ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱭᱟᱜ ᱡᱟᱱᱢ ᱫᱚ ᱑᱙᱑᱗ ᱥᱮᱨᱢᱟ ᱨᱮ ᱦᱚᱭ ᱞᱮᱱᱟ, ᱱᱤᱭᱟᱹ ᱨᱮᱭᱟᱜ ᱟᱥᱚᱞ ᱡᱚᱥ ᱟᱨ ᱢᱚᱛᱞᱚᱵᱽ ᱫᱚ ᱟᱥᱟᱢᱤᱥ ᱯᱟᱹᱨᱥᱤ ᱥᱟᱭ ᱞᱟᱠᱪᱟᱨ ᱨᱮᱭᱟᱜ ᱩᱛᱱᱟᱹᱣ ᱟᱨ ᱯᱚᱪᱟᱨ ᱯᱟᱥᱱᱟᱣ ᱦᱚᱭᱚᱜ ᱢᱟ ᱜᱮ ᱛᱟᱦᱮᱸ ᱠᱟᱱᱟ| ᱱᱟᱦᱟᱜ ᱱᱟᱝ ᱨᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱭᱟᱜ ᱰᱟᱹᱨ ᱠᱚ ᱟᱥᱟᱢ ᱟᱨ ᱟᱥᱟᱢ ᱠᱷᱚᱱ ᱵᱟᱦᱨᱮ ᱟᱹᱰᱤ ᱟᱭᱢᱟ ᱡᱟᱭᱜᱟ ᱨᱮ ᱢᱮᱱᱟᱜ ᱟᱠᱟᱫᱟ| ᱱᱤᱭᱟᱹ ᱨᱮᱭᱟᱜ ᱢᱟᱨᱟᱝ ᱚᱯᱷᱤᱥ ᱫᱚ ᱡᱚᱨᱦᱟᱴ ᱨᱮᱭᱟᱜ ᱪᱚᱱᱫᱽᱨᱚ ᱠᱟᱱᱛᱚ ᱦᱚᱱᱫᱤᱠᱚᱭ ᱵᱷᱚᱵᱚᱱ ᱨᱮ ᱢᱢᱮᱱᱟᱜ ᱟᱠᱟᱫᱟ| ᱑᱙᱑᱗ ᱥᱮᱨᱢᱟ ᱨᱮᱭᱟᱜ ᱰᱤᱥᱮᱢᱵᱚᱨ ᱪᱟᱱᱫᱚ ᱨᱮ ᱥᱤᱵᱽ ᱥᱟᱜᱚᱨ ᱦᱚᱱᱚᱛ ᱨᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱭᱟᱜ ᱯᱟᱹᱦᱤᱞ ᱡᱟᱨᱣᱟᱜ ᱫᱚ ᱦᱚᱭ ᱞᱮᱱᱟ ᱟᱨ ᱱᱤᱭᱟᱹ ᱫᱩᱯᱩᱲᱩᱜ ᱨᱮᱱ ᱥᱩᱛᱨᱮᱛ ᱫᱚᱭ ᱛᱟᱦᱮᱸ ᱠᱟᱱᱟ ᱯᱚᱫᱽᱢᱚ ᱱᱟᱛᱷ ᱵᱚᱲᱟ ᱜᱚᱦᱟᱸᱭ| ᱥᱚᱨᱚᱛ ᱪᱚᱱᱫᱽᱨᱚ ᱜᱚᱥᱥᱟᱢᱤ ᱫᱚ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱱ ᱯᱟᱹᱦᱤᱞ ᱵᱟᱵᱟᱱᱫᱷᱟᱣᱤᱡ ᱯᱟᱨᱥᱮᱛᱮ ᱛᱟᱦᱮᱸ ᱠᱟᱱᱟ, ᱑᱙᱒᱐ ᱥᱮᱨᱢᱟ ᱨᱮ ᱑᱙᱒᱗ ᱥᱮᱨᱢᱟ ᱦᱟᱹᱵᱤᱡ ᱩᱱᱤ ᱜᱮ ᱯᱟᱨᱥᱛᱮ ᱛᱟᱦᱮᱸ ᱠᱟᱱᱟ|

ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱭᱟᱜ ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙ ᱥᱟᱭ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱫ ᱥᱮᱡ ᱠᱚᱞᱤᱠᱟᱛᱟ ᱨᱮ ᱯᱟᱲᱦᱟᱣᱚᱜ ᱠᱟᱱ ᱛᱟᱦᱮᱱ ᱟᱥᱟᱢᱤᱥ ᱯᱟᱹᱴᱷᱩᱣᱟ ᱠᱚ ᱥᱟᱤᱢ ᱥᱟᱦᱤᱛᱭᱚ ᱫᱩᱱᱤᱭᱟᱹ ᱫᱚᱨᱵᱟᱨ ᱨᱮ ᱥᱮᱯᱮᱧ ᱨᱟᱠᱟᱵᱽ ᱞᱟᱹᱜᱤᱫ ᱢᱚᱱ ᱡᱤᱣᱤ ᱞᱟᱜᱟᱣ ᱠᱟᱛᱮ ᱠᱚ ᱠᱷᱟᱴᱟᱣ ᱞᱮᱱᱟ| ᱟᱥᱟᱢ ᱨᱮ ᱮᱴᱟᱜ ᱯᱟᱹᱨᱥᱤ ᱨᱮᱭᱟᱜ ᱛᱟᱲᱟᱢ ᱜᱟᱱᱰᱮ ᱫᱟᱨᱟᱢ ᱞᱟᱹᱜᱤᱫ ᱟᱨ ᱟᱥᱟᱢᱤᱥ ᱯᱟᱹᱨᱥᱤ ᱥᱟᱶᱦᱮᱫ ᱩᱛᱷᱱᱟᱹᱣ ᱞᱟᱹᱜᱤᱫ ᱑᱘᱘᱘ ᱥᱮᱨᱢᱟ ᱨᱮᱭᱟᱜ ᱒᱕ ᱟᱜᱚᱥᱴᱚ ᱪᱟᱱᱫᱚ ᱨᱮ "ᱟᱥᱟᱢᱤᱭᱟ ᱵᱷᱟᱥᱟ ᱩᱱᱱᱚᱛᱤ ᱥᱟᱫᱷᱳᱱᱤ ᱥᱚᱵᱷᱟ" ᱠᱚ ᱛᱮᱭᱟᱨ ᱞᱮᱫᱟ| ᱱᱤᱭᱟᱹ ᱥᱟᱶ ᱛᱮ ᱡᱚᱲᱟᱣ ᱛᱟᱦᱮᱸ ᱠᱟᱱ ᱦᱚᱲ ᱠᱚ ᱫᱚ ᱛᱟᱦᱮᱸ ᱠᱟᱱᱟ ᱞᱚᱠᱷᱢᱤ ᱱᱟᱛᱷ ᱵᱮᱡᱽ ᱵᱚᱨᱩᱣᱟ, ᱦᱮᱢ ᱪᱚᱱᱫᱽᱨᱚ ᱜᱚᱥᱥᱟᱢᱤ ᱟᱨ ᱵᱮᱱᱩ ᱫᱷᱚᱨ ᱨᱟᱡᱽ ᱠᱷᱩᱣᱟ, ᱰᱟᱞᱤᱢ ᱪᱚᱱᱫᱽᱨᱚ ᱵᱚᱨᱟ, ᱛᱤᱨᱛᱷᱚ ᱱᱟᱛᱷ ᱥᱚᱨᱢᱟ, ᱠᱚᱢᱚᱞ ᱪᱚᱱᱫᱽᱨᱚ ᱥᱚᱨᱢᱟ ᱮᱢᱟᱱ ᱠᱚ| ᱵᱟᱹᱭ ᱵᱟᱹᱭ ᱛᱮ ᱱᱚᱣᱟ ᱨᱮᱱ ᱦᱚᱲ ᱠᱚᱣᱟᱜ ᱞᱮᱠᱷᱟ ᱥᱟᱝᱜᱮ ᱤᱫᱤᱭᱮᱱᱟ| ᱢᱩᱪᱟᱹᱫ ᱨᱮ ᱯᱚᱦᱟ ᱫᱟᱨᱮ ᱯᱩᱨᱟᱹᱴᱚᱜ ᱞᱮᱠᱟ ᱟᱥᱟᱢᱤᱭᱟ ᱵᱷᱟᱥᱟ ᱩᱱᱱᱚᱛᱤ ᱥᱟᱫᱷᱚᱱᱤ ᱥᱚᱵᱷᱟ ᱑᱙᱑᱗ ᱥᱮᱨᱢᱟ ᱨᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱭᱟᱜ ᱢᱩᱛᱦᱟᱹᱱᱮ ᱦᱟᱛᱟᱣ ᱞᱮᱫᱟ|

ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱭᱟᱜ ᱯᱟᱛᱷᱟᱢ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱒᱖ ᱥᱮᱨᱢᱟ ᱠᱷᱚᱱ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱫᱚ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱯᱚᱛᱨᱤᱠᱟ ᱧᱩᱛᱩᱢᱟᱱ ᱟᱥᱟᱢᱤᱥ ᱯᱟᱹᱨᱥᱤ ᱥᱟᱶᱦᱮᱫ ᱨᱮᱭᱟᱜ ᱠᱷᱚᱱᱫᱽᱨᱚᱝᱟᱱ, ᱟᱹᱨᱤᱵᱟᱹᱸᱷᱤᱭᱟᱱ ᱚᱱᱚᱞ ᱠᱚ ᱜᱮ ᱱᱤᱭᱟᱹ ᱯᱮ ᱪᱟᱱᱫᱚᱠᱤᱭᱟᱹ ᱥᱟᱶᱦᱮᱫ ᱥᱟᱠᱟᱢ ᱨᱮ ᱫᱚ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸ ᱠᱟᱱᱟ|ᱫᱚᱥᱟᱨ ᱫᱷᱟᱹᱨᱛ᱾ ᱞᱟᱹᱲᱦᱟᱭ ᱚᱠᱛᱮ ᱱᱤᱭᱟᱹ ᱯᱟᱛᱷᱟᱢ ᱨᱮᱭᱟᱜ ᱩᱪᱷᱟᱹᱱ ᱵᱚᱸᱫᱷᱚ ᱞᱮᱱᱟ| ᱠᱚᱭᱮᱠ ᱥᱮᱨᱢᱟ ᱵᱚᱱᱫᱷᱚ ᱛᱟᱭᱱᱚᱢ ᱑᱙᱕᱔ ᱥᱮᱨᱢᱟ ᱠᱷᱚᱱ ᱟᱨᱦᱚᱸ ᱞᱮᱛᱟᱲ ᱜᱮ ᱩᱪᱷᱟᱹ ᱦᱮᱡ ᱟᱠᱟᱱᱟ|

ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱭᱟᱜ ᱪᱤᱱᱦᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱭᱟᱜ ᱱᱟᱦᱟᱜ ᱪᱤᱱᱦᱟᱹ ᱫᱚ ᱑᱙᱖᱐ ᱥᱮᱨᱢᱟ ᱨᱮᱭᱟᱜ ᱒᱘ ᱚᱠᱴᱚᱵᱚᱨ ᱨᱮ ᱥᱮᱞᱮᱫ ᱞᱮᱱᱟ| ᱱᱤᱭᱟᱹ ᱪᱤᱱᱦᱟᱹ ᱫᱚ ᱡᱜᱟᱹᱞ ᱫᱟᱥ ᱧᱩᱛᱩᱢᱟᱱ ᱪᱤᱛᱟᱹᱨ ᱵᱟᱰᱚᱦᱤᱭᱮ ᱵᱮᱱᱟᱣ ᱞᱮᱫᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]