ᱟᱥᱚᱠᱱᱚᱜᱚᱨ ᱦᱚᱱᱚᱛ
| ᱟᱥᱚᱠᱱᱚᱜᱚᱨ ᱦᱚᱱᱚᱛ | |
|---|---|
| ᱢᱚᱫᱷᱭᱚ ᱯᱨᱚᱫᱮᱥ | |
 ᱟᱥᱚᱠᱱᱚᱜᱚᱨ ᱨᱮ ᱵᱮᱛᱣᱟ ᱜᱟᱰᱟ | |
 ᱢᱚᱫᱷᱭᱚ ᱯᱨᱚᱫᱮᱥ ᱨᱮ ᱟᱥᱚᱠᱱᱚᱜᱚᱨ ᱦᱚᱱᱚᱛ ᱨᱮᱱᱟᱜ ᱴᱷᱟᱶ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱦᱟᱹᱴᱤᱧ | ᱜᱣᱟᱞᱤᱭᱚᱨ |
| ᱦᱮᱰᱠᱩᱣᱟᱴᱚᱨ | ᱟᱥᱚᱠᱱᱚᱜᱚᱨ |
| ᱥᱚᱨᱠᱟᱨ | |
| • ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ | ᱜᱩᱱᱟ |
| ᱮᱨᱤᱭᱟ | |
| • ᱜᱩᱴ | 4673.94 ᱠᱤᱢᱤ২ (1804.62 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱘᱔᱕,᱐᱗᱑ |
| • ᱰᱮᱱᱥᱤᱴᱤ | 180/ᱠᱤᱢᱤ2 (470/ᱜᱟᱺᱴ ᱢᱟᱹᱭᱤᱞ) |
| ᱦᱚᱲ ᱮᱞ | |
| • ᱥᱮᱪᱮᱫ | ᱖᱗.᱙᱐ |
| • ᱡᱟᱱᱟᱝ | ᱙᱐᱐ |
| IST (ᱭᱩᱴᱤᱥᱤ+᱐᱕:᱓᱐) | |
| ᱣᱮᱵᱽᱥᱟᱭᱤᱴ | http://ashoknagar.nic.in/ |
ᱟᱥᱚᱠᱱᱚᱜᱚᱨ ᱦᱚᱲᱚᱛ ᱫᱚ ᱛᱟᱞᱢᱟ ᱥᱤᱧᱚᱛ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱟᱥᱚᱠᱱᱚᱜᱚᱨ ᱥᱚᱦᱚᱨ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱟᱥᱚᱠᱱᱚᱜᱚᱨ ᱦᱚᱱᱚᱛ ᱒᱐᱐᱓ ᱨᱮ ᱵᱮᱱᱟᱣ ᱟᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱨ ᱔᱖᱗᱓.᱙᱔ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱱᱚᱣᱟ ᱥᱟᱢᱟᱝ ᱨᱮ ᱵᱮᱛᱣᱟ ᱜᱟᱰᱟ ᱠᱷᱚᱱ ᱮᱥᱮᱫ ᱟᱠᱟᱱᱟ, ᱱᱚᱶᱟ ᱜᱟᱰᱟ ᱜᱮ ᱩᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱞᱟᱞᱤᱛᱯᱩᱨ ᱦᱚᱱᱚᱛ ᱟᱨ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱥᱟᱜᱚᱨ ᱦᱚᱱᱚᱛ ᱠᱷᱚᱱ ᱮ ᱵᱷᱤᱱᱟᱹ ᱟᱠᱟᱜᱼᱟ ᱾ ᱵᱤᱫᱤᱥᱟ ᱦᱚᱱᱚᱛ ᱮᱛᱚᱢ ᱨᱮ ᱢᱮᱱᱟᱜᱼᱟ ᱾ ᱥᱤᱸᱫᱷ ᱜᱟᱰᱟ ᱦᱚᱱᱚᱛ ᱨᱮᱱᱟᱜ ᱯᱟᱪᱮ ᱥᱤᱢᱟᱹ ᱮ ᱵᱮᱱᱟᱣᱟ, ᱱᱚᱶᱟ ᱜᱮ ᱜᱩᱱᱟ ᱦᱚᱱᱚᱛ ᱠᱷᱚᱱ ᱮ ᱵᱷᱤᱱᱟᱹ ᱟᱠᱟᱜᱼᱟ ᱾ ᱥᱤᱵᱯᱩᱨᱤ ᱦᱚᱱᱚᱛ ᱠᱚᱧᱮ ᱨᱮ ᱢᱮᱱᱟᱜᱼᱟ ᱾[᱑]
ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱖᱘᱘,᱙᱒᱐ (᱒᱐᱐᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ) ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱱᱚᱣᱟ ᱢᱚᱬᱮ ᱛᱟᱦᱥᱤᱞ ᱨᱮ ᱦᱟᱹᱴᱤᱧ ᱟᱠᱟᱱᱟ : ᱟᱥᱚᱠᱱᱚᱜᱚᱨ, ᱪᱟᱸᱫᱮᱨᱤ, ᱤᱥᱟᱜᱚᱲ, ᱢᱩᱸᱜᱳᱞᱤ ᱟᱨ ᱥᱟᱫᱚᱨᱟ ᱾ ᱦᱚᱱᱚᱛ ᱫᱚ ᱑᱕ ᱚᱜᱚᱥᱴ, ᱒᱐᱐᱓ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ, ᱟᱨ ᱱᱚᱶᱟ ᱦᱚᱱᱚᱛ ᱫᱚ ᱜᱩᱱᱟ ᱦᱚᱱᱚᱛ ᱠᱷᱚᱱ ᱦᱟᱹᱴᱤᱧ ᱞᱮᱱ ᱛᱟᱦᱮᱸᱫ ᱾[᱑] ᱟᱥᱚᱠᱱᱚᱜᱚᱨ ᱠᱷᱚᱱ ᱑᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱥᱟᱦᱫᱚᱨᱟ ᱫᱚ ᱥᱮᱯᱴᱮᱢᱵᱚᱨ ᱒᱐᱐᱘ ᱨᱮ ᱛᱟᱦᱥᱤᱞ ᱵᱮᱱᱟᱣ ᱟᱠᱟᱱᱟ ᱾ ᱟᱥᱚᱠᱱᱚᱜᱚᱨ ᱨᱮᱱᱟᱜ ᱱᱟᱜᱟᱢᱤᱭᱟᱹ ᱞᱟᱹᱠᱛᱤ ᱦᱚᱸ ᱢᱮᱱᱟᱜᱼᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱴᱚᱴᱷᱟ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱜᱣᱟᱞᱤᱭᱚᱨ ᱨᱮᱱᱟᱜ ᱤᱥᱟᱜᱚᱲ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱞᱮᱠᱟᱛᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ, ᱟᱫᱚ ᱪᱟᱸᱫᱮᱨᱤ ᱱᱚᱨᱣᱟᱨ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱚᱱᱠᱟ ᱠᱚ ᱢᱟᱱᱟᱣᱟ ᱡᱮ ᱩᱡᱡᱮᱱ ᱡᱤᱛᱠᱟᱹᱨ ᱠᱷᱚᱱ ᱨᱩᱣᱟᱹᱲ ᱡᱷᱚᱜ ᱨᱟᱡᱟ ᱟᱥᱚᱠ ᱫᱚ ᱯᱟᱪᱟᱨ ᱚᱛ ᱨᱮ ᱧᱩᱛ ᱯᱟᱲᱟᱣ ᱮᱱᱟ, ᱟᱨ ᱧᱤᱫᱟᱹᱭ ᱵᱟᱥᱟ ᱞᱮᱱᱟ, ᱚᱱᱟ ᱞᱟᱹᱜᱤᱫ ᱛᱮ ᱱᱚᱶᱟ ᱧᱩᱛᱩᱢ ᱚᱥᱚᱠᱱᱚᱜᱚᱨ ᱯᱟᱲᱟᱣ ᱮᱱᱟ ᱾
ᱦᱚᱲ ᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| ᱑᱙᱐᱑ | ᱑᱕᱐,᱘᱒᱑ | — |
| ᱑᱙᱑᱑ | ᱑᱗᱘,᱓᱑᱓ | +1.69% |
| ᱑᱙᱒᱑ | ᱑᱗᱓,᱐᱗᱐ | −0.30% |
| ᱑᱙᱓᱑ | ᱑᱙᱒,᱗᱑᱐ | +1.08% |
| ᱑᱙᱔᱑ | ᱒᱑᱕,᱙᱗᱐ | +1.15% |
| ᱑᱙᱕᱑ | ᱒᱑᱘,᱒᱘᱒ | +0.11% |
| ᱑᱙᱖᱑ | ᱒᱗᱗,᱗᱙᱕ | +2.44% |
| ᱑᱙᱗᱑ | ᱓᱕᱗,᱔᱕᱖ | +2.55% |
| ᱑᱙᱘᱑ | ᱔᱔᱔,᱕᱕᱑ | +2.20% |
| ᱑᱙᱙᱑ | ᱕᱕᱙,᱒᱕᱗ | +2.32% |
| ᱒᱐᱐᱑ | ᱖᱘᱘,᱙᱔᱐ | +2.11% |
| ᱒᱐᱑᱑ | ᱘᱔᱕,᱐᱗᱑ | +2.06% |
| source:[᱒] | ||
᱒᱐᱐᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ, ᱟᱥᱚᱠᱱᱚᱜᱚᱨ ᱨᱮᱱᱟᱜ ᱦᱚᱲ ᱮᱞ ᱖᱗,᱗᱐᱕ ᱛᱟᱦᱮᱸ ᱠᱟᱱᱟ ᱾[᱓]
᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ, ᱟᱥᱚᱠᱱᱚᱜᱚᱨ ᱨᱮᱱᱟᱜ ᱦᱚᱲ ᱮᱞ ᱘᱔᱕,᱐᱗᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱰᱮ ᱠᱷᱚᱱ ᱔᱔᱓,᱘᱓᱗ ᱠᱚᱲᱟ ᱟᱨ ᱓᱖᱖,᱖᱓᱒ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱒᱐᱐᱑ ᱨᱮᱱᱟᱜ ᱥᱟᱞᱟᱜ ᱥᱚᱢᱟᱱ ᱠᱷᱟᱱᱮᱢ ᱦᱚᱲ ᱮᱞ ᱫᱚ ᱒᱒.᱖᱕ ᱥᱟᱭᱠᱚᱲᱟ ᱵᱚᱰᱚᱞ ᱮᱱᱟ ᱾ ᱥᱤᱧᱚᱛ ᱨᱮᱱᱟᱜ ᱯᱟᱹᱪᱷᱞᱟᱹ ᱦᱚᱲ ᱮᱞ ᱒᱐᱐᱑ ᱨᱮ, ᱟᱥᱚᱠᱱᱚᱜᱚᱨ ᱦᱚᱱᱚᱛ ᱫᱚ ᱑᱙᱙᱑ ᱨᱮᱱᱟᱜ ᱥᱚᱢᱟᱱ ᱨᱮ ᱤᱧᱟᱜ ᱦᱚᱲ ᱮᱞ ᱫᱚ ᱒᱓.᱒᱐ ᱥᱟᱭᱠᱚᱲᱟ ᱜᱨᱚᱫᱷ ᱞᱮᱱᱟ ᱾
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱦᱚᱱᱚᱛ ᱨᱮ ᱙᱘.᱖᱑% ᱦᱚᱲ ᱫᱚ ᱦᱤᱱᱫᱤ, ᱐.᱖᱙% ᱯᱚᱸᱧᱡᱟᱵᱤ ᱟᱨ ᱐.᱕᱙% ᱩᱨᱫᱩ ᱫᱚ ᱟᱡᱟᱜ ᱢᱟᱬᱟᱝ ᱯᱟᱹᱨᱥᱤ ᱞᱟᱹᱭᱟ ᱾
ᱦᱚᱨ ᱰᱟᱦᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱥᱚᱠᱱᱚᱜᱚᱨ ᱨᱮ ᱦᱤᱡᱩᱜ ᱥᱮᱱᱚᱜ ᱨᱮᱱᱟᱜ ᱱᱟᱯᱟᱭ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱱᱚᱣᱟ ᱯᱚᱱᱚᱛ ᱨᱮᱱᱟᱜ ᱢᱩᱬ ᱥᱚᱦᱚᱨ ᱥᱟᱶᱛᱮ ᱨᱮᱞᱣᱮ ᱟᱨ ᱥᱚᱲᱚᱠ ᱰᱟᱦᱟᱨ ᱤᱫᱤ ᱛᱮ ᱥᱤᱧᱚᱛ ᱥᱩᱨᱥᱩᱯᱩᱨ ᱨᱮᱱᱟᱜ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱱᱚᱣᱟ ᱯᱟᱪᱮ ᱛᱟᱞᱟ ᱨᱮᱞᱣᱮ ᱨᱮᱱᱟᱜ ᱠᱚᱴᱟᱼᱵᱤᱱᱟ ᱨᱮᱞᱣᱮ ᱠᱷᱚᱸᱰ ᱨᱮ ᱢᱮᱱᱟᱜᱼᱟ ᱾ ᱟᱥᱚᱠᱱᱚᱜᱚᱨ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱟᱡᱟᱜ ᱥᱩᱨᱥᱩᱯᱩᱨ ᱨᱮᱱᱟᱜ ᱦᱚᱱᱚᱛ ᱮᱴᱟᱜ ᱥᱮᱫ ᱠᱷᱚᱱ ᱜᱩᱱᱟ, ᱵᱤᱫᱤᱥᱟ ᱟᱨ ᱥᱤᱵᱯᱩᱨᱤ ᱥᱟᱶᱛᱮ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱦᱚᱱᱚᱛ ᱨᱮ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱨᱮᱱᱟᱜ ᱡᱤᱞᱤᱧ ᱘᱒.᱒᱐ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱟᱥᱚᱠᱱᱚᱜᱚᱨ ᱯᱟᱪᱮᱼᱛᱟᱞᱟ ᱨᱮᱞᱣᱮ ᱨᱮᱱᱟᱜ ᱠᱚᱴᱟᱼᱵᱤᱱᱟ ᱠᱷᱚᱸᱰ ᱨᱮᱱᱟᱜ ᱵᱨᱚᱰ ᱜᱮᱡᱽ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾ ᱢᱤᱫ ᱮᱢᱟᱱ ᱨᱮᱞ ᱞᱤᱸᱠ, ᱮᱴᱟᱜ ᱥᱮᱫ ᱠᱷᱚᱱ, ᱦᱚᱱᱚᱛ ᱨᱮ ᱜᱩᱴ ᱨᱮᱞ ᱡᱤᱞᱤᱧ ᱑᱔᱑ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱟᱨ ᱨᱩᱴ ᱠᱤᱞᱚᱢᱮᱴᱨᱤᱡ ᱠᱷᱚᱱ ᱑᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱑.᱒᱗ ᱢᱮᱱᱟᱜᱼᱟ ᱾ ᱠᱚᱴᱟ, ᱵᱤᱱᱟ, ᱩᱡᱡᱮᱱ, ᱤᱱᱫᱚᱨ, ᱡᱚᱫᱷᱯᱩᱨ, ᱡᱚᱭᱯᱩᱨ, ᱚᱦᱚᱢᱫᱟᱵᱟᱫᱽ ᱵᱷᱚᱯᱟᱲ, ᱥᱚᱜᱚᱨ, ᱫᱟᱢᱚᱦ, ᱡᱟᱵᱟᱞᱯᱩᱨ, ᱫᱩᱨᱜᱽ, ᱵᱟᱨᱟᱬᱚᱥᱤ, ᱜᱚᱨᱟᱠᱷᱯᱩᱨ, ᱫᱤᱞᱞᱤ, ᱰᱮᱦᱨᱟᱰᱩᱱ, ᱫᱟᱨᱵᱷᱟᱝᱜᱟ ᱟᱨ ᱜᱣᱟᱞᱤᱭᱚᱨ ᱞᱟᱹᱜᱤᱫ ᱴᱨᱮᱞ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ "Ashoknagar district". District administration. Retrieved 2010-04-15.
- ↑ Decadal Variation In Population Since 1901
- ↑ "Population of Madhya Pradesh (Census 2001)" (PDF). City Managers' Association Madhya Pradesh. Retrieved 2010-04-14.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱟᱥᱚᱠᱱᱚᱜᱚᱨ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
|
ᱥᱤᱵᱽᱯᱩᱨᱤ ᱦᱚᱱᱚᱛ |
| ||
| ᱜᱩᱱᱟ ᱦᱚᱱᱚᱛ | 
|
ᱞᱚᱞᱤᱛᱯᱩᱨ ᱦᱚᱱᱚᱛ, ᱩᱛᱛᱚᱨ ᱯᱨᱚᱫᱮᱥ | ||
 ᱟᱥᱚᱠᱱᱚᱜᱚᱨ ᱦᱚᱱᱚᱛ 
| ||||
| ||||
| ᱵᱤᱫᱤᱥᱟ ᱦᱚᱱᱚᱛ | ᱥᱚᱜᱚᱨ ᱯᱚᱱᱚᱛ |
Coordinates: 24°34′48″N 77°43′48″E / 24.58000°N 77.73000°E