱟᱜᱽᱫᱟᱫᱽ |
| ᱢᱟᱹᱱ ᱧᱩᱢ | ᱟᱡᱟᱱ ᱯᱷᱚᱠᱤᱨ |
| ᱠᱟᱹᱢᱤ | ᱜᱟᱹᱠᱷᱩᱲ ᱜᱚᱢᱠᱮ, ᱚᱱᱚᱬᱦᱤᱭᱟᱹ, ᱚᱱᱚᱞᱤᱭᱟᱹ,ᱫᱷᱚᱨᱚᱢ ᱯᱚᱯᱚᱨᱪᱟᱨᱤᱡ,ᱫᱤᱥᱚᱢ ᱥᱟᱝᱜᱷᱟᱨᱤᱭᱟᱹ,ᱥᱟᱶᱴᱟ ᱥᱩᱥᱟᱹᱨᱤᱭᱟᱹ |
| ᱡᱟᱹᱛᱤᱭᱟᱹᱛ | ᱤᱨᱟᱠᱤ |
| ᱡᱟᱹᱛ | ᱤᱨᱟᱠᱤ ᱢᱩᱥᱞᱟᱟ |
| ᱥᱟᱛᱟᱢ | ᱥᱟᱶᱦᱮᱫ,ᱫᱷᱚᱨᱚᱢ |
| ᱥᱟᱶᱦᱮᱫ ᱨᱮᱱᱟᱜ ᱞᱟᱲᱟᱣᱱᱟ | ᱚᱞ ᱪᱤᱠᱤ ᱨᱮᱱᱟᱜ ᱜᱚᱲᱦᱚᱱ |
| ᱥᱟᱶᱦᱮᱫ ᱮᱱᱮᱢ | ᱡᱤᱠᱤᱨ ᱟᱨ ᱡᱟᱨᱤ |
ᱟᱡᱟᱱ ᱯᱤᱨ ᱥᱮ ᱟᱡᱟᱱ ᱯᱷᱚᱠᱤᱨ, ᱡᱟᱱᱟᱢ ᱧᱩᱛᱩᱢ ᱥᱟᱦ ᱢᱤᱨᱚᱱ ᱟᱨᱦᱚᱱ ᱦᱟᱡᱟᱨᱟᱛ ᱥᱟᱦ ᱢᱤᱨᱚᱱ ᱟᱨ ᱥᱟᱦ ᱢᱤᱞᱚᱱ, ᱫᱚ ᱢᱤᱫᱴᱟᱹᱝ ᱥᱩᱯᱷᱤ ᱥᱭᱮᱫᱽ ᱮ ᱛᱟᱦᱮᱸ ᱠᱟᱱᱟ,[᱑]|ᱤᱱᱟᱹ ᱵᱮᱜᱚᱨ ᱦᱚᱸ ᱢᱤᱫᱴᱟᱹᱝ ᱚᱱᱚᱲᱦᱤᱭᱟᱹ ᱟᱨ ᱤᱥᱞᱟᱢ ᱫᱷᱚᱨᱚᱢ ᱯᱚᱯᱚᱨᱪᱟᱨᱤᱡ-ᱮ ᱛᱟᱦᱮᱸ ᱠᱟᱱᱟ, ᱚᱠᱚᱭ ᱫᱚ ᱑᱗ ᱥᱟᱭ ᱟᱱᱟᱜ ᱥᱮᱨᱢᱟ ᱨᱮ ᱥᱟᱺᱜᱤᱧ ᱵᱟᱜᱽᱫᱟᱫᱽ ᱠᱷᱚᱱ ᱠᱚᱧᱮ ᱥᱟᱢᱟᱝ ᱥᱤᱧᱚᱛ ᱟᱥᱟᱢ ᱨᱮᱭᱟᱜ ᱥᱤᱵᱽ ᱥᱟᱜᱚᱨ ᱴᱚᱴᱷᱟ ᱨᱮᱭᱟᱜ ᱵᱮᱨᱮᱫ ᱞᱮᱫᱼᱟ[᱒], ᱚᱠᱟ ᱨᱮ ᱩᱱᱤ ᱫᱚ ᱵᱨᱚᱦᱢᱚᱯᱩᱛᱨᱚ ᱵᱮᱰᱟ ᱨᱮᱱ ᱦᱚᱲ ᱠᱚ ᱢᱤᱰᱡᱩᱢ ᱠᱮᱫ ᱠᱚᱣᱟ, ᱟᱨ ᱥᱟᱶᱛᱮ ᱟᱹᱨᱤ ᱟᱹᱨᱩ ᱯᱷᱮᱨᱟᱣ ᱠᱮᱫᱼᱟ ᱟᱨ ᱟᱥᱟᱢ ᱨᱮ ᱤᱥᱞᱟᱢ ᱫᱷᱚᱨᱚᱢ ᱮ ᱯᱚᱨᱪᱟᱨ ᱞᱮᱫᱼᱟ|ᱩᱱᱤᱭᱟᱜ ᱵᱟᱦᱟᱱᱟ ᱧᱩᱛᱩᱢ ᱟᱡᱟᱱ ᱫᱚ ᱩᱱᱤᱭᱟᱜ ᱠᱟᱹᱢᱤ ᱠᱟᱹᱥᱱᱤ ᱟᱡᱟᱱ ᱠᱷᱚᱱ ᱜᱮ ᱦᱮᱡ ᱟᱠᱟᱱᱟ[᱓] | ᱩᱱᱤ ᱫᱚ ᱑᱖᱓᱐ ᱥᱮᱨᱢᱟ ᱨᱮ ᱤᱨᱟᱠ ᱠᱷᱚᱱ ᱵᱟᱜᱽᱫᱟᱫᱽ ᱮ ᱦᱮᱡ ᱞᱮᱱᱟ, ᱥᱚᱝᱠᱚᱨ ᱫᱮᱵᱽ ᱡᱟᱱᱟᱢ ᱠᱷᱚᱱ ᱒᱐᱐ ᱥᱮᱨᱢᱟ ᱛᱟᱭᱱᱚᱢ|
ᱢᱤᱫᱴᱟᱹᱝ ᱩᱪᱷᱟᱹ ᱠᱷᱚᱱ ᱩᱱᱤᱭᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱦᱟᱡᱟᱨᱟᱛ ᱥᱟᱦ ᱥᱭᱮᱫᱽ ᱢᱚᱭᱱᱩᱫᱽᱫᱤᱱ"|ᱩᱱᱤ ᱫᱚ ᱟᱡᱟᱜ ᱡᱤᱠᱤᱨ ᱟᱨ ᱡᱟᱨᱤ ᱧᱩᱛᱩᱢ ᱛᱮ ᱵᱟᱰᱟᱭ ᱚᱪᱚᱜ ᱠᱟᱱᱟ, ᱚᱠᱟ ᱫᱚ ᱵᱟᱨ ᱞᱮᱠᱟᱱ ᱚᱬᱦᱮ ᱥᱮᱨᱮᱧ ᱠᱟᱱ,ᱚᱱᱟ ᱱᱚᱱᱰᱮᱱ ᱴᱚᱴᱷᱟ ᱥᱮᱨᱣᱟ ᱨᱩ-ᱚᱨᱚᱝ ᱥᱟᱶ ᱜᱟᱵᱟᱱ ᱟᱠᱟᱟᱱᱟ ᱟᱨ ᱚᱠᱟ ᱫᱚ ᱟᱥᱟᱢ ᱨᱮᱱ ᱑᱖ ᱥᱟᱭ ᱥᱮᱨᱢᱟ ᱠᱚ ᱨᱮᱱ ᱥᱚᱱᱚᱛ ᱜᱩᱨᱩ ᱥᱚᱝᱠᱚᱨ ᱫᱮᱵᱽ ᱟᱜ ᱵᱚᱨ ᱜᱤᱛ ᱥᱟᱶ ᱢᱤᱞᱟᱹᱣ ᱜᱮᱭᱟ | ᱤᱱᱟᱹ ᱵᱮᱜᱚᱨ ᱦᱚᱸ ᱥᱟᱦᱤᱛᱭᱚ ᱟᱠᱟᱫᱚᱢᱤ ᱥᱤᱨᱯᱷᱟᱹ ᱟᱢᱮᱴ ᱚᱱᱚᱞᱤᱭᱟᱹ ᱢᱟᱱᱚᱛᱟᱱ ᱥᱭᱚᱫᱽ ᱟᱵᱽᱫᱩᱞ ᱢᱟᱞᱤᱠ ᱫᱚ ᱢᱮᱱ ᱟᱠᱟᱫᱼᱟ, ᱟᱡᱟᱱ ᱯᱤᱨ ᱫᱚ ᱟᱥᱟᱢ ᱫᱤᱥᱚᱢ ᱨᱮ ᱠᱩᱨᱟᱱ, ᱦᱟᱫᱤᱥ, ᱟᱨ ᱤᱥᱞᱟᱱ ᱯᱚᱯᱚᱨᱪᱟᱨᱤᱡ-ᱮ ᱛᱟᱦᱮᱸ ᱠᱟᱱᱟ |
ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱩᱱᱯᱩᱨᱟᱹ ᱟᱛᱩ ᱨᱮ ᱛᱟᱦᱮᱱ ᱚᱠᱛᱮ ᱨᱮ ᱜᱮ ᱟᱡᱟᱱ ᱯᱷᱚᱠᱤᱨ ᱫᱚ ᱩᱱ ᱚᱠᱛᱮ ᱨᱮᱭᱟᱜ ᱨᱚᱝᱯᱩᱨ ᱱᱟᱠᱷᱟ ᱨᱮᱱ ᱥᱚᱭᱚᱫᱽ ᱩᱥᱢᱟᱱ ᱜᱚᱱᱤ ᱠᱷᱚᱱᱫᱚᱠᱟᱨ ᱨᱮᱱ ᱦᱚᱯᱚᱱ ᱮᱨᱟ ᱛᱩᱞᱩᱡ-ᱮ ᱵᱟᱯᱞᱟ ᱞᱮᱱᱟ| ᱵᱟᱯᱞᱟ ᱡᱤᱭᱚᱱ ᱨᱮᱭᱟᱜ ᱥᱟᱹᱠᱷᱤ ᱞᱮᱠᱟ ᱛᱮ ᱟᱡᱟᱱ ᱯᱷᱚᱠᱤᱨ ᱫᱚ ᱵᱟᱨᱭᱟ ᱦᱚᱯᱚᱱ ᱨᱮᱱ ᱟᱯᱟᱛ ᱮ ᱦᱩᱭ ᱞᱮᱱᱟ| ᱥᱟᱶᱛᱮ ᱟᱡ ᱨᱮᱱ ᱮᱥᱠᱟᱨ ᱵᱚᱠᱚᱛ ᱱᱚᱵᱤ ᱥᱟᱶᱛᱮ ᱦᱩᱰᱤᱧ ᱜᱷᱟᱸᱨᱚᱧᱡᱽ ᱨᱮᱭᱟᱜ ᱫᱟᱞᱟ ᱢᱟᱭᱟ ᱵᱟᱹᱜᱤ ᱜᱤᱰᱤ ᱠᱟᱛᱮ ᱫᱷᱚᱨᱚᱢ ᱨᱮᱭᱟᱜ ᱠᱟᱹᱢᱤ ᱨᱮ ᱞᱟᱹᱜᱽᱭᱟᱹ ᱯᱟᱲᱟᱣ ᱟᱠᱟᱱᱮ ᱛᱟᱦᱮᱸ ᱠᱟᱱᱟ| ᱮᱱ ᱨᱮ ᱦᱚᱸ ᱵᱟᱯᱞᱟ ᱠᱟᱛᱮ ᱚᱲᱟᱜ ᱫᱩᱣᱟᱹᱨ ᱢᱚᱡᱽ ᱛᱮ ᱜᱮ ᱪᱟᱞᱟᱣ ᱵᱟᱱᱟᱣ ᱥᱟᱶᱛᱮ ᱫᱷᱚᱨᱚᱢ ᱨᱮᱭᱟᱜ ᱠᱟᱹᱢᱤ ᱞᱟᱹᱜᱤᱫ ᱦᱚᱸ ᱜᱚᱴᱟ ᱯᱟᱲᱟᱭ ᱫᱟᱲᱟᱱ ᱠᱟᱱ ᱛᱟᱦᱮᱸ ᱠᱟᱱᱟ|
ᱠᱟᱹᱢᱤ ᱠᱟᱹᱥᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱱ ᱯᱤᱨ ᱫᱚ ᱵᱟᱜᱽᱫᱟᱫᱽ ᱨᱮ ᱠᱷᱣᱟᱡᱟ ᱱᱤᱡᱟᱢᱩᱫᱽᱫᱤᱱ ᱟᱣᱞᱤᱭᱟ ᱨᱮᱱ ᱪᱮᱞᱟᱭ ᱛᱟᱦᱮᱸ ᱠᱟᱱᱟ | ᱩᱱᱤ ᱫᱚ ᱟᱥᱟᱢ ᱛᱮ ᱟᱡ ᱵᱚᱭᱦᱟ ᱥᱟᱦ ᱱᱟᱵᱤ ᱥᱟᱶᱮ ᱦᱮᱡ ᱞᱮᱱᱟ |ᱩᱱᱤ ᱫᱚ ᱟᱦᱩᱢ ᱡᱟᱹᱛᱤ ᱨᱮᱱ ᱢᱤᱫᱴᱟᱹᱝ ᱪᱮᱛᱟᱱ ᱫᱟᱨᱡᱟ ᱨᱮᱱ ᱠᱩᱲᱤ ᱮ ᱵᱟᱯᱞᱟ ᱞᱮᱫᱮᱭᱟ ᱟᱨ ᱜᱚᱲᱜᱟᱶ ᱨᱮ ᱜᱤᱨᱟᱹ ᱵᱟᱥᱟ ᱞᱮᱱᱟ, ᱚᱠᱟ ᱱᱟᱦᱟᱜ ᱥᱤᱵᱽ ᱥᱟᱜᱚᱨ ᱱᱟᱝᱜᱽᱨᱟᱦᱟ ᱥᱩᱨ ᱨᱮ ᱢᱮᱱᱟᱜ ᱟᱠᱟᱫᱼᱟ|
ᱢᱤᱫᱴᱟᱹᱝ ᱯᱤᱨ ᱦᱩᱸᱭᱟᱹ ᱛᱮ ᱩᱱᱤ ᱫᱚ ᱡᱤᱠᱤᱨᱮ (ᱢᱤᱫ ᱞᱮᱠᱟᱱ ᱚᱬᱦᱮ ᱥᱮᱨᱮᱧ) ᱡᱚᱲᱟᱣ ᱞᱮᱫᱼᱟ | ᱟᱥᱚᱠᱟᱭ ᱛᱮ ᱩᱱᱤ ᱫᱚ ᱟᱨᱟᱵᱤ ᱯᱟᱹᱨᱥᱤ ᱛᱮ ᱨᱚᱲᱮᱫ ᱛᱟᱦᱮᱸ ᱠᱟᱱᱟ, ᱢᱮᱱ ᱠᱷᱟᱱ ᱛᱟᱭᱱᱚᱢ ᱛᱮ ᱩᱱᱤ ᱫᱚ ᱟᱥᱟᱢᱤᱥ ᱯᱟᱹᱨᱥᱤ ᱦᱚᱸ ᱟᱹᱰᱤ ᱱᱟᱭ ᱱᱟᱯᱟᱭ ᱛᱮ ᱪᱮᱫ ᱞᱮᱱ ᱛᱟᱦᱮᱸ ᱠᱟᱱᱟ | ᱩᱱᱤᱭᱟᱜ ᱥᱮᱨᱮᱧ ᱠᱚ ᱫᱚ ᱩᱱ ᱚᱠᱛᱮ ᱨᱮᱱ ᱵᱚᱭᱥᱱᱚᱵᱽ ᱥᱮᱨᱮᱧ ᱥᱟᱶ ᱡᱩᱨᱤᱜ ᱠᱟᱱ ᱛᱟᱦᱮᱸᱜ ᱠᱟᱱᱟ|
ᱵᱤᱵᱟᱹᱫᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱤᱱ ᱨᱮ ᱩᱱᱤ ᱫᱚ ᱟᱦᱩᱢ ᱨᱟᱡᱽ ᱥᱟᱶ ᱵᱷᱟᱜᱮ ᱥᱟᱹᱜᱟᱹᱭ ᱡᱚᱲᱟᱣᱚᱜ ᱠᱟᱱ ᱛᱟᱦᱮᱱᱟ ᱩᱱ ᱚᱠᱛᱮ ᱢᱤᱫᱴᱟᱹᱝ ᱤᱥᱞᱟᱢ ᱟᱫᱷᱤᱠᱨᱤ ᱨᱩᱯᱟᱭ ᱫᱷᱟᱫᱚᱨᱟ ᱟᱦᱩᱢ ᱨᱟᱡᱽ ᱥᱟᱶ ᱟᱡᱟᱱ ᱯᱤᱨ ᱟᱜ ᱵᱤᱵᱟᱹᱫᱽ ᱮ ᱮᱛᱚᱦᱚᱵ ᱚᱪᱚ ᱞᱮᱫᱼᱟ | ᱩᱱᱤ ᱫᱚ ᱟᱦᱩᱢ ᱨᱟᱡᱽ ᱮ ᱞᱟᱹᱭ ᱟᱫᱮᱭᱟ ᱵᱟᱝᱢ ᱟᱡᱟᱱ ᱯᱤᱨ ᱫᱚ ᱢᱚᱜᱚᱞ ᱨᱮᱱ ᱠᱷᱚᱵᱚᱨᱤᱭᱟᱹ ᱠᱟᱱᱟᱭ ᱢᱮᱱᱛᱮ ᱟᱨ ᱩᱱᱤᱭᱟᱜ ᱵᱟᱱᱟᱨ ᱢᱮᱫ ᱫᱚᱭ ᱦᱚᱴᱚᱨ ᱚᱰᱚᱠ ᱚᱪᱚ ᱞᱮᱫᱼᱟ | ᱥᱮᱨᱮᱧ ᱞᱮᱠᱟ ᱛᱮ, ᱩᱱᱤ ᱫᱚ ᱵᱟᱨᱭᱟ ᱦᱟᱥᱟ ᱪᱮᱞᱟᱝ ᱮ ᱟᱹᱜᱩ ᱛᱚᱨᱟ ᱞᱮᱫᱼᱟ, ᱚᱱᱟ ᱨᱮ ᱟᱡᱟᱜ ᱵᱟᱱᱟᱨ ᱢᱮᱫ ᱠᱚ ᱫᱚᱦᱚ ᱚᱪᱚ ᱠᱮᱫ ᱠᱚᱣᱟ | ᱚᱱᱟ ᱫᱚ ᱨᱟᱡᱟ ᱩᱫᱩᱜ-ᱟᱭ ᱵᱚᱫᱚᱞ ᱛᱮ ᱫᱤᱠᱷᱳᱣ ᱜᱟᱰᱟ ᱨᱮ ᱜᱤᱰᱤ ᱚᱪᱚ ᱠᱮᱫ ᱠᱚᱣᱟ ᱟᱨ ᱚᱱᱟ ᱥᱟᱶ ᱥᱟᱶ ᱛᱮ ᱚᱱᱟ ᱠᱷᱟᱹᱛᱤᱨ ᱜᱮ ᱜᱟᱰᱟ ᱫᱚ ᱩᱞᱴᱟᱹ ᱛᱮ ᱟᱹᱛᱩᱜ ᱮᱛᱚᱦᱚᱵ ᱮᱱᱟ|
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Committee, Brahmaputra Beckons Publication (1982). The Brahmaputra Beckons. Brahmaputra Beckons Publication Committee. p. 39. ASIN B0000CQAKG. Retrieved 2008-09-05.
- ↑ Sarma, Satyendranath (1989). A Socio-economic & Cultural History of Medieval Assam, 1200 A.D.-1800 A.D. Pratima Devi. p. 230. Retrieved 2008-09-05.
- ↑ Tamizi, Mohammad Yahya (1992). Sufi Movements in Eastern India. Idarah-i Adabiyat-i Delli. p. 96. Retrieved 2008-09-05.